<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың төрағалығымен жасөспірімдер арасындағы келеңсіз жағдайларды болдырмауға қатысты мәжіліс өтті. Оған аудандық мәслихат төрағасы Ержан Әжікенов, құқық қорғау органдарының басшылары мен білім қызметкерлері, «ЗУМ» арқылы ауылдық округ әкімдері, мектеп директорлары мен тәрбие ісі жөніндегі орынбасарлары қатысты.Мәжілісте аудан басшысы балаларға саналы тәрбие беру, жасөспірімдер арасындағы құқық бұзушылықтарды болдырмау мәселелері бүгінгі таңда өзекті екенін атап өтті.<blockquote>– Оқу жылындағы ІІ тоқсан аяқталып, қазір оқушылар кезекті демалыста. Олардың демалыс уақыттарын тиімді ұйымдастырып, құқық бузышылыққа жол бермеу үшін күнделікті рейд жұмыстарын тұрақты жүргізуді қатаң тапсырған болатынмын. Бұл жұмыстарды күшейту қажет, – деді Берік Әбдіғаппарұлы.</blockquote>Аудан басшысы әрбір бала үшін жайлы және қауіпсіз орта қалыптастыру бағытындағы жұмыстарды жүйелі атқаруды ескертті. Бұдан бөлек, өскелең ұрпақ пен жастарға зиялы қауым өкілдерін тарта отырып, түсіндірме жұмыстарын жүргізуді, «Аналар кеңесі», «Әкелер мектебі» мен ата-аналар комитетінің жұмысын жандандырып, бала тәрбиесіне тек ата-ана, мұғалім ғана емес, қоғам болып атсалысу керектігін тілге тиек етті. Жиын қорытындысында аудан әкімі сала басшыларына нақты тапсырмалар жүктеді.Фото: Сырдария ауданы әкімінің баспасөз қызметі

Жасөспірімдер арасында құқық бұзушылықтарды болдырмау мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;&nbsp;Қазақстандық танымал әнші Жазира Байырбекова желіде отбасы тақырыбын қозғап, көпшілікке ой салды. Бұл туралы <a href="https://kaz.nur.kz/showbiz/2209151-barin-aielge-artyp-qoiu-durys-emes-zhazira-baiyrbekova-otbasy-taqyrybynda-syr-shertti/">KAZ.NUR.KZ</a> жазады.&nbsp;Өнер иесі отбасылық өмірде бар жауапкершілікті әйелге артып қою дұрыс емес екенін алға тартты. Әнші әсерлі жазбасын Instagram-дағы парақшасында жариялаған.<blockquote>"Отбасының берекесі әйелде деп келдік. Нәзік жанды әйелге бар жауапкершілікті артып қою дұрыс емес қой, иә?! Отбасының берекесі екі адамға да байланысты", - деп жазды Жазира Байырбекова.&nbsp;</blockquote>Желі қолданушылары шоу-бизнес жұлдызының бұл пікірін қолдап, оған жылы лебізін білдірді.<blockquote>"Өте дұрыс айтасыз. Бәрі екі адамға байланысты", "Жолдасым екеуміз үй тірлігін бірге істей береміз. Береке мен бірлік деген осы болар", "Сөздеріңізбен толықтай келісемін", "Дұрыс айтасыз. Бәрін әйелге артып қою өте дұрыс емес", "Сондай жарасымды жұп. Бақытты болыңыздар", "Арада махаббат та, сыйластық та, бір біріне құрметті де болу керек", "Өте орынды айтылған", - деп жазуда көпшілік.</blockquote>Фото: Nur.kz

"Бәрін әйелге артып қою дұрыс емес": Жазира Байырбекова отбасы тақырыбында сыр шертті

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының Жарлығымен 2025 жыл жұмысшы мамандықтарының жылы болып жарияланды.&nbsp;&nbsp;Техникалық және кәсіптік білім беру жүйесін реформалауды жүзеге асыру мақсатында Үкіметпен жұмысшы мамандықтар жылын ұйымдастыру жөніндегі республикалық жоспар бекітілді, сондай-ақ Министрлікпен кәсіптік-техникалық білім беруді трансформациялаудың 2025-2027 жылдарға арналған Жол картасы қабылданды.Атап өту керек, еліміздің барлық өңірлерінде жұмысшы мамандықтарының имиджін ілгерілету, кадрлар даярлаудың сапасын арттыру, жұмыс берушілермен ынтымақтастықты кеңейту шаралары қамтылған Жұмысшы мамандықтарының жылына арналған жоспарлар әзірленді.Бүгінде Қазақстанда кәсіптік-техникалық білім беру жүйесінде 772 колледж жұмыс істейді, онда 565 мың студент оқиды. 2024 жылдың қорытындысы бойынша техникалық және кәсіптік білім берудегі мемлекеттік тапсырыс көлемі 143 мың орынды құрады, ал студенттердің стипендиясы екі есеге өсті.Іс-шаралар жоспарында өңірлік ерекшеліктер ескеріле отырып жасалған Жаңа кәсіптер мен құзыреттер атласы, техникалық және кәсіптік білім беруді трансформациялау, халықаралық деңгейдегі сертификатталған мамандарды дайындау, жұмысшы орындарын құру, жұмысшы мамандардың құқықтарын қорғау және мәртебесін көтеру қамтылған. Кәсіпорындармен бірлесіп еліміздің мектептерінде 1000 бейінді сынып ашылады.<blockquote>«Кәсіптік бағдар берудің реформасы оқушыларға еңбек нарығындағы жаңа талаптар туралы білуге, экономиканың нақты секторларындағы мансап перспективаларын бағалауға және мамандықтарды дұрыс таңдауға мүмкіндік береді. Бұл үшін мектептердегі кәсіби бағдарлау қызметі күшейтіледі, осы арқылы оқушылар толығымен кәсіби диагностикамен қамтылады. Жоғары сынып оқушыларын практикалық дағдыларға және колледждер базасында алғашқы жұмыс кәсібіне оқыту тәжірибесі енгізіледі», - деп атап өтті оқу-ағарту министрі Ғани Бейсембаев.</blockquote>Мемлекет колледжерді жан басына шаққандағы қаржыландырудың жаңа нормативін қабылдады. Қазіргі уақытта бір студентті оқытуға бөлінетін қаражаттың орташа мөлшері 437 мың теңгені құраса, келесі оқу жылынан бастап нақты көрсеткіштерге жеткен колледждер үшін ол орташа есеппен 912 мың теңгені құрайтын болады.<blockquote>«Бәсекеге қабілетті мамандар даярлау, білім ұйымдарын заманауи материалдық-техникалық құралдармен жабдықтау және педагогтердің біліктілігін арттыру біз үшін басты басымдық», – деді оқу-ағарту министрі.&nbsp;</blockquote>Дуальды оқыту жүйесін дамыту және кәсіпорындардың мақсатты тапсырысы негізінде мамандар&nbsp; даярлау үшін бизнес-құрылымдар мен инвесторларды белсенді түрде тарту жоспарлануда.Қазіргі уақытта колледждерге 518 кәсіпорын шефтік қамқорлық көрсетеді, олардың санын 4 мыңға дейін жеткізу жоспарлануда, кәсіптік стандарттардың, МЖМБС және WorldSkills стандарттарының талаптарын ескере отырып, 8 мыңға жуық білім беру бағдарламасы әзірленді. Биыл колледждер мен жұмыс берушілер 2 мыңнан астам білім беру бағдарламасын дайындайды, сондай-ақ өндірістік базада 1,5 мың педагогтің тағылымдамадан өтуі жоспарлануда.Техникалық және кәсіптік білім беруді трансформациялау барысында Қазақстанның 10 колледжі интернационалдандырылады.Шетелдік колледждермен тәжірибе алмасу педагогтердің&nbsp; кәсіби құзыреттіліктерін арттыруға, сондай-ақ студенттердің академиялық ұтқырлық шеңберінде өз білімдерін жетілдіруіне мүмкіндік береді.Мемлекет басшысы бастамашылық еткен Жұмысшы мамандықтарының жылы аясында Астанада техникалық және кәсіптік білім беру студенттерін қолдау және дамыту үшін Ұлттық құзыреттілік орталығы құрылады.<blockquote>«Орталық студенттердің кәсіби құзыреттіліктері мен дағдыларын дамытуға ықпал етеді, сондай-ақ мамандарды қайта даярлау, олардың біліктілігін арттыру және WorldSkills чемпионаттарын өткізу базасына айналады», – деп атап өтті Ғани Бейсембаев.&nbsp;</blockquote>Жұмысшы мамандықтар жылындағы маңызды шаралардың бірі - биылғы жылы Ақтау қаласында түркітілдес елдер арасында Turkiskills – 2025 алғашқы кәсіби шеберлік чемпионаты өтеді.

Жұмысшы мамандықтарының жылы: Қазақстанда техникалық және кәсіптік білім беруді трансформациялау басталды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Қазалы аудандық прокуратурасы ғимаратының &nbsp;ашылу рәсімі өтті.&nbsp;Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мархабат Жайымбетов, Мұрат Ергешбаев, Мұрат Әбенов, облыс прокуроры Ризабек Ожаров және зиялы қауым өкілдері, кент тұрғындары қатысты.<blockquote>«Бүгін өздеріңізбен бірге Әйтеке би кентіндегіаудандық прокуратура ғимаратының ашылуына куә болудамыз. Бұған дейін прокуратура қызметкерлері аудан орталығынан ғимарат жалға алып, пайдаланып келді. Енді, міне, сәулетті, заман талабына сай, жаңа ғимаратқа ие болды. Прокуратура қызметкерлері еліміздегі конституциялық тәртіп пен заңдылықтың сақталуы, азаматтардың құқықтарын қорғау мен заңсыздықтарды жою жолында бар күш-жігерін жұмсап, қызметтерін адал атқара береді деп сенемін. Баршаңызды аудандық прокуратура ғимаратының ашылуымен шын жүректенқұттықтаймын! Әділетті Қазақстан құру жолындағы ізгі мақсат-мұратымызға адал еңбекпен, бекем бірлікпен, тату тірлікпен, толайым жетістікпен жете берейік! Жаңа жыл әр шаңыраққа бақ-береке әкелсін! Еліміз аман, жұртымыз тыныш болғай!»,– деді аймақ басшысы.</blockquote>Іс-шарада ауданың өркендеуіне үлес қосқан ардагерлер, құқық қорғау саласының қызметкерлерімен құрылыс мекемесінің мамандары марапатталды.Парламент Сенатының депутаты Наурызбай Байқадамов, облыс прокуроры Ризабек Ожаров рәсімге келушілерді құттықтады, Қызылорда облысының Құрметті азаматы Самұрат Имандосов батасын берді. Айта кетейік, Қазалы ауданында экономиканың барлық саласында тұрақты өсім қалыптасып, даму көрсеткіштері ілгеріледі. Айтулы істер мен жарқын жобалар жүзеге асты.Өткен жылдың басында аудан бюджеті 10 млрд. 800 млн. теңге болса, жыл қорытындысымен 18 млрд. 946 млн. теңгеге жетіп, 70 пайызға өсті. Бұл қаржы тұрғындардың өзекті деген мәселелерін шешугебағытталуда.Қазан айында елдің тұтастығын, береке-бірлігін, ынтымағын ту етіп көтерген тарихи тұлғалар Әйтеке бидің 380 жылдығы мен Жанқожа Нұрмұхаммедұлының 250 жылдығы кең көлемде аталып өтті. Сол кезде 148 отбасыға жаңа баспана кілті табысталып, «Әмір Арена» спорт кешені ел игілігіне пайдалануға берілді, Абай ауылы «көгілдір отынға» қосылды.«Жайлы мектеп» ұлттық жобасы аясында Жанқожа батыр ауылында 300 орындық мектеп құрылысы қарқынды жүргізілуде. Алдағы ақпан айында пайдалануға беріледі. Ал «Руханият» орталығы сәуір айында ел игілігіне айналмақ.«Ауыл – ел бесігі» бағдарламасы аясында Әйтеке би кенті, Бекарыстан би және Қожабақы ауылдарында 3 спорт кешені және «Майдакөл» ауылында 100 орындық ауылдық клубтың құрылысы жүргізілуде.«Кәукей» ауылындағы 100 орындық клуб өткен аптада іске қосылды.Былтыр ауыл арасындағы, елді мекенішілік жолдардың жағдайын жақсару бағытында бірқатар жұмыс жасалды. Бүгінде жақсы және қанағаттанарлық жағдайдағы жолдардың үлесі 88,2 пайызға жетті.Фото: Қызылорда облысы әкімінің баспасөз қызметі

Қазалы аудандық прокуратурасының ғимараты пайдалануға берілді

<a href="https://kyzylorda-news.kz/">Kyzylorda-news.kz</a> &nbsp;Аманөткел ауылдық округіне қарасты Ақшатау ауылында 60 орындық негізгі мектеп ғимаратының ашылу салтанаты өтті. Оған облыстық мәслихат төрағасы Мұрат Тілеуімбетов, облыстық білім басқармасының басшысы Асқарбек Есжанов және Арал ауданының әкімі Аманжол Оңғарбаев қатысып, жиналған жұртшылықтың қуанышымен бөлісті.Жергілікті жұрттың көптен күткен қуанышты сәтінде сөз алған облыстық мәслихат төрағасы Мұрат Жолкелдіұлы аймақ дамуының негізгі көрсеткіштеріне тоқталып, білім саласы бойынша атқарылған жұмыстар легін қысқаша баяндады.<blockquote>– «Қадірлі қауым, құрметті жерлестер! Ең алдымен Сіздерді жаңа жылдарыңызбен құттықтаймын. Міне, өздеріңізбен жылдың басындағы жағымды жаңалықпен жүздесіп тұрмыз. Қуаныштарыңыз ұзағынан болсын. Бүгін өздеріңіз естіп, біліп отырғандай аудан көлемінде біршама әлеуметтік нысандарды ел игілігіне пайдалануға беріп, аймақ басшысы жұртшылықтың қуанышына ортақтасты. Өздеріңізге облыс әкімі Нұрлыбек Машбекұлының сәлемін жеткізе келіп қалдық. Біз ең алдымен әрбір ауылдың баласы сапалы білім, саналы тәрбие алғанын ойлаймыз. Аймақ басшысының да тілегі сол. Сол бастама аясында қолдау тапқан бүгінгі жұмыстар өз нәтижесін беруде. Елдегі мердігер есебінен салынған мектеп ғимараты ауыл балаларын түгелдей қамтитындай мүмкіндікке ие. Біз бұл арқылы бұған дейінгі бастауыш мектеп ретінде жұмыс жасап келген білім ошағының мәселесін шешетін боламыз. Енді ауыл балалары бастауыш сыныпты аяқтаған соң аудан орталығына немесе басқа ауылға бармай оқуларын осы жерде, өз үйлерінен қатынап жалғастыратын болады. Жаңа ғимарат ел кәдесіне жарай берсін. Ауылдағы алтын ұядан елге белгілі азаматтар түлеп шығуына тілекшіміз! Ел іргесі берік, Тәуелсіздігіміз тұғырлы болсын! Жаңа мектептеріңіз құтты болсын!» – деді облыстық мәслихат төрағасы М.Тілеуімбетов.</blockquote>Айта кету керек, Ақшатау елді мекенінде 1-9 сыныпта оқитын 46 оқушы бар. Оның ішінде 1-4 сыныптарда 11 бала, 5-9 сынып аралығындағы 35 оқушы Аманөткел елді мекеніндегі №73 мектеп жанындағы интернатта, Қамыстыбас елді мекеніндегі №21 жанындағы интернатта және 19 бала Әйтеке би кенті мен Арал қаласында туыстарының үйінде жатып оқиды. Елді мекенде 0-6 жас аралығында 20 бала бар. Ауылдан негізгі мектеп ашылған жағдайда 13 мұғалім жұмыс жасайтын болады.Ақшатау елді мекенінің Аманөткелдегі мектеп жанындағы интернатқа жатқызылған 5-11 сыныптардағы оқушылары апта сайын үйлеріне апарып және алып қайтатын уақытта дария үстіндегі қалқымалы көпірден өтеді. Көктем және қыс айларында мұз қату және сең жүрген уақыттарда жол қатынасы қиындап, 25 шақырым жолдың орнына маңайдағы Ескіұра және Қызылжар елді мекендері арқылы 75 шақырым жолды айналып өтуге мәжбүр болады. Енді сол қиындықтардың барлығы артта қалады. Жаңа мектеп спорт зал, акт залы, асхана және кітапханалар мен жекелеген пәндік кабинеттермен жабдықталған. Балалар ІІІ тоқсаннан бастап білім алатын болады.Ел кәдесіне жарайтын еңселі мектеп ең алдымен аймақ басшысының айрықша қолдауы нәтижесінде мүмкін болып отыр. Жаңа ғимаратта ауыл балаларына емін-еркін білім алуға толық жағдай қарастырылған. Жалпы құны 350 млн. теңгені құрайтын білім ордасы жеке кәсіпкер А.Жалғасбаевтың жеке қаражаты есебінен салынды. Мектеп ғимаратын мемлекет қаржысы есебінен сатып алу жұмыстары аяқталды.Ел-жұрт асыға күткен еңселі ғимараттың ашылу салтанатында ауылдың әлеуметтік-экономикалық дамуына айрықша үлес қосқан бір топ азаматтар облыс әкімінің арнайы Алғыс хатымен марапатталды.Келген қонақтар жаңа мектептің лентасын қиып, ғимарат ішін аралап көрді. Көрнекі құралдармен жабдықталған пәндік кабинеттерді аралап, білім ошағында ел-жұртпен пікірлесті.Фото: Арал ауданының әкімдігі

Ақшатауда жаңа мектеп пайдалануға берілді

<a href="https://kyzylorda-news.kz/">Kyzylorda-news.kz</a> &nbsp;2024 жылдың қорытындысы бойынша 55,1 миллиард теңге көлемінде артық шығынның алдын алды. Талдау барысында Қызылорда облыстық филармониясы картинаны сегіз есе қымбат бағаға сатып алмақ болғаны анықталды. Бұл туралы <a href="https://stan.kz/bir-kartina-20-min-tenge-kizilorda-oblistik-filarmoniya-412139/">Stan.kz</a> ақпарат агенттігі хабарлайды."2024 жылдың қорытындысы бойынша 55,1 миллиард теңге көлемінде артық шығындардың алдын алды. Оның 26 миллиард теңгесі бюджетке қайтарылған, қалған соманы тапсырыс берушілер қайта қарап, жоспарланған бағаларды төмендеткен немесе сол сомаға сатып алынатын тауарлар санын көбейткен",&nbsp; – делінген агенттік хабарламасында.Агенттік дерегінше, Солтүстік Қазақстан облысында 230 миллион теңгенің заңсыз шығынының алдын алды. Петропавл қаласындағы телемұнараға жарықдиодты жабдықтарды орнату жұмыстары төтенше жағдайларды жою сылтауымен жүргізілгені белгілі болды. Алайда, бұл жұмыстардың төтенше жағдаймен еш байланысы болмаған. Соңында келісімшарт бұзылып, бюджетке қаражат қайтарылды.Қарағанды облысындағы мамандандырылған музыкалық мектеп-интернат 18 мың бөтелке үстел сірке суын 9 миллион теңгеге сатып алуды жоспарлаған. Бұл көлем мекеменің (барлығы 460 адам) қажеттілігінен әлдеқайда жоғары болған. Бұған қоса бір бөтелкенің құны нарықтағы 300 теңгенің орнына 500 теңгеге бағаланған. Бұл шығынды 3,5 миллион теңгеге арттырған. Антикордың араласуынан кейін сатып алу тоқтатылып, бюджетке 9 миллион теңге үнемделді.Ал Қызылорда облыстық филармониясы 300 қабырға картинасын 48 миллион теңгеге (әрқайсысы 160 мың теңгеден) сатып алуды жоспарлаған. Нарықтағы орташа баға бір картинаға 20 мың теңге екенін ескерсек, жалпы артық шығын 42 миллион теңге болған.Антикордың ұсынысынан кейін бұл сатып алу да тоқтатылып, қаражат бюджетке қайтарылды.Фото: pixabay.com

Біреуі 20 мың теңге: Қызылорда облыстық филармониясы картинаны сегіз есе қымбат бағаға сатып алмақ болған 

<a href="https://kyzylorda-news.kz/">Kyzylorda-news.kz</a> &nbsp;Су ресурстары және ирригация министрлігі 6 облыс әкімдігімен бірлесіп елді мекендерді көктемгі су тасқынынан қорғау мақсатында 56 жобаны іске асырып жатыр, деп хабарлайды <a href="https://baq.kz/elimizdin-84-eldi-mekeninde-su-tasqynynan-qorgau-boyynsha-56-zhoba-iske-asyryluda-200005051/">BAQ.KZ.</a>Ақмола, Ақтөбе, Батыс Қазақстан, Павлодар, Солтүстік Қазақстан және Қостанай облыстарында 580 мың тұрғыны бар 84 елді мекеннің қауіпсіздігін қамтамасыз ету жоспарланып отыр.Жобалар аясында жалпы ұзындығы 310 шақырым бөгет салу қарастырылған. Бүгінгі таңда бұл жұмыстардың шамамен 40%-ы орындалды.<blockquote>Осыған дейін министрліктің бассейндік инспекциялары ТЖМ және әкімдіктермен бірлесіп еліміз бойынша 1502 гидротехникалық құрылысқа зерттеу жүргізді. Тексеріс қорытындысы бойынша гидротехникалық құрылыстардың иелеріне анықталған кемшіліктерді жою бойынша ұсыныстар берілді. Көктемгі су тасқынын қабылдау үшін бос сыйымдылықтарды қамтамасыз ету мақсатында еліміздің солтүстігі, батыс, шығыс және орталық аймақтарындағы су қоймаларынан су жіберу жұмысы жалғасуда, – деді Су ресурстары және ирригация вице-министрі Ерболат Ибрайханов.</blockquote>Фото: Су ресурстары және ирригация министрлігі

Елімізде су тасқынынан қорғау бойынша 56 жоба іске асырылуда

<a href="https://kyzylorda-news.kz/">Kyzylorda-news.kz</a> &nbsp;"ҚазАвтоЖол" республикалық автожолдағы ауа райына қатысты мәлімдеме жасады, деп хабарлайды <a href="https://baq.kz/qazavtozhol-zhurgizushilerge-respublikalyq-zholdagy-aua-rayynyn-qolaysyzdygyn-eskertedi-200005054/">BAQ.KZ.</a>Бүгін Алматы, Абай, Ақмола, Ақтөбе, Батыс Қазақстан, Жамбыл, Жетісу, Павлодар, Түркістан, Солтүстік Қазақстан, Қарағанды, Қостанай және Шығыс Қазақстан облыстарының кей жерлерінде қар жауады деп күтілуде.<blockquote>Сол себепті жүргізушілерге қауіпсіздік ережелерін қатаң сақтап, жолдағы ауа райының қолайсыздығын ескеруді сұраймыз, - делінген хабарламада.</blockquote>Фото: pixabay.com

"ҚазАвтоЖол" ауа райының қолайсыздығына байланысты ескерту жасады

<a href="https://kyzylorda-news.kz/">Kyzylorda-news.kz</a> Бұл туралы Қызылорда облыстық полиция департаментінің баспасөз қызметі<a href="https://kaz.inform.kz/news/kizilordada-zhuk-kolgnn-trkemes-politsiyanin-kizmettk-avtokolgnn-ustne-kuladi-c31501/"> хабарлады.</a>Оқиға 7 қаңтарда «Самара-Шымкент» тас жолының Қызылорда қаласына қарасты Талдыарал елді мекенінің тұсында болған. Сол аумақта Қызылорда облыстық полиция департаменті патрульдік полиция ротасының екі қызметкері жұмысын атқарып жүрген болатын.<img src="https://knadmin.beoblood.kz/uploads/2_b16848bb1b.jpg" alt="2.jpg"> Фото: Қызылорда облыстық полиция департаменті<blockquote>- Олар бекітілген аймағында екі автокөліктің соқтығысумен болған жол-көлік оқиғасын рәсімдеп, автокөлікке отырған cәтте «MАN» жүк көлігінің жүргізушісі басқару жүйесіне ие бола алмай қарсы бағытта келе жатқан «ГАЗель» эвакуаторын және «Лексус» көлігін соққан. Ал жүк көлігінің артындағы тіркемесі полицияның қызметтік автокөлігінің үстіне құлаған. Көліктің жүргізушісі, жолаушысы, екі полиция қызметкері түрлі дене жарақатымен ауруханаға жатқызылды. Бұл іс бойынша сотқа дейінгі тергеп-тексеру әрекеттері жүргізілуде. Оның нәтижесі бойынша процестік шешім қабылданады, - деп мәлім етті Қызылорда облыстық полиция департаментінен.</blockquote>Фото: Kazinform

Қызылордада жүк көлігінің тіркемесі полицияның қызметтік автокөлігінің үстіне құлады 

<a href="https://kyzylorda-news.kz/">Kyzylorda-news.kz</a> &nbsp;Ауа райына байланысты Алматы халықаралық әуежайында бірқатар рейс кешігіп ұшады, – деп хабарлайды <a href="https://kaz.inform.kz/news/almati-auezhayinda-brkatar-reys-keshgp-zhatir-bc9f25/">Қазақпарат.</a>Бұл туралы Алматы әуежайының баспасөз қызметі мәлімдеді. Ұшу уақыты кейінге шегерілген рейстер қатарында «Алматы-Астана», «Алматы-Шымкент» және өзге де бағыттар бар.– 2025 жылдың 8 қаңтарында қолайсыз ауа райы жағдайларына (қар жауу, тұман) байланысты кейбір ұшып кету рейстері кейінгі уақытқа ауыстырылды,&nbsp;– деп хабарлады әуежайдан.Еске салайық, бұған дейін төрт облыста көлік қозғалысы қайта жанданатынын жазғанбыз.&nbsp;Сондай-ақ Алматының коммуналдық қызметі күшейтілген жұмыс режиміне көшкенін жазған едік.Фото: Мухтор Холдорбеков (Казинформ)&nbsp;

Алматы әуежайында бірқатар рейс кешігіп жатыр

<a href="https://kyzylorda-news.kz/">Kyzylorda-news.kz</a> Жыл сайын ҚР Үкіметінің қаулысы негізінде мемлекеттік әлеуметтік жәрдемақылармен бірге Қордың ұзақ мерзімді төлемдері де өседі. 2025 жылдың 1 қаңтарынан бастап еңбекке қабілеттілігінен айырылуы және асыраушысынан айырылуы жағдайларына тағайындалатын әлеуметтік төлемдер 6,5 %-ға арттырылады. Бұл туралы Өңірлік коммуникациялар қызметінің баспасөз алаңында&nbsp; Қызылорда облысы бойынша «Мемлекеттік әлеуметтік сақтандыру қоры» АҚ филиалының директоры&nbsp; Гүлсім Денеева мәлімдеді.<blockquote>– Қызылорда облысы бойынша 3233 алушыға еңбекке қабілеттілігінен айырылған жағдайға және 2746&nbsp; асыраушысынан айырылған жанұяға төлемдер мөлшері ұлғайтылды. Бұдан басқа Қазақстан Республикасының Әлеуметтік кодексіне сәйкес бала бір жарым жасқа толғанға дейін оның күтіміне байланысты ай сайынғы әлеуметтік төлемнің мөлшері ұсталуға жататын міндетті зейнетақы жарналарын қосымша есептей отырып, бала туу кезектілігіне қарай белгіленген бала күтіміне байланысты мемлекеттік жәрдемақының мөлшерінен кем болмайды.&nbsp; Осыған байланысты, 2025 жылғы 1 қаңтардан бастап Қызылорда облысы бойынша осы төлем 6 230 алушыға арттырылады, – деді Гүлсім Жұмағалиқызы.</blockquote>Отандық еңбек нарығында болып жатқан өзгерістерді ескере отырып, атап айтқанда, «платформалық жұмыспен қамту» сияқты жұмысқа орналастырудың жаңа түрі кеңінен тарала отырып, әлеуметтік аударымдар төленуі тиіс тұлғалар санаты да кеңеюде.

Сақтандыру қорынан кейбір әлеуметтік төлемдер мөлшері арттырылады

<a href="https://kyzylorda-news.kz/">Kyzylorda-news.kz</a> мен Өзбекстан Сырдария өзенінің суын есепке алуды автоматтандыру үшін техникалық тапсырма әзірлеу жөнінде келісімге келді, деп хабарлайды <a href="https://baq.kz/qazaqstan-men-ozbekstan-syrdariyadagy-su-kolemin-esepke-aludy-avtomattandyru-zhoninde-kelisimge-keldi-200005041/">BAQ.KZ.</a>Еске сала кетейік, осыған дейін Қазақстан мен Өзбекстан Сырдария өзенінің бассейнінде автоматтандырылған суды есепке алу жүйесі орнатылатын 10 учаскені анықтаған болатын. Олардың 5-еуі еліміздің аумағында, тағы 5 учаске Өзбекстан аумағында.Бүгінгі таңда тараптар халықаралық қаржы ұйымдарымен келіссөздер жүргізуде. Жоба бойынша жалпы техникалық тапсырманы халықаралық ынтымақтастық жөніндегі Герман қоғамы (GIZ) әзірлейді.Бүгінгі таңда автоматтандырылған суды есепке алу жүйесі орнатылатын алғашқы 10 учаске анықталғанын атап өтеміз. Жалпы, біз барлық негізгі су бекеттерін автоматтандыруды және су есебінің толық ашықтығын қамтамасыз етуді жоспарлап отырмыз. Бұл мәселені біз қырғыз және тәжік әріптестерімізбен де келіссөздер барысында белсенді түрде алға тартудамыз, – деді Су ресурстары және ирригация вице-министрі Нұрлан Алдамжаров.Фото: Су ресурстары және ирригация министрлігі

Қазақстан және Қызылорда облысының жаңалықтары