<a href="https://kyzylorda-news.kz/">Kyzylorda-news.kz</a> Ұлыстың Ұлы күні – Наурыз мейрамы қарсаңында аймақ басшысы Нұрлыбек Нәлібаевтың қатысуымен Қазалы ауданының Ақтан батыр ауылын табиғи газға қосу рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, &nbsp;Мұрат Ергешбаев және зиялы қауым өкілдері мен ел ағалары қатысты.Облыс әкімі тұрғындарды Наурыз мейрамымен, көптен күткен қуаныш – ауылға "көгілдір отын" келуімен құттықтады.<blockquote>«Ұлыстың Ұлы күні Сыр жеріне толайым жаңалықтарымен жетті!&nbsp; Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ &nbsp; жұртшылығының мерейін асқақтатты.&nbsp; Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті.&nbsp; Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.&nbsp; Президентіміздің, Үкіметтің ерекше қолдауымен қолға алынған, іске асқан байыпты бастамаларымыз бен жасампаз жобаларымыздың игілігін халық көруде. Өткен жылы облыс бюджеті 750 млрд теңгеден асып, &nbsp;екі жарым жыл бұрынғы көрсеткіштің өсімін 206 пайызға жеткіздік. Президентіміздің қолдауымен бүгінде Қызылорда қаласы ыстық сумен қамтамасыз етілуде. Алдағы жылу беру маусымында &nbsp;көпқабатты тұрғын үйлерге ыстық су толық қосылады. Газдандыру жобаларына 30 млрд теңгеден астам қаржы бағытталды, 330 шақырым газ желілері салынды. Халықты газбен жабдықтау көрсеткіші 78 пайызға өссе, жыл соңына дейін 82 пайызға жеткіземіз. Өздеріңізбен бірге Ақтан батыр ауылын табиғи газға қосамыз. Елдің дамуы &nbsp;ауылдан, ауылдың гүлденуінен басталады. Ауылдарыңызға келген "көгілдір отын" халықтың тұрмыс сапасын арттырып, ауылдың әлеуметтік жағдайын жақсартуға оң ықпалын тигізеді деп сенеміз. Мереке барша отбасына бақыт пен шаттық әкелсін!», - деді Н.Нәлібаев.</blockquote>Салтанатты шарада ауданның әлеуметтік-экономикалық дамуына үлес қосқан алдыңғы буын ағалар мен бірқатар азаматтар облыс әкімінің Алғыс хатымен марапатталып, &nbsp;Парламент Мәжілісінің депутаты Мұрат Ергешбаев құттықтауын жеткізді.Биыл облыс аумағындағы барлық елді мекен орталықтандырылған ауыз сумен 100 пайыз қамтамасыз етіледі. Тұрғындарды электр энергиясымен қамту бағытында &nbsp;11 млрд теңгеге 38 жоба жүзеге асырылуда.Өткен жылы аймағымыздың жол құрылысын дамытуға 44 млрд 703 млн теңге бөлініп, 300 шақырымнан астам жол жөндеуден өтті. Нәтижесінде жақсы жағдайдағы жолдардың үлесі 92 пайызға жетті. Биыл 329 шақырым жол жөнделіп, жақсы жағдайдағы жолдардың үлесі 95 пайызға жетеді. Республикалық маңызы бар «Қызылорда-Жезқазған» автомобиль жолын қайта жаңғырту жұмыстары жалғасуда. Облыс аумағындағы 216 шақырымның 151 шақырымы аяқталып, ел игілігіне пайдалануға берілді. Қосымша 30 шақырымына екі қабатты асфальт жабындысы төселді. Жоба биыл толық аяқталады. Көлік-логистика саласында да жетістіктер көп. Мемлекет басшысының қолдауымен "Қорқыт Ата әуежайының" жаңа терминалы ашылды. Жобаны іске асыруға Президентіміздің тікелей тапсырмасына сәйкес "Болат Өтемұратов қоры" 16 млрд 600 млн теңге инвестиция салды. Жергілікті бюджеттен инженерлік-коммуникациялық инфрақұрылымға 4 млрд 300 млн теңгеден астам қаражат бөлінді. «Қазақстан Темір Жолы» компаниясы және жергілікті кәсіпкерлер демеушілігімен теміржол вокзалы күрделі жөндеуден өтті. Қызылорда қаласында заманауи үлгідегі автовокзал &nbsp;пайдалануға берілді.Мемлекет басшысының, Үкіметтің қолдауымен аймақ қарқынды құрылыс алаңына айналды. Облыста 126 млрд. 809 млн теңгеге 180 жобаның құрылысы жүруде.Фото: Қызылорда облысы әкімінің баспасөз қызметі

Қазалы ауданындағы Ақтан батыр ауылы газға қосылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Қазалы ауданының Жанқожа батыр ауылында «Жайлы мектеп» ұлттық жобасымен салынған 300 орындық жаңа мектептің салтанатты ашылу рәсімі өтті. Оған &nbsp;Парламент Сенаты мен Мәжілісінің депутаттары Руслан Рүстемов, &nbsp;Мұрат Әбенов, Мархабат Жайымбетов, &nbsp;Мұрат Ергешбаев &nbsp;және &nbsp;зиялы қауым өкілдері мен ел ағалары қатысты.Аймақ басшысы ауыл тұрғындарын Наурыз мейрамымен және жайлы мектептің ашылуымен құттықтады.<blockquote>«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты.&nbsp; Біз қоғамда ұстаз беделін, ұрпақ білімін арттыруға әркез мүдделіміз. Тұрақты қолдаудың арқасында өңіріміздің білім саласы толағай табысқа жетті. &nbsp;Сәулеті мен келбеті келіскен жаңа мектептер бой көтерді. Биыл білім саласының бюджеті &nbsp;308 млрд 134 млн теңгені құрап, өткен жылмен салыстырғанда 16,9 пайызға артты. Өткен жылы аймағымызда 6 мектеп бой көтеріп, 5 мектепке қосымша ғимарат салынып ел игілігіне табысталды. Нәтижесінде Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді. Жаңа мектептердің ашылуы – бұл жәй ғана ғимараттардың салынуы емес, &nbsp;жаңа дәуірде білім алатын озат оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 орынға арналған 10 мектептің құрылысы басталып, оның алғашқы 900 оқушыға арналған мектебін облыс орталығынан өткен жылы қазан айында табыстадық. Жыл басында Жаңақорған ауданында 300 және 600 орындық екі, Арал қаласында 300 орындық және Қызылорда қаласында 600 орындық жайлы мектептерді пайдалануға бердік. Жыл көлемінде тағы 4 жайлы мектептің құрылысын аяқтаймыз. Міне, Қазалы ауданына қарасты Жанқожа батыр ауылында «Самұрық-Қазына» акционерлік қоғамының үйлестіруімен жүзеге асқан, құны 2,6 млрд. теңге болатын 300 орындық жайлы мектепті табыстауға жиналдық. Жаңа нысанды салу арқылы апатты жағдайда деп танылған №94 орта мектептің мәселесін толығымен шештік. Енді жасампаз істердің жаршысы болар балаларымыз қолайлы әрі қауіпсіз, заманауи жабдықталған, кең әрі жайлы мектепте білім алады. Бұның барлығы жас ұрпақтың игілігі үшін жасалуда. Ел іргесі биік, Тәуелсіздігіміз тұғырлы болғай!», - деді Н.Нәлібаев.</blockquote>Салтанатты шарада &nbsp;тынымсыз еңбегімен ауданның әлеуметтік-экономикалық дамуына, заманауи мектептің құрылысын салуға үлес қосқан азаматтар облыс әкімінің Алғыс хатымен марапатталды.Парламент Мәжілісінің депутаты Мұрат Әбенов жиналған қауымды құттықтап, Қызылорда облысының құрметті азаматы Самұрат Имандосов ақ батасын берді.Биыл «Білім беру инфрақұрылымын қолдау қоры» есебінен Арал ауданының Жалаңаш ауылынан 150 орындық мектеп салынады.Былтыр 3 млрд 100 млн теңгеге 8 мектеп ғимаратына күрделі жөндеу жүргізілді. Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның ішінде, биыл 9 мектеп күрделі жөндеуден өтеді.Фото: Қызылорда облысы әкімінің баспасөз қызметі

Қазалы ауданының Жанқожа батыр ауылында 300 орындық жайлы мектеп ашылды

<a href="https://kyzylorda-news.kz/">Kyzylorda-news.kz</a> Биыл бірінші сыныпқа өтініш қабылдау 1 сәуірде басталып, 2025 жылдың 31 тамызына дейін жалғасады,&nbsp;деп хабарлайды&nbsp;<a href="https://el.kz/elimizde-birinshi-synypqa-quzhattar-qabyldau-qashan-bastalatyny-belgili-boldy_400017276/">El.k</a>z&nbsp;ақпарат агенттігі.ҚР «Білім туралы» заңына сәйкес, 1-сыныпқа ата-анасының өтініші бойынша балалар 6 жастан бастап қабылданады. Құжаттарды мемлекеттік egov.kz электрондық үкіметі, жергілікті атқарушы органдардың ақпараттық жүйелері арқылы, сондай-ақ қағаз нұсқада 1 сәуір – 31 тамыз аралығында тапсыруға болады, – делінген хабарламада.Қазақстан азаматтары үшін жалпы білім беретін орта мектепке қабылдауға қажетті құжаттар тізімі:<ul><li>ата-ананың немесе заңды өкілінің өтініші;</li><li>№065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты;</li><li>өлшемі 3х4 см сурет (2 дана)</li></ul>Шетел азаматтары үшін:Ата-аналар немесе басқа заңды өкілдер Қазақстанда уақытша немесе тұрақты тұруы керек. Шетелдіктер мектепке Қазақстан Республикасында тұрақты тұру құқығы туралы және тұрғылықты жері бойынша тіркеу туралы құжаттарды ұсынуы керек.Өтініш демалыс және мереке күндерді қоспағанда, дүйсенбіден жұмаға дейін қабылданады.<blockquote>Құрметті ата-аналар! Құжаттарды тапсыруды соңғы күндерге қалдырмай, балаңызды мектепке беруді алдын ала ойластыруға шақырамыз! – деп еске салды комитет өкілдері.</blockquote>Фото: Нұрболат Нұржаубай

Елімізде бірінші сыныпқа құжаттар қабылдау қашан басталатыны белгілі болды

<a href="https://kyzylorda-news.kz/">Kyzylorda-news.kz</a> Өзбекстан 2 миллион долларға өзінің алғашқы адам тәрізді роботы — “Do‘ppi bot” жасауды жоспарлап отыр, деп <a href="https://kaz.inform.kz/news/ozbekstan-adamga-uksas-robot-zhasamakshi-5b64b7/">хабарлайды</a> Aniq.uz.Роботты жасау үшін елдің ең үздік жастары мен Қытайдың мамандары тартылады. Робот жасанды интеллектпен жабдықталған, өзбек тілінде сөйлейді және кез келген тапсырманы – ең бастысы, палау пісіруді еш қиындықсыз орындай алады.Сайттың жазуынша, заманауи технологияларда өзбектерді палаудан айыра алмайды.Еске сала кетейік, Туристер әз-Наурызды бірден екі елде – Қазақстан мен Өзбекстанда қарсы алады.&nbsp;Кувейт киногерлері Өзбекстанда «Мәмлүктер тарихы» атты фильм түсірмек.Өзбекстандық қазақ боксшы Golden Boy промоушенімен келісімшартқа отырды.Фото: aniq.uz

Өзбекстан адамға ұқсас робот жасамақшы

Жол активтері сапасы ұлттық орталығының оңтүстік аймақтарындағы филиал ұжымдары биыл Ұлыстың ұлы күнін Қасқасу тау бөктерінде ерекше атап өтті. Әсем табиғат аясындағы дүбірлі тойға Қызылорда, Жамбыл, Түркістан облыстары мен Шымкент қаласының жолшылары жиылды. Жер бетіндегі тіршілік атаулы оянып, жаңару мен жаңғыру айы, ұлтымыздың ұлық мерекесі әз-наурыз әр өңірден келген әріптестердің жыл сайын асыға күтетін мейрамы. Мән-маңызы зор ауқымды шараға «ЖАСҰО» РМК бас директорының орынбасары Арман Мерекеұлы арнайы қатысып, барша әріптестерді ұлыстың ұлы күнімен құттықтап, ізгі тілегін жеткізді.&nbsp; Ашық аспан астындағы наурыз-думанда жолшылар ұлтымыздың болмысын айшықтайтын ескі әдет-ғұрпты жаңғыртып, салт-дәстүрін дәріптеп, ұлттық спорт түрлерінен сайысқа түсті. Әсіресе, қазақылықтың қаймағы бұзылмаған Сыр өңірінің жолшылары өзгелерден оза шауып, қай сыннан да сүрінбей өтіп, көпке үлгі көрсетті. Филиал директоры Мақсат Асхатұлы бастаған ұжым спорт пен өнерден алдына жан салмады. Сөзімізге тұздық, асық ату жарысында мергендігімен көзге түскен Нұржан Бегжігітов оңтүстікте өзіне тең келер ешкім жоқ екенін дәлелдеп, жеңімпаз атанды. Ал ләңгі тебуден алпыстың белесін бағындырған ардагеріміз Жахан аға жастардан қалыспай екінші орыннан көрінсе, Ғалымжан Төремұратов жүлделі үштікті түйіндеді. Арқан тарту бәсекесінде де жігіттер намысты қолдан бермей, қол жүлдегер атанды. Ал ең басты ер азаматтың күш-жігері сыналатын қошқар көтеру сайысында қызылордалық жас маман Әділет Айтмағанбет 70 рет шімірікпестен көтеріп, ең мықты жолшы атанды. Жігіттер спорттан олжалы болса, қыздар жағы көркімен көпті баурап алды. Ең әсем ұлттық киім номинациясында Аида Үрістембекова 1-орын иеленді. Мерекелік кешке жайылған ақ дастархан басында қызылордалықтар сәлемдесу мен арнау айту байқауынан да елді тамсандырып, әріптестердің ыстық ықыласына бөленді.&nbsp; Осылайша, Сыр өңірінің ұжымы Қасқасу баурайындағы наурыз тойының көркін қыздырып, көпті өнерімен тәнті етті.

Оңтүстік өңірлердің жолшылары Наурыз мерекесін тойлады

Бүгін облыс әкімі Нұрлыбек Нәлібаев Қазалы ауданына жұмыс сапарымен барып, Ұлыстың ұлы күніне арналған мерекелік іс-шараға қатысты.Әйтеке би кентінің Орталық алаңында өткен шараға Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, &nbsp;Мұрат Ергешбаев және &nbsp;зиялы қауым өкілдері мен ел ағалары қатысты.Аймақ басшысы жиналған қауымды Наурыз мерекесімен құттықтап, өңірдің элеуметтік-экономикалық дамуындағы жетістіктерге тоқталды.«Баршаңызды жер-жаһанға шуақ нұрын шашып келген, жақсылықтың жаршысы, игі істердің бастауы Ұлыстың ұлы күнімен шын жүректен құттықтаймын!&nbsp; Наурыз мерекесі Сыр жеріне толайым жаңалықтарымен келді! Биыл елімізде, өңірімізде мерейтойлар жылы десе де болады.&nbsp; Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты.&nbsp; Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Өткен жылы облысымыздың бюджетін 750 млрд теңгеден асырдық. Осыдан екі жарым жыл бұрын аймақ бюджеті 364 млрд теңге болса, атқарылған ауқымды жұмыстың нәтижесінде өсімді 206 пайызға жеткіздік. Бұл ауқымды қаражат өңірдегі ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға бағытталды. Былтыр Қазалы ауданы үшін де табысты жыл болды. Аудан бюджеті артып, тұрғындарды ауыз сумен, электр энергиясымен, "көгілдір отынмен", тұрғын үймен қамтамасыз ету, жол жөндеу және абаттандыру мәселелері рет-ретімен шешілуде. Баршаңызды тіршілік жаңарып, табиғат түлеген мерекемен құттықтаймын! &nbsp;Ұлыс оң, ақ мол болсын!», - деді Н.Нәлібаев.Наурыз мейрамына арналған көпшілік іс-шарада аудан дамуына үлес қосқан &nbsp;белсенді азаматтар облыс әкімінің Алғыс хатымен марапатталды. Сонымен қатар &nbsp;Парламент Мәжілісінің депутаты Мархабат Жайымбетов жұртшылықты құттықтады.Ұлыстың Ұлы күнінде сәлем салу, тұсаукесер, ашамайға мінгізу және беташар дәстүрлері дәріптеліп, ұлттық ойындар ұйымдастырылды. Ұлттық тағамдар әзірленіп, тал егілді.Фото: Қызылорда облысы әкімінің баспасөз қызметі

Аймақ басшысы Қазалы жұртшылығын Наурыз мерекесімен құттықтады

<a href="https://kyzylorda-news.kz/">Kyzylorda-news.kz</a> Қаржы вице-министрі Ержан Біржанов енді аста-төк той жасаған адамдар да салық төлейтінін мәлімдеді. Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлайды.&nbsp;Мемлекеттік кірістер комитеті той шығындарын тексеруді бастады. Егер адамның тойға жұмсаған ақшасы оның табысымен сәйкес келмесе, салық органдары тексеріс жүргізуі мүмкін.Жыл сайын Қазақстанда мыңдаған той өтеді, оған миллиардтаған теңге жұмсалады. Банкеттер, асабалар, шоу-бағдарламалар – бәрі үлкен қаражатты қажет етеді. Кейбіреулер той жасау үшін несие алады немесе ұзақ жылдар бойы жинаған ақшасын жұмсайды. Енді салықшылар осы шығындардың қайдан шыққанын анықтамақ.Қаржы вице-министрі Ержан Біржановтың айтуынша, бұл тексеріс қоғам қайраткерлеріне, блогерлерге және қарапайым азаматтарға да қатысты болады. Егер адамның табысы мен шығыны сәйкес келмесе, қосымша тексеру жүргізіледі. Сонымен қатар, асабалар жеке кәсіпкер ретінде тіркеліп, табысын декларацияда көрсетуі керек.Фото: Нұрболат Нұржаубай

Аста-төк той жасағандар да салық төлемек – Қаржы министрлігі

<a href="https://kyzylorda-news.kz/">Kyzylorda-news.kz</a>&nbsp; Қазақстанның Жоғарғы аудит палатасы елде халыққа арналған газ бағасын бақылау қатаңдатылғанын хабарлады, – деп хабарлайды&nbsp;<a href="https://kaz.tengrinews.kz/">Tengrinews.kz</a>&nbsp;тілшісі.Енді мемлекет газ сатумен айналысатын барлық компанияның бағасын реттейтін болады. Бұрын, 2017 жылдан бастап, кейбір компаниялар газды қымбат бағамен сатып, қосымша пайда табуға мүмкіндік алған, себебі олардың қызметі бақылауға алынбаған.Аудиторлар заңнамадан осындай компанияларға шектеусіз жұмыс істеуге мүмкіндік беретін олқылықтарды анықтады. Бұл мәселені шешу үшін заңнаманы өзгерту ұсынылды.Енді мемлекет газ сатумен айналысатын барлық компанияның бағасын реттейтін болады. Бұрын, 2017 жылдан бастап, кейбір компаниялар газды қымбат бағамен сатып, қосымша пайда табуға мүмкіндік алған, себебі олардың қызметі бақылауға алынбаған.2025 жылдың 1 қаңтарынан бастап газды таратуға жауапты барлық компания мемлекеттік баға белгілеу ережелерін сақтауға міндетті болады. Бұл газ бағасын барлық тұтынушылар үшін әділ етуге көмектеседі.Фото: freepik.com

Қазақстанда газды сатудың жаңа ережелері белгіленеді

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев этноауылдағы қолөнер жәрмеңкесін аралап көрді, – деп хабарлайды <a href="https://kaz.inform.kz/news/kasim-zhomart-tokaev-etnoauildagi-koloner-zharmenkesn-araladi-c4a8e0/">Қазақпарат.</a>Биыл көрмеге отандық қолөнершілермен қатар&nbsp;Қытай, Ресей, Әзербайжан, Қырғызстан, Өзбекстан, Түрікменстан, Түркия, Иран, Тәжікстан елдерінен шеберлер шақырылған.Президентке ұлттық ойындар, қазақстандық дизайнерлер мен танымал брендтердің ұлттық киім үлгілері таныстырылды.<img src="https://knadmin.beoblood.kz/uploads/Prezident_etnoauyl_3_3f600e89c0.jpg" alt="Президент этноауыл 3.jpg"><img class="image_resized" style="width:100%;" src="https://knadmin.beoblood.kz/uploads/Prezident_etnoauyl_2_9991eb98b3.jpg" alt="Президент этноауыл 2.jpg">Фото: Ақорда

Қасым-Жомарт Тоқаев этноауылдағы қолөнер жәрмеңкесін аралады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қызылорда қаласының астана болғанына 100 жыл толуына орай алғаш рет «100 жылға – 100 туынды» шығармашылық көрмесі өтті. Іс-шарада «Дизайн және технологиялар» білім беру бағдарламасының оқытушылары мен студенттерінің шығармалары ұсынылды.Көрменің негізгі идеясы – ұлттық өнер мен заманауи шығармашылықтың үйлесімін көрсету.“Көрмеде өңіріміздің мәдени мұрасын, тарихын және өркениетке қосқан үлесін шығармашылық туындылар арқылы көрсетуге тырыстық. Басты мақсатымыз - Қызылорда қаласының тарихи маңызын арттырып, ұлттық мәдениетті дәріптеу. Сондай-ақ, жастардың өнерге деген қызығушылығын оятып, олардың шығармашылық әлеуетін дамытуға ықпал ету»,-деді «Дизайн және технологиялар» білім беру бағдарламасының аға оқытушысы Тұрсынбек Омаров.Алғаш рет ұйымдастырылған көрме Қызылорда қаласының тарихи және мәдени дамуын жаңа қырынан танытып, жас таланттардың шығармашылығына ерекше қолдау көрсетті.<hr><img src="https://knadmin.beoblood.kz/uploads/1_100_zhyl_a_100_tuyndy_shy_armashyly_k_rmesi_tti_1354eb8a49.jpg" alt="1 «100 жылға – 100 туынды» шығармашылық көрмесі өтті.jpg">

«100 жылға – 100 туынды» шығармашылық көрмесі өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшыда «Төрлет, Наурыз!» атты мерекелік шара өтті. Жиынға &nbsp;Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және Қазақстанның еңбек сіңірген қайраткері Алмас Алматов, зиялы қауым өкілдері, ел ағалары, аудан тұрғындары қатысты.&nbsp;Орталық&nbsp;алаңға қолөнер және тарихи жәдігерлер көрмесі қойылып, ұлттық ойындардан сайыстар, қыз бен жігіт айтысы ұйымдастырылды. Аймақ басшысы тұрғындарды Ұлыстың ұлы күнімен құттықтады.<blockquote>«Биыл - &nbsp;еліміз, өңіріміз үшін мерейтойлар жылы! Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы. Ұлыстың ұлы күніндегі игі тілектеріңіз қабыл болсын! Істеріңіз жемісті, еліміз тыныш, Тәуелсіздігіміз мәңгі болғай! Әр шаңыраққа бақ-береке, шаттық, қуаныш орнасын! Ұлыс оң болсын, ақ мол болсын! Әз Наурыз құтты болсын!», - деді Нұрлыбек Машбекұлы.</blockquote>Аймақ басшысы өңірдің әлеуметтік-экономикалық дамуындағы көрсеткіштерге, алда атқарылатын ауқымды жұмыстарға тоқталып өтті.&nbsp;Қармақшылықтардың Табиғат-ана түлеп, тіршілік түрленген кезеңдегі барлық бастамаларына сәттілік тіледі.&nbsp; Жиында ауданның дамуына үлес қосқан белсенді азаматтар облыс әкімінің Алғыс хатымен марапатталып, Парламент Сенатының депутаты Руслан Рүстемов сөз сөйлеп, халықты мерекемен құттықтады.&nbsp;<img src="https://knadmin.beoblood.kz/uploads/Whats_App_Image_2025_03_21_at_14_37_40_de7005e8ae.jpeg" alt="Қармақшы наурыз.jpeg"><img src="https://knadmin.beoblood.kz/uploads/arma_shy_nauryz_2_2b705f423a.jpeg" alt="Қармақшы наурыз 2.jpeg">Фото: Қызылорда облысы әкімінің баспасөз қызметі

Қармақшыда «Төрлет, Наурыз!» атты мерекелік шара өтті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев "Expo" көрме орталығындағы этноауылда мерекелік іс-шараға жиналған көпшілікті Наурыз мейрамымен құттықтап, жылы лебізін жеткізді. Бұл туралы <a href="https://stan.kz/memleket-basshisi-kazakstan-halkin-nauriz-meyramimen-ky-415424/">Stan.kz </a>ақпарат агенттігі хабарлайды.&nbsp;<blockquote>“Ұлыстың ұлы күні – ұлтымыздың ұлық мейрамы. Бұл – біздің ата дәстүріміз. Шуақты көктем мерекесінде бүкіл дүние қайта жаңғырады. Күн мен түн теңеледі. Қазақ елі әз-Наурызды көне заманнан бері тойлап келеді. Наурыз – ең алдымен, игілікті істердің мерекесі. Осы күндері әр үйде ақ дастархан жайылады. Ел-жұрт бір-бірімен қауышып, ақ тілегін айтады. Мұқтаж жандарға қайырымдылық жасап, қамқорлық көрсетеді. Ұлыстың ұлы күні биыл да қасиетті Ораза айымен тұспа-тұс келіп отыр. Еліміз үшін мұның мән-маңызы зор. Себебі біздің дініміз бен дәстүріміз – егіз. Қос қазынамыз халқымыздың бірегей болмысын айшықтай түседі, – деді Қасым-Жомарт Тоқаев.</blockquote>Президент Наурыз мерекесі былтырдан бастап жаңа тұжырымдамаға сәйкес тойланып жатқанын айтып, Наурызнаманың әр күні тағылымға толы екенін алға тартты.<blockquote>“Наурыз – көптеген шығыс халықтарына ортақ мереке болғанымен, елімізде Ұлыстың ұлы күнін тойлаудың ерекше дәстүрі бар. Бұл мейрамның төл мәдениетіміздегі орны айрықша. Шетелдік меймандар да мереке қарсаңында Қазақстанға арнайы келіп, біздің салт-дәстүрімізбен танысады, әдет-ғұрпымызды танып-біледі. Біз осы рухани қазынамызды жан-жақты дәріптеуіміз керек. Наурызнама бойынша бүгін – Ынтымақ күні. Еліміз үшін ауызбіршілік пен татулықтың орны қашанда ерекше. Бүкіл халқымыз ұлтына, дініне қарамастан бір ел болып, Наурызды бірге атап өтеді. Біз осындай береке-бірлігіміздің арқасында болашаққа зор сеніммен қарап, тек алға қарай қадам басып келеміз. Жан-жақты реформа жасап, мемлекеттің саяси жүйесін жаңғыртып жатырмыз. Ауқымды экономикалық жобаларды қолға алдық. Байсалды сыртқы саясатымыздың арқасында Қазақстан бүкіл әлемге беделді мемлекет ретінде танымал болды”, – деді Тоқаев.</blockquote>Қасым-Жомарт Тоқаев бұл мейрамының тазалық, еңбекқорлық құндылықтарын дәріптейтін тәрбиелік мәніне тоқталды.<blockquote>“Ұлыстың ұлы күні – тазалық мерекесі. Халқымыз осы күні тал егіп, бұлақтың көзін ашқан. Айналасын тазалап, табиғатты аялаған. Бұл дәстүр бүгін де өз жалғасын табуда. Былтырдан бері елімізде "Таза Қазақстан" акциясы жүріп жатыр. Жалпыұлттық іске барша жұртымыз, әсіресе, жастар белсенді атсалысуда. Осылайша қоғамымызда жаңа экологиялық мәдениет пен болмыс қалыптасып келеді. Наурыз – нағыз еңбек мерекесі. Көктемнің басы – дала еңбегі жанданатын кезең. Қазір ауыл шаруашылығында қарқынды жұмыс басталды. Біз осы жылды "Жұмысшы мамандықтары жылы" деп жарияладық. Басты мақсатымыз – еңбек адамының беделін арттыру. Өйткені еңбекқорлық – озық ойлы ұлтқа тән қасиет”, – деді мемлекет басшысы.</blockquote>Ол бүкіл әлемнің алмағайып жағдайда өмір сүріп жатқан шағында қоғамның тұрақтылығын нығайту керегін жеткізді.<blockquote>“Биыл Конституциямызға және Қазақстан халқы Ассамблеясына 30 жыл толады. Сондай-ақ Ұлы Жеңістің 80 жылдығын атап өтеміз. Көп ұзамай қастерлі Тәуелсіздігіміздің 40 жылдық мерейлі белесіне жетеміз. Қазақстан осы уақытта озық, өркениетті, қуатты мемлекет болуы керек. Мен Ұлттық құрылтайдың Бурабайдағы жиынында осы мәселеге арнайы тоқталдым. Біз елімізді жаңа жаһандық жағдайға бейімдеуіміз қажет. Мемлекетіміздің бағдары да, басымдығы да – айқын. Цифрландыру ісі мен жасанды интеллект, ірі инфрақұрылымдық жобалар, көлік тасымалы және энергетика, агроөнеркәсіп кешені, сондай-ақ адам капиталы – осының бәрі еліміздің негізгі даму бағыттары. Қазақстан осы салалар бойынша әлемдік бәсекеге қабілетті ел болмақ. Бұған біздің мүмкіндігіміз толық жетеді. Біз "Заң мен тәртіп" қағидасы берік орныққан, әділетті, қауіпсіз, таза, мәдениетті және дамыған Қазақстанды міндетті түрде бірге құрамыз! Қазақстаннан басқа еліміз жоқ. Сондықтан бәріміз бір қоғам болып мемлекетімізді нығайтайық, дамытайық, көркейтейік!” – деді Қасым-Жомарт Тоқаев.</blockquote>Фото: Ақорда

Қазақстан және Қызылорда облысының жаңалықтары