<a href="https://kyzylorda-news.kz/">Kyzylorda-news.kz</a>&nbsp; Шерзат Болат (Полат) ісі бойынша сотталушылар істі алқабилердің қарауына қарсы, деп хабарлайды <a href="https://baq.kz/sherzat-bolat-isi-sottalushylar-isti-alqabilerdin-qarauynan-bas-tartty-200011438/">BAQ.KZ&nbsp;</a><blockquote>Алқабилердің қатысуымен өтуін сұрайсыз ба?, - деп сұрады судья.</blockquote>Абзал Шынасыл және Сәкиев істі алқабилердің қарауына қарсы болды. Сот істі алқабилердің қатысуынсыз қарауды қаулы етті.Сот барысында прокурор айыптау актісін оқыды, сөзінше, Шерзаттың жүрек тұсына пышақ сұққан. Сотталушы анасын қорғаушы ретінде қарауды сұрады.Аталған іске қатысты сот отырысы аптасына екі рет өтетін болды. Прокурор Ержан Құрақбаев күдіктілердің сұмдық әрекеттерін жария етті. Айтуынша, күдіктінің бірі Шерзат Болаттың әжесін итеріп, құлатқан.Фото: &nbsp;BAQ.KZ

Шерзат Болат ісі: сотталушылар істі алқабилердің қарауынан бас тартты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> &nbsp;Президент Ғылым күні қарсаңында ғалымдармен кездесіп, кәсіби мерекесімен құттықтады. Қасым-Жомарт Тоқаев ғылымның әр саласында табысты еңбек етіп, мемлекетімізді өркендетуге атсалысып жүрген азаматтарға ризашылығын білдірді.– Ғылым жолы – күрделі жол. Өз ісіне адал, табанды, еңбекқор, жаңашыл әрі жасампаз адамдар ғана ғылым жолындағы қиындыққа төзе алады. Біз шын мәнінде озық ойлы ұлт боламыз десек, қоғамда осы қасиеттерді дәріптеп, орнықтыруымыз қажет. Ұлы Абай да өз заманында «Ғылым таппай мақтанба» деп өсиет қалдырды. Қазір технология қарқынды дамыған кезеңде біз үздіксіз ізденіске, терең білім мен ғылымға ерекше мән беруіміз керек. Мен Бурабайда өткен Ұлттық құрылтай кезінде арнайы осы мәселеге тоқталдым. Бұл ретте ғылыми қауымдастыққа айрықша жауапкершілік жүктеледі. Өйткені, ғалым – ұлттың шамшырағы, – деді Мемлекет басшысы.</h4>Басқосуда Тәуелсіздіктің алғашқы жылдарында ғылымға баса мән берілмегені, көптеген ғалымның басқа салаға ауысып кеткені жайында айтылды. Соның салдарынан Қазақстандағы ғылыми қызметкерлердің саны үш есе азайып, бұл ахуал ұлттың зияткерлік әлеуетіне орасан зор кесірін тигізген. Бұдан бөлек, Мемлекет басшысы ғылым саласында жемқорлық фактілерінің көбейіп кеткенін де тілге тиек етті. Мәселен, «Парасат» холдингін басқарған белгілі академик оны әбден тонап, кейін балаларымен бірге АҚШ-тың азаматтығын алып, мұхиттың ар жағына қашып кеткен. Дегенмен бүгінде жағдай оңалып, ғылым қайтадан төрге шыққанын атап өтті. Бұл – мемлекеттің нағыз, адал ғалымдарға сенімі деген сөз.– Мемлекет ғылымды дамыту үшін нақты шаралар қабылдап жатыр. Мен осыдан үш жыл бұрын Ғылым академиясын жаңғырту туралы тапсырма бердім. Содан бері ауқымды жұмыс жасалуда. Академияға жоғары ғылыми ұйым мәртебесі берілді. Инфрақұрылым жүйесі жаңартылып жатыр. Кадр даярлау ісі жолға қойылды. Былтыр қабылданған «Ғылым және технологиялық саясат туралы» заң осы үрдістерге тың серпін берді. Құжатта ғылымды басқару тәсілдері нақтыланды. Ғалымдарды әлеуметтік қолдау шаралары айқындалды. Бір сөзбен айтсақ, заңда ғылым жолында еңбек етіп жүрген азаматтардың мүддесі барынша ескерілді, – деді Қасым-Жомарт Тоқаев.Ғылым – стратегиялық маңызы бар сала болғандықтан соңғы жылдары бұл бағытқа бөлінетін қаржы 3,5 есе артты, жас зерттеушілерге қолдау күшейді. Мемлекет басшысының пікірінше, осындай қадамдар еліміздің ғылыми әлеуетін арттыра түседі. Қазір Қазақстанда 25 мыңнан астам ғалым болса, олардың жартысы – 40 жасқа толмаған мамандар. Бұл елімізде ғалымдардың жаңа буыны қалыптасып келе жатқанын көрсетеді.Қасым-Жомарт Тоқаев отандық ғылымның алдында тұрған бірқатар маңызды міндетке назар аударды.– Стратегиялық міндеттердің бірі – ядролық ғылым мен технологияны дамыту. Бұл салада Қазақстанның әлеуеті зор. Алматыдағы Ядролық физика институты мен Курчатовтағы Ұлттық ядролық орталық сияқты алдыңғы қатарлы ғылыми мекемелер іргелі және қолданбалы зерттеулер жүргізіп, мамандар даярлап келеді. Атом энергиясын өндіру – тұрақты энергия көзі ғана емес, экономика мен ғылымның жаңа бағыттарын дамытудың негізгі кілті. Бұл ретте ядролық медицина, сутегі энергиясы, суды тұшыту, синтетикалық отын өндіру, шағын модульді реакторлар және тағы басқалары туралы сөз болып отыр. Осы бағытта зор табысқа жету үшін зерттеу инфрақұрылымын нығайту, ғылыми жұмысты күшейту, инженерлік білім беруді жаңғырту қажет. Президент жанындағы Ғылым және техника жөніндегі ұлттық кеңестің алдағы отырысында атом энергетикасын дамыту күн тәртібіндегі басты мәселе болуға тиіс. Сондай-ақ мен Ұлттық құрылтайда ғылым қалашықтарын құру мәселесін көтердім. Ұлттық кеңес осы жұмысқа айрықша назар аударуы қажет, – деді Президент.Мемлекет басшысы әлемде жасанды интеллект технологиялары қарқынды дамып келе жатқанына тоқталды және Қазақстанның аталған салада алдыңғы қатардан көрінуіне толық мүмкіндігі бар деп санайды.– Адам капиталы – еліміздің бұл бағытта атқаратын жұмысының басты кепілі. Яғни талантты және білімді азаматтарға арқа сүйейміз. Сондықтан ІТ мамандарын даярлауды күшейтіп, оқушылар мен студенттерге жасанды интеллект дағдыларын үйретеміз. Отандық ғылымда мұндай келешегі зор бағыттар көп. Жалпы, ғылымның жүйелі дамуы үшін мемлекет пен бизнес, университеттер мен ғылыми орталықтар күш біріктіруі қажет, – деді Қасым-Жомарт Тоқаев.<blockquote>Президенттің айтуынша, университеттер тың зерттеулер мен жаңалықтардың бастауында тұруға тиіс. Ал еліміздегі білім мекемелері ғылымнан гөрі маман даярлау ісіне көбірек басымдық береді. Бұл оқу орындарының тікелей міндеті болғанымен, білім мен ғылымды қатар алып жүру керек.– Қазақстанда зерттеу университеті деген мәртебеге лайық 10 оқу ордасы бар. Ғылымды дамыту үшін бұл жеткіліксіз. Осы жұмысты күшейтуіміз керек. Сондай-ақ ғылым елге нақты пайдасын тигізуге тиіс. Бұл бағытта біршама жетістігіміз бар. Қолданбалы зерттеулермен айналысатын ғылыми ұйымдардың кірісі соңғы бес жылда 40 миллиард теңгеден асты. Қазынаға 10 миллиард теңгеден астам салық түсті. Алдағы уақытта бұл көрсеткіш ұлғая бермек. Ғылым саласына 14,5 миллиард теңге жеке инвестиция тартылды. Екі мыңнан астам жаңа жұмыс орны ашылды. Осылайша, ғалымдарымыз экономиканы өркендетуге атсалысып жатыр. Оқу орындары кәсіпорындармен тығыз байланыс орната бастады. Мысал ретінде Satbayev University зерттеушілерінің жұмысын атап өтуге болады. Университет ғалымдары селен элементін жоғары дәрежеде тазартатын жаңа технология ойлап тапты. Соның нәтижесінде бір келі селеннің құны 15 есе артып, оны өндіретін компанияға 1,2 миллиард теңге қосымша пайда әкелді, – деді Мемлекет басшысы.</blockquote>Қасым-Жомарт Тоқаев жас академик Сұраған Дүрбітханның еңбегін ерекше атап өтті. Оның математикалық физика саласындағы ғылыми зерттеулері криптография және мәліметтерді қорғау жүйесінде сәтті қолданылып жатыр. Президент цифрландыру дәуірінде мұны өте маңызды жетістік ретінде бағалап, бұл қазақ ғылымының әлеуеті жоғары екенін көрсеткенін айтты.Мемлекет басшысының пікірінше, еліміздегі кәсіпорындар да ғылымды дамытуға үлес қосуға тиіс. Олар университеттермен және ғылыми орталықтармен бірлесіп, жаңа өнімдер шығаруы керек. Қазақстандағы ірі өндіріс орындары өз табысының 1 пайызын ғылым саласына аударып келеді. Президент мұны стратегиялық маңызға ие бағыт деп санайды.Қасым-Жомарт Тоқаев қазіргі әлемдік ахуалға тоқталды.– Көптеген сарапшылар дүние жүзі кейінгі ондаған жылда болмаған ең ауыр дағдарыстың табалдырығында тұрғанын мәлімдеді. Алпауыт мемлекеттер бір-біріне қарсы «тариф майданын» ашқан соң өндіріс пен сауда тізбегінің бұзылғаны, нарықтардың құлдырап, шикізат бағамының тұрақсыздана бастағаны байқалады. Бұл барлық елге, соның ішінде Қазақстанға әсер ететіні сөзсіз.&nbsp;Қазір жоғары тарифтер енгізуге 90 күндік мораторий жарияланғанымен, нарықтағы жағдай өте тұрақсыз. Сондықтан біз осынау экономикалық дүрбелеңнің Қазақстан экономикасына тигізетін салдарын жоюмен айналысып жатырмыз. Алайда дүрлігуге себеп жоқ екеніне сенімдімін. Біз сын-қатерлердің бәрін әрдайым өзіміздің басым бағыттарымызды басшылыққа ала отырып еңсеріп келеміз.&nbsp;Сыртқы қолайсыз факторлардың ықпалына қарамастан дамудың даңғыл жолын жалғастыра береміз. Негізгі инфрақұрылымдық жобалар мен басқа да бастамалар толығымен орындалады. Кеше Үкімет пен жергілікті атқарушы органдардың іс-қимыл жоспарын шұғыл аяқтауды тапсырдым. Бұл қадам өсім қарқыны мен инвестиция көлемін төмендетпеуді көздейді. Бүгінде инвестиция үшін күрес үдеді. Сондықтан әбжіл қимылдауға тиіспіз. Біз барлық сын-қатерге дайын болғанымыз жөн. Жұмыстың бәрін байыппен әрі сенімді түрде атқару керек. Өздеріңізге белгілі, дағдарыстың да өз қайыры бар. Ол басшылық қызметтегі азаматтардың іскерлік қабілетінің бар-жоғын айқындап береді. Сондай-ақ жаңа мүмкіндіктерге жол ашады. Сыртқы ахуал түбегейлі өзгерген кезеңде ұлттық экономиканың орнықтылығы мен әлеуметтік тұрақтылықты сақтау үшін мұның маңызы зор, – деді Мемлекет басшысы.Осы орайда Қасым-Жомарт Тоқаев ғылымы дамыған ел кез келген сын-қатерге төтеп бере алатынына баса мән берді. Сондай-ақ Қазақстанның болашағы отаншыл әрі білікті ғалымдардың қолында екенін, мемлекет оларға жан-жақты қолдау көрсете беретінін атап өтті.<blockquote> – Біздің ортамызда майталман мамандар отыр. Арамызда бүкіл саналы ғұмырын ғылым-білімге арнаған ардагерлер мен дарынды жас ғалымдар да бар. Баршаңызға тағы да алғыс айтамын, – деді Мемлекет басшысы.</blockquote>Жиын соңында Президент бір топ ғалымды мемлекеттік наградамен марапаттады. Іс-шарада «Қазақстанның еңбек сіңірген ғылым және техника қайраткері» атағы тұңғыш рет тапсырылды. Сондай-ақ бір топ жас ғалымға баспана кілті берілді. Салтанатты рәсімде Қазақстан Республикасы Президенті жанындағы Ұлттық ғылым академиясының академиктері Жұмабай Бәкенов пен Сұраған Дүрбітхан, Өсімдіктер биологиясы және биотехнологиясы институтының кіші ғылыми қызметкері Анастасия Капытина сөз сөйледі.Фото: Ақорда

Мемлекет басшысы ғалымдарды марапаттау рәсіміне қатысты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылордада кір жуғыш ұнтақ шығарылады. Жеке кәсіпкер Дәулет Ізбасарұлы 2021 жылы “Бизнестің жол картасы - 2025” мемлекеттік бағдарламасы аясындағы грантқа қатысып, “Ақниет” атты кір жуғыш ұнтағын шығарған. Кәсіпкер кір жуғыш ұнтаққа қолданатын шикі затты Ресей мен Қытайдан алдырады. Цехта одан бөлек сабын да шығарылады.</h4><blockquote>- Сұраныс көп. Өнімдерімізді қаладан бөлек, Ұлытау, Қарағанды, Астана қалаларына жібереміз. Біздің өнім киімді жақсы тазартып қана қоймай, ерекше хош иіс береді. Сабынның да теріге зияны жоқ. Бізде күніне сабынның грамына қарай үш түрін 1000 данадан жасаса, ұнтақтан 80 келі шығарады. Алдағы уақытта жұмысшы санын арттыруды көздеп отырмыз,- деді Дәулет Ізбасарұлы.</blockquote>

Қызылордада жасалған

<a href="https://kyzylorda-news.kz/">Kyzylorda-news.kz</a>&nbsp; &nbsp;Шерзат Полатты өлтіру ісі бойынша сот алдына тоғыз адам келеді. Сотталушылардың бірі - кәмелетке толмаған.&nbsp;Жоғарғы соттың коммуникация бөлімінің меңгерушісі Перизат Сәдуақас істі&nbsp;Жанұзақов Ержан Серікқазыұлы атты судья қарайтынын айтты. Бұл туралы <a href="https://stan.kz/">Stan.kz</a> ақпарат агенттігі хабарлады.&nbsp;Жоғарғы соттың коммуникация бөлімінің меңгерушісі Перизат Хайруллинаның сөзінше, сотқа қатысушылардың басым көпшілігі қазақ тілінде сөйлейді. Сол себепті сот мемлекеттік тілде өтеді. Қажет болған жағдайда аудармашылар да алынады.Залға 9 сотталушы әкелініп, олардың 9 қорғаушысы да келген. Журналистер Жоғарғы сот өкілінен “не себепті дәл осы жерде сот процесі өткізіліп жатыр?” деп сұрады.<blockquote>“Себебі Шерзат Полаттың өлімі қылмыстық іс болғандықтан, қылмыстық істер жөніндегі ауданаралық сотта қаралу үстінде. Қылмыстық істерді әкімшілік немесе азаматтық істер жөніндегі соттар қарамайды, –&nbsp;деді Перизат Сәдуақас.</blockquote>Оның сөзінше, полиция департаментінің мәліметіне сәйкес, 9 сотталушы осы Талдықорғандағы изоляторда ұсталып отыр.Сондықтан&nbsp;сот осы жерде өткізіліп жатыр. 9 сотталушының біреуі кәмелетке толмаған.<blockquote>“Егер сот қаулы шығарса, сот ашық болса, БАҚ өкілдерінен 16 жастағы баланы фото-видеоға түсірмеуді өтінеміз” дейді соттан.</blockquote>Бұған дейін адвокат Шекеев 9 күдіктінің біреуі кәмелетке толмағанын нақтылаған еді. Оған Қылмыстық кодекстің 434-бабы бойынша&nbsp;қылмыс туралы хабарламағаны үшін айып тағылған.&nbsp;

Шерзат Полаттың ісі бойынша 9 сотталушы сот залына әкелінді: Оның біреуі – жасөспірім

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> &nbsp;Әлеуметтік желілерде соңғы күндері қоғамда қызу талқыланған курьер мен тапсырыс берушінің арасында болған даудың нүктесі қойылды, деп хабарлайды <a href="https://baq.kz/kurer-men-asylhan-tatulasty-barimiz-bir-qazaqpyz-200011414/">BAQ.KZ</a> тілшісі.</h4><blockquote>Соңғы күндері әлеуметтік желіде маған және Магнумға қатысты әңгіме болып жатыр. Соны түсіндіріп кетсем деймін. Алдымен баршаңызға қолдау көрсетіп жатқандарыңызға рақмет айтамын. Өмір болғаннан кейін түсінбестік болып тұрады. Бірақ бәріміз қазақпыз ғой. Елімізге тыныштық пен татулық керек. Біз кездесіп, татуласып, қол алыстық, - деді курьер Еркін.</blockquote>Сөзінше, қазір ол Магнумда жұмысын жалғастырып жатыр.&nbsp;<blockquote>Бәрі жақсы, жұмыс берушіге ешқандай шағым жоқ. Осымен мәселеге нүкте қойып, тоқтасақ деймін. Бәріміз бір қазақпыз. Үлкен рақмет, - деді Еркін.</blockquote>Ал Асылхан да мұндай жағдайдың болғаны өкіндіретінін айтты.<blockquote>Қадірлі ағайын! Мұндай жағдайдың болғаны өкінішті. Қатемізді түсіндік. Ал екеуіміздің бір-бірімізге ешқандай өкпе-ренішіміз жоқ. Баршыңызға рақмет, - деп айтты ол.&nbsp;</blockquote>Екі жігіттің видеосын таратқан "Мазмұндама" баспасының негізін қалаушы Шыңғыс Мұқан қазақ тілі ұрысудың емес, табысудың тілі болғанын қалайтынын жеткізді.<blockquote>Екеуі де қазақ. Бірі – Еркін, екіншісі – Асылхан. Ата-анасы еркін болсын, асыл болсын деп қойған болар. Бірақ дауға түрткі болған – екеуінің ана тілі. Негізі, қазақ тілі ұрысудың емес, табысудың тілі болғанын қалаймын. Адамзат жұмыр жерді басқалы бері, тіл – бұл коммуникация құралы, яғни түсінісу үшін керек. Бірақ оны таластың тақырыбына да айналдырып жіберуге болады екен. Қайткенде де мына екі жүгермектің татуласып, қазақ тілінің оның ең басты қызметін арнасына (тіл табысу, түсінісу) түскені дұрыс болған. Осымен бұл әңгімені тоқтатайық, ағайын! – деп жазды Мұқан.</blockquote>Фото: Видеодан скриншот&nbsp;

Курьер мен Асылхан татуласты: "Бәріміз бір қазақпыз"

<a href="https://kyzylorda-news.kz/">Kyzylorda-news.kz</a> Батыс Қазақстанда Новенький ауылындағы балабақша тәрбиешілері балаларды ұрды деген күдікке ілінді. Балалардың денелеріндегі көгерген жерлерді ата-аналары байқаған. Аналар мен әкелер бейнебақылау камераларынан жазбаны талап етті.&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі&nbsp;<a href="https://astanatv.kz/ru/news/142161/">Астана</a>&nbsp;арнасына&nbsp;сілтеме жасап хабарлады.Батыс Қазақстанда ата-аналар балалардан тәрбиегі мен күтушіге қатыстышағымдар наурыздың ортасынан бастап пайда болған дейді ата-аналар. Ата-ананың үш жасар қызы әжетханада қамалып қалған. Әйелдің айтуынша, ол бүлдіршінге басында сенбеген. Бірақ кейін оның баласы ғана зорлық-зомбылыққа ұшырамағаны белгілі болды.<blockquote>“Бірде балам оны әжетханаға қамап тастағанын айтты. Әдеттегідей, мен бұған сенбедім. Тәрбиеші мен күтуші балаларды ұрады. Олар балаларды сілкіп, дәретханаға қамап тастаймын деп қорқытады&nbsp;дейді. Немесе&nbsp;баланы шымшып алады,&nbsp;биік орындықтан лақтырып жібереді, сілкілейді”, –&nbsp;деді Новенький тұрғыны.</blockquote>Басқа ата-ана да шағымданған. Әйелдің айтуынша, қызы балабақшадан қолы мен аяғы көгеріп келген.<blockquote>“Анашым, мені ұрады” деді. Мен де сенбедім, баланың не ойлап табатынын ешқашан білмейсің, бұл жай ғана қиял ма деп ойладым. Қалай ұрады? Қолынан ұрады. Бұл талай рет қайталанды. Қолы, аяғы және жамбасы көгеріп келген”, –&nbsp;деді ана.&nbsp;&nbsp;</blockquote>Дабыл қаққан ата-аналар балабақша меңгерушісінен бейнебақылау камерасының жазбасын көрсетуді талап етті.&nbsp;Кадрларда балаларды қызметкерлер шапалақпен ұрған.Ауыл тұрғындары аудандық білім бөлімі мен полицияға арыз жазды.<blockquote>“Оның себептерін анықтау үшін комиссия құрылды, әрине, біз оны қараймыз. &nbsp;Оның үстіне бейнежазбалар мен куәгерлердің сөздері бар. Тергеу қорытындысы бойынша тиісті қорытындылар жасалады”, –&nbsp;деді Бәйтерек ауданы білім бөлімінің бас маманы Әлібек Аманбаев.</blockquote>Оқиғадан кейін тәрбиеші мен оның көмекшісі өз өтініштері бойынша жұмыстан босатылды. "Бүлдіршін" балабақшасының меңгерушісі аудандық білім бөлімінің бұйрығымен сөгіс алды. Полиция "Кәмелетке толмаған баланы тәрбиелеу жөніндегі міндеттерді орындамау" бабы бойынша қылмыстық іс қозғады. &nbsp;Қазір тергеу амалдары жүргізіліп жатыр. Видеодан скриншот

Дәретханаға қамап, ұрған: Ата-аналар балабақшадағы тәрбиешілердің үстінен арыз түсірді

<a href="https://kyzylorda-news.kz/">Kyzylorda-news.kz</a> Ел Президентінің Жарлығымен «2025 жыл – Жұмысшы мамандықтар жылы» деп жарияланды. Бұл бастама жұмысшы мамандардың қоғамдағы беделін арттырып, кәсіптік бағытты дамытуға мүмкіндік бермек. Бүгінде құрылыс, энергетика, өндіріс, сауда және ауыл шаруашылығы саласындағы қарапайым еңбеккерлердің жұмысы дәріптеліп, салаға қызығушылық танытқан жастардың жаңа толқыны қалыптасып келеді.Іс-шара жоспарындағы «Жұмысшы күні» жалпы республикалық жобасы аясында мектеп оқушылары мамандық бағыттары бойынша өңірдегі ірі кәсіпорындар мен мекемелер базасын аралау, қамтамасыз ету іс-шарасына сәйкес, "Байтабын" ЖШС, «Тәтті әлемі» цехы, «Таң ЛТД» ЖШС,«Ер әлі» ЖШС, «Мираж» ЖШС, «Бақдәулет» ЖШС-на экскурсия жасап, өндіріс орындарының ішкі жұмысымен толық таныстырылып, жастар жұмысшы мамандарымен сұрақ-жауап алмасты.<img class="image_resized" style="width:93.2%;" src="https://knadmin.beoblood.kz/uploads/O_ushylar_ndiris_oryndaryn_aralady_3_be2f6d2a33.jpg" alt="Оқушылар өндіріс орындарын аралады 3.jpg"><img class="image_resized" style="width:92.46%;" src="https://knadmin.beoblood.kz/uploads/O_ushylar_ndiris_oryndaryn_aralady_394f2655ed.jpg" alt="Оқушылар өндіріс орындарын аралады.jpg">

Оқушылар өндіріс орындарына экскурсия жасады

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Насриддинұлы көпбалалы аналарды қабылдап, 2 «Алтын алқа» мен 8 «Күміс алқа» төсбелгілерін аналарға табыс етті.Жиында аудан басшысы батыр да, ақын да бәрі-бәрі ананың алтын құрсағынан шыққанын, аналарға әрбір жанның қарыздар екендігін айтты. Сондай-ақ, аудандық қоғамдық кеңес төрағасы Қабілеш Бекішов сөз алып, аналарға ақ тілегін білдірді.Фото: Шиелі ауданы әкімдігінің баспасөз қызметі

"Алтын алқа" және "Күміс алқа" иегерлерін марапаттады

<a href="https://kyzylorda-news.kz/">Kyzylorda-news.kz</a> Кредиттік тарих – бұл қарыз алушының борыштық міндеттемелері жөніндегі маңызды ақпарат, бұл оның барлық кредиттері және бөліп төлеумен сатып алулары жөнінде жиналған досьесі деуге болады. Банктер мен микроқаржы ұйымдары бұл деректерді клиентке жаңа қарыздар беру туралы шешім қабылдай отырып, оның сенімділігі мен төлем қабілеттілігін бағалау үшін пайдаланады.Өз кредиттік тарихыңызды қалай тексеруге және жақсартуға болатыны жөнінде Fingramota.kz -пен бірге қарастырып көрелік.&nbsp;Кредиттік тарихқа нелер кіреді&nbsp;Бұл жерде банк үшін кредиттік тарих — жай ғана ресми көрсеткіш емес, ол сіздің қаржылық тәртібіңіздің маңызды көрсеткіші болып табылатынын түсіну қажет. Кредит беру туралы шешім қабылдау кезінде не сіздің кәсіптік жетістіктеріңіз, не жеке басыңыздың қасиеттері, не волонтерлік қызметіңіз ескерілмейді. Банк үшін сізде төлемдер бойынша мерзімін өткізудің болғаны -болмағаны және ол қанша уақытқа созылғаны әлдеқайда маңызды. Яғни, кредиттік тарих банктерге өзінің әлеуетті клиентті ретіндегі сіздің қаржылық жауапкершілік және сенімділік деңгейіңізді бағалауға мүмкіндік береді.&nbsp;Мәселен, сіз бұрын қарыз алдыңыз делік — мысалы, тұтынушылық кредит ресімдедіңіз немесе бөліп төлеумен техника сатып алдыңыз. Сіз уақтылы ай сайынғы төлемдерді жасап отырдыңыз немесе кредитті мерзімінен бұрын өтеп тастадыңыз — бұл ақпарат сіздің кредиттік тарихыңызда тіркеледі. Яғни, сіз банк үшін сенімді қарыз алушыға айналдыңыз. Кейіннен, сіз жаңа кредит алу үшін басқа банкке немесе сол банкке жүгінген кезде, ол сіздің кредиттік тарихыңызды зерттейді және оң динамиканы көріп, мүмкін одан да көп мөлшерде немесе бұрынғыдан да жақсы талаптармен қарызды мақұлдайды. Оның себебі банктің &nbsp;алдында&nbsp;сіздің «мәртебеңіз өсіп»,&nbsp;сіздің беделіңге ешқандай нұқсан келтірілмейді.&nbsp;Сондай-ақ, кредиттік тарихта кредиттің ұзартылуы, ал 2024 жылғы қыркүйектен бастап — банктік қарыздар мен микрокредиттер бойынша мерзімі өткен берешекті реттеу жөніндегі мәліметтер (соңғы төлем, сомасы және т.б.) көрсетілетінін атап өтеміз.&nbsp;Бұдан басқа, банктер мен МҚҰ нақты уақыт режимінде кредиттік бюроларға клиенттердің қарыз ресімдеуге берген өтініштері жөнінде ақпарат беруге міндетті. Бұл деректерде қарыз алушының ЖСН, қарыз сомасы және оның нысаналы мақсаты көрсетіледі. Бұл 2024 жылы енгізілген жаңалықтардың бірі және де кредиторларға азаматтың бір уақытта бірнеше банктерге немесе МҚҰ-ға өтініш берген жағдайларын бақылауға мүмкіндік береді.&nbsp;Кредиттік тарихты жоюға бола ма және техникалық қате болған жағдайда не істеу керек?Бұл – ең көп қойылатын сұрақтардың бірі. «Қазақстан Республикасындағы кредиттік бюролар және кредиттік тарихты қалыптастыру туралы» Заңға сәйкес кредиттік бюро азаматтың кредиттік тарихы туралы ақпаратты ол туралы соңғы деректер келіп түскен кезден бастап бес жыл бойы сақтауға міндетті. Бұл ретте кредиттік тарихты толық жою көзделмеген — бюроның өзінің жүйесінде жіберілген техникалық қателерді қоспағанда, оның күшін жоюға жол берілмейді.&nbsp;Егер сіз кредиттік есепте дұрыс емес деректерді – мысалы, төленген төлем немесе толық төленген кредит бойынша жазбаның кешіктірілгенін байқасаңыз, олар туралы банкке немесе МҚҰ-ға хабарлаңыз. Хабарласуды кейінге қалдырмаңыз – бұл сіздің қаржылық жағдайыңызға әсер етеді және растайтын құжаттарды жинауды ұмытпаңыз.Сонымен қатар, сіз Fingramota.kz сайтында: «Өнімдер мен қызметтер» бөлімі —&gt; «Кредиттік тарихтағы ақпаратты даулау» кіші бөлімі алгоритмі бойынша дәйексіз ақпаратты тегін даулауға құқығыңыз бар. Өтініш беру үшін ЖСН және телефон нөмірі көрсетілген арнайы нысанды толтырыңыз. Айта кетейік, бұл жобаны Қаржы нарығын реттеу және дамыту агенттігі (ҚНРДА) Бірінші кредиттік бюромен бірлесіп жүзеге асыруда.&nbsp;Кредиттік тарихты қалай тексеруге болады?Қазақстандықтарға ыңғайлы болу үшін бұл деректерді онлайн және офлайн тексерудің бірнеше жолы бар. Сонымен қатар, заңнамаға сәйкес, Қазақстанның әрбір азаматы күнтізбелік жылда бір рет өзінің кредиттік тарихын тегін тексеруге құқылы. Қайта сұрау салу кезінде қызмет құны 400 теңгені құрайды.&nbsp;ОнлайнМемлекеттік кредиттік бюроның немесе Бірінші кредиттік бюроның сайттары арқылы (1CB.kz) қызмет алу үшін ЭЦҚ қажет; eGov.kz электрондық үкімет порталы арқылы өтінімді толтырып, оған ЭЦҚ көмегімен қол қою керек. Нәтиже сіздің жеке кабинетіңізде көрсетіледі.ОфлайнЕгер сіздерге онлайн-формат сәйкес келмесе, онда сіз қызметті «Азаматтарға арналған үкімет» филиалдарынан және «Қазпошта» бөлімшелерінен жеке ала аласыз. Өзіңізбен бірге міндетті түрде жеке куәлігіңіз болуы керек.Кредиттік тарихты қалай жақсартуға болады&nbsp;Ең бастысы: сыйақы үшін кредиттік тарихыңызды жылдам түзетуге уәде беретін делдалдарға сенбеңіз. Анық болғандай, оны жою мүмкін емес, ал қалғанының бәрі – сіздің қолыңызда. Сонымен қатар, егер сіз делдалдарға сенсеңіз, сіздің деректеріңіз алаяқтардың қолына түседі, ал олар, өз кезегінде, бұл деректермен білгенін істейді – жалған кредит ресімдей алады, сіздің жақындарыңызды алдайды және т.б.Кредиттік рейтингіңізді көтеру үшін кредитті өтеу кестесін қатаң сақтауды бастаңыз – кешіктіруге жол бермеңіз, тәртіпті қарыз алушы болыңыз. Сіздің жауапкершілігіңізді дәлелдеу үшін, мысалы, тұрмыстық техника алу үшін &nbsp;шағын қарызды ресімдеуге&nbsp;және оны уақтылы жабуға болады. Осылайша сіз кредиттік тарихыңызды жақсартасыз және банктер сіздің өз төлемдеріңізге байыпты екеніңізді көреді.Осыдан мынадай маңызды мәселе туындайды – «оңалтылды» мәртебесі және оның мүмкіндіктері. Естеріңізге сала кетейік, 2021 жылғы 9 сәуірден бастап Қазақстанда Агенттіктің қарыз алушыларды оңалту тетігі іске қосылды. Оған сәйкес, кредиттік бюро екі жағдайда мерзімі өткен берешегі 90 күннен асатын қарыздарға &nbsp;«оңалтылды» деген мәртебе береді:Кредитті қайта құрылымдаудан немесе қайта қаржыландырудан кейін соңғы күнтізбелік 12 ай ішінде және қайта құрылымдау немесе қайта қаржыландыру кезінде болған берешек сомасының 50%-ынан астамын өтегеннен кейін күнтізбелік 30 күннен артық мерзім өтелмеген жағдайда. Яғни, егер кредиттің жалпы сомасы бір миллион теңгені құраса және сіз 2025 жылғы 1 қаңтарға дейін 500 мың теңгеден астам өтеген болсаңыз, сондай-ақ күнтізбелік 30 күннен артық кешіктіруге жол бермесеңіз, онда 2026 жылғы 1 қаңтарға қарай сізге «оңалтылды» мәртебесі беріледі;&nbsp; Кредит бойынша берешек өтелгеннен кейін күнтізбелік 12 ай өткен соң. Мысалы, егер сіз 2025 жылғы 1 қаңтардағы жағдай бойынша кредит бойынша қарызыңызды толығымен өтеген болсаңыз, онда 2026 жылғы 1 қаңтардағы жағдай бойынша кредиттік бюро сіздің қарызыңызға «оңалтылды» деген &nbsp;мәртебені беруге тиіс.Бұл ретте «оңалтылды» деген мәртебе барлық кешіктіру кредиттік тарихтан жоғалады дегенді білдірмейді. Естеріңізге сала кетейік: кредиттер мен бөліп төлеу туралы барлық ақпарат тарихта бес жыл бойы сақталады. Сондықтан тіпті оң мәртебенің өзі жаңа қарыз алуға кепілдік бермейді – бұл банктер үшін жеткіліксіз болуы мүмкін. Алаяқтарға сенбеңізАлаяқтық әрекеттерден қорғау үшін мынадай негізгі ережелерді сақтауға кеңес береміз:&nbsp;• &nbsp; Қарыздарды тек қаржылық қызметті жүзеге асыруға лицензиясы бар банктер мен микроқаржы ұйымдарында (МҚҰ) ресімдеңіз. Лицензияның бар-жоғын ҚНРДА-ның ресми сайтында тексеруге болады.• &nbsp; ЖСН, жеке куәлік немесе паспорт нөмірін, электрондық цифрлық қолтаңбаны (ЭЦҚ), банк карталарының деректемелерін (CVV/CVC-кодты қоса алғанда) қоса алғанда, дербес деректерді WhatsApp, Telegram және басқа да мессенджерлер арқылы үшінші тұлғаларға бермеңіз. Мұндай ақпаратты беру деректеріңізді рұқсатсыз пайдалануға әкеп соғуы мүмкін.• &nbsp; Кем дегенде үш-алты айда бір рет кредиттік тарихыңызды үнемі тексеріп отырыңыз. Бұл ықтимал қателерді уақтылы анықтауға және түзетуге немесе алаяқтық әрекеттердің белгілерін анықтауға мүмкіндік береді.• Банктік қарыздар мен микрокредиттерді алудан ерікті түрде бас тартуды белгілеу үшін «Стоп-кредит» сервисін пайдаланыңыз. Сіз бұл қызметті ЭЦҚ-ның көмегімен немесе логин мен құпиясөзді енгізу арқылы өз бетіңізше және делдалдарсыз eGov.kz порталында немесе eGov mobile мобильді қосымшасында қосып, өшіре аласыз.Біздің кеңестерімізге сүйеніп, Сіз кредиттік тарихыңызды біртіндеп жақсартасыз және алаяқтық әрекеттермен байланысты тәуекелдерді азайтасыз. Қаржылық міндеттемелерге қашан да жауапкершілікпен қараңыз, еріксіз сатып алудан аулақ болыңыз, мүмкіндіктеріңізді объективті түрде бағалаңыз және үнемі ақшаңызды қаржылық қауіпсіздік қорыңызға жинаңыз. Бұл сізге қарызды аз алуға және кез-келген жағдайда өзіңізді сенімді сезінуге көмектеседі.<img src="https://knadmin.beoblood.kz/uploads/Fingramota_10_04_2_796f83b285.jpg" alt="Финграмота 10.04 2.jpg">Фото: fingramota.kz

Кредиттік тарих: қалай тексеруге және жақсартуға болады?

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев облыстық мәслихат төрағасы Жұмабек Ембергеновпен бірге Айдарлы ауылында «Қазақстан халқына» қорының демеушілігімен жабдықталған спорт клубтың жұмысымен танысты. Аудан басшысы спорттық нысандағы жаттығу залдары мен секцияларды аралап көрді.<blockquote>– Мемлекет басшысы Қасым-Жомарт Кемелұлы Тоқаевтың тікелей бастамасымен денсаулық сақтау, білім беру және әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қоры арқылы ауқымды жұмыстар атқарылуда. Оның ішінде, аймақ басшысы Нұрлыбек Машбекұлы Нәлібаевтың қолдауымен қоғамдық қормен тығыз байланыс орнатылып, өңірімізде бірлескен үлкен жобалар қолға алынған. Кеше ғана облыс орталығында «Қазақстан халқына» қоғамдық қорының қолдауымен бой көтеретін дене шынықтыру-сауықтыру кешенінің іргетасы қаланды. Жалпы, «Қазақстан халқына» қоғамдық қоры аймағымызда 7 млрд. 150 млн теңгенің жобаларын жүзеге асыруда. Соңғы екі жылда өңірдің денсаулық сақтау саласына 4 млрд. 800 млн. теңге қаржы бағытталды. Оның қатарында ауданға қарасты Айдарлы ауылында спорт клубқа спорттық құрал-жабдықтар алынып, бөлмелер жабдықталды, – деді Берік Әбдіғаппарұлы.</blockquote>Елді мекенде бұқаралық спортты дамыту бағытындағы жұмыстар туралы ауыл әкімі Нұрбол Жұмабеков ақпарат берді.2024 жылы босаған ескі балабақша ғимараты жеке кәсіпкердің демеушілігімен 3,5 млн. теңгеге спорт клубына лайықтандырылған. Өткен жылы «Қазақстан халқына» қорының демеушілігімен, «Батыр боламын» қоры арқылы 8,8 млн. теңгеге спорттық құрал-жабдықтар, оның ішінде үстел теннисі жиынтығы, жаттығу құралдары, спорттық киімдер, қабырғаға және жерге төсеуге арналған матрастар алынған. Нәтижесінде, спорт клубы ішінде еркін күрес, бокс, шахмат, теннис үйірмелеріне арналған арнайы бөлмелер жабдықталды. Қазіргі таңда аталған спорт клубында 50 бала спорт секцияларына тұрақты қатысуда. Сонымен қатар, елді мекен тұрғандары үшін де спорт клубы жаттығу жұмыстарын жасап, салауатты өмір салтына баулуға үлкен септігін тигізуде.Аудан әкімі атқарылған жұмыстарға оң бағасын беріп, алдағы уақытта да демеушілік есебінен спорт саласын дамыту, сондай-ақ спорт клубтарын жандандыру бағытында жүйелі жұмыстар атқару керектігін атады.<img src="https://knadmin.beoblood.kz/uploads/Syrdariya_sport_kluby_zhabdy_taldy_2_148577ce6b.jpg" alt="Сырдария спорт клубы жабдықталды 2.jpg"><img src="https://knadmin.beoblood.kz/uploads/Syrdariya_sport_kluby_zhabdy_taldy_2_5603c147c9.jpg" alt="Сырдария спорт клубы жабдықталды (2).jpg">Фото: Сырдария ауданы әкімінің баспасөз қызметі

"Қазақстан халқына" қорының демеушілігімен спорт клубы жабдықталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы құрылыс нысандарын аралап шықты.Алдымен «Bi Global» серіктестігі қолға алған шығармашылық-инновациялық орталыққа барды. Бүгінде нысанның қасбеті әрленіп, абаттандыру, ішкі әрлеу және витраж орнату жұмыстары жүргізілуде. Құрылысқа 260 адам, 10 техника жұмылдырылған. Орталық қолданысқа берілгеннен кейін балаларға спорттық-сауықтыру, көркем-эстетикалық, ғылыми-техникалық, тарихи-өлкетану бағытта қызмет көрсетеді. Волейбол, баскетбол, футбол, воркаут алаңдарында, соңғы үлгідегі бассейнде жаттығу мүмкіндігі жасалады.Аймақ басшысы заманауи кірпіш зауытының құрылыс барысымен де танысты. Өңірлік үйлестіру кеңесінің шешімімен зауыт салу үшін Қызылорда қаласындағы «Өндіріс» индустриялық аймағынан 7 гектар жер телімі табысталған. Құны 2,5 млрд теңге болатын зауытта жылына 90 млн дана кірпіш шығарылады деген жоспар бар. Бүгінде іргетасы құйылып бітті, металл конструкциялар орнатылуда.Одан кейін облыс әкімі Тәуелсіздікке 25 жыл даңғылын қайта жаңғырту барысын көріп шықты. Өткен жылдан бері Бейбарыс сұлтан көшесінен Әбілқайыр хан көшесіне дейінгі Сырдария өзенінің қорғаныс бөгеті нығайтылып, даңғылдың 6,7 шақырымы қайта жаңғыртылуда. «УАД» ЖШС қолға алған жоба құны 6 млрд 656 млн.теңге. Қазір 1,2 шақырым кеңейтілетін аумақта жол негізінің құрылысы жүргізіліп, асфальт төселді. Сонымен қатар, Сырдария өзенінің жиегіндегі қорғаныс бөгеті тазаланып, 2,6 шақырымға жуық дамба нығайтылды, 1,4 шақырым тіреу қабырғасы, 820 метр жиек тұрғызылды.Сол жағалаудағы жаңа стадионның шығыс және батыс трибуналарының металл конструкцияларын монтаждау аяқталып, қабырғасы мен ішкі бөлімдері, сыртқы витраждары қалануда. Сыртқы инженерлік желілер жеткізілген. Жылу, су құбырлары, электр, желдеткіштің ішкі желілері орнатылуда. Ғимараттың сыртқы қабырғасы, ішкі инженерлік желілерін жүргізу аяқталып, футбол алаңын монтаждау және абаттандыру басталады.<img src="https://knadmin.beoblood.kz/uploads/rylys_nysandaryn_aralady_09_04_2_d7c270bb6a.jpg" alt="Құрылыс нысандарын аралады 09.04 2.jpg"><img src="https://knadmin.beoblood.kz/uploads/rylys_nysandaryn_aralady_09_04_3_40b1e6acd2.jpg" alt="Құрылыс нысандарын аралады 09.04 3.jpg">Фото: Қызылорда облысы әкімінің баспасөз қызметі

Құрылыс нысандарын аралап, жұмысымен танысты

<a href="https://kyzylorda-news.kz/">Kyzylorda-news.kz</a> Түркістан облысында, Кентау қалалық емханасының базасында Даму және ерте араласу орталығы (ДЕАО) өз жұмысын бастады. Бұл&nbsp;қаладағы алғашқы осындай орталық және&nbsp;ҚР Денсаулық сақтау министрлігінің «Алғашқы 1001 күн» ұлттық жобасын іске асырудағы маңызды қадам, деп хабарлайды ведомствоның баспасөз қызметі.Орталықтың мақсаты –&nbsp;баланың өмірінің алғашқы кезеңдерінен бастап сау өсуі мен дамуын қамтамасыз ету. Бұл отбасыларға арналған қолдау кеңістігі және балалардың дамуындағы ауытқулардың тиімді профилактикасы.Даму және ерте араласу орталықтары:баланың даму ерекшеліктерін ерте кезеңде анықтауға мүмкіндік береді; мүгедектік, созылмалы аурулар және емдеуге жатқызу қаупін азайтады; болашақта қымбат емдеуге кететін шығындарды болдырмауға көмектеседі; баланың қажеттіліктері мен отбасының басымдықтарын ескере отырып, жеке көмек жоспарын қалыптастырады.МСАК (медициналық-санитариялық алғашқы көмек) жаңа моделі балалар денсаулығын сақтаудың кешенді тәсілін болжайды. Бұл учаскелік дәрігерлер мен патронаттық қызметке деген сенімділікті арттырады, сонымен қатар қолдауды, әсіресе арнайы мамандардың саны шектеулі&nbsp;өңірлерде қолжетімді етеді.Орталықта жаңа туған нәрестелер мен жас балаларға арналған скринингтер, аутизмге арналған өзгертілген скринингтік тест, күтім жасау және емшек сүтімен қоректендіру бойынша консультация беру, сондай-ақ өмірлік қиын жағдайға тап болған отбасыларды сүйемелдеу сияқты қызметтердің кең спектрі бар.Сондай-ақ, мұнда бес жасқа дейінгі балалардың заңды өкілдеріне күтім жасау және дұрыс тамақтануды ұйымдастыру мәселелері бойынша консультациялар өткізіледі.Ведомствоаралық өзара іс-қимылға, патронаждық қызметке және тұрмыстық зорлық-зомбылық пен балаларға қатыгездіктің алдын алуға ерекше назар аударылады.Медициналық және психоәлеуметтік көмекті өңірлік дәрігер, педиатр, невропатолог, психолог, әлеуметтік қызметкер, патронаждық мейіргерелер және басқа да бейінді мамандар көрсетеді.Елдің барлық өңірлерінде &nbsp;ерте даму және араласу орталықтары ашылады. Мұнда қызметтер МӘМС жүйесі шеңберінде тегін ұсынылады.«Алғашқы 1001 күн» &nbsp;ұлттық жобасы ерте анықтау және араласу жүйесін дамыту, патронаттық сапарлардың әмбебап прогрессивті моделін енгізу және балалар жасындағы ауруларды кешенді басқару, педиатриялық қызметті жетілдіру, сондай-ақ емшек сүтімен қоректендіруді ілгерілету және қолдау сияқты бағыттарды қамтиды.Фото: ortcom.kz

Қазақстан және Қызылорда облысының жаңалықтары