<a href="https://kyzylorda-news.kz/">Kyzylorda-news.kz</a> &nbsp;Қазақстан Халық партиясы Ұлы жеңістің 80 жылдығына арналған тақырыптық іс-шаралар топтамасын ұйымдастырды. Бүгін ҚХП Қызылорда облыстық филиалында аталған шараның ашылу салтанаты өтті.&nbsp;Мақсаты – өскелең ұрпақты патриотизм мен Отанға деген сүйіспеншілікке тәрбиелеу, сондай-ақ, азаматтарға сұрапыл соғыс жылдардағы оқиғалар жөнінде толық ақпарат бере отырып, бүгінгі бейбіт күн үшін күрескен батырларымыздың ерлігін дәріптеу."ORDA" жоғары колледжінде өткен жиынға тыл ардагерлері, облыстық ардагерлер кеңесінің төрағасы, қоғамдық даму басқармасының өкілі және студент жастар қатысты. Бүгінгі ұрпақ бейбіт күн үшін от кешкен ержүрек батырларымыздың есімін білуі тиіс. &nbsp;Осы мақсатта Қазақстан Халық партиясы Қызылорда облыстық филиалы өкілдері Ұлы Отан соғысының ардагері, 103 жастағы қарт солдат Яхия Тасыров жайлы бейнематериал дайындау үшін ғасыр адамына арнайы жолықты. Сырдария ауданы, Тереңөзек кентінде тұратын қарт майдангер Яхия атамыз нағыз ерліктің үлгісін көрсетіп, кеудесін оққа тосып, бүгінгі бейбіт күн үшін күресті. Ержүрек атамыз жайлы арнайы дайындалған бейнемаиериал бағдарлама барысында көпшілік назарына ұсынылды.«Барлығы майдан үшін, барлығы Жеңіс үшін», деген ұранмен соғысқа аттанған ерлердің орнын әйелдер, қариялар мен балалар алмастырды. Тыл еңбеккерлерінің жауды жеңудегі рөлі жоғары. Олар соғыс күндерінің барлық ауыртпалықтарын қажырлылықпен көтеріп, патриотизм үлгісін танытты. Басқосуда тыл ардагерлері естелік әңгімелерін айтып, шара мазмұнын байытты. Бүгінгі аға буын өкілдерінің тағылымы мол әңгімесі жалындаған жастарға үлгі.<img src="https://knadmin.beoblood.kz/uploads/aza_stan_Haly_partiyasy_2_2e0e4e7099.jpg" alt="Қазақстан Халық партиясы 2.jpg">Фото: Қазақстан Халық партиясы

Ерлікке тағзым

<a href="https://kyzylorda-news.kz/">Kyzylorda-news.kz</a> Қазақстанда ТМККК, МӘМС шеңберінде ем алатынпациенттерді қамтамасыз ету үшін &nbsp;және дәріханалардың бөлшек сауда желісінде сатылатын препараттардың шекті құнын төмендетуді көздейтін дәрілік заттардың бағасын реттеудің жаңа тетігі жұмыс істейтін болады, деп хабарлады Денсаулық сақтау вице-министрі Ержан Нұрлыбаев Орталық коммуникациялар қызметінің алаңында өткен баспасөз брифингі барысында.Дәрі-дәрмектің шекті құнын төмендету құралдарының бірі бұрын дәрі-дәрмектің құнына енгізілген қосымша шығыстарды алып тастау болады: маркетинг (30%-ға дейін), көлік (15%-ға дейін) және сапаны бағалау шығындары.Үстеме бағалардың регрессивті шкаласын қайта қарау нәтижесінде оларды қолдану шегі айтарлықтай төмендеді: тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде олар 20%-ға дейін, көтерме сату үшін – 25%-ға дейін, ал бөлшек сауда үшін - 30%-ға дейін (бұрын 55%-бен салыстырғанда).Реттеу, шекті бағалар мен үстеме бағаларды қалыптастыру қағидаларының жаңа редакциясында генериктерге бағаны бастапқы дәрілік зат бағасынан 30 %-ға төмендету көзделген.Егер бастапқы препарат нарықта болмаған жағдайда, отандық аналогтың шекті құны импортталатын дәрілердің орташа бағасынан аспауға тиіс. Мұндай саясат бәсекелестікті ынталандыруға және барлық тараптар мүдделерінің теңгерімін қамтамасыз ете отырып, отандық өндірушілер үшін жағдайларды жақсартуға мүмкіндік береді.Жүйенің ашықтығын арттыру үшін мемлекеттік ақпараттық порталдармен, атап айтқанда, Мемлекеттік кірістер комитетімен интеграция енгізілетін болады. Бұл шара дәріханалардың кедендік декларациялары мен кассалық чектерінің деректерін мониторингтеу арқылы дәрілік заттардың бағасын тиімді бақылауға мүмкіндік береді.Сонымен қатар, референттік елдердің тізімі қайта қаралды: 16-ның орнына Түркия, Ресей, Польша, Беларусь және басқалары сияқты экономикалық жағынан салыстырмалы 10 мемлекет кіреді. Бұл әлемдік тәжірибені ескере отырып, бағаларды дәлірек және өзекті талдауға мүмкіндік береді.Ержан Нұрлыбаев атап өткендей, халықты дәрі-дәрмекпен қамтамасыз ету саласындағы заңнамалық бастамалардың негізгі міндеті - бұл дәрі-дәрмек бағасының негізсіз өсуін тежеуге, нарықтың ашықтығы мен әділ бәсекелестікті қамтамасыз етуге мүмкіндік беретін баға белгілеудің тиімді тетіктерін қалыптастыру.Вице-министр сондай-ақ фармацевтикалық нарықта дәрілік заттардың қолжетімділігін арттыру мақсатында Денсаулық сақтау министрлігі монополияға қарсы органмен бірлесіп, Жол картасы шеңберінде көтерме және бөлшек саудада өткізу үшін дәрілік заттардың бағасын кезең-кезеңімен реттеу жөніндегі іс-шаралар жүргізіліп жатқанын еске салды. Осылайша, 2023 жылы бәсекелестік ортаға рецептсіз сатылатын дәрілік заттардың 302 атауы, ал 2024 жылы – рецептсіз сатылатын дәрілік заттардың 952 атауы шығарылды.Тегін медициналық көмектің кепілдік берілген көлемі шеңберінде және 2020 жылғы 11 желтоқсандағы № ҚР ДСМ-247/2020 міндетті әлеуметтік медициналық сақтандыру жүйесінде дәрілік заттар мен медициналық бұйымдарға шекті бағаларды және үстеме бағаны реттеу, қалыптастыру қағидаларына тиісті өзгерістер (бұдан әрі – Қағидалар) қазірдің өзінде ҚР Денсаулық сақтау министрінің 25 желтоқсандағы № 110 бұйрығымен бекітілген.Фото: gov.kz

Жаңа реттеу тетігі дәрі-дәрмек бағасын төмендетеді

<a href="https://kyzylorda-news.kz/">Kyzylorda-news.kz</a> Қала тұрғындарын жайлы баспанамен қамтамасыз ету мақсатында шаһарда тұрғын үй құрылысы қарқынды жүргізілуде. Бұл жұмыстарға 2024 жылы аймақ басшысының тікелей қолдауымен 10 млрд. 122,1 млн. теңге бөлінді.Өткен жылы Сырдария өзенінің сол жағалауында 504 пәтерді құрайтын 7 қабатты 6 тұрғын үй пайдалануға берілді. Бүгінде осы мөлтек ауданда 400 пәтерді құрайтын көпқабатты 10 тұрғын үйдің құрылысы жүруде. Жуырда құрылыс жұмыстары толық аяқталып, пайдалануға беріледі. Құрылыс жұмыстарын «Орион», «Интегрострой», «Техаснастка Ремсервис», «Авангард ПГС», «ПромстройСервис Е», «Асар», «АманҚұрылыс» құрылыс мекемелері жүргізуде. Жобаға сәйкес, тұрғын үйлердің кіре беріс жолы кеңейтілген, үй ауласы көлік тұрағымен, спорт және балалар ойын алаңдарымен және демалыс аумақтарымен қамтылған.Айта кету керек, бүгінде «Тұрғын үй құрылысы» бағдарламасы аясында облыс орталығында 7 қабатты 84 пәтерлі 10 тұрғын үйдің жоба-сметалық құжаттары дайын, көпқабатты 50 пәтерлі 12 тұрғын үйдің құжаттары әзірленуде. Құрылыс жұмыстары жақында бастау алады.Бұдан бөлек, әлеуметтік осал топ санатындағы азаматтарды баспанамен қамту жұмыстары жалғасуда. Өткен жылы осы санаттағы азаматтарға 936 пәтер пайдалануға берілді. Апатты деп танылған үйлердің де тұрғындарын жаңа баспанаға көшіру сәтімен жүзеге асырылуда. Қазір «Титов» қыстағында 135 пәтерлі үйдің құрылысы аяқталып, абаттандыру жұмыстары жүргізілуде. Жақын күндері тұрғындар жаңа баспанаға көшіріледі. Дәл осы санаттағы үй тұрғындары үшін көктем мезгілінде келесі 135 пәтерлі тұрғын үйдің құрылысы бастау алады.<img src="https://knadmin.beoblood.kz/uploads/T_r_yn_j_rylysy_ar_yndy_zh_rgizilude_48b3342f07.jpg" alt="Тұрғын үй құрылысы қарқынды жүргізілуде.jpg"><img src="https://knadmin.beoblood.kz/uploads/T_r_yn_j_rylysy_ar_yndy_zh_rgizilude_1_4af1cc0e61.jpg" alt="Тұрғын үй құрылысы қарқынды жүргізілуде 1.jpg">

Қызылордада тұрғын үй құрылысына 10 млрд теңгеден астам қаржы бөлінді

<a href="https://kyzylorda-news.kz/">Kyzylorda-news.kz</a> Танымал әнші Саят Медеуов әріптестеріне қатысты күтпеген ұсыныс жасады. Бұл туралы <a href="https://stan.kz/anshilerge-ayippyl-salu-kerek-sayat-medeuov-ariptesteri-412660/">Stan.kz</a> ақпарат агенттігі хабарлайды.Өнер иесі “1001 түн” бағдарламасында қонақ болып, бүгінгі эстраданы сөз етті.<blockquote>“Мәдениет пен өнер саласында&nbsp;мен күйіп кететін нәрсе көп. Қазір аузына келген сөзбен ән жаза беретін әншісымақтар қаптап кетті. Сапасыз әншілерден, сапасыз ән туады. Оларға ешқандай шектеу болып жатқан жоқ. Содан кейін ойына келгенді жазады. Әннің сөзі әуенмен бірге төгіліп, поэзия секілді құйылып тұруы керек. Біз композитор, ақын, әнші деген үш тағанды жоғалтып алдық. Баяғыда ән осы үш тағанның уысынан шығып, сәтті екенін дәлелдейтін. Қазір бәрі майдаланып барады", –&nbsp;деп ашуланды Саят Медеуов.</blockquote>Сондай-ақ&nbsp;өнер иесі сахнада мән-мағынасы жоқ ән айтатындарға айыппұл салу керегін айтты.<blockquote>"Болмайтын ән айтатын әнші&nbsp;көп. Бәрі демеймін. Арасында жақсы әншілер де бар. Бірақ сапасыз ән айтатындарға айыппұл салу керек. Заңмен шектеп, олардың еркін көсілуіне жол бермеуіміз керек. Ақыры бәріне айыппұл салып жатырмыз ғой. Көлікті 5 минуттан артық қыздырғанға да айыппұл салып жатырмыз ғой, одан да өнерді ластап, мәдениетті құртып жатқан әншісымақтарға айыппұл салғанымыз абзал", – деді әнші.</blockquote>Фото: Stan.kz

"Әншілерге айыппұл салу керек": Саят Медеуов әріптестеріне қатысты ұсыныс жасады

<a href="https://kyzylorda-news.kz/">Kyzylorda-news.kz</a> Бүгін партияның облыстық филиалының төрағасы Алмасбек Есмаханов партиялық бақылау комиссиясы және фракция мүшелерімен бірге Сайлауалды бағдарлама аясында СПМК-70 мөлтек ауданында салынып жатқан «Жайлы мектеп» құрылысы жұмыстарымен танысты.Білім ордасының құрылыс жұмыстарын 2024 жылдың шілде айынан бастап келісімшарт бойынша «Integra Construction KZ» ЖШС жүргізуде. 1500 орынға шақталған білім ошағы құрылысы ағымдағы жылы аяқталып, пайдалануға беріледі деп күтілуде.Құрылыс қарқынын көрген аманаттықтар мониторинг барысында тыпсырыс беруші және мердігер, техникалық қадағалаушы мекеме өкілдерімен жүздесіп, құрылыс қарқынын жоғарылату, құрылыс сапасы мен мерзімінде аяқталуы жөнінде нақты ұсыныстарын айтты.«Мемлекет басшысының бастамасымен «Жайлы мектеп» ұлттық жобасы аясында еліміздің барлық аймағында білім ордалары саланып жатыр.Біздің өңірімізде жоба аясында 9500 орындық 10 мектеп құрылысы басталып, оның 4-уі ел иглігіне табысталды. Бүгінгі күні қалған мектептер құрылысы Президентіміздің және аймақ басшысының тікелей бақылауында. Жас ұрпақтың игілігі үшін салынып жатқан білім ордасаның сапасы дұрыс болуы керек. Мұнда өзіміздің балаларымыз, немерелеріміз білім алатын болады. Сондықтан асығыс жасап, пайдалануға берілмей жатып, қайта жөндеуді талап етпейтін, кемі 30-40 жыл қызмет жасайтындай сапалы болуы керек. Балалардың қауіпсіздігі үшін барлығымыз да жауаптымыз»,- деді өз ұсыныстарымен бөліскен партияның облыстық филиалының төрағасы Алмасбек Есмаханов.

Жайлы мектеп құрылысына партиялық бақылау жасалды

<a href="https://kyzylorda-news.kz/">Kyzylorda-news.kz</a> Болашақ бағдарламасымен оқығандар енді белгілі бір шарттарын орындаса, елге қайтпауына болады.&nbsp;Бұл туралы&nbsp;<a href="https://stan.kz/bolashak-bagdarlamasimen-bilim-algandar-elge-kaytpasa-b-412642/">Stan.kz</a>&nbsp;ақпарат агенттігі хабарлайды.20 қаңтарда ғылым және жоғары білім министрлігі "Болашақ" стипендиясын алу және жүзеге асыру ережелеріне өзгерістер енгізілгенін хабарлады.Жаңартылған ережеге сәйкес, іріктеуден өткендер ғана шәкіртақы ала алады. Бұрын жыл соңына дейін күту қажет болса, енді сол күнтізбелік жыл ішінде қайта өтініш беруге болады.Осы уақытқа дейін стипендиаттар Қазақстанға оралып, елде кемінде бес жыл жұмыс істеуі керек еді. Бұл талап енді міндетті емес."Бағдарлама түлектерінің Қазақстан мүшелік ететін БҰҰ, ЮНЕСКО, ШЫҰ және ТМТ сияқты халықаралық ұйымдарда жұмыс тәжірибесінен өтуге мүмкіндігі бар”, – деп хабарлады министрліктің баспасөз қызметі."Болашақ" мүшелері енді шетелде тек халықаралық ұйымдарда ғана емес, тағы екі нұсқа бойынша еңбек тәжірибесінен өте алады:<ul><li style="text-align:justify;">Акцияларының немесе жарғылық капиталының 50%-дан астамы Қазақстан Республикасына тиесілі компанияларда.</li><li style="text-align:justify;">Акцияларының немесе жарғылық капиталының 50%-дан астамы Қазақстанның ұлттық компанияларына тиесілі компанияларда.</li></ul>Тағы бір жаңалық мемлекеттік қызметкерлерге қатысты. Енді олар тіл курстарынан өту мүмкіндігімен шетелде магистратурада оқи алады. Министрлік атап өткендей, бұл мемлекеттік аппараттың тиімділігін арттыруға бағытталған.Фото: Pixabay.com

Болашақ бағдарламасымен білім алғандарға елге қайтпауға рұқсат етілді

<a href="https://kyzylorda-news.kz/">Kyzylorda-news.kz</a> Қызылорда облысында әлеуметтік маңызы бар азық-түлік тізіміне жататын картоптың бағасы бүгінде тұрақты әрі тұрақтандыру қорында жеткілікті көлемде сақталуда.Қазіргі уақытта тұрақтандыру қорында жалпы көлемі 1000 тонна картоп өнімі сақтаулы. Өнім әлеуметтік дүкендер желісіне 143 теңгеден, ірі сауда үйлеріне 158 теңгеден босатылып жатыр. Ал нарықта 400 теңгеден сатылуда.Әлеуметтік маңызы бар азық-түлік түрлерінің қымбаттауына жол бермеу үшін тұрақты мониторинг жүргізіледі. Сондай-ақ, қаламыздағы 37 әлеуметтік дүкен мен 21 үй жанындағы дүкен және 10-нан аса ірі сауда үйлері арқылы тұрақтандыру қорының өнімдері 10-15%-ға төмен бағада сатылуда.Айта кетейік, бүгінде тұрақтандыру қорында құны 1 млрд 241,6 млн теңге болатын 3 869,3 тонна азық-түлік бар. Бұдан бөлек, келісімшартқа сәйкес әлі де жеткізушіде 518,9 млн теңге сомасын құрайтын 8 665,5 тонна өнім қоры бар.Фото: Ауыл шаруашылығы басқармасы

Картоп қоры өңір қажеттілігін толық қамтамасыз етуге жеткілікті

<a href="https://kyzylorda-news.kz/">Kyzylorda-news.kz</a> Мемлекеттік бағдарламалар аясында қалада кәсіпкерлік бастамаларды қолдау шаралары оң нәтижесін беруде.Бағдарламаның арқасында бизнеске бет бұрып, шаруасын ширатқан кәсіп иелерінің қатарында қала тұрғыны Жансия Альсеитова да бар. Кәсіпкер 2019 жылдан бастап жартылай фабрикатталған өнімдер өндірісімен айналысып келеді. Өткен жылы цехты кеңейту мақсатында Қызылорда өңірлік инвестициялық орталығы арқылы 22 млн. теңге қаражатқа ие болды. Бөлінген қаржыға 1000 шаршы метрге дейін өндіріс орнын кеңейтіп, заманауи құрал-жабдықтармен жабдықтады. Цех жуырда іске қосылады. Әзірше 5 адамды жұмыспен қамтыған кәсіп иесі күніне 100-110 кг өнім өндіруде. Дайын өнімдер қала орталығындағы дүкен сөрелерінен орын табуда.Өңірлік инвестициялық орталық арқылы 30 млн. теңгеге жеңілдетілген несие алып, наубайхана ісін қолға алған кәсіпкердің бірі – Анар Романова. Кәсіпкер қазір 7 адамды жұмыспен қамтып отыр. Наубайханада күніне 400-ге жуық нан өнімдері дайындалып, қаладағы дүкендерге жеткізіледі. Ерекшелігі бұл өнімдер табиғи жолмен ашытылып пісіріледі. Алдағы уақытта кәсіпкер Сол жағалау тұрғын ауданынан кеңейтілген наубайхана ашпақ ниетте.Қала тұрғыны Мадина Сейілханова да осы бағдарлама аясында 13 млн. теңгеге жеңілдетілген несие алып, жаңа «Бибі-Ана» наубайханасын іске қосты. Күніне 100-ден аса өнім шығарып, «Ақмаржан» мөлтек ауданының тұрғындарын қамтуда. Наннан өзге де өнімдерді сатылымға шығаруды жоспарлауда.Жалпы, өткен жылы «Қызылорда» өңірлік инвестициялық орталығы микроқаржы ұйымы арқылы, жалпы құны 502,3 млн. теңгені құрайтын 41 жоба қолдау тапты.Фото: қала әкімдігі

Кәсіпкерлікке қолдау бар

<a href="https://kyzylorda-news.kz/">Kyzylorda-news.kz</a>&nbsp; 13-17 қаңтар аралығында Астанада оқушыларға арналған математика, физика және информатика бойынша XXI Халықаралық Жәутіков олимпиадасы өтті. Олимпиадаға әлемнің 15 елінен 700 оқушы мен 150 жуық жетекші қатысты. Қатысушы елдер қатарында: Армения, Әзербайжан, Беларусь, Болгария, Грузия, Қырғызстан, Моңғолия, Өзбекстан, Румыния, Ресей, Сербия, Тәжікстан, Түркия, Түрікменстан, Қазақстан бар. Олимпиадаға Қазақстан атынан қатысып, жүлделі орыннан көрінген қызылордалық өрендер де бар.Жеңіс тұғырынан көрінген оқушылардың қуанышты жаңалығын Сейілбек Шаухаманов атындағы №9 дарынды балаларға арналған облыстық "Білім-инновация" лицей-интернатының директоры Абайбек Сәрсенбеков сүйіншіледі.<blockquote>– Жәутіков олимпиадасы биыл алғаш рет Астана қаласында өтті. Әлемнің әр түкпірінен озық ойлы оқушылар жиналып білім бәсекесінде бақ сынады. Бұл білім бәйгесінде, Сыр өңірінің де асығы алшысынан түсті. Мамадахунов Мансур, Иса Ахмет Курманов Алимхан, Зермұханбетұлы Ердос алтын,күміс,қола медальдарын иеленіп, Сыр бойылықтардың білім дәрежесінің жоғары екенін көрсете білді. Алдағы уақытта да, білім көкжиегінде сыр елінің атын шығара береміз деген үлкен сенім бар,- деді Абайбек Жанарбекұлы.</blockquote>Жарыс екі кезең бойынша өтті.<blockquote>– Мен ХХІ Жәутіков атындағы халықаралық олимпиададан алтын медаль иелендім. Жалпы, жарыс екі кезең бойынша өтті. Әр кезеңде 3 тапсырма берілді. Негізінде оқушылар олимпиадаға 9 сыныптан бастап қатысады. Ал, мен 7 сыныбымда 9 сыныптың білім беру бағдарламасының есебін шығарып, олимпиадаға қатысуға мүмкіндік алып, алтын алдым. Содан бері тек облыстық, республикалық ғана емес, халықаралық жарыстарға да қатысып жүрмін. Команда бойынша бірінші, екінші орынды ресейлік оқушылар алды. Мен солардың ішінде абсолюттік төртінші орын алдым. Бұл өте жоғары көрсеткіш болып есептеледі,- деді информатика пәнінен 1 орын иегері Мансур Мамадахунов.</blockquote><img src="https://knadmin.beoblood.kz/uploads/olimpiada_c15491f146.jpg" alt="олимпиада.jpg">Фото: Нұрболат Нұржаубай

Жәутіков олимпиадасы: Қызылордалық өрендер жеңіс тұғырынан көрінді

<a href="https://kyzylorda-news.kz/">Kyzylorda-news.kz</a> Дональд Трамп АҚШ-тың 47-президенті ретінде ресми түрде қызметіне кірісті. Бұл туралы <a href="https://stan.kz/tramp-insguraciya-412634/">Stan.kz</a> ақпарат агенттігі хабарлайды.Ұлықтау рәсімі әдетте ашық алаңда өтетін.&nbsp;Алайда бұл жолы ауа райының қолайсыздығына байланысты шара Капитолий ғимаратының ішінде өтті.Вашингтонда Трамп пен оның вице-президенті Дж.Д.Вэнс Капитолий Ротундада ант берді.Ант беру кезінде Трамп бірден екі кітапты пайдаланды. Ол Трамптың 1955 жылы анасы берген жеке Інжілі және 1861 жылы АҚШ президенті Авраам Линкольн инаугурация кезінде пайдаланған барқытпен тігілген тарихи Линкольн Інжілі."Мен Америка Құрама Штаттарының Президентінің қызметін адал атқаруға және қолымнан келгенше Америка Құрама Штаттарының Конституциясын сақтауға және қорғауға салтанатты түрде ант етемін”, –&nbsp;деді Трамп.Сонымен қатар ол АҚШ-тың жаңа дәуірі басталғанын айтты.“Дәл қазір Американың алтын ғасыры басталады. Осы күннен бастап біздің еліміз гүлденіп, бүкіл әлемде құрметке ие болады. Барша халық бізге қызғана қарайтын болады", –&nbsp;деді Трамп.Айта кетейік, бұл Трамптың екінші инаугурациясы. 2017-2021 жылдар аралығында ол АҚШ-тың 45-президенті болды.Инаугурацияға өз орындарын алу үшін атақты адамдар, әлемдік көшбасшылар мен әлемнің ең бай адамдары келген. Олардың қатарында Аргентина президенті Хавьер Майли, X әлеуметтік желісінің иесі, SpaceX және Tesla компаниясының бас директоры Илон Маск, Amazon негізін қалаушы Джефф Безос және Ұлыбританияның бұрынғы премьер-министрі Борис Джонсон бар. Қонақтар арасында 2016 жылғы сайлауда Трамптың басты қарсыласы атанған Билл мен Хиллари Клинтон да бар.Руперт Мердок, TikTok бас директоры Шоу Жу, UFC Дана Уайт және Ұлыбританияның бұрынғы премьер-министрі Борис Джонсон да инагурацияда бой көрсетті.Трамптың инаугурациясында Капитолий Ротундаға 800 адам, Эмансипация Холлға 1300 және Visitor Center театрына 500 адам келеді деп жоспарланған еді. Капитолий ғимаратында барлығы 2600-ге жуық адам болды.Фото: Euronews

Дональд Трамп АҚШ-тың 47-президенті ретінде ресми түрде қызметіне кірісті

<a href="https://kyzylorda-news.kz/">Kyzylorda-news.kz</a> Бұл туралы Қызылорда облысының дене шынықтыру, спорт және туризм басқармасының басшысы Бақтияр Артаев мәлімдеді.Бұдан былай қызылордалық клуб жаңа маусымда легионерсіз, басқаша айтқанда, 100% қазақстандық ойыншылармен өнер көрсетеді.Сонымен қатар, Олимпиада чемпионы «Қайсардың» жаңа басшысы Талғат Әбдіғаппарұлын таныстырды.Фото: instagram.com/<a href="https://www.instagram.com/fckaysar_official/#">fckaysar_official</a>

Бақтияр Артаев: "Қайсар" клубы легионерсіз ойнайды

<a href="https://kyzylorda-news.kz/">Kyzylorda-news.kz</a> Медициналық және фармацевтикалық департаменті дәріхана қызметінің талап-ережелерінің сақталуын бақылайтынын білеміз.Аталған департамент 2024 жылы жеке және заңды тұлғалардың өтініші бойынша 74 тексеру жүргізген. Жүргізілген тексерулер бойынша тиісті шаралар қаралып, жауаптылар жүйелі жұмыс жасауда. Жыл бойы атқарылған жұмыстарды Медициналық және фармацевтикалық бақылау комитетінің Қызылорда облысы бойынша департаменті басшысының міндетін атқарушы Жанерке Жақсылық баяндап берді.<blockquote>– Жалпы Қызылорда облысы бойынша фармацевтикалық қызметті 522 нысан жүзеге асырады. 2024 жылдың 12 айында Департаментке Тиісті дәріханалық практика GPP талаптарына сәйкестігіне инспекция жүргізуге 28 өтініш түсті. Өткізілген 28 инспекцияның ішінде GPP талаптарына сәйкестігіне 26 сертификат берілді. 2024 жылы фармацевтикалық қызмет саласында мемлекеттік қызмет көрсетуге 457 өтініш келіп түсті. 2024 жылдың 12 айында Департаментке азаматтардың «Е-Өтініш» барлық өтініштерін қабылдау мен өңдеудің бірыңғай платформасы арқылы 67 жолданым келіп түсті,- деді Жанерке Алмасқызы.</blockquote><img src="https://knadmin.beoblood.kz/uploads/d_ri_irlik_1fcb2a5b3a.jpg" alt="дәрі өңірлік.jpg">Фото: Нұрболат Нұржаубай

Қазақстан және Қызылорда облысының жаңалықтары