<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде тоқсан тамырлы тарихи мен дамылсыз даму шежіресі бар, текті ата-бабалардың құты дарыған, киелі өлке Арал өңірінде аудандық тарихи-өлкетану музейін алғаш ұсыныс жасап ашылуына себеп болған, КСРО мәдениет министрлігінің «Үздік мәдениет қызметкері», Қ. Жасекеновтың 100 жылдығына орай «Мәдениет – жасампаз сана» атты жылжымалы мәдени-демалыс кешендерінің облыстық байқауы өтті.Шараға келушілер алдымен Құдайберген Жасекенұлының ғибратты ғұмыры мен шығармашылығынан сыр шертетін көрмені тамашалады.Байқаудың ашылуында алғы сөз сөйлеген аудан әкімінің орынбасары Б. Жұмағұлов мәдениет майталманының өнегелі өміріне тоқталды.<blockquote>– Диірмен тасындай дөңгеленген дүние кіл мықтыларды сайдың тасындай іріктеп шығарды десек солардың бір шоғыры осы Арал топырағында түлеген. Түрлі саланың шылбырын қағып, жілігін шаққан мамандардың алды келместің көшіне ілессе, арты ортамызда жүр. Өздеріңіз білетіндей бүгінгі біз бас қосып отырған кештің негізгі кейіпкері Құдайберген Жасекенов ағамыз да сол бір сүрлеудің қазанынан шыққан қайраткері, КСРО мәдениет министрлігінің «Үздік мәдениет қызметкері» атанған абыз еді. Киелі өлке тарихының терең тұңғиығына бойлап, арғы ата-бабаларымыз жүріп өткен күреске толы қиын жылдарды танып-біліп, ертеңгі болашақ ұрпақтарымыз адаспай, жаңылмай жөн тауып өмір кешуіне бағыт-бағдар сілтеуде өткеннің мұрасы мол мұражайы керек. Осындай тарихи-өлкетану музейін ауданда алғаш ұсыныс жасап ашылуына себеп болған – Арал ауданы мәдениетінің майталманы – Жасекенов Құдайберген Құсбекұлының еңбегі зор. Көз көргендер Құдайберген Жасекеновты адалдық пен тазалықтың, кісілік пен кішіпейілдіктің нақ үлгісіндей еді деп еске алады. Бұл өз ісіне мығым, нағыз мәдениет жанашырына деген лайықты баға болса керек, – деді.</blockquote>Мұнан соң, өнердің туын тік ұстап жүрген аймағымыздың жылжымалы мәдени демалыс кешен ұжымдары өз өнерлерін ортаға салып, көпшіліктің қошеметіне бөленді.Байқау қорытындысы бойынша қатысушыларға дипломдар мен бағалы сыйлықтар табыс етілді.

Аралда «Мәдениет – жасампаз сана» атты облыстық байқау өтті

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында Қызылорда қаласы бойынша Мемлекеттік кірістер басқармасының басшысы Фердоуси Қожабергеновтың қатысуымен брифинг өтті.&nbsp;Басқарма басшысы жалпыға бірдей декларациялау, жеке тұлғалардың банкроттығы бойынша атқарылып жатқан жұмыстарға тоқталды.<blockquote>– Өздеріңізге белгілі, биыл жалпыға бірдей декларациялаудың 3-ші кезеңі басталды. Үшінші кезеңде заңды тұлғалардың басшылары мен құрылтайшылары және олардың жұбайлары, сондай-ақ дара кәсіпкерлер, олардың жұбайлары (зайыптары) 2024 жылдың 15 қыркүйегіне дейін декларация ұсынуға міндеттелген. Декларацияны электрондық түрде салық төлеушінің кабинеті (<a href="http://cabinet.kgd.gov.kz/?fbclid=IwZXh0bgNhZW0CMTAAAR1Gk_IaOn8KCe6ftEU5deHbErHTYe_hUkLLg0fBbZMpcqNb8aZyVsZ9MI4_aem_R-LJOYKtFAW3Ml4rMPrnLQ">cabinet.kgd.gov.kz</a>) арқылы ұсынуға болады. «Электрондық үкімет» порталы (<a href="https://l.facebook.com/l.php?u=http%3A%2F%2Fegov.kz%2F%3Ffbclid%3DIwZXh0bgNhZW0CMTAAAR3fc01q-lT6-smH1VdQSa0n7dp84A2U-pPvLZBe7dOhD-ohLQsYRdacUdQ_aem_HmPE7gCcKNn44QUDHEM9hg&amp;h=AT3MdQWZ2m5OGhyATOp3aJke9l2PYTRIYRmMqr-URzImsj_FfL7u5XK8GXied_C7ariAuBSpYN2XmKsI6K8IacGaomoXYQCnZQyAYBfYFbFiSdeGobYTWPlllrmQCI_P-AgT&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">egov.kz</a>), сондай-ақ e-Salyq Azamat және eGov mobile, halyk,&nbsp;<a href="https://l.facebook.com/l.php?u=http%3A%2F%2Fkaspi.kz%2F%3Ffbclid%3DIwZXh0bgNhZW0CMTAAAR3AIFvpgBcbxluPs1cSmk_U6Z_n8cu0T9QOwaN0WfmKHagijfyNHRdWTT8_aem_T4mqFuU48irV7yQ-DJB0Bg&amp;h=AT1IG-21hDsvHo0RCSeAqRENfwTk-wycRZcbagDJplZyKBPGpsQ1ihNtMIatjAEjIGkbSZZB8MuilRqZQ_EgYXsnHiXdsJ-xgFmJ5TybqUwlkgIFce6lPL07qNNqo0q5kc2B&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">kaspi.kz</a> мобильді қосымшалары арқылы жүзеге асырылады. Айта кету керек, жеке тұлғаның кірістері мен мүлкі туралы декларациясына (270.00 СЕН) өзгерістердің енуіне байланысты уақытша e-Salyq Azamat мобильді қосымшасы арқылы декларацияны ұсыну тоқтатылды. Алайда, салық төлеушінің кабинеті арқылы ұсынуға болады. Өзгертілген нысанда айлық табысты көрсету қажеттілігі туындамайды, - деді басқарма басшысы Фердоуси Әбілқасымұлы.</blockquote>Бүгінде Қызылорда қаласы бойынша «Жеке тұлғалардың активтері мен міндеттемелері туралы» декларацияны (250.00 СЕН) міндеттелген 38 926 жеке тұлғаның 25 788-сі (66,2%), «Жеке тұлғалардың кірістері мен мүлкі туралы» декларацияны (270.00 СЕН) 58 662 жеке тұлғаның 49 260-сі (84,0%) ұсынған.Аталған жалпыға бірдей декларацияны белгіленген мерзімде ұсынбаған жағдайда, ҚР-ның «Әкімшілік құқық бұзушылық туралы» кодексінің 272-бабына сәйкес әкімшілік шара көзделген. Бірінші рет ескерту түрінде, егер екінші рет бір жыл ішінде қайталанса 15 айлық көрсеткіш айыппұл салынады.<blockquote>– Өткен жылдан бастап елімізде жеке тұлғалар банкрот болуға өтініш бере алатын болды. Азаматтар «жеке тұлғаның банкроттығын» қолдану үшін үш түрлі нұсқаның бірін таңдай алады. Соттан тыс банкроттық, сот банкроттығы және төлем қабілетін қалпына келтіру. Өткен жылдан биылға Қызылорда қаласы бойынша жеке тұлғалардың соттан тыс банкроттығы бойынша 3310 өтініш түсіп, 535 жеке тұлғаның өтініші қабылданып, «банкрот» статусы берілді, - деп қорытындылады басқарма басшысы.</blockquote>

Фердоуси Әбілқасымұлы: 535 жеке тұлғаның өтініші қабылданып, «банкрот» статусы берілді

<a href="https://kyzylorda-news.kz/">Kyzylorda-news.kz</a> Өзгертілген сызбаларды Taplink-тен көруге болады, деп хабарлайды <a href="https://baq.kz/elordada-sammitke-baylanysty-17-avtobustyn-bagyty-ozgeredi-337948/">BAQ.KZ.</a>Астана қаласының тұрғындары мен қонақтары 9 тамызда Астанада "Орталық Азия+Жапония" Диалогының бірінші саммитінің, сондай-ақ Орталық Азия мемлекеттері басшыларының 6-Консультативтік кездесуінің өткізілуіне байланысты, №3, 4, 4А, 14, 19, 21 29, 29А, 32, 40, 43, 50, 58, 66, 84, 202, 203 бағдарлардың қозғалыс сызбасы уақытша өзгереді, - деп жазылған хабарламада. &nbsp;&nbsp;

Елордада саммитке байланысты 17 автобустың бағыты өзгереді

<a href="https://kyzylorda-news.kz/">Kyzylorda-news.kz</a> Кездесуге қатысушылар баспасөз журналистикасын дамыту, бұқаралық ақпарат құралдарының жас қызметкерлері мен блогерлерді және ықпалды тұлғалар сияқты жаңа кезең журналистерін қолдау мәселелерін талқылады.ҚР Парламенті Сенатының депутаты Нұртөре Жүсіп «Егемен Қазақстан», «Казахстанская правда», «Ана тілі», «Балдырған», «Ұйғыр авази» басылымдарын біріктіретін «Қазақ газеттері» ЖШС-нің Алматыдағы филиалының қызметкерлерімен кездесті. Сенатор дәстүрлі бұқаралық ақпарат құралдарын трансформациялау, сөз бостандығын қорғау, журналист мәртебесін бекіту жөніндегі мемлекеттік реформалар және Парламент қабылдаған «Масс-медиа туралы» заңдағы жаңалықтар туралы айтып берді.Кездесуге қатысушылар баспасөз журналистикасын дамыту, бұқаралық ақпарат құралдарының жас қызметкерлері мен блогерлерді және ықпалды тұлғалар сияқты жаңа кезең журналистерін қолдау мәселелерін талқылады.Нұртөре Жүсіп қазіргі қоғамның іргетасы сапалы ақпарат екенін атап өтті. Ақпарат таратудың негізгі құралының бірі ретінде мерзімді баспасөз қоғамдық пікір қалыптастыруда және өзекті оқиғаларды жариялауда маңызды рөл атқарып келеді.<blockquote>«Газеттер мен журналдар білім көзі ретінде және адам құндылықтарын қалыптастыруда қоғам өмірінде маңызы зор. Мемлекет тиісті заңдарды қабылдауда және отандық бұқаралық ақпарат құралдарының дамуын белсенді түрде қолдап келеді. Парламент қабылдаған «Масс-медиа туралы» заң осы жолдағы маңызды қадамның бірі, ол бұқаралық ақпарат құралдары саласындағы қолданыстағы бірнеше заңның ережелерін біріктіріп отыр. Онда мемлекеттік емес бұқаралық ақпарат құралдарына арналған грант арқылы мемлекеттік ақпарат саясатын қаржыландыруды жетілдіру, сауалдарды қарау мерзімін қысқарту, журналистің кәсіби қызметіне құқықтық кепілдік беру, сондай-ақ бұқаралық ақпарат құралдарының өзін-өзі реттеуі және журналистің әдеп кодексін әзірлеу жөніндегі қоғамдық-кәсіби кеңес құру сияқты негізгі жаңалықтар бар. Бұл заң еліміздің медиа кеңістігін дамытудағы маңызды қадам болып отыр», – деді Нұртөре Жүсіп.</blockquote>Тараптар журналистерді даярлау, мамандық этикасы және журналистикада жасанды интеллекті пайдалану келешегі мәселелерін де талқылады.Фото: senate.parlam.kz

Сенатор Нұртөре Жүсіп Алматыда еліміздің медиа кеңістігін дамыту келешегін журналистермен бірге талқылады

<a href="https://kyzylorda-news.kz/">Kyzylorda-news.kz</a>&nbsp; Осыған дейін атмосфералық фронттардың ықпалымен Қазақстанның басым бөлігінде күн&nbsp;құбылмалы болатыны&nbsp;айтылды.Астана қаласының әуежай аумағында бұршақ жауып, көліктердің терезесі шытынады, кейбірінде сынып кетті,&nbsp;деп хабарлайды<a href="https://kyn.kz/36039/astanada-zhau-an-b-rsha-k-likti-terezesin-syndyrdy">&nbsp;KYN.KZ</a> ақпарат агенттігі ҚазАқпаратқа сілтеме жасап.Бұршақ сағат шамамен 17:50-18:00 шамасында жауды. Халықаралық әуежай маңындағы көліктер бір сәтке қозғалысты тоқтатып, жол жиегіне тоқтады.<blockquote>«Мұндай бұршақты бірінші рет көріп тұрмын. Тауық жұмыртқасына жететін шығар көлемі. Енді көліктің алдыңғы терезесін ауыстыру керек. Сақтандыру компаниялары шығынды өтемейді. Ол осы алдыңғы терезенің түпнұсқасы 80 мың, көшірмесі 40-45 мың тұрады», - деді такси жүргізушісі.</blockquote>Айта кетейік, осыған дейін атмосфералық фронттардың ықпалымен Қазақстанның басым бөлігінде күн&nbsp;құбылмалы болатыны&nbsp;айтылды. Яғни найзағай жарқылдап, бұршақ пен жауын жауады, дауыл соғады. Еліміздің батысында, солтүстік-батысында қатты жаңбыр жауады. Тек еліміздің оңтүстігінде және оңтүстік-шығысында жауын-шашынсыз ауа райы күтіледі.Сурет: tengrinews.kz

Астанада жауған бұршақ көліктің терезесін сындырды

<a href="https://kyzylorda-news.kz/">Kyzylorda-news.kz</a>&nbsp; Дзюдодан Париж Олимпидасының чемпионы Елдос Сметов&nbsp;өзіне берілген су жаңа көлікті&nbsp;алғашқы бапкеріне сыйға тартты. Бұл туралы <a href="https://stan.kz/eldos-smetov-ozine-berilgen-su-zhana-kolikti-algashki-b-404517/">Stan.kz</a> ақпарат агенттігі&nbsp;хабарлайды.Елдос Сметов туған жері Тұрар Рысқұлов ауданына барды. Жерлестері&nbsp;чемпионды&nbsp;сән-салтанатпен күтіп алған. Халық спортшыға жылы лебіздерін білдіріп,&nbsp;тарихи жеңісімен құттықтады.Аудан әкімдігі Елдос Сметовке шапан жауып, су жаңа “Haval” көлігін сыйлаған. Ал Сметов бұл көлікті&nbsp;өзінің алғашқы бапкеріне тарту етті.<blockquote>“Нағыз Олимпиада чемпионы! Үлкен алғысымды айтамын бұл кісіге. Қандай көлік мінгізсек те аздық етеді! Қазақтың тарихын бес рет жаңарту бастамасын ашып берген кісі –&nbsp;Ахмет Жұмағұлов атамыз”, –&nbsp;деді Елдос Сметов.</blockquote>Еске салсақ, бұған дейін блогер Роза Әшірбаева Елдос Сметовтің анасымен қол ұстасып жүргенін сынағаны туралы жазған едік.Фото видеодан алынған

Елдос Сметов өзіне берілген су жаңа көлікті алғашқы бапкеріне сыйлады

<a href="https://kyzylorda-news.kz/">Kyzylorda-news.kz</a>&nbsp; Бүгін аудан әкімдігінің мәжіліс залында аудан әкімі А.Оңғарбаевтың төрағалығымен мәжіліс өтіп, құрылыс саласындағы бірқатар мәселелер назарға алынды.Мәжіліске ауданда тұрғын үй құрылысын жүргізіп жатқан кәсіпкерлер және осы жұмыстарға тікелей қатысты мекеме, кәсіпорын басшылары мен мамандар қатысты.Осы жылға халықтың әлеуметтік жағынан осал топтары үшін пәтер сатып алуға республикалық бюджеттен 18 пәтерге және «Самұрық-Қазына» ұлттық әл-ауқат қоры» АҚ қаражаты есебінен барлығы 106 пәтер сатып алуға қаржы қаралған.Жергілікті әкімдік тарапынан 150 тұрғын үйге жер телімі әзірленіп, қолданыстағы заңнама талаптарына сәйкес табысталған. Қазіргі таңда №1 шағын ауданында белгіленген жер телімдері бойынша тұрғын үй құрылысы жүргізіліп жатыр. Алайда инжененерлік инфрақұрылыммен қамту мәселесінде кемшіліктер орын алған. Аудан әкімі сала бойынша жауапты мекеме басшыларын тыңдап, ағымдағы жылдың қыркүйек айының екінші онкүндігіне дейін қажетті инфрақұрылым жүйелерін толық қалпына келтіруді тапсырды.Құрылыс нысандары бойынша атқарылып жатқан жұмыстарды назарға алған аудан әкімі тұрғын үй нысандарын салуда құрылыс жұмыстарының қарқыны төмен екендігін, келер айдан бастап тұрығн үй объектілерін кезең-кезең бойынша өз иелеріне тапсыру басталатынын, сондықтан мердігерлердің жұмысты жандандырып, бір ай мерзім ішінде кемшіліктерді толықтай қалпына келтіруді тапсырды.Сондай-ақ құрылыс жұмыстарын жүргізу барысында ең басты мәселе – сапаға жұмыс істеу. Бұл аудан әкімі А.Оңғарбаевтың назарындағы ең басты мәселе. Салынып жатқан үйлердің сапасына қатысты бақылауды күшейтіп, Қызылорда облысының бақылау жөніндегі басқармасының мамандарымен бірге әр үйге жеке-жеке тиісті тексеру жұмыстарын жүргізу керектігін атап өтті.

Аманжол Оңғарбаев: Тұрғын үй сапасына баса мән беріледі

<a href="https://kyzylorda-news.kz/">Kyzylorda-news.kz</a>&nbsp; Жетісу жұрты тік тұрып қарсы алғалы жатқан шығар..&nbsp;Белгілі айтыскер ақын Айнұр Тұрсынбаева Париж Олимпиадасының күміс жүлдегері Демеу Жадыраевтың туған ауылын көрсетті, деп хабарлайды <a href="http://skifnews.kz/">Skifnews.kz</a> ақпарат порталы.<blockquote>“Демеудің туған жері Үшарал халқының махаббатын қараңыздаршы?! "Баласы атқа шапса анасы тақымын қысады" деген осы... Бүкіл әлем көз тігіп отырған жарыста екінші болу үлкен мәртебе!&nbsp;Күміс құтты болсын!”&nbsp;– деп жазды айтыскер ақын.&nbsp;</blockquote>Өнер иесі чемпионның туған жері мен үйін көрсетіп, үндеу жасады.&nbsp;<blockquote>“Демеу бауырымыздың жарысын бәріміз күттік қой. Олимпиаданың күмісі бұйырған екен, құтты болсын! Үшарал халқы алаңға шығып осы жарысты тамашалаған екен... Чемпион ұлдардың&nbsp;ауылына жасалған жағдай бізге де жасала ма деген үміт те бар еді ғой...&nbsp;Осындай батыр ұлдың ауылына да асфальт төсеп, Жетісу жұрты тік тұрып қарсы алғалы жатқан шығар... Медаль құтты болсын қазақ елі”, – деді суырыпсалма ақын қыз.&nbsp;</blockquote>Фото: aidyn_nury

«Ауылына асфальт төселсе болды»: Айнұр Тұрсынбаева Демеу Жадыраевтың жерлестеріне үндеу жасады

<a href="https://kyzylorda-news.kz/">Kyzylorda-news.kz</a> Желіде барлық қазақстандықтарға&nbsp;140 мың теңгеден басталатын жаңа арнайы әлеуметтік төлем пайда болғаны туралы ақпарат тарауда.&nbsp;Еңбек және халықты әлеуметтік қорғау министлігі мұның алаяқтардың жаңа тұзағы екенін айтып, халықты сақ болуға шақырды. Бұл туралы <a href="https://stan.kz/news-404508/">Stan.kz</a> ақпарат агенттігі хабарлайды.Деректерге сүйенсек, белгісіз адамдар төлемді тексеру үшін сілтемеге өтуді ұсынады.<blockquote>“Төлемнің мұндай түрі жоқ екенін хабарлаймыз. Тиісінше, хабарламада көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуілеріңізді сұраймыз. Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады. Азаматтардан тек ресми көздердегі ақпаратты пайдалануын сұраймыз.”, –&nbsp;делінген хабарламада.</blockquote>Министрлік жалған ақпарат тарату заңмен жазаланатынын еске салды.&nbsp;Фото: iStock

"Қазақстандықтарға 140 мың теңге төлем беріледі": Министрлік желіде алаяқтардың жаңа тәсілмен аладап жатқанын ескертті

<a href="https://kyzylorda-news.kz/">Kyzylorda-news.kz</a> &nbsp;Түркияның&nbsp;Мугла қаласының Милас ауданына ресейлік және қазақстандық туристерді тасымалдап апара атқан микроавтобус&nbsp;жантүршігерлік апатқа ұшырады. Бұл туралы <a href="https://stan.kz/turkiyada-kazakstandik-turister-mingen-avtobus-zhol-apa-404507/">Stan.kz </a>ақпарат агенттігі &nbsp;<a href="https://www.muglagazetesi.com.tr/milasta-feci-kaza-cok-sayida-yarali-var-165240h.htm#google_vignette">Мuglagazetesi</a> порталына сілтеме жасап хабарлайды.Алдын ала мәліметтер бойынша, апат салдарынан 13 турист зардап шегіп ауруханаға жеткізілген.<blockquote>“Алынған ақпаратқа сәйкес, 112-ші топқа таңғы сағат 7:00 шамасында мидибустың аударылып, ішінде зардап шеккендер бар деген хабар келді. Милас-Кору жолындағы оқиға орнына бірнеше жедел жәрдем көліктері, полиция, өрт сөндіру және құтқару бригадалары жіберілді”, –&nbsp;делінген хабарламада.</blockquote>Оқиға орнына келген бригадалар зардап шеккен ресейлік және қазақстандық 13 адамды мидибустан шығарып, жедел жәрдем көлігімен ауруханаларға жеткізген. Полиция оқиға бойынша тергеудің басталғанын жеткізді.Фото:&nbsp;muglagazetesi

Түркияда қазақстандық туристер мінген автобус жол апатына ұшырады

<a href="https://kyzylorda-news.kz/">Kyzylorda-news.kz</a> Ақмола облысының колледждерін тексеру барысында білім беру сапасын қамтамасыз ету, санитарлық бақылау, өрт қауіпсіздігі, күзет, денсаулық сақтау және тағы басқа салаларда 200-ден астам талаптар бұзылғандығы анықталды, - деп хабарлайды&nbsp;<a href="https://opennews.kz/">«Opennews.kz»</a>&nbsp;ақпарат агенттігі.<blockquote>«2 колледжде бұрын зорлық-зомбылық жасағаны үшін сотталған адамдар жұмыс істеген. Басқа колледжде жұмысшылар жұмыс орнында ішімдік ішкен. Аталған адамдар қабылданған шаралармен жұмыстан шығарылды», – делінген прокуратура хабарламасында.</blockquote>Бірқатар оқу орындарында медицина қызметкерлерінің қызмет көрсетуге лицензиясы болмай шықты. Сондай-ақ, студенттердің арасында жүйелі түрде қорқыту фактілері анықталды. Аталған дерекке қатысты тергеу жүргізіліп жатыр.Фото: opennews.kz

Колледжде зорлық жасағаны үшін сотталған адамдар жұмыс істеген

<a href="https://kyzylorda-news.kz/">Kyzylorda-news.kz</a> &nbsp;Екі күнге созылған қазақ күресінен XV облыстық «Алтын белбеу» жарысы мәресіне жетті. Дүниежүзілік көшпенділер ойыны аясында ұйымдастырылған кіші жасөспірімдер, жасөспірімдер, жастар және ересектер сайысында барлығы 36 салмақ бойынша белдесулер өтті.«Евразия» спорт кешеніндегі тартысты сайысты тамашалауға келген көрермендер әр салмақтағы белдесулерден соң түйе палуандардың бәсекесіне куә болды. 12 спортшы бақ сынаған додада ІІІ орын Айбек Серікбаевқа бұйырып, «Сыр сұңқары» атанды.Ал Еламан Ерғалиев пен Мақсат Исағабыловтың арасындағы ақтық сында, жеңіс – Еламан Ерғалиевтің қанжығасында кетті. Осылайша, «Алтын белбеу » жарысының қорытындысымен 2024 жылдың «Сыр барысы» атағын Еламан Ерғалиев иеленді. Ал күміс жүлде иегері – Мақсат Исағабылов «Сыр арланы» деп танылды. Аталған қос спортшы алдағы өтетін «Қазақстан барысы» додасында аймақ намысын қорғайтын болады.Белдесулерден соң марапаттау рәсімі өтіп, әр салмақтағы жеңімпаздар мен жүлдегерлерге қаржылай сыйлықтар үйлестірілді. Ал түйе палуандардың жеңімпазы мен жүлдегерлеріне алтын белбеу тағылып, иықтарына шапан жабылып, арнайы дайындалған ақшалай сыйлықтар үйлестірілді.

Қазақстан және Қызылорда облысының жаңалықтары