<a href="https://kyzylorda-news.kz/">Kyzylorda-news.kz</a> «Туризм экономиканың өсуіне жаңаша серпін беретін сала болуға тиіс. Еліміздің әр өңірінде көрікті жерлер бар. Сондықтан жеке инвесторларды да тарта отырып, қажетті инфрақұрылым салу жұмысын дереу бастау қажет». Қасым-Жомарт Тоқаев Қазақстан Республикасының ПрезидентіЕлдегі туризм саласында іске асырылып жатқан жүйелі іс-шаралардың нәтижесінде Қазақстанға келетін туристер саны да, әлемдік рейтингтегі орнымыз да айтарлықтай жақсарып келеді. Мәселен, Дүниежүзілік экономикалық форумның (World Economic Forum) Саяхат пен туризмді дамыту индексіне сәйкес Қазақстан туристік бағыттар тізімінде 119 ел ішінде&nbsp;52-орынды&nbsp;иеленді.&nbsp;Бұған дейінгі индексте Қазақстан &nbsp;66-орынға орналасқан еді.Ал былтыр Қазақстанға жұмыс бабымен немесе тұрақты тұруға келгендерді есептемегенде, туристік мақсатпен&nbsp;15,3 млн шетелдік қонақ&nbsp;келген. Оның ішінде&nbsp;10,4 млн&nbsp;адам&nbsp;елде бір күннен көп уақытқа қалып, шетелдік туристер санатына енді. Ресми статистикаға сәйкес, шетелдік меймандардың елімізде орташа болу мерзімі –&nbsp;4 күн.Ұлттық банк мәліметінше, алыс шетелден келген туристер Қазақстанға сапары кезінде орта есеппен&nbsp;1500 АҚШ&nbsp;долларын&nbsp;жұмсайды. 2024 жылы шетелдік туристер еліміздің аумағында&nbsp;1,2 трлн теңгеден астам&nbsp;қаражат&nbsp;жұмсады.Туризм саласында негізгі капиталға салынған инвестиция көлемі тұрақты түрде өсіп келе жатқанын байқауға болады. 2019-2024 жылдар аралығында&nbsp;салаға салынған инвестиция көлемі&nbsp;төмендегідей:<ul><li style="text-align:justify;">2019 ж. – 502 млрд тг</li><li style="text-align:justify;">2020 ж. – 629 млрд тг</li><li style="text-align:justify;">2021 ж. – 593 млрд тг</li><li style="text-align:justify;">2022 ж. – 513 млрд тг</li><li style="text-align:justify;">2023 ж. – 787 млрд тг</li><li style="text-align:justify;">2024 ж. – 947,5 млрд тг</li></ul>2019-2024 жылдар аралығында туризм саласында жалпы сомасы&nbsp;550 млрд теңгеге 605-тен астам инвестициялық жоба&nbsp;іске асырылды, оның ішінде 2024 жылы&nbsp;87&nbsp;инвестициялық жоба&nbsp;сәтті аяқталды.Ірі инвестициялық жобалар ішінен Шымкент қаласындағы «Махамбет» қонақ үйін (жоба құны – 4,9 млрд теңге), Атырау облысындағы «Keremet Park»отбасылық паркін (3 млрд теңге), сондай-ақ Алматы облысындағы «Ақ-Жайық» демалыс аймағын (1,8 млрд теңге) атап өтуге болады.Сонымен қатар былтыр Мемлекет басшысы Қасым-Жомарт Тоқаевтың тапсырмасы бойынша&nbsp;Neo Nomad деп аталатын жаңа виза&nbsp;түрі енгізілді. Бұл виза заманауи көшпенділерге – саяхаттап, қашықтан жұмыс істейтін шетелдік туристерге арналған. Жаңа визалық режимді енгізер кезде пандемиядан кейін осындай бағдарламаларды сәтті қолданған&nbsp;50-ден астам елдің&nbsp;халықаралық тәжірибесі назарға алынған.Neo Nomad визасын алған шетелдік туристердің Қазақстанда бір жылға дейін тұруға мүмкіндігі бар. Осы уақыт ішінде олар шетелдік компанияларда жұмыс істей алады. Бұл туристерге еліміздің мәдениеті мен тұрмысын жақынырақ тануға мүмкіндік беріп қана қоймай, ел экономикасына пайда әкеледі деп күтілуде. Виза енгізілген жағдайда жылына&nbsp;500 адам&nbsp;оны алса, экономикалық әсер шамамен&nbsp;3,6 млрд теңге&nbsp;болмақ. Визаны пайдаланатын шетелдік азаматтар Қазақстанда тұрып, қаражатын осында жұмсайды. Бірақ отандық еңбек нарығына әсер етпейді. Бұл – бағдарламаның маңызды бөлігі. Жалпы Қазақстанның туристік әлеуеті халықаралық аренада табысты насихатталып келеді. The New York Times нұсқасы бойынша Алматы қаласы үздік&nbsp;52 туристік бағыттың&nbsp;қатарына енсе, Lonely Planet журналының нұсқасы бойынша Қазақстан 2025 жылы саяхаттауға тиіс үздік елдердің тізіміне кірді. Бұдан бөлек, Conde Nast Traveller Italia басылымы «Шымбұлақ» тау-шаңғы курортын таңдаулы&nbsp;ТОП-5&nbsp;дестинация&nbsp;тізіміне қосты.Сонымен қатар CNN Travel 2025 жылы саяхаттауға тұрарлық&nbsp;25 бағыттың&nbsp;тізімін жариялап, Қазақстанды ерекше мәртебеге лайық деп таныды. Атап айтқанда, Алматы қаласы саяхаттауға тиіс ең үздік бағыттардың қатарына енді. Қала кең табиғи ландшафттар мен дамып келе жатқан урбанистік мәдениетті біріктіретін ерекше атмосферасының нәтижесінде Орталық Азияның «жаңа стиль астанасы» деп аталды.Алдағы жылдары Қазақстан туризм саласын дамытуды қарқынды түрде жалғастырып, ауқымды жобалар мен бастамаларды жүзеге асырады.Басым бағыт ретінде үш ірі туристік аймақ белгіленді, олар: Щучье-Бурабай курорттық өңірі, Маңғыстау курорттық өңірі және Алматы тау кластері.2027 жылға дейін жалпы құны&nbsp;1,1 трлн&nbsp;теңгеден асатын&nbsp;181 инвестициялық жоба&nbsp;іске асырылады. Туризм саласында жұмыспен қамтылғандар санын&nbsp;800 мың адамға&nbsp;дейін арттырып, агротуризмді дамыту есебінен ауылдық жерлерде&nbsp;10 мың&nbsp;жаңа жұмыс орнын&nbsp;ашу жоспарланған.Ішкі туристер санын&nbsp;11 миллион&nbsp;адамға&nbsp;жеткізіп, елдегі орналастыру орындарының төсек-орын қорын&nbsp;280 мыңға&nbsp;дейін ұлғайту, сондай-ақ барлық қонақ үйді eQonaq ақпараттық жүйесіне енгізу көзделген.Сонымен қатар Қазақстан Дүниежүзілік экономикалық форумның Саяхат және туризмді дамыту жаһандық индексінде&nbsp;әлемнің үздік&nbsp;50 елі&nbsp;қатарына кіруді мақсат етіп отыр.Бұл бастамалар елдің халықаралық туристік аренадағы орнын нығайтып, саяхатшылар, бизнес және жергілікті қауымдастықтар үшін жаңа мүмкіндіктер ашады.Фото: gov.kz

Қазақстандағы туризм саласы: динамика, инвестиция және Neo Nomad Visa

<a href="https://kyzylorda-news.kz/">Kyzylorda-news.kz</a> Біздің еліміз үшін ең құнды, ең асыл дүниелер ол - &nbsp;татулық, бірлік, келісім. Мемлекеттілігіміздің басты негізі - халқымыздың бірлігі.Бүгінде Қазақстан халқын бір атаның балаларындай еліміздің өркениетті даму жолындағы игілікті іске жұмылдырып отырған - Қазақстан халқы Ассамблеясы еліміздің барлық этнос өкілдерін ортақ мақсатқа ұйыстырып, елімізде тұрақтылықты сақтау мен оның дамуына аса зор үлес қосып келеді.Биыл Қазақстан халқы Ассамблеясының құрылғанына 30 жыл. Бұл ұйым 1995 жылы құрылып, елдегі түрлі этностар мен мәдениеттердің ынтымақтастығын, бірлігін нығайтуға бағытталған маңызды институтқа айналды. Оның басты мақсаты – елімізде барлық этностар мен ұлттардың тең құқықтары мен мүмкіндіктерін қамтамасыз ету, қоғамдық келісімді қолдау және мәдени көптүрлілікті сақтау.Бірлігі бекем елімізде &nbsp;Қазақстан халық Ассамблеясының атқарып келе жатқан қызметінің нәтижесінде елімізде этностық және діни ерекшелігіне қарамастан әрбір азаматтың Конституциялық құқықтары мен еркіндігін толық қолдана алатын этносаралық және конфессияаралық &nbsp;келісімнің айрықша үлгісі қалыптасты. &nbsp;Сөйтіп, Қазақстанның &nbsp;көп этностық кеңістігінде сенім, келісім мен өзара түсіністік берік орын алды.Қазақстан халқы Ассамблеясының &nbsp;алдына қойған басты мақсаты &nbsp;және түбегейлі міндеті &nbsp;- этносаралық қатынас саласында мемлекеттік органмен және азаматтық қоғам институтарымен өзара іс-қимылды қамтамасыз ету. Осы мақсатта халық бірлігін нығайту, қазақстандық қоғамның негізін қалаушы құндылықтар бойынша қоғамдық келісімді қолдап дамыту, қоғамдағы экстремизм мен радикализм көріністеріне тойтарыс бере отырып, азаматтың құқықтық бостандықтарына қысым жасауға жол бермеу, азаматтың демократиялық нормаларына сүйенетін саяси-құқықтық мәдениетін қалыптастыру да осы ұйымның төл парызы. Ынтымақ ұйытқысына айналған ұйым бұл мақсаттырды жоғары деңгейде орындап келеді.Қоғамдық сана қалыптасу үшін, уақыт талабына сай өзгеру үшін де оған ықпалды күш болады. Олар – өмірлік тәжірибесі бар аға буын. Қай қоғамда да алдыңғы аға буын өзінен кейінгілерге жол көрсетіп, бағыт береді. Қазақ қоғамында ол міндетті қариялар атқарды. Дала заңы бойынша ел ішіндегі екеуара немесе руаралық дау-дамайды әділ шешіп, жанжалдасқан екі тарапты мәмілеге келтіріп, татуластырыпты, тентек-теліні тезге салып, түзетіп отырыпты. Яғни қандай жағдайда да ақсақалдарымыз ел ішінің бірлігін сақтап қалуды көздеген.Қазір де ел ісінде ақсақалдардың үлес салмағы басым. Осыған сәйкес елімізде 2022 жылы Қазақстан халық Ассамблеясы жанынан Ақсақалдар кеңесі құрылды.Қазалы ауданында да сол жылы Қазақстан халқы Ассамблеясы жанындағы аудандық ақсақалдар кеңесі құрылды. Бұл – Қазақстан халқы Ассамблеясы жанындағы консультативтіккеңесші орган. Аудандық ақсақалдар кеңесі құрылғалы бері кеңестің 25 рет отырысы өтті. Онда жергілікті жердегі түрлі өзекті мәселелер көтеріліп, олардың шешулі жолдары қарастылды. Кеңес құрамында жергілікті қоғамдастықтың ақсақалдары, этномәдени бірлестіктердің, үкіметтік емес ұйымдардың беделді, белсенді өкілдері, қоғамдық пікір көшбасшылары және аймағымызға белгілі зиялылар бар.Биыл ауданымызда Қазақстан халқы Ассамблеясының құрылғанына 30 жыл толуына орай мерейтойлық іс-шаралар &nbsp; &nbsp; &nbsp; &nbsp; &nbsp; 2025 жылға арналған ауданның қоғамдық-саяси маңызды шаралар жоспарына сәйкес жыл көлемінде өткізу жоспарланып отыр.Қазақстан халқы Ассамблеясына және барша азаматтарға бейбітшілік пен келісімнің туын биік ұстап, халқымыздың достығы мен бірлігін нығайтып, қасиетті Отанымыз – Қазақстан Республикасының игілігі үшін аянбай еңбек етуді тілеймін. Баршаңызды Қазақстан халқы Ассамблеясының 30 жылдығымен шын жүректен құттықтаймын. &nbsp; &nbsp;Қасқырбай Әлімбай,Қазақстан халқы Ассамблеясы жанындағыҚазалы аудандық Ақсақалдар кеңесінің төрағасы

Қазақстан халқы ассамблеясына 30 жыл

<a href="https://kyzylorda-news.kz/">Kyzylorda-news.kz</a> Еліміз өзінің тәуелсіз даму жолына түскен уақытта көптеген қиыншылықтарға тап болғаны белгілі. Экономикалық дағдарыс пен әлеуметтік тұрақсыздық жағдайында этносаралық келісімді сақтау мәселесі де жас мемлекеттің алдына өткір қойылды.Кеңес одағы ыдырағаннан кейінгі кезеңде тәуелсіз мемлекет құрудың қазақстандық тәжірибесі этносаралық қатынастар тұрақтылығының ерекше маңызды фактор екендігін көрсетіп берді. Өйткені мемелекеттік құрылыс жетістіктері мен қоғамның өсіп-өркендеуі этносаралық қатынастар тұрақтылығына тәуелді болатыны белгілі болды. Міне, осындай қысылтаяң жағдайда этносаралық келісім мен татулықтың қазақстандық моделінің негізі қаланған болатын. Осылайша, қазақ халқының барлық этностарды топтастырудағы рөлі тарихи тұрғыда айқындалды. Осы кезге дейін қазақ елінің барлық аумақтарында әрбір этникалық топтың қоғамның барлық саласында белсенді қызмет етуіне тең құқықты жағдай туғызылып отыр. Қазіргі ғаламдық дағдарыс жағдайында да этносаралық қатынастар мәселесі алдыңғы қатарға шығып отыр. Себебі, дағдарыс онсыз да күрделі болып келетін әлеуметтік қатынастардың шиеленісуіне алғышарттар жасайтыны белгілі.​Сондықтан да, этносаралық келісімнің толерантылықтың қазақстандық моделінің түп-тамырында тарихтың сын сағатында қазақ жері мен қазақ халқының көрсеткен көмегі мен қолдауына деген қазақстандық этностардың шексіз алғысы, ыстық ілтипаты жатыр. Қазақ халқының табиғатындағы данышпандық пен дархандық, салт-санасындағы толеранттылық жаңа тарихи жағдайда Қазақстандағы этносаралық қайшылықтардың алдын алуға, оған жол бермеуге алғышарт жасады.Қазақстан Республикасының Конституциясы еліміздің халықаралық құқықтық нормаларға негізделген демократиялық қоғам мен құқықтық мемлекет құруға дайындығын көрсетіп берді соған сәйкес өзін әлемдік қауымдастықтың құрамдас бір бөлігі екендігін жариялады.Еліміз біріккен ұлттар ұйымының мүшесі ретінде және адам құқықтары жөніндегі халықаралық стандарттарға сәйкес елімізде тұратын барлық ұлттар мен ұлыстардың құқықтары мен мүдделерін толық қамтамасыз етті.​Биылғы жылы Қазақстан халқы Ассамблеясына 30 жыл толады. Кезінде әлемде баламасы жоқ болып ашылған бұл ұйым бүгінгі күнге дейін елімізде қоғамдық келісім мен этносаралық татулықты сақтау бағытында еңбек етіп келеді. 2023 жылдың басында, Қазақстан Республикасының Президенті Қ. Тоқаевтың бастамасымен, ассамблея жанынан әр өңірлерде Ақсақалдар кеңестері ашылып, жергілікті жерлерде әлеуметтік маңызы бар түйіткілді мәселелердің оңтайлы шешілуіне билік ұйымдарына ұсынымдар беру арқылы ат салысып келеді. Сондай-ақ, әлеуметтік нысандар мен білім беру ошақтарында қазақ тіліне, салт-дәстүрге, жастар тәрбиесіне, қоғамдық-саяси тұрақтылыққа қатысты кездесулер өткізіп келеді. Жыл сайын өткізілетін Ұлттық құрылтайда көтерілген мәселелерді аймақ тұрғындарына жеткізіп, тиімді жақтарын талқылаумен де айналысады.Қазақ халқы қиын-қыстау кездерде ақыл сөзге тоқтап, ақсақалдардың ақыл-кеңестеріне жүгініп отырған. Бұл – біздің болмысыз, әрі діліміз. Мемлекет құраушы ұлт ретінде қазақ халқы барлық этнос өкілдерін оң бастамаларға топтастырып, елдің дамуы мен өркендеуіне қызмет жасауы тиіс деп ойлаймын. Жасап қана қоймай, әр істе оларға үлгі болуымыз керек.Н. Ерманов,Қызылорда облыстық Қазақстанхалқы АссамблеясыныңАқсақалдар кеңесінің төрағасы ​​​​​​

Қазақстан халқы Ассамблеясының 30 жылдығы – Қазақ халқының кемеңгерлігі мен даналығы

<a href="https://kyzylorda-news.kz/">Kyzylorda-news.kz</a> Қызылорда облысының әкімдігінде Қазақстан халқы Ассамблеясының 30 жылдығы және 1 наурыз - Алғыс айту күніне арналған мерекелік іс-шара өтті.Оған облыс әкімінің бірінші орынбасары Данияр Жаналинов, облыстық Қазақстан халқы Ассамблеясының белсенділері, ардагерлері, үкіметтік емес ұйым жетекшілері, саяси партиялардың облыстық филиал төрағалары және БАҚ өкілдері қатысты.Шара Мемлекеттік Гимнмен басталып, облыс әкімінің бірінші орынбасары ел Президентінің құттықтауын оқыды, барша қатысушыларға ізгі лебізін білдірді.<blockquote>-1 наурыз - елімізде тыныштық, өзара сенім мен құрметтің орнығуына негіз болған Алғыс айту күні. Қазақстан халқы Ассамблеясы өзінің 30 жылдық тарихында береке-бірлігіміздің ұйытқысына айналып, елдегі татулық пен тұрақтылықтың кепілі болып келеді. Қызылорда облысында 30-дан астам этнос өкілдері өсіп-өніп, Сыр өңірінің дамуына үлес қосуда. Қазақстан халқы Ассамблеясы 130-дан астам этнос өкілін біріктіріп, жалпыұлттық келісімнің негізін қалады- деді Д.Жаналинов.</blockquote>Іс-шарада облыстық Ассамблея ардагері Асылбек Жұмабаев және “Ассамблея жастары” ұйымының белсенді мүшесі Бахар Милиярова сөз сөйледі.Еліміздегі барлық этнос өкілдерінің арасында достық пен ынтымақтастықты нығайту, мәдени алмасуды қолдау, жастарды ұлттық құндылықтарға баулу аса маңызды. Осы ретте Ассамблея мүшелері өз тәжірибелерін бөлісіп, елдің бірлігін сақтап, оны нығайтуға атсалысуда.Атаулы күні бірлік пен келісімді нығайтуға үлес қосқан азаматтарға құрмет көрсетілді. ҚХА белсенділері және жұмысшы мамандық иелері облыс әкімінің Алғыс хатымен марапатталып, Қазақстан халқы Ассамблеясының 30 жылдық мерейтойы салтанатты түрде ашылды.

Бірлік пен келісімнің мерекесі

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығы мен Алғыс айту күнінде Қызылордадағы "Достық үйінде" «Бірлік пен келісім жолындағы 30 жыл» ескерткіш тақтасының салтанатты ашылу рәсімі өтті.Республика бойынша біріңғай үлгіде жасалған ескерткіш, барлық өңірлерде бір мезетте ашылды.Рәсімге облыс әкімінің орынбасары Шахмардан Байманов, облыстық Қазақстан халқы Ассамблеясының өкілдері, этномәдени бірлестіктердің мүшелері және БАҚ өкілдері қатысты.Ескерткіш тақта - Қазақстан халқының ынтымаққа негізделген өмір салтын насихаттау, қоғамдағы бейбітшілікті бекітудегі тарихи маңызға ие белгі.<img src="https://knadmin.beoblood.kz/uploads/Eskertkish_ta_tany_ashyluy_cbf7f1d5b8.jpg" alt="Ескерткіш тақтаның ашылуы.jpg">

"Бірлік пен келісім жолындағы 30 жыл" ескерткіш тақтасы ашылды

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Ермек Көшербаев Сенатта өтіп жатқан парламенттік тыңдауда жұмысшы мамандық иелерінің айлығы туралы деректер келтірді деп хабарлайды &nbsp;<a href="https://kaz.inform.kz/news/zhumisshi-mamandik-ielerne-kay-salada-kop-aylik-toleyd-886235/">kaz.inform.kz</a><blockquote>- Қазіргі таңда кәсіптік-техникалық білімі бар мамандардың ең көп саны саудада жүр – 856 мың адам. Өнеркәсіпте 670 мың, ауыл шаруашылығында 559 мың, көлік және қойма саласында 419 мың адам кәсіптік-техникалық білімі бойынша еңбек етіп жүр. Жұмысшы кәсіптер арасында орташа жалақының жоғары деңгейі өнеркәсіпте – 588 мың теңге. Қаржы саласында 531 мың теңге және көлік саласында 403 мың теңге, - деді ол.</blockquote>Вице-премьер ел экономикасында 2,4 млн азамат жұмысшы мамандықтан несібесін айырып жүргенін атап өтті.<blockquote>- Азаматтарды жұмыспен қамтудың өсуіне кәсіптік-техникалық даярлық ықпал етеді. Соңғы 10 жылда кәсіптік-техникалық білім бар қызметкерлердің үлесі жұмыспен қамтылған жалпы халықтың 49 пайызына жетті. Өсім – 17 пайыз. 2030 жылға дейінгі болжамдар бойынша, 1,8 млн жас қазақстандық еңбек нарығына шығады. Оларды қажетті дағдыларға баулу маңызды. Еліміздің бірқатар өңірінде еңбекке қабілетті халықтың, әсіресе жастардың кетуі байқалып отыр. Бұл стратегиялық маңызды салаларда жұмыс күшінің жетіспеуіне әкеледі, - деді Ермек Көшербаев.</blockquote>Фото: freepik

Жұмысшы мамандық иелеріне қай салада көп айлық төлейді?

<a href="https://kyzylorda-news.kz/">Kyzylorda-news.kz</a> Атырау облысы Құрманғазы ауданындағы білім ордасының директоры мектеп автобусын заңсыз пайдаланғаны үшін жұмыстан босатылды. Бұл туралы Stan.kz ақпарат агенттігі хабарлайды.&nbsp;16 ақпанда әлеуметтік желіде көпшіліктің наразылығын тудырған видео пайда болды. Кадрлардан Бөкейхан ауылындағы Фариза Оңғарсынова атындағы орта мектеп мұғалімдерінің мектеп автобусын басқа мақсатта пайдаланғанын көруге болады.&nbsp;Белгілі болғандай, ұстаздар жол ақысын төлеп, марқұмның үйіне бармақ болған.&nbsp;Дегенмен, тек мектеп оқушыларын тасымалдауға арналған көлікті пайдалану фактісі жұртшылықты ашуландырды.Аудандық білім басқармасының мәліметінше, мектеп директоры қызметінен босатылды.&nbsp;<blockquote>“10 ақпан күні аудандағы барлық мектептерге жұмыстан тыс уақытта мектеп автобустарын пайдаланбауды талап етіп хат жолдадық.&nbsp;Осыған қарамастан Фариза Оңғарсынова атындағы мектеп заңсыз әрекетке жол берген. Қызметтік тексеріс нәтижесінде мектеп директоры Шынар Исатаева қызметінен босатылды.&nbsp;Қазіргі уақытта ол өзіне бөлінген сағат көлемінде физика пәнінен сабақ беріп жүр”, –&nbsp;деді&nbsp;аудандық білім бөлімінің басшысы Еділ Баяров.&nbsp;</blockquote>Фото: pixabay

Атырау облысында мұғалімдер жаназаға мектеп автобусын пайдаланған: Мектеп директоры жұмыстан қуылды

<a href="https://kyzylorda-news.kz/">Kyzylorda-news.kz</a>&nbsp; Қазақстанда әлеуметтік төлемдерді қолдан көбейтіп&nbsp;алғандарға қылмыстық істер тергелуде. Бұл туралы <a href="https://stan.kz/">Stan.kz </a>ақпарат агенттігі хабарлайды.&nbsp;Бұл туралы еңбек және әлеуметтік қорғау министрі Светлана Жақыпова мәлімдеді.Қазақстандағы міндетті әлеуметтік сақтандыру жүйесінде бір ғана әлеуметтік төлемнің максималды мөлшеріне шектеу қойылмаған. Ол&nbsp;босану және бала тууға арналған төлемдер. Жақыпова кейбір азаматтардың төлемдерді жасанды түрде көбейту жолдарын тауып жатқанын алға тартты.<blockquote>"Қазіргі уақытта 113 алушыға қатысты 16-дан астам қылмыстық іс қозғалды. Және осы қылмыстардың нәтижесінде мемлекетке 158 миллион теңге залал келтірілді. 2024 жылдың қыркүйек айынан бастап 1500 алушы өз табыстарын жасанды түрде көтергенін ерікті түрде мойындады. Осылайша, әлеуметтік сақтандыру қорының активтері 3,4 миллиард теңгеге сақталды", – деп атап өтті Светлана Жақыпова.</blockquote>2024 жылы әлеуметтік сақтандыру қоры 950 миллиард теңгеден астам соманы 1,4 миллион қазақстандыққа төледі.<blockquote>"15 облыста жүйеге қатысушыларға төленген төлемдердің көлемі әлеуметтік аударымдардан түскен қаражаттан асып кеткен. Түркістан облысында – 3,6 есе, Жамбыл облысында – 2,7 есе, Шымкентте, Қызылорда, Алматы облыстарында – 2,5 есе, Маңғыстау облысы мен Абай облысында – 2 есе артық", – деп толықтырды Жақыпова.</blockquote>Фото: Нұрболат Нұржаубай

Қазақстанда жоғары декреттік төлемдерді әділетсіз алған 113 әйелдің үстінен қылмыстық іс қозғалды

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасының Премьер-министрі Олжас Бектенов вице-премьер – ұлттық экономика министрі Серік Жұманғаринмен және қаржы министрі Мәди Такиевпен жұмыс кеңесін өткізді. Салық-бюджет реформасы және салық түсімдерін бақылауды күшейту мәселелері қаралды.&nbsp;Қаржы министрі Мәди Такиев жүргізілген талдау шеңберінде жосықсыз салық төлеушілердің салық міндеттемелерін оңтайландырудың құқықтық схемасы ретінде шағын кәсіпкерлікті қолдау және дамыту мақсатында бұрын енгізілген арнайы салық режимдерін (СРП) пайдалану фактілері анықталғанын баяндады. Бүгінде елімізде 2,3 млн салық төлеуші тіркелген. Оның 8%-ы немесе 137 мыңы ғана – ҚҚС төлеушілер. Жалпы субъектілер санының 81%-ы оңайлатылған декларацияны пайдалана отырып, арнайы салық режимінде жұмыс істейді, ал олардың 85%-ы 15 млн теңгеге дейінгі кірістерді көрсетеді.«Біз арнайы салық режимдерін қолданатын субъектілердің жалпыға бірдей белгіленген режимде жұмыс істейтін компаниялармен өзара есеп айырысуларына талдау жасадық. Талдау көрсеткендей, мұндай режимдер арасындағы өзара есеп айырысу өткен жылы 2 есеге – 5 трлн-нан 10 трлн теңгеге дейін өсті. Бұл ретте арнайы салық режимдері бойынша 16 трлн теңгенің жалпы айналымынан жалпыға бірдей белгіленген режиммен өзара есеп айырысу 10 трлн теңгені құрайды. Яғни, жүздеген миллиард теңге табыс тауып, салық төлеушілер аз ғана салық төлейді», деген Мәди Такиев бизнес пайдаланатын бірқатар бөлшектеу схемаларын айтты.Салықтарды оңтайландыру және пайданы азайту үшін компаниялар «құжаттық» шығындарды арттыру принципін ұстанады. Бір компания тауарларды сатып алады және оны оңтайландырылған режимде жұмыс істейтін басқа заңды тұлғаға өзіндік құны бойынша қайта сатады. Нәтижесінде, бірінші компания шығынды көрсетсе, ал екіншісі жеңілдік шарттарын пайдалана отырып, ҚҚС төлеуден жалтарып отыр.Ал Премьер-министр Олжас Бектенов салықтан жалтарған ірі компаниялардың толық тізімі барын айтты.<blockquote>«Миллиардтаған айналыммен олар бюджетке өздерінің тапқан пайдасына мүлдем сәйкес келмейтін сомаларды төлейді. Бізде осындай ірі компаниялардың толық тізімі бар. Ол тізімде BI Group, BAZIS және басқа да көптеген ірі құрылыс компаниялары жүр. Белгілі әрі танымал мейрамханалар, фитнес-клубтар және әртүрлі компаниялар бар», – деді премьер-министр.</blockquote>

Олжас Бектенов кәсіпкерлерді екі апта ішінде салық сомасын әділетті түрде төлеуге шақырды

<a href="https://kyzylorda-news.kz/">Kyzylorda-news.kz</a> &nbsp;Атырау облысы Құлсары қаласында көз жұмған 17 жастағы Эльдар Аманбектің анасының тергеуге көңілі толмайды. Тұңғыш ұлынан&nbsp;айырылған әйел күдіктілердің барлығы қамалғанын қалайды. Айтуынша, 12 адам баласын басқа жігітпен шатастырып, пышақтап кеткен.&nbsp;Бұл туралы <a href="https://stan.kz/kylsarida-bir-top-zhigit-17-zhastagi-balani-baska-adamm-414403/">Stan.kz</a>&nbsp;ақпарат агенттігі &nbsp;хабарлады.Қайғылы оқиға былтыр қаңтарда болған.&nbsp;11-сыныптың оқушысы мектепті бітіріп, Алматыдағы жоғары оқу орнына түсемін деп дайындалып жүрген екен. Алайда бозбала бейбіт күнде қыршыннан кетті. Досының туған күніне кетіп, сол күні мерт болды.&nbsp;<blockquote>“Эльдар әзілдесіп, шай ішкен кезде бізді күлдіртіп отыратын еді. Баламның жоқтығы кәдімгідей білінеді. Сол күні&nbsp;балам күліп, айнаның алдында билеп, киімін ауыстырып тұрған. Сол кезде бетімнен сүйіп кетті. Шығып бара жатқанда, баламнан “нешеде келесің” деп сұрадым. “Мама туған күн қалай бітеді, солай келемін” деп айтты”, –&nbsp;деді марқұмның анасы Алтынай Шалтаева.</blockquote>Бейнебақылау камерасына жазылған оқиға былтыр қаңтарда Құлсары қаласында болған. Өз жолымен жүріп бара жатқан көлікті бір топ адам тоқтатып, ішіндегі жігіттерді тепкінің астына алған&nbsp;көрінеді. Сөйтсе күдіктілер баланы басқа адаммен шатастырып, өлтіріп кетті дейді.&nbsp;<blockquote>“Ішінде отырған бес баланы ұрып-соғып, пышақтайды. Менің ұлымның аяғын пышақтап, күретамырын кесіп жіберген. Ұлым көп қан жоғалтқандықтан, сол жерде қаза болады. Енді бұл балалар оларды басқалармен шатастырып алдық дейді. Осы оқиғаға қатыстының бәрі өзінің іс- әрекетіне қарай жазасын алса екен деп сұраймын”, –&nbsp;деді ана.</blockquote>Полиция бірнеше бап бойынша іс қозғалып, тергеу&nbsp;жүргізіліп жатқанын жеткізді.<blockquote>“Күдіктілерге қатысты “Адам өліміне әкеліп соққан, денсаулыққа қасақана ауыр зиян әкелу”, “Бұзақылық” баптарымен қылмыстық іс қозғалды. Сот органымен 5 күдікті бұлтартпау шарасымен қамауға алынса, 7 күдікті үй қамаққа алынды. Қылмыстық іске қатысты кешенді тергеу амалдары жүргізіліп, тиісті сот сараптамалары өткізіліп жатыр”, –&nbsp;деп мәлімдеді Атырау облысы полиция департаменті тергеу басқармасының аға тергеушісі Темірхан Хажмұратов.</blockquote>Қайғыдан қан жұтқан жанұя іс бұрмаланып, жылы жабылып кете ме деп алаңдайды. Олар тергеу әділ жүргізіліп, кінәлі адамдар жауапқа тартылғанын қалайды.Фото: 31 арна видеосынан скриншот

Құлсарыда бір топ жігіт 17 жастағы жасөспірімді басқа адаммен шатастырып пышақтап кеткен деген күдікке ілінді

<a href="https://kyzylorda-news.kz/">Kyzylorda-news.kz</a> Ел Президенті Қасым-Жомарт Тоқаев 2024 жылғы Қазақстан халқына Жолдауында «Таза Қазақстан» экологиялық акциясы туралы атап өткен болатын. Аталмыш экологиялық акция еліміз бойынша биылда жалғасын табатын болады.Осыған орай аудан әкімінің орынбасары Мұрат Әбсұлтановтың төрағалығымен арнайы мәжіліс өтіп, аудан көлемінде жасалатын санитарлық тазалық, көркейту-көгалдандыру және абаттандыру жұмыстары талқыланды.<blockquote>-Туған жердің тазалығы әр қашанда басты назарда болуы тиіс. Сол үшін де біз жан-жағымызды жинастырып, санитарлық тазалыққа мән беріп, көркейту-көгалдандыру жұмыстарын жүйелі түрде жүргізуіміз қажет. Жыл көлемінде аудан аумағында тазалық жұмыстарын ұйымдастыру үшін арнайы іс-шаралар жоспары әзірленіп, акция жоғары деңгейде жүргізілуі қажет, - деді Мұрат Байғабылұлы.</blockquote>Соған сәйкес Әйтеке би кенті мен Қазалы қаласы және барлық ауылдық округ әкімдеріне наурыз мерекелеріне дейін санитарлық тазалық жұмыстарымен шектелмей, абаттандыру жұмыстарын жүргізіп, яғни елді мекендердегі мекемелер мен үйлердің қасбеттеріне сырлау, әктеу жұмыстарын жүргізуді тапсырды. Бұған қоса, аялдамалар, жол белгілері мен түнгі жарықшамдарын сырлау, автомобиль жолдарына жол жолақтарын сызу сынды жұмыстарды да жүргізу қажеттігін айтты.Сонымен қатар «Таза Қазақстан» экологиялық акциясы аудан көлемінде жыл көлемінде жалғасатынын айтып, туған жердің тазалығы үшін тұрғындарды да тазалық акциясына белсене қатысуға ұйымдастыру керектігін жеткізді.Фото: Қазалы ауданы әкімінің баспасөз қызметі

Мәжілісте тазалық мәселесі қаралды

<a href="https://kyzylorda-news.kz/">Kyzylorda-news.kz</a> Осы ретте ауыз ашарда дұғаны арабша жасау міндетті ме? Бұл сұраққа еліміздегі танымал имам Нұрлан Байжігітұлы Instagram парақшасында жауап берді, деп хабарлайды <a href="https://baq.kz/dugany-arabsha-zhasau-mindetti-emes-nurlan-imam-200008650/">BAQ.KZ</a> тілшісі.<blockquote>Ауызды бекітіп, ашқанда неге дұға оқимыз? Біріншіден, осыны түсініп алайық. Пайғамбарымыздың хадисінде ауыз ашқан кезде бір дұға қабыл болады деп келген. Сонда сол дұғам қабыл болар ма екен деп еліне, жақындарына, отбасына, отанына, баршамыз маңайымызға дұға жасайық. Өзіңіз ойлаңызшы, миллиондаған адамдар дұға жасаса, көптің батасы көл демей ме қазақ халқы. Ал, енді дұғаны арабша жасау міндетті емес. Біздің өзіміздің қиыры көрінбейтін, терең мағыналы, әр сөзінде нәрі мен нұры төгіліп тұратын тіліміз бар. Сол сөздерімізбен қазақша айта беріңіздер. Тілектеріңіз қабыл болсын. Бекіткен кезде ниетті жүректен жасаса жеткілікті, бірақ ауызбен айтқан сауапты болады, — дейді имам.</blockquote>Фото: Жеке инстаграм парақшасынан

Қазақстан және Қызылорда облысының жаңалықтары