<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаев "Руханият" орталығында "Жұмысшы мамандықтар жылы" аясында ауданның еңбек адамдарымен, еңбекші аналарымен кездесті. Кездесуге аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, әртүрлі салада еңбек еткен еңбек ардагерлері мен жастар қатысты. Аудан басшысы еңбек адамына әркез құрмет көрсетілетінін атап өтті.<blockquote>– Мемлекет басшысы Қасым-Жомарт Кемелұлы Тоқаев 2025 жылды «Жұмысшы мамандықтары жылы» деп жариялап, «Біз жұмысшы мамандықтарын дәріптеу арқылы қоғамда еңбеккеш және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек» деген болатын. Бұл бастама – еңбек адамына, әсіресе түрлі салада маңдай терін төгіп жүрген қарапайым жұмысшы мамандарға көрсетілген зор құрметтің белгісі. Президентіміз халыққа арнаған Жолдауында «Жұмыстың жаманы жоқ, кез келген еңбек – қадірлі. Ең бастысы, әркім жауапкершілікті терең сезініп, өз міндетін сапалы атқаруға тиіс. Сонда ғана еліміз дамудың сара жолына түседі» – деп атап өтті. Бүгінде аймақ басшысы Нұрлыбек Машбекұлы Нәлібаевтың қолдауымен еңбек адамдарын ұлықтау мақсатында көптеген ауқымды жұмыстар атқарылуда. Кеше ғана Еңбек күні мерекесінде облыс орталығында өздерінің еңбегімен еленген «Үздік еңбек әулеттері», «Жұмыс істейтін жастардың үздік тәлімгерлері», «Өндірістің үздік жас мамандары» марапат биігінен көрінді. Сондай-ақ, биыл үшінші жыл қатарынан өткізіліп жатқан «Үлгілі елді мекен» байқауы да осы еңбек адамдарына деген үлкен қолдаудың бірі. Аталған байқауда ауданымыз жыл сайын алдыңғы қатардан көрініп, еңбекшілеріміздің мерейі артуда. Биыл да үлгілі елді мекен болған Нағи Ілиясов ауылы облыста жеңімпаз атанып, республикада аймақ намысын қорғайтын болады. Осы игі шаралардың барлығы еңбек адамдарына деген үлкен қолдаудың және құрметтің белгісі екені айқын. Егемен еліміздің жарқын болашағы жолында Отанымызға адал еңбек ету, адал жолмен табыс табу, адал азамат болу – біздің қастерлі міндетіміз! Кездесуге барлық саналы ғұмырын еңбекке арнап, жұмысты таңдамай, қиын-қыстау кезеңдерде ерлермен қатар иық теңестіре жүріп, үйдің де, даланың да жұмысын атқарған нәзік жанды анаралымыз қатысып отыр. Олардың қатарында құрылысшы, күрішші, сауыншы, тігінші, аспазшы және басқа да ауыр салаларда аянбай тер төккен майталмандар бар. Сіздердің барлық саладағы қажырлы еңбектеріңіздің нәтижесінде жұмысшы әйел бейнесі – тек еңбек етуші ғана емес, сонымен қатар білімді, білікті, кәсіби шебер маманның бейнесі ретінде қалыптасты. Бұл еңбектеріңізге тек шынайы алғысымызды білдіреміз, – деді Берік Әбдіғаппарұлы.</blockquote>Аудан әкімі еңбек адамдары мен еңбекші аналарды «Алғыс хатпен» марапаттап, сый-құрмет көрсетті. Іс-шарада аудандық мәслихат төрағасы Е.Әжікенов, аудандық ардагерлер кеңесінің төрағасы М.Келдібаев сөз сөйлеп, барлық жұмыс адал еңбектің арқасында жүзеге асып жатқанын жеткізді. Кездесуде ардақты аналар жастық шақтарындағы, еңбек даласындағы қызу тіршіліктерге қатысты естеліктерін айтып, ризашылықтарын білдірді.

Еңбек адамдарына құрмет көрсетті

<a href="https://kyzylorda-news.kz/">Kyzylorda-news.kz</a> «AMANAT» партиясының сайлауалды бағдарламасы аясында &nbsp;Қазалы ауданындағы Қарашеңгел ауылдық округіне қарасты Шитүбек елді мекені ауыз су желісіне қосылды.&nbsp;Жалпы өңірде 4 қала және 222 ауылдық елді мекен бар. Оның ішінде орталықтандырылған ауыз су жүйесіне қосылмаған 19 ауылдық елді мекен болатын. Бұл жұмыстар бойынша арнайы жол картасы әзірленіп жұмыс жасалуда. &nbsp;Жыл соңына дейін облыс бойынша 83 шақырым су құбыры салынып, Мемлекет басшысының халықты 100 пайыз сапалы ауыз сумен қамту тапсырмасын толық орындау жоспарланған.Шитүбек елді мекені ауыз су желісіне қосу жұмыстарды осы жоспар аясында жүзеге асып отыр. Атап өту керек, бұл жоба Президент тапсырмасымен мемлекетке қайтарылған активтер қаражаты есебінен жүргізілді. Бұған дейін ауданға қарасты Сарбұлақ, Шилі, Шәкен елді мекендері де ауыз су желісіне қосылған болатын. Жұмсалған қаржының жалпы соммасы &nbsp;1,5 млрд. теңгені құрайды.&nbsp;<img src="https://knadmin.beoblood.kz/uploads/azaly_Shit_bek_2_c867d8e1f2.jpg" alt="Қазалы Шитүбек 2.jpg">

Шитүбек елді мекенінде ауыз су желісі іске қосылды

<a href="https://kyzylorda-news.kz/">Kyzylorda-news.kz</a> &nbsp;Ұстаздық – ұлт болашағын тәрбиелейтін ұлы қызмет. Мұғалімдер күні қарсаңында білім беру саласына өлшеусіз үлес қосып жүрген қызылордалық педагогтер Мемлекет басшысының қолынан жоғары марапатқа ие болды. Қорқыт ата атындағы Қызылорда университетінің профессоры, филология ғылымдарының кандидаты Ұлжан Жаңбершиева «Парасат» орденімен марапатталса, ұзақ жылдар бойы ұрпақ тәрбиесіне еңбек сіңірген ардагер ұстаз Күміскүл Серекеева «Қазақстанның еңбек сіңірген ұстазы» құрметті атағын алды. Бүгін қос ұстаз Өңірлік коммуникациялар қызметінің ақпарат алаңында қонақ болып, қуанышымен бөлісті.<blockquote>- Біз үшін мереке қарсаңында Президенттің қолынан мемлекеттік награда алған күн бір ерекше көңіл күй, ерекше сезім сыйлаған күн болды. Марапат алар сәтте бойымызда толқу сезімі басым болды, сонымен қатар «Біз осы марапатқа лайықпыз ба?» деген сұрақтар туды. Жалпы, менің педагогикалық еңбек өтіліме 50 жыл уақыт болды. Алғашқы қызметімді Ғ.Мұратбаев атындағы 171 орта мектебінде білім теңізінде кеме болып бастадым. Кейін ғылымға бет бұрып, Қорқыт ата атындағы Қызылорда университетіне қарапайым ассистент болып жұмысқа орналастым. Осылайша, ізденіс пен еңбектің арқасында аға оқытушы, доцент, кейін профессорлыққа ұмтылдым. Қазіргі менің ғылыми бағытым – Сыр өңірінің ақын-жырауларының шығармаларын зерттеу. Осы төңіректе жүрген кезде тек әдеби зерттеу, ғылыми еңбек жазып ғана қойған жоқпын, ЖОО арналған оқулықтар, әдістемелік оқу құралдары мен ғылыми мақалалар жаздым. Қазіргі күнде 200-ден аса ғылыми мақала, 6 монография, 8 әдістемелік оқу құралының авторымен. Әлі де жас ұрпақ үшін қажетті дүниелер қалдырғым келеді,- деді Ұлжан Нахатқызы.</blockquote>&nbsp;<blockquote>- Мен өзімнің саналы ғұмырымды ұстаздық қызметке арнап келемін. Осы мамандықты сүйіп таңдап, қиындығы мен қызығын қатар көріп келе жатқаныма 40 жыл уақыт болды. Оқушының жүрегіне жол тауып, оны үлкен өмірге дайындау ұстаздың басты міндеті деп білемін. Мұғалім болып оқушыны олимпиадаға, түрлі ғылыми жобаларға дайындау, белгілі бір нәтижеге бірге ұмтылу бөлек мәртебе. Бір жылдары БҰҰ-ның «Даму» бағдарламасы арқылы грант жеңіп алып, берілген қаржыға мектеп жанынан жылыжай аштық. Сол жылыжай біздің жасыл зертханамыз болды. Сол жерде тек биологтар ғана емес, географтар мен физиктер де өз салалары бойынша зерттеу жұмыстарын жасады. Бүгінде сол лаборатория әлі де өз жұмысын жасауда. Еңбек ешқашан еленбей қалмайды екен. Мемлекет басшысының қолынан марапат алған кезде сондай бір керемет сезімде болдық. Мемлекет басшысы өз сөзінде «Біз ұстаздарды құрметтеуіміз керек. Ұстаз – біздің еліміздің болашағын тәрбиелейді. Еліміздің болашағы мықты, білімді, тәрбиелі болса, онда біз мықты елдердің қатарында боламыз» деді. Осы арқылы біз Президентіміздің ұстазға деген құрметін сезіндік,- деді Күміскүл Дүйсенқызы.</blockquote>

Сыр ұстаздары: Еңбек елеусіз қалмайды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудандағы коммуналдық сала басшыларын қабылдап, әрбір сала бойынша атқарылып жатқан жұмыстармен танысты. Сондай-ақ сала басшыларына тұрғындарға қолайлы жағдай жасау мақсатында коммуналдық қызметтердің үздіксіз берілуін қамтамасыз ету жөнінде тапсырмалар жүктеді.Қабылдаудан кейін аудан басшысы Әйтеке би кентіндегі «Қызылордажылуэлектрорталығы» МКК-ның «Қазалы-Теміржолжылу» филиалына, «Қазалы-Су Сервис» мекемесі мен «Арал-Сарбұлақ топтық су құбырларын пайдаланушы» Қазалы өндірістік бөлімшесіне және аудандық электр тарату торабы мекемелерін аралады.– Коммуналдық қызметінің қашанда сапалы болуы маңызды. Себебі халықтың күнделікті тұрмыс тіршілігі осы саламен тығыз байланысты. Халықты электр жарығы мен ауыз сумен қамту – кезек күттірмейтін мәселе, – деген аудан әкімі қысқы жылу беру маусымына дайындық жұмыстарын пысықтап, тұрғындарды ауыз сумен, жарықпен уақытылы қамтамасыз ету, аудан орталығының тазалығы мен абаттандыру мәселелеріне қатысты тиісті сала басшыларына тапсырма берді.Аудан басшысы коммуналдық мекемелерді аралау барысында Әйтеке би кентіндегі көмір қоймаларындағы қатты отынның қорын көріп, жылу беру маусымында қатты отынның ешқандай тапшылығы болмау керектігін ескертті.<img src="https://knadmin.beoblood.kz/uploads/img_1980_9b953f7931.jpeg" alt="img_1980.jpeg">Ал, Әйтеке би кентінің әкіміне аудан орталығының тазалығы, көше бойындағы істен шыққан жарықшамдарды, көнерген жол белгілерін қайта қалпына келтіру, ретсіз өскен шөптерді шабу, қоршаулар мен бағаналарды, жол белгілерін сырлау және тиісті бөліммен бірлесе отырып, аудан орталығындағы кәсіпкерлік нысандардың алдында тазалық жұмыстарын жүргізіп, ретке келтіру жөнінде кәсіпкерлерге ескерту беруді тапсырды.Фото: Қазалы ауданы әкімдігі

Аудан әкімі коммуналдық салалардың жұмысымен танысты

<a href="https://kyzylorda-news.kz/">Kyzylorda-news.kz</a> 1 қазанда Қазақстанда Қарттар күні атап өтіледі. Бұл күн аға буынның ерен еңбегін еске түсіру, қарт адамдардың мүмкіндіктері мен қажеттіліктеріне жаңа көзқараспен қарау үшін тамаша себеп.60 + санаты алаяқтар үшін ең осал топ болып қалуда. Оның себебі &nbsp;түсінікті: олардың сенгіштігі, цифрлық сауаттылықтың жеткіліксіздігі және жақындарының тарапынан тұрақты қолдаулың болмауы.Fingramota.kz кеңінен тараған алдау әдістері мен қауіпсіздік қағидалары және егде жастағы адамдарды алаяқтардан қалай қорғау керектігі жөнінде айтып береді.Қарт адамдар қаржы &nbsp;пирамидалары үшін оңай олжаБіз зейнеткерлердің мессенджерлерде өздерін «рекрутерлер» деп атайтын адамдарға жүгініп, жазылымдар ресімдеп беруді, «ғажайып тауарларды» (диеталық қоспалар, косметика, тұрмыстық техника) сатып алуды және жаңа жазылушыларды тартуды сұрайтын оқиғаларды жиі естиміз.Көптеген қарт адамдар, олардың туыстарының сөзінше «пирамидадан пирамидаға ауысады». Әдетте, оларға «тәуекелсіз жоғары табысқа кенелуге» уәде етіледі, «инвестициялар», «стартап», «мемлекеттік бағдарлама» сөздерін қолданады.Алаяқтардың ең көп қолданатын әдісі - психологиялық әсер ету, қарт адамдарды «отбасы үшін ақша табу» &nbsp;және «тегін бонустар», сыйлықтар, жеңілдіктер туралы уәделерге сендіріп, балалар мен немерелеріне көмектесуге деген ұмтылысын пайдалану. &nbsp;Қаржы пирамидасының белгілері:Негізгі табыс тауарларды/қызметтерді сатудан емес, жаңа қатысушыларды тартудан түседі.«Кіру жарнасы» немесе тұрақты төлемдер қажет.Қызметке лицензия жоқ (ҚР Қаржы нарығын реттеу және дамыту агенттігінің сайтында тексеріледі — gov.kz).Ай сайын 20-30% мөлшерде «тәуекелсіз» кепілдендірілген жоғары табыс туралы уәде.«Дәл қазір шешіңіз» деген талап қою».Егде жастағы туыстарды қалай қорғауға болады?Банк карталарына лимиттер белгілеп, SMS-хабарламаларды қосу.Қарт туыстармен алаяқтық тақырыбын үнемі талқылап отыру.Олардан жақындарымен кеңеспей ақша салмауды өтіну.«Сіздің картаңыз бұғатталды»: жалған банкирдің қоңырауыАлаяқтар қоңырау шалып, карта бойынша «күдікті операциялар» жүргізіліп жатқанын хабарлайды. Олар «қаражатты қорғауды» ұсынады және карта нөмірін, CVV-кодты, PIN-ді немесе SMS-пен келетін құпиясөзді айтуды сұрайды. Кейде қашықтан қол жеткізу бағдарламаларын (TeamViewer, AnyDesk) орнату қажет сендіреді. Нәтижесінде олар шотты толық бақылауға &nbsp;және қаражатты ұрлауға қол жеткізеді.Егде жастағы туыстарды қалай қорғауға болады?Банк ешқашан телефон арқылы кодтар мен мәліметтерді сұрамайтынын түсіндіріңіз.Қосымшаларды қажетсіз орнатудан қорғайтын, әсіресе бөгде адамдардың өтініші бойынша және смартфон операцияларын екі рет растауды талап ететін функцияны қойыңыз.Егер күмәнді қоңырау болса, телефонды қойып, ресми нөмір бойынша банкке қайта қоңырау шалу керек екенін айтыңыз.«Сіздің туысыңыз қиындыққа тап болды»: қорқыта отырып сенімге кіруАлаяқтар өздерін полиция қызметкері немесе дәрігермін таныстырады және жақын адамының: жол апаты, қамауға алу, аурухана түсіп қалу сияқты қиындыққа тап болғанын хабарлайды. «Мәселені шешу» үшін жедел ақша аударуды немесе курьерге қолма-қол ақша беруді талап етеді.&nbsp;Қарт адамдарға не істеу керек?Алдымен туыстарыңызға тікелей хабарласыңыз.Белгісіз адамдарға ақша бермеңіз.Мұндай қоңыраулар туралы полицияға хабарлаңыз.«Сізге ақша төлемі жасалады»: мемлекеттік мекеме қызметкерінің қоңырау шалуы немесе келуіЗейнетақы қоры немесе әкімдік қызметкерлерінің атынан алаяқтар қосымша төлемдер, өтемақылар, субсидиялар уәде етеді. «Ресімдеу» үшін картаны және SMS-тен келген кодты айтуды немесе жалған бланкіге қол қоюды талап етеді. &nbsp;Кейде үйге жалған куәліктермен келеді.Нені білу және істеу керек?Барлық төлемдер тек ХҚО немесе eGov.kz арқылы ресімделеді.Құжаттарды тексеріңіз – 1414 нөміріне қоңырау шалыңыз.Ешқашан бейтаныс адамдарға жеке деректерді бермеңіз.Қарттарды қорғау шараларыАгенттік қаржылық қызметтерді тұтынушыларды қорғауды күшейтті. Мынадай шаралар енгізілді:Осал санаттар (оның ішінде зейнеткерлер) үшін кредит берудің агрессивтік маркетингіне және инвестицияға тыйым салу.МҚҰ мен банктерге қойылатын талаптарды қатаңдату — өнімдерін тықпалайтын қоңырауларға тыйым салу, жасырын комиссиялардан қорғау.«Банктік қарыздар мен микрокредиттер алудан ерікті түрде бас тарту»&nbsp;немесе қарапайым тілмен айтқанда «Стоп кредит» сервисін қарт туыстарыңызға көрсетіп орнату. Сіз оны eGov.kz порталы немесе eGov Mobile мобильді қосымшасы арқылы бірнеше минутта қосып алып, қанша уақыт қажет болса, сонша уақыт пайдалана аласыз: жолданымдардың уақыты мен санына шектеулер жоқ.1000 АЕК-тен (2025 жылы 3 932 000 теңге) асатын кредит немесе микрокредит алған кезде клиенттің&nbsp;жұбайының (зайыбының) келісімі&nbsp;қажет. Егер қарыз алушының некесі тіркелген болса, келісім eGov немесе банктің мобильді қосымшасы арқылы жазбаша немесе электрондық нысанда ресімделеді. Егер кредит жұбайының (зайыбының) келісімінсіз берілсе, онда кредитор мұндай берешекті есептен шығаруға міндетті.«Қосымша қол» сервисіБұл – Агенттіктің қарт адамдар мен мүгедектерді алаяқтықтан қорғау үшін әзірлеген құралы. Сервиске сәйкес қарт адам немесе мүгедектігі бар адам келісім бойынша сол банктің немесе қаржы ұйымының клиенттерінің ішінен өзіне «көмекшіні» (сенімді адамды) тағайындай алады.Көмекші клиенттің жоспарланған операциялары — аударымдары, салымдар немесе карталар ашу, валюта айырбастау, инвестициялық қызметтер және т.б. туралы хабарлама алады. Егер көмекшіде алаяқтық әрекеттерге күдік туындаса, кредиттік ұйым клиентті хабардар ете отырып, «қосымша қол» қызметін ажыратуға міндетті болады.Сервис 2026 жылдың бірінші жартыжылдығында сынақтан өткізіледі (тексеріледі), содан кейін кредиттік ұйымдарға міндетті ету үшін заңнамаға тиісті нормаларды енгізу жоспарланып отыр.Қарттарға арналған қарапайым қаржылық қауіпсіздік ережелеріЕшқашан телефон арқылы картаңыздың деректемелері мен SMS кодтарды хабарламаңыз.Мемлекеттік қызметшімін деп хабарласқандардың құжаттарын тексеріңіз.Кез келген ақша аударымы алдында туыстарыңызбен кеңесіңіз.Жақындарыңыздың, банктің және полицияның телефондарын жазып алыңыз, олар өзіңізбен бірге болсын.Үлкен соманы үйде қолма-қол ақша түрінде сақтамаңыз.Бейтаныс адамдарға «жоқ» деп айтудан қорықпаңыз.<img src="https://knadmin.beoblood.kz/uploads/0204_infographics_rus_35_57012a0680.png" alt="0204-infographics-rus-35.png">Қаржылық сауаттылығыңызды Fingramota.kz-пен бірге арттырыңызФото: fingramota.kz

Қаржы алаяқтарынан қарт адамдарды қалайша қорғауға болады: жаңа қағидалар мен ұсынымдар

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығы мен Қызылорда облыстық неміс этномәдени бірлестігінің онкүндігі аясында Қызылорда қаласындағы «Syr Bilimi» мектебінде неміс асханасының тағамы – штрудельді әзірлеу бойынша шеберлік сабағы өтті.Іс-шараға облыстық этномәдени бірлестіктердің өкілдері, «Ассамблея жастары», мектеп директоры Анжела Садыкбекова, Қызылорда облыстық «Қоғамдық келісім» КММ директорының орынбасары Руслан Құрманов қатысты.Шеберлік сабағын Германиядан келген аспаз, тегі австриялық Фридрих мырза, облыстық неміс этномәдени бірлестігінің жетекшісі Ирина Шек және орталық белсендісі Ольга Ковалёва өткізді.Шара барысында штрудельдің бірнеше түрі әзірленді: ет қосылған, картоп, сәбіз бен пияз салынған, сондай-ақ алма қосылған түрлері.Шара соңында барлық қатысушыларға сертификаттар табысталды.

Онкүндік аясында шеберлік сабағы өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Ticketon компаниясы "Қайрат" – "Реал" матчына билет алып, ойынға кіре алмағандардың ақшасын қайтаруға уәде берді. Алайда бұл ақша бәріне бірдей қайтарылады дегенді білдірмейді. Бұл туралы <a href="http://stan.kz/">Stan.kz</a> ақпарат агенттігі хабарлады.&nbsp;"Қайрат" – "Реал" матчы аяқталса да, ойынға қатысты шағымдар толастамай тұр. Көптеген адам жарамды билеттері болғанына қарамастан Алматыдағы тарихи матчқа қатыса алмады. Ең қымбат билеттерді сатып алған жанкүйерлердің арасында да стадионға кіре алмағандар бар. Қазір олар&nbsp;билет&nbsp;үшін төлеген ақшаларын&nbsp;қайтаруды талап етуде.Freedom Ticketon компаниясы бұл адамдарға билеттің ақшасын қайтаруға дайын екенін мәлімдеді. Алайда&nbsp;белгілі шарттарға сай келген жағдайда ғана.Компания тек үш ресми интернет-ресурстан алынған билеттердің ақшасы ғана қайтарылатынын атап өтті. Олар: Freedom SuperApp қосымшасы, Ticketon.kz сайты және Qairat SuperApp мобильді қосымшасы арқылы алынған билеттер."Бұл клиенттер қолдау қызметіне жүгініп, келіп немесе қоңырау шала алады. Біз әр жағдайды жеке зерттеп, қарастыра отырып, ақшаны қайтару бойынша шешім қабылдай аламыз. Адам келіп, өзінің ЖСН-ін көрсетуі керек. Біз төлемді қандай карта арқылы жасағанын көріп, оны тексеруіміз қажет", – деді Freedom Ticketon компаниясының коммуникациялар жөніндегі директоры Азамат Атагелді.Компания өкілі делдалдардан сатып алынған немесе сыйлық ретінде берілген билеттердің ақшасы қайтарылмайтынын атап өтіп,&nbsp;компания әр билеттің шынайлығын тексеруге дайын екенін айтты."Кейбір адамдар билеттерді қолдан сатып алған. Мұндай жағдайларға біз&nbsp;жауап бермейміз", – деді ол.&nbsp;Ticketon өкілі жүйе сатып алушыны ЖСН және төлем картасы арқылы тексеруге мүмкіндік беретінін, ресми транзакция болса, ақшаның қайтарылатынын нақтылады."Кейбір адамдар жалған билеттермен келіп, матчқа кіре алмағандарын айтуы мүмкін. Ал біздің дерекқорымызда ондай билеттер жоқ", – деді Азамат Атагелді.&nbsp;Фото: “Қайрат” ФК

"Қайрат" – "Реал" матчына билет алып, ойынға кіре алмағандар ақшасын қайтара алады: Ticketon шарттарын атады

<a href="https://kyzylorda-news.kz/">Kyzylorda-news.kz</a> Өз уақытын аямай, өзгенің бақытын аялайтын ұстаз қауымына берер баға азаймайды. Кәсіби мереке қарсаңында ҚАЖ департаментіне қарасты №68 мекемесінің қызметкерлері ұстазын ұмытпай, сый-құрмет көрсетуді жөн көрді.Режим және күзет бөлімінің бақылаушысы әділет кіші сержанты Дамир Қонысбай білімін жетілдіріп жүрген “Болашақ” университетіне, ал Режим және күзет бөлімінің бақылаушысы әділет қатарындағы Мақпал Қуатова өзі оқу бітірген А.Байтұрсынов атындағы №211 мектепке барып, ұстаздарын мерекемен құттықтап, әдемі гүлдерін ұсынды.Мекеме &nbsp;бастығының тәрбие жұмыстары жөніндегі орынбасары әділет майоры Мирамбек Тұрымбетов шәкірттеріне сапалы білім берген қос ұстазға Алғыс хат табыстап, олардың ынталы да іскер қызметкерлер ретінде ел мүддесі жолындағы адал еңбегін айшықтап өтті. Мерейі өскен ұстаздар да марқайып, өз ризашылығын білдірді.Ұстазына құрмет көрсеткен шәкірттердің шынайы көңілі мен алғаусыз алғысы көпті сүйсіндіргені сөзсіз.<img src="https://knadmin.beoblood.kz/uploads/1_Mekeme_yzmetkerleri_stazyn_tty_tady_94df6d405b.jpg" alt="1Мекеме қызметкерлері ұстазын құттықтады.jpg">

Мекеме қызметкерлері ұстазын құттықтады

<a href="https://kyzylorda-news.kz/">Kyzylorda-news.kz</a> &nbsp;«AMANAT»партиясының облыстық филиалының атқарушы хатшысы Ләйлә Төрешова, республикалық кеңес мүшесі Айткүл Шалғынбаева, облыстық филиал жанындағы азаматтық қоғам мен мәдениетті дамыту жөніндегі «Miras» аймақтық кеңесі төрағасының орынбасары Сәрсенкүл Бихожа бейнебайланыс режимінде «AMANAT» партиясының жанындағы «Miras» республикалық кеңесінің отырысына қатысты.Жиында Мемлекет басшысы Қасым-Жомарт Тоқаевтың биылғы халыққа Жолдауында көтерген жасанды интеллекті дәуіріндегі мәдениет пен өнерді дамыту жолдары және мәдени объектілерді салу мен жөндеу мәселелері қаралып, талқыланды.Кеңес отырысында Алматы қаласы, Алматы, Түркістан және Ұлытау облыстарында осы бағытта атқарылып жатқан жұмыстардың есебі тыңдалды.Кеңес төрағасы Амажол Әлтай жалпы кеңестің бұған дейін бірқатар өңірлерде көшпелі отырысы өтіп, атқарылған жұмыстарды көзбен көріп, кеңес мүшелері, өңірлердегі зиялы қауым болып талқыланғандығын, орамды ойлар мен ауқымды ұсыныстар жинақталып, тиісті министрліктер мен органдарға жолданғандығын тілге тиек етті.Кеңес төрағасы өз сөзінде Сыр өңірінде партияның сайлауалды бағдарламасы аясында мәдениет пен өнерді қолдау бағытында жасалып жатқан жұмыстарды өзге өңірлерге үлгі ретінде атап өтті.

«Miras» республикалық кеңесінің отырысы өтті

<a href="https://kyzylorda-news.kz/">Kyzylorda-news.kz</a> Көптеген қазақстандықтар бос уақыттарын сауда және ойын-сауық орталықтарында өткізеді: киноға барады, сауда жасайды, достарымен кездеседі немесе бүкіл отбасымен келеді. Мұндай нысандар тек сауда орны ғана емес қала инфрақұрылымының маңызды бөлігіне айналды: бұл мыңдаған адамдардың күнделікті келетін орны. Осыған байланысты мұнда қауіпсіздік мәселесі бірінші орынға шығады.Fingramota.kz сауда және ойын-сауық орталықтары үшін өрттен міндетті сақтандыру ережелерін еске салады.2025 жылғы 24 маусымда осындай нысандардың иелері үшін жаңа ереже енгізетін маңызды заңға қол қойылды: ендігі жерде олар үшін өрттен азаматтық-құқықтық жауапкершілікті сақтандыру міндетті болып табылады. Бұл шешім сауда орталығына келушілердің, жалға алушылар мен қызметкерлердің өмірін, денсаулығы мен мүлкін қорғауға арналған.Заңға сәйкес, ауданы 2000 шаршы метрден асатын сауда және ойын-сауық орталықтарының, сондай-ақ тізбесін Төтенше жағдайлар министрлігі айқындайтын басқа да нысандардың иелері сақтандыру шартын жасасуға міндетті.Егер бұрын бұл ерікті түрде жасалатын болса, енді келісімшарт болмаса мұндай нысанның қызметіне рұқсат берілмейді.Бұл не үшін қажет?Бұл ережелер адамдар жаппай келетін ғимараттардағы адамдардың өмірін, денсаулығы мен мүлкін қорғауға бағытталған. Өрт шыққан жағдайда зиянның ауқымы бизнес үшін, сондай-ақ қарапайым келушілер үшін де өте үлкен болуы мүмкін. &nbsp;Бұдан былай сақтандыру компаниясы зардап шеккендерге зиянды өтеу бойынша міндеттеме алады. Бұл:• &nbsp; &nbsp;сауда орталықтары мен кинотеатрларға келушілерге;• &nbsp; &nbsp;үй-жайларды жалға алушыларға;• &nbsp; &nbsp;ғимаратта орналасқан ұйымдардың қызметкерлеріне қатысты.Сақтандыру қандай сомаларды қамтиды?Заң сақтандыру сомасы мен төлемнің ең төмен мөлшерін белгілейді.• &nbsp; &nbsp;Шарт бойынша жалпы сақтандыру сомасы - кемінде 75 000 АЕК (шамамен 295 млн теңге).• &nbsp; &nbsp;Бір жәбірленушінің мүлкіне келтірілген залал — 1 500 АЕК-ке дейін (шамамен 5,9 млн теңге).• &nbsp; &nbsp;Өмірі мен денсаулығына келтірілген зиян:қайтыс болған жағдайда - 5 000 АЕК (19,7 млн теңге);I топтағы мүгедектік - 4 000 АЕК (15,7 млн теңге);II топтағы мүгедектік - 3 000 АЕК (11,8 млн теңге);III топтағы мүгедектік - 1 500 АЕК (5,9 млн теңге);балаға мүгедектік белгіленген кезде - 3 000 АЕК (11,8 млн теңге); &nbsp; &nbsp; мүгедектіксіз жарақат алу немесе мертігу &nbsp;- емдеуге жұмсалатын нақты шығыстар, бірақ 750 АЕК (2,9 млн теңге) аспайды.Мынадай жағдайды елестетіп көрейікші: ірі сауда орталығында электр сымдарының тұйықталуына байланысты өрт шықты. Келушілердің бір бөлігі жарақат алды, ал жалға алушылардың дүкендері тауардың зақымдануынан зардап шекті.Бұрын зардап шеккендер ғимарат иесімен соттасуға мәжбүр болатын және процесс бірнеше жылға созылуы мүмкін еді. Енді сақтандыру шарты болған жағдайда, зардап шеккендерге төлемді сақтандыру компаниясы өтейді және заңда белгіленген мерзімде жүргізеді.Шартты қалай жасауға болады?Сақтандыру шартын Қаржы нарығын реттеу және дамыту агенттігінің лицензиясы бар жалпы сақтандыру бойынша 15 сақтандыру компаниясының кез келгенінде ресімдеуге болады. ҚР Төтенше жағдайлар министрлігімен бекіткен үлгі шарт негізге алынады. Сақтандыру сыйлықақысының сомасын (яғни сақтандыру құнын) сақтандыру компаниясының өзі айқындайды және шартта көрсетіледі.Бизнес үшін бұл қосымша шығысқа әкеледі, бірақ сонымен бірге үлкен қаржылық тәуекелдерден де қорғайды. Өрт болған жағдайда кәсіпкер зардап шеккендермен және олар қоятын шағым-талаптармен бетпе-бет қалып кетпейді.Қазақстандықтар үшін бұл – кепілдік: адамдар төтенше жағдайда өтемақы алатынын, ал олардың құқықтары заңмен қорғалатынын білетін болады.Келушілерге арналған кеңестер: өзіңізді қалай қорғауға болады?Сақтандыру мүлік иелерінің міндеті болғанымен, келушілердің де мұқият болуы маңызды:• &nbsp; &nbsp;ғимаратқа кірген кезде эвакуация жоспары мен апаттық шығу жолдарын қараңыз;• &nbsp; &nbsp;егер сіз іс-шараларға қатыссаңыз, билеттер мен чектерді сақтаңыз — бұл сол жерде болу фактісін растайды;• &nbsp; &nbsp; тұтынушының қауіпсіздік бұрыштарындағы ақпаратты тексеріңіз немесе тікелей әкімшіліктен сұраңыз;• &nbsp; &nbsp;өз құқықтарыңызды біліңіз: өрт немесе басқа төтенше жағдай кезінде сіздің өтемақы алуға құқығыңыз бар.Өрттен міндетті сақтандыру – бұл бизнестің жауапкершілігін және азаматтардың қауіпсіздігін арттыруға бағытталған қадам. Сауда орталықтары мен ірі нысандардың иелері төтенше жағдайдың алдын алуға ғана емес, оның салдарын өтеуге де дайын болуы керек.Келушілер үшін бұл бір нәрсені білдіреді: күтпеген жағдай туындаған жағдайда мемлекет сақтандыру тетіктері арқылы қолдауға кепілдік беретінін біле отырып, өзіңізді қауіпсіз сезінуге болады.<img src="https://knadmin.beoblood.kz/uploads/infographics_12_11_12_ec8350365b.png" alt="infographics 12.11-12.png">Өзіңізге, жақындарыңызға қамқорлық жасаңыз және Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Қауіпсіз шопинг: сауда орталықтары үшін сақтандырудың жаңа қағидалары 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңа жылу-электр орталығында және Тәуелсіздік даңғылын жаңғыртудың екінші кезеңінде атқарылған жұмыстармен танысты.Қызылорда қаласында электр және жылу энергиясын өндіретін жаңа орталық құрылысы қарқынды жүргізілуде.Инвестор «Aksa Energy» түрік компаниясы қолға алған жобаның жалпы құны 215 млрд.теңге, осы уақытқа дейін 178 млрд.теңгеден астам инвестиция салынды.Негізгі 2 газ турбиналық қондырғы (General Electric, АҚШ), бу турбинасы (Doosan Skoda, Чехия), 2 бу қазандығы (AC BOILERS, Италия) мен 4 жылу қазандығы (Mimsan, Түркия) салынуда. Құрылысқа қажетті өзге де материалдар жергілікті өндірушілерден алынған.Бюджет есебінен 15 млрд. теңгеге жаңа орталыққа дейін 45 шақырым газ құбырының, автоматтандырылған газ тарату станциясының құрылысы жүргізілді.Тәуелсіздік даңғылын жаңғыртудың екінші кезеңінің құрылысы қарқынды жүргізілуде. Ұзындығы 2,867 шақырым, ені 14 метрлік төрт жолақты автожолмен қатар, ені 6 метрлік жаяу жүргіншілер және велосипед жолдары салынды.Биыл жол инфрақұрылымын дамытуға республикалық, облыстық, аудандық бюджеттен қаржы бөлініп, 329 шақырым автомобиль жолдары, көшелер мен көпір өткелдері жөндеуден өтті. Осы жұмыстардың нәтижесінде жақсы және қанағаттанарлық жағдайдағы жолдардың үлесі 95 пайызға жетті.<img src="https://knadmin.beoblood.kz/uploads/1_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_6b902fa7d6.jpg" alt="1 Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg"><img src="https://knadmin.beoblood.kz/uploads/2_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_d6bff40ecd.jpg" alt="2Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg"><img src="https://knadmin.beoblood.kz/uploads/3_Ajma_basshysy_T_uelsizdik_da_ylyn_zha_yrtudy_ekinshi_keze_indegi_zh_mystarmen_tanysty_bb025f8f83.jpg" alt="3 Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты.jpg">Фото: Қызылорда облысы әкімінің баспасөз қызметі

Аймақ басшысы Тәуелсіздік даңғылын жаңғыртудың екінші кезеңіндегі жұмыстармен танысты

<a href="https://kyzylorda-news.kz/">Kyzylorda-news.kz</a> Бұл туралы Мемлекет басшысы Қасым-Жомарт Тоқаев Астанада өтіп жатқан Digital Bridge форумының ашылуында сөйлеген сөзінде мәлімдеді, деп хабарлайды <a href="https://baq.kz/prezident-zhi-paydaly-ari-tiimdi-biraq-syn-qateri-de-az-emes-200022541/">BAQ.KZ</a> тілшісі.<blockquote>Еліміздегі ұлттық компаниялар, отандық кәсіпорындар осындай инновациялық жобаларды белсенді түрде қолдануы керек, өйткені озық технология дәуірінде түбегейлі өзгеріске дайын болу өте маңызды. Онсыз даму болмайтыны анық. Тағы бір мәселе. Озық технологияларды қолдану, бір жағынан, пайдалы және тиімді болғанымен, екінші жағынан, сын-қатері де аз емес. Сондықтан Жасанды интеллектіні пайдалану үшін тиісті заңнамалық негіз қалыптастыру – аса өзекті міндет. Бұл бағытта біраз жұмыс істелді, әлі де істеліп жатыр, – деп атап өтті Мемлекет басшысы.</blockquote>Сондай-ақ Президент осы саладағы заңға тоқталды.<blockquote>Осы саладағы негізгі құжат – Цифрлық кодексті жедел қабылдау үшін нақты шаралар жасалуда. Кодексте экономика, білім беру, денсаулық сақтау және мемлекеттік басқару салаларын жаппай цифрландыру жүйесі айқындалады. Жалпы, Цифрлық Кодексті асығыс қабылдай салуға болмайды, бұл – шын мәнінде жауапты, күрделі жұмыс, – деді Тоқаев.</blockquote>Айтуынша, сол себепті Парламентте сарапшылардың, құзырлы мекеме өкілдерінің қатысуымен жасанды интеллектіні дамыту мәселесі бойынша арнайы тыңдаулар өткізілді.<blockquote>Бір апта бұрын Мәжіліс «Жасанды интеллект туралы» Заңды екінші оқылымда қабылдады. Расында, бұл уақтылы қабылданған заң болды. Шетел мамандары да мұны еліміздің тұрақты цифрлық экожүйесін құру жолындағы маңызды қадам деп бағалап, жақсы пікір айтуда, – деді Мемлекет басшысы.</blockquote>Фото: Ақорда

Қазақстан және Қызылорда облысының жаңалықтары