Қала әкімдігі жанындағы жұмыс тобы кейбір сауда орындарындағы ретсіз сауданы жою мақсатында рейд жұмыстарын тұрақты жүргізуде. &nbsp;Кезекті тексеру жұмыстары «Жаңа базар» сауда орнының аумағында жалғасып, сала мамандары заңсыз сауда қатарының артқанына байланысты кәсіпкерлерге түсіндірме жұмыстарын жүргізді.Айта кету керек, жол бойында көше саудасына жол берілмейді. Мұндай орындар тауар сатуға арналмаған. Санитарлық тазалық сақталмайды, жаяу жүргіншілер мен көлікке кедергі жасайды.Осыған байланысты жұмысшы топ жол бойында сауда жасайтын кәсіпкерлерге сауда-саттықты арнайы белгіленген жерлерде жүргізуі керек &nbsp;екендігін түсіндірді. Оларға қауіпсіз, заңды ортада жұмыс істеу қажеттігі ескертілді.

Заңсыз саудаға жол жоқ

<a href="https://kyzylorda-news.kz/">Kyzylorda-news.kz</a> Аймағымызда еңбек қатынастарының заңдылығын қамтамасыз ету бағытында нақты нәтижелерге қол жеткізілуде. Биыл 305 жұмыскердің бұзылған еңбек құқықтары қалпына келтіріліп, жалақы қарызы толық өтелген. Бұл туралы бүгін Өңірлік коммуникациялар қызметінің ақпараттық алаңында облыстық мемлекеттік еңбек инспекциясы департаментінің басшысы Бектемір Жұмағұлов мәлімдеді.<blockquote>- Мемлекеттік еңбек инспекциясы тарапынан жыл басынан бері еңбек заңнамасының сақталуына тұрақты бақылау жүргізілуде. Атап айтқанда, 7 айда 147 тексеру жүргізіліп, нәтижесінде 171 заңбұзушылық анықталды. Бұл деректер бойынша жұмыс берушілерге 120 нұсқама беріліп, олардың 91,6 пайызы орындалды. Сонымен қатар еңбек заңнамасын бұзған тұлғаларға қатысты 29 әкімшілік іс қозғалып, белгіленген тәртіппен жауапкершілікке тартылды. Жүргізілген шаралар нәтижесінде 305 жұмыскердің бұзылған еңбек құқықтары қалпына келтірілді. Бұл жалақының кешіктірілуі, еңбек шарттарының рәсімделмеуі, жұмыс уақыты мен демалыс режимінің бұзылуы сияқты мәселелерді қамтиды. Жалақы қарыздары да дер кезінде өтеліп, тиісті жұмыстар атқарылды. Сондай-ақ, жыл басынан бері департаментке жеке және заңды тұлғалардан 1 226 өтініш түсіп, барлығы заңнамаға сәйкес қаралды. Оның ішінде 393 өтініш қанағаттандырылып, 321 өтініш басқа органдарға жолданды. Бұл өтініштер азаматтардың еңбек саласындағы құқықтық сауаттылығы артқанын және инспекторларға деген сенімнің жоғары екенін көрсетеді. Одан бөлек еңбек тәуекелдер картасында облыс бойынша 52 кәсіпорын жоғары тәуекел аймағында тұр. Осыған байланысты арнайы іс-қимыл жоспары қабылданып, барлық аудандарда кездесулер мен түсіндірме жұмыстары жүргізілуде. Осы бағыттағы жұмыстар алдағы уақытта да жалғасын табатын болады. Біздің басты мақсатымыз - еңбек дауларының алдын алу, жұмыскерлердің еңбек құқықтарын қорғау және жұмыс орындарында қауіпсіз еңбек жағдайын қалыптастыру,- деді Бектемір Ұлыбекұлы.</blockquote>Фото:Қызылорда облысының өңірлік коммуникациялар қызметі

Еңбек заңнамасының орындалуы тұрақты бақылауда

<a href="https://kyzylorda-news.kz/">Kyzylorda-news.kz</a> Қызылорда облысының жолаушылар көлігі және автомобиль жолдары басқармасының басшысы Сыздықов Жәнібек Шәкімбайұлы партияның облыстық филиалының қоғамдық қабылдау бөлмесінде қабылдау өткізді.Қабылдау барысында тұрғындар облыс аумағындағы автомобиль жолдарының жағдайы, көпірлер мен өткелдер салу және өзге де тақырыптар бойынша сауалдарын білдірді.Қызылорда облысы аумағында жергілікті маңызы бар автомобиль жолдарының жалпы ұзындығы - 3580,5 км құрайды. Оның 1014,5 км республикалық, 555 км облыстық және 2011 км аудандық маңызы бар автомобиль жолдары екені айтылды. Қала аумағындағы құрылыс нысандары қарқынды жүргізіліп, уақытылы қолданысқа берілуі күтілуде. Тәуелсіздік даңғылының Саламатов көшесіне дейінгі аралығын салу, «Құмкөл» трасссасының және «Көне өткелдің» құрылыс жұмыстарының барысы түсіндірілді.Жол сапасы мен қолданысқа беру мерзімі облыс басшылығының тікелей бақылауында екені және құзырлы мекемелермен бірлесіп жүйелі негізде құрылыс сапасына бақылау жұмыстары жүргізіліп тұратыны түсіндірілді.

Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Ақжарма ауылдық округінің әкімі Саттар Әбдіреев бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Баймұрат батыр ауылының жаңадан қалыптасқан көшелеріне тас жол салуға қаржы қаралып, 19 көшеде тиісті жұмыстар жүргізілді. Алдағы уақытта «Өңірлерді дамыту» бағдарламасы шеңберінде Талдыарал елді мекенінің 1-ші көшесіне көше жарығы орнатылады. Мұнан бөлек, бірқатар жобаларды жүзеге асыруға бюджетке өтінім берілді. Олардың қатарында, су тарату насосы мен аяқ су жүйесінің құрылысы, 5 көшеге жаяу жүргіншілер жолын салу жобалары бар. Ал, 10 көшеге ауыз су құбырын тартуға, жабық спорт кешенін салуға демеушілік негізінде жоба-сметалық құжаттары әзірленуде, - деді ауылдық округ әкімі Саттар Бейбітұлы.&nbsp;</blockquote>Кәсіпкерлікті қолдау бағыты бойынша мемлекеттік бағдарламалар аясында жылыжай мен көлік жөндеу орталығы бойынша ұсынылған жобалар қаржыландырылды.Баймұрат батыр ауылының жаңадан қалыптасқан көшелеріне тас жол салуға қаржы қаралып, 19 көшеде тиісті жұмыстар жүргізілді. Алдағы уақытта «Өңірлерді дамыту» бағдарламасы шеңберінде Талдыарал елді мекенінің 1-ші көшесіне көше жарығы орнатылады.

Ақжарма ауылдық округінде жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a> Бүгін Ә.Тәжібаев атындағы облыстық мамандандырылған әмбебап ғылыми кітапханасына қарасты «Сәулет» бастауыш партия ұйымында «Қазақтың ұлы ақыны - Абай» атты әдеби кеш өтті.&nbsp;Шараға партияның облыстық филиалының төрағасы Алмасбек Есмаханов, тарих ғылымдарының докторы Тастанбек Сәтбай, кітапханашылар, «ҰҚК» шекара қызметінің сарбаздары және оқырмандар қатысты.&nbsp; Қазақ халқының дара ақыны Абай Құнанбайұлы жайлы «AMANAT» партиясы Қызылорда облыстық филиалының төрағасы Алмасбек Әбілқасымұлы:&nbsp;<blockquote>- Абайдың қазақ өміріндегі маңыздылығы орасан. Өздеріңізге белгілі Мемлекет басшысы ұлы ақынның құрметіне Семей топырағын Абай облысы ретінде қайта құрды. Бұл ұлтымыздың біртуар азаматына деген ұрпағының үлкен құрметі. Бүгінгі күні партия бастамасымен, жергілікті әкімдіктің қолдауымен өңірімізде Абай күніне орай кең көлемді шаралар легі басталды. Шаралардың лайықты деңгейде өтуіне барша партияластарымыз атсалысуда. Келешекте де Абайды танып, оның ілімін зерттеп, әлі күнге дейін маңыздылығын жоғалтпаған қара сөздерін зерделеп, шығармаларын кеңінен насихаттайтын жастардың артатынына сенімім мол. Баршаңызды Абай күнімен құттықтаймын!,-деді.&nbsp;</blockquote>Абай &nbsp;мұрасы – сарқылмайтын &nbsp;мол &nbsp;қазына. Абайсыз қазақтың &nbsp;философиялық та, тарихи да, этикалық &nbsp;ақыл-ой &nbsp;дүниесін көзге &nbsp;елестету &nbsp;мүмкін &nbsp;емес. Абай &nbsp;ұлттық &nbsp;мәдениеттердің &nbsp;бір-біріне &nbsp;өзара &nbsp;ықпал &nbsp;етуіне &nbsp;және &nbsp;бірін-бірі &nbsp;байытуына алғаш &nbsp;рет &nbsp;жол &nbsp;салды. Пушкин &nbsp;мен &nbsp;Лермонтовтың, олар &nbsp;арқылы &nbsp;Байронның, Гетенің, Шиллердің &nbsp;және &nbsp;Мицкевичтің туындыларынан &nbsp;жасаған &nbsp;аудармалары &nbsp;біздің &nbsp;ұлттық &nbsp;көркемсөзіміздің &nbsp;алтын &nbsp;қорына енді.Танымдық кеште тарих ғылымдарының докторы Тастанбек Яхияұлы Абайдай дара тұлғаның қазақ өміріндегі ерекше орны мен оның шығармаларындағы қоғамдық маңызы бар мәселелердің рөліне тоқталды. Ғалым-ұстаз Абайдың терең ойлы шығармаларын әлі де зерттеп, оқырмандарға кеңінен насихаттау келешек ұрпақтың басты міндеттерінің бірі екенін атап өтті.&nbsp;Рухани шара аясында кеш қонақтары &nbsp;кітапхана төрінде Абайдың мұрасына арналған, еңбетері көрсетілген кітап көрмесімен танысты.&nbsp;Тарихтың &nbsp;талай &nbsp;қиын &nbsp;кезеңдерінде &nbsp;өз &nbsp;халқының &nbsp; адастырмас &nbsp;темірқазығы, &nbsp;бағдаршамы &nbsp;бола &nbsp;білген, қандай қысылтаяң, келеңсіз &nbsp; кезеңдерде &nbsp; &nbsp; халқымыздың &nbsp;қолтығынан &nbsp;сүйеп, иығынан &nbsp;демеген, табанын &nbsp;тайғызбаған, &nbsp;жігерін жасытпаған &nbsp;Абайдың &nbsp;ұлағаты халқымыздың әрқашан есінде болатыны анық.

Ұлы ақынды ұлықтады

<a href="https://kyzylorda-news.kz/">Kyzylorda-news.kz</a> &nbsp;Шетелдік жұлдыздарға қарасақ, байлық оларға өздігінен алғашқы рөлдерден, бірінші сахнадан, бірінші хиттен келетін сияқты көрінуі мүмкін. Бірақ тіпті ең табысты әртістер де қаржылық сын-қатерлерге, қателіктерге және болашағын жоспарлау қажеттілігіне тап болатындығы шындық.Қаржылық тәртіп — бұл азық-түлікті үнемдеу туралы емес, ақшаны құрметтеу, шығындар туралы хабардар болу және ұзақ мерзімді мақсаттар қою мүмкіндігі туралы.&nbsp;Жұлдыздар өз ақшаларын қалай басқарады және біз олардан не үйрене аламыз - Fingramota.kz-пен бірге қарастырайық.Дженнифер Лопес: гламур ғана емес, сонымен қатар есепДженнифер Лопес - шоу-бизнес әлеміндегі ең табысты әйелдердің бірі. Ол әнші, актриса және биші ғана емес, сонымен қатар бизнесвумен. Оның құпиясы – қатаң тәртіп. Ол өзіне инвестиция салады: ең жақсы жаттықтырушыларды, диетологтарды және стилисттерді жалдайды, бірақ бұл ысырап емес, өзінің кәсіби имиджіне инвестиция.Дженнифер сонымен қатар өз кірістерін әртараптандырады, ол тек шоу-бизнес пен кинодан ғана емес, сонымен қатар косметика, парфюмерия, сән және жылжымайтын мүлік саласындағы бизнес-жобалардан да пайда табады. Миллиондарға қарамастан, Д. Лопес әрқашан қанша жұмсайтынын және қанша ақша табатынын білетінін мойындайды.Кеңес: Тіпті үлкен кіріс болған кезде сіз ақшаның қайда кететінін білуіңіз керек. Қаржылық тәуелсіздік есепке алудан басталады.Брэд Питт: ақша шашқыштан инвесторға айналуБрэд Питт өз мансабының басында голливудтың сүйікті бейнесінің көрінісі болды — қымбат машиналар, сәнді кештер, есепшотсыз шығындар. Бірақ жасы ұлғайған сайын, әсіресе 40 жастан кейін ол ақшаға деген көзқарасын толығымен қайта қарады. Ол қазір киноға инвестиция салуда: өзінің жеке продюсерлік компаниясын ашып, актер ретінде ғана емес, продюсер ретінде де ақша таба бастады. АҚШ пен Еуропадағы нысандарға, соның ішінде Château Miraval шарап зауытына иелік етеді. Сондай-ақ Б. Питт табысының бір бөлігін қайырымдылыққа жұмсайды: көмек қорларына-жұмсап қана қоймай, береді де.Кеңес: Өзгеруге ешқашан кеш емес. Ешқашан үйренбегеннен қарағанда, уақыт өте келе ақшаны ақылмен басқаруды үйренген жақсырақ.Димаш Құдайберген: қарапайымдылық және болашақты көре білуДимаш — Қазақстанның мақтанышы және әлемдік деңгейдегі әртіс. Танымал және жанкүйерлер тобына қарамастан, ол күнделікті өмірде өте қарапайым болып қала береді. Ол сән-салтанатқа ұмтылмайды: оның отбасы әрқашан қарапайымдылық пен ақшаны құрметтеудің маңыздылығы туралы айтып отырады. Димаш шығармашылығына ақша салады: оның әр туындысы, туры және клипі — &nbsp;бұл өздігінен жұмсалатын жоба емес, ойластырылған жоба. Ол сондай-ақ отбасын қолдайды: ата-анасына көмектеседі және ысырапшыл емес.Кеңес: Атақ — басты айналдыруға себеп емес. Тіпті үлкен кіріспен де адам болып қалу маңызды.Аян Өтепбергенов: саналы жоспарлау&nbsp;Аян қазақстандық Q-pop қозғалысы ізашарларының бірі ретінде танымал, жас әрі болашағы бар продюсер. Жас екеніне қарамастан, қаржыны уысында ұстаудың озық үлгісін көрсетті. А.Өтепбергенов топтың кірістерін өте сауатты жоспарлайды: табыстың бір бөлігін оқытуға, ілгерілетуге және ұзақ мерзімді жобаларға үлестіреді. Сондай-ақ, ол қарыздар алмайды: даму үшін кредиттерді әдейі алмайды – тек қана тапқан пайдадан инвестициялайды.&nbsp;Шығыстар есебі: оның командасында бюджет анық жүргізіледі және әрбір қойылым пайда тұрғысынан бағаланады. &nbsp;Кеңес: Қаржылық тәртіп — бұл анық жоспарлау және өсу қозғалтқышы. &nbsp;Динара Сәтжан: қаржылық бақылау өмір стилі ретінде &nbsp;Бұрынғы тележүргізуші, ал бүгін – табысты бизнесвумен және қоғамдық қайраткер, Динара Сәтжан қаржылық сауаттылық идеяларын әсіресе әйелдер қауымының арасында белсенді түрде ілгерілетуде. Оның дара жолы – тәртіп, саналылық пен ақшаға деген стратегиялық тәсілдің тек әдет болып қалмай, өмірлік философия бөлігі болып табылатынына айқын мысал.&nbsp;Д. Сәтжан қаржылық тәуелсіздікке бірінші қадам ретінде жеке және отбасылық бюджетті есепке алу маңыздылығын атап өтеді. Оның айтуынша, ақшаның неге кететінін түсіну – бұл шектеу туралы емес, таңдау еркіндігі туралы. &nbsp;Кеңес: Қаражатты бақылау — бұл уақытша шара емес өмірдің мәнері.<img src="https://knadmin.beoblood.kz/uploads/Sauatty_zhosparlau_14fc0874f5.png" alt="Сауатты жоспарлау.png">

Тиынның да сұрауы бар: танымал жұлдыздардан кеңес

<a href="https://kyzylorda-news.kz/">Kyzylorda-news.kz</a> Қызылордада ҚАЖД қызметкерлері ұлы ақын Абай Құнанбаевты ұлықтады, - деп хабарлайды <a href="https://polisia.kz/qyzylordada-qazhd-qyzmetkerleri-uly-aqyn-abaj-qunanbaevty-ulyqtady/">Polisia.kz.&nbsp;</a>Қызылордада А.Пушкин атындағы кітапханада “Ұлттың ұлы жаршысы” тақырыбында әдеби оқу кеші өтті. Шараны Қызылорда облысы бойынша ҚАЖ департаменті мен А.Пушкин атындағы кітапхана бірлесіп ұйымдастырды.Кешті кітапхана қызметкері ашып, қазақтың біртуар ақыны, ойшыл, ғұлама Абай Құнанбаевтың 180 жылдық мерейтойына тоқталып, ақынның өмірі мен шығармашылығы жайлы мазмұнды ақпарат берді. Одан кейін мекеме қызметкерлері Абайдың өлеңдерін жатқа оқып, ақынның сөзіне жазылған әндерін орындады. Шара көрермендерге рухани әсер сыйлап, ұлы ақын мұрасын тереңірек тануға мүмкіндік берді.<blockquote>‎– Абай Құнанбаевтың шығармалары – ұлттың рухани қазынасы. Оның әр өлеңі мен қара сөзі – адамдық жолға, адалдық пен білімге үндейді. Осындай әдеби кештер біздің рухани көкжиегімізді кеңейтіп қана қоймай, Отанға қызмет ететін азаматтар ретінде бойымызға ізгі қасиеттерді дарытады, – деді ҚАЖД қызметкері Ақниет Нұрылдаев.</blockquote><img src="https://knadmin.beoblood.kz/uploads/A_Zh_D_is_shara_2_be0247479f.jpg" alt="ҚАЖД іс-шара 2.jpg">

Ұлттың ұлы жаршысы

<a href="https://kyzylorda-news.kz/">Kyzylorda-news.kz</a> Бүгін ҚР Президенті Әкімшілігінің басшысы Айбек Дәдебайдың төрағалығымен мәжіліс өтті. Күн тәртібінде спорт саласын дамыту мәселелері қаралды. Оған облыс әкімі Нұрлыбек Нәлібаев селекторлық режим арқылы қатысып, баяндама жасады.Аймақта дене шынықтыру және спортты дамыту бағытында жүйелі жұмыстар жүргізіліп, ауқымды жобалар қолға алынған. Биыл бұл салаға жергілікті бюджеттен 38 млрд 213 млн теңге қаржы бөлінді.Өңірде 340 мыңнан астам тұрғын спортпен жүйелі түрде айналысады. Бұл - облыс халқының 40,4 пайызы. Спорт резервін және спортшыларды даярлайтын 33 спорт мекемесі жұмыс істейді.Соңғы үш жылда 20 спорт кешені пайдалануға берілді. Алдағы уақытта «Ауыл – ел бесігі» бағдарламасы аясында ауылдарда тағы 6 спорт нысаны ел игілігіне табысталмақ.Жуырда Қызылорда қаласында балалар мен жасөспірімдерге арналған «Сыр жұлдыздары» шығармашылық-инновациялық академиясы ашылды. Сонымен қатар, ерлер мен әйелдерге арналған тұңғыш «Қызылорда бокс клубы» өз жұмысын бастады.<img src="https://knadmin.beoblood.kz/uploads/Sport_salasyn_damytu_2_7f4116b121.jpg" alt="Спорт саласын дамыту 2.jpg">Мемлекет басшысының қолдауымен салынып жатқан Қызылорда қаласында 26 млрд 500 млн теңгеге 11 мың орындық жаңа стадион қыркүйек айында ашылады.Оған қоса, 20 млрд 500 млн теңгеге көпбейінді «Qyzylorda Arena» спорт кешенінің құрылысы қарқынды жүргізілуде. Бұл кешенде олимпиадалық спорт түрлеріне арналған заманауи жаттығу залдары, жүзу бассейні, сондай-ақ халықаралық жарыстарды өткізуге арналған 2500 орындық зал қарастырылған.Өткен жылдың қазан айында «Самұрық-Қазына Траст» қорымен бірлесіп 3 млрд 400 млн теңгеге заманауи Теннис орталығы ашылды. Қазақстан футбол федерациясының қолдауымен Ғани Мұратбаев атындағы стадионның қосалқы алаңы күрделі жөндеуден өтіп, қайта пайдалануға берілді. Жуық арада федерацияның көмегімен Жалағаш аудандық орталық стадионы күрделі жөндеуден өтеді. Жергілікті кәсіпкерлердің демеушілігімен 1 млрд 600 млн теңгеге 80 спорт-ойын алаңы салынып, халық игілігіне берілді.Сондай-ақ, «Қазақстан халқына» қорының қолдауымен Шиелі ауданында жаңа спорт нысаны бой көтеріп, іске қосылды. Қазіргі таңда Қызылорда қаласында аталған қордың көмегімен 2 млрд 900 млн теңгеге мүмкіндігі шектеулі жандарға арналған дене шынықтыру-сауықтыру кешенінің құрылысы жүруде.Жиында Айбек Дәдебай Қызылорда облысындағы спорт саласының оң өзгерістеріне тоқталды. Президент Әкімшілігінің басшысы өңірде жаңа спорт нысандары бой көтергенін және “Қайсар” клубы легионерлерден толық бас тартқан алғашқы команда екенін атап өтті. Аймақтың оң тәжірибесін басқа өңірлерге үлгі етті.<img src="https://knadmin.beoblood.kz/uploads/Sport_salasyn_damytu_3_6aa8a91572.jpg" alt="Спорт саласын дамыту 3.jpg">Фото: Қызылорда облысы әкімінің баспасөз қызметі

Спорт саласын дамыту мәселелері қаралды

<a href="https://kyzylorda-news.kz/">Kyzylorda-news.kz</a> Құрылысшы күні қарсаңында Премьер-министр Олжас Бектенов Мемлекет басшысы Қасым-Жомарт Тоқаевтың атынан сала мамандары мен ардагерлерін кәсіби мерекелерімен құттықтап, мемлекеттік наградалар табыс етті.2025 жылы Жұмысшы мамандықтары жылы аясында Президент тапсырмасына сәйкес, мемлекеттік наградалар жүйесіне алғаш рет «Қазақстанның еңбек сіңірген құрылысшысы» құрметті атағы енгізілді.<blockquote>«Мемлекет басшысы адами капиталды дамытуға ерекше көңіл бөліп отыр. Президент жариялаған Жұмысшы мамандықтары жылы еңбек адамының беделін арттыруды көздейді. Мемлекет басшысы адал әрі табанды еңбегімен табысқа жеткен адамдар қашанда құрметті, сыйлы болуы керек екенін атап көрсетті. Бұл – сіздердің еңбектеріңізді мемлекеттік деңгейде бағалау мен нақты қолдаудың шынайы көрінісі. Үкімет тарапынан алдағы уақытта да отандық құрылыс саласының инвестициялық тартымдылығын арттыруға, қажетті инфрақұрылымды дамытуға және бизнес үшін қолайлы жағдайлар жасауға басымдық беріледі. Біз жаңа технологияларды енгізу және кәсіби стандарттарды жетілдіруге жағдай жасауды жалғастырамыз», — деп атап өтті Олжас Бектенов.</blockquote>Сөз барысында Премьер-министр елдің экономикалық өсуін қамтамасыз етудегі құрылыс секторының маңыздылығын атап өтті. Бүгінгі таңда Қазақстанның ЖІӨ-дегі саланың үлесі 6%-ға жетеді. Өткен жылдың қорытындысы бойынша 19 млн м2 астам, оның ішінде 170 мыңнан астам тұрғын үй нысандары пайдалануға берілді. Осы жылдың бірінші жартыжылдығында – 120-дан астам мектеп пен балабақша, 30 денсаулық сақтау нысаны салынды. Жалпы құрылыс жұмыстарының көлемі 2025 жылдың басынан бері 18%-ға өсті.Президент қойған құрылыс үдерістерін жаңғырту жөніндегі міндеттерді орындау шеңберінде цифрлық шешімдерді енгізу, бюрократиялық кедергілерді жою және саланың кадрлық әлеуетін нығайту жөніндегі өзекті тәсілдерді көрсететін жаңа құрылыс кодексі әзірленді.Жиында марапатталғандардың атынан құрылыс саласының ардагер Қайсар Омаров пен «СAPITAL GROUP ST» ЖШС инженері Бауыржан Махан сөз сөйледі. Құрылыс секторының қызметкерлері Мемлекет басшысына олардың еңбегін жоғары бағалап, жұмысшы мамандықтарын дамытуға көңіл бөлгені үшін алғыс білдірді.<blockquote>«Келе жатқан мереке қарсаңында Мемлекет басшысына «Қазақстанның еңбек сіңірген құрылысшысы» атағы қайтадан мемлекеттік наградаға айналғаны үшін зор алғысымды білдіргім келеді. Бұл бізге, құрылысшыларға деген ерекше құрмет», — деп атап өтті құрылыс саласының ардагері Қайсар Омаров.</blockquote>&nbsp;<blockquote>«Бүгінде құрылыс саласын дамыту — Мемлекет басшысы белгілеген басымдықтардың бірі. Президенттің қолдауының арқасында соңғы жылдары тұрғын үй құрылысы, сондай-ақ өндірістік және әлеуметтік нысандардың құрылысы қарқынды дамып келеді. Көрсеткіштердің артында тек статистика ғана емес, әрбір кірпішке салынған орасан зор еңбек тұр», — деп толықтырды «СAPITAL GROUP ST» ЖШС инженері Бауыржан Махан.</blockquote>Құрылыс саласын дамытуға қосқан үлесі үшін Олжас Бектенов үздік қызметкерлерге Президент атынан марапаттар табыс етті.

Құрылыс саласының қызметкерлеріне Мемлекет басшысының марапатын табыс етті

<a href="https://kyzylorda-news.kz/">Kyzylorda-news.kz</a> Қармақшы ауданындағы «Руханият» орталығында қазақтың ұлы ойшылы, ақын, ағартушы Абай Құнанбайұлының 180 жылдығына арналған «Адамзаттың Абайы: руханият, парасат, таным» атты аудандық танымдық конференция өтті.Тағылымды кездесуді Қармақшы ауданы әкімінің орынбасары Самат Қыдырбекұлы жүргізіп, Абай мұрасының ел руханиятындағы орны мен бүгінгі ұрпақ үшін маңызын атап өтті. Сондай-ақ, мұндай шаралар ұлттық құндылықтарды сақтауға зор үлес қосатынын жеткізді.Сонымен қатар шара барысында ҚР Журналистер Одағының мүшесі, ардагер ұстаз, білім беру ісінің үздігі Дастан Нәзікбаев «Абай – тұлға» тақырыбындағы баяндамасында білім мен парасат ұғымдарының сабақтастығын ашып көрсетсе, Қуаңдария ауылындағы №186 орта мектеп директоры Ғалымжан Кәрібаев «Абай – қазақ тарихындағы ұлы тұлға» тақырыбында ақын мұрасының қазіргі заманмен байланысын жан-жақты саралады.Әрі қарай Қармақшы аудандық қоғамдық кеңесінің төрағасы Әбдірахман Құлдүйсенов пен аудандық ардагерлер кеңесінің төрағасы Асқар Мереков сөз сөйлеп, Абай шығармаларындағы еңбек пен білім тақырыптары аясында жас ұрпақ тәрбиесіне енгізудің маңызын атап өтті.Конференция соңында Абайдың қара сөздерінен үзінділер оқылып, ақынның әндері шырқалды. Жас өнерпаздар мен мектеп оқушылары Абайға арналған арнау-жырлар мен әдеби шығармаларын ұсынып, тағылымды кездесуде жағымды әсер қалдырды.&nbsp;Шара қорытындысында Самат Қыдырбекұлы Абай Құнанбайұлының мұрасын білім, тәрбие салаларында кеңінен насихаттаудың маңыздылығын атап өтіп, осындай тағылымды кездесулердің жалғасуын қолдады.Айта кетейік, Абай Құнанбайұлының 180 жылдығына арналған осы атаулы күн аясында Қармақшы аудандық мәдениет үйінде «Абай әлемі» атты облыстық өнер байқауы ұйымдастырылды. Ұлы ақынның әдеби, рухани мұрасын кеңінен насихаттай отырып, жас ұрпаққа дәріптеу мақсатында ұйымдастырылған мәдени шара мерекелік күннің мазмұнын тереңдете түсті.

Абай Құнанбайұлының 180 жылдығына орай конференция өтті

<a href="https://kyzylorda-news.kz/">Kyzylorda-news.kz</a> &nbsp;Абай облысы Қабанбай ауылы маңындағы Алакөл көлінде 17 жастағы бозбала суға батып кетті. Ол жағалаудан 500 метр қашықтықта, суға шомылуға арналмаған жерде болған, – деп хабарлайды&nbsp;<a href="https://aikyn.kz/">Аikyn.kz</a>&nbsp;Todayinfo.kz-ке сілтеме жасап.&nbsp;Облыстық Төтенше жағдайлар департаментінің мәліметінше, жасөспірім қайықты жалға алған. Сол жерде ол құтқару жилетін киместен суға секірген. Салдарынан суға батып кеткен. Іздестіру-құтқару жұмысына 12 адам – құтқарушылар, полиция қызметкерлері мен сүңгуірлер жұмылдырылды. Сонымен қатар эхолот, дрондар және төрт жүзу құралы пайдаланылды.&nbsp;Жасөспірімнің денесі 6 метр тереңдіктен табылды.Оқиғаға байланысты Абай облыстық Полиция департаменті 32 жастағы қайық иесіне қатысты қылмыстық іс қозғады. Ол қауіпсіздік талаптарына сай келмейтін қызмет көрсетіп, адамның өліміне себепкер болды деген күдікке ілінді. Қылмыстық іс Қылмыстық кодекстің «Қауіпсіздік талаптарына сай келмейтін қызмет көрсету» бабы бойынша тергеліп жатыр. Қазір тергеу амалы жүргізіліп, қажетті сараптамалар тағайындалды.Фото: freepik.com

Алакөлде суға кеткен жігітке қатысты тың дерек шықты

<a href="https://kyzylorda-news.kz/">Kyzylorda-news.kz</a> Қала әкімдігі жанындағы жұмыс тобы шаһардағы кейбір сауда орындарындағы ретсіз сауданы жою мақсатында рейдке шықты.Тексеруде «Қорқыт ата» сауда базарының аумағында заңсыз сауда қатарының артқанына байланысты кәсіпкерлермен кездесіп, түсіндірме жұмыстары жүргізілді. Айта кету керек, жол бойында көше саудасына жол берілмейді. Мұндай орындар тауар сатуға арналмаған. Санитарлық тазалық сақталмайды, жаяу жүргіншілер мен көлікке кедергі жасайды.Осыған байланысты жұмысшы топ жол бойында сауда жасайтын кәсіпкерлерге сауда-саттықты арнайы белгіленген жерлерде жүргізуі керек екендігін түсіндірді. Оларға қауіпсіз, заңды ортада жұмыс істеу қажеттігі ескертілді.Фото: Қала кімідігі

Қазақстан және Қызылорда облысының жаңалықтары

Заңсыз саудаға жол жоқ

Еңбек заңнамасының орындалуы тұрақты бақылауда

Тұрғындарды жеке мәселелері бойынша қабылдады

Ақжарма ауылдық округінде жүйелі жұмыс жүргізілуде

Ұлы ақынды ұлықтады

Тиынның да сұрауы бар: танымал жұлдыздардан кеңес

Ұлттың ұлы жаршысы

Спорт саласын дамыту мәселелері қаралды

Құрылыс саласының қызметкерлеріне Мемлекет басшысының марапатын табыс етті

Абай Құнанбайұлының 180 жылдығына орай конференция өтті

Алакөлде суға кеткен жігітке қатысты тың дерек шықты

Заңсыз саудаға жол жоқ