<a href="https://kyzylorda-news.kz/">Kyzylorda-news.kz</a> Астана қаласында Қазақстанның «Байтақ» жасылдар партиясының Саяси кеңесінің отырысы өтті. Бұл – жаңа Конституция бойынша өткен референдумнан кейін ұйымдастырылған алғашқы маңызды жиын.Отырысқа Саяси кеңестің 19 мүшесі, партияның өңірлік филиалдарының 20 жетекшісі және 26 мәслихат &nbsp;депутаттары қатысты. Сонымен қатар еліміздің барлық өңірлерінен аудандық филиалдардың басшылары бақылаушы ретінде онлайн форматта қосылды.Жиынды партия төрағасы Азаматхан Әміртаев ашып, референдумның басты нәтижесіне тоқталды. Оның айтуынша, «Байтақ» партиясы Астанадан бастап ең шалғай өңірлік бөлімшелерге дейін жаңа Конституцияны бірауыздан қолдап дауыс берген. Бұл – партия мүшелерінің ортақ ұстанымы мен ел болашағына деген жауапкершілігінің айқын көрінісі.«Байтақ» – экологияны жай ұран емес, нақты саяси бағдарлама ретінде ұстанған партия. Сондықтан қоршаған ортаны қорғауды алғаш рет конституциялық қағидат әрі әр азаматтың міндеті ретінде бекіткен жаңа Конституцияның қабылдануы партия үшін саналы әрі біртұтас шешім болды.Жиын барысында референдум алдындағы кезеңде атқарылған жұмыстардың қорытындысы шығарылды. Дауыс беруге дайындық кезінде партия еліміздің барлық өңірінде 500-ден астам кездесу, пікірталас және ақпараттық-түсіндіру іс-шараларын ұйымдастырды. Онлайн байланысқа шыққан өңірлік филиал басшылары жергілікті жерлерде партия мүшелерінің дауыс беру процесіне белсенді қатысқаны жөнінде баяндады. Сонымен қатар жиынға қатысушылар партия мүшелерін және барша қазақстандықтарды жаңа Конституция күнімен құттықтады.Талқылау қорытындысы бойынша партия алдағы кезеңдегі жұмыс басымдықтарын айқындады. Атап айтқанда, жаңа Конституцияда бекітілген экологиялық нормаларды нақтылайтын заң жобаларын әзірлеу және қоғамдық бақылауды күшейту негізгі бағыттардың бірі ретінде белгіленді.Партия төрағасы Азаматхан Әміртаев өз сөзінде жаңа мемлекеттік мерекенің маңыздылығына да тоқталды. Енді 15 наурыз — референдум өткен күн — Қазақстан Республикасының Конституция күні болып жарияланды. Бұған дейін 30 тамызда аталып келген Конституция күні тарих бетінде қалды.<blockquote>«Бұл – терең символдық мәні бар шешім. Жаңа Конституция мұрағаттың тыныш бөлмелерінде емес, бүкіл халық келіп өз таңдауын жасаған күні дүниеге келді. Бұл – ел болып бірге қалыптастырған мереке», – деді ол.</blockquote>Сөз соңында партия төрағасы жаңа кезеңнің жауапкершілігін атап өтті.<blockquote>«Конституция еліміздің дамуына берік құқықтық іргетас қалады. Ендігі міндет – сол негізді нақты заңнамамен толықтырып, оны өмірде жүзеге асыратын пәрменді тетіктер қалыптастыру», – деді Азаматхан Әміртаев Саяси кеңес отырысының қорытындысында.</blockquote>

«Байтақ» партиясы референдумнан кейінгі алғашқы саяси кеңес отырысын өткізді

<a href="https://kyzylorda-news.kz/">Kyzylorda-news.kz</a> «Республикалық референдум туралы» Қазақстан Республикасы Конституциялық Заңының 31, 33-баптарына сәйкес және облыстардың, республикалық маңызы бар қалалардың және астананың аумақтық референдум комиссияларының ұсынған хаттамалары негізінде Қазақстан Республикасының Орталық референдум комиссиясы дауыс беру нәтижелері туралы хабарлайды.<ul><li style="text-align:justify;">референдумға қатысу құқығы бар Қазақстан Республикасы азаматтарының жалпы саны – 12 482 613;</li><li style="text-align:justify;">дауыс беруге қатысқан азаматтардың саны – 9 127 192 немесе 73,12 процент;</li><li style="text-align:justify;">референдумға шығарылған мәселенің оң шешімін жақтап дауыс берген азаматтардың саны – 7 954 667 немесе дауыс беруге қатысқандардың 87,15 проценті;</li><li style="text-align:justify;">референдумға шығарылған мәселенің теріс шешімін жақтап дауыс берген азаматтардың саны – 898 099; жарамсыз деп танылған бюллетеньдердің саны – 146 558.</li></ul>Дауыс беруге референдумға қатысуға құқығы бар азаматтардың жартысынан көбі немесе 73,12 пайызы қатысқандықтан,«Сіз жобасы 2026 жылғы 12 ақпанда бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?» деген сұрақ бойынша референдум өтті деп есептелсін.Республикалық референдумға дауыс беру үшiн шығарылған жаңа Конституция қабылданды деп есептелсiн, өйткенi облыстардың, республикалық маңызы бар қалалардың және астананың кемінде үштен екiсiнде &nbsp;дауыс беруге қатысқан азаматтардың жартысынан астамы немесе 87,15 пайызы оң шешiм қабылдады.&nbsp;<img src="https://knadmin.beoblood.kz/uploads/Whats_App_Image_2026_03_17_at_09_51_01_d2b1316cba.jpeg" alt="WhatsApp Image 2026-03-17 at 09.51.01.jpeg">Фото: ҚР Орталық сайлау комиссиясы

Республикалық референдумда дауыс беру қорытындысы жарияланды

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданының әкімі Ардақ Ибраимовтың төрағалығымен мәжіліс өтті. Жиында кент және ауылдық округтерде жүргізіліп жатқан көктемгі санитарлық-тазалық, көркейту-көгалдандыру жұмыстарының барысы қаралды.Мәжілісте аудан әкімі жауапты сала басшылары мен кент және ауылдық округ әкімдеріне тазалық шараларын тұрақты түрде ұйымдастырып, көшелер мен қоғамдық орындардың тазалығын қамтамасыз ету, аяқсу арналарының аршу жұмыстарын сапалы жүргізу қажеттігін айтты. Сонымен қатар, мекеме ғимараттарының сыртқы келбетін ретке келтіру, ағаш отырғызу және көгалдандыру жұмыстарын күшейту жөнінде нақты тапсырмалар берді.Жиын қорытындысымен күн тәртібінде қаралған мәселелер бойынша &nbsp;жауапты сала басшыларына нақты міндеттер жүктелді.<img src="https://knadmin.beoblood.kz/uploads/K_rkejtu_k_galdandyru_zh_mystary_2_b6d1e243fa.jpg" alt="Көркейту-көгалдандыру жұмыстары 2.jpg">

Көктемгі көркейту-көгалдандыру жұмыстары талқыланды

<a href="https://kyzylorda-news.kz/">Kyzylorda-news.kz</a> Наурызнама онкүндігі аясындағы «Шаңырақ» күні бүгін ерекше мазмұнды әрі тағылымды шаралармен жалғасын тапты.Орталық алаңда қаз-қатар тігілген ақшаңқан киіз үйлер ұлттық рухты асқақтатып, мерекенің көркін қыздырды. Әр шаңырақтан қонақжайлықтың лебі есіп, көпшілікке дәстүр мен бірліктің айқын көрінісі ұсынылды.Мерекелік шараларға аудан әкімі Аманжол Оңғарбаев арнайы қатысып, көпшіліктің қатысуымен өтіп жатқан салт-дәстүр, ұлттық құндылықтарға куә болды. Ұлттық ойындарды да тамашалап, қазақтың ертеден келе жатқан Асық ату ойынына қатысты.<img src="https://knadmin.beoblood.kz/uploads/Sha_yra_k_ni_Aral_is_shara_f42d256085.jpg" alt="Шаңырақ күні Арал іс-шара.jpg">«Берекелі шаңырақ» атты іс-шара аясында жас отбасыларға неке қию рәсімі өтіп, олардың жаңа өміріне ақ жол тілеп, ізгі ниеттер білдірілді. Сонымен қатар, отбасы құндылықтарын дәріптеу мақсатында ұзақ жылдар бойы бірліктің үлгісін көрсетіп келе жатқан Алтын той иелері мен өнегелі отбасылар құрметке бөленді. Бұл ұрпақ сабақтастығы мен отбасы институтының маңызын айшықтай түскен тағылымды сәттердің бірі болды.«Отбасы – ең басты құндылық» атты қойылым-концерт көрермен көңілінен шығып, ұлттық тәрбиенің терең мәнін жеткізе білді. Ән мен күй, сахналық көріністер арқылы отбасының қоғамдағы орны кеңінен насихатталды.Береке мен бірліктің бастауы болған «Шаңырақ» күні барша жұртқа шаттық пен жылылық сыйлап, Наурыз мейрамының мән-маңызын тереңдете түсті. Бұл шаралардың барлығы Аманөткел, Қосжар, Бөген, Қаратерең, Жаңақұрылыс ауылдарының және Арал аудандық мәдениет үйі қызметкерлерінің ұйымдастыруымен өтіп жатыр.Айта кетейік, түс ауа «Бақытты отбасы – берекелі шаңырақ» атты жас отбасылардың неке қию рәсімімен қатар түрлі ойындар, басқа да салт дәстүрге негізделген тағылымды шаралар өтеді. Кешкілік шараны ұйымдастыруға атсалысып жатқан ауыл өнерпаздарының мерекелік концерті болады.<img src="https://knadmin.beoblood.kz/uploads/Sha_yra_k_ni_Aral_is_shara_3_36cceffba7.jpg" alt="Шаңырақ күні Арал іс-шара 3.jpg">

Шаңырақ күні тағылымды шараламен бастау алды

<a href="https://kyzylorda-news.kz/">Kyzylorda-news.kz</a> Н.Бекежанов атындағы қазақ академиялық музыкалық драма театрында «Nartai Theatre Fest – 2026» театрішілік фестивалі басталды. Мәдени шараға театр репертуарынан 9 спектакль таңдалып алынды. Фестиваль қорытындысымен қойылым әртістері 9 номинация бойынша марапатталмақ. Бұл туралы Өңірлік коммуникациялар қызметінің театрда өткен кезекті көшпелі баспасөз конференциясында белгілі болды. &nbsp;Оған Қазақстанның еңбек сіңірген қайраткері, режиссер Әмір-Темір Хұсейін Жүсіпұлы, Т.Жүргенов атындағы қазақ ұлттық өнер академиясының профессоры, өнертану докторы &nbsp;Нұрпейіс Бақыт Кәкиқызы, Т.Жүргенов атындағы қазақ ұлттық өнер академиясының профессоры өнертану кандидаты Исламбаева Зухра Усманбекқызы, Жастар театрының көркемдік жетекшісі, режиссер Нұрмаханов Оңталап &nbsp;Дүйсенәліұлы қатысты.<blockquote>– Бүгіннен бастап театр ұжымы алғаш рет театрішілік фестиваль өткізуді қолға алып отыр. Репертуардағы қойылымдардың ішінен арнайы 9 спектакль таңдалып алынды. Фестивальдің басты мақсаты – актерлердің шығармашылық мүмкіндігін жан-жақты ашып, олардың сахнадағы шеберлігі мен талантын кеңінен көрсету. Осыған орай фестивальге арнайы қонақ ретінде Т.Жүргенов атындағы Қазақ ұлттық өнер академиясының профессорлары мен өнертанушы ғалымдар шақырылған. Мамандар қойылымдарды саралап, актерлік шеберлік пен режиссерлік ізденістерге кәсіби тұрғыда баға береді.Бұл фестиваль алдағы уақытта қандай спектакльдер қою керектігін, қай бағытта дамитынымызды анықтауға да ықпал етеді. Біз фестивальді жай ғана өткізіп қоймай, әр қойылымды кәсіби тұрғыда бағалап, 9 спектакльге 9 номинация бойынша марапат табыстауды жоспарлап отырмыз. Атап айтқанда, «Үздік спектакль», «Үздік ансамбль», «Үздік ер бейнесі», «Үздік әйел бейнесі», «Үздік режиссер» секілді номинациялар арқылы үздіктер анықталады», - деді театрдың көркемдік жетекшісі Хұсейін Жүсіпұлы.</blockquote>Сарапшылар да фестивальдің маңызына тоқталып, театр ұжымының еңбегіне жоғары баға беретіндерін жеткізді. Олардың айтуынша, Н.Бекежанов атындағы театрдың қойылымдары мен шығармашылық ізденістері бұған дейін де кәсіби ортада оң пікірге ие болып келеді.<blockquote>– Біз бұл театрдың жұмысы туралы бұған дейін де жақсы пікірлер естіп жүрміз. Ұжымның шығармашылық ізденісі мен актерлік шеберлігі жоғары деңгейде екенін білеміз. Алдағы фестиваль барысында ұсынылатын қойылымдардан да үздік нәтижелер күтеміз. Бұл шара театр ұжымының кәсіби деңгейін тағы бір мәрте көрсетіп, жаңа шығармашылық белестерге жол ашады деп сенеміз. Театр ұжымына алдағы уақытта да толайым табыс пен жаңа шығармашылық жетістіктер тілейміз ,- &nbsp;деді &nbsp;өнертану докторы, профессор Бақыт Кәкиқызы.</blockquote>Одан бөлек, Жастар театрының көркемдік жетекшісі, режиссер Оңталап &nbsp;Дүйсенәліұлы фестивальдің маңызына қысқаша тоқталып, мұндай шығармашылық бастамалар театр ұжымының кәсіби деңгейін арттыруға ықпал ететінін атап өтті. Оның айтуынша, театрішілік фестиваль актерлер мен режиссерлерге өз мүмкіндіктерін жаңа қырынан көрсетуге мүмкіндік береді.&nbsp;<blockquote>– Мұндай фестивальдер театр ұжымы үшін өте маңызды. Себебі бұл - актерлердің шеберлігін шыңдап, өз мүмкіндігін жаңа қырынан көрсетуге берілетін жақсы мүмкіндік. Сонымен қатар, әр қойылымға кәсіби мамандар тарапынан сараптама жасалып, шығармашылық тұрғыда нақты бағасы беріледі. Біз ұсынылатын спектакльдерден жоғары деңгейдегі актерлік ойын мен режиссерлік ізденістер көреміз деп сенеміз ,- деді өнертану кандидаты, профессор Зухра Усманбекқызы.</blockquote>Сонымен қатар, бұл алаң шығармашылық ізденістерді шыңдап, театр өнерінің дамуына серпін береді. Режиссер фестиваль жоғары деңгейде өтіп, ұжым үшін жаңа табыстарға бастайтын маңызды қадам болады деген сенім білдірді.

Қызылордада «NARTAI THEATRE FEST – 2026» фестивалі басталды

<a href="https://kyzylorda-news.kz/">Kyzylorda-news.kz</a> Қазалы ауданында Наурызнаманың онкүндігі аясында Мәдениет және ұлттық салт-дәстүр күніне орай «Әуезовтер» халықтық отбасылық ансамблінің «Өнерімен өркендеген әулет» атты шығармашылық кеші өтті.&nbsp;Роза Бағланова атындағы аудандық мәдениет орталығында өткен кешке аудан әкімі Алмасбек Есмаханов қатысып, құттықтау сөз сөйледі.&nbsp;<blockquote>– Өнер – ұлттың рухани байлығы. Ал сол өнерді бір отбасының бірнеше буыны жалғастырып, халыққа қызмет етсе – бұл үлкен мақтаныш. Әуезовтер отбасылық ансамблі – дәл осындай өнегелі әулеттердің бірі. Ансамбльдің негізі 1977 жылы қаланып, содан бері ұлттық өнерімізді дәріптеп келе жатқан бірегей шығармашылық ұжымға айналды. Ансамбльдің қалыптасуы мен дамуына үлкен еңбек сіңірген өнер иелері – Махамбет Әуезов пен Раманқұл Әуезов. Олар тек орындаушы ғана емес, қазақтың күйі мен әнін, қобыз бен домбыра өнерін насихаттап, шәкірт тәрбиелеген ұстаздар. Осы бір айтулы күні өңіріміздің мәдениеті мен өнерін өркендетудегі қызметтеріңіз үшін шығармашылық ұжымға шынайы алғысымды білдіремін. Ел мәдениетінің одан әрі гүлденуіне, өнеріміздің асқақтауына қызмет етіп, халқымызды шығармашылық табыстарыңызбен қуанта берулеріңізге тілектеспін, - деді аудан әкімі Алмасбек Әбілқасымұлы.</blockquote><img src="https://knadmin.beoblood.kz/uploads/uezovter_ansambli_e1dab7993c.jpg" alt="Әуезовтер ансамблі.jpg">Мұнан соң аудан басшысы «Әуезовтер» халықтық отбасылық ансамблінің жетекшісі Арман Әуезге құттықтауын табыстады.&nbsp; Кеш барысында ансамбльдің жетекшісі ҚР мәдениет саласының үздігі төс белгісінің иегері, Бүкілодақтық, халықаралық, республикалық конкурстарының Лауреаты, музыкант, қобызшы Арман Әуезге сөз берілді. Ансамбль жетекшісі бүгінгі күні «Әуезовтер» ансамблінің қалыптасу жолы мен даму тарихына тоқталып, ұлттық өнердің ұлы мұрагері болу үлкен жауапкершілік екенін жеткізді.Шығармашалық кеш концерттік бағдарлама ұласып «Әуезовтер» халықтық отбасылық ансамблі М.Әубәкіровтің «Наркескен», Құрманғазының «Қызыл қайың», Әлшекейдің «Терісқақпай», С.Әліштің «Батыс әуендері», Е.Кішкенеевтің вальсі «Нұргүл» және Моцарттың «Рондо» және басқада шығармалар орындап көрермен қауымға көтеріңкі көңіл-күй мен рухани демалыс сыйлады.Айта кетейік, шығармашылық кеш басталмас бұрын, кешке жиылғандар Әуезовтер әулетінің жетістіктері, көне аспаптары мен ұлттық құндылықтар көрсетілген «Наурыз - береке бастауы» атты көрмені тамашалады.

«Әуезовтер» ансамблінің шығармашылық кеші өтті

<a href="https://kyzylorda-news.kz/">Kyzylorda-news.kz</a> 17 наурыз – Шаңырақ күні қазақстандықтардың жас ұрпақты тәрбиелеу мәдениетін көрсете отырып, олардың бойында патриотизм, адамгершілік пен еңбекқорлыққа деген құштарлықты қалыптастыруға үндейді.«Наурызнама онкүндігі» аясында Қызылорда қаласы Полиция басқарма басшылығы еліміздің тыныштығы мен қауіпсіздігін қамтамасыз ету жолында аянбай тер төккен ардақты ардагеріміз Әлиев Төлеш ақсақалдың шаңырағына барып құрмет көрсетті.Шаңырақ күні қарсаңында отау құрғандарына 68 жыл тол¬ған «Гаухар той» иелері Әлиев Төлешпен жары Нұрғалиева Алтынкүл туралы айтпақшымыз.Әлиев Төлеш 1935 жылы Қызылорда облысы Сырдария ауданында дүниеге келген. Педагогикалық училищесінде білім алып, алғаш қызметтік жолын ұстаздықтан бастаған. 1962 жылы Ішкі істер органдарына қызметіне орналасқан. 1988 жылы Қызылорда қаласы Полиция басқармасының Тасбөгет полиция бөлімінің бастығы қызметінен құрметті зейнеткерлікке шыққан.Жарты ғасырдан аса уақыт қол ұстасқан Төлеш ақсақал мен Алтынкүл анамыз 1958 жылы отау көтеріп, бүгінде 4 ұл, 2 қызды тәрбиелеп, одан 18 немере, 14 шөберенің қолынан су ішіп отырған бақытты жандар.Бүгінде осы бір берекесі де, мерекесі де мол, өскен-өнген үлкен әулеттен шыққан әрбір перзент бір-бір үлгілі отбасы атанып отыр. “Адам ұрпағымен мың жасайды” дегеніміз осы шығар. Ұрпақтан-ұрпаққа жалғасқан еңбек жолымен танылған әулетте әкесі және ұлы, немерелеріннің құқық қорғау саласындағы жалпы еңбек өтілі 100 жылды құрайды.

Қызылордалық полицейлер "Шаңырақ" күніне орай «Гаухар той» иелеріне  құрмет көрсетті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Болат Өтемұратов Қорының өкілдері – Қамқоршылық кеңесінің төрағасы Алмаз Шарман, бас директоры Айнұр Кәрібозова, сондай-ақ «Верный Капитал» компаниялар тобының бас директоры Айдан Ақанов, Калифорния университетінің Беркли кампусының ғалымдары, E-seed технологиясының авторлары Семина Юи және Марко Фрескимен кездесті. Кездесу барысында Болат Өтемұратов Қорының қолдауымен іске асырылуы жоспарланған «Арал теңізі түбінің экожүйесін жақсарту» халықаралық жобасының бастамасы мен алдын ала жоспарлары талқыланды.Бұл – облыс үшін ғана емес, халықаралық деңгейдегі өте маңызды жоба. &nbsp;Басты ерекшелігі – Берклидегі (АҚШ) Калифорния университеті әзірлеген E-seed инновациялық технологиясын қолдану. Жоба аясында технологияны жергілікті жағдайға бейімдеу жұмыстары Қорқыт ата атындағы Қызылорда университеті және Халықаралық Аралды құтқару қорының қатысуымен жүзеге асырылуда.Бұл технология дрондар арқылы жүзеге асырылатын аэросебу әдісіне негізделген: биологиялық ыдырайтын арнайы материалға орналастырылған галофит өсімдіктерінің тұқымдары топыраққа өздігінен терең еніп, жерге себіледі. Мұндай тәсіл тұқымдардың топыраққа тереңірек енуі арқылы өсімдіктердің жерсіну деңгейін арттыруға мүмкіндік береді.&nbsp;Технология еңбек шығындарын азайта отырып, кең аумақтарды қысқа мерзімде қамтуға жағдай жасайды. Болат Өтемұратов Қорының пилоттық жобасы құрғаған теңіз табанынан таралатын тұзды-шаңды дауылдардың әсерін азайтуға және өңірдің экологиялық жағдайын жақсартуға бағытталған.Қордың Қызылорда облысының дамуына қосқан үлесі өңірде бірқатар маңызды жобалардың жүзеге асырылуын қамтиды.Атап айтқанда, «Асыл Мирас» аутизм орталығы ашылып, «Қорқыт ата халықаралық әуежайының» жаңа терминалы салынды.&nbsp;Сонымен қатар облыстық жұқпалы &nbsp;аурулар ауруханасына, перинаталдық орталыққа және мүгедектігі бар балаларға арналған №2 облыстық оңалту орталығына заманауи медициналық жабдықтар берілді. Бұдан бөлек, Қызылорда қаласы мен Арал ауданында әлеуметтік осал санаттағы отбасыларға тұрғын үйлер табысталып, 2021 жылғы қуаңшылық кезінде өңір тұрғындарына гуманитарлық көмек көрсетілді.&nbsp;<blockquote>«Арал теңізінің экожүйесін қалпына келтіру өңіріміз үшін стратегиялық маңызға ие. Біз экологиялық жағдайды жақсартуға, халықтың өмір сапасын арттыруға бағытталған жобаларды бірлесіп жүзеге асыруға дайынбыз», – деді Қор өкілдерімен өткен кездесуде облыс әкімі Нұрлыбек Нәлібаев.</blockquote>Талқыланған жоба 2024-2026 жылдары Қазақстан Республикасының Президенті Қасым-Жомарт Тоқаев төрағалық ететін Халықаралық Аралды құтқару қоры (ХАҚҚ) аясында іске асырылып жатқан бастамалармен сабақтас.<img src="https://knadmin.beoblood.kz/uploads/Bolat_tem_ratov_ory_kezdesu_2_61994b3ace.jpg" alt="Болат Өтемұратов қоры кездесу 2.jpg">

Аймақ басшысы Болат Өтемұратов қорының өкілдерімен және Берклидегі Калифорния университетінің ғалымдарымен кездесті

<a href="https://kyzylorda-news.kz/">Kyzylorda-news.kz</a> «Наурызнама» мерекелік онкүндігі аясында Сыр өңіріндегі NIS «Жүректен жүрекке» қайырымдылық акциясын өткізді. Игі бастамаға оқушылар, ата-аналар және мектеп қызметкерлері белсенді қатысып, мұқтаж жандардың жанұяларын азық-түлікпен қамтамасыз етті.Қауымдастық мүшелері күріш, макарон өнімдері, ұн, қант, шай, өсімдік майы, консервіленген тағамдар және басқа да күнделікті тұрмысқа қажетті азық-түліктер молынан алып келді.Жиналған «жақсылық себеттері» аймақтағы 12 отбасыға, қала тазалығын қамтамасыз ететін қызметкерлерге табысталды. Сонымен қатар мектеп жатақханасының оқушылары да акцияға белсенді түрде қатысып, 6 отбасыға әлеуметтік қолдау көрсетті.«Жүректен жүрекке» акциясы мектеп қауымдастығын ортақ игі іске біріктіріп, өскелең ұрпақ бойында жанашырлық, мейірімділік секілді құндылықтарды қалыптастыруда маңызды бастама болды.

«Жүректен жүрекке»: Оқушылар мұқтаж отбасыларға азық-түлік себеттерін үйлестірді

<a href="https://kyzylorda-news.kz/">Kyzylorda-news.kz</a> Арал ауданының орталық алаңында Наурызнама онкүндігі аясында 16 наурыз – Шаңырақ күніне, сондай-ақ мәдениет және ұлттық салт-дәстүр күніне орай халқымыздың бай мұрасын дәріптеуге арналған «Наурыз тойы – мереке, салт-дәстүрім – береке» атты салт-дәстүрлік қойылым-концерт өтті.Мерекелік шара барысында қазақ халқының ғасырлар бойы қалыптасқан әдет-ғұрыптары мен салт-дәстүрлері көпшілікке ұсынылды. Ұлттық тағамдар мен кітап көрмесі, сондай-ақ тұсау кесу, сырға салу сынды дәстүрлер қайта көрініс тапты.Ұлттық құндылықтарды насихаттауға бағытталған кеште өнерпаздар ән шырқап, күмбірлеген күйлер орындалып, ұлттық нақыштағы билер қойылды.Сонымен қатар, көрермендерге халқымыздың отбасы бірлігі мен ынтымағын білдіретін дәстүрлер көрсетіліп, ұлттық мәдениетіміздің тәрбиелік мәні кеңінен насихатталды.Көктемнің шуақты мерекесі – Ұлыстың ұлы күні қарсаңында өткен бұл мәдени кеш түс ауа «Ұлт мұрасы – ұрпаққа аманат» ұлттық салт-дәстүрді дәріптеуге арналған спорттық сайыстар, ұлттық ойындарға ұласты.Айта кетейік, кешкілік Арал аудандық мәдениет үйі және Арал аудандық мәдениет орталығы мен қалалық мәдениет үйі және Жастар ресурстық орталығының ұйымдастыруымен кешкілік мерекелік концерт өтеді.<img src="https://knadmin.beoblood.kz/uploads/Nauryznama_Aral_2026_30bbe121cb.jpg" alt="Наурызнама Арал 2026.jpg">

Дәстүр дәріптелді, құндылық қайта жаңғырды

<a href="https://kyzylorda-news.kz/">Kyzylorda-news.kz</a> «Наурызнама онкүндігі» аясында 14 наурыз – Көрісу күні мерекесіне орай Қызылорда облысы Полиция департаменті бастығының орынбасары &nbsp;полиция полковнигі Оралбек &nbsp;Омаров ішкі істер органдарының ардагерлерінің шаңырағына арнайы барып, ақжарма тілегін арнады.Ұлттық дәстүрге сай ұйымдастырылған бұл тағылымды кездесуде сала ардагерлеріне ерекше ілтипат білдіріліп, олардың қоғам тыныштығы мен ел қауіпсіздігін қамтамасыз ету жолындағы көпжылдық еңбегі жоғары бағаланды.Кездесу барысында саналы ғұмырын құқық қорғау саласына арнаған ҚР ІІМ Құрметті ардагерлері – тыл ардагері, 91 жастағы Төлеш Әлиев, Мұхтаровтар полицейлер әулетінің ақсақалы, 87 жастағы Әбділла Мұхтар және Сыр сақшыларының ұстазы Тастемір &nbsp;Рахимовқа құрмет көрсетілді.<img src="https://knadmin.beoblood.kz/uploads/yzylordada_K_risu_k_nine_oraj_policziya_ardagerlerine_rmet_k_rsetildi2_f87266e817.jpg" alt="Қызылордада Көрісу күніне орай полиция ардагерлеріне құрмет көрсетілді2.jpg">Ардагерлер де өз кезегінде қызмет жолындағы естеліктерімен бөлісіп, тәртіп сақшысы болудың жауапкершілігі мен маңызын тілге тиек етті. Олар жас буынға адалдық пен табандылықтың, Отанға деген шынайы қызметтің қашанда биік тұруы керектігін атап өтті.Полиция департаментінің өкілдері ардагерлерге зор денсаулық пен ұзақ ғұмыр тілеп, олардың өмірлік тәжірибесі мен өнегелі жолы жас қызметкерлер үшін әрдайым бағыт-бағдар болатынын жеткізді. Осындай тағылымды кездесулер аға буынға деген құрметті арттырып, ұрпақтар арасындағы сабақтастықты нығайта түседі.

Қызылордада Көрісу күніне орай полиция ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz</a> Халықаралық миссиялардың өкілдері 15 наурызда Қазақстанда өткен республикалық референдумға қатысты өз бағалауларымен бөлісуді жалғастыруда.Мьянма Республикасы Одақтық сайлау комиссиясының комиссары Тан Хтут Тейн конституциялық өзгерістерді талқылауға азаматтардың жоғары қызығушылық танытқанын атап өтті және Қазақстандағы референдум тәжірибесі басқа елдер үшін пайдалы болатынын айтты.Оның сөзінше, бақылаушылар миссиясы қоғамдық реакцияны және азаматтардың конституциялық өзгерістерді талқылауға белсенді қатысуын мұқият бақылаған.<blockquote>«Мен осы процеспен байланысты бірнеше аспектіні талқылағым келеді. Біз байқағанымыз, қоғамдық талқылау азаматтар тарапынан белсенді қызығушылықпен өтті. Халық осы өзгерістерге және жаңа Конституцияның мемлекет мүддесіне қалай қызмет ететініне үлкен қызығушылық танытты», - деді Тан Хтут Тейн.</blockquote><blockquote>Ол елдің болашағын конституциялық өзгерістер арқылы талқылау мемлекетті дамытудағы маңызды элемент екенін атап өтті.</blockquote>«Мұндай процестер елдің жақсы болашағына жол ашатынына үміт бар», - деді Мьянма сайлау комиссиясының өкілі.Оның айтуынша, халықаралық бақылаушылар миссиясына қатысу көптеген тәжірибе жинауға мүмкіндік берді, бұл тәжірибе кейінгі уақытта өз елінде қолданылуы мүмкін.<blockquote>«Біз көп сабақ алдық және бұл тәжірибені өз елімізде пайдалануды жоспарлап отырмыз», - деді Тан Хтут Тейн.</blockquote>Сонымен қатар, ол Қазақстан тарапына референдумды халықаралық бақылау миссиясында бақылауға қатысуға шақырғаны үшін алғысын білдіріп, елдер арасындағы сайлау процестерін ұйымдастыру тәжірибесін бөлісудің маңызды екенін атап өтті.

Қазақстан және Қызылорда облысының жаңалықтары