Халықаралық суретшілер күні
Атаулы күн әлемдік ауқымдағы қоғамдық-маңызды оқиғалар күнтізбесіне 2007 жылы енгізілді. Оған «Әлем халықтары өнері» Халықаралық қауымдастығының өкілдері бастамашыл болды.
Өзбекстанның Конституциясы күні
1992 жылғы 8 желтоқсанда өткен Өзбекстан Жоғарғы Кеңесінің 11-сессиясында қабылданды.
1991 жылы&nbsp;Минскіде Тәуелсіз Мемлекеттер Достастығын (ТМД) құру туралы шешім қабылданды. 1991 жылы 21 желтоқсан күні Алматыда ТМД-ның Басты қағидалары мен мақсаттары декларациясына Беларусь, Ресей, Украина, Әзербайжан, Армения, Қазақстан, Қырғызстан, Молдова, Тәжікстан, Түрікменстан, Өзбекстан қол қойды. 1993 жылы ТМД-ның Жарғысы қабылданды. Мемлекет басшыларының кеңесі, Үкімет басшыларының кеңесі, Сыртқы істер министрлерінің кеңесі, Мемлекетаралық экономикалық кеңес, Санкт-Петербургтағы үкіметаралық ассамблеяның орталығы секілді тағы басқа органдары құрылды. ТМД-ның тұрақты жұмыс істейтін органы – Минскідегі үйлестіру кеңесі комитеті.
1992 жылы&nbsp;Қазақстан Республикасының Инженерлік академиясы құрылды, оның президенті болып О.Жолдасбеков тағайындалды. Қазіргі күні Ұлттық инженерлік академия құрамында 20-дан астам ғылыми-өндіріс орталығы жұмыс істейді, ол бүкіл Қазақстандағы технопарктердің құрылуы мен дамуына белсенді қатысады, оның бөлімдері мен филиалдары аймақтағы өндіруші кәсіпорындармен тығыз байланыста.
2009 жылы&nbsp;Осакада (Жапония) Қазақстан Республикасы Құрметті консулдығының ашылу рәсімі болып өтті. Құрметті консул болып әлемге танымал «Тошиба» корпорациясының вице-президенті Широ Кавашита тағайындалды. Консулдықтың ашылу салтанатына Жапонияның ресми тұлғалары, ірі компаниялардың басшылары, бұқаралық ақпарат құралдарының өкілдері қатысты. Елшілік аумағында Қазақстан туралы фотокөрме ұйымдастырылды. Қазақстан Республикасының Осакадағы Құрметті консулдығының басты міндеті – екі елдің арасындағы сауда-экономикалық және мәдени-гуманитарлық ынтымақтастықты нығайту.

8 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 желтоқсанға арналған жұлдыз-жорамалы.
Тоқты
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Торпақ
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Егіздер
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Шаян
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Арыстан
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Бикеш
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.
Таразы
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Сарышаян
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Мерген
Бүгін алаңсыз демалыңыз. «Жұмысым аяқталмады» деп қиналмаңыз. Түстен кейін сізге көмек көрсететіндер табылады. Сондықтан көңіл-күйіңізді түсірмеңіз.
Тауешкі
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз. Бірақ ұйымдастырушыларды ренжітіп алмаңыз.
Суқұйғыш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Балықтар
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Тележүргізуші Елена Малышева, күні бойы отырып жұмыс істейтін офис қызметкерлері қандай ауруға ұшырайтынын өзінің «Жить здорово!» бағдараламасында айтып берді.
Малышева «айдың үздік жұмысшысы» атанған денсаулығы нашарлап жүрген 5 офис қызметкерлерін студияға шақырды. Одан бөлек бір басына барлық ауруды жиниған «болашақтың қызметкері» британдық моделді де көрсетті.
Офис қызметкерлерінің көпшілігі артық салмақ, варикоз, омыртқаның қисаюы сияқты симптомдарға шағымданады. Кейінірек бағдарламаның тағы бір жүргізушісі Герман Гандельман офисте ұзақ уақыт қозғалыссыз отырып жұмыс істеу расымен де артық салмақ қосу, көздің қызаруы немесе құрғау синдромы, варикоз бен остеопорозға алып келетінін айтты.
Дәрігерлер көбірек қимылдап, арнай пресс жаттығуларын жасауға кеңес береді. Сондай-ақ, кеңсе ауасын жиі ылғалданырып отыру қажет дейді.

Офис қызметкері қандай қатерлі ауруға ұшырауы мүмкін

<a href="https://kyzylorda-news.kz/">Kyzylorda-news.kz.</a> Бұл туралы Еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды «<a href="https://24.kz/kz/zha-aly-tar/o-am/item/359193-biyl-13-my-andasymyz-tarikhi-otanyna-oraldy">Хабар 24</a>».
Айтуынша, атамекенге көш түзегендердің көпшілігі Өзбекстан, Қытай, Монғолия және Түркіменстан елдерінен келген қандастар. Бүгін елордада ішкі және сыртқы көші-қон ағындарын реттеу мәселелері талқыланды. Бір өкініштісі, соңғы бес жылда қөші-қон ағынымен елден кеткендердің саны артқан. Өткен жылдың өзінде Қазақстаннан 29 мың адам көшкен. Шеттен келгендердің басым бөлігі тарихи Отанына оралған өзге ұлт өкілдері болса, қалғандары жоғары білім мен жайлы тіршілік іздеп кеткен азаматтар. Сонымен қатар елімізде сырттан келіп жұмыс істейтіндер саны артқан. Бүгінде қазақстандық 2200-ден астам кәсіпорында 21 мыңнан астам шетелдік азамат ресми рұқсат алып, жұмыс істеп жатыр.
<blockquote>
 «Қазақстанның негізінде осы көші-қонға қатысты көптеген зерттеулер, ұсыныстар жасауға болады. Біздің елімізде шетелдік азаматтар жұмыс істейді. Тек компанияға ғана емес, жеке компанияға жұмыс істеуге келетіндер бар. Сыртқа көшіп кетіп жатқандар бар. Бізде этникалық қазақтарды, қандас бауырларды тарихи Отанына оралуына жағдай жасау жөнінде Қазақстан әлемде санаулы елдердің бірі. Сондықтан Халықаралық көші-қон ұйымының бізге қызығушылық танытып жатқаны содан», – дейді Біржан Нұрымбетов.
</blockquote>

Биыл 13 мың қандасымыз тарихи Отанына оралды

<a href="https://kyzylorda-news.kz/">Kyzylorda-news.kz.</a> 2020 жылы көппәтерлі тұрғын үйлердің ортақ мүлкін күрделі жөндеуге арналған тариф төрт есе дерлік азаяды (1 шаршы км үшін 13,3 теңгеге дейін).
Қазір қазақстандықтар пәтердің 1 шаршы метрі үшін 0,02 АЕК төлеуде. 2019 жылы жарна бір шаршы метр үшін 50,5 теңгені (1 АЕК – 2525 теңге) құрады. Алдағы жылы 0,005 коэффициенті және 2 651 теңге АЕК болған жағдайда жарна 13,3 теңгеге дейін азаяды, деп хабарлады&nbsp;krisha.kz.
Мысалы, 45 шаршы метр болатын бір бөлмелі пәтер үшін қолданыстағы тариф бойынша ай сайын 2 525 × 0.02 = 50.5 × 45 = 2 272.5 теңге төлеу керек болды. Өзгерістерден кейін төлем 2 651 × 0.005 = 13.3 × 45 = 598.5 теңгені құрайды.
Тұрғындардың өтініші бойынша тарифті көтеруге болады. Мұндай шешім КСК мүшелерінің немесе белгілі бір үйдің жалпы жиналысында қабылданады. Ақшаны жұмсаудың ашықтығы үшін әр объект үшін жеке шоттар ашылады: ағымдағы және жинақ.
Айта кетсек, Қазақстанда күрделі жөндеуге арналған жинақтау жүйесі 2011 жылдан бастап жұмыс істейді.
<a href="https://24.kz/kz/zha-aly-tar/bylu-manyzdy/item/358904-alda-y-zhyly-t-r-yn-jlerge-k-rdeli-zh-ndeu-zh-rgizu-tarifi-andaj-bolady">24.kz</a>

Алдағы жылы тұрғын үйлерге күрделі жөндеу жүргізу тарифі қандай болады

<a href="https://kyzylorda-news.kz/">Kyzylorda-news.kz.</a> ҚР Қорғаныс министрлігі әскери қызметшілерді баспанамен қамтуға қатысты заңнамаға өзгерістер енгенін мәлімдеді, деп хабарлады «<a href="https://24.kz/kz/zha-aly-tar/o-am/item/359171-e-bek-tili-20-zhyl-a-zhetpegen-skeri-yzmetshilerge-baspana-beriledi">Хабар 24</a>».
ҚР Қарулы күштері әскерлерді пәтерлерге орналастыру бас басқармасы (ҚР ҚК ӘПОББ) басшысы, подполковник Бауыржан Зекеновтың айтуынша, 2018 жылдың 1 қаңтарына дейін жұмыстан шығып кеткен тұлғалардың пәтер алу ережесіне бірқатар өзгертулер енгізілген.
<blockquote>
 «Қарулы күштер қатарында 10 жылдан көп, бірақ 20 жылдан аз қызмет еткен, яғни олардың жас мөлшері ары қарай жұмыс істеуіне мүмкіндік бермеген, денсаулығына немесе штат қысқаруына байланысты жұмыстан шыққан тұлғалар бар. Бұрын 20 жылдан аз жұмыс істегендерді баспанамен қамтамасыз ету заңнамада қарастырылмаған болатын. Қорғаныс министрлігі бұрын болмаған қадамға барып, 2018 жылдың 1 қаңтарында күшіне енген заңда оларды баспанамен қамту мәселесін қайта қарастырды», – деді Бауыржан Зекенов.
</blockquote>
Оның сөзінше, бұл – жабық әскери қалаларда тұратын санат.
<blockquote>
 «Қазір олардың жекешелендіруге жатпайтын тұрғын жайын жекешелендіретіндей етіп ауыстырып жатырмыз. Бұл – Қорғаныс министрлігінің ресми сайтында жарияланған тұрғын үй. Сонымен қатар Нұр-Сұлтан қаласындағы Ш.Құдайбердіұлы көшесінде тұрғын үй кешені ашылды. Жоғарыда аталған санатқа жататын адамдар осы пәтерлердің кілтіне ие болды. 2020 жылы Алматыда 240 пәтерге арналған тағы бір тұрғын үй кешенін ашу жоспарда бар», – деп ақпарат берді ҚР ҚК ӘПОББ басқарма басшысы.
</blockquote>
Айтуынша, қазіргі күні Қорғаныс министрлігі заңнамаға сәйкес аталған санат тұлғаларының алдындағы барлық міндеттерін орындап жатыр.
<blockquote>
 «Біз әрқайсысына жеке мән беріп қараймыз. Қазіргі Тұрғын үй қатынастары туралы заңнамаға сәйкес тұрғын үй қорын берудің бірыңғай нормасы бар, яғни бір адамға 15-тен 18 шаршы метр аумаққа дейін», – деп түсіндірді Зекенов.
</blockquote>

Еңбек өтілі 20 жылға жетпеген әскери қызметшілерге баспана беріледі

<a href="https://kyzylorda-news.kz/">Kyzylorda-news.kz.</a> Көптеген балалар, әсіресе бастауыш сынып оқушылары мектебін жақсы көрмейді, барғысы келмейді. Оған әсер ететін бірнеше фактор бар.
Мұғалімдер
Біздің ата-анамыздың заманындағыдай «еті менікі, сүйегі сенікі» деп, баланы соққының астына алатын мұғалімдер қалмай бара жатқанымен, өзін сыйлатудың басқа әдісін таппағандықтан, баланы қорқытып-үркітіп ұстайтын оқытушылары әлі де аз емес.
Баға
Балаға «екі қоямын» деп не басқа да төмен бағамен қорқыту бұрыннан келе жатқан дәстүрлі әдіс. Ал нашар баға алған бала ата-анасының, оқу ісі меңгерушісінің, қала берді директордың тарапынан сөгіс еститінін, жазаланатынын жақсы біледі.
Қателіктен қорқу
Әңгіме баға туралы емес болса да, мектепте қателікке жол беруге болмайды. Негізінен адам қателеспесе, үйрене алмайды дейміз. Ал мектепте олай емес.
Күлкіге қалу
Бала барлық пәннен үздік болмаса да өлең шығаруға қабілетті болуы мүмкін, әнді жақсы айтып, суретті жақсы салуы мүмкін. Алайда математика пәнінің мұғалімін ол қызықтырмауы ықтимал. Оның қолынан келетіні тек есеп шығара алмаған баланы есекке теңеп, басқа балалардың алдында күлкіге қалдыру болуы да ғажап емес. Бұл бала үшін ауыр соққы.
Сынақ
Мұнда ойлануға орын жоқ, шығармашылыққа да орын қалмайды. Бала тек тест нұсқаларының бірін ғана таңдай алады. Тисе терекке, тимесе бұтаққа.
Үй тапсырмасы
Әсіресе, өзіне сенімсіз бала үшін одан қорқынышты нәрсе жоқ. Тақтаға шығу да сахнаға шығудан кем емес. Үйден мүдірмей орындап келген тапсырманы тақтаға шығып айтып беруге қиналатын балалар да бар.
Бір сызықтан шықпау
Өзгелерден өзгеше болғың келе ме? Мектеп мұндайды қабылдай алмайды. Сөйлеу мәнерің, шашыңды жинауың, оның түсі, киген киімің – қайсысы болса да барлығымен бірдей болуы керек, таңдау жоқ. Елден ерекшеленбе – мектептің ұраны осы.
Жалығу
YouTube желісінен видео көру? Ойын ойнау? Қызықты әңгіме тыңдау? Жоқ, мектепте мұндай «ұсақ-түйекке» орын жоқ. Күн сайын бір сарынмен қайталанатын пәндер, басқа ештеңе жоқ. Бала физикалық құбылыстарға қызығушылық танытқанымен, мектептегі физика пәніне қызыға алмайды.
Мектеп мектептен кейінгі өмірге дайындамайды
Мұнда тіпті қай мамандық иесі немен айналысатынын да үйретпейді, он бір жыл алған білімің өмірлік бағытыңды таңдауға көмектеспейді. Экономика пәнінен қаржылық сауатыңды арттыра алмайсың, құқық пәнінен өз құқығыңды қорғауды үйренбейсің.
Міне, мектеп оқушыларының айтатын шағымы осындай. Әрине, мектептің жақсы жақтары да көп, алайда кемшілігі аз емес.
<a href="https://massaget.kz/okushyilarga/mektep_omiri/59879/">Massaget.kz</a>

Оқушы неге мектепке барғысы келмейді?

Адамның ашық-жарқын болғаны жақсы. Дегенмен мінезім ашық деп барлық нәрсені айта беруге болмайды. Кез келген жанның өмірінде ешқашан жарияланбауы тиіс құпиялар бар, деп жазады Сок медиа.
Өзіңіздің төсек қатынасыңыз туралы кез келген ортада айтып отыру – үлкен қателік. Күйеуіңізбен ғана талқыланатын мәселені көпшілікке баяндап беру – сіздің сексуалды, бақытты, жолдасыңызға көңілі толатын жан екеніңізді білдірмейді. Елге ағымнан жарыламын деп жүріп, беделіңізге нұқсан келтіріп алмаңыз!
Өсек-аяң
Өсекті көп айтатын жандардан айналасындағылар қашып жүреді. Көпшілік оларды өзгенің ісіне араласқыш деп есептеп, сырын айтпауға тырысады. Есіңізде ұстаңыз, өсек тасығанды жанындай сүйетіндердің абыройы ел алдында төмен болмақ.
Болашаққа құрған жоспарлар
Өзіңіздің жоспарыңызды өзгеге айтсаңыз, орындалмай қалуы мүмкін деген сенім барын білетін боларсыз. Оған мән бермесеңіз де, шынымен де жоспарыңызды ешкімге айтпау керектігін жадыңызда сақтаңыз. Айналаңызға барлық мақсатыңызды айта берсеңіз, сіз істен гөрі сөздің адамы болып кетуіңіз мүмкін.
Айлық табысыңыз
Өзге адамдардың жалақысын сұрау – әдептілікке жатпайды. Ал өзіңіздің табысыңыз турлы айту – мүлдем дұрыс емес. Мұндай тақырыпты ең жақын адамыңыз болмаса, кез келгеніне айта бермеңіз.
Ішкі жан дүние
Бұл жерде әңгіме тек дін туралы ғана емес. Өзіңізді дамытатын тренингтер, медиатациялар, курстар – бұл тақырып әңгімелесушіңізге қызықты болса ғана баяндаңыз. Ал егер оған қызықсыз болса, үндемей-ақ қойғаныңыз абзал.

Психологтар кеңесі: Ешкімге айтылмауы тиіс бес құпияны білесіз бе?

<a href="https://kyzylorda-news.kz/">Kyzylorda-news.kz.</a> Біз үшін қарапайым болып қалған өнімдердің әлемде қымбат түрлері бар екенін білесіз бе? Мәселен, көк түсті тұшпара, картоп, сиыр еті секілді тағамдардың бағасы кей жерде бірнеше мың долларға дейін жетеді, деп жазады&nbsp;<a href="https://kaz.nur.kz/">KAZ.NUR.KZ.</a>
Көк түсті тұшпара
Әлемдегі ең қымбат тұшпараны Нью-Йорктегі “Golden Gates” мейрамханасынан табуға болады. Бұл жерге ресейлік эмигранттар жиі келеді.
Көк түсті тұшпараның құрамына арқан балық, шошқа және бұзау еті кіреді. Ал оның қамыры көк түсті бояғыштан емес, факел балығынан жасалады. Таза өнімнің арқасында тұшпара жасыл-көк түске боялады.
Мейрамханадағы тұшпараның бір порциясында 8 дана бар. Оның құны – 2200 доллар. 16 данасын аламын десеңіз, 4400 доллар төлеуге дайын болыңыз.
Жаңғақ
Макадамия жаңғағы әлемдегі ең қымбат жаңғақтардың бірі. Бүгінде ол өте пайдалы әрі көптің қолы жете бермейтін азық.
Макадамия ағашы жүз жылға дейін жеміс бере алғанымен, жақсы күтімді талап етеді.
Сол себепті үнемі қиындықтар туындайтындықтан, жылына 40 тонна ғана макадамия теріледі. Нәтижесінде жаңғақ өсетін мемлекеттерде оның 1 келісі 30 доллар тұрады.
Шафран
Шафран әлемдегі ең қымбат қоспа болып саналады. Ол қолдан өндіріледі. Біріншіден сұрыпталып, кептіріледі.
Бір келі шафран өндіріп алу үшін жарты миллион аталық жинап алу қажет. Мұндай өнімнің бір келісі 6000 доллардан асып кетуі мүмкін.
Ақ трюфель
Бұл деликатес үшін нақты сома белгісіз. Себебі әрқайсысы аукционда сатылады. Оның рекордты бағасы 30 мың еуроны құраған.
Қара шоколад
Chocopologie by Knipschildt — әлемдегі ең қымбат шоколад. Бұл қара шоколадтың отаны АҚШ, оның 453 граммы 2600 доллар тұрады.
Картоп
“La Bonnotte” әлемдегі ең қымбат картоп. Оның бір келісі 500 еуроны құрайды. Ол Нурмуатье аралында өседі.
Сиыр еті
Жапондық Вагиу сиырларының еті әлемдегі ең қымба сиыр еті болып саналады. Олар күнделікті сыра мен сәкі ішіп, ең үздік сұрапыталған шөпті жейді.
Бүгінде бұл жануарлар Австариляда да бар. Еуропада аталған сиырдың 200 грамм еті 100 доллар, ал ең балғын жерлері 1000 долларға дейін жетеді.
Қуырылған жұмыртқа
Экзотикалық омлет нью-йорктік “Le Parker Meridien” қонақ үйінде сатылады. Дәл осы жерде әлемдегі ең қымбат қуырылған жұмыртқаны жеуге болады.
Оның құны 1000 долларға жетеді. Құрамына лобстер де кіреді. Жұмыртқа қуырылған картоптың үстіне қойылып, уылдырықпен әсемделдеді.

Әлемдегі ең қымбат тағамдар жайлы не білесіз?

Халықаралық азаматтық авиация күні
БҰҰ Бас Ассамблеясы бекіткен. Чикаго қаласында өткен (АҚШ) конференцияға мүше – 52 мемлекет өкілдерінің Халықаралық азаматтық авиация туралы конвенцияға қол қойған күнінен бастап атап өтіледі.
1963 жылы&nbsp;Жамбыл қаласында халық ақыны Жамбыл Жабаевқа қола ескерткіш орнатылды. Ескерткіштің авторы – Қазақстанның халық суретшісі, мүсінші Х.Наурызбаев.
2015 жылы&nbsp;Мемлекет басшысы Нұрсұлтан Назарбаев «Бес институционалдық реформаны жүзеге асырудағы 100 нақты қадам» ұлт жоспарын жүзеге асыруға бағытталған және «Астана» халықаралық қаржы орталығының мәртебесі мен жұмыс істеу параметрін анықтайтын «Астана» халықаралық қаржы орталығы туралы» Конституциялық Заңына қол қойды.
2016 жылы&nbsp;Атырау қаласында Қашаған жобасының ресми ашылуы болды.
Қашаған – Каспий теңізінің қазақстандық бөлігіндегі бірінші теңіз мұнай-газ кен орны, сондай-ақ еліміздегі ең ірі халықаралық инвестициялық жоба.
2017 жылы&nbsp;белгілі спортшы, 2016 жылы өткен XV жазғы Паралимпиада ойындарының чемпионы Зульфия Ғабидуллина 50 метр қашықтыққа еркін стильде жүзу бойынша бірінші орынды жеңіп алды. Сонымен қатар, Халықаралық Паралимпиада комитеті Зульфияға 2017 жылғы Бүкіләлемдік жеңістер сериясы үшін арнайы награда табыстады.

7 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 7 желтоқсанға арналған жұлдыз-жорамалы.
Тоқты
Жаңаша бастама ұсынғандар болса, одан бас тартпаңыз. Қандай қиындық болса да тығырықтан шығар жол табыңыз. Бүгін жолға шығуды жоспарламаңыз.
Торпақ
Мазасыз күн. Кейбір сөздерді жүрегіңізге жақын қабылдап, ренжіп қалуыңыз да мүмкін. Сондықтан бүгін ешкіммен жақын араласпағаныңыз жөн.
Егіздер
Тыныш күн. Күнделікті шаруаңызбен айналысып, берілген тапсырмаларды орындап, үйге қажетті заттар сатып алуға қолайлы күн.
Шаян
Материалдық жағдайыңыз, сіздің қалай жұмыс жасайтыныңызға байланысты екенін естен шығармаңыз. Уақытыңызды тиімді пайдаланып үйреніңіз.
Арыстан
Бүгін жолыңыз болады. Жаңа таныстықтар орын алады. Бүгін қандайда бір қиындық орын алса, сіз бұл сәттерде де шешім таба аласыз.
Бикеш
Күніңіз жақсы өтеді. Көптен бері ойлап жүрген сүйікті ісіңізбен айналысасыз. Жаныңызға жайлылық сыйлайтын таныстықтар орын алады.
Таразы
Күннің алғашқы жартысында өзге адамдардан ұсыныс түсуі мүмкін, алданып қалудан сақтаныңыз. Жақындарыңызбен жылы қарым-қатынас орнатыңыз.
Сарышаян
«Көтере алмайтын шоқпарды беліңе байлама» деген мақал бүгін сізге арналғандай. Сондықтан қиын тапсырмаларды орындаймын деп әуреленбеңіз.
Мерген
Жеке өмірде де, жұмыста да жолыңыз болып, көп жетістікке жетесіз. Бірақ отбасыңызға көп көңіл бөлуді ұмытпаңыз.
Тауешкі
Үмітіңіз ақталады. Өзіңіз қалаған салада жұмыс табасыз. Бұл жұмысты бар ынтаңызбен, қызығушылықпен атқарасыз. Сіз өте білікті мамансыз.
Суқұйғыш
Егер жақсы дайындалсаңыз, қолға алған əрбір ісіңіз сəтімен болады. Сақтық пен ұстамдылықты ұмыт қалдырмаңыз. Кешке жақсы тынығуға тырысыңыз.
Балықтар
Бүгінгі күніңіз ерекше өтеді. Отбасыңызға көп көңіл бөліңіз. Материалдық жағдайыңызды жақсартудың амалдарын қарастырғаныңыз жөн.

<a href="https://kyzylorda-news.kz/">Kyzylorda-news.kz.</a> Швед ғалымдары қатерлі ісіктің дамуы мен қан тобының арасындағы тығыз байланыстың бар екендігін анықтады, деп жазады <a href="https://stan.kz/katerli-isik-auruina-alip-keletin-en-alsiz-kan-tobi-bel-324744/">Stan.kz</a>.
Мамандар соңғы 25 жылдағы бірнеше мың медициналық карта деректеріне зерттеу жасады. Зерттеу нәтижесі бойынша, қатерлі ісікке сирек ұшырайтын 2-ші топтағы қан тобының иегерлері. Осы топтағы адамдар көбіне салаутты өмір салтын ұстанып, жағымсыз әдеттерге жоламайды.
Ал ең әлсіз қан тобы 1-ші топ болып шықты.&nbsp;
Сондай-ақ, ғалымдар қан тобының негізінде ағзаның вирус, токсин және бактерияға қарсы тұратын ерекшеліктерін білуге болады. 
Онкологиялық аурулардың пайда болуына адамдның өмір сүру салты тікелей әсер етеді. Қатерлі ісіктің алдын алу үшін темекі мен ішімдіктен бас тартқан жөн.

Қазақстан және Қызылорда облысының жаңалықтары

8 желтоқсан: Атаулы күндер мен оқиғалар

Жұлдыздар не дейді?

Офис қызметкері қандай қатерлі ауруға ұшырауы мүмкін

Биыл 13 мың қандасымыз тарихи Отанына оралды

Алдағы жылы тұрғын үйлерге күрделі жөндеу жүргізу тарифі қандай болады

Еңбек өтілі 20 жылға жетпеген әскери қызметшілерге баспана беріледі

Оқушы неге мектепке барғысы келмейді?

Психологтар кеңесі: Ешкімге айтылмауы тиіс бес құпияны білесіз бе?

Әлемдегі ең қымбат тағамдар жайлы не білесіз?

7 желтоқсан: Атаулы күндер мен оқиғалар

Жұлдыздар не дейді?

Қатерлі ісік ауруына алып келетін ең әлсіз қан тобы белгілі болды