<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастыруымен “Қайырымдылық керуені” жобасы аясында жастар арасында кроссфиттен сайыс өткізілді.
Сайысқа​ түрлі этнос өкілдерінен барлығы​ 20 жас қатысып, физикалық тұрғыда бақ сынасты. Жылдамдық пен қажыр-қайратты талап ететін жарыс жыл сайын жастар арасында кеңінен таралып келеді. Кроссфитке физикалық күш пен жылдамдықтан бөлек есте сақтау қабілетінің ұшқырлығы да қажет. Себебі әр жаттығуды орындау саны әртүрлі және тиісті жаттығуды қайталап орындау қажет.​&nbsp;
Тартысты өткен сайыста І орынды Ернат Сәрсенбек, ІІ орынды Саят Осаман, ІІІ орынды Дәулетияр Асанов мен Бақдәулет Жеңісбек жеңіп алды.
<img src="https://kyzylorda-news.kz/wp-content/uploads/2019/12/9krosfit2.jpg" alt="" />
<img src="https://kyzylorda-news.kz/wp-content/uploads/2019/12/9krosfit3.jpg" alt="" />

Қызылордада жастар арасында кроссфиттен сайыс өтті

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі дәрігерлер мен орта медицинлық қызметкерлердің нормативтік-құқықтық актілерін білу деңгейін тәуелсіз бағалайды, деп хабарлайды Денсаулық сақтау министрлігі.
<blockquote>
 «ҚР Денсаулық сақтау министрлігі 4-17 желтоқсан аралығында міндетті әлеуметтік медициналық сақтандыруды енгізу шеңберінде «Ұлттық тәуелсіз емтихан орталығы» РҚБ жүйесінде онлайн режімда практикалық денсаулық сақтау мамандары (дәрігерлер мен орта медицинлық қызметкерлер) үшін нормативтік-құқықтық актілерін білу туралы тәуелсіз бағалауды ұйымдастыратынын хабарлайды», – делінген хабарламада.
</blockquote>
<a href="https://exam.nice.kz/">Тестілеуге</a>&nbsp;қатысу үшін практикалық денсаулық сақтау мамандары алдын ала тіркеуден өтуі және ақпараттық бағалау жүйесіне өтінім беруі қажет, содан кейін бір жұмыс күні ішінде өңделуін күтеді.
Тестілеу тәулігіне 24 сағат онлайн режімінде қолжетімді. Тестілеуден интернет желісіне қосылған кез келген құрылғыдан өтуге болады. Тестілеу уақыты 30 минутты құрайды. Өтінім беру нұсқаулығымен&nbsp;<a href="https://www.qazexam.kz/index.php/ru/osms2020">сілтемеде</a>&nbsp;танысуға болады.

Міндетті медициналық сақтандыру бойынша дәрігерлер тест тапсырады

<a href="https://kyzylorda-news.kz/">Kyzylorda-news.kz.</a> Коммуналдық қызмет ақысын төлеу туралы түбіртек сіздің мекенжайыңыз бойынша поштаға келмей тұрып, оның электронды түрі интернетте қолжетімді болады. Оны төлеу үшін дербес шотыңыздың нөмірін біліп, компьютер немесе телефон арқылы интернетке қосылуға мүмкіндігіңіз болса жеткілікті.
Коммуналдық қызмет ақысын үйден шықпай-ақ төлеудің ең қолжетімді тәсілдерін назарларыңызға ұсынамыз.
Біріншісі.&nbsp;Коммуналдық қызметтерді мемлекеттік және муниципалдық компаниялардың ресми сайттарында кез-келген банктің төлем картасының шоты арқылы төлеуге болады.
<ul>
<li>Egov.kz электронды үкімет порталындағы жеке кабинетіңізде төленуі тиіс барлық есепшоттарыңыз жөнінде ақпарат бар. Жеке кабинетке тіркелу үшін электронды сандық қолтаңбаңыз болуы тиіс.</li>
<li>“Қазақтелеком” порталында тек қалалық телефон ақысын ғана емес, сондай-ақ басқа да коммуналдық қызметтерді төлеуге болады.</li>
<li>Сонымен қатар, комуналдық қызметтер бойынша қарызды кейбір ақпараттық-есептеу орталықтарының сайттарында төлеуге болады. Аталған сайттарға ұялы телефонның және дербес шоттың нөмірлері арқылы тіркелуге болады.</li>
</ul>
Екіншісі.&nbsp;Бүгінгі таңда коммуналдық қызмет ақысын төлеудің ең кең тараған түрі –&nbsp;интернет-банкинг арқылы.&nbsp;Шамамен барлық қазақстандық банктердің пластикалық карталарының иелері өз жеке кабинеттеріне кіре алады. Сол жерден өз банктік шоты арқылы коммуналдық және басқа да қызметтерге төлем жүргізе алады.
Ал банктің телефондағы мобильді қосымшасы арқылы төлем жүргізу тіпті оңай.
Үшіншісі.&nbsp;Kassa24.kz, epos.kz, wooppay.com, qiwi.com, mypay.kz, killbill.kz және басқа да көптеген&nbsp;төлем қызметтерінің сайттарына&nbsp;тіркеліп, сол жерден коммуналдық қызметтерді оп-оңай төлеуге болады.
Төлем жүргізу үшін электронды әмияныңыздағы немесе банктік картаңыздағы қаражатты пайдалануға болады.
Төртіншісі.&nbsp;Money.tele2.kz, money.altel.kz, beemoney.beeline.kz, mobimoney.kz сынды қазақстандық мобильді операторлардың ресми сайттарына кіріп, коммуналдық қызмет ақысын&nbsp;ұялы телефон бірлігі арқылы&nbsp;да төлеуге мүмкіндік бар.&nbsp;Ол үшін тіркелудің қажеті жоқ, тек төлем жүргізетін телефон нөмірін енгізсеңіз жеткілікті. Содан соң көрсетілген нөмірге келген код арқылы төлемді растау қажет.
Қорытындылай келе, жоғарыда аталған төлем түрлерінің барлығында&nbsp;комиссия алынбайтынын&nbsp;айта кеткен жөн.
<a href="https://kaz.nur.kz/1830792-kommunaldyk-kyzmetterdi-internet-arkyly-tleudi-trt-trli-tsili.html">kaz.nur.kz</a>

Коммуналдық қызметтерді интернет арқылы төлеудің төрт түрлі тәсілі

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылорда қаласында ерекше той болып өтті. Ерлі-зайыпты Талғат Аманжолов пен Махаббат Қалыбаева үйлену тойын 13 жылдан кейін жасады, деп хабарлайды <a href="http://lenta.inform.kz/kz/kyzylordalyk-erli-zayyptylar-uylenu-toyyn-13-zhyldan-keyin-zhasady_a3592601">ҚазАқпарат</a>.
Ерлі-зайыптылар 2006 жылы отау көтерген болатын. Ол уақытта Талғат 21, Махаббат 17 жаста екен. Екеуі достарының тойында танысып, бір-бірін ұнатып қалады. Көп ұзамай қол ұстасып, отбасылық өмірге қадам басуға шешім қабылдайды. Әкесі ертерек дүниеден озғандықтан Аманжоловтар отбасындағы үш қыз, екі ұлды анасы Гүлдерай өсіріп жетілдірді. Ұлдың кенжесі болғанмен Талғат ешкімге салмақ салғысы келмеген, бірақ өзімен қол ұстасып үлкен өмірге қадам басқан жұбайы Махаббатқа үйлену тойын кейін жасайтынына уәде берген болатын. Дегенмен тұрмыс жағдайымен арада жылдар өтіп, сол уәдені орындаудың орайы енді келді. Бүгінде Талғат пен Махаббат алты бала тәрбиелеп, үш ұл мен үш қыздың ата-анасы атанды.
<blockquote>
 «2006 жылы екі жақтың келісімімен Махаббаты алып қаштым. Жасыратыны жоқ, дүбірлетіп той жасауға шамамыз келген жоқ. Шаңырағымда тек беташар рәсімін атқардық. Мешітте және заңды некемізді қидырдық. Сол сәтте Махаббатқа үйлену тойын жасап беруге уәде еткен едім. Сол уәдемді орындаудың орайы енді келді. Біздің бұл шешімімізге екі жақтың үлкендері қарсы келген жоқ. Бізге ақ батасын берді», – деді Талғат Аманжолов.
</blockquote>
Талғат осылайша қазақ жігітінің уәде берік болатынын тағы бір мәрте дәлелдей түсті. Отбасылық өмірде қос жас еселі еңбек етумен қатар шаңырақ шаттығына баланған ұрпақ өсіріп, оларға өнегелі тәрбие беруге көңіл бөліп отыр. Олардың үлкені Расул биыл 11-ге толса, одан кейінгі Нұрғайша 10, Мансұр 9, Қанағат 8, Айзере 5, Ару 4 жасқа толды.
<blockquote>
 «Ата-анам мені дәстүрге сай қолдан ұзатқысы келді. Дегенмен жолдасым екеуміздің шешімімізге қарсы болған жоқ. Өздерінің батасын беріп, бізге ақжол тіледі. Кешегі тойда ата-анам ақ тілегін ақтарып, көзіне жас алып жатты. Әрине, менің қалыңдық көйлегін киіп, той төрінде отырған сәтімде ерекше сезім мен қобалжу болғаны жасырын емес. Жарымның кезінде неке қияр сәтте айтқан уәдесінде тұрып, осындай той жасап бергеніне риза болдым», – деді Махаббат Қалыбаева.
</blockquote>
Отбасы мүшелері бұл тойға үш ай бойы дайындық жасаған екен. Олар өздерінің ойын алдымен анасы Гүлдерайға жеткізген. Алғашқыда «жұрт не ойлайды», «ыңғайсыздық болмай ма» деген ойдың да қылаң бергені рас. Дегенмен анасы қарсы болған жоқ. Ұлының шешіміне қолдау білдірді. Сондай-ақ, жас жұбайлар жастар шеруін де ұйымдастырған екен.
<blockquote>
 «Бәрі де өзіміз ойлағандай болды. Той дәстүрге сай жөн-жоралғысымен өтті. Біздің тойымызға куәгер болған балаларымыздың да қуанышында шек жоқ», – дейді олар.
</blockquote>
Аталмыш тойды басқарған жергілікті асаба Алмасбек Молжігітов алғашқыда өзіне ұсыныс түскенде таңғалысы болғаны айтады. Мән-жайды түсіндіргеннен кейін ұсынысты қуана қабыл алған.
<blockquote>
 «Өз тәжірибемде мұндай той бұрын-соңды болған емес. Оның жоғары дәрежеде өтуіне қолдан келгенше шын ықыласыммен кірістім. Оған келген қонақтар саны да аз болған жоқ. Ағайын-туыс жүрекжарды лебізін білдірді. Жалғыз анасына салмақ салмай, өзінің азаматтық қасиетін көрсеткен Талғат пен оның жігерін жықпай қолдау көрсеткен жары Махаббатқа ақ тілегін арнаған ағайынның саны аз емес. Мұны жас буынға өнеге ретінде көрсетуге болады. Қазіргі жастар қиындыққа төзе бермейді. Ас та төк той жасап, артынан жолы екіге ажырап кетіп жатқан отбасылар да кездеседі. Бұл – сондай жандарға сабақ болатын көрініс», – деді Алмасбек Молжігітов.
</blockquote>
<img src="https://kyzylorda-news.kz/wp-content/uploads/2019/12/9toi2.jpg" alt="" />
<img src="https://kyzylorda-news.kz/wp-content/uploads/2019/12/9toi3.jpg" alt="" />
<img src="https://kyzylorda-news.kz/wp-content/uploads/2019/12/9toi4.jpg" alt="" />
<img src="https://kyzylorda-news.kz/wp-content/uploads/2019/12/9toi5.jpg" alt="" />

Қызылордалық ерлі-зайыптылар үйлену тойын 13 жылдан кейін жасады

<a href="https://kyzylorda-news.kz/">Kyzylorda-news.kz.</a> Қызылорда облыс әкімі Қуанышбек Ысқақов баспана кезегінде тұрған байқоңырлықтарға тұрғын үй кілттерін табыстады. Бұл көпқабатты тұрғын үйлердің жалпы ауданы 15 мың 700 шаршы метрді құрайды. 5 үй мен инженерлік инфрақұрылым үшін 2,1&nbsp; млрд&nbsp; теңге қаржы бөлінген.
Көпқабатты тұрғын үйлерді пайдалануға беру салтанатына облыс әкімімен бірге облыс әкімінің орынбасары, ҚР Президентінің «Байқоңыр» кешеніндегі арнаулы өкілі Б.Намаев пен Байқоңыр қаласы әкімшілігі басшысының міндетін атқарушы В.Лопаткин де қатысты.Нысанның құрылыс-монтаж жұмыстарын қаржыландыру «Нұрлы жер» бағдарламасы аясында жүзеге асырылған.&nbsp; Жылу және ыстық сумен қамтамасыз ету үшін табиғи газбен автономды бу қазандығы орнатылған. Бүгінгі күні Байқоңыр қаласында пәтер кезегіне 1252 адам тіркелген.
Баспаналы болған жұлдызды қалашық тұрғындарын құттықтаған аймақ басшысы, бұл Байқоңырда соңғы 30 жылда салынған алғашқы тұрғын үй құрылысы екенін атап өтті.
<blockquote>
 &nbsp;«Келесі 2020 жылы осы жақсы бастаманы одан әрі жалғастырып, тағы бес көқабатты&nbsp; тұрғын үй салуды жоспарлап отырмыз. Бүгінде осы қалада тұрып, әр салада еңбек етіп жатқан елу мыңға жуық қазақстандық азаматтар бар. Бірнеше жылдан бері кезекте тұрған жерлестеріміз баспаналы болып, тұрмыс жағдайын жақсартып, үлкен қуанышқа бөленуде. Жұлдызды қаланы жаңа нысандармен толықтырып, жаңарту идеямызға қолдау көрсетіп, алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындарының атынан алғысымызды айтамыз. Қоныстарыңыз құтты болсын»,- деді облыс әкімі Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2019/12/9baikonyrpater2.jpg" alt="" />
<img src="https://kyzylorda-news.kz/wp-content/uploads/2019/12/9baikonyrpater3.jpg" alt="" />
<img src="https://kyzylorda-news.kz/wp-content/uploads/2019/12/9baikonyrpater4.jpg" alt="" />

Байқоңырдағы Қазақстан азаматтарына тұрғын үй кілттері табысталды

<a href="https://kyzylorda-news.kz/">Kyzylorda-news.kz.</a> &nbsp;<a href="https://kyzylorda-news.kz/"></a>«Қазгидромет» РМК 9 желтоқсанға арналған ауа райы болжамын ұсынады.
Қазақстаның оңтүстік-батысында, шығысыңда және орталығында атмосфералық фронтальды бөліктердің өтуіне байланысты құбылмалы ауа райы сақталады, жауын-шашын, көбінесе қар түрінде жауады. Қазақстананың калған аумағы антициклон жотасының ықпалында болғандықтан жауын-шашынсыз ауа райы сақталады.
&nbsp;Республиканың кей жерлерінде – тұман, көктайғақ, жаяу бұрқасын, желдің күшейюі сақталады.
&nbsp;Шығыс Қазақстан, Жамбыл облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с күшейеді.
Түркістан, Қызылорда облыстарының кей жерлерінде тұман түсіп, желдің жылдамдығы 15-20 м/с жетеді.
Ақмола, Атырау, Ақтөбе, Павлодар, Қарағанды, Маңғыстау облыстарының кей жерлерінде тұман, көктайғақ болады.&nbsp;
Батыс Қазақстан, Қостанай, Солтүстік Қазақстан облыстарында, түнде және таңертең Алматы облысының кей жерлерінде тұман түседі.

Дүйсенбіге арналған ауа райы болжамы

Халықаралық жемқорлықпен күрес күні
Біріккен Ұлттар Ұйымының бастамасымен атап өтіледі. 2003 жылы дәл осы күні Мексиканың Мерида қаласында өткен жоғары деңгейдегі саяси конференцияда 2003 жылы 1 қарашада Бас Ассамблея қабылдаған БҰҰ-ның Жемқорлыққа қарсы Конвенциясы қол қою үшін ашылды. Құжат бойынша оған қол қойған мемлекеттер пара, бюджеттік қаражат пен жемқорлық табыстарды кәдеге жарату қылмыс деп жариялауға міндеттеледі. Конвенция барлық құрылымдары ұлттық әл-ауқатқа зиян келтіретін жемқорлық жайлаған елдер үшін өте маңызды.
1991 жылы&nbsp;Қазақ КСР Министрлер Кабинетінің қаулысымен Қазақстанның А.Пушкин атындағы мемлекеттік кітапханасы Қазақстан Республикасының Ұлттық кітапханасы болып өзгертілді.
1996 жылы&nbsp;Елбасы Жарлығымен Желтоқсан көтерілісіне қатысып, құрбан болған боздақ Қайрат Рысқұлбековке «Халық Қаһарманы» атағы берілді.
1997 жылы&nbsp;Тегеранда ислам әлемінің экологиялық апаттардан зардап шеккен аймақтарына: Арал теңізінің бассейні мен Семей ядролық полигон аймағына көмек көрсету туралы Қарар қабылданды.
2008 жылы&nbsp;Қарағандыда ұлы Абайға арналған ескерткіш ашылды. Ескерткіштің ашылу салтанатына Қазақстан Республикасының Президенті Нұрсұлтан Назарбаев қатысты. Ескерткіш авторы – мүсінші Асқар Нартов. Биіктігі бес метрлік мүсін Қарағанды облысының көркемдік-өндірістік комбинатында құйылған.

9 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 9 желтоқсанға арналған жұлдыз-жорамалы.
Тоқты
Ескі жоспарлар мен шаруаларды бірыңғайлаңыз. Бүгін жағымсыз хабар аласыз. Алайда көңіл-күйіңізді түсірмеңіз, барлығы реттеледі.
Торпақ
Сәттілік серігіңізге айналады. Қиындықтар сізді айналып өтетін болады. Қолыңыздағы барыңызбен бөліскеніңіз дұрыс.
Егіздер
Сәтті күн деп айту қиын. Жұмыста аздаған кикілжіңдер орын алуы мүмкін. сіздің жетістіктеріңізге қызғанышпен қарайтындар бар.
Шаян
Түске дейінгі уақытқа кездесу ұйымдастырмағаныңыз жөн. Эмоцияға беріліп, әріптестеріңізбен сөзге келіп қалуыңыз мүмкін.
Арыстан
Жұмыста тым белсенді болудың қажеті жоқ. Өзіңізді көп шаршатпаңыз. Барлық тапсырманы уақытылы орындай аласыз.
Бикеш
Бүгін шаршағаныңызды сезіп, демалғанды жөн санайсыз. Бірақ барлығы уақытша. Туындаған мәселелер тез шешімін табады.
Таразы
Өзіңіздің түйсігіңізге сеніңіз. Жақындарыңызға көп көңіл бөліңіз. Олардың сұрағына жауап беруге, мәселесін шешуге көмек көрсетіңіз.
Сарышаян
Отбасындағы кикілжіңдер сіздің күш-қуатыңызды сарқып алады. Сонымен қатар жаңымсыз хабар естіп, көңіл-күйіңіз түседі.
Мерген
Егер жұмыс барысымен жол сапарға шығу керек болса, бас тартыңыз. Сырқаттанып қалуыңыз мүмкін немесе шығынға ұшырайсыз.
Тауешкі
Армандаңыз. Бірақ арманыңыз ойға қонымды болсын. Сонымен қатар бүгін жақындарыңызға көп көңіл бөліңіз.
Суқұйғыш
Жаңа бастамалар үшін сәтті күн. Тек өзіңіз оған дайын болғаныңыз дұрыс. «Тәуекел түбі жел қайық» деп мүмкіндікті пайдаланып қалыңыз.
Балықтар
Бүгін ағзаңызды тазартумен айналысыңыз. Жалпы, денсаулығыңызға көңіл бөліңіз. Сонда ғана аурудың алдын аласыз.

Жұлдыздар не дейді?

Миллионер (әңгіме)

<a href="https://kyzylorda-news.kz/">Kyzylorda-news.kz.</a>&nbsp; Қазақтың Ақбаяны, күміскөмей әнші Мәдина Ералиева жалғыз бауыры Сәғира Ералиева өнер иесінің жомарттығы, еңбекқорлығы, бақилыққа аттанар алдында түсіне кірген аяндары мен соңғы күндері туралы айтып берді, деп хабарлайды <a href="https://stan.kz/ayan-tuster-korip-zhanin-koyarga-zher-tappay-zhurdi-mad-324925/">Stan.kz</a>.
<ul>
<li>Қанша жыл өтсе де, халық «Ақбаянын» Мәдина Ералиеваны ұмытпады, әлі еске алады. Мұның сыры кез-келген әнін жүрекпен қабылдап, жүрекпен халыққа жеткізгенінде ме?</li>
<li>Иә, өмірден озғанына 20 жыл өтсе де, халық әлі Мәдинасын ұмыта қойған жоқ. Бір таң қалатыным, Мәдинаның айтып кеткен әндерін кейінгі жастар да нақышына келтіріп орындап жүр.</li>
</ul>
Ол әр әннің бояуына мән беретін, кейде өз дауысына ыңғайлап, аранжировкасын өзгертіп те жіберетініні бар еді. Менде сазгерлердің Мадинашқа ұсынған көптеген әндері жатыр. Бірақ ол солардың ішінде халықтың жүрегіне жетеді-ау дегенін ғана орындайтын. Өз апам болған соң мақтағаным емес, әдемі көйлекті таңдаған сияқты әнге де талғамы мықты болатын…&nbsp;
<ul>
<li>Өзі «Мен күнде әрбір сәтте тек қана қимылдаумен, тыпырлаумен келе жатырмын» деп айтқан екен бір сұхбатында. Еңбекқорлығы ерекше болған дейді…</li>
<li>Өзі «жыбырламаған адамға Құдай бермейді» дейтін кейде. Үйде де, түзде де тынымсыз еді. Қасында тұрған адамды да қарап отырғызбайтын. Үй тазалығына қатты мән беретін, ол барда үй жарқырап тұратын. Ал сырттан үйге кіріп келгенде артынан 10 адам еріп кіргендей үй толып, жарқырап кететін. Сондай-ақ ол ешқашан ауруға &nbsp;бой алдырмайтын еді. Үнемі өзін -өзі күтіп, сырттан &nbsp;келе сала аузы-басын тұзды сумен шайып, сәл салқындап қалса, денесіне қойдың майын сылап, тез емделіп алатын. Адыраспанды көп қолданатын, әсіресе, үйде біреу тұмаумен ауырса, адыраспанды көк түтін етіп, үйді тазартып, залалсыздандырып алатын.</li>
</ul>
Алла тағала Мадинаштың бойына тігу, сурет салу, әншілік, ішкі түйсік, атасынан дарыған ұсталық сияқты жақсы қасиеттерді қос-қосымен берген.
70-80-ші&nbsp;жылдары қазіргідей киімнің түр-түрі болмады ғой. Анамыздан қалған «Зингер» қол машинасымен Мадинаш киім тіге бастады. Тапсырыспен тігіп, қалған-құтқан матадан маған керемет жейде, белдемше тігіп беретін. Әдемі жарасатыны сондай, тастамай 3-4 жыл киетінмін.
<ul>
<li>Жалпы Мәдина Ералиева адам ретінде, әйел-ана, әпке ретінде қандай еді?</li>
<li>Мадинаш Арсен екеумізге əкенің де, ағаның да, бəрінің орнында болды. Ол барда біз əке іздемеппіз. Егер де әке-шешем болса, Мадинаштың маған жасағандай жақсылықтарын жасауға мүмкіндіктері болса да, соншама жағдайымды жасау ойларына келмес еді-ау деп ойлап қоямын кейде… Бірақ әке-шеше мен бауырларыңның көз алдыңда тірі жүргенінен асқан қандай бақыт пен байлық бар?! Балалы-шағалы болып кетсем де, маған көп алаңдайтын, қолы сәл босаса, барын алып үйге жетіп келетін еді.</li>
</ul>
Анам ауруханада көз жұмарда Мадинаш қасында болыпты, 1972 жылдың 12 наурызы, Қызылордадағы педучилищенің музыка бөлімінде 1 курста оқып жүрген кезі болатын. Анам «Сағираға қара, артыңнан ерген қараң ғой» депті. Мадинаш та өмірден өтерін сезді ме, ауырып тұрмын десем, «ауырма, қарағым, ертең мен өлгенде артымда шошайып отыратын адам керек» деп қалған бірде. Егер де бірге қартайсақ, осы күнде қолына екі түйір кәмпит&nbsp;тисе, біреуін міндетті түрде маған ала жүгірер еді.
<ul>
<li>Әпкесі ретінде сізге қандай ақыл-кеңестер айтып отыратын?&nbsp;</li>
<li>Мадинаштай әпке берген Аллама мың да бір рақметімді жаудырамын. 20 жыл өтсе де, үйде, жүрген ортамызда, қызметте Мадинаштың берген ақыл- кеңесі көп көмегін тигізіп жатыр. Әсіресе, әйел адамға керек үй-шаруасындағы барлық тірлікті, ауырғанда қалай күтіну, жылдың төрт мезгілінде талғаммен және жайлы киінуге дейін үйрететін. Ертең барған жеріңде мені кінәлайды деп ісімен үйретіп жүретін.</li>
<li>Бұрынғы сұхбаттарын қарап отырсақ, сөзге де нағыз шешен болған сияқты. Кітап оқуды сүйетін адамның бірі болған деседі. Тіпті әр гастрольдік сапарынан ұлы Арсенге кітап сыйға алып келеді екен…</li>
<li>Мәдинаш – көптің ортасында жүрген адам еді, шешен болмаса да, дұрыс сөйлеуге міндетті ғой. Негізі жөн-жосықсыз көп сөйлейтін, көп сылтау айтатын адамды «тек ауызымен шөп орады» деп &nbsp;ұнатпайтын.</li>
</ul>
Арсенге кітап көп алатын, ол – өте білімді бала, мектеп қабырғасында жүргенде-ақ кітапты күбірлеп көп оқитын. Әсіресе, география, тарих пәнін сүйіп оқитын. Географиядан дүние жүзінің қалаларын, теңіздер мен тау түбегіне дейін тізімін жазып шығатын.
<ul>
<li>Қандай сыйлығы ерекше есте қалды?&nbsp;</li>
<li>Мадинаштың маған жасамаған сыйлығы жоқ, қайсыбірін айтайын! Әрине, барлығын көзіндей көріп, әлі тұтынып, қуана киіп, сақтап жүрмін. Бір қызығы, ешқандай затының cәні кетпеген, ескірмеген.</li>
<li>Мәдина апаймен түр-келбеттеріңіз ұқсайды. Ал мінезіңіз әпкеңізге келе ме?</li>
<li>«Бір анадан ала да туады, құла да туады» дегендей, екеуміз екі түрліміз. Мадинаш ер мінезді, жігерлі, қиындыққа төзімді, шыншыл, адамгершілігі мол, ақ жарқын, көрінген адаммен сөйлесіп кете беретін, қарапайым жан еді.&nbsp;</li>
<li>Түсінде Арыстан-бабтың шақырып, аян беріп жүргенін сұхбаттарының бірінде айтқан. Арсен ағаның айтуынша, өмірінің соңғы күндерінде оңаша қалуды көп қалаған екен…&nbsp;</li>
<li>Жалпы қиындықтарды басынан өткерсе, жолы болмай жүрсе, ыңғайсыз түс көрсе, кез-келген әйел заты бірден құмалақшыға жүгіреді емес пе? Мадинаш та соңғы кездері қасына кілең құмалақ ашатындарды алып жүрді. Қаланың ішінде жүрсе, шаруаларын бітіріп келе жатып, маған үйге кіріп шығатыны бар еді.</li>
</ul>
Бірде үйге кірген бойда «жаңа құмалақ аштырдым, ұзақ жасайсың деп айтты» деп, маған ойлана қарады. Кейін ойлап отырсам, аян түстер көріп, жанын қоярға жер таппай жүрген кезі екен ғой. Соңғы кездері «мен аман болайын, кілең жетімді асырап отырмын» деген сөзді бір түрлі сыйынып айтатын.
Бір жолы марқұм кинорежиссер Шәкен Айманов түсіме енді. Мадинаштың жатын бөлмесінде төсегінің үстінен термометрді жанталасып іздейді екен деймін. Қайтыс болған кісіге түсіңде зат беруге болмайтынын білемін ғой, барынша термометрді жасырамын. Қайдан білейін, өзі де ыңғайсыз түстер көріп, қорқып жүргенін, осы түсімді Мадинаштың өзіне де айтып бердім.
Сондай-ақ соңғы күндері маған мешіттен шағын-шағын Құран кітаптарын алып беріп жүрді.
Мадинаш туралы тағы бір естелік.&nbsp;Макеш деген құмалақшы əйелді қасынан тастамай алып жүретін болды. Салдырлап қалған ақ көңіл кісі болатын. Соңғы айлары ма деймін, Мадинаштың үйінде жүргенмін. Макешпен үйге кіріп,&nbsp;тамақтанып болған соң концертке баруға боянып отырып, Мадинаш Макешке құмалақ аштырып отырды. Қалай сенбессің, өмірінде болатын жағдайды шамамен айтып отыр. Бірақ менің ол кезде қаперіме де кірген жоқ Құмалағын жинай бастағанда маған да ашуын сұрадым. Құмалағын шашып жіберіп, “ойбуу, басыңның іші быт-шыт демесі бар ма”?! Əйтеуір өмір сүремін ба деп сұрадым. Ана жерде бізге қарама-қарсы боянып отырған Мәдина “сен мені көмесің” демесі бар ма…
<ul>
<li>Ғұмыры қысқа болды деген өкініштер жиі бола ма?</li>
<li>Мадинаш қысқа өмірінде ештеңе көрмей кетті деп айта алмаймын. Жақсы-жақсы адамдармен араласты, есте қалатындай небір қызықты және қиындықтарды да көрді, дүние жүзін аралады деп өзімді жұбатамын. Тек бір ғана өкінішім – немерелерін көре алмай кетті.</li>
<li>«Әйел қашан сұлу болуы керек» деп үнемі айтып жүреді екен. Мәдина апай өз-өзіне күтім қалай жасайтын еді?</li>
<li>Әйел адам бойынан нұр шашып, сұлу болу үшін, ең бірінші, ішкі жан-дүниесі таза болу керек шығар. Мадинаш өтірік айту білмейтін, өз ісіне адал, көп қозғалып, тез жүретін жан еді. Жылдың төрт мезгілінде де ауа-райына тіл тигізбей жайлы киінетін. Дене күтіміне кілең дәріханадағы&nbsp;біз мән бермейтін глицерин, фурациллин сияқты нәрселерді алып, жұмыртқаға араластырып, түрлі кремдер жасап, бетін тазалап отыратын.&nbsp;</li>
<li>Мадина апай жұлдызды әріптестерінің арасында кіммен жақсы дос құрбы болды?</li>
</ul>
Мадина барлығымен бірдей араласатын. Бірақ әншілер арасында ешкіммен жақын дос болмады
<img src="https://kyzylorda-news.kz/wp-content/uploads/2019/12/madina-eralieva1.jpg" alt="" />

Мәдина Ералиева өмірінің соңғы күндерінде түс көріп, неліктен қатты қиналған?

<a href="https://kyzylorda-news.kz/">Kyzylorda-news.kz.</a> Адам әлемнің кез келген үлкен қаласына ұшақпен баратындай күнге жетті. Қажетіңізге қарай пойыз не көлікпен баруға да мүмкіндік бар. Дегенмен әлемнің бір-біріне “жақындай” түскеніне қарамастан, әлі күнге дейін&nbsp;өркениеттен алыс орналасқан, ол жерге бару қиынға соғатын, ұшақ ұшпай, кемені айлап күтетін аралдар бар екен.
Питкэрн, Ұлыбритания
<img src="https://kyzylorda-news.kz/wp-content/uploads/2019/12/7-aral-pitkjern.jpg" alt="" />
Бұл бір кішкентай аралдың тұрғындары – сонау 1790 жылы келген сауда кемесінде бүлік шығарғандардың ұрпағы. Сондай-ақ елуге жуық қана адам күн көретін аралда Таити аралынан келгендер де бар.
Тромелин,&nbsp;Франция
<img src="https://kyzylorda-news.kz/wp-content/uploads/2019/12/7-aral-tromjelin.jpg" alt="" />
Кіп-кішкентай арал Мадагаскардан 450 шақырым жерде орналасқан. Францияның иелігі саналатын арал мұхит деңгейінен 7 метрге ғана биік. Мұхит зерттеушілері ондаған жылдан кейін Тромелин аралының толықтай су басатынын болжап отыр.
Кокос аралдары,&nbsp;Аустралия
<img src="https://kyzylorda-news.kz/wp-content/uploads/2019/12/7-aral-kokos.jpg" alt="" />
Явадан – мың, ал Аустралия жағасынан екі мың шақырымда орналасқан аралдар тізбегі. Кокос атауын алған бұл мекен 27 маржан атоллдарынан тұрады. Аралдарды жалпы саны алты жүзге жуық адам мекендейді.&nbsp;
Әулие Георг аралы, АҚШ
<img src="https://kyzylorda-news.kz/wp-content/uploads/2019/12/7-aral-georg.jpg" alt="" />
Алеут қауымының ең көп шоғырланған аралы. Тек үндістер тұратын аралда итбалықтар мен теңіз құстары мекен етеді.&nbsp;
Бьорнёя (мағынасы – аю) аралы,&nbsp;Норвегия&nbsp;
<img src="https://kyzylorda-news.kz/wp-content/uploads/2019/12/7-aral-bornjoja.jpg" alt="" />
Свальбард&nbsp;біріне бірі жақын орналасқан аралдар тобының ең күрделісі. Нағыз Норвегия сұлуғының белгісі. 178 шаршы шақырым жерде 20&nbsp;ауа райын болжау станциясы бар.
Флореана,&nbsp;Эквадор
<img src="https://kyzylorda-news.kz/wp-content/uploads/2019/12/7-aral-floreana.jpg" alt="" />
Флореана –&nbsp;Галапагос&nbsp;аралдары аймағының ең үлкені. Эквадордан 100 шақырым жердегі аралда жүзге жуық адам ғана тұрады. Ал бүкіл аралда тек бір телефон станциясы мен бір ғана қонақ үй бар.
Маккуори,&nbsp;Аустралия&nbsp;
<img src="https://kyzylorda-news.kz/wp-content/uploads/2019/12/7-aral-makkwori.jpg" alt="" />
Маккуори&nbsp;– пингвиндер мекені. Жаңа Зеландия жағасынан есептегенде мың шақырым жердегі аралды&nbsp;пингвиндер көптеп мекен етеді. Сондай-ақ бұл жерде 50-ге тарта тұрғын бар.
<a href="https://massaget.kz/layfstayl/alemtanu/syrly-alem/60003/">Massaget.kz</a>

Жеткізбейтін 7 арал

<a href="https://kyzylorda-news.kz/">Kyzylorda-news.kz</a>. Естеріңізге сала кетейік, “ҰАТ” АҚ-мен міндетті техникалық байқаудың бірыңғай ақпараттық жүйесі бірнеше әлеуметтік ақпараттық жүйемен интеграцияланған.
Онлайн тексеруге арналған қосымша арқылы&nbsp;автокөліктің техникалық байқауын үйден шықпай тексеруге болады, &nbsp;деп хабарлайды&nbsp;<a href="https://www.baq.kz/">BAQ.KZ</a>.
Естеріңізге сала кетейік, “ҰАТ” АҚ-мен міндетті техникалық байқаудың бірыңғай ақпараттық жүйесі бірнеше әлеуметтік ақпараттық жүйемен интеграцияланған.
Жыл сайынғы техникалық байқаудан уақтылы өту қажеттілігі туралы ұмытатын адамдар үшін оның қолданылу мерзімін қарап шығудың және техникалық байқау нәтижелері туралы мәліметтерді қараудың қарапайым және ыңғайлы тәсілі әзірленді.
Бұл ретте:
1.Міндетті техникалық байқаудың аяқталу күнін egov.kz электрондық үкімет порталында көлік құралы иесінің жеке кабинетінде көруге болады;
2. Көлік құралын техникалық тексеруінің болуын SmartAstana қол жетімді қосымшасынан appstore және play маркет алаңдарында көруге болады;&nbsp; &nbsp;&nbsp;
3.Сондай-ақ, “ашық деректер” порталында data.gov.kz “АКҚ техникалық байқаудан өту нәтижелері туралы мәліметтер” бөлімінде көлік құралының техникалық байқауы туралы деректерді алуға болады.
Айта кетсек, 2012 жылы міндетті техникалық байқауды бәсекелестік ортаға берген сәттен бастап (міндетті техникалық байқауды ұйымдастыру және өткізу тәртібінің сақталуына мемлекеттік бақылауды жүзеге асыру Қазақстан Республикасы Индустрия және инфрақұрылымдық даму министрлігімен бекітілген), бүгінгі күнге дейін техникалық жай-күйі бойынша техникалық байқаудан өтпеген көлік құралдарының пайызы төмендейді (2012 жылдан бастап өтпеген көлік құралдарының пайызы 13%-ды, ал 2019 жылы – 5%-ды құрады).&nbsp;
Бүгінгі күні көлік құралдарын техникалық байқаудан өткізуді өз құрамында 1500-ден астам техникалық байқау орталығы бар 600-ден астам оператор жүзеге асырады.

Қазақстан және Қызылорда облысының жаңалықтары