<a href="https://kyzylorda-news.kz/">Kyzylorda-news.kz</a>. Синоптиктер дүйсенбі күні ауа райы қандай болатынын айтты, деп хабарлайды «Қазгидромет» РМК баспасөз қызметі.
2 наурызда Қазақстан территориясының басым бөлігі жоғары қысым аумағында болады. Осыған байланысты жауын-шашын жоқ, күн ашық болады. Тек солтүстік пен орталықта қар немесе жаңбыр жауады. Республиканың кей жерлерінде тұман түсіп, көктайғақ болады. Жел күшейіп, солтүстікте жаяу бұрқасын көтеріледі.
Ақмола, Солтүстік Қазақстан, Павлодар, Қостанай облыстарының кей жерлерінде тұман түседі, көктайғақ болып, жаяу бұрқасын соғады.
Қостанай, күндіз Солтүстік Қазақстан, Павлодар, Ақмола облыстарында жел қарқыны 15-20 м/с дейін күшейеді.
Қарағанды облысының кей жерлерінде тұман түсіп, көктайғақ болады. Жел жылдамдығы – 15-20 м/с.
Жамбыл, Қызылорда облыстарының кей жерлерінде тұман түседі. Жамбыл және күндіз Қызылорда облысында жел екпіні 15-20 м/с жетеді.
&nbsp;Алматы облысының Жалаңашкөл ауданында жел қарқыны 17-22, 25 м/с дейін күшейеді.
Түркістан, Атырау, түнде және таңертең Шығыс Қазақстан облысының кей жерлерінде тұман түседі.

2 наурызда Қазақстанның басым бөлігінде күн ашық болады

1992 жылы&nbsp;БҰҰ Бас Ассамблеясының 46-шы сессиясының пленарлық мәжілісінде Қазақстан Республикасы Біріккен Ұлттар Ұйымына мүшелікке кірді. Шешім дауысқа салынбай, бірауыздан мақұлдау негізінде қабылданды. Қазақстан Республикасы БҰҰ-ға мүшелікке қабылданғаннан кейін, бірден Тынық мұхиты және Азия аймақтары Экономикалық және Әлеуметтік Комиссиясының мүшелігіне өтті.
1992 жылы&nbsp;Алматыда Елбасы Нұрсұлтан Назарбаев Түркияның сыртқы істер министрі Хикмет Четин бастаған үкіметтік делегациясын қабылдады. Өзара мүдделі мәселелер бойынша ауқымды келіссөздер жүргізілді. Сол күні екі елдің сыртқы саяси ведомстволарының басшылары Дипломатиялық қарым-қатынастар орнатылғаны туралы хаттамаға және өзара теңдік негізінде екі елдің азаматтарын кіру-шығу визаларынан босату туралы Келісімге қол қойды.
1999 жылы&nbsp;Қазақстан Гидрометеорология қызметіне «Қазгидромет» республикалық мемлекеттік кәсіпорны (РМК) мәртебесі берілді.
1922 жылдың қаңтарында негізі қаланған «Қазгидромет» 190 елдің қызметтерімен бірге Бүкіләлемдік метеорология ұйымының құрамына кіреді.
2010 жылы&nbsp;Қазақстан Республикасының Ұлттық банкі номиналы 100 теңгелік «Барыс» монетасын айналымға шығарды. Монетаның бет жағының орталық бөлігіндегі ою-өрнектің аясында Қазақстанның елтаңбасы бейнеленген. Төменгі бөлігінде «100 ТЕҢГЕ» деген жазумен оның номиналы басылған. Сондай-ақ оның сол жағында Қазақстан теңге сарайының тауар белгісі және монета дайындалған металдың сынамын білдіретін (Ag 925) белгі жазылған, ал оң жағында оның салмағын айқындайтын (31,1 gr) белгі басылған. Мұнымен қоса монетаның сыртқы бетінде тау шатқалының бейнесінде екі барыстың суреті бейнеленіп отыр. Монета 925 сынамалы күмістен дайындалған. Диаметрі 38,67 мм, таралымы 7000 дана (3 мың данасы еліміздің ішкі нарығы үшін).

2 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 2 наурызға арналған жұлдыз-жорамалы.
Тоқты
Бүгін аздап қиындықтар туындайды. Айналаңыздағы адамдарға көп өкпелейсіз. Ештеңені елемеуге тырысыңыз. Өз көңіл-күйіңізді өзіңіз көтеріңіз.
Торпақ
Тұтынып жүрген азық-түліктеріңізге сақ болыңыз. Тек пайдалы тағамдарды тұтынғаныңыз дұрыс. Бүгін шаруаларды кейінге қалдырып, тынығып алыңыз.
Егіздер
Жұмыста да, достардың арасында да өзіңізді ақтап алуға тура келеді. Не болмаса мықты екендігіңізді дәлелдеп, тер төгіңіз.
Шаян
Бүгін сізді қызықты таныстықтар күтіп тұр. Бұл таныстық кейін достыққа ұласады. Сонымен қатар бүгін табиғат аясына шығып демалыңыз.
Арыстан
Бүгін көңіл-күйіңіз құбылмалы болады. Ашулы сәтте ешкіммен тілдеспегеніңіз жөн. Себебі жақындарыңызды ренжітіп алуыңыз мүмкін.
Бикеш
Бүгін сізді алдағысы келетіндер көп. Кенеттен пайда болатын мәселелерден бойды аулақ ұстаңыз. Өзіңізге көңіл бөліңіз.
Таразы
Бүгін денсаулығыңызды нығайтумен айналысыңыз. Спортпен шұғылданыңыз, суда жүзіңіз. Ал кешке отбасыңыздың жанында болыңыз.
Сарышаян
Күніңіз қызықты өтеді. Бастапқыда жұмысыңыз алға баспай қиналасыз. Соңынан көмектесетіндер табылып, ісіңіз оңға басады.
Мерген
Бүгін ақкөңіл, жайдары мінез танытыңыз. Ашуға берілмей, көңілді жүруге тырысыңыз. Сонымен қатар күнді отбасыңызбен бірге өткізгеніңіз жөн.
Тауешкі
Жұлдыздар жеке өміріңізге қатысты мәселелерді шешуде сақ болуды ескертеді. Қиын мәселелерден шығуға ішкі түйсігіңіз көмектеседі.
Суқұйғыш
Қарбалас күн. Бүгін өте шаршаңқысыз. Ескі танысыңызбен немесе балаларыңызбен әңгіме-дүкен құру сізге көмектесетін болады.
Балықтар
Бүгін айналаңыздағы адамдарға өзіңіздің жан-жақты танытатын күн. Көптен бері келіспей жүрген жандармен татуласуға тырысыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Құйрық майды қазақтың кең таралған меншікті дәстүрлі емі деседе болады. Адам туғанда құйрық маймен сыланып, отбасылы болғанда құйрық-бауыр асатып, қайтқанда қырық шырағы құйрық майға шыланып бір өмірді өткізеді.
Біз құйрық майдың емдік рөлін жиі айтқанымызбен қазіргі кездегі оған керағар пікірлерге ғылыми дәлел таппай қиналамыз, олар мал майының қандағы холестерин мөлшерін жоғарлатып, жүрек-қантамыр ауруларына ұшырататынын алға тартып жүр.
Алайда, қарапайым сұрақ, сіз өзіңіздегі артық қаражатыңызды қайда сақтайсыз?&nbsp;
Әрине, банкке, болмаса қиыншылық кезінде оңай алып шығатын орынға. Малда сол секілді артық, жақсы қор заттарын май ретінде сақтайды. Әсіресе семіздікті көтеретін момындар. Қазірге дейін қойдың құйрық майын және емдік рөлін зерттеп жүрген адамдар&nbsp;жоқтың қасы. Халқымыз көп нәрсені біліп, дұрыс қолданған. Құйрық майда солардың қатарында. Енді төменде құйрық май туралы бұрын ізденіп, артынан ізденіске мойын бұрмай кеткен жазбамнан қысқаша шолу жасайын.
Қойдың құйрық майының негізгі құрамы төмендегідей:
май қышқылдары – лавр қышқылы (0,20%), миристік қышқыл (3,92% – 3,67%), палмит қышқылы (31,49% – 24,77%). , палмитол қышқылы (3,14% – 3,01%), маргарин қышқылы (4,32%), стеарин қышқылы (30,02% – 16,51%), олеин қышқылы (44,43% – 28,37%). (Unsal and Aktas (2003) and Unsal and Yanlic (2005) еңбектерінде).
Көріп отырғаныңыздай, ең көп үлесті, әдетте, олеин қышқылы, стеарин қышқылы, палмит қышқылы ұстайды. Шоколадтың да негізгі құрамы – осы үш май қышқылы. Ал ол пайдалы тағам ретінде қарастырылған.
Олеин қышқылы – жүрек-қантамыр ауруларының алдын алады. Жоғары температураға төзімді, тағамды қосып пісіру кезінде тұрақты, адам денсаулығына зиянды май қышқылдарына ыдырамайды. Қазірге дейін денсаулыққа кері әсері анықталмаған.Ол зәйтун майында көп болады. Зәйтүн майы калориясы өте жоғары, бір қасығы 100-ге жуық калория беретін тағам.
Стеарин қышқылы –&nbsp;ең көп таралған май қышқылдарының бірі. Ол көптеген жануарлар мен өсімдік майларында глицерол эфирі. Стеарин қышқылы өсімдік майына қарағанда жануарлардың майларында (30% дейін) көп (әдетте &lt;5%). Басқа қаныққан май қышқылдарынан айырмашылығы –&nbsp;стеарин қышқылы ерлер мен әйелдердегі липопротеин холестериннің концентрациясына әсер етпейді. Көптеген зерттеулер оның ерлердегі тромбогендік және атерогендік қауіптің алдын алатынын көрсеткен. Стеарин қышқылы адам ағзасына биологиялық тұрғыдан улы емес.
Палмит қышқылы – бұл ағзаға зиянды және холестеринді жоғарылататын жалғыз қаныққан май қышқылы. Дегенмен қойдың құйрық майында басқа зиянсыз қаныққан май қышқылдардың жалпы мөлшерінен аз екендігін ескерсек, ол адам денесіндегі холестеринді жоғарлата алмайды. Көбінесе сабын, май шам, косметика т.б. өндірісте қолданылады.
Құйрық маймен неге денені сылайды?
Стеарин қышқылы теріні жұмсартып, ауа өткізгіштігін тездетсе, палмит қышқылы теріні қайта қалпына келтіріп, тез түлеуіне әсер етеді. Ал денеге сіңген олеин қышқылы жоғары қуат береді. Бала сылаумен, қар қылаумен осылай өседі.
Қойдың құйрық майындағы басқа пайдалы қасиеттері олардың жеген шөбі мен ішкен суына және нәсіліне байланысты. Пайдалысы жағынан&nbsp;отты жерде жайылған қазақтың қылшық жүнді қойы, Еділбай, Шу қой тұқымдары алда тұрады.
Шоколадтың орнына қойдың құйрық майын, зәйтүн майының орнына тамақ пісіріп жеуге әбден болады.
<a href="https://sn.kz/densaulyk/66088-biomeditsina-ku-iryk-maidyn-ne-kasieti-bar">Sn.kz</a>

Құйрық майдың не қасиеті бар?

<a href="https://kyzylorda-news.kz/">Kyzylorda-news.kz.</a> Миллиардерлер саны көп елдер аталды, – деп хабарлайды&nbsp;<a href="https://kaz.tengrinews.kz/kazakhstan_news/reseylk-milliarder-kazakstandagyi-auejaydyi-satyip-almak-305387/">Tengrinews.kz</a>.
Басылымның мәліметінше, миллиардерлер саны көп елдердің тізіміне Қытай көш бастап тұр.
Сондай-ақ, бұл тізімде Гонконг, Тайвань елдері бар. Онда миллиардерлердің саны 799 адамға жетіп, бір жылда 182 адамға көбейген. Ал АҚШ-та бір жылда миллиардерлер 59 адамға көбейіп, 626 адамға жеткен.
Hurun Report компаниясының сарапшысы әрі төрағасы Руперт Хугеверф Үндістанда 137 миллиардердің бар екенін айтады.

Миллиардерлер саны көп елдерді белесіз бе?

<a href="https://kyzylorda-news.kz/">Kyzylorda-news.kz.</a> «Елу жылда ел жаңа, жүз ­жылда қазанды» мен айтпасам да сүйегіме сіңісті Атасөз. Абайдан бері қазақ қауымы (қоғамы деңіз) үш жаңаның басын қайырып, бір қазанды қылғытып, екіншісіне аяқ басқалы қашан. Бүкіл адамзаттың ұлы ақыны аңсағандай не өзгерді? Уақыт сынаптай асау мінез танытып, сырғып өтіп жатыр. Парақорлық пен жемқорлық асқынды. Дүниеқоңыздық пен ашкөздік жайлады. Көптеген ұлттық құндылықтар көз жаздырды. Жуан жіңішкерді, жіңішке үзілді. Жер шұрық-тесік болып саудаға салынды. Өркениет өңмеңдеп, жаhандану жағаға жармасты.
Сол қазақ әлі өмір көшін түзете алмай салпақтап, сүйретіліп келеді. Келешектен үміт үзгісі келмейді. Көкейкесті мәселе азаюдың орнына, көбейіп бара жат­қандай. Енді бұлардың бәрін қайтіп жуып-шая аламыз?! Барған сайын адам да, заман мен заң да бұзылып барады. Соның бәріне тосқауыл қойылатын шығар деген сенім мол. 
Президент Қасым-Жомарт Кемелұлы Тоқаев қазір қоғамда қызу талқыланып жатқан «Абай және XXI ғасырдағы Қазақстан» атты бағдарламалық-бағдаршамдық мақаласын көпшілікке ұсынды: ­«…­Абай мұрасының тигізер пайдасы зор деп есептеймін. Ұлы ақынның шығармалары бүгін де өзектілігін жоғалтқан жоқ. Абайдың ой-тұжырымдары баршамызға қашан да рухани азық бола алады» деп атап көрсетсе, тағы бір орайда: «Нағыз Абайды, шын Абайды тану үшін оның өлеңдері мен қара сөздерінде айтылған ой-тұжырымдардың мән-маңызы ашылуы керек» дейтін лебіз білдіреді. Иә, Абайды барынша жан-жақты білу, зерделеу, зерттеу менің, сенің және оның – бәріміздің де азаматтық парызымыз. Бізге Абай зәру емес. Оның бізге аса керек екенін уақыт дәлелдеп келеді. 
Абай қашан да Абай. Ол кешеден бүгінге, бүгіннен болашаққа батыл қарап тұр. Көзқарасы өткір. Өңменіңнен өтеді. Жасаураған ­жанарынан ой оты ұшқындайды. Біз пақырды аяп, мүсіркеп қарайтындай. Ол ақын емес, Жамбыл айтқандай, Пайғамбар!.. 
Кім тықақтап тіркеп, есептеп ­жатыр. Егер кейбір мағлұматтарға сенсек, соңғы ширек ғасырда елімізде докторлар мен кандидаттар саны екі есеге өсіпті. Оның елу екі пайызын нәзік жандылар құрайды. Мейлі ғой. Ешқандай қызғаныш жоқ. Сан сапаға айналып жатса, қанекей, бөркімізді аспанға атпаймыз ба? Бірақ, бұл жағымсыз құбылыстың, тұралап қалған қазақ ғылымына тигізетін теріс ықпалы алаңдатады. Соның аясындағы ­абайтану ғылымы да қара үзіп, одан онша алыстай қойған жоқ. Абайшылдар бұл тақырыпқа жапа-тармағай жабыла атсалысып, азды-көпті үлес қосып жатқанда, әсіресе, мұрағатшыл ­профессор Б.Нәсенов бұдан бірнеше жыл бұрын ашқан жаңалығын қайта жаңғыртып, ортаға салады: «Ұлы ақынымызға қатысты тосын ­деректер болды. Сол кезінде үлкен шу туғызып, кейін ­мойындалды (?). Оны мен Омбы архивінен ­таптым. Еңбектенген адам әйтеуір бір жаңалық табады. Мәселен, Абайдың 1843 жылы туғанын, бірнеше жыл би-болыс болып билік еткенін, үш әйелінен он сегіз баласы болғанын және алты жыл жабылған жаладан дертті болып, үйқамақта отырғанын таптым. Оны мен шығарғаным жоқ, архив құжаттары айтты. Ділдәнің азан шақырып қойған шын аты – Тілді екенін де таптым. Абайдың Санкт-Петербургтен арнайы ­Семейге келген архиереймен айтысы, оның осы сапары кезінде мұсылмандарды христиан дініне кіруге және Ресей империясының заңына бағынуға үгіттегендігін, оған Абайдың тойтарыс бергенін, құжаттар арқылы дәлелдеп бердім». Үлкен мерейтой келе жатқанда бұндай ауажайылушылыққа қалай жол беріледі?
Біз бұл бағыттағы ақжолтай хабарға сүйіншілеп қуанатынымыз аз әлі. Озық зерттеушілер тобына нағыз абайтанушы келгенін неге құттықтамаймыз. Ғалым Тұрсын Жұртбаевтың ізденістері жемісті. Салада біраздан бері бұндай жанашыр дауыс естілген жоқ. Ол да хәкім Абайдың (Ибраhимнің) туған күні даулы болып, 15 маусым, 23,29 шілде, 8,10,15,23 тамыз көрсетіліп, ақыры 1940 жылы Мұхтар Әуезов, Әрхам Ысқақов, Қайым Мұхамедханов үшеуінің бір уағдаға тоқтап, абыз ақынның зиратының басына дүниеге келген күнін 10 тамыз, 1845 жыл, бақиға аттанғаны 23 маусым, 1904 жыл деп тасқа қашалып қойылғанын жазады. Түрлі деңгейдегі комиссия да уәжге тоқтап, соны нысанаға алғанына шүкір! Санамаласақ, бұл жолда ақаулар мен матаулар көп.
Онсыз да абайтану ғылымы ұзақ ауыр өткелектерден өтті. Бүйректен сирақ шығара беруге болмайды. Зерттеушілердің бір парасы айтып жүргендей, оны үшке емес, абайтану академик М.Әуезовке дейін және одан кейін деп, екіге бөліп қарастырған қажет сықылды көрінеді. Сұрқылтайлар мен құрқылтайлар мейлінше көбейген заманда кім не демейді? 1928 жылы «Құс жолы» жорналы айтаққа ілесіп: «Мазмұны жағынан бізге Абайдың пайдасынан зияны көп» деп байбалам салып, топырақ шашты. Іле-шала және біреу шаптықты: «Абайды қазақ қоғамына танытуға болмайды, ол кертартпа, көзқарасы дұрыс емес, Абайизммен бүкіл Қазақстанның барлық ұйымдары күресуі керек» (І.Қабылов). Өзін аса ақиқатшыл санайтын «Азаттық» радиосы да бәйгеге қатысып үн қосып қалды: «1930 жылдың ­басында ­саяси сылтаумен Мұхтар Әуезов екі жарым жыл түрмеге қамалып босағаннан кейін, үш жылдық ­шартты жазамен тұрып жатты. Алайда жалпы қазақ зиялы қауымына, санаткерлер мен жазушыларға қарсы қуғын-сүргін үлкен қызыл қырғын жылдарында жүзеге асты». Соларға қарамастан кеңес түрмесінде екі ­жарым жыл отырып шыққан М.Әуезов шайлық­пай да қаймықпай 1933 жылы А.Құнан­байұлының екі томдығына ұйытқы болып жарыққа шығарды. «Абайдың өмірін, дәуірін зерттеп жүріп, адамзат тарихында бұрын-соңды болмаған бұл жойдасыз оқиғаға үн қосып қалды: кейде кемшілікті қате пікірлері болса да, негізінде, Абайды тану ғылымында елеулі еңбек еткен адамдар: Сәбит Мұқанов, Мұхтар Әуезов, Қажым Жұмалиев, Есмағамбет Ысмайылов, ­Бейсенбай Кенжебаев, Белгібай ­Шалабаев сияқты, тағы бірталай әдебиет ­тарихшылары мен жазушылар» деп жазды академик жүрексінбей, өзін де ұмытпай.
Абайға апаратын жолды қиын­датып, енді кінәрат ақауды айнала­сындағылардан іздей бастағандай. Көп оқырманның ортақ ойы бұрыннан қалыптасқаны аян. Ол Әбдірахман (Әбіш) жиені Әбсеметтің үйінде қайтыс болып, күз қарбаласында жол қиындығы ескеріліп, денесі ­Алатау баурайына аманатқа қойылып, жазғытұрым жер дегдігенде Шаhкәрім мен Мағауия келіп алып кеткені белгілі. Сүйікті баласының қазасына хәкім Абай үміт пен күдікке толы оннан астам өлең жазды. Енді соның бәрін күстәналап, «Абай анықтамалығы» («Атамұра» 1995 ж.) бұған былай баға беріпті: «(Ділдәдан туған ұл Әбіш (Әбдірахман) – А.Н.) 1895 жылы 15 қарашада Ташкентте қайтыс болды да, сүйегі әкелініп, Ақмолаға жерленді». Сонда қайсысына сенеміз? Алматыда ма, жоқ, Ташкентте ме? 
Алашорда арыстарының хаттасулары, абайтанушылар еңбегі мен көзкөрген замандастарының естеліктері бойынша немере інісі Шаhкәрім (Шәкәрім емес) ­баласы Турағұл (Тұрағыл емес) ­болып әліптелген. Қазақ БАҚ-тары ерегіскендей, неге қайта-қайта Шәкәрім, Тұрағыл деп жазады? Олар­дың азан шақырып қойған есім­дерімен атауға жоғарыдан нұсқау керек пе? Түзетуге әлі де кеш емес. Тұтас тұлғаны бүйтіп бұтарлап қарастырып қорлауға болмайды. 
Қайда болса да Абайдың орны ойсырап тұрады. Жетісуға келіп, Сұлутөрде болған ба, қауесет пе бұл? 1968 жылы Е.Байболов «Абай Жетісуға келген бе?» атты мақала жариялады («Жұлдыз», №3). Неге екені белгісіз, бұдан он жыл бұрын М.О.Әуезовпен бірігіп Мәскеуде кітап шығарған Тәкен Әлімқұлов үлкен мазмұнды монографияға лайық «Жұмбақ жанда» оған тоқталады да төте сұрақты айналып өткендей. Араға жарты ғасыр өткенде Ж.Қарабасов бұл мәселеге қайта оралып, құмарлық дертін басып, Ноғайбай ­Дәулетбақұлы ­(1834-­1910 жж.) шешенмен Абайды күштеп кездестіреді. Оның ойынша бұл оқиға 1889-1893 жылдар аралығында өткен сияқты. Жазбагер анау айтып еді, мынау айтып еді дегеннен басқа ешқандай дәйек пен дәлел ұсына алмайды. Шығарып салушылар қолпаштап Құнанбайға сәлем айтып жатады. Ау, ол кезде (1885 ж.) ­Меккеге барып, зиярат етушілерге тақия салдырып, қажы болып қайтқан Құнанбай әлдеқашан дүниеден қайтқан жоқ па? Уақыт үйлеспейді. Осы бағытпен кете берсек жақсы басталған іс-шараның науқанға айналып кетуі де мүмкін. Ығыты келген соң айта кетейін, ғасыр соңына қарай, Өскенбаевтар әулетінің үстіне төнген қара бұлт үйіріліп қоюлана түсті. Жуантаяқтардың жалдамалылары абыз ақынды соққыға жықты. «Сенатқа хат» жазылды, жалған жаламен Абай мырзақа­маққа оқшауланды, 1903 жылы Көкшетаудағы Науан (Наурызбай, Науқанбай) Таласовтың ­(1843-1916 жж.)­ ­нұсқауымен Ш.Қосшығұлов жолдаған тілдей хат ізімен жандармерия Абай үйін астаң-кестеңін шығарып тінту жүргізді. «Байтал түгіл, бас қайғы» болып кетпей ме? Қалай болғанда да дүдәмал ­жорамалды малдану жақсылыққа апармайды. Сол «бүлікшіл» хаттың соңына түсіп, тексеру кезінде толтырылған хаттамада Абайдың маңдайына «мың жылқы, екі мың қой біткені» көрсетілген. Демек, олар не кием, не ішем демеген тәрізді. Бірақ, бәрін білген Абай өз шығармаларын жарыққа шығаруға неге асықпады? Таңғалдырады. 
1909 жылы Мүрсейіт Бікіұлы еңбегі арқылы Омбы мен Қазанда жолы болмаған А.Құнанбайұлының кітабын Алашорда серкесі ­Ә.Бөкей­хан­ның қолғабыс көме­гімен Кәкітай Ысқақұлы Санкт-Петербургте жарыққа шығарды. Қа­зақтың Бас ақыны сөйтіп туған халқымен қауышты. Алғаш.
Абайтануға ғажап ғұмырының біразын сарп еткен М.О.Әуезов Абай туындыларын Мүрсейіт қолжазбасы негізінде жинақ шығаруды үлгермей армандап өтті. Бәлкім, осы мерейтой үстінде ол жүзеге асып қалар. Бұны бір орайда Турағұлдың қызы Ақила айтып қалады: «…Кеңес дәуірінде Абай жинақтары аз басылған жоқ, таралымы да мол болды. Енді Мүрсейіттің қолжазбасы бойынша Абайдың жеке, арнайы басылымын даярлап, кітап бастырып шығарса дұрыс болар еді. Мүрсейіт еңбегі ­сонда жарқырап шығар еді».
Бұл нұсқаның да тағдыры оңай болмағаны анық, көрмеген құқайы жоқ. 
«Қай жылы екенін тап басып айта алмаймын. Сол кезде, Мұхтардың арнайы тапсырмасымен әкеммен жерлес, ескі замандас, руы көтібақ ­Са­рымырзаның Ғайсасы келіп, Мүрсейіт қолжазбасына сұрау салған» дейді Мүсекеңнің немересі Мүфтибек.
«Әкем Шолпандағы шешесінің қабірінің бас жағын қазғанда, еш жері бұзылмай сақталған атам­ның қолжазбасын Ғайса арқылы ­Алма­тыдағы Мұхтарға жөнелтіпті». Алды-артын ойлайтын, оны көз қарашығындай сақтап жеткізген жерлестері қисық атаған Рақымбайға рақмет. Болашаққа қандай баға жетпес құндылықты қалдырды. Ғаламат!.. Абай күрделі әлем! Сол арқылы қазақ жүрегінің лүпілі дүниежүзіне естілсе екен. Иншалла!..
Абай кімнің болса да көкірек көзін ашып, санасына сәуле түсіреді. Мәскеудегі студент жылдарым еске түседі. Тәуекел етіп, орыс тілінде тұңғыш «Абай ерлігін» жазып, көп ұзамай одақта ­тарайтын «Огонек» ­жорналында жарияланды. Қатысу мен жазу белсенділігі арқасында басылымның лауреаты атанған болатынбыз. Кейінірек ол туралы алты-жеті ойтолғау жарыққа шықты. Алда Абайдың асқар шыңы шақырып тұр.
Аян-Сейітхан НЫСАНАЛИН,
Ақын
<a href="http://anatili.kazgazeta.kz/?p=56352">«Ана тілі»</a> газеті
<img src="https://kyzylorda-news.kz/wp-content/uploads/2020/02/1abaitanu2.jpg" alt="" />
<img src="https://kyzylorda-news.kz/wp-content/uploads/2020/02/1abaitanu3.jpg" alt="" />

Абайтану неге ала-құла?

<a href="https://kyzylorda-news.kz/">Kyzylorda-news.kz.</a> WhatsApp әлемдегі ең танымал қосымша атағынан айырылды. Қазір TikTok әлеуметтік желісі бірінші орынға шықты, деп хабарлайды&nbsp;<a href="https://kaz.tengrinews.kz/internet/whatsapp-tan-da-tanyimal-kosyimsha-ataldyi-305627/">Tengrinews.kz</a>.&nbsp;
SensorTower сараптамалық компаниясының зерттеуі бойынша, қаңтарда TikTok пен оның қытайлық нұсқасы Douyin 104 миллион рет жүктелген. Қосымша жарыққа шыққалы оған 1,82 миллиард қолданушы тіркелген.&nbsp;
Қосымшаны көбіне Үндістан, Қытай, Бразилия мен АҚШ тұрғындары қолданады.&nbsp;
TikTok – қытайлық ByteDance компаниясы жасаған платформа. Әлеуметтік желіде қысқа видеоларды бөлісуге болады.

WhatsApp-тан да танымал қосымша аталды

<a href="https://kyzylorda-news.kz/">Kyzylorda-news.kz.</a> АҚШ-тың санитарлық билігі коронавирустың өмір сүру ортасына байланысты әртүрлі талдау жүргізуде, деп хабарлайды <a href="https://24.kz/kz/zha-aly-tar/bylu-manyzdy/item/377279-koronavirus-infektsiyasy-andaj-zattarda-za-sa-talyp-t-rady">«Хабар 24»</a>.
<blockquote>
 «Вирус мыс пен болат заттардың бетінде шамамен екі сағат бойы өмір сүреді. Ал қағаз бетінде немесе пластикте ұзаққа уақыт бойы сақталады. Қазіргі уақытта соны зерттеп жатырмыз», – деді Редфилд.
</blockquote>
Сондай-ақ орталық директорының айтуынша, Diamond Princess круиздік кемесінде коронавирустың өршуіне вирустың ауа тамшылары арқылы емес, заттар арқылы жұғуы себеп болуы мүмкін.

Коронавирус инфекциясы қандай заттарда ұзақ сақталып тұрады?

<a href="https://kyzylorda-news.kz/">Kyzylorda-news.kz.</a> Әйелдер үшін ас үй бөлмесі – ең көп уақыт өткізетін мекен. Жақындарымызға дәмді тағам жасау үшін және уақытты тиімді пайдалану үшін ас үй құпияларын біліп алу артықтық етпейді.
1. Сарымсақты жылдам тазарту
Сарымсақты, әсіресе, оның ұсақ түрлерін тазарту – жағымсыз процесс. Себебі сарымсақтың қабығы оның өзіне де, қолға да шырыштанып жабыса береді. Сарымсақтарды тез тазарту үшін оларды әйнек құтыға салыңыз да, оны қақпақпен немесе алақаныңызбен жабыңыз. Содан соң оны қатты шайқаңыз. Бұл әдіс арқылы сарымсақ қабықтарының көп бөлігінен бірнеше минут ішінде арылуға болады.
2. Сорпаны тасытпау
<img src="https://kyzylorda-news.kz/wp-content/uploads/2020/02/1askhana1.jpg" alt="" />
Бұл әр ас үй ханшайымына міндетті түрде керек болатын пайдалы кеңес. Әдетте, сорпа бір қайнап кеткенше оны үнемі бақылап, айналасында жүреміз. Аз уақытқа ас үйден шығып кетсеңіз болғаны, сорпа, ботқа немесе сүт бірден қайнап, тасып кетеді. Мұндай жағдай орын алмас үшін кәстрөлдің қақпағын жаппай, оның үстіне ағаш қасықты көлденеңінен қойып қойыңыз.
3. Сорпаның тұзын азайту
Сорпаны немесе борщты байқамай қатты тұздап жіберсеңіз, уайымдамаңыз, бұл жағдайдан шығудың жолы бар. Кішкене дәке бөлігін алыңыз да оған кез келген жарманы салыңыз. Дәкені буып, тұзы көп тамағы бар кәстрөлге салыңыз. Арасында сорпаның тұзға дәмін көріп тұрыңыз. Соңынан жармасы бар дәкені алып тастайсыз. Жарма артық тұзды өзіне сіңіріп алатын қасиетке ие.
4. Тамақты дәмді етіп қуыру
Етті немесе көкөністерді қуыру кезінде ол дәмді әрі шырынды болып шығуы үшін оған ең басында 1 шай қасық қант салып жіберу жеткілікті. Ол көкөністердің дәмін одан әрі күшейтеді.
5. Аппақ күріш пісіру
Суға күрішті қайнатқан кезде ол аппақ болып шыққанын қаласаңыз, оны дайындау кезінде оған бірнеше тамшы сірке суын құйыңыз.
6. Мөлдір мұз қатыру
Мұз текшелері таза әрі мөлдір көрінуі үшін оны қатырар алдында тек қайнаған су қолданыңыз. Суды бірнеше рет қайтара қайнатуға да болады.
7. Лимон суын жылдам сығу
Лимоннның немесе басқа да цитрусты жемістің суын шығару оңай болуы үшін оны алдымен үстелдің үстімен алақанмен қатты басып айналдырып алыңыз.
8. Зімбір тамырын тазарту
Зімбір тамырын пышақпен тазарту қиындық тудырса, оны қасықпен тазартыңыз. Ол үшін оны қасықпен қырып шығасыз.
9. Балмұздақтың жұмсақ күйін сақтау
<img src="https://kyzylorda-news.kz/wp-content/uploads/2020/02/1askhana2.jpg" alt="" />
Балмұздақты мұздатқышта сақтаған кезде ол тастай болып қатып қалады. Оның кішкене бөлігін кесіп алу үшін бүтін балмұздақты мұздатқыштан біраз уақытқа шығарып қою керек болады. Балмұздақ мұздартқышта да табиғи жұмсақ күйінде тұруы үшін оны полиэтилен пакетке салып сақтаңыз. Сондай-ақ бұлай ол дәмдік қасиетін де жақсы сақтайды.
10. Жұмыртқаны кесу
Жұмыртқаны оның сарысының бүтіндігін сақтап, әдемі етіп кесу үшін пышақ жүзін суық суға сулап алыңыз.
11. Брокколидің қанық түсін сақтау
Әдетте, брокколиді суға қайнатқан кезде оның әдемі түсі жоғалып, аздап ағарып кетеді. Оның қанық жасыл түсін сақтау үшін брокколиді суға қайнатқан соң салқын суға бір шайып алыңыз.
12. Нанды үгітпей турау
Үгілмелі нанды еш қиындықсыз турау үшін пышақ жүзін жылы суға сулап алыңыз. Сол кезде нан тілімдері тегіс әрі бүтін болады.
13. Шоколад глазурьді жылтырату
Торттағы глазурьге ыстық суға малынған силиконды қалақша арқылы тегіс жылтыр түр беруге болады.
14. Тұздың орнына лимон суын қолдану
Тамаққа қосатын тұз мөлшерін азайтқыңыз келсе, лимон суын қолданыңыз. Мысалы, көкөністі салаттарға тұздың орнына бірнеше тамшы лимон суын тамызыңыз. Оған қоса, лимон суы тамақ дәмін күшейтеді.
15. Бұқтырылған көкөністерді шырынды ету
Бұқтырылған көкөністер шырынды болып шығу үшін оларды бұқтырмас бұрын бірнеше минут суға қайнатып алған жөн.
16. Кілегей майын жұмсарту
Егер кенеттен жұмсақ кілегей майы керек болып, бірақ қол астында жаңа мұздатқыштан шыққан май ғана болса, оны жұмсартудың бір әдісін ұсынамыз: әйнек кесе немесе бокалды ыстық емес, жылы судың астында біраз ұстаңыз, содан соң онымен май бөлігін жауып қойыңыз.
17. Дәмдеуіштердің хош иісін күшейту
Кепкен дәмдеуіштердің хош иісін арттыру үшін оларды тамақ пісірердің алдында жылы табаға бірнеше секундқа қыздырып алу керек.
18. Черри қызанағын кесу
Бірден бірнеше черри қызанағын кесу керек болса, диаметрлері бірдей екі пластик қақпақ немесе бірдей екі тәрелке алыңыз. Оның біреуіне черри қызанақтарын қойып, бетін келесі ыдыспен жабыңыз. Ыдыстың үстінен қолыңызбен ұстап тұрып, ұзын өткір пышақпен жүріп өтіңіз.
19. Печеньенің жұмсақтығын сақтау
Егер печеньенің жұмсақтығын ұзағырақ сақтағыңыз келсе, оны алма бөліктерімен бірге ұстаңыз. Ыңғайлы болу үшін печеньені контейнерге салып, оның қасына алманың шағын бөлігін салып қоюға болады.
20. Жұмыртқа қабығын алу
<img src="https://kyzylorda-news.kz/wp-content/uploads/2020/02/1askhana3.jpg" alt="" />
Омлет дайындағанда немесе жұмыртқа қуырғанда оның қабығының кішкентай бөлігі табаға түсіп кетсе, оны алу үшін саусағыңызды сулаңыз. Сол кезде жұмыртқаның қабығы су қолға өзі жабысады.
<a href="https://massaget.kz/kyizdarga/kulinariya/61029/">Massaget.kz</a>

Ас үй ханшайымдары біллуі керек кеңестер

<a href="https://kyzylorda-news.kz/">Kyzylorda-news.kz.</a> Қазақстанда Наурыз мейрамында жұмысшыларға сыйлықақы беріп, көктемгі күн мен түннің теңелуіне арналған мерекелік кештер ұйымдастыру&nbsp;ұсынылды, деп хабарлайды&nbsp;<a href="https://stan.kz/nauriz-meyraminda-kazakstandiktardi-marapattau-ysinildi-327811/">Stan.kz</a>.
Бұл туралы “Рухани жаңғыру”&nbsp;қазақстандық әлеуметтік даму институты ақпарат және қоғамдық даму министрлігінің қолдауымен ұсынған “Наурыз шапағаты” тұжырымдамасында айтылған.
Наурыз мейрамында корпоративті іс-шаралар өткізіліп, ұжымдық сыйлықтар таратылып, сауда орталықтары жобаның ұсынысында&nbsp;көрсетілгендей жеңілдік күндерін ұйымдастыра алады.
<blockquote>
 “Мұның бәрі кеңес беру болып табылады. Рождество немесе Қытай жаңа жылының қалай атап өтілетінін білесіздер. Коммерциялық ұйымдар маркетингтік қадам жасап, сатылымды көбейту үшін сатып алушыларды үлкен жеңілдіктермен тартады. Егер біздің коммерциялық құрылымдар осылай жасаса, пайдалы болар еді. Қайталап айтамын,&nbsp;бұл міндетті нәрсе&nbsp;емес”, – деп түсіндірді ақпарат және қоғамдық даму вице-министрі Ғабидолла Оспанқұлов.
</blockquote>
“Рухани Жангыру”&nbsp;орталығының жетекшісі Жанар Буканова Наурыз мейрамы кезінде ұлттық дәстүрлі киімдерді кию ұсынылғанын айтты.&nbsp;
<blockquote>
 “Қазақстандық дизайнерлердің неофолк стиліндегі киімдері батыста кеңінен танымал. Мұндай киім сатып алып, күнделікті өмірде қолдануға болады”, – деді Бұқанова.
</blockquote>

Наурыз мейрамында қазақстандықтарға сыйлықақы беру ұсынылды

<a href="https://kyzylorda-news.kz/">Kyzylorda-news.kz.</a> Халқымыз наурыз айын жылдың басы, жылбасы деп атайды. Жаңа жылды дәл осы айдан бастайды. Мұның сыры да аз емес.
Көк пен жерді, жұлдыз бен аспанды бақылаған көшпенді жұрт табиғат өзгерісі мен аспан өзгерісі арасында сәйкестікті жіті зерттеп, оны шаруашылық пен тұрмыс-тіршілікке қолданғаны белгілі. Халық мұндай мамандарды есепшілер деп атаған. Есепшілердің ілімі бүкіл халыққа қолжетімді болған. Яғни, есепшінің білетін ілімін қарапайым халық та біліп, түсініп, ұғынып отырған.
Сондықтан табиғи өзгерісті бір адамдай түсініп, соған қарай әрекет еткен.
Наурыз неге жыл басы?
Өйткені дәл осы наурыз айында табиғатта сирек кездесетін құбылыс – күн мен түннің теңелуі болады. Нақтырақ айтсақ, аспан әлемінде Үркер, Сүмбіле, Үшарқар-Таразы сынды ірі үш жұлдыз бір түзудің бойында келіп, тізіле орналасады. Мұны халық күн мен түннің теңелуі дейді. Бұдан кейін үш шоқжұлдыз да көзге көрінбей кетеді. Міне, бұл көктем мен жаздың басталғанын білдіреді. Кейін жаз біте бастағанда Таразы, кейін Сүмбіле, қыс келгенін білдіретін Үркер туады.
<img src="https://kyzylorda-news.kz/wp-content/uploads/2020/02/1kubylystar1.jpg" alt="" />
Күн мен түннің теңелуі – Наурыз мейрамындағы орталық ұғым. Шаруа бағып ұзақты күнді далала өткізетін, малшы, егінші қауым күннің қаншалықты ұзарғанын, түннің сонгалықты қысқарғанын шамалап біліп отыратын шоқы, төбе, адыр, өзен , бұлақ т.б. табиғи белгілері болады.
Бірақ күн мен түн теңелді екен деп халық өткінші амалға алданып қалмайды. Үркер, Үшарқар-Таразы, Сұлу сары жұлдыздарына қарай отырып, олардың көкжиекке жақындау шамасын межешеп, жаздың шығуына қанша күн қалғанын есептейді. Содан кейін ғана шаруашылыққа кіріседі.
Есепшілер күн мен түннің теңелгенін жан-жануарлардың мінез-құлқына қарап та ажырататын болған. Мәселен, батыс қазақтары наурыздың 14-сі күні сарышұнақ інін шыққанын күтіп, бақылау жасайды. Егер сарышұнақ інінен ұзамай, маңайында жүрсе, демек, күн әлі суық болады деген сөз. Ал егер інінен ұзақтау кетсе, онда күн жылынады деп болжаған. Тасбақа ішінен шыққанда, ауызына шөп тістеп шықса, онда күн мен түн теңелді әрі күн жылынады деген. Бұл шөпті халық мәриям шөп деп атап кеткен.
Күн мен түннің теңелгенін төрт түлік сезеді. Мұны әз жүру дейді. Яғни, отардағы қой күннің жылынатынын біліп марқаюы. Отардағы қошқар тұмсығын көкке көтереді.
Батыс қазақтарында наурыздың келе жатқанын белгілейтін 14 наурызда өтетін Көрісу мейрамы бар. Бұл күні ауыл адамдары бір-бірімен ашық-жарқын, емен-жарқын амандасып, төс қағыстырып құрмет көрсетеді. Бұл – бір-бірімізге деген өкпе-реніш қыстың суығымен бірге кетсін деген ниет.
Ұзанған күннің көзі, түн қараңғысының қысқарып, орнын жарыққа беруі, жер бетінің жылып, көктің қаулап шығуы жасарудың, жаңғырудың белгісіндей көрінеді. Жер мұздың, қардың құрсауынан арылып бусанады. Жер дүниені елжірететін де, бусандыратын да тіке түскен күн сәулесі. Күннің қызуы өтіп бара жатқан шақта көктің жүзін сары бауыр, қара барқын бұлт басып найзағай онйап, күн күркіреп жаңбыр төгеді.
Наурызда жауып жатқан қар үстіне құмалақ шашу арқылы көктемнің ерте, не кеш шығатынын болжап білуге болады: егер құмалақ қар үстіне кідіріп қалса, көктем қырық күн кеш туады. 
<a href="https://massaget.kz/mangilik_el/shanyirak/salt-dastur/61037/">Massaget.kz</a>

Наурызда қандай табиғи құбылыстар болады?

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Алғыс айту күнімен құттықтауы
Құрметті қазақстандықтар!
Баршаңызды Алғыс айту күнімен шын жүректен құттықтаймын!
Елбасы белгілеген бұл мейрам – өзара құрмет пен сенімнің, мейірім мен ізгіліктің мерекесі.
Қазақ жұрты қиын-қыстау кезеңде амалсыз қоныс аударған миллиондаған адамның құтты мекеніне айналды. Олардың өздері де, ұрпақтары да жерімізден пана тауып, өсіп-өніп, Қазақстанның дамуына зор үлес қосты.
Бұл күні біз елді өркендететін тату тіршілік пен жарасымды сыйластық жолындағы ниетіміздің тоғысқаны үшін бір-бірімізге алғыс айтамыз.
Тәуелсіздік кезеңіндегі табыстарға береке-бірліктің арқасында ғана қол жеткіздік. Бұл – егемен еліміздің баға жетпес байлығы. &nbsp;&nbsp;&nbsp;&nbsp;
Сондықтан бұл қастерлі құндылықтар әрдайым айнымас темірқазығымыз болып қала береді. Ішкі саяси тұрақтылық – әрбір қазақстандықтың зор жауапкершілік пен белсенділік танытуының нәтижесі.
Еліміздің барлық азаматтарына Қазақстанды дамытуға қосқан өлшеусіз үлесі үшін шынайы ризашылығымды білдіремін.
Әр отбасына амандық пен игілік тілеймін!

Қазақстан және Қызылорда облысының жаңалықтары