<a href="https://kyzylorda-news.kz/">Kyzylorda-news.kz.</a> Қармақшы аудандық қоғамдық кеңесінің кезекті отырысында мемлекеттік көрсетілетін қызметтердің мәселесі талқыланды.
Қоғамдық кеңес отырысына ҚР Мемлекеттік қызмет істері агенттігінің Қызылорда облысы бойынша департаментінің қызметкерлері, Қармақшы ауданы әкімінің орынбасарлары, аудандағы мемлекеттік қызметтер көрсететін мекеме басшылары, үкіметтік емес ұйымдар жетекшілері, БАҚ өкілдері қатысты.
Қоғамдық кеңесте ҚР МҚІА Қызылорда облысы бойынша департаментінің басқарма басшысы Ғалымжан Ілкібаев аудандағы мемлекеттік қызметтерді көрсету сапасына және қолжетімділігіне жүргізілген мониторинг жұмыстарының қорытындысын баяндады.
<blockquote>
 “Қармақшы ауданында электронды қызметтерді көрсету үлесі 93,5 пайызды құрап отыр. Яғни, бұл бағыттағы жұмыстардың өз деңгейінде жүргізіліп жатқаны байқалады.
 Алайда, мемлекеттік көрсетілетін қызметтер саласындағы заңнама талаптарының сақталуы бойынша бақылау іс-шараларының қорытындыларымен 2018 жылы 40 бұзушылық анықталса, 2019 жылы 6506 бұзушылық анықталған. Бұл бұзушылықтар Қармақшы аудандық сәулет, құрылыс және қала құрылысы бөлімінде және аудандық жұмыспен қамту орталығында орын алған”, – деді Ғ.Ілкібаев.
</blockquote>
Өз кезегінде ҚР МҚІА Қызылорда облысы бойынша департаментінің басшысы, Әдеп жөніндегі кеңес төрағасы Нұрман Талқанбаев орын алған бұзушылықтарды алдағы уақытта болдырмау мақсатында тиісті шешімдер қабылдап, электронды форматта қызмет алуды насихаттау шараларын күшейту керектігін айтты.
<blockquote>
 “Қазақстан Республикасының Тұңғыш Президенті – Елбасы Н.Назарбаев өз Жолдауында 2019 жылы көрсетілетін мемлекеттік қызметтердің 80 пайызын, ал 2020 жылы кемінде 90 пайызын электронды форматқа көшіруді тапсырды.
 Қазіргі күні, азаматтардың үйден шықпай-ақ мемлекеттік қызметтерді алуына көп жағдай жасалған. Дегенмен, әлі де халыққа қызмет көрсету орталықтарының табалдырығын тоздырып, өзінің қымбат уақыты мен қаржысын шығындап жүргендер көп.
 Қармақшы ауданында да электрондық қызметтердің үлесін арттыру бойынша тиісті шараларды қабылдау қажет. Барлық мемлекеттік органдар мен мүдделі мекемелерді халыққа көрсетілетін қызметтердің жоғары сапасы мен қолжетімділігін қамтамасыз етуде бірлесіп жұмыс жасауға шақырамын”, – деді Н. Талқанбаев.
</blockquote>
Қоғамдық кеңес мүшелері мемлекеттік қызметтерді сапалы әрі мерзімінде көрсетіп, қағаз түрінде көрсетілетін қызметтердің үлесін азайту жұмыстарын тұрақты түрде бақылауларына алатын болды.
<img src="https://kyzylorda-news.kz/wp-content/uploads/2020/02/26karmkenes2.jpg" alt="" />

Қармақшыда қоғамдық кеңестің кезекті отырысы өтті

<a href="https://kyzylorda-news.kz/">Kyzylorda-news.kz.</a> Синоптиктер 26 ақпан күні ауа райы қандай болатынын айтты, деп хабарлайды Қазгидромет. &nbsp;
<blockquote>
 &nbsp;«Атмосфералық ағындардың өтуіне байланысты республиканың басым бөлігінде жауын-шашын, солтүстік, солтүстік-батыс, оңтүстік және орталықтың кей жерлерінде қатты жауын-шашын (жаңбыр, қар) жауады. Тек шығыс пен оңтүстік-шығыста жауын-шашынсыз ауа-райы күтіледі. Республиканың кей жерлерінде тұман, желдің күшеюі, көктайғақ, жаяу бұрқасын, күндіз оңтүстікте найзағай күтіледі», делінген болжамда.
</blockquote>
Қостанай облысының кей жерлерінде бұрқасын, тұман, көктайғақ күтіледі, жел түнде кей жерлерде 15-20 м/с, күндіз 15-20, екпіні 23-28 м/с күшейеді. Қызылорда облысының кей жерлерінде тұман күтіледі, жел түнде кей жерлерде 15-20 м/с, күндіз 15-20, екпіні 23-28 м/с күшейеді.
Түркістан облысында күндіз кей жерлерде найзағай күтіледі, басым бөлігінде жел 15-20, екпіні 23-28 м/с күшейеді.
Атырау облысының кей жерлерінде жаяу бұрқасын, көктайғақ күтіледі, жел түнде кей жерлерде, күндіз басым бөлігінде 15-20 м/с күшейеді.
Ақтөбе, Қарағанды, Павлодар, Ақмола облыстарының кей жерлерінде жаяу бұрқасын, тұман, көктайғақ күтіледі, Ақтөбе, Қарағанды, күндіз Павлодар, Ақмола облыстарында жел 15-20 м/с күшейеді.
&nbsp;Жамбыл, Шығыс Қазақстан, күндіз Солтүстік Қазақстан облыстарының кей жерлерінде жел 15-20 м/с күшейеді, Жамбыл, Солтүстік Қазақстан, түнде және таңертең Шығыс Қазақстан облыстарында тұман түсуі ықтимал.
Маңғыстау, күндіз Батыс Қазақстан облыстарының кей жерлерінде желдің күші 15-20 м/с жетеді, Батыс Қазақстан облысында – тұман, көктайғақ күтіледі.
Алматы облысында түнде кей жерлерде тұман күтіледі, күндіз Жалаңашкөл ауданында жел 18-23 м/с күшейеді.

Сәрсенбіде ауа райы қандай болады

1926 жылы&nbsp;Баку қаласында Бүкілодақтық түркология съезі өтті. Оған түркі халықтарының өкілдері, КСРО Ғылым академиясының, Шығыстану ғылыми қауымдастығының, Украина академиясының, Закавказье шығыстану қауымдастығының мамандары, шетелдік делегаттар, соның ішінде Түркия және Германиядан келген ғалымдар қатысты. Съезде Әзербайжанның латын графикасына көшу тәжірибесінің негізінде Одақтың басқа республикалары мен облыстарында тұратын халықтардың әліпбиін латын жазуына көшіру ұсынылды. Ол үшін жаңа түркі әліпбиінің Бүлкіодақтық орталық комитеті құрылатын болды. Осылайша, араб жазуын қолданып келген түркі халықтарының жазуын латын графикасына көшіру қозғалысы басталды. 
** 
1993 жылы**&nbsp;ел шекарасының бүтіндігін нақтылайтын «Қазақстан Республикасының мемлекеттің шекарасы туралы» Заң күшіне енді.
1998 жылы Қызылорда облыстық көші-қон және демография жөніндегі басқармасы құрылды. 
** 
1999 жылы**&nbsp;Қазақстан, Беларусь, Қырғызстан,Тәжікстан және Ресей Кедендік одақ және Бірыңғай экономикалық кеңістік туралы келісімге қол қойды.
2011 жылы&nbsp;ҚР Ұлттық банкі «Ұлы көшбасшылар» сериясымен 100 теңгелік «Тұмар» күміс монеталары мен «Жойылып бара жатқан жануарлар» сериясымен 100 теңгелік гауһар тастары бар «Қарақал» монеталарын шығарды.
2015 жылы&nbsp;Қазақстан Республикасы Конституциясының үстемдігін сақтауға, азаматтардың конституциялық құқықтарын қорғауға үлес қосқан ҚР және шетел азаматтарын ынталандыру мақсатында, сондай-ақ Қазақстан Республикасы Конституциясының 20 жылдығын тойлау аясында «Қазақстан Конституциясына 20 жыл» мерейтойлық медалі бекітілді.

26 ақпан: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 26 ақпанға арналған жұлдыз-жорамалы.
Тоқты
Бүгін жұмыс көп, сондықтан уақытты үнемдеуге, барлығына үлгеруге тырысыңыз. Басшылық сізге көп талап қояды. Сенімге селкеу түсірмеуге тырысыңыз.
Торпақ
Қызықты оқиғаларға толы күн. Қиын жұмыстарды өз мойныңызға алғаныңызбен, оларды орындауда ішкі түйсікке сүйенесіз. Барлығын оңай орындайсыз.
Егіздер
Жемісті күн. Қызықты кездесулер күтіп тұр. Көптен бері ойға оралып жүрген сауалдарға жауап табасыз. Барлығына уақыт табасыз.
Шаян
Бүгінгі күн жағымды жаңалықтарымен, жаңа мүмкіндіктерімен қуантатын болады. Ең маңызды жұмыстарды тек таңертең орындаңыз.
Арыстан
Алдағы уақытта өміріңізге қажетті ақпараттарға қанық боласыз. Жаныңызда тәжірибесі мол жандар жеткілікті. Олар сізге көмектесетін болады.
Бикеш
Түске дейінгі уақытыңыз сәтті болмақ. Алдағы уақытқа құрған жоспарларыңызды жүзеге асыруға мүмкіндік туып тұр. Қызықты іскерлік ұсынысчтар да болады.
Таразы
Жұмысқа қатысты сұрақтарға жауап тауып, кәсіпкерлік саласы немесе қаржы мәселесіне қатысты шаруаларды ретке келтіресіз.&nbsp;
Сарышаян
Бүгін әр қадамыңызды аңдап басыңыз. Көп қателікке бой алдырып алу қаупі бар. Тәжірибесі көп таныстарыңыздың ақыл-кеңесіне жүгініңіз.
Мерген
Бүгінгі күн жұмысқа, кәсіпке, оқуға немесе шығармашалыққа қатысты сауалдарға жауап табуға қолайлы күн. Бүгін маңызды жаңалық естисіз.
Тауешкі
Өзіңізді көп шаршатпаңыз. Тыныштықта демалғаныңыз жөн. Өзіңізді қуантатын іспен айналысып, алдағы күнге жоспар құрыңыз.
Суқұйғыш
Бүгін көпшіліктің көзіне түсуге тырысыңыз. Өзіңізге назар аудартыңыз. Қызықты әрі, жағымды жаңалық естисіз.
Балықтар
Өзгелердің арбауына ермеңіз. Өте сақ болғаныңыз жөн. Бұған дейін сатқындық жасаған адамнан бойды аулақ ұстаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстанда мерзімдік әскери қызметке жарамсыз деп танылатын аурулар арасында психикалық және мінез-құлық ауытқушылықтары көш бастап тұр, деп хабарлайды <a href="https://www.inform.kz/kz/askerge-zharamsyzdar-arasynda-psihikalyk-auytkushylykka-ushyragandar-kop_a3618471">ҚазАқпарат</a>.
Бұл туралы ҚР Қорғаныс министрінің орынбасары Бақыт Құрманов айтып берді.
<blockquote>
 «Жыл сайын әскерге шақыру кезінде 200 мыңнан астам жас медициналық тексеруден өтеді. Оның 78-80% әскери қызметке жарамды болып шығады және 20-22% жарамайды. Бұл көрсеткіштер соңғы жылдары тұрақты болып отыр және әскерге шақыру үшін дені сау жастардың жеткілікті резервін көрсетеді», – деді Бақыт Құрманов.
</blockquote>
Сонымен қатар, кейбір әскерге шақыру бекеттерінің медициналық комиссиялары азаматтарды негізсіз әскери қызметке шақырған.
<blockquote>
 «2019 жылы 24 әскери қызметші жарамсыз деп үйіне қайтарылды. Оның басты себептері – жергілікті атқару органдарындағы медициналық комиссия жұмысының кемшілігі, әскерге шақырылғандарды медициналық тексерудің сапасыздығы, шектеулі зерттеу мүмкіндіктерінен кандидаттарды алдын ала жеткілікті түрде зерттемеу болып отыр. Денсаулық жағдайына байланысты мерзімдік әскери қызметке жарамсыз деп танылатын аурулар арасында психикалық және мінез-құлық ауытқушылықтары (25,4 %) көш бастап тұр», – деді министрдің орынбасары.
</blockquote>
Екінші орында қан айналымы мен жүйке жүйесі (12,7 %) аурулары, үшінші орында – несеп-жыныстық жүйесі (10,4%) мен ас қорыту мүшелерінің аурулары (10,4%) тұр.
Мерзімдік әскери қызметшілерді әскери қызметке жарамсыз деп жариялаудың себебі ретінде психикалық және мінез-құлық ауытқушылықтары жиі аталады. 2019 жылы бейімделу кезеңіне байланысты психикалық ауытқушылық үшін жарамсыз деп танылған мерзімдік әскери қызметшілер үлесі 25,4% құраған.
Оның айтуынша, мерзімдік әскери қызметшілер арасында дәстүрлі өмір салтының күрт өзгеруі, үйден алыстау, ауыр физикалық жүктеме, қарым-қатынас орнатудағы стресстік жағдайларға әкеп соғады.
<blockquote>
 «Көптеген сарбаздар психологиялық тұрғыда дайын болып келмейді. Өмір салтының күрт өзгеруінен психикалық ауытқуға бейім жандарда негативті эмоциялар пайда болады. Одан бөлек, әскерге дейінгі өмірдегі факторлар да көп ықпалын тигізеді. Қарулы Күштерге психикалық ауытқулармен ауыратын немесе оған бейім азаматтарды шақыру фактісі медициналық комиссиядағы психиатр-дәрігерлердің сапасыз жұмысын көрсетіп отыр», – деді Бақыт Құрманов.
</blockquote>
Спикер азаматтарды әскери қызметке негізсіз шақыру жағдайларын азайтудың бірқатар жолдарын көрсетті.
<blockquote>
 «Тіркеудегі (16-17 жас) ұлдарды скринингтік тексеруге қатысты ҚР Денсаулық сақтау министрінің халықтың мақсатты топтарына профилактикалық медициналық тексеру жүргізу ережелеріне өзгерістер енгізуді ұсынамыз. Қалқанша безін, іш құрылысы мен зәр шығару жолдарын ультрадыбыстық зерттеу, эхокардиография, қан мен гормондарды зерттеу әдістерін қосу керек. Бұл толықтырулар денсаулық сақтау органдарына жасырын аурулары бар жастарды әскерге шақыру учаскелеріне тіркеу кезеңінде анықтауға және алдын-алу, емдеу шараларын уақтылы жүргізуге мүмкіндік береді», – деді ол.
</blockquote>
Сонымен бірге, министрлік өкілі электронды денсаулық сақтау жүйесімен бірлесіп жұмыс істеуді ұсынды.
<blockquote>
 «Әскерге шақырылушы денсаулығының жай-күйі туралы сенімді ақпарат алмасу бойынша жергілікті денсаулық сақтау органдарымен өзара жұмысты күшейту қажет. Осы мақсатта жергілікті әскери басқару органдарының электрондық жүйесін ҚР Денсаулық сақтау министрлігінің электронды денсаулық сақтау жүйесімен біріктіру қажет. Бұл медициналық комиссия құрамына шақырылушының денсаулығы туралы толық ақпарат алуға мүмкіндік береді және бұрынғы аурулары туралы ақпаратты жасыруға жол бермейді», – деді Бақыт Құрманов.
</blockquote>

Әскерге жарамсыздар арасында психикалық ауытқушылыққа ұшырағандар көп

<a href="https://kyzylorda-news.kz/">Kyzylorda-news.kz.</a> Бүгін Назарбаев Зияткерлік мектебі мен Педагогикалық шеберлік орталығының ұйымдастыруымен «Оқыту мен оқудағы STEAM білім берудің ерекшеліктері» тақырыбында қалалық семинар өтті.
Оқытудың заманауи технологиясы бойынша педагог қызметкерлердің кәсіби дамуына ықпал етуге бағытталған шарада Қызылорда қаласының жалпы білім беретін мектептерінің 55 пән мұғалімі тәжірибе алмасты.
Алдымен педагогтердің STEAM білім беру бойынша түсініктерін және олардың қажеттіліктерін анықтайтын сауалнама жүргізіліп, соның негізінде шара барысында қажеттіліктер ескерілді.
Педагогикалық шеберлік орталығы тренері «Оқу және оқыту үдерісінде STEAM білім берудің тиімді жолдары» интерактивті таныстырылым арқылы STEAM білім беруді теориялық тұрғыда талдап, STEAM негізінде білім берудің картасы, оның артықшылығы жайлы құнды ақпараттар берді. 
Теориямен қаруланған мұғалімдерге келесі бөлімде облыс мектептерінің тәжірибесі таныстырылды. №9 мектеп-гимназиясының информатика пәні муғалімі Калдыгул Ембергенова «STEAM білім беру мектеп тәжірибесінде», №3 мектеп-гимназиясының IT бағдарламашысы Оразбахов Айбек «Сабақтағы жаңаша IТ приложениялар» тақырыптарындағы шеберлік сағаттарда мектепте STEAM технологиясын тиімді қолдану жолдарын өз тәжірибелері негізінде көрсетті.
Зияткерлік мектептің мұғалімдері «Дизайнды ойлау» негіздері» тренингін өткізіп, жаратылыстану ғылымдары мен технологиялар, инженерия, өнер мен математиканы кіріктіріп оқытудың кешенді тәсілдің аспектілерін меңгертуге бағытталған практикалық жұмыстар жүргізді.
Соңғы бөлімде қатысушылармен пәндер бойынша көлдеңен жоспарлау үдерісі ұйымдастырылып, кері байланыста мұғалімдер STEAM білім беру жайлы толық ақпараттанғандарын айтып, өз тәжірибелеріне енгізуде жаңаша тәсілдерді алғандарын атап өтті.
<img src="https://kyzylorda-news.kz/wp-content/uploads/2020/02/25mugalimder2.jpg" alt="" />
<img src="https://kyzylorda-news.kz/wp-content/uploads/2020/02/25mugalimder3.jpg" alt="" />

Қызылорда қаласының мұғалімдері «Steam» білім беру тәсілін меңгерді

<a href="https://kyzylorda-news.kz/">Kyzylorda-news.kz.</a> 2020 жылдың 1 қаңтарынан бастап Қазақстанда міндетті әлеуметтік медициналық сақтандыру жүйесі күшіне енді.&nbsp; Бұл бағыттағы ағымдағы және маңызды мәселелер өңірлерде МӘМС-ды енгізуге дайындығын қамтамасыз ету бойынша жедел өзара іс-қимыл жөніндегі өңірлік штабтың көшпелі отырысында талқыланды.
Жиынға ҚР Денсаулық сақтау министрлігінің қоғаммен байланыс департаментінің директоры Ильяс Бакиров, “Әлеуметтік медициналық сақтандыру қоры” КЕАҚ басқарма төрағасының орынбасары Эрик Байжүнісов, “Қоғамдық денсаулық сақтау Жоғары мектебі” Қазақстандық медицина университетінің даму жөніндегі проректоры Құралбай Құрақбаев, Қызылорда облысы әкімінің орынбасары Науырызбай Байқадамов, “Әлеуметтік медициналық сақтандыру қоры” КЕАҚ облысы бойынша филиалының директоры Бақыт Исмаханбетов, «Республикалық электрондық денсаулық сақтау орталығы» облыстық филиалының директоры Сәуле Нәлібаева, Қызылорда облыстық денсаулық сақтау басқармасының өкілдері, өңірлік штабтың мүшелері, аймақтың медицина қызметкерлері қатысты.
Қазіргі уақытта Қазақстан халқының 90% астамы (17 млн адам) МӘМС&nbsp; қатысушылары болды. Оның ішінде 11 млн-ға жуық адам – бұл 15 жеңілдігі бар санаттағы азаматтар, ал олар үшін жарналарды мемлекет жүзеге асырады.
Облыс халқының жалпы санынан 802,3 мың адам, 471 мыңнан астам тұрғын (58,8%) азаматтардың 15 жеңілдік санатына жатады. МӘМС-тің қалған қатысушылары – жалдамалы жұмысшылар&nbsp; (231 694 адам), жеке кәсіпкерлер (26&nbsp;993 адам), Бірыңғай жиынтық төлем (БЖТ) төлеушілер (1&nbsp;186 адам).
Облыс тұрғындарының 21 520 өзектендіруді қажет етеді. Бұл бағыттағы жұмыстарды жақын күндері шешу тапсырылды.
&nbsp;&nbsp; Жүйе іске қосылған 2017 жылдың 1 шілдесінен 2020 жылдың 31 қантарға дейінгі аралықта Қызылорда облысының тұрғындары әлеуметтік медициналық сақтандыру қорына 7,6 млрд. теңге аударды. Республикада осы кезеңде 251,2 млрд.теңге түсті.
2020 жылға Әлеуметтік медициналық сақтандыру қорының филиалымен 56 медициналық қызмет көрсетушілермен келісім – шарт жасалды, оның ішінде – 28 мемлекеттік медициналық ұйым (50%), 28 жеке меншік (50%).
Дәрігерлердің жалақысын 30% – ға дейін, орта буын қызметкерлерінің 20% – ға көтеру мәселесі ерекше бақылауда. 2019 жылдың желтоқсан айына облыс көлемінде дәрігерлердің орташа айлық еңбекақысы – 159&nbsp;187,77 теңге болса, қаңтар айында бұл көрсеткіш 29% – ға артып 205&nbsp;800,52 теңгені құрап отыр. Орта буын қызметкерлерінің айлық еңбекақысы 2019 жылдың желтоқсан айында 112&nbsp;872,35 теңге болса, ол қаңтар айында 138&nbsp;731,14 теңгеге дейін өсіп, 23% артқандығын көреміз.&nbsp;&nbsp;&nbsp;&nbsp;
Әлеуметтік медициналық сақтандыруды енгізумен сәйкес, медициналық көмек ауқымының 25% ұлғаюына орай, 2020 ж. Қызылорда облысы денсаулық сақтау жүйесінің бюджеті&nbsp; 57&nbsp;124 851,8 мың тенгені құрап отыр.
Атап айтқанда, кеңес беру диагностикалық көмек түрі – 555%-ға, яғни 6 есеге, стационарды алмастыратын көмек – 85%-ға, қалпына келтіру емі және медициналық оңалту – 3554%-ға, яғни 13 есеге, паллиативтік көмек және мейірбике күтімі – 162%-ға, яғни 2,6 есеге, онкогематология – 144%-ға, яғни 2,4 есеге&nbsp; қаражаттарының артқандары анық байқалып тұр.
2020 жыл бюджетінің 40&nbsp;879&nbsp;408,4 мың теңгесін немесе 71,4 %-ын ТМККК көлемі құраса, 16&nbsp;246&nbsp;443,4 мың теңгесін немесе 28,4% – ын МӘМС қаржысы құрайды.
Барлық азаматтар медициналық сақтандыру жүйесінде өз жарналарын төлеу арқылы, оның ішінде медициналық ұйымдардағы төлем терминалдары арқылы медициналық көмек ала алады. Бастапқы медициналық-санитариялық көмек көрсету бойынша барлық 21 медициналық ұйымда (56 МҰ-дан) төлем терминалдары орнатылды.
Халықпен байланысты қамтасыз ету мақсатында Қордың 1406 нөмірі бойынша Бірыңғай байланыс орталығы жұмыс істейді. Ал 2020 жылдың 1 қаңтарынан бастап ол 24/7/365 тәртібіне ауыстырылды.
Қазіргі таңда облыс бойынша 1406 арқылы 29 арыз-шағым&nbsp; түсіп уақытында жұмыстар атқарылып, жауаптар берілді.&nbsp;&nbsp;&nbsp;&nbsp;
Одан бөлек, филиалда азаматтарды қабылдау кабинеті ашылды. Сондай-ақ, медициналық қызмет сапасына мониторинг және сараптама жүргізу бойынша Филиалдың сарапшылары тұрақты негізде жұмыс істейді.
МӘМС жүйесіне қатысу мәртебесін электрондық үкімет порталынан (<a href="https://egov.kz/?fbclid=IwAR0Zr8vwiLvYiGbB7OBdOd8Hnj_LJvKlDvywyOMRcBHI8ktMPmlHpFJ8URo">https://egov.kz/</a>), ҚР Денсаулық сақтау министрлігінің (<a href="https://l.facebook.com/l.php?u=http%3A%2F%2Fdsm.gov.kz%2F%3Ffbclid%3DIwAR1x5ZlHsiLmflJZO9UYJX9l_O7C77eYmpbLZE336DIXPvYGsVO_suI3SVA&h=AT1k9UE5fRD6LN2NrCxHd0WzcKS6cXhN_AFARMUy4OIDwPs2EnY7UG2uBWNa6we722E8slg-X--ieI1UW8zBco7y32N6SF5w8mrbpdrBAN4cUlUnurFMB8HKotiLENvhwrLLrFYvRdvvK-xJcnNoExrzWN8Pm13uzA">http://dsm.gov.kz/</a>) және Қордың сайтынан (<a href="https://fms.kz/?fbclid=IwAR28Xlwl3E4ElmSuwF4XmlBpAQgUIiQIcOLTqcN85qIw-i3YeH-qEaV_0Zc">https://fms.kz/</a>), Telegram-бот (<a href="https://t.me/SaqtandyryBot?fbclid=IwAR356Y-TgRZTsvYUJ07VfbfdvJTN2sT6Ykj55xmfSvV_MrP3xXJaQqIT0jU">https://t.me/SaqtandyryBot</a>) және WhatsApp-тағы чат-бот (+7 700 103 1406) арқылы анықтауға болады.
Оған қоса мобильді қосымша MVOTER (Play Market-те қолжетімді) арқылы халықтың медициналық мекемелердің қызметтеріне қанағаттану деңгейін бағалау жұмыстары жолға қойылған.
Азаматтарды қабылдау кабинеті ашылды. Сондай-ақ тұрақты негізде Қор филиалының мамандары медициналық қызметтің сапасына мониторинг жүргізеді.
Ағымдағы жылдың 1 сәуіріне дейін елдің барлық тұрғындары шартты түрде сақтандырылған болып саналады және олар ТМККК және МӘМС пакеттері аясында медициналық қызметтерді тегін ала алады.
Осы кезеңде азаматтар өздерінің сақтандыру мәртебесін анықтап, міндетті медициналық сақтандыру жүйесіне тіркелуі керек. Жеңілдік кезеңі аяқталғаннан кейін, сақтандырылмаған пациенттер медициналық көмек алуды жалғастыра береді,&nbsp; ол тек медициналық көмектің кепілдендірілген көлемі аясында ғана, қалған қызметтерге ақылы болады. Сондықтан 31 наурызға дейін МӘМС жүйесінде сақтанушының мәртебесін алу маңызды.
<img src="https://kyzylorda-news.kz/wp-content/uploads/2020/02/25mamsshtab2.jpg" alt="" />
<img src="https://kyzylorda-news.kz/wp-content/uploads/2020/02/25mamsshtab3.jpg" alt="" />

Қызылорда: &#8220;Сақтандырылған&#8221; мәртебесі әрбір тұрғында болуы тиіс

<a href="https://kyzylorda-news.kz/">Kyzylorda-news.kz.</a> Ә.Тәжібаев атындағы Қызылорда облыстық әмбебап ғылыми кітапханасында құймақ апталығына арналған «Ескі ғасыр дәстүрлері» фольклорлық мерекесі өтті.
Шараны «Славяне» қоғамдық-мәдени орталығы облыстық кітапханамен бірлесіп ұйымдастырды.
Мерекелік іс-шараға «Қоғамдық келісім» КММ директорының орынбасары А.Жұмабаев, этномәдени бірлестіктердің өкілдері, Ж.Нұрсейтов атындағы №233 орта мектептің оқушылары және кітапхана оқырмандары қатысты.
&nbsp;Орыс халқының мазмұнды мерекесінде халық өнері, тағамдары, киімдері, қолөнері, әндері, салт-дәстүрлері туралы кітап көрмесі ұсынылды.
Кездесуді облыстық кітапхананың директоры Н.Мырзамуратова және «Славяне» қоғамдық-мәдени бірлестігінің төрайымы Г.Щербакова ашып, барлық қатысушыларды осы мерекемен құттықтап, ынтымақтастық пен өзара көмек үшін ризашылықтарын білдірді.
Фольклорлы мереке аясында славян этносының салт-дәстүрлері, «Сударушки» ансамблі, «Надежда» жастар тобы және олардың солистері орындайтын өрнектелген әндер мен билер көрсетіліп, «Шалқан» ертегісіне негізделген көрініс қойылды. Балалар халық ойындарын ойнап, жұмбақтар шешіп, мақал-мәтелдерді жалғастырды.
Айта кету керек, Масленица – бұл апта бойы атап өтілетін қысты шығарып салу және көктеммен кездесуге арналған мереке. Әр күнді мерекелеудің өзіндік ерекшеліктері бар, ал дүйсенбі – Масленицамен кездесу.
<img src="https://kyzylorda-news.kz/wp-content/uploads/2020/02/25maslenisa2.jpg" alt="" />
<img src="https://kyzylorda-news.kz/wp-content/uploads/2020/02/25maslenisa3.jpg" alt="" />
<img src="https://kyzylorda-news.kz/wp-content/uploads/2020/02/25maslenisa4.jpg" alt="" />
<img src="https://kyzylorda-news.kz/wp-content/uploads/2020/02/25maslenisa5.jpg" alt="" />
<img src="https://kyzylorda-news.kz/wp-content/uploads/2020/02/25maslenisa6.jpg" alt="" />
<img src="https://kyzylorda-news.kz/wp-content/uploads/2020/02/25maslenisa7.jpg" alt="" />
<img src="https://kyzylorda-news.kz/wp-content/uploads/2020/02/25maslenisa8.jpg" alt="" />

Қызылорда «Масленица» мерекесі басталды

<a href="https://kyzylorda-news.kz/">Kyzylorda-news.kz.</a> Қазақ КСР Ішкі Істер Халық Комиссариатының мәліметі бойынша 1937 жылы Қазақстанға 90 эшелонмен 20 789 отбасы, 98 454 корей ұлтының өкілдері көшіріліп әкелінген екен. Соның бір үлкен бөлігі Сыр бойына қоныстандырылды.
Мен ол кезде бар жоғы 11-12 жастағы бала едім. Осы уақыттан бастап Сыр өңіріндегі корей халқының тарихы басталды. Ол кездегі саяси-әлеуметтік жағ­дай­дың қазақ халқы үшін де оңай соқпай тұр­ғанын көзіммен көр­дім. Халықты құ­лаз­ытып кеткен ашар­шы­лық, халық жауы деген жал­ған айыптар тағылып, сая­си реп­рессиялардың жүр­­­гізілуі со­ның куәсі еді. Біздер де қазақ халқының құр­ме­тіне сай болу үшін елге, жерге деген ықы­­ла­сы­мызды білдіру мақ­­сатымен білек сыба­на еңбекке ара­лас­тық.
Әсі­ресе, күріш өсі­ру ша­руа­шы­лы­ғын­­да айтарлықтай же­тіс­тік­­тер­ге қол жет­кі­зілді. Осы ең­бек­­терімізді еле­ген бас­шылық облыс бой­ын­ша корей ұлты­­ның 28 азаматына Ең­­бек Ері ата­ғын бе­р­­ді. Бұл жергілікті ха­­лықтың кең пейі­лі­нен деп білеміз. Сыр бойын қоныстап, өркен жайған біз­дерге аға ұрпақ өкілдері атап айтсам, корей халқының ұлттық батыры Хом Бом До, ағартушы-ғалым Ге Бон У және т.б. үлгі-өнеге көрсетіп, қазақ халқымен бау­ыр­ластықтың жоғары дәрежесін көр­сет­­ті. Олар Алаштың анасына баға­лан­ған қасиетті мекенде мәңгілік паналарын та­буы да соның айғағы. Қазіргі таңда бізге ең қымбаты – ауыз­­бір­шілік, елдегі татулық. Бүгінде Қазақ хал­қының ықыласы мен дархан көңілінің ар­қасында көсегеміз көгеріп, өсіп-өніп жа­тырмыз. Басымызға күн туып, зұлмат күнді бастап кешкенде бауырына басқан елдің біз үшін жақсылығы ұшан-теңіз.&nbsp;
Ге Хак Рим,&nbsp;
«Қазақстан корейлер қауымдастығы»
Қызылорда облыстық филиалы
&nbsp;ақсақалдар кеңесінің төрағасы

Ге Хак Рим: Қазақ халқының құрметіне сай болу үшін еңбек еттік

<a href="https://kyzylorda-news.kz/">Kyzylorda-news.kz.</a> Мен 1942 жылы Қызылорда облысында дүниеге келдім. Менің бүкіл өмірім осы Сыр өңірінде өтті. Мен осы жылдар ішінде мектепте физика пәнінің мұғалімі, жасөспірімдер спорт мектебі директорының орынбасары, одан соң осы спорт мектебінің директоры, содан кейін облыстық дене шынықтыру және спорт басқармасының бастығы қызметтерін атқардым.
Мен қазақ елінде жүріп өз еліме, халқыма қажет екенімді әрдайым сезінетінмін. Қазақ халқы біздің еңбегімізді әрқашан бағалай білді. Қазақстанда мен сияқты өзге этнос өкілдері көп. Олардың бірқатары мемлекеттік қызметте жүрсе, енді біршамасы ғылым мен мәдениетте, басқалары өндіріс пен бизнестің әртүрлі салаларында өздерін танытып, қызмет етіп жүр.
Қазіргі таңда зейнет жасында болсам да, аймақтың қоғамдық өміріне белсене араласып, Қазақстан халқы ассамблеясының мәдени іс-шараларында өз үлесімді қосып келемін.
Алғыс айту күні мен Ассамблеяның мерейтойы қарсаңында қазақ халқына алғыс айтқым келеді. Кезінде тағдырдың жазуымен жер аударылып келген өзге ұлт өкілдерінің аяққа тұруына көмек көрсетіп, қолдау білдіргендері үшін мың алғыс. Біз қазақ топырағына түскен этникалық топтардың ұрпақтары бұл халыққа шексіз ризамыз.
Біздің ата-аналарымыз өздері осы қазақ жеріне келгенде оларды құшақ жая қарсы алып, достық қарым-қатынас орнатып, тату-тәтті өмір сүргендерін әрқашан қуанышпен еске алатын. Ашаршылық кезеңінде де жер аударылғандармен бірге соңғы нанын бөлісіп жеген&nbsp; қазақ сол заманда да қиындықтардан аман өткен. Қазақ халқы 1937 жылы кәріс ұлтына да қолдан келгенді аянбай, көмек көрсетті. Әкемнің айтуынша, біздің жағдайымызды көрген қазақтар көмек ретінде бұзау мен қой берген екен. Бұл біздің отбасымыздың қыстан аман шығуымызға мүмкіндік берді.
Бүгінде біз бейбіт елде, бір шаңырақ астында тату-тәтті өмір сүріп жатырмыз. &nbsp;Қазақ жерінде менің балаларым, немерелерім дүниеге келді. Мен өз өмірімді тек Қазақстанмен, сүйікті Қызылордаммен байланыстырамын.
Мен баршаңызды елімізде қалыптасқан бірлікті, татулық пен келісімді сақтауға және нығайтуға шақырамын. Баршамызға ашық және бейбіт аспан тілеймін.
Юрий Ким,
Қызылорда облыстық корей этномәдени
бірлестігі төрағасының орынбасары

Юрий КИМ: Мен өз өмірімді қазақ елімен байланыстырамын

<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыру бойынша халықтың арыз-шағымын қабылдайтын Qoldau 24/7 мобильді қосымшасы іске қосылды, деп хабарлайды <a href="https://www.inform.kz/kz/mams-boyynsha-aryz-shagym-kabyldaytyn-mobil-di-kosymsha-iske-kosyldy_a3618286">ҚазАқпарат</a>.
Бүгінгі таңда МӘМС жүйесі іске қосылғаннан бері Әлеуметтік медициналық сақтандыру қорының бірыңғай байланыс орталығына 1406 нөміріне 40 мыңнан астам қоңырау түсті. Хабарласқандардың басым көпшілігі – Нұр-Сұлтан, Алматы қалалары мен Қарағанды және Шығыс Қазақстан облыстарының тұрғындары.
Атап айтқанда, оның 3% ғана – шағымдар. Қалғаны консультативтік сипатта. Әлеуметтік медициналық сақтандыру қоры халықпен кері байланыстың бірнеше түрін ұсынады. Енді пациенттер жаңа «Qoldau-24/7» мобильді қосымшасының көмегімен шағым қалдыра алады.
<blockquote>
 «Тұрғындардан түскен барлық шағымдар тіркеуге алынып, әрі қарай өңделіп, жолданымдар тізіміне енгізіледі. Қажет болған жағдайда, жолданымдар белгіленген мерзімде талдаудан өтіп, шешім қабылдану үшін сарапшы мамандарға жіберіледі. Сонымен қатар пациенттер қордың әр аймақтық филиалында ұйымдастырылған азаматтарды қабылдау бөлмелеріне жүгіне алады», – деп түсіндірді Әлеуметтік медициналық сақтандыру қоры.
</blockquote>
Әлеуметтік медициналық сақтандыру қоры жүйелі түрде тұрғындардан келіп түскен жолданымдарды мұқият қадағалап, апта сайын ең маңызды сұрақтар жинағы сараптамадан өтіп, олар бойынша жүйелі шешімдер қабылдайды.
<img src="https://kyzylorda-news.kz/wp-content/uploads/2020/02/25mobpril2.jpg" alt="" />

МӘМС бойынша арыз-шағым қабылдайтын мобильді қосымша іске қосылды

<a href="https://kyzylorda-news.kz/">Kyzylorda-news.kz.</a> Мәжіліс депутаты әскерге шақырылғандардың несиесін уақытша тоқтатуды ұсынды, деп хабарлайды <a href="https://www.inform.kz/kz/kazakstanda-askerge-shakyrylgandardyn-nesiesin-uakytsha-toktatu-usynyldy_a3618305">ҚазАқпарат</a>.
ҚР Парламенті Мәжілісінің Халықаралық істер, қорғаныс және қауіпсіздік комитетінің мүшесі Юрий Тимощенконың айтуынша, несиесі болғандықтан әскерге шақырылушылар Отан алдындағы борышын өтеуден жалтарып жүр.
<blockquote>
 «Салдарынан сарбаздың несиесі оның жақындарына салмақ болып түседі және сарбаздың психоэмоциялық жай-күйіне ықпал етеді. Сондықтан, әскери қызмет уақытында несие төлемін және өсімін уақытша тоқтатуды ұсынамыз», – деді депутат ҚР Парламенті Мәжілісі Халықаралық істер, қорғаныс және қауіпсіздік комитетінің отырысында.
</blockquote>
Қазіргі уақытта әскердегі сарбаздардың несиесін ата-анасы төлеуге мәжбүр, төленбеген жағдайда банк өсімпұлы қосылып жатыр.
<blockquote>
 «Үкіметке әскери қызмет кезінде несиені уақытша тоқтату туралы ұсыным жібердік. Бизнестің бұл ұсынысты қалай қабылдайтынын білмейміз, бірақ мұндай қадамды жасау қажет», – деді Ю. Тимощенко.
</blockquote>

Қазақстан және Қызылорда облысының жаңалықтары

Қармақшыда қоғамдық кеңестің кезекті отырысы өтті

Сәрсенбіде ауа райы қандай болады

26 ақпан: Ел тарихында орын алған оқиғалар

Жұлдыздар не дейді?

Әскерге жарамсыздар арасында психикалық ауытқушылыққа ұшырағандар көп

Қызылорда қаласының мұғалімдері «Steam» білім беру тәсілін меңгерді

Қызылорда: “Сақтандырылған” мәртебесі әрбір тұрғында болуы тиіс

Қызылорда «Масленица» мерекесі басталды

Ге Хак Рим: Қазақ халқының құрметіне сай болу үшін еңбек еттік

Юрий КИМ: Мен өз өмірімді қазақ елімен байланыстырамын

МӘМС бойынша арыз-шағым қабылдайтын мобильді қосымша іске қосылды

Қазақстанда әскерге шақырылғандардың несиесін уақытша тоқтату ұсынылды

Қазақстан және Қызылорда облысының жаңалықтары

Қармақшыда қоғамдық кеңестің кезекті отырысы өтті

Сәрсенбіде ауа райы қандай болады

26 ақпан: Ел тарихында орын алған оқиғалар

Жұлдыздар не дейді?

Әскерге жарамсыздар арасында психикалық ауытқушылыққа ұшырағандар көп

Қызылорда қаласының мұғалімдері «Steam» білім беру тәсілін меңгерді

Қызылорда: &#8220;Сақтандырылған&#8221; мәртебесі әрбір тұрғында болуы тиіс

Қызылорда «Масленица» мерекесі басталды

Ге Хак Рим: Қазақ халқының құрметіне сай болу үшін еңбек еттік

Юрий КИМ: Мен өз өмірімді қазақ елімен байланыстырамын

МӘМС бойынша арыз-шағым қабылдайтын мобильді қосымша іске қосылды

Қазақстанда әскерге шақырылғандардың несиесін уақытша тоқтату ұсынылды

Қызылорда: “Сақтандырылған” мәртебесі әрбір тұрғында болуы тиіс