<a href="https://kyzylorda-news.kz/">Kyzylorda-news.kz</a>.Алғашқы джинс шалбарларында (Levi’s 501) 4 қалта болған: бір артқы, екі алдыңғы және бір кішкентай ішкі қалта.
Джинс шалбарындағы “бесінші” деп аталатын кішкентай қалта негізінде бесінші емес. Джинс шалбарлары 1873 жылы АҚШ-та пайда болды. Алғашқы джинс шалбарларында (Levi’s 501) 4 қалта болған: бір артқы, екі алдыңғы және бір кішкентай ішкі қалта. Джинс шалбарын еврей сатушысы Лейб Штраусс шығарған. Ол АҚШ сауда таңбалары мен патенттер бюросына барып, өз өнімін “пышақ, ақша және тиын салатын қалталары бар, аспа баусыз жұмыс комбинезоны” деген атпен патенттейді. Ал негізгі бесінші қалта – ол артқы екінші қалта. Ол 1901 жылы ғана пайда болды.
Алайда, ішкі қалтаға оралайық. “Levi’s” каталогында оның “watch pocket” деген нақты атауы бар. Яғни, оны ойлап табушы бұл қалтаға осындай атау берген. Негізі кішкентай қалта америкалық жұмысшылар өздерімен бірге сағат салып жүру үшін жасалған. Ол кезде кішкентай дөңгелек сағаттар шынжырға ілініп тұратын.&nbsp;
“Watch pocket” іс жүзінде тек сағат салу үшін қолданылған жоқ. Оған ақша, тиын, тіпті, жұмыс кезінде шеге салып алатын болған. Адамдар бұл кішкентай қалтадан ұсақ заттардың түсіп қалмайтынына сенімді жүретін.
<a href="https://massaget.kz/">Massaget</a>

Джинс шалбарындағы бесінші қалта не үшін керек?

<a href="https://kyzylorda-news.kz/">Kyzylorda-news.kz.</a> Минералды судың құрамында сан алуан пайдалы микроэлементтер бар. Алайда осы санаттағы сусындар денсаулыққа зиян келтіріп, бірқатар ауруға себеп болуы әбден мүмкін, деп хабарлайды&nbsp;“[Вечерняя Москва](http:// https://vm.ru/health/775127-dietolog-solomatina-obuyasnila-pochemu-lechebnaya-mineralka-mozhet-byt-opasna-dlya-zdorovya)“.
Минералды судың түрлері
Бүгінде минералды судың үш түрі өндіріледі. Олар: ас суы, шипалы су және емдік ас суы. Диетолог Елена Соломатинаның айтуынша, олардың құрамында тұздың мөлшері әртүрлі. Бұдан бөлек, минералды су “сілтілі” және “”қышқылды” болып бөлінеді. Мұны pH көрсеткіш бойынша анықтайды.
<blockquote>
 “Бұл сулардың минерализациясында да өзгешелік болады. Мысалы, шипалы судың минерализациясы жоғары, бір литрге 10 грамм тұз келеді. Емдік ас суда 3-10 грамм болса, ас суының бір литрінде тұздың мөлшері 3 грамнан аспайды”, – дейді Соломатина.
</blockquote>
Қандай суды ішу керек?
Ас суын күнде іше беруге болады. Оның нақты нормасы жоқ. Барлығына бірдей пайдалы.
<blockquote>
 “Ас суына шектеу жоқ. Тәулігіне 1,5-2 литр іше беруге болады. Шай қайнатасыз ба, кофе ішесіз бе, тамақ пісіресіз бе, өз еркіңіз. Себебі минерализициясы төмен және тұзы аз, ағзаға пайдалы”, – деп атап көрсетті Соломатина.
</blockquote>
Ал тұздың мөлшері көп судың барлығын бірдей іше беруге болмайды. Себебі ондай суды емдік мақсатта пайдаланады. Мәселен, асқазан, құяң, ұйқы безі, бауыр, қант диабеті мен қуық жолдарының ауруы кезінде шипалы суларды ішуге кеңес береді.
<blockquote>
 “Сосын pH-тың деңгейін де ескеру керек. Оның орташа көрсеткіші – бір литріне 7 моль. Одан жоғары болса, сілтілі суға жатады. Ондай суды асқазан қышқылдылығы жоғары болғанда пайдаланады. Гастрит, асқазан жарасы, зәр қышқылы тұздары болғанда ішеді”, – дейді диетолог.
</blockquote>
Шипалы судың зияны неде?
Диетолог минералды судың емдік түрлерін жайдан-жай ішпеуге кеңес беріп отыр. “Ішекті тазалаймын” деген сылтаумен де пайдалана беруге болмайды.
<blockquote>
 “Емдік суды тек дәрігердің кеңесі бойынша ғана пайдалану қажет. Себебі кальций элементі көп суды іше берсеңіз, бүйректе тас жиналуы мүмкін. Бұдан бөлек, емдік судың салдарынан қанда кальцийді мөлшері артып, гиперкальциемияға тап болуыңыз ықтимал”, – деді Соломатина.
</blockquote>
Ал гиперкальциемия кезінде қанның ұю процесі бұзылады. Содан тромбтар өсіп, инсульт пен инфаркт болады. Сосын кальций жүректе жиналып, аритмияға әкеліп соқтырады.
<blockquote>
 “Судың температурасы туралы айтатын болсақ, жылы су өт шығару жолдарын кеңейтіп, тамақтың қорытылуына көмектеседі. Ал суық су зат алмасу процесін жетелдетеді, іштің қатуын тоқтатады”, – дейді диетолог.
</blockquote>

Дәрігер минералды судың несімен қауіпті екенін айтты

1944 жылы&nbsp;Орталық біріккен киностудия және «Мосфильм» мен «Ленфильм» киностудияларын тарату мен қайта көшіруден кейін, Алматы киностудиясы Алматы көркемөнер және хроникалық фильм киностудиясы болып өзгертілді.
1966 жылы&nbsp;Ғ.Құрманғалиев атындағы Батыс Қазақстан облыстық филармониясы ашылды. Филармонияның құрамына «Орал сазы» фольклорлық ансамблі, «Назерке» халық биі ансамблі, жастар ансамблі және басқа да ансамбльдер кіреді.
1992 жылы&nbsp;Алматыда Қазақстан Республикасы мен Франция арасында дипломатиялық қарым-қатынас орнату туралы хаттамаға қол қойылды.
1993 жылы Сырдария ауданындағы №141 орта мектепке Қапан Сәбіровтің есімі берілді.
1993 жылы Жаңақорған аудандық мәдениет үйіне Манап Көкеновтің есімі берілді.
2006 жылы&nbsp;Қазақстан Республикасының Президенті Нұрсұлтан Назарбаев пен Ресей Федерациясының Президенті Владимир Путин 1998 жылғы шілденің 6-сындағы Ресей Федерациясы мен Қазақстан Республикасы арасындағы жер қойнауын пайдалануға арналған егеменді құқықтарды жүзеге асыру мақсатында Каспий теңізінің солтүстік бөлігі табанының ара-жігін ажырату туралы Келісімнің хаттамасына өзгерістер енгізу туралы хаттамаға қол қойды. Сондай-ақ жоғары деңгейдегі Қазақстан-Ресей кездесуі нәтижесінде атом қуатын бейбіт мақсатқа қолдану жөніндегі ынтымақтастық туралы екі ел президенттерінің бірлескен мәлімдемесі қабылданды.
2017 жылы&nbsp;Қазақстан Республикасы Президенті Нұрсұлтан Назарбаев билік тармақтары арасында өкілеттіктерді қайта бөлу мәселелері жөнінде үндеу жариялады. Онда Президент өзінің бірқатар өкілеттіктерін Үкімет пен Парламентке бергендігін баяндады.

25 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 25 қаңтарға арналған жұлдыз-жорамалы
Тоқты
Егер бүгін салмақты шешімдер қабыдасаңыз, көптеген жетістіктерге қол жеткізесіз. Жақында ғана орын алған жағдайларды тағы бір ой елегінен өткізіңіз. Сізді толғандырып жүрген барлық мәселенің шешімі сонда жатыр.
Торпақ
Сізге бүгін көп нәрсені жасап үлгеруіңіз керек болғандықтан, босаңсуға болмайды. Өзіңізге қажетті нәтижелерге қол жеткізу үшін «жеті рет өлшеп, бір рет кескеніңіз» дұрыс. Отбасылық түсініспеушіліктердің нүктесін қойып, жақындарыңызбен жақсы қарым-қатынас орнатуға таптырмас күн.
Егіздер
Көптен бері ойыңызда жүрген біраз жоспарларды жүзеге асыруға қолайлы күн. Ескі мәселелерді оңынан шешуге мүмкіндік туады. Бүгін өзіңіздің ішкі түйсігіңізбен жұмыс жасаңыз: ол сізді адастырмайды.
Шаян
Сіз үшін қуанышты күн: ойламаған жерден тосынсыйлар болып, маңызды хабарлар аласыз. Бүгін маңызды жұмыстарды қолға алмаңыз, себебі, бәрібір шешімін таппайды. Үй шаруасын жасап, отбасылық ұсақ-түйек мәселелерді шешумен айналысыңыз.
Арыстан
Бүгін тәуекелге бел байласаңыз көп нәрсе оңынан шешіледі: маңызды, қызықты өзгерістер орын алады. Өзіңізді өзгертуден қорықпаңыз, себебі, өзіңізді, ойыңызды өзгеретін күн әлдеқашан келген. Баяғыда бастап, кейін тастап кеткен жоспарларды аяғына дейін жеткізуге сәтті күн.
Бикеш
Сізге соңғы кездері маза бермей жүрген мәселелерді шешуге сұранып тұрған күн. Бүгін маңызды сұрақтардың жауабын аласыз. Сол жауап сізді әрі қарай қандай қадам жасау керектігін көрсетіп береді.
Таразы
Қарсыластарыңыз бүгін сізден оңбай жеңіледі. Бірақ, бұл оңайға соқпайды. Қандай жағдай болмасын сізге артқа шегінуге болмайды. Осыны естен шығармаңыз.
Сарышаян
Маңызды шаруаларды қолға алуға сәтті күн. Ол үшін жұмыстарды ертерек қолға алуыңыз қажет. Бұл істе сізге жаңа таныстарыңыз көмекке келеді.
Мерген
Бұл күні сізге асығыстық танытуға болмайды. Ойланбай айтылған сөз бен асығыс қадамның соңы жақсылық әкелмейді. Бүгін сезіміңізді тежей біліңіз.
Тауешкі
Бүгін өзгелердің жіберген қателігін түзеймін деп әлек боласыз. Тек оларға мұны сабырмен, ақылмен жеткізе біліңіз. Қолға алынған жұмыстарыңызға жауапкершілікпен қараңыз.
Суқұйғыш
Бүгін өзіңізге демалыс жариялаңыз. Маңызды мәселелерді қолға алмағаныңыз дұрыс. Бүгінгі кез келген жұмыстарыңыз тәжірибеңіз бен біліміңіздің арқасында оңай шешіледі.
Балықтар
Қызықты әңгімелесулер мен кездесулерге толы күн. Тек асығыстыққа салынбаңыз. Әйтпесе, кездесу барысында сөзге келіп қалуыңыз мүмкін.

Жұлдыздар не дейді?

<a href="http://Kyzylorda-news.kz.">Kyzylorda-news.kz.</a> Мемлекет басшысы Қасым-Жомарт Тоқаев Қазақстанның заңнамасына сай келмейтін шетелдік көліктерді елге кіргізбеуді тапсырды. Бұл туралы ол Үкіметтің кеңейтілген отырысында мәлімдеді.
<blockquote>
 «Біздің азаматтар Ресей мен Қырғызстаннан сенімхат арқылы көліктерді сатып ала береді. Кейін сол көліктерін біздің елде тіркемей, айдап жүреді. Өз азаматтарымыз Қазақстанның заңнамасын бұза отырып, техникалық құжаттарды ресімдейді. Елге кіргізіліп жатқан ондай көліктердің көбі есепке тіркелмейді. Олардың саны он мыңдаған саннан асып кетеді. Осы себепті, Бас прокуратураға қалыптасқан жағдайға құқықтық баға беруді тапсырамын», – деді Президент Үкіметтің кеңейтілген отырысында.
</blockquote>
Мемлекет басшысы Үкіметке бір айдың ішінде Қазақстан азаматтарының ЕАЭО елдерінен 2020 жылдың 1 ақпанына дейін әкелген көліктерін тіркетуді тапсырды.
<blockquote>
 «Бұл көліктердің тіркелуі 2021 жылдың 1 наурызына дейін күшінде болады. Мұндай көліктер техникалық регламенттің талаптарына сай болуы керек. Сондай-ақ, тіркеу сомасы мен мемлекеттік бажды төлеуі тиіс. Уақытша тіркеу бір қолдан екінші қолға сатылып барып, жасалмауы тиіс. 2021 жылдың 1 наурызына дейін автокөлік иелері көліктерін тұрақты тәртіпте тіркеп, кедендік баж бен утилизациялық соманы төлеуі тиіс. Болмаса ол көлікті елден шығаруы немесе заңнамамен тыйым салынбайтын басқа да амалмен мәселесін реттеуі қажет. Үкіметке Қазақстанның заңнамасына қайшы келетін көліктерді бұдан ары кіргізбеуді және пайдалануға шектеу қою шараларын қолға алуды тапсырамын», – деді Мемлекет басшысы.
</blockquote>
Президент бұл жерде отандық мүдде басты назарға алынуы керектігін тапсырды.

Мемлекет басшысы шетелдік нөмірі бар көліктерге қатысты шешім қабылдады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> ҚМДБ-ның төрағасы, Бас мүфти Серікбай қажы Ораз хазреттің тапсырмасына сәйкес, Сыр өңірінің Бас мешітінде ҚМДБ-ның Қызылорда облысы бойынша өкілдігі, «Шариғат және пәтуа» бөліміне қарасты «Діни кеңес беру» орталығы ашылды.
«Ақмешіт-Сырдария» мешітінде ашылған орталықтан кез келген қала тұрғыны өздерін толғандырған сұрақтарына жауап, күнделікті өмірде кездесетін түйткілді мәселелері бойынша кеңес және пәтуа ала алады. Орталықта «Нұр-Мүбарак» Египет ислам мәдениеті университеті және Египет Араб Республикасындағы «Әл-Азһар» университетінде білім алған наиб имам Жеңіс Әбибуллаұлы бастаған білікті мамандар аптасына жеті күн 9:00-18:00 уақыт аралығында тегін қызмет етуде.
Сонымен қатар, тікелей қоңырау шалу арқылы, «Telegram», «Whats’App» мессенджерлерінде ерлерге және әйелдерге арналған «діни сұрақ-жауап» топтары ашылып, орталық қызметі қарқынды жүруде.
Назарларыңызға жауапты мамандардың байланыс телефондарын ұсынамыз.
8 707 9 21 4715
8 7242 21 47 15
Мекен-жайы: Қызылорда облыстық «Ақмешіт-Сырдария» орталық мешіті 
Жұмыс уақыты: 9:00-18:00
<img src="https://kyzylorda-news.kz/wp-content/uploads/2020/01/24basmeshitte2.jpg" alt="" />
<img src="https://kyzylorda-news.kz/wp-content/uploads/2020/01/24basmeshitte3.jpg" alt="" />

Бас мешітте діни кеңес беру орталығы ашылды

<a href="https://kyzylorda-news.kz/">Kyzylorda-news.kz.</a> Облыс бойынша қорғаныс істері жөніндегі департаментінің ұйымдастыруымен «Жастар ресурстық орталығында» тәрбиеші офицерлер күніне арналған салтанатты жиын өтті. Жиынға Қызылорда гарнизонының тәрбиеші офицерлері мен «Жас Сарбаз» жасөспірімдер әскери-патриоттық қозғалысының тәрбиеленушілері қатысты.
Шарада тәрбие, идеология­лық және әскери-патриоттық жұ­мыстар басқармасының бас­тығы, қорғаныс істері жөнінде­гі департаменті бастығының орынбасары А.Жакипов Қы­зылорда гарнизонының тәр­биеші офицерлерін кәсіби ме­рекемен құттықтап, ҚР Қор­ғаныс министрі генерал-майор Н.Ермекбаевтың құт­тықтауын жеткізді. Сонымен қатар, тәрбие жұмыстары ор­ган­дарын құру тарихы туралы арнайы бейнеролик көр­сетіліп, Қызылорда гарнизоны бастығының тәрбие, идео­ло­гиялық жұмыстар жөніндегі орынбасары Т.Бәйгебаев тәр­биеші гарнизон бастығы атынан облыстық қорғаныс істері жөніндегі де­партаментінің бірқатар тәр­биеші офицерлерін марапаттады.
Жиын соңында концерт тамашаланып, қонақтар «Жас­тар ресурстық орталығының» тыныс-тіршілігімен танысты.

Қызылордада офицерлер марапатталды

<a href="https://kyzylorda-news.kz/">Kyzylorda-news.kz.</a> Былтыр Жалағаш кентінің шығыс жақ бөлігінде жаңартылған күн сәулесінен 30 мВт энергия өндіретін электр станциясының құрылыс басталған. Оған кент аумағынан 164 га жер учаскесі берілген болатын.&nbsp;
<blockquote>
 «Құны 19,0 млрд. теңге тұратын жобаның бастамашысы «Nomad Solar» ЖШС. Жобаның құрылыс жұмыстарын Греция мемлекетінің «Метка» компаниясы жүргізіп, бүгінгі таңда жоба іске қосылуға 100 пайыз дайын», – делінген аудан әкімдігінің таратқан хабарламасында.
</blockquote>
Жоба іске асқан уақытта 25 адам тұрақты жұмыспен қамтылмақ. Сондай-ақ жергілікті бюджетке жыл сайын 120 млн. теңге көлемінде кіріс түсімі түсетін болады.

Жалағашта күн электр станциясы пайдалануға беріледі

<a href="https://kyzylorda-news.kz/">Kyzylorda-news.kz.</a> Көңілді уақыт өткізген аналардың жайылған мерекелік дастарханында алкогольді сусынның ыдысы да табылады.
Желіде әлеуметтік жәрдемақы үшін жоспар құрған әйелдер тобын бейнелейтін ролик таралды, деп хабарлайды Elitar.kz ақпараттық порталына сілтеме жасап.
Онда жағдайларының нашар әрі баспанасыз, балаларын асыра алмай жүргендіктерін айтып әкімшіліктен ақша талап еткен аналардың қалай көңіл көтеретіндіктері, өзіндік жоспарлары бейнеленіпті.
<blockquote>
 Аталған роликте берілген аудиожазбаларда көпбалалы аналардың бірі: “Бірақ реально 80 немесе 100 ана жиналуымыз керек”,- десе, енді бірі “Кеше ойбай шығамыз-шығамыз деп бәрің лыпылдап жатыр едіңдер. Біреуің барған жоқсыңдар ғой. Отырып аласыңдар да, ой анау мынандай, анау мынандай дейсіңдер. Докажит (“доказать” – ред.) етіп, істеңдер соның бәрін. Өтірік емес, собесдегі Ғалымжаның да, Еркебұланың да, Дарханың да, 4 аудан әкімшілігінің адамдары, Абай ауданының әкімі, Еңбекші ауданының әкімі бәрі келді. Бүкілі жиналды сол жерге. Бәрі келді қасымызға, лыпылдап жүгіріп жүр. 21 мың теңге түсірмеген 2-3 қатын (сол күйінде берілді – ред.) бар еді, именно солардікін түсіріп беретін болып кетті Ғалымжанның өзі. Апарып собесге, алып келді солардың бәрін тексертіп. “Ладушкиге” алып барып, бүкіл дастарханды жайып жіберіп, қонақ қылып күтті бізді обедте”, – деген.
</blockquote>
Ал келесі аудиожазбада:
<blockquote>
 – “Қыздар, ертең әкімшіліктің адамдары “жүріңдер-жүріңдер, продукты, анау-мынау берем” деп алдап, әкетіп қалады. Айт бірінші, кім квартирада тұрады, квартираның ақшасын төлеп беріп отыратын болсаңыздар кетеміз деп. Ана группада сондай. Олардың жартысының квартирасының ақшасын әкімшілік төлеп жатыр”,- делінген.
</blockquote>
&nbsp;Ал шындығында солай ма? Бұл инстаграм желісінде әжептеуір талқыға түсіп, ондағы қолданушылардың пікірін екіге жарыпты. Бір бөлігі мұны дұрыс деп санаса, басым көпшілігі аналардың әрекетін жөнсіз санаған.
<a href="http://ernur.kz/shymkent/shymkentte-zhardemaky-talap-etken-analardyn-areketi-kyzu-talkygha-tusti-video">ERNUR.KZ</a>

Шымкентте жәрдемақы талап еткен аналардың әрекеті қызу талқыға түсті

<a href="https://kyzylorda-news.kz/">Kyzylorda-news.kz.</a> Қызылорда қаласында Еуропалық қайта құру және даму банкі қаржыландыратын жоба шеңберінде электр желілерін жаңғырту жүргізілуде.
Жаңғырту төменгі (400 Вольт) және орташа (10000 Вольт) кернеулі электр тарату желілері бойынша жүргізіледі. Ағымдағы уақытта кернеуі төмен (400 Вольт) электр желілерін жаңғырту бойынша СВ-95-2 – 3938 тіректердің ішінен 3181 данасы немесе 78% электр беру желілерінің тіректері орнатылды. СИП-4 сымдарының 102,356 км құрастырылып ілінген (өздігінен басқарылатын оқшауланған сымдар) осы типті жоба бойынша 206,8 км сымдардан немесе 49% құрастырылып ілінген. Жоба бойынша 0,4 кВ 4,74 км кабельдерден 0,539 км күш кабелі немесе 49% құрастырылған. Орта кернеулі (10000 Вольт) электр желілерін жаңғырту бойынша СВ-105-5 – 3626 тіректен 2531 электр беру желілерінің тіректері орнатылды. Жоба бойынша осы үлгідегі тірек немесе 70%, СВ-110-5 – 1757-ден 792 данасы жоба бойынша немесе 45%, СВ-164-1 – 18-ден 18 тірек немесе жоба бойынша берілген барлық тіректердің 100% құрастырылып, СВ-164-12 – 123-тен 23 данасы жоба бойынша немесе 20%, жоба бойынша 71,432 км сымдардың СИП-3 93,02 км сымдары немесе 76% ілінді, жоба бойынша 10 кВ 12,28 км кабельден 8,563 км күш кабелі немесе 70% құрастырылды.&nbsp; КТПБ-10/0,4 кВ 630 кВА – 2 дана жоба бойынша 2 немесе 100%, КТПБ – 10/0,4 кВ 400 кВА-37 дана жоба бойынша 37 немесе 100%, КТПБ-10/0,4 кВ 250 кВА-13 дана 13 жоба бойынша немесе 100%, 10 кВ тарату пункті-1 дана жоба бойынша 1 дана. «Промышленная»&nbsp; 35/10 кВ қосалқы станцияларына кеңейтулер жүргізіліп,&nbsp; қосымша 3 ұяшықты 10 кВ, «Комсомол» қосымша 3 ұяшықты 10 кВ орната отырып, 35/10 кВ кеңейту жүргізілді. РУ-10 кВ ТП-10/0,4 кВ №1 Белкөл жабдықтары ауыстырылды.
Қызылорда қаласының электр желілерін жаңғырту, қаланың желілік бөлігіне қызмет көрсететін Қызылжарма ЭЖА (электр желілері ауданы) жүргізіледі.
Электр энергиясының тұтынушыларын электр желілерін жаңғырту апатсыз және үздіксіз электрмен жабдықтауды қамтамасыз етуге мүмкіндік береді.
«Қазақстан Республикасы Энергетика министрлігі Атомдық және энергетикалық қадағалау мен бақылау комитетінің Қызылорда облысы бойынша аумақтық департаменті» ММ

Қызылордада электр желілерін жаңғырту жүргізілуде

<a href="https://kyzylorda-news.kz/">Kyzylorda-news.kz.</a> Раджастхан тұрғындары мутантты ешкіні көріп таңғалды. Жануардың бет-әлпеті адамға ұқсайды, деп жазады <a href="https://stan.kz/adam-betimen-tugan-lak-tyrgindardi-tangaldirdi-326550/">Stan.kz</a>.
Лақтың қожайыны үй жануарының екі көзі болса да, жануар циклопиядан зардап шегуі мүмкін деп мәлімдеді, деп хабарлайды The Mirror.
Иесі Мукшжи Праяптың&nbsp;айтуынша, жануар бірнеше күн бұрын дүниеге келген.
Бұл оқиға болған Нимодия ауылының кейбір тұрғындары лаққа тағзым етуге келеді. Көптеген тұрғындар бұл жануар&nbsp;құдайдың бейнесі деп санайды.
Басылымның мәліметінше, әртүрлі патологиясы бар жануарлар реинкарнацияға сенетін үндістерді жиі қызықтырады.
Иелері өздерінің мутанттық ешкілерін видеоға түсірді.

Адамға ұқсап туған лақ тұрғындарды таңғалдырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада тұмау мен ЖРВИ эпидемиологиялық ахуалы және коронавирустық инфекцияның алдын алу бойынша жұмыстар атқарылуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Әлия Идрисова мәлімдеді.
<blockquote>
 «Облысымызда тұмау ауруының алдын алу мақсатында 2019-2020 жж. эпидмаусымына 80 000 доза вакцина алынып, 78199 адам екпе қабылдады. Сондай-ақ, жұмыс берушілер есебінен де вакцинациялау қарқынды жүзеге асырылды. Жұмыс берушілермен жүргізілген жұмыстың нәтижесінде, 2000-ға жуық қызметкерге тұмауға қарсы екпе егілді»,- деді Әлия Нұрмағанбетқызы.
</blockquote>
Айта кетейік, қазіргі таңда Қытайда короновирустың жаңа түрі пайда болып, эпидемияның таралуына түрткі болып отыр.Осыған байланысты “Қазақстан Республикасының аумағында белгіленбеген этиологияның пневмониясының әкелінуі мен таралуының алдын алу бойынша санитариялық-эпидемияға қарсы және санитариялық-профилактикалық іс-шараларды күшейту туралы” қаулы қабылданды. Соның негізінде, біршама профилактикалық шаралар жүргізілуде.
Мұнан өзге, вирус шыққан Ухань қаласына елімізден тікелей рейстер болмағанымен, Қытайға барып-келген азаматтарға санитар дәрігерлер тексеру жүргізуде. Қазіргі таңда елімізде аталмыш вирусты жұқтырған азаматтар анықталмады.
<blockquote>
 «Облысымызда Қытай елінің азаматтары жұмыс жасайтын компанияларға, көші-қон саласы бойынша облысымыздағы уәкілетті органдарға сақтық шараларын күшейту туралы қызметтік хаттар жолданды»,-деді Әлия Нұрмағанбетқызы.
</blockquote>
Сонымен қатар, департаменттің эпидемолог мамандары короновирустың белгілері тұмауға ұқсайтындығын ескертті. Науқас жөтеліп, тұмауратады, кеуде қуысы ауырып, дене қызуы көтерілетінін айтты. Сондықтан суық тиюдің белгілері байқалған жағдайда өз бетімен емделмей, дереу медициналық көмекке жүгіну керек. Әйтпесе науқастың жағдайы нашарлап, қайғылы жағдайға әкелуі мүмкін.
<img src="https://kyzylorda-news.kz/wp-content/uploads/2020/01/24infeksiyanyn2.jpg" alt="" />

Қазақстан және Қызылорда облысының жаңалықтары