<a href="https://kyzylorda-news.kz/">Kyzylorda-news.kz.</a> Бүгінде Қызылорда облысында COVID-19 жұқтырған 18 адам тіркелген.
Өңірдегі алғашқы пациент Оңтүстік Кореядан 1 наурыз күні келгенімен, коронавирус жұқтырғаны тек 28 наурыз күні белгілі болды. Осыған байланысты қазір тергеу жұмыстары жүріп жатыр. Бұл туралы Қызылорда облысының әкімі Гүлшара Әбдіқалықова мәлімдеді.
1 наурыз күні шет елден келген қызылордалық тұрғын бірден оқшауланғаны анықталды. Көп ұзамай келіншек үйіне жіберілген. Бірақ ол өзін 27 наурыз күні жайсыз сезініп, ақ халаттыларға жүгінген. Одан алынған анализ нәтижелері коронавирустық инфекция жұқтырғанын көрсеткен.
Көп ұзамай қазақстандық азаматша медициналық мекемеге жатқызылды. Оның жағдайы орташа дәрежеде ауыр. Ол жөтелге, дене қызуының көтерілуі мен тамақ жыбырлауына шағымданған. Келіншекпен байланысқан 30 тұлға анықталды. Аталған жағдайға байланысты өңірдің жаңа әкімі Гүлшара Әбдіқалықова пікір білдірді.
<blockquote>
 «Коронавирус» диагнозы қойылған бірінші науқасқа қатысты қызметтік тергеу жүргізіледі және қатерлі дерт белгілерінің кеш анықталуының себебі тексеріледі», – деді облыс әкімі.
</blockquote>

Гүлшара Әбдіқалықова: Қызылордада коронавирусты кеш анықтау фактісіне қатысты тергеу жүргізіледі

Шиелі ауданының әкімі Қамбарбек Мүбараковтың назарына!
<a href="https://kyzylorda-news.kz/">Kyzylorda-news.kz</a> ақпарат агенттігінің WhatsApp нөміріне (+7-702-702-76-00) Нұр-Сұлтан қаласының тұрғыны Жанар Серікбаева хабарласып, Шиелі кентінде тұратын ағасына шұғыл көмек керектігін жеткізді.
<blockquote>
 «Менің ағам Серікбаев Мархабат Бекежанұлы, 48 жаста. Қызылорда облысының Шиелі кентінде тұрады. Астана, Түркістан қалаларында құрылыста еңбек етіп, өзі қара жұмыспен айналысып жүрді. Елімізде төтенше жағдайдың енгізілуіне байланысты жұмысы тоқтап, жабылып қалды. Амалдың жоқтығынан отбасына, Шиеліге кетті. Қызылорда облысында карантин жариялануына байланысты еш жерден жұмыс таппай жатыр. Бүгінгі таңда ағам отбасымен өмір сүруге жағдайсыз қалып, ішерге азық-түлік таппай отыр. Тіпті, нан алуға мүмкіндігі жоқ. Ол Шиелі кентінде өзінің отбасымен тұрады. Кішкентай қызы әлі 1 жасқа толған жоқ. Олар еш жерде жұмыс жасамайды. Дәл қазіргі сәтте, ішерге тамақ таппай қиналып отыр. Дәрі-дәрмек алуға да шамасы жоқ. Мойнында несие мен қарыздары көп. Оған мемлекеттен ешқандай ақша төленбеді. Сіздерден сұрарым – осы жағдайды аудан басшылығына, жанашыр азаматтарға жеткізіп, азық-түлікпен, басқа да заттармен көмек көрсетсеңіздер екен», – дейді Жанар Серікбаева.
</blockquote>
Біз телефонның ар жағында екі көзі жасқа толған Жанар ханымға қиын жағдайда қалған ағасына Сыр бойының, Шиелі ауданының тұрғындары ел болып көмек көрсететінін айтып, уәде бердік. Себебі, біз – қай кезде де, қандай жағдай болмасын жақынын қиындықта қалдырмаған халықпыз.
Шиелі ауданының басшылығын, кәсіпкер азаматтарды, волонтер жастарды Мархабат Серікбаев ағамыздың отбасына көмек көрсетуге шақырамыз!
Мархат Серікбаевтың мекен-жайы:
Шиелі кенті, Шәкәрім көшесі №140 үй.
Байланыс телефондары:
Мархабат Серікбаев +7-702-532-74-39
Ақмарал Балтабаева +7-775-360-83-79

SOS: Шиелі кентіндегі отбасыға шұғыл көмек керек!

<a href="https://kyzylorda-news.kz/">Kyzylorda-news.kz.</a> Қызылорда қаласында карантиндік шектеулер енгізілгені баршаға белігілі. Осыған орай, Қызылорда қаласына барлық көліктердің кіріп-шығуы шектелді. Десек те, Қызылорда қаласы әкімі жанындағы Төтенше жағдай режимін қамтамасыз ету жөніндегі жедел штабы Қызылорда қаласында орналасқан блок-бекеттерден кімдер кіріп-шыға алатынын жариялады.
Блок-бекеттерден тұрғындарды кіру/шығу жағдайындағы нұсқаулықтар рұқсат беріледі:
1. Тұрақты мекен жайы бойынша мәлімет нақтыланған жағдайда тиісті бағытқа өтуіне;
2. Қала шекарасы аумағынан тыс бизнес-субъектілернің қауіпсіздігі үшін қажетті барлық жедел қызметтердің өтуіне;
3. Жанар-жағар май мен газдың жетіспеуін болдырмау мақсатында аудандарға арнайы көліктердің қозғалысына;
4. Қала шекарасы аумағынан тыс орындарда саяжай, фазенда, подхоз және т.б. мал және егін шаруашылықтарын ұстап тұру мақсатында тұрғындарды меншік құқығын растайтын құжаты негізінде шекті мөлшерде өтуіне (күніне 1 рет);
5. Жұмыс орындары қала аумағындағы/қаладан тыс жағдайда жұмыс орнының анықтамасына сәйкес кіргізіп/шығарылады;
6. Қаладан тыс кәсіпкерлік субъектілермен қолданыстағы келісімдер негізінде жолдаманы көрсету арқылы (накладная) азық-түлік пен тамақтану міндеттемелері бар кәсіпкерлерге рұқсат беріледі;
7. Облыс орталығындағы денсаулық сақтау мекемелеріне тұрғынның жолдамасына/медициналық анықтамасына өзінің тұрғылықты мекен жайына кіргізіп/шығарылады;
8. Мүмкіндігі шектеулі азаматтардың аудан орталығынан шақырған инватакси қызметтері денсаулық сақтау мекемелеріне өтуіне;
9. Сырттан тасымалданатын бірінші кезектегі тауарларға «жасыл дәлізді» бойынша тауар тасымалын растайтын жолдама құжат (накладная) негізінде тиісті орынның сұранысы бойынша өтуіне.
Ескерту:
1. Барлық жағдайларда азаматтардың жеке басын анықтайтын құжаттың және жеке қорғаныс құралдарының (антисептикалық құрал, бір реттік бетперде мен қолғап) болуы міндетті.
2. Тұрғындардың қала ішіндегі қозғалысы кезінде жеке қорғаныс құралдарының (антисептикалық құрал, бір реттік бет-перде мен қолғап) болуын талап ету

Қызылорда қаласында орналасқан блок-бекеттерден кімдер кіріп-шыға алады?

<a href="https://kyzylorda-news.kz/">Kyzylorda-news.kz.</a> Аймақ басшысы әкімі Гүлшара Әбдіқалықова облыстық Қоғамдық кеңестің төрағасы Бақытжан Сайлыбаевты қабылдады.
Қабылдауда Бақытжан Әбдіқалықұлы қоғамдық кеңестің қызметі мен жоспарлары туралы баяндады.
<blockquote>
 «Өзіңіз білетіндей қоғамдық кеңес – әлеуметтік-экономикалық маңызды мәселелер бойынша пікір білдіретін дербес, байқаушы орган. Біздің кеңес бұқараны алаңдатқан өзекті жайттарды билікке жеткізіп келеді. 17 наурызда жылдық жұмыс жоспарды бекіттік. Қоғамдық кеңес әрқашан бірлесіп жұмыс істеуге дайын», – деді Бақытжан Сайлыбаев.
</blockquote>
Облыс әкімі қоғамдық кеңестің ел өміріндегі орны ерекше екенін атап өтіп, кез келген түйткіл түйінін тарқатуға атсалысу қажеттігін еске салды. Әсіресе, қазіргідей қиын жағдайда тұрғындарды бірлікке, ынтымаққа, күш біріктіруге шақырудың маңыздылығына тоқталды.
<blockquote>
 «Бәріне белгілі қазіргі уақытта үлкен сынақтан өтіп жатырмыз. Әлемді жаулаған коронавирус бізді де айналып өтпеді. Бүгінгі ең өткір мәселе – осы індет. Сын сағатта қоғамдық кеңес мүшелерінің тұрғындарды бірлікке шақыруы маңызды. Вируспен бірге күресіп, азаматтарға сақтық шараларын қатаң сақтауды түсіндіруіміз қажет», – деді Гүлшара Әбдіқалықова.
</blockquote>
Айта кетейік, облыстық қоғамдық кеңеске 25 адам мүше. Құрамына мелекеттік орган өкілдері, қоғам қайраткерлері, кәсіпкерлер және қоғам белсенділері кіреді.

Гүлшара Әбдіқалықова Бақытжан Сайлыбаевты қабылдады

<a href="https://kyzylorda-news.kz/">Kyzylorda-news.kz.</a> Қызылордада коронавирус инфекциясының таралып кетуінің алдын алу мақсатында&nbsp; Қызылорда облысы Бас мемлекеттік санитарлық дәрігері Әлия Әбдіқайымованың қаулысымен 2020 жылдың 31 наурызы сағат 00:00 бастап 2020 жылдың 15 сәуірі сағат 07:00 дейін Қызылорда қаласында карантин жарияланды.
Осы орайда, Қызылорда қаласы шекарасы бойынша 5 санитарлық блок-бекет орналастырылды:
1. Оңтүстік бағыт «Батыс Еуропа – Батыс Қытай», «Ислам» кемпингі, 1834 шақырым (Шымкент, Алматы бағыты).
2. Қызылорда-Павлодар тасжолы, 13 шақырым (Жезқазған, Қарағанды, Нұр-Сұлтан бағыты).
3. Қызылорда-Ақтөбе, «Батыс Еуропа – Батыс Қытай», «Ақжарма» ауылдық округі (Баймұрат батыр елді-мекенінің тұсы).
4. «Қызылорда-Жалағаш», Қызылөзек ауылдық округі айырығы.
5. «Тұңғыш Президент саябағы» жанындағы көліктік айналма жол.

Қызылорда қаласы шекарасы бойынша 5 санитарлық блок-бекет орналастырылды

<a href="https://kyzylorda-news.kz/">Kyzylorda-news.kz.</a> Қызылордада коронавирус жұқтырған 8 кісінің бір үйдің адамдары екені анықталып отыр. Бұл туралы «Хабар 24» арнасында тікелей эфирден сөйлеген Қызылорда облысының денсаулық сақтау басқармасының басшысы Жақсылық Әбдусәметов мәлім етті.
<blockquote>
 «Қазіргі таңда Қызылорда облысында коронавирус инфекциясының 18 жағдайы тіркелді. Бүгінгі күні қосымша тіркелген фактілер Жаңақорған ауданынан болып отыр. Барлығы да – алдында тіркелген науқаспен қарым-қатынаста болып, оқшауланып, карантинде болған азаматтар. Осы азаматтардан сынама алынған еді», – деді ол.
</blockquote>
Басқарма басшысының айтуынша, коронавирус жұқтырған 8 азамат – бір отбасының мүшелері.
<blockquote>
 «Олар – 6-45 жас аралығындағы адамдар. Соның ішінде үшеуі – 14 жасқа дейінгі балалар», – деді ол.
</blockquote>
Еске сала кетейік, бұған дейін Қызылорда облысында коронавирус инфекциясын жұқтырғандар саны <a href="https://kyzylorda-news.kz/kogam/qyzylorda-oblysynda-koronavirws-zhuqtyrghandar-sany-18-boldy-53060/">18 адамға жеткенін</a> хабарлаған болатынбыз.

Қызылордада коронавирус жұқтырған 8 кісі &#8211; бір үйдің адамдары

<a href="https://kyzylorda-news.kz/">Kyzylorda-news.kz.</a> 1 сәуірде Қазақстанның барлық мектептері қашықтан оқыту бойынша сынама сабақ өткізеді. Бұл туралы ҚР Білім және ғылым министрі Асхат Аймағамбетов Орталық коммуникациялар қызметіндегі брифингте мәлімдеді.
<blockquote>
 «1 сәуірде еліміздің барлық мектептерінде сынама жүргізіп, мұғалімдер балалардың жүйеге қалай қосылғанын тексереді. Бейсенбі күні – 2 сәуірде ата-ана жиналысын өткізіп, жүйеге қосылуды, балалар жұмысын дұрыс ұйымдастыруды үйретеміз», – деді министр. 3 сәуір – жұма күні оқушылармен сынып сағаттары жүргізіледі. Онда да балаларға тиісті ақпарат беріліп, қашықтан оқу форматы туралы барлық сұрақтарға жауап беріледі. «Осылайша, 6 сәуірде мектеп те, ата-ана да, құрылғылар да қашықтан білім беруге дайын болуы керек», – деді А. Аймағамбетов.
</blockquote>

1 сәуірде Қазақстан мектептері оқушыларға сынама сабақ өткізеді

<a href="https://kyzylorda-news.kz/">Kyzylorda-news.kz.</a> Аймақ басшысы Гүлшара Әбдіқалықова облыстық Ардагерлер кеңесінің төрағасы Серік Дүйсенбаевты қабылдады.
Кездесуде аймақ ардагерлерінің жағдайы мен кеңестің қоғам өміріндегі маңызы талқыланды.
<blockquote>
 «Облыстық аргерлер кеңесі белсенді жұмыс істеуде. Өңірде 723 бастауыш ұйым бар. Аталған ұйымдарға 74 мыңға жуық ардагер мүше. Қазіргідей төтенше жағдай кезеңінде әрқайсымен телефон арқылы байланысып, жағдайларын біліп отырмыз», – деді Серік Дүйсенбаев.
</blockquote>
Аймақ басшысы коронавирус індетінің өршуіне байланысты ардагерлердің үйде отыруы маңызды екенін атап өтті.
<blockquote>
 «Жаңа қызметімді үлкендеріміздің ақ батасын алып бастасам деймін. Біз қай заманда да үлкенін сыйлап, құрметтей білген халықпыз. Содан да болар, бізде атадан балаға жалғасқан ұрпақтар сабақтастығы берік қалыптасқан. Өкінішке қарай, қариялармен жүзбе-жүз кездесіп, пікірлесудің сәті түспей келеді. Алайда, вирусты жеңгеннен кейін арнайы кездесу ұйымдастырамыз. Елді мекендерді аралаған кезде де арнайы жүздесетін боламын. Дәл қазір үйден шықпай, денсаулықтарын сақтағаны жөн. Ардагерлерімізге сәлемімді жеткізсеңіз», – деді облыс әкімі Гүлшара Әбдіқалықова.
</blockquote>
Кездесу соңында кеңес төрағасы аймақ басшысының қызметіне сәттілік тілеп, облыстың дамуы мен ішкі ахуал тұрақтылығын сақтауға бағытталған тың бастамаларға қолдау көрсететінін жеткізді.

Гүлшара Әбдіқалықова облыстық Ардагерлер кеңесінің төрағасын қабылдады

<a href="https://kyzylorda-news.kz/">Kyzylorda-news.kz.</a> Қазақстанда тағы 11 адам коронавирус жұқтырды. Қызылорда облысында – 10 адам, Павлодар облысында – 1 адам, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-31-nauryz-sagat-15-30-zhagday_a3631728">www.coronavirus2020.kz.</a>
31 наурыз 15:30-дағы мәлімет бойынша Нұр-Сұлтан қаласы бойынша 175 адам, Алматы қаласында – 82 адам, Қарағанды облысында – 13 адам, Ақмола облысында – 10 адам, Атырау облысы – 13 адам, Жамбыл облысында -3 адам, Шымкент қаласында – 2 адам, Шығыс Қазақстан облысында – 2 адам, Алматы облысында – 8 адам, Ақтөбе облысында – 3 адам, Солтүстік Қазақстан облысында – 2 адам, Павлодар облысында – 2 адам, Маңғыстау облысында – 1 адам, Қызылорда облысында – 18 адам, Батыс Қазақстан облысында – 2 адам, жалпы 336 науқас тіркелді.

Қызылорда облысында коронавирус жұқтырғандар саны 18 болды

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов карантиндік шаралардың мерзіміне қатысты пікір білдірді.
Министрдің айтуынша, бүгінде Қазақстанда коронавирус жұқтырғандар саны орташа есеппен күн сайын 30 процентке өсіп келді. Ол бір науқас инфекцияны үш-төрт адамға жұқтыра алатынын айтты.
Оның сөзіне қарағанда, бүгінде инфекциялық стационарларда 3 500 орын бар. Қосымша орындар да қарастырылған. Негізгі мақсат – науқастардың күрт көбейіп кетуіне жол бермеу. Себебі ондай жағдайда ауруханаларға салмақ түседі, науқастардың өміріне де қауіп төнеді.&nbsp;&nbsp;
<blockquote>
 «Жалпы, сәуірде эпидемияның шарықтау шегінен өтеміз деп ойлаймын. Одан кейін карантиндік шараларды жалғастыратын боламыз. Әрине, медицина қызметкерлеріне де қауіп төніп тұр. Сондықтан біз медицина қызметкерлерінің резервін жасақтап жатырмыз. Қазіргі шараларға 16 мың маман қатысуда. Біз сәуір-мамыр айларында қосымша 10 мың қызметкерді тартуды жоспарлап отырмыз», – деді министрі.
</blockquote>
Айта кетейік, бұған дейін министр елімізде <a href="https://kyzylorda-news.kz/kogam/ministr-elimizde-3-5-myng-adam-covid-19-infekcijasyna-shaldyghwy-muemkin-ekenin-ajtty-53007/">3,5 мың адам COVID-19 инфекциясына шалдығуы мүмкін</a> екенін айтқанын хабарлаған болатынбыз.

Денсаулық сақтау министрі карантиннің қай уақытқа дейін созылатынын айтты

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова “Байқоңыр” ӘКК” АҚ басқарма төрағасы Темірхан Кенжебаевты қабылдады.
Қабылдауда Темірхан Кенжебаев Аймақ басшысына корпорациясының жыл басынан бергі атқарған жұмыстары және алдағы жоспарлары туралы баяндады.
Темірхан Кенжебаевтың айтуынша, өңірде тұрақтандыру қорына қатысты бірнеше мәселелер бар. Қазіргі таңда корпорацияның қоймаларында 2 880 тонна азық-түлік қоры бар. Бірақ бұл облыс халқын толық қамтамасыз етуге жеткіліксіз. Сондықтан бюджеттен қосымша қаржы қарастыру керек.
<blockquote>
 “Бүгін бізге қосымша 500 тонна картоп, 134 тонна қант келе жатыр. Кеше ғана бір вагон қарақұмық келді. Қостанайдан 100 тонна макарон өнімі жіберілді. Келісім-шарттарымыз бар. Ақша аударылса, қосымша жеткізіледі”, – деді корпорация басшысы.
</blockquote>
Гүлшара Әбдіқалықова облыстық мәслихаттың кезекті сессиясында қаражат мәселесі шешілетінін айтты.
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-12.04.46.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-31-at-12.04.47-1.jpeg" alt="" />

Гүлшара Әбдіқалықова Темірхан Кенжебаевты қабылдады

<a href="https://kyzylorda-news.kz/">Kyzylorda-news.kz</a>. Австралиялық ғалымдар иммунитеті жақсы адамдардың ағзасы&nbsp;коронавирусты өздігінен жеңе алатынын анықтады. Бұл туралы&nbsp;<a href="https://www.nature.com/articles/s41591-020-0819-2">Nature Medicine</a>&nbsp;хабарлайды.
Сарапшылар мұндай қорытындыға ауруханаға коронавирус белгілері бар науқасты бақылағаннан кейін келді. Жаман әдеттері мен патологиялық аурулары жоқ әйелге антибиотиктер немесе вирусқа қарсы препараттар тағайындалмады, ол 14 күннен кейін қалпына келді.
<blockquote>
 «COViD-2019 жаңа вирустың пайда болуына қарамастан, біз бұрын сау адамдар&nbsp;қалпына келген кезде, тұмауда көргеніміздей тұрақты иммундық реакцияны көреміз», – деп атап өтті зерттеу авторы.
</blockquote>
Ғалымдар зерттеу нәтижелерінің сауығу процесін түсіну үшін өте маңызды екенін атап өтті.

Қазақстан және Қызылорда облысының жаңалықтары

Гүлшара Әбдіқалықова: Қызылордада коронавирусты кеш анықтау фактісіне қатысты тергеу жүргізіледі

SOS: Шиелі кентіндегі отбасыға шұғыл көмек керек!

Қызылорда қаласында орналасқан блок-бекеттерден кімдер кіріп-шыға алады?

Гүлшара Әбдіқалықова Бақытжан Сайлыбаевты қабылдады

Қызылорда қаласы шекарасы бойынша 5 санитарлық блок-бекет орналастырылды

Қызылордада коронавирус жұқтырған 8 кісі – бір үйдің адамдары

1 сәуірде Қазақстан мектептері оқушыларға сынама сабақ өткізеді

Гүлшара Әбдіқалықова облыстық Ардагерлер кеңесінің төрағасын қабылдады

Қызылорда облысында коронавирус жұқтырғандар саны 18 болды

Денсаулық сақтау министрі карантиннің қай уақытқа дейін созылатынын айтты

Гүлшара Әбдіқалықова Темірхан Кенжебаевты қабылдады

Ғалымдар дәрі-дәрмексіз коронавирустан емделуге болатын жағдайларды атады

Қазақстан және Қызылорда облысының жаңалықтары

Гүлшара Әбдіқалықова: Қызылордада коронавирусты кеш анықтау фактісіне қатысты тергеу жүргізіледі

SOS: Шиелі кентіндегі отбасыға шұғыл көмек керек!

Қызылорда қаласында орналасқан блок-бекеттерден кімдер кіріп-шыға алады?

Гүлшара Әбдіқалықова Бақытжан Сайлыбаевты қабылдады

Қызылорда қаласы шекарасы бойынша 5 санитарлық блок-бекет орналастырылды

Қызылордада коронавирус жұқтырған 8 кісі &#8211; бір үйдің адамдары

1 сәуірде Қазақстан мектептері оқушыларға сынама сабақ өткізеді

Гүлшара Әбдіқалықова облыстық Ардагерлер кеңесінің төрағасын қабылдады

Қызылорда облысында коронавирус жұқтырғандар саны 18 болды

Денсаулық сақтау министрі карантиннің қай уақытқа дейін созылатынын айтты

Гүлшара Әбдіқалықова Темірхан Кенжебаевты қабылдады

Ғалымдар дәрі-дәрмексіз коронавирустан емделуге болатын жағдайларды атады

Қызылордада коронавирус жұқтырған 8 кісі – бір үйдің адамдары