<a href="https://kyzylorda-news.kz/">Kyzylorda-news.kz.</a>&nbsp; COVID-19 пандемиясына байланысты елімізде биыл Астана күні қалай тойлануы мүмкін? Бұл сұраққа Мәдениет және спорт министрі Ақтоты Райымқұлова жауап берді, деп хабарлайды <a href="https://www.inform.kz/kz/biyl-astana-kuni-kalay-toylanady_a3642160">ҚазАқпарат</a>.
<blockquote>
 «Әлбетте бұған дейін астанамыздың мерекесі аясында көптеген концертті жоспарлаған едік. Ендігі кезекте елдегі карантинге байланысты жағдай қалай болады – соған қарай жоспар жасаймыз. Әйтсе де қала тұрғындары мен меймандарын офлайн жобалармен қуантамыз деген ойдамын. Әлбетте онлайн-режимдегі жобалар да көп болады. Астанамыздың мерекесіне орай мәдени шараларды лайықты деңгейде даярлайтынымзды айтқым келеді», – деді Ақтоты Райымқұлова ОКҚ-да онлайн режимде өткен баспасөз мәслихатында.
</blockquote>
Айта кетсек, бұған дейін Ақтоты Райымқұлова 3D форматында экскурсия ұсынатын еліміздегі музейлер мен ескі қалашықтарды атаған болатын.

Биыл Астана күні қалай тойланады?

<a href="https://kyzylorda-news.kz/">Kyzylorda-news.kz</a>. Қасқыр ешбір қақтығыстан қайтпайтын, не жеңіп не өліп тынатын жыртқыш аң. Ол еркіндікті жақсы көреді.Сондықтан ешқашан қолға үйренбейді. Жалпы, айта берсек қызықты деректер көп. Солардың бірқатарын оқырман назарына ұсынамыз.
1. Қасқыр ешқашанда екі рет жұп құрмайды.
2. Терісін тірідей сойып іреп алсаң да&nbsp; “қыңқ” деп, қыңсылап дыбыс шығармайды.
3. Құртқасы өмірінде бірақ рет бөлтіріктейді.
4. Күшік кезінен асырасаң да&nbsp; ешқашанда құйрығын бұлғаңдатып еркелемейді.
5. Иттің иесі болғанымен бөрінің Тəңірі бар.
6. Қасқырды тек иттің сырттаны ғана алады. Басқалары қасқырдың иісін сезсе, көрсе жанын қоярға жер таппай қыңсылап, дірілдеп үйге қашып кіреді.
7. Жазда тауға, қыста жазыққа ұмтылады.
8. Бөлтіріктесе жанындағы елді мекендердің малына шаппайды.
9. Қазақ қасқырдың атын атамаған құтырып кетеді деп. Ит-құс деп атаған.
10. Қасқырдың терісінен жасалған ішікті жас жігіттерге кигізбеген белсіздіке ұшырайды деп.
11. Қасқырдың ішігін жамылып бораннан өзі аман қалса, қасындағы серігі өлсе, толық құн&nbsp; немесе жарты құн төлеген өйткені қандай боран болса да, қасқырдың&nbsp; ішігін жамылған адамды суық боран ала алмайды.
12. Қасқырдың терісінің үстіне бөстек қылып 1-2 сағат отырсаңыз
күні бойы денеңіз қызып жүреді.
13. Аяқ киімге терісінен ұлтарақ жасап салсаңыз табаныңызадан еш уақытта суық өтейді.
14. Қазақ бөріні киелі деп пір тұтқан
15. Қазақ халқы сонау көне заманнан байрағына,&nbsp; жалауына көк бөрінің бейнесін бейнелеген.
16. Қасқырдың жүрегімен баланы ауыздандырса ол бала қасқырдай алғыр əрі тегін болмайды.
17. Қасқырдың тісін,тырнағын адам баласы бойтұмар қылып тағып жүрсе тіл-көз басқа нəрселер ала – алмайды.
18. Түсінде көк бөрі көрген жүкті&nbsp; əйелдер, текті ұл туады.
19. Қасқырдың саңғырығы яғни нəжісі жатқан жерге бұралқы иттер т.б. жоламайды
20. Қасқырдың ұрғашысы ешқашанда кеудесінде жаны барда қолға түспеуге тырысқан жараланғанда, оқ тигенде өзінің бөлтірік туар жерін қауып жұлмалап тастаған.
21. Қасқыр сырттан туатын итті немесе қасқыр алатын күшікті аңдып жүріп өлтіруге тырысады, оларда осындай сезімталдық бар.
22. Қасқыр ешуақытта иттің күшігін бауырына баспайды. Ал ит қасқырдың күшігін бауырына баса береді.
Қазақ Тектілері əр түрлі жағдайларға байланысты кейбір азаматтардың нағашысының қолында болып кейін өз жұртына келсе ит емген, сүт емген деп атаған. Яғни, екі киелі əруақты емген деп атаған.
23. Қасқырдың қолына иттің ұрғашысы түссе не өлтіріп тастайды, не бəрі жабылып зорлайды.
24. Ит қасқырдан туатын болса, қасқыр алатын төбет туады.
25. Қасқырдың асығы мен иттің асығы бір-біріне ұқсамайды.
26. Ұйлыққан қасқырға қазақ баласы аңға шықпаған яғни атпаған. Себебі қасқыр өршеленіп кетеді. Жазатайым атып қалса, екеуін де атып алуға тырысқан. Өйткені біреуі аман қалса, сол күннен бастап сол ауылдың малына, жанына шабуыл жасаған. Атқан аңшының малынан бөлек бала-шағасын қырып кетуге тырысқан.
27. Қасқырдың терісін илеп, қайнаған суға бірнеше рет салсаңыз да, өзіне тəн иісі ешқашан да жоғалмайды.
28. Өмірінде қасқыр аулап алған, атып алған адамды иен далада немесе таулы орманда,&nbsp; жазық жерде болсын қай жерде болса да қасқыр көзінен таса қылмаған, оны өмір бой аңдып өтеді.
29. Қасқырды қазақ халқы ешқашанда азаптап өлтірмеген, киесінен қорыққан, құрметтеген. Егер де азаптап өлтірсе жаманшылыққа ұшыраған немесе ұрпағына зиян келген.
30. Қасқырдай айлакер,&nbsp; ұйымшыл, ақылды жыртқыш өмірде жоқ.
31. Қасқыр қыста боранды күндері 100 шақырымнан астам жортады.
32. Аңшылар қасқыр аулауға шыққанда, мылтығының ұңғысының аузын жауып қоятын болған. Өйткені неше шақырымнан болса да мылтықтың иісін сезіп қояды.
33. Қазақ халқы бөлтірігін өлтіруге обалсынып апанның алдында бөлтіріктерінің тілерсегін қиып кеткен. Ондай бөлтіріктерін қасқырлар басқа жаққа алып кеткен,
қайта малға шаба алмаған яғни, жарымжан болып шойнаңдап қалған.
34. Қасқырдың тісі тиген, қасқыр талаған мал “қайта қатарға қосылмайды” деп сойып тастаған.

Қасқыр туралы қызықты деректер

<a href="https://kyzylorda-news.kz/">Kyzylorda-news.kz</a>.&nbsp; Көлікті енді үйден шықпай-ақ сатып алуға болады, деп хабарлайды <a href="https://24.kz/kz/zha-aly-tar/o-am/item/390974-jden-shy-paj-k-likti-alaj-satyp-alu-a-zh-ne-tirkeuge-bolady">«Хабар 24»</a>.
Отандық темір тұлпарларды автосалоннан онлайн рәсімдеп, тиісті органга тіркейтін мүмкіндік туды. Бұл жаңашылдық қалай жүзеге асады? Ол үшін кімге жүгініп, қандай сайтқа кіру керек?
Иә, жаңа көлікті енді онлайн алуға болады. Бұрынғыдай автосалонға барудың қажеті жоқ. Жаңа қызметке жүгініп, үйінде отырып темір тұлпар алып жатқандар бар. Мұндай жаңашылдық жуырда пайда болды.
<blockquote>
 «Біз санаулы уақытта онлайн қызмет көрсетуге көштік. Алдымен сатып алушы үйінде отырып, автосалондағы кеңесшімен сөйлесе алады. Кейін өзіне керек темір тұлпарды таңдайды. Тіпті ақшасын да онлайн төлей алады»,- дейді Astana Motors компаниясының нұр-сұлтан қаласы бойынша аймақтық директоры Айжан Түлемісова.
</blockquote>
Тек сатып алу емес, көлікті ішкі істер органдарына да қашықтан тіркеуге болады. Үйден шықпайсыз. Бәрі онлайн. Автосалон кеңесшілері құжаттарды уәкілетті органга өздері жібереді.
<blockquote>
 «Ол үшін автосалонның қызметкері электронды үкімет порталындағы біздің электронды қызметке кіріп, автокөліктің вин кодын теру арқылы оның мемлекеттік кіріс департаментінің сервисі арқылы мәліметтерін алып, әрі қарай сатып алушының ЖСН нөмірін теру арқылы рәсімдей алады»,- деді Ұлттық ақпараттық технологиялар АҚ басқармасының бас инженер-бағдарламашысы Медет Сағыналиев.
</blockquote>
Мұндай жаңашылдықпен яғни онлайн үлгіде тек отандық жаңа көліктерді және Еуразиялық экономикалық одаққа мүше емес елдерден әкелінген темір тұлпарларды сатып алып, тіркеуге болады. Атап өтейік, техникаларды онлайн рәсімдеу жобасын цифрлық даму, инновациялар және аэроғарыш өнеркәсібі министрлігі, ішкі істер органы мен ұлттық ақпараттық технологиялар акционерлік қоғамы бірлесіп жасаған.

Үйден шықпай көлікті қалай сатып алуға және тіркеуге болады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 170 адамға жетті. Соңғы тәулікте жаңадан анықталған 9 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 170 жағдай тіркелді. Соңғы тәулікте жаңадан 9 жағдай анықталды. Оның ішінде, бесеуі – Қызылорда қаласынан, төртеуі – Шиелі ауданынан. Қызылорда қаласында анықталған тұрғындардың барлығы – алдында анықталған науқастармен жақын қарым-қатынаста болып, карантиндік бақылауға алынғандар. Шиелі ауданында осы індетке шалдыққан 4 науқастың үшеуі – карантиндік бақылауға анықталғандардың арасынан тіркелді. Ал, біреуі – Ресейден келген студенттен анықталды. Бүгінде аталған науқастардың барлығы облыстағы инфекциялық ауруханаларға ауыстырылып, тиісті емдерін бастады», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 170 науқаспен байланыста болғандардың жалпы саны – 2449.&nbsp;Оның ішінде, жақын қарым-қатынаста болғандар саны – 1291, потенциалды байланыста болғандар – 1148 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 101, правизорлық стационарда – 49, карантиндік стационарда – 341 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 694 тест сынамасы жасалыпты.
<blockquote>
 «Соңғы тәулікте 694 тест сынамасы жасалды. Оның 509 – теріс мәнді болып шықты. Ал, 176 – әлі тексерілу үстінде. Бүгінде облысымызда 6556 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте анықталған науқастар туралы маңызды ақпаратпен де бөлісті. Оның айтуынша, Қызылорда қаласында анықталған 5 науқастың барлығы – бір отбасынан.
<blockquote>
 «Соңғы анықталған жағдайларға байланысты ерекше атап өтетін нәрсе – бүгінде облысымызда отбасылық жұғу жағдайлары алға шығып отыр. Сондай-ақ, туыстық байланыс арқылы жұғу көрсеткіштерінің де саны артқан. Мысалы, Қызылорда қаласында індет жұқтырған 5 тұрғын – бір отбасының адамдары. Бұдан қоғамдық орындарда коронавирустық инфекция жұқтыру жағдайлары азайғанымен, отбасылық жұғу көрсеткіштері көбейгенін көруге болады. Осыған орай, әрбір азамат өзін ықтимал вирус тасымалдаушы ретінде сезінуі керек. Сол азамат басқа азаматтарды да ықтимал вирус тасымалдаушы ретінде қабылдау қажет. Туған-туыс, көшеде, қоғамдық орындарға осыған баса мән берген жөн», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylordada-qawipti-indet-zhuqtyrghandar-sany-170-adam-boldy-58611/">170 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 39, Аралда – 4, Қазалыда – 2, Қармақшыда – 4, Сырдарияда – 26, Шиеліде – 66, Жаңақорған ауданында – 30 жағдай тіркеліп отыр.

COVID-19: Ресейден келген студенттен қауіпті індет анықталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 6 науқас тіркелді.
25 сәуір 09:15-тегі мәлімет бойынша қауіпті індетке шалдыққан 6 науқастың бесеуі – Қызылорда қаласынан, біреуі – Шиелі ауданынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 170 адамға жетті.

Қызылордада қауіпті індет жұқтырғандар саны 170 адам болды

Бүкіләлемдік безгекке қарсы күрес күні (ДДҰ).
Безгек әлем халқының 40 пайызына қауіп төндіруде. Жыл сайын 500 миллионнан астам адам безгекпен ауырып, бір миллионнан астамы осы кеселден көз жұмады. Ең ауыр ахуал Африканың Сахара және одан арғы оңтүстік аумақтарында қалыптасқан. Бірақ бұл індет адамдарды Азия, Латын Америкасы, Таяу Шығыс, тіпті Еуропаның кейбір бөлігінде жалмайтын көрінеді.
1922 жылы&nbsp;Қапал уезінің атауы Талдықорған болып өзгерді, ал орталығы Гавриловка селосы болды.
2001 жылы&nbsp;Ыстанбұлда Қазақстан Республикасының Президенті Н.Назарбаевтың қатысуымен түркітілдес мемлекеттер басшыларының саммиті өтті.
2007 жылы&nbsp;Қазақстанда алғаш рет «Сentras Private Equite Fund» тікелей инвестиция қоры ашылды. Бұл қордың басты инвесторы Еуропалық қайта құру және даму банкі. Қордың негізгі инвестициялары бастапқы кездегі немесе бизнестің даму кезеңінде тұрған шағын және орта бизнес компанияларын дамытуға бағытталады. Қордың мақсатты секторлары болып банктік емес қаржылық қызмет, азық-түлік, бөлшек сауда, телекоммуникацияның баламалы қаражаты, құрылыс материалдары өндірісі табылады. Қордың негізін қалаушы және инвестициялық менеджері «Ceнтрас Cекьюритиз» АҚ.
2007 жылы&nbsp;Қаныш Сәтбаев атындағы Қазақ ұлттық техникалық университетінде Мұнай мен газ институтының жанындағы Геологиялық ғылымдарды зерттеу орталығы ашылды. Орталық заманауи құрылғылармен жабдықталған.
2009 жылы&nbsp;Алматыдағы қалалық әкімшілігі ғимаратының алдында Сакура аллеясының салтанатты ашылу рәсімі болды. 2008 жылдың маусымында Қазақстан Республикасының Президенті Нұрсұлтан Назарбаев Жапонияға ресми сапармен барған кезінде Сакура көшеттерін Қазақстан халқына сыйға тартқан болатын. Хоккайдо аралынан сакураның 9 түрі алынған, ондағы климат Алматының табиғатына ұқсас.
2012 жылы&nbsp;Американың Лас-Вегас қаласында өткен CinemaCon фестивалінде Тимур Бекмамбетов жылдың үздік шетел режиссері атанды. 
2014 жылы&nbsp;Алматыда Шанхай ынтымақтастық ұйымына мүше мемлекеттердің кедендік ынтымақтастық бойынша арнайы жұмыс тобының кезекті отырысы өтті.
2017 жылы&nbsp;АҚШ-тағы Қазақстан Елшісі Ержан Қазықанов Президент Дональд Трампқа сенім грамотасын тапсырды. АҚШ Президенті өз кезегінде екі ел арасындағы қарым-қатынасқа қызығушылық білдірді.
1901 жылы&nbsp;Нью-Йорк штатында әлемде алғаш рет автомобиль нөмері енгізілді.

25 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 25 сәуірге арналған жұлдыз-жорамалы.
Тоқты
Күніңіз аса ауыр емес. Жоспарларыңыз іске аспаса да, сіз қиналған сыңай танытпайсыз. Айналаңыздағы адамдармен тіл табысу оңайға түседі. Ескі достарыңызбен және жаңа таныс адамдармен әңгімелесу жаныңызға шуақ сыйлайды
Торпақ
Жұмысқа қатысты сұрақтарға жауап іздеуге қолайлы күн. Сіз өте мұқият адамсыз. Сондықтан жағдайдың даму барысын дәлме-дәл айтып отырасыз. Бүгін құрған жоспарларыңыз жақын арада жүзеге асады. Жаңа жұмыстар пайда болады. Қиын болса да, сіз оларды орындай аласыз.
Егіздер
Бүгін сіз өзіңізге және өзгелерге пайдалы іс жасайсыз. Қиын тапсырмаларды орындап, бұрыннан ойға алған істерді жүзеге асырасыз. Жұмыстың барлығы бірдей оңай болмасы анық, бірақ сол жұмыстың нәтижесі сізді қуантатын болады. Бүгін сізді жаңа таныстықтар күтіп тұр.
Шаян
Өзіңіздің идеяларыңызбен және жоспарларыңызбен бөлісіңіз. Лауазымды тұлғалардан көмек аласыз. Солардың арқасында мол табысқа жетесіз. Өз ұстанымдарыңыздан таймауға, алға қарай ұмтылуға кедергі келтірген ішкі кедергілерді жоюға тырысыңыз. Жұмысты бар ынтаңызбен атқарыңыз, сонда ғана кез келген мәселені шеше аласыз.
Арыстан
Белсенділігіңіз тым жоғары. Басшылық көп еңбектенгеніңізді қалайды. Ол жақсы көзқараспен қарағанын қаласаңыз, аянбай еңбек етіңіз. Жеке өміріңізде барлығы жақсы. Бірақ ішкі түйсіктің айтқанына бағынғыңыз келмейді. Алайда іштей тынып қалмаңыз. Алдағы күндерге көп жоспар құрмаңыз.
Бикеш
Жұмысыңызға қатысты, мамандар мен құрал-жабдықтарға байланысты мәселелерді шешесіз. Егер сіз жұмыс алушы болсаңыз басшылықтың айтқанына қарсы шықпағаныңыз жөн. Салауатты өмір салтын ұстаныңыз. Айналаңыздағы адамдарға сақ болыңыз.
Таразы
Жаңа жұмыс табасыз немесе жаңа серіктестермен жолығасыз. Мұндай белсенділігіңізді кейбір жандар дұрыс түсінбей, сізге «өзіне тым сенімді» деп баға беруі мүмкін. Бүгін жеке өміріңізде қызықты жайттар көп болады.
Сарышаян
Қарбалас күн. Шыдамсызсыз, кейде ашушаң боласыз. Сізбен бірігіп жұмыс жасау қиынға соғады. Кейде жақын адамдарыңыздың өзі сізбен қалай байланыс орнату қажет екенін түсінбей әлек болады. Бұрынғы қателіктерді қалыпқа келтіруге мүмкіндік туып тұр.
Мерген
Денсаулығыңызды күтіңіз. Өзге адамдармен араңызда мәселелер туындауы мүмкін. Достарыңызбен де жағдай мәз емес. Эмоцияға берілмегеніңіз жөн. Ішімдіктен бойды аулақ ұстап, еттен жасалған тағамдарды тұтынбаңыз. Серіктестермен қиын мәселені талқылап, оның оң шешімін табасыздар.
Тауешкі
Тыныш күн. Тәуекелге бел байламай, бірқалыппен жүргеніңіз дұрыс. Көп еңбекті қажет ететін шаруаларды кейінге қалдырыңыз. Ал дәл қазіргі уақытта жеңіл жұмыстармен айналысқаныңыз жөн. Өзгелерден бұрын маңызды ақпаратқа қол жеткізесіз.
Суқұйғыш
Болашаққа жаңа жоспар құрып, маңызды шаруалар туралы ойлағаныңыз дұрыс. Алайда бұл жоспарларыңыз туралы ешкімге тіс жармаңыз. Жақын адамдарыңыздың өзі сізді ойларыңыздан айнытып тастауы мүмкін. Жоспарларыңыз орындалсын десеңіз, ешкімге сыр алдырмаңыз.
Балықтар
Таңертеңмен кикілжің туындайды. Сіздің жан-дүниеңізді ешкім түсінбейтінде көрінеді. Бірақ ішкі ойыңыз барлығы жақсы болатынына сенеді. Ойлағаныңыздай, барлық жұмысыңыз алға басып, мәселелер өз шешімін табады. Жаңа бастамаларды қолға алуға асықпаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 3 науқас тіркелді.
24 сәуір 18:30-дағы мәлімет бойынша қауіпті індетке шалдыққан 3 науқастың барлығы да – Шиелі ауданынан.
Айта кетейік, осымен Шиелі ауданындағы науқастардың саны 65-ке жетті.
Ал, облыс бойынша коронавирустық инфекция жұқтырған науқастардың жалпы саны 164 адам болды.

Қызылордада қауіпті індет жұқтырғандар саны 164 болды

<a href="https://kyzylorda-news.kz/">Kyzylorda-news.kz.</a> Қызылорда облысы Бас санитариялық дәрігерінің қаулысына сәйкес, облыс тұрғындары арасында қауіпсіздік шараларын күшейту мақсатында тұрғындар мен көлік қозғалысына шектеулер қойылғаны белгілі.
Алайда, соңғы тәулікте облыс тұрғындары қойылған талаптарды орындамай, қозғалыс кезінде автокөлікке артық жолаушыларды отырғызу бойынша 15 дерек анықталды. Оның ішінде, Арал ауданында – 6, Шиелі ауданында – 9.
Облыстың барлық тұрғындарының кешкі сағат 21:00-ден таңғы сағат 06:00-ға дейін жүруіне тыйым салынса да, 184 адам еш себепсіз көрсетілген уақыт аралығында үйлерінен тыс жерде болған.
Оның ішінде, бір түнде Қызылордада – 24, Аралда – 19, Қазалы – 27, Қармақшы – 17, Жалағашта – 13, Сырдария – 26, Шиеліде – 16, Жаңақорған – 21, Байқыңырда – 21 тіркелген.
Соңғы тәулік ішінде 500-ге жуық мекеме мен ойын-сауық орындары тексеріліп, 106 құқық бұзушылық анықталды.
«Қызылорда облысының мамандандырылған әкімшілік сотымен 542 әкімшілік іс қаралып, 269 тұлғаға айыппұл салынса, 202 тұлға әкімшілік қамауға алынып, 70 тұлғаға ескерту берілді», – деп хабарлады бізідң ақпарат агенттігіне Қызылорда облысы Полиция департаментінің баспасөз қызметі.

Карантин: Қызылордада бір түнде 184 тұрғын еш себепсіз көшеде жүрген

<a href="https://kyzylorda-news.kz/">Kyzylorda-news.kz.</a> Ғалымдар коронавирус инфекциясы жиі зақымдайтын жасушаларды анықтады, деп хабарлайды&nbsp;<a href="https://stan.kz/koronavirus-algashki-kezekte-agzanin-kay-boligin-zakimd-330395/">Stan.kz.</a>
АҚШ-тың Гарвард және Массачусетск университетінің ғалымдары&nbsp;SARS-CoV-2 вирусына ағзадағы екі ақуыз денеге еніп, одан әрі таралуына ықпал ететінін анықтаған. Олар зерттеуді РНҚ деректеріне сүйене отырып жасапты.
Ауру тудырушы вирус мұрын қуысындағы секреторлы жасушаларды, өкпеде ІІ типтес пневмоциттерді, ал ішекте энторциттерді алғашқы кезекте зақымдайтын көрінеді. Ішек қуысының жасушаларына зиян келгендіктен адамның ас қорыту қызметі бұзылады екен.
Тәжірибе авторлары аталған зерттеудің коронавирусқа қарсы препаратты жасап шығарумен айналысып жатқан ғалымдарға септігін тигізеді деген сенімде.

Коронавирус алғашқы кезекте ағзаның қай бөлігін зақымдайтыны анықталды

<a href="https://kyzylorda-news.kz/">Kyzylorda-news.kz.</a> Қазалы ауданының орталығындағы №170 мектептің оқушылары ағайынды Әзендер төтенше жағдай кезінде уақыттарын босқа өткізбей, Абай және Мұқағали өлеңдерін жаттап жарысуда.
Ағайынды Аяулым, Гауһар, Гүлназ Әзендер – мектептің озат оқушылары, аудан мақтаныштары.
Олар осы уақытқа дейін Абай, Махамбет, Қадыр, Мұқағали шығармашылығын насихаттауға арналған республикалық байқауларда бақ сынап, жүлдемен оралған.
Бүгінде төтенше жағдай кезінде олар Ұлы Абай мен Мұқағалидың өлеңдерін жаттаудан өзара жарысып, математика пәнінен олимпиадаға дайындық үстінде.
<blockquote>
 «Біз карантин кезінде уақытты босқа өткізбеуді жөн деп шештік. Күн сайын әр сағатты тиімді падаланып келеміз. Осы қиын кезеңде еңбек етіп жатқан дәрігерлер мен полицейлерге алғыс айтамыз», – дейді ағайынды оқушылар.
</blockquote>
Айта кетейік, Аяулым мен Гауһар – облысымызда тұңғыш рет өткізілген «Тұлпар мініп, ту алған» байқауының жеңімпаздары.

Қазалылық ағайынды оқушылар төтенше жағдай кезінде Абай өлеңдерін жаттап жарысуда (видео)

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 69 адамға жетті. Індеттен айыққандардың қатарына соңғы қосылған науқастар – Сырдария және Шиелі ауданының тұрғындары.
24 сәуір 17:30-дағы&nbsp;ақпарат бойынша Қызылорда облысында тағы 14 адам қауіпті індеттен жазылып шыққан. Осылайша қауіпті індеттен айыққандар саны өңірде 69 адамға жетіп отыр.
Айта кетейік, бүгінгі күнге дейін Қызылорда қаласында – 9, Жаңақорған ауданында – 16, Шиелі ауданында – 34, Қармақшы ауданында – 4, Сырдария ауданында – 6 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

Қазақстан және Қызылорда облысының жаңалықтары