<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 179 адамға жетті. Соңғы тәулікте жаңадан анықталған 9 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 179 жағдай тіркелді. Соңғы тәулікте жаңадан 9 жағдай анықталды. Оның ішінде, сегізі – Қызылорда қаласынан, біреуі – Тараз қаласының тұрғыны. Қызылорда қаласында анықталған науқастардың алтауы – медицина саласының қызметкерлері. Олардың ішінде, 1 дәрігер, 2 көлік жүргізуші, 1 техникалық қызметкер, қалған екеуі – медбикелер. Олар инфекцияны скринингтік тексеруден өткізу барысында жұқтырған. Бір науқас қарым-қатынаста болғандардың арасынан анықталса, біреуі – правизорлық емханада бақылауға алынғандардың арасынан тіркелді», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 179 науқаспен байланыста болғандардың жалпы саны – 2449.&nbsp;Оның ішінде, жақын қарым-қатынаста болғандар саны – 1291, потенциалды байланыста болғандар – 1158 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 101, правизорлық стационарда – 49, карантиндік стационарда – 341 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 947 тест сынамасы жасалыпты.
<blockquote>
 «Соңғы тәулікте 947 тест сынамасы жасалды. Оның 651 – теріс мәнді болып шықты. Тоғызынан коронавирустық инфекция анықталды. Ал, 234 – әлі тексерілу үстінде. Бүгінде облысымызда 6500 тест сынамасының қоры қалды», – деді ол.
</blockquote>
йта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-179-adamgha-zhetti-58704/">179 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 46, Аралда – 4, Қазалыда – 2, Қармақшыда – 5, Сырдарияда – 26, Шиеліде – 66, Жаңақорған ауданында – 30 жағдай тіркеліп отыр.
<img src="https://kyzylorda-news.kz/wp-content/uploads/2020/04/b424d2f4a8899240f5d98f556dfccf7d_original.88362.jpg" alt="" />

COVID-19: Қызылордада соңғы тәулікте 6 медицина қызметкері індет жұқтырған

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекция жұқтырған тағы 9 науқас тіркелді.
26 сәуір 09:15-тегі&nbsp;мәлімет бойынша қауіпті індетке шалдыққан 9 науқастың сегізі – Қызылорда қаласынан, біреуі – Тараз қаласының тұрғыны.
Айта кетейік, осымен облыс бойынша коронавирустық инфекция жұқтырған науқастардың жалпы саны 179 адамға жетті.

Қызылорда облысында қауіпті індет жұқтырғандар саны 179 адамға жетті

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында дауылды ескерту жарияланды, деп хабарлайды «Қазгидромет» РМК.
26 cәуірде Қызылорда облысының кей жерлерінде найзағай ойнайды. Шығыс, оңтүстік-шығыстан жел соғып, кей жерлерде жылдамдығы 15-20 м/с дейін жетеді.
Дауыл тұру ықтималдылығы – 95-100 %.

Ауа райы: Бүгін Қызылорда облысында дауылды ескерту жарияланды

Радиациялық апат құрбандарын еске алу күні
1986 жылы 26 сәуірде Чернобыль атом электр стансасында апат болды. ЧАЭС атомдық реакторы толығымен бүлініп, қоршаған ортаға радиоктивті заттар тарады. Радиация Украина мен Ресей, Беларусь мемлекеті мен Еуропаның бірқатар елдеріне тарады. Апат орнынан 30 шақырым қашықтық түгелдей уланды. 2003 жылы өткен ТМД саммитінде Украина президенті Леонид Кучма ТМД елдеріне 26 сәуірді Халықаралық радиациалық апаттар құрбандарын еске алу күні деп жариялау жөніндегі ұсыныс тастады. Өткен жылдар ішінде апаттың жойқын салдарын еңсеру үшін көп күш-жігер жұмсалды. Апат салдарын жоюға Қазақстаннан 30 мың адам қатысты. Қазіргі таңда олардың шамамен 6 мыңға жуығының көзі тірі.
1994 жылы&nbsp;Қазақстан мен Қытай Халық Республикасы арасында Қазақстан-Қытай шекарасы туралы келісімге қол қойылды.
1995 жылы&nbsp;Қазақстан Республикасының Президенті бірінші рет «Алтын алқа» белгісін табыс етті. Орден статусына ие «Алтын алқа» белгісі 1993 жылы бекітілген. Көпбалалы аналарға беріледі.
2002 жылы&nbsp;қазақстан Республикасы Президентінің 2002 жылғы 26 сәуірдег №853 Жарлығымен «Ақтау теңіз порты» еркін экономикалық аймағы құрылды. 2009 жылы Алматыда Чернобыль атом электр станциясындағы апат қалдықтарын жойған қазақстандық жауынгерлерге арналған граниттен жасалған ескерткіш тақта орнатылды.
2010 жылы&nbsp;Амманда Иорданияның Сауда дамыту орталығын Астанада ашу туралы құжаттарға қол қою рәсімі өтті. Орталықты ашу туралы шешім екіжақты экономикалық ынтымақтастықты әрі қарай тереңдету және экономикалық-сауда қатынастарын нығайту мақсатында қабылданған болатын.
2013 жылы&nbsp;Нью-Йоркте Қазақстан Республикасы мен Гвинея-Бисау Республикасының БҰҰ жанындағы тұрақты өкілдері деңгейінде бірлескен Коммюникеге қол қою арқылы екі ел арасында дипломатиялық қатынастар орнатылды 2015 жылы Қазақстан Президентінің кезектен тыс сайлауы өтті. Сайлауда Елбасы Нұрсұлтан Әбішұлы Назарбаев жеңіске жетті.
2015 жылдың&nbsp;ақпан айында Қазақстан халқы Ассамблеясы Кеңесінің мүшелері Қазақстан Республикасы Президентінің мерзімінен бұрын сайлауын өткізу туралы бастама көтеріп, мәжіліс депутаттарына жүгінді. Өтініште «әлемдік экономикалық дағдарыс жағдайында күрделі халықаралық күн тәртібінің алдында жалпыұлттық бастама арқылы сайлауды өткізу – уақыт талабы» екендігі айтылған 2017 жылы КСРО Халық әртісі, Социалистік Еңбек Ері Ермек Серкебаевтың аты Алматыда мәңгілікке қалды. Оның есімі Чайковский атындағы музыкалық колледждің Үлкен концерт залына берілді.

26 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 26 сәуірге арналған жұлдыз-жорамалы.
Тоқты
Айтарлықтай өзгеріс болмайды. Бірақ бүгін сіз атқаруға тиіс жұмыстар көп. Олардың барлығы бірдей қиын емес. Керісінше бұл жұмыстарды сіз қызығушылық таныта отырып атқарасыз.
Торпақ
Жақсы күн. Біраз уақыт бұрын қолға алған істі соңына дейін жеткізесіз. Айтарлықтай жеңіске жетесіз деу қиын, дегенмен мақсатыңызға бір табан жақындай түсесіз. Жаңа жоспарлармен жұмысты бастаңыз.
Егіздер
Барлық іс-әрекетті, айтылған сөздерді жүрегіңізге жақын қабылдайсыз. Болмашыға бола жүйкеңізді жұқартып, көңіл-күйіңізді түсіресіз. Бұл айналаңыздағылармен қарым-қатынасыңызды алшақтата түседі. Мұндай қылығыңызбен өзгелерді де ренжітіп алуыңыз мүмкін.
Шаян
Жемісті күн. Іскерлік әлеміне қатысты мәселелер турасында сөйлесу өз пайдасын тигізеді. Мақсатқа жету оңай емес екенін білесіз. Сонда да сіз алған бетіңізден қайтпайсыз және дегеніңізге жетесіз.
Арыстан
Жағымды күн. Көңіл-күйіңізді ештеңе бұза алмайды. Жұмыста табысты болуға мүмкіндік туып тұр. Ол үшін өзіңіздің кәсіби маман екеніңізді дәлелдеуіңіз қажет. Яғни, сізге берілген тапсырманы толық орындап шығуыңыз қажет.
Бикеш
Бүгінгі күн жұмыстарды бірыңғайлап, бұрын бастаған шаруаны соңына дейін жеткізуге қолайлы. Бұрын жіберген қателіктерді түзеу үшін біраз еңбектенуіңіз керек. Бүгін өзіңізге деген сенімділігіңіз зор болмақ.
Таразы
Кез келген мәселені шеше аласыз. Ол үшін асықпай, ақылмен әрекет етіңіз. Нақты нәтижелерге жету үшін біраз уақыт қажет. Бірақ сіздің сабырлылығыңыздың арқасында мақсатыңызға жетуге болады.
Сарышаян
Өзіңіз таңдап алған салада мақсатыңызға жетесіз. Осылайша алдыңыздан жаңа мүмкіндіктер ашылады. Уақытыңызды текке кетірмейсіз. Ішкі түйсігіңіз қай уақытта жылдам әрекет етуді айтады.
Мерген
Кейде жақындарыңызбен қарым-қатынасыңыз қиындай түседі. Келіспеушіліктер ұсақ-түйектен туындап жатады. Соны салдарынан тіл табысу қиындайды. Сіз өзіңіздің қателіктеріңізге көз жұмасыз, ал өзгелердің шалыс басқанын көріп қалатының бар.
Тауешкі
Игі істер атқаруға қолайлы күн. Жаңа жобаларды қолға алыңыз. Оларды тез арада игеріп әкететініңізге күмәніңіз болмасын. Осы арқылы мақсатыңыз айқындала түседі. Тез арада болмаса да, көздегеніңізге жететініңі анық.
Суқұйғыш
Көп еңбектеніңіз. Жалпы, сіздер тәуекелшіл жансыздар. Бірақ бүгін тәуекелге бел буудың қажеті жоқ. Бүгін нақты нәтижемен жұмыс жасағаныңыз дұрыс. Сонымен қатар жақындарыңызды сол қалпында қабылдап үйреніңіз.
Балықтар
Іске келгенде бұл күн өте сәтсіз күн. Көптеген маңызды мәселелерге атүсті қарайсыз. Әлдекімнен көмек күтесіз не болмаса сәттілікке сенім артасыз. Негізі ешкімнен көмек күтпеңіз. Сонда ғана жақсы нәтижеге қол жеткізесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Мәдениет және спорт министрі Ақтоты Райымқұлова “адамдар аштан өледі” деп әлеуметтік желіні шулатқан әнші Бүркітке 42 500 теңгеге құжат тапсыруды ұсынды, деп хабарлайды <a href="https://sputniknews.kz/society/20200425/13796288/ministr-khalyq-42500-tenge.html">Sputnik Қазақстан.</a>
<blockquote>
 “Қиындық тууына байланысты, мемлекет жеңілдіктер ұсынып отыр. Сондықтан мәдениет, архив, туризм салаларындағы біздің әртістеріміз өздерінің күнделікті табысынан айырылып жатса, мемлекеттің ұсынып отырған әртүрлі көмегін олардың да алуға құқы бар”, – дейді министр. &nbsp;
</blockquote>
Райымқұлованың әлеуметтік төлем туралы сөз қозғауына әнші Бүркіттің әлеуметтік желідегі үндеуі себеп болған.
Онда шоу-бизнес жұлдызы президенттен карантин тәртібін жеңілдетуді сұраған.
“Егер жеңілдетпесе, бұқара індеттен емес, аштан өледі” деген еді ол. Министрдің айтуынша, әзірге ешбір әнші, әртіс немесе басқа да өнер адамдары 42&nbsp;500 теңгеге құжат тапсырмапты.

Министр &#8220;халық аштан өледі&#8221; деген әншіге 42 500 теңгеге құжат тапсыруды ұсынды

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 79 адамға жетті. Індеттен айыққандардың қатарына соңғы қосылған науқастар – Арал, Сырдария және Шиелі ауданының тұрғындары.
25 сәуір 17:40-тағы&nbsp;ақпарат бойынша Қызылорда облысында тағы 10 адам қауіпті індеттен жазылып шыққан. Оның ішінде, Аралда – 2, Шиеліде – 7, Сырдария – 1 науқас қауіпті індеттен айыққан.
Осылайша коронавирустық инфекциядан жазылғандар саны өңірде 79 адамға жетіп отыр.
Айта кетейік, бүгінгі күнге дейін Қызылорда қаласында – 9, Арал ауданында – 2, Қармақшы ауданында – 4, Сырдария ауданында – 7, Шиелі ауданында – 41, Жаңақорған ауданында – 16 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

COVID-19: Шиеліде 41 науқас айықты, өңірде жазылғандар саны 79 адамға жетті

<a href="https://kyzylorda-news.kz/">Kyzylorda-news.kz</a>. Әлемдегі жәндіктер саны тез төмендеуде. Осылайша, халықаралық ғалымдардың тобының бағалауы бойынша, соңғы 30 жылда Еуропада жәндіктер саны 25 пайызға азайды. Көбелектер көбінесе зардап шекті, деп хабарлайды&nbsp;<a href="https://stan.kz/alemdegi-zhandikterdin-sani-karkindi-turde-tomendeude-330439/">Stan.kz.</a>
Сарапшылар 1700 жерден 166 ұзақ мерзімді зерттеулерге талдау жасады. Олар ауылшаруашылығы жәндіктердің мекендейтін жерлерінің тез жойылуына ықпал етеді және&nbsp;популяцияның едәуір азаюына әкеледі. Сонымен қатар, пестицидтерді белсенді пайдалану, ауаның ластануы және жаһандық жылыну жәндіктердің жойылуына тікелей әсер етеді.
<blockquote>
 “Бұл 24 пайыз алаңдаушылық тудырады. Мен кішкентай кезімде болған&nbsp;жәндіктердің ширек бөлігі азайып қалды. Адамдар әрқашан біздің оларға тәуелді екенімізді ұмытпауы керек”, – деді бас зерттеуші Роэл Ван Клинк.
</blockquote>
Ол сонымен қатар, зерттеулерге сәйкес, көміртегі диоксиді деңгейінің жоғарылауы өсімдіктердің қоректік құрамын төмендететінін атап өтті. Бұл, мысалы, Канзас алқабындағы шегіртке популяциясының азаюына әкеледі.
Ғалымдар жәндіктер көптеген аймақтарда зерттелмеген күйінде қалып отыр. Оңтүстік Америкада, Оңтүстік Азияда және Африкада өмір сүретін жәндіктердің көптеген түрлері туралы мәліметтер аз немесе мүлдем жоқ дейді.
<blockquote>
 “Бірақ біз өз зерттеулерімізден қаланың кеңеюі жәндіктерге зиянды екенін білеміз, өйткені олардың тіршілік ету ортасы жойылуда. Ол Шығыс Азия мен Африкада тез жүруде. Бұл жәндіктер мен барлық басқа жануарларға зиян тигізетініне күмән жоқ. Бірақ біз жәй ғана деректер жоқ дейміз”, – деді Ван Клинк.
</blockquote>
Сонымен қатар, ғалымдар кейбір сулы жәндіктер өздерінің популяциясын қалпына келтіргенін анықтады. Өз өмірінің бір бөлігін құрайтын жәндіктер, мысалы, жоталар мен майфлиялар, халықтың орташа есеппен жылына 1,08 пайызға өскенін көрсетті.
<blockquote>
 “Бұл сандар біз жәндіктерді әлі де құтқара алатындығымызды көрсетіп отыр. Соңғы 50 жыл ішінде әлемнің көптеген жерлеріндегі ластанған өзендер мен көлдерімізді тазарту бойынша шаралар қабылданды. Мүмкін бұл көптеген тұщы су жәндіктерінің популяциясын қалпына келтіруге көмектесті. Бұл көңіл қуантады”, – деді зерттеуші.
</blockquote>

Ғалымдар әлемдегі жәндіктердің саны қарқынды түрде азайып жатқандығын мәлімдеді

<a href="https://kyzylorda-news.kz/">Kyzylorda-news.kz</a>. Алматыда коронавирустық инфекциямен қайтыс болған науқастардың бірі – белгілі педиатр Гүлназым Нұрғалиева. Бұл туралы оның ұлы Тимур Қуандықов айтты.
<blockquote>
 «Кеше педиатр Нұрғалиева Гүлназым Нәсіболлақызы коронавирустан көз жұмды. Оның күйеуі –&nbsp;хирург, үлкен баласы – №12 қалалық клиникалық аурухананың травматологі. Мен бұл өлімге ешкімді кінәлағым келмейді, бірақ өз өмірін балаларды құтқаруға арнаған жарқын әйел туралы әңгімелегім келеді. Арыс, Шымкент және Алматы қалаларының әйелдерінің бәрі анамды жақсы таниды”, – деп жазды&nbsp;Тимур Қуандықов.&nbsp;
</blockquote>
Оның айтуынша, Гүлназым Нұрғалиева 1981 жылы Алматыдағы Асфендияров атындағы медициналық академиясын бітіргеннен кейін Арыс қаласына жұмыс істеді. Содан кейін күйеуімен, екі балаымен бірге&nbsp;Шымкентке ауыстырылды.
Анам мен әкем&nbsp;Қуандықты 14 жыл бойы бүкіл қаланы таныды. 14 жасқа дейінгі барлық балаларды анам емдеді, ал&nbsp;күйеуі ота жасады.
<blockquote>
 “2006 жылы ВИЧ-инфекциясы бар балалардың инфекциясы туралы жанжал болды және қалайда кінәлілерді анықтау үшін комиссия құрамына жоғары санатты білікті педиатр дәрігерлер кірді. Әлі есімде, түн ішінде&nbsp;әр жағдайды талдай отырып, анам жиі жылайтын. Әр балаға шын жүректен өкінетін, өйткені ол балаларды жақсы көретін”, – деді марқұмның ұлы.
</blockquote>
2009 жылы Гүлназым Нұрғалиева отбасымен Алматыға оралды, өйткені күйеуі Қуандық пен үлкен ұлы Артур оңтүстік астанада жұмысқа тұрды.
«Алматыда зейнетке шыққанға дейін анасы екі рет«Алтын дәрігер» медалімен марапатталған, бірақ ол өзі айтқандай, басты сыйлық балалардың денсаулығы үшін аналарының ризашылығы» дейтін, – деді Тимур Қуандықов.
Алматы қалалық денсаулық сақтау басқармасы Гүлназым Нұрғалиева зейнетке шыққанын, коронавирустық инфекциямен ауырған кезде өз мамандығы бойынша жұмыс жасамағаны туралы хабарлады. Ол 23 сәуірде үйде, жедел жәрдем келгенге дейін қайтыс болды.
«Ол енді бізбен бірге емес, оны барлық адамдар жарқын бейнесімен, күлімсіреген жүзін, бақытты етіп еске алса екен. Біздің медицина осындай адал мамандар барда дами береді. Алла тағала оның жанын қасиетті айда көкке көтерілуін нәсіп етсін», – деп жазды Тимур Қуандықов.

Елімізде коронавирустан танымал дәрігер көз жұмды

<a href="https://kyzylorda-news.kz/">Kyzylorda-news.kz</a>. Нұр-Сұлтан қаласындағы көп салалы аурухананың дәрігерлері 93 жастағы&nbsp;және басқа егде жастағы науқастарды&nbsp;қошеметпен шығарып салды. Науқастар COVID-19 коронавирусынан толықтай айығып үлгерді, деп хабарлайды <a href="https://stan.kz/news-330446/">stan.kz.</a>
Кадрдан дәрігерлердің науқастарды қол шапалақтап, дәліз бойымен қалай алып жүргенін көруге болады.
7 сәуірде Ақмола облысы, Целиноград ауданы, Аққайын кентіндегі «Шапағат» арнайы қызмет көрсету орталығынан 7 адам Нұр-Сұлтандағы көп салалы ауруханаға жіберілді.&nbsp;
Олардың ең үлкені – 93 жаста. Тағы бір әже 87 жаста, қалғандары 60-70 жастағы науқастар. Әрқайсысынан коронавирус дерті расталған.
Науқастарда негізгі диагноздан басқа&nbsp;көптеген&nbsp;ауыр сырқаттары болды. Мысалы, созылмалы ишемиялық ауру, артериялық гипертензия және басқалары. 93 жастағы науқас жансақтау бөлімінен өтті.
23 сәуірде&nbsp;екі рет теріс нәтижесі анықталған соң 14 күндік емдеу курсынан кейін науқастар шығарылды және үй жағдайында&nbsp;оқшаулануға жіберілді.

Елордада дәрігерлер коронавирустан емделіп шыққан 93 жастағы әжейді қошеметпен шығарып салды (видео)

<a href="https://kyzylorda-news.kz/">Kyzylorda-news.kz</a>. Қазақстанның білім министрлігінде оқушылар Ұлттық бірыңғай тестілеуді (ҰБТ) тапсыру үшін өтінішті қалай тапсыруы керек екенін түсіндірді
Биыл ҰБТ-ға қатысуға өтініштер 10 мамырға дейін&nbsp;<a href="https://ent2020.testcenter.kz/language">ent2020.testcenter.kz</a>&nbsp;сайтында онлайн қабылданады.
Министрліктің мәліметінше, өтініш берудің жаңа форматы қағаз құжаттарынан бас тартуға мүмкіндік береді.
18 жасқа толмаған азаматтардың жеке деректерін жинауға және өңдеуге келісімді аталған порталдан тіркеуден өткен кезде олардың заңды өкілдері береді. 
Сондай-ақ, ведомствода порталда тіркелу үшін ЭЦҚ қажет емес екенін атап өтті.
Барлық сұрақтар бойынша Ұлттық тестілеу call-center-іне&nbsp;8 800 080717 нөмірі&nbsp;бойынша хабарласуға болады.
Сондай-ақ,&nbsp;info@testcenter.kz&nbsp;қолдау қызметі бойынша электрондық поштаға хат&nbsp;жіберуге болады.
Еске сала кетейік, осы жылы түлектер ҰБТ-ны 11 сыныптың төртінші тоқсандағы бағдарламалардың&nbsp;<a href="https://kyzylorda-news.kz/bilim/biyl-ubt-nyng-qalaj-oetetini-belgili-boldy-58191/">сұрақтарынсыз тапсырады.</a>

Қағаз құжаттар қажет емес: Биыл ҰБТ-ны тапсыру үшін өтініштер электронды түрде қабылданады

<a href="https://kyzylorda-news.kz/">Kyzylorda-news.kz.</a> Бір ізгі адам «Рамазанның сауабынан құр қалу – бүкіл дүниенің игілігі мен жақсылығынан мақұрым болу»&nbsp;деген екен. Осы орайда оразада орындайтын он амалды назарларыңызға ұсынып отырмыз. Бұл насихат әуелі өзіме арналады.
1. Құранмен дос болу
Құран оқылған, оған амал етілген үйде Алланың берекеті орнайды. Ардақты Пайғамбарымыз:&nbsp;«Үйлеріңізде Құран Кәрімді көп оқыңыздар…»&nbsp;деп өсиет еткен. Өйткені,&nbsp;«Құран оқу – көңілдің шипасы»&nbsp;(хадис).
Алла Елшісі Рамазан айында Құранды бірнеше рет хатым ететін. Қасиетті кітапты хатым етумен қатар, жаттауға, оған амал етуге тырыссақ – нұр үстіне нұр. Арапшадан оқи алмайтын адам аудармасын оқыса да сауап алады. Алланың мейірімі кең, Ол кеңшілік Иесі. Ниетке сай сауабын береді.
2. Түнді намазбен өткізу
Түнгі намаз – жүректің тыныштығы, екіжүзділік дертіне шипа, Алламен берік байланыс орнататын риясыз құлшылық.
«Түнгі намазға аса мән беріңдер. Сендерден алдын өткен ізгі адамдар оны үнемі орындап жүретін. Түнгі намаз Жаратушыға жақындатады, жамандықтарыңды өшіреді және күнәлі іске баруға тосқауыл болады»&nbsp;(хадис).
Рамазанда оқылатын тарауық намазына тахажуд қосылса – құба-құп.
3. Ұдайы дұғада болу
Дұға – мұсылманның қорғаны.&nbsp;«Дұға – ғибадаттың мәні»&nbsp;(хадис). Алла Тағала «Мүмин» сүресінің 60-аятында:&nbsp;«Менен сұраңдар. Тілектеріңді қабылдаймын», – деп уәде еткен.
Таңғы және кешкі, жұма және Қадір түнінде, т.б. уақыттарда айтылатын дұғаларға мән беру қажет.
Біздің бір басымызда қаншама проблема толып жатыр. Оның сыртында отбасымыз, туған-туыстарымыз, дос-жаран мен көршілеріміз үшін екі дүние игілігі тілейтін дұғамыз бар.
Рамазан – Жаратқаннан жарылқау тілейтін ай. Бір-бірімізге дұғада болайық. Алла Тағала жер бетінен жұқпалы індетті жойып, жақсылықта жолығуды жазсын. Еліміз бен жеріміздің берекеті үшін де дұға жасауды ұмытпайық.
4. Пітір садақасын беру
Садақа – жамандықты жоятын амал, айналамыздағы көмекке зәру адамдардың ақысы.
Пітір садақасы – Рамазан айында пенделікпен жасап қойған қате-кемшіліктеріміздің өтеуі, жетіспеушілік салдарынан көңілі жабырқаған жарлы-жақыбайлардың ақысы. Басымыздың аманында, қолда аз-кем ақшаның барында пітір садақасын беріп, қоғамға шарапатымызды тигізейік.
Садақа – дәулетіміздің берекесін арттыратын амал. Мал-мүлік нәсіп еткен Алланың жолында жақсылық жасап, көптің тілеуін неге алмасқа?!&nbsp;«Сендердің араларыңдағы ең жақсыларың – адамдарға пайдалы болғандарың»&nbsp;(хадис).
5. Ауызашар ұйымдастыру
Карантин кезінде топтасып жиналуға болмайды. Бұл – сауап іздеген адамға тығырыққа тірелу деген сөз емес. Бас мүфти Наурызбай қажы Тағанұлы ауызашарға кететін қаржылай шығынды немесе азық-түлікті көмекке мұқтаж отбасыларға таратуға кеңес берді.
Асылында құдайы асқа, ауызашарға тамақ тауып жеуі мұң болған жандар шақырылады. Мәселен, он адамға ауызашар бергіңіз келді делік. Ауызашарға кететін ақшаны соларға таратып берсеңіз де болады. Алланың қалауымен он адамға ауызашар бергеннің сауабын аласыз. Хадисте айтылғандай, мұсылманның ниеті амалынан қайырлы.
6. Истиғфар айтып, салауат жолдау
Біз кейде зіл сөзбен, жағымсыз мінезбен қаншама жанның жүрегін жаралаймыз. Ойдан жүйрік дүние бар ма десеңші?! Санамызға қаншама бұзық ойлар келеді. Алла бізді жаман ойымызға байланысты жазалайтын болса… Айтудың өзі қорқынышты. Теріс ой мен ғайбат сөзіміз үшін кешірім сұраудың ең қарапайым үлгісі – «Алла мені кешірсін» деп истиғфар айту.
Ардақты Пайғамбарымыз Мұхаммедке (оған Алланың салауаты мен сәлемі болсын) салауат айту уайым мен қайғыдан арылтады. Алла Елшісіне салауат айтуымыз – өзімізге амандық пен береке тілеуіміз.
Сөз бен ойдың оразасы адамды тақуалыққа тәрбиелейді…
7. Тамақты тежеу
Тамаққа қатысты насихат айтуға басқа-басқа мен лайықты емеспін. Тамақ – нәпсіге ең ұнамды дүниенің бірі. Дегенмен, Рамазан – аз тамақ жеп, көп құлшылық жасауға тәрбиелейтін ай. Расында, көп асаған көп ұйықтайды. Көп ұйықтаған көп игіліктен құр қалады. Ауызашар тамаққа тойып алатын сәт емес. «Ауру – астан» деген. Көп жеген артық салмақ жинайды. Артық салмақ ауру шақырады… Алла сақтасын!
8. Уақытты жүйелеу
Рамазанда әрбір сәт маңызды. Уақыт – мүміннің нығметі, оны ізгі істерге арнасақ – досымыз, бос өткізсек – дұшпанымыз. Бір сәтте досыңа да, дұшпаныңа да айналатын уақытты қалай пайдалану – әркімнің өз таңдауында. Досты таңдайық!
9. Оразада отбасыға көңіл бөлу
«Сен саясатпен айналыспасаң, саясат сенімен айналысады» деген тәмсіл бар. Осы сөздің мағынасын «майыстырып» айтсақ: отбасы тәрбиесімен айналыспасаң, бала-шағаң сенімен айналысады. Расында, солай. Бала-шағаға көңіл бөлмесең, тәрбиесі нашарлап, сені бір күні ұятқа қалдырады.
Ауызашар, сәресі отбасымен рухани сұхбат құрудың сәулелі сәті емес пе? Сәтті жіберіп алмайық. Әр сәт – ғанибет…
10. Өзімізді өзгертпесек…
Бір ғұлама&nbsp;«Рамазаншыл болма, Құдайшыл бол»&nbsp;деген екен. Расында, бір жұтым судың қадірін сездірген, шариғаттағы тыйым былай тұрсын, рұқсат етілген істен нәпсіні тежеуді үйреткен оразадан кейін өзімізді өзгертпесек енді ұят…
Бұл айтылған он амал біздің ойға келген дүниелер. Оған қосам десеңіз – мархабат!&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Ағабек ҚОНАРБАЙҰЛЫ

Қазақстан және Қызылорда облысының жаңалықтары

COVID-19: Қызылордада соңғы тәулікте 6 медицина қызметкері індет жұқтырған

Қызылорда облысында қауіпті індет жұқтырғандар саны 179 адамға жетті

Ауа райы: Бүгін Қызылорда облысында дауылды ескерту жарияланды

26 сәуір: Атаулы күндер мен оқиғалар

Жұлдыздар не дейді?

Министр “халық аштан өледі” деген әншіге 42 500 теңгеге құжат тапсыруды ұсынды

COVID-19: Шиеліде 41 науқас айықты, өңірде жазылғандар саны 79 адамға жетті

Ғалымдар әлемдегі жәндіктердің саны қарқынды түрде азайып жатқандығын мәлімдеді

Елімізде коронавирустан танымал дәрігер көз жұмды

Елордада дәрігерлер коронавирустан емделіп шыққан 93 жастағы әжейді қошеметпен шығарып салды (видео)

Қағаз құжаттар қажет емес: Биыл ҰБТ-ны тапсыру үшін өтініштер электронды түрде қабылданады

Оразада орындайтын 10 амал

Қазақстан және Қызылорда облысының жаңалықтары

COVID-19: Қызылордада соңғы тәулікте 6 медицина қызметкері індет жұқтырған

Қызылорда облысында қауіпті індет жұқтырғандар саны 179 адамға жетті

Ауа райы: Бүгін Қызылорда облысында дауылды ескерту жарияланды

26 сәуір: Атаулы күндер мен оқиғалар

Жұлдыздар не дейді?

Министр &#8220;халық аштан өледі&#8221; деген әншіге 42 500 теңгеге құжат тапсыруды ұсынды

COVID-19: Шиеліде 41 науқас айықты, өңірде жазылғандар саны 79 адамға жетті

Ғалымдар әлемдегі жәндіктердің саны қарқынды түрде азайып жатқандығын мәлімдеді

Елімізде коронавирустан танымал дәрігер көз жұмды

Елордада дәрігерлер коронавирустан емделіп шыққан 93 жастағы әжейді қошеметпен шығарып салды (видео)

Қағаз құжаттар қажет емес: Биыл ҰБТ-ны тапсыру үшін өтініштер электронды түрде қабылданады

Оразада орындайтын 10 амал

Министр “халық аштан өледі” деген әншіге 42 500 теңгеге құжат тапсыруды ұсынды