<a href="https://kyzylorda-news.kz/">Kyzylorda-news.kz</a>. Еліміздегі кейбір жоғары оқу орындары студенттердің жаппай үндеуінен кейін оларға жеңілдік жасалатын болды. Интернеттің жоқтығынан онлайн қосыла алмаған жастар мемлекеттік емтиханды асықпай тапсыра беруіне&nbsp; болады, деп хабарлады&nbsp;<a href="https://www.ktk.kz/kz/news/video/2020/04/23/146174/">КТК.</a>
<blockquote>
 «Егер де ол бала интернет жүйесіне байланысты немесе техникаға байланысты емтиханын уақтылы тапсыра алмаса, оны біз келесі жылға ауыстыруға мүмкіндігіміз бар немесе жазғы сессияны ұйымдастырамыз. Егер де жазғы семестрден де әрі қарай жалғасып кетіп жатса, онда біз оны қыркүйек айына, қазан айына қалдырып, барлық жағдайды жасаймыз», – дейді Қазақ ұлттық қыздар педагогикалық университетінің ректоры Гауһар Алдамбергенова.
</blockquote>
Айта кетейік, Қазақ ұлттық университетінің студенттері емтиханды кейінге қалдыруда сұрап, әлеуметтік желіде арнайы үндеу жасаған болатын. Өйткені бәрінің бірдей сапалы интернетке қосылып, сабақ өтуге шамасы жоқ. Ал шәкірттерінің жағына алғашқылардың бірі боп Қазақ ұлттық қыздар педагогикалық университеті шықты. Ауылдағы жастардың жағдайын ескерген жоғары оқу орны мемлекеттік емтиханды кейінге қалдырыпты.
Дегенмен, бұл бітірушілер биыл дипломсыз қалады деген сөз емес. Карантин созылған жағдайда, олардан емтихан телефон арқылы қабылданады. Оқу ақысын дер кезінде төлеп үлгермеген жастар да алаңдамаса болады. Себебі, карантиннен кейін асықпай төлеуге мүмкіндік берілді.
Студенттердің айма-ай алып отырған стипендиясы да үзілмейді деп сендірді университет ректоры.
Ал Алматы менеджмент университеті онлайн емтихандарды мүлде тоқтатып тастаған.
Қорытынды бағаны студенттің ортақ балынан шығарады. Ал дипломдық жұмыстарды жазға қалдырды.

Төтенше жағдай: Студенттерге қандай жеңілдік жасалатыны белгілі болды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова ауыр атлетикадан төрт дүркін әлем чемпионы Илья Ильинді қабылдады. Өңір басшысы әйгілі спортшының қол жеткен жетістіктерін жоғары бағалап, әрдайым сырбойылықтардың мақтанышы екенін атап өтті.
Қазіргідей карантин жағдайында зілтеміршінің жастарға мол үлгі-өнеге көрсете алатынын жеткізді. Мысал ретінде, онлайн жаттығулар жасап, жастардың спортқа деген ынта-жігерін арттыруға болатынын айтты.
<blockquote>
 «Сыр елінен өзіңдей спортшылардың шыққанымен қашанда мақтанамыз. Жас спортшылар үшін үлгі тұтар тұлғасыз. Аймаққа сіздің қолдауыңыз қажет. Ізіңізден еріп келе жатқан жастарға шеберлік пен білім-біліктілігіңізді үйретесіз деп сенемін. Қазір коронавирус пандемиясы бүкіл әлемді алаңдатып отыр. Қатерлі індетті жеңіп шыққан соң, аймақ дамуы үшін бірлесіп жұмыс жасауымыз керек», – деді облыс әкімі.
</blockquote>
Илья Ильин облыс әкімінің жылы лебізіне ризашылық білдірді.
<blockquote>
 «Мен үшін Сыр жерінде дүниеге келіп, білім алып, түлеп ұшқаным зор мақтаныш. Спорттағы мансабымды аяқтауды ойлап жүрмін. Спорт саласында да біршама жетістікке жеттім. Білімімді толықтырып, елге оралдым. Жылы қабылдауыңыз үшін рақмет», – деді даңқты спортшы.
</blockquote>
Кездесу соңында аймақ басшысы спортшының жоспарларына сәттілік тіледі.
Еске салайық, зілтемірші Илья Ильин ауыр атлетикадан Қазақстан Республикасының спорт шебері және әлемнің 4 дүркін чемпионы.
<img src="https://kyzylorda-news.kz/wp-content/uploads/2020/04/02-38.jpg" alt="" />
<img src="https://kyzylorda-news.kz/wp-content/uploads/2020/04/03-38.jpg" alt="" />

Гүлшара Әбдіқалықова танымал спортшы Илья Ильинмен кездесті

<a href="https://kyzylorda-news.kz/">Kyzylorda-news.kz</a>. Қазақстанда COVID-19 инфекциясынан тағы бір адам қайтыс болды. Бұл жолы қайғылы жағдайдан Маңғыстауда әскери қызметкер көз жұмды, деп хабарлады өңірдің бас санитар дәрігері Ерғали Сыдыманов.
Оның айтуынша, облыста коронавирустан алғаш көз жұмған адам Мұнайлы ауданы Батыр ауылының 40 жастағы тұрғыны. Марқұм – әскери адам болған.
Ол Ақтауда көшелерді дезинфекциялау жұмысына қатысқан.
<blockquote>
 «20 сәуірде ер адам жедел жәрдем шақырды, қызуы көтеріліп, тамағы ауырыды. Ол&nbsp;рентгенге түсіп,&nbsp;пневмония бар екенін анықтады. Жедел жәрдемге жүгінбес бұрын ол&nbsp;бір апта үйде ауырып жатқан. Айтпақшы, ер адам коронавирусқа&nbsp;екі рет тексерілген. Біріншісі теріс, екіншісі оң нәтиже көрсетті. Ер адам осы аймақтың әскери бөлімдерінің бірінде қызмет етті. Төтенше жағдай кезінде ол Ақтау қаласын өңдейтін дезинфекциялық топқа тартылды. Үйленген, бес баланың әкесі. Қазір онымен байланысқан адамдардың барлығы карантинде», – деді Ерғали&nbsp;Сыдыманов.
</blockquote>
Облыстың бас дәрігері қайтыс болған науқаспен байланыста 683 адам, тығыз байланыста 161 адам және ықтимал байланыста 522 адам болғанын айтты.

Елімізде коронавирустан әскери қызметкер қайтыс болды

<a href="https://kyzylorda-news.kz/">Kyzylorda-news.kz.</a> «Мемлекеттік әлеуметтік сақтандыру қоры» АҚ мамандары азаматтарға екі не одан да көп табыс көздерінің болуына байланысты 42500 теңге төлеуден бас тартқан жағдайда қайда және қандай құжаттар жинау керегі туралы айтып берді, деп хабарлайды&nbsp;<a href="https://stan.kz/">Stan.kz</a>.&nbsp;
<blockquote>
 «Азамат өтінімді жіберген кезде, жүйе оны арнайы база бойынша тексереді де, оның екі не одан да көп ұйымдардан түскен табысы бар екенін бірден көреді. Белгіленген ереже бойынша мұндай азаматтарға жүйе автоматты түрде әлеуметтік төлем төлеуден бас тартады. Егер азамат қос жұмыс орнынан да төленбейтін еңбек демалысына шығып, табысынан айрылған болса, ол мемлекеттік көмек ала алады. Осындай жағдайға тап болған адамға екі жұмыс орнынан да анықтама алып, оларды тіркеп, Мемлекеттік әлеуметтік сақтандыру қорына өтініш жазу керегін айтамыз», – дейді орталық маманы Жанболат Данияров.
</blockquote>
2020 жылғы 24 сәуір күнгі жағдай бойынша&nbsp;42500.enbek.kz&nbsp;сайтына шамамен 232 мың өтініш түскен. Оның ішінде 23 сәуірде қазақстандықтар 25 мыңнан астам өтініш жолдаған. Бүгінде 20 мыңнан астам өтініш берушіге жауап берілді.

Екі жерде жұмыс істегендер 42500 теңгені қалай ала алады?

<a href="https://kyzylorda-news.kz/">Kyzylorda-news.kz.</a> Жыл басынан бері облыста 90,81 гектар аумақта орман және дала өрті болды. Жалпы саны 23 өрт оқиғасы тіркеліп, мемлекетке 8 млн 132 мың 800 теңге шығын келтірілді. Бұл туралы Өңірлік коммуникациялар орталығында өткен брифингте Қызылорда облысы бойынша Төтенше жағдайлар департаменті басшысының орынбасары Руслан Қайрақбаев мәлімдеді.
<blockquote>
 «Орман қоры аумағында орын алған өрттердің негізгі себептері тұрғындардың және жеке шаруа қожалық иелерінің өз жерлерін абаттандыру, жерді ашу үшін қураған шөптерді және қоқыстарды өртеу кезінде желдің әсерінен орман қоры аумағына шоқ ұшқындарының ұшуынан өртке ұласып жатады», – деді ол брифингте.
</blockquote>
«Өңіраралық сипаттағы орманды дала өртін жою жоспарына» сәйкес 2020 жылы Қызылорда облысы бойынша 7 мемлекеттік мекеме жанынан 2135 адам, 237 техника, оның ішінде 1 ұшақ, 4 өрт сөндіру пойызы бар күштер мен құралдар саны нақтыланған.
2014-2020 жылдар аралығында облыс бойынша мемлекеттік өртке қарсы қызметі жоқ елді мекендерде кезең-кезеңімен 22 өрт сөндіру бекеті құрылды.
<img src="https://kyzylorda-news.kz/wp-content/uploads/2020/04/02-36.jpg" alt="" />

Қызылорда облысында жыл басынан бері 23 өрт оқиғасы тіркелген

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорданы су басқан жоқ. Бұл туралы ҚР Экология, геология және табиғи ресурстар вице-министрі Сергей Громов ҚР Жемқорлыққа қарсы іс-қимыл қызметінің сайтында өткен онлайн сұхбатта айтты, деп хабарлайды ҚазАқпарат.
<blockquote>
 «Бастапқыда жағдай күрделі болған. Алты аймақта 48% қар түрінде ылғал жиналып қалған. ҚР ІІМ ТЖ-мен, жергілікті атқарушы органдармен бірлесіп істеген жұмыс нәтижесінде бәрі дұрысталды. Біздің міндет – су қоймаларының жарылып кетуіне жол бермеу. Біз су қоймаларын тәулік бойы бақылауда ұстадық. Сонымен қатар, бізге ауа райы жағдайы қатты көмектесті. Наурыз, сәуір айында күндіз ауа температурасы жоғары болған жоқ, түнгі ауа температурасы да ойдағыдай болды», – дейді ҚР Экология, геология және табиғи ресурстар вице-министрі Сергей Громов.
</blockquote>
Ол биыл Қызылордада су тасқыны болмайтынын айтты.
<blockquote>
 «Биыл Қызылорданы су басқан жоқ. Ол жақтағы су қоймасына алдымен көлемді су жіберу керек болды. Ол мұздың биіктікте қатуы үшін керек. Одан кейін аз су жіберген кезде кішкене арна пайда болып, ол жерден су емін-еркін өтеді. Бұл жұмыс биыл сәтті жүргізілді», – дейді Сергей Громов.
</blockquote>

Сергей Громов: Биыл Қызылордада су тасқыны болмайды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков Жосалы кентіндегі көшелерге жаңадан арықтар қазу және көше аралық арықтарды тазалау жұмыстарымен танысып, кент әкімі мен тиісті сала басшыларына нақты тапсырмалар берді.
<blockquote>
 «Тұрғындардың аулаларында бау-бақша егуі үшін кентте жаңадан арықтар қазылып, қолайлы жағдай жасау арқылы тұрғындардың көгалдандырумен айналысып, жас ағаш көшеттерін отырғызып, көркейіп-гүлденуіне жол ашады деп сенемін. Өлкеміздің көркейіп гүлденуі, сәулеті мен дәулетін тасыту – Сіз бен біздің перзенттік айнымас міндетіміз», – деді аудан басшысы.&nbsp;
</blockquote>
Жосалы кентіне аяқ-су беру жұмыстары үстіміздегі жылдың 1 мамырынан бастап жүргізіледі.
Бүгінгі күні 15 км көлемінде кентішілік аяқ-су арықтарын қазу жоспарланған.
Сонымен бірге қазіргі таңда Жосалы кентінде орналасқан «Дендропарк» саябағы қайта қалпына келтіріліп, жаңадан ағаш көшеттерін отырғызу, аяқ-сумен қамту бағытында қарқынды жұмыстар жүргізілуде.
<img src="https://kyzylorda-news.kz/wp-content/uploads/2020/04/02-35.jpg" alt="" />
<img src="https://kyzylorda-news.kz/wp-content/uploads/2020/04/03-36.jpg" alt="" />

Қармақшыда 15 шақырым болатын кентішілік аяқ-су арықтары жүргізіледі

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 55 адамға жетті. Індеттен айыққандардың қатарына соңғы қосылған науқастар – Қармақшы, Сырдария және Шиелі ауданының тұрғындары.
24 сәуір 15:30-дағы&nbsp;ақпарат бойынша Қызылорда облысында тағы 9 адам қауіпті індеттен жазылып шыққан. Осылайша қауіпті індеттен айыққандар саны өңірде 55 адамға жетіп отыр.
Ерекше атап өтерлігі – Қармақшы ауданында осы індетке шалдыққан 4 науқастың барлығы жазылды.
Айта кетейік, бүгінгі күнге дейін Қызылорда қаласында – 9, Жаңақорған ауданында – 16, Шиелі ауданында – 23, Қармақшы ауданында – 4, Сырдария ауданында – 3 адам осы індеттен емделіп, үйлеріне шығарылған.
Олар алдағы 14 күнде дәрігерлердің бақылауында болады.

COVID-19: Қармақшыда барлық науқас айықты, облыста жазылғандар саны 55-ке жетті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеу департаменті бірнеше білім мекемелеріне компьютерлер беруде.
Барлық мектептердің қашықтықтан оқуға көшуіне байланысты әр балаға компьютерлік техниканың жетіспеу қиыншылығы орын алып отырғаны белгілі.
Экономикалық тергеу департаментінің өндірісінде өткен жылы заңсыз ойын айналымына қатысты болған қылмыстық істер бойынша заттай айғақ ретінде алынған компьютерлік техникалар, облыстық білім басқармасының шешімімен, №4, №6 және №7 арнайы мектеп-интернаттарға бөлінді. Есту, көру қабылеті бұзылған балаларды оқытатын бұл мекемелердің әрқайсысы, тиісінше 7,15 және 10 компьютер, бір данадан модем алатын болады. №6 мектепке, сонымен қатар, бір бейнекамера тиесілі болды.
Кезінде заңсыз ойын бағдарламалары орнатылып, жекелеген заңсыз әрекет еткен тұлғаларға қызмет еткен бұл компьютерлер мен модемдер енді мектептерде онлайн сабақ, бейне байланыс түрінде өтетін басқа да шаралар үшін пайдаланылатын болады.
2019 жылы Департаменттің өндірісінде заңсыз ойын бизнесіне қатысты 19 қылмыстық іс болған. Нәтижесімен 31 ойын мекемесі жабылды, заңсыз ойын ойнатылған құрал жабдықтардан бөлек 10 млн. теңге, 60 мың АҚШ доллары айналымнан алынды.

Қызылордада экономикалық тергеу департаменті оқушыларға компьютерлер сыйлады

<a href="https://kyzylorda-news.kz/">Kyzylorda-news.kz.</a> Қазіргі таңда Елімізде енгізілген төтенше жағдай режимінде алдыңғы шепте жүрген полиция қызметкерлерін психологиялық тұрғыдан қолдау мәселесі өзекті болып отыр.
Ішкі істер органдары қызметкерлерінің кәсіби қызметі күйзелістік факторлардың, оған әсер етуші факторлардың әсерімен сипатталады.
Қазіргі таңда полиция қызметкерлері ерекше кезеңде өздеріне жүктелген қызметтік міндеттерін орындау барысында күйзеліске түсулері әбден мүмкін. Осындай жағдайлардың алдын алу мақсатында Қызылорда облысы Полиция департаментінің психолог мамандары тиісті қолдау көрсетуге бағытталған жұмыстарды ұйымдастыруда.
<blockquote>
 «Психолог мамандар блок-бекеттеріне шығу арқылы &nbsp;жеке құрамды «Экстремалды және әр түрлі жағдайларда қызметкердің іс-әрекеті», «Қақтығыс жағдайлардың алдын алу және шешу жолдары» тақырыбындағы әдістемелік құралдармен қамтамасыз етіп, жағымды психологиялық ахуалды қалыптастыру жұмыстарын жүргізді», – деп хабарлады Қызылорда облысы Полиция департаментінің баспасөз қызметі.
</blockquote>
Бұдан бөлек блок-бекеттердегі полицейлерге жеке консультациялық кеңестер берді және релаксациялық «Майнд машина» құрылғысын пайдалана отырып, әр түрлі формадағы күйзеліске қарсы тұра білуге бағытталған терапиялық жұмыстар ұйымдастырды.

Қызылордада блок-посттардағы полицейлерге психологиялық қолдау көрсетілуде

<a href="https://kyzylorda-news.kz/">Kyzylorda-news.kz</a>. Жалағаш аудандық сотында «TrueConf» мобильді қосымшасының көмегін пайдалана отырып, төтенше жағдайдың жариялануына байланысты мемлекеттік орган белгілеген режим талаптарын бұзу фактілері бойынша 3 әкімшілік құқық бұзушылық туралы іс қаралды.
Іс-құжаттарына сәйкес, кент тұрғыны азамат Д. Жалағаш ауданында карантин жарияланып, аудан аумағы бойынша кіруге және шығуға тыйым салынғанына қарамастан төтенше жағдай режимін бұзып, автокөлігімен санитариялық бекетке себепсіз келіп, тосқауыл бекеттен заңсыз өтуін талап еткені үшін, ҚР ӘҚБтК-нің 476-бабының 6,9-тармақшасымен кінәлі деп танылып, соттың қаулысымен 2 тәулікке әкімшілік қамаққа алынды.
Сонымен қатар, тағы 1 әкімшілік іс бойынша төтенше жағдай кезінде азаматтардың негізсіз тұрғын үйден шығуына және автокөліктерімен жүруіне шектеу салынғанына қарамастан, азамат Б.-ның такси қызметін жасағаны анықталған.
Сот қаулысымен азамат Б. ҚР ӘҚБтК-нің 476-бабының 6-тармақшасымен кінәлі деп танылып, 1 тәулікке әкімшілік қамаққа алынды.
Жалағаш кент тұрғыны Н. спирт ішімдігін ішкен күйде, тұрғылықты үйінен негізсіз, маскасыз шығып, карантин талаптарын бұзған. Құқық бұзушы ҚР ӘҚБтК-нің 476-бабының 6-тармақшасымен кінәлі деп танылып, 10 тәулікке әкімшілік қамаққа алынды.
Сот қаулылары заңды күшіне енбеген.

Жалағашта төтенше жағдай режимін бұзғандар сот алдында жауап берді

<a href="https://kyzylorda-news.kz/">Kyzylorda-news.kz</a>. Қазақстандық эпидемиологтар осы күзде елімізде коронавирустың екінші рет өршуі мүмкін екенін болжап отыр, деп хабарлайды <a href="https://1tv.kz/koronavirus-gripp-kakim-budet-osenniy-epidsezon/">«Еуразия» бірінші арнасы</a>.
Денсаулық сақтау министрі Елжан Біртановпен видеоконференция өткізген эпидемиолог-ғалымдардың пікірінше, коронавирус инфекциясы күзде тұмаумен бірге қайта өршуі ықтимал. Сарапшылар осы себепті халықтың көбіне тұмауға қарсы вакцина жасалуы керектігін айтады.
<blockquote>
 «Маусымдық гипотезаны қазір ешкім жоққа шығарып отырған жоқ. Маусымдық жағдайда тұмау қатты жүрмеуі ықтимал. Тиісінше жазда эпидемия жалғасуы мүмкін. Күзде де ол ары қарай кездесе береді», – дейді С.Аспендияров атындағы қазақ ұлттық медицина университетінің зерттеу жұмыстары бойынша проректоры Бауыржан Жүсіпов.
</blockquote>
COVID-19 ауруын зерттеу үшін қазақстандық ғалымдар биоматериалдар банкін құруды ұсынып отыр. Телеарнаның хабарлауынша, Қазақстанда коронавирус жұқтырғандарды сан жағынан алтыншы хаттамамен емдеуде.
Ғалымдармен кездесу барысында министр Ұлттық инфекциялық аурулар орталығын құру туралы сөз қозғаған.

Қазақстан және Қызылорда облысының жаңалықтары