<a href="https://kyzylorda-news.kz/">Kyzylorda-news.kz</a>. Елімізде орын алып отырған коронавирус іңдетіне байланысты ҚР Президентінің тапсырмасына сәйкес, ҚР Қорғаныс министрлігіне бағынысты Қызылорда облысында орналасқан әскери бөлімдердің ұйымдастыруымен қала аумағында орналасқан теміржол вокзалы мен автовокзал аумағын 26 наурыздан бастап дезинфекциялау жұмыстары жүргізілді.
Қызылорда қаласында инфекция таралуының алдын алу мақсатында №66597 әскери бөлім қызметкерлері және арнайы мекемелер арқылы бекітілген кестеге сәйкес, жалпы көлемі 73,5 мың шаршы метрді болатын 46 аумақты залалсыздандыру жұмыстары күшейтілген режимде жұмыс жасауда.
Оның ішіде қоғамдық көліктер, аялдамалар, теміржол мен автовокзалдар, ірі кәсіпкерлік нысандар, базарлар және адам көп жүретін көшелер, көпқабатты тұрғын үйлер аумақтары, әкімшілік және әлеуметтік нысандарға залалсыздандыру жұмыстары жүргізілді.
<img src="https://kyzylorda-news.kz/wp-content/uploads/2020/04/02-4.jpg" alt="" />
<img src="https://kyzylorda-news.kz/wp-content/uploads/2020/04/03-4.jpg" alt="" />
<img src="https://kyzylorda-news.kz/wp-content/uploads/2020/04/04-1.jpg" alt="" />
<img src="https://kyzylorda-news.kz/wp-content/uploads/2020/04/05-1.jpg" alt="" />
<img src="https://kyzylorda-news.kz/wp-content/uploads/2020/04/06-1.jpg" alt="" />
<img src="https://kyzylorda-news.kz/wp-content/uploads/2020/04/07-1.jpg" alt="" />

Қызылордада залалсыздандыру жұмыстары күшейтілген режимде жұмыс жасауда (ФОТО)

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2 сәуір 2020 жылғы «Әскери міндеттілерді арнаулы жиындарға шақыру туралы» №296 Жарлығына сәйкес, Қызылорда қаласының Қорғаныс істері жөніндегі басқармасымен әскери есепте тұрған міндеттілерді зерделеу және іріктеу жұмыстары жүргізілуде. Бұл туралы аталған басқарманың баспасөз қызметі хабарлады.
<blockquote>
 «Қызылорда қаласының Қорғаныс істері жөніндегі басқармасы Қызылорда облысы әкімінің сұранысына сәйкес, 40 әскери міндеттіні арнайы әскери жиындарға шақыртады. 2020 жылғы 7 сәуірден бастап әскери міндеттілер Қызылорда қаласының Қорғаныс істері жөніндегі басқармасының медициналық куәландыру комиссиясынан өткізілетін болады», – делінген аталған хабарламада.
</blockquote>
Айта кетейік, Қызылорда облысында арнайы әскери жиындар 8 сәуірден 8 мамырға дейін өткізілетін болады.
Туындаған сұрақтар бойынша Қызылорда облысының Қорғаныс істері жөніндегі департаментінің Call-центр орталығына мына телефон бойынша хабарласауға болады: 24-73-38.

Президент жарлығы: Қызылордада арнайы жиынға 40 әскери міндетті шақырылады

<a href="https://kyzylorda-news.kz/">Kyzylorda-news.kz.</a> Қазақстан Республикасы Бас Прокурорының бұйрығымен Жақанов Ағыбай Қасымбайұлы Қызылорда қаласының прокуроры болып тағайындалды.
А.Қ.Жақанов 1986 жылы дүниеге келген. Әл-Фараби атындағы Қазақ Ұлттық Университетін «заңгер» мамандығы бойынша тәмамдаған.
Еңбек өтілін құқық қорғау органдарында 2009 жылы Қарағанды облыстық ІІД тергеуші қызметінен бастаған.
Прокуратура органдарына 2012 жылы қабылданып, Оңтүстік Қазақстан облыстық прокуратурасында басқарма прокуроры, одан әрі Шымкент қаласының Еңбекші, Әл-Фараби аудандары прокурорының орынбасары, Атырау, Жамбыл облыстық прокуратураларында Қылмыстық қудалау басқармасының бастығы қызметтерін атқарған.
2019 жылдың сәуір айынан Қазақстан Республикасы Бас Көлік прокуратурасында Қылмыстық қудалау басқармасының бастығы лауазымын атқарып келген.
Құқық қорғау органдарындағы 10 жылдан жоғары қызмет өтілі бар, сыныптық шені – әділет кеңесшісі.
<img src="https://kyzylorda-news.kz/wp-content/uploads/2020/04/tagajyndaw-prokwror-kaz-ishine.png" alt="" />

Қызылорда қаласының прокуроры тағайындалды

<a href="https://kyzylorda-news.kz/">Kyzylorda-news.kz.</a> Енді «Электронды үкімет» порталының eGovMobile мобильді қосымшасында коронавирус белгілерін анықтау үшін онлайн сауалнамадан өтуге болады. Онлайн диагностикалау қызметі үш тілде іске қосылған деп хабарлайды <a href="https://kaz.nur.kz/1849264-kazakstandyktar-endi-koronavirus-belgilerin-anyktau-sin-onlajn-saualnamadan-te-alady.html">NUR.KZ.</a>
Қызметтің бұл түрі – Денсаулық сақтау министрлігі мен «Ұлттық ақпараттық технологиялар» АҚ бірлескен жұмысының нәтижесі.
Коронавирустың белгілерін анықтау бойынша өзін-өзі онлайн диагностикалау қызметі eGovMobile қосымшасының басты бетінде «COVID-19 белгілері бойынша сауалнама» атауымен жеке батырма ретінде орналасқан.
Қызмет үш тілде (қазақша, орысша, ағылшынша) қолжетімді. Сауалнаманы толтыру үшін азаматтар 12 сұраққа иә/жоқ деп жауап береді, қажет болған жағдайда жеке ақпараттарды енгізеді.
Толтырып болғаннан кейін «Сауалнаманы жіберу» батырмасын басу керек.
Ақпарат ары қарай өңдеуден өту үшін Денсаулық сақтау министрлігіне түседі. Сонымен қатар, азаматтар eGovMobile арқылы «COVID-19 картасы», «COVID-19 туралы FAQ» қызметтерінен коронавирус туралы жиі қойылатын сұрақтарға жауап ала алады.
Сондай-ақ мобильді қосымша нақты уақыт режимінде Қазақстан аумағындағы вирустың таралу жағдайы мен ауру расталғандармен қатынаста болғандар жайлы өзекті ақпараттарды ұсынады.

Қазақстандықтар енді коронавирус белгілерін анықтау үшін онлайн сауалнамадан өте алады

<a href="https://kyzylorda-news.kz/">Kyzylorda-news.kz.</a> Қазақстанның мемлекеттік бас санитарлық дәрігері Айжан Есмағамбетова коронавирус инфекциясы өршіп бара жатқан өңірлерді атады.
<blockquote>
 «Осы жылдың 1 сәуірінде шыққан менің қаулыма сәйкес мемлекеттік шекара арқылы өтетін автоөткелдер мен теміржол өткелдерінде міндетті санитарлық карантиндік бақылау енгізілген. Қаулыға сәйкес міндетті түрде тексеру жүргізіліп, жүргізушілерден сауалнама мен тест алынуы тиіс. Тест теріс нәтижені көрсетсе де ол адам үй карантиніне жатқызылуы керек. Әлбетте тест оң нәтиже көрсетсе олар ауруханаға жатқызылады», – деді Айжан Есмағамбетова ОКҚ-да өткен баспасөз мәслихатында.
</blockquote>
Сонымен қатар, Айжан Есмағамбетова Қызылорда, Қарағанды, Түркістан, Атырау облыстарында сырқаттанушылықтың жоғары өсімі тіркелгендіктен аталған өңірлерге карантиндік шектеу шараларын қатаң сақтау арқылы қосымша шектеу шараларын енгізу қажеттігін атап өтті.

Мемлекеттік бас санитар Қызылорда облысында шектеу шаралары күшейтілуі керектігін мәлімдеді

<a href="https://kyzylorda-news.kz/">Kyzylorda-news.kz.</a> Қызылорда облысында төтенше жағдай талаптарын сақтамаған 171 адам анықталды.
Төтенше жағдай талаптарының сақталуын қамтамасыз ету мақсатында облыс бойынша жүргізілген рейдтер&nbsp;барысында 499 мекеме мен ойын-сауық орындары тексерілді.
Тексеру кезінде төтенше жағдай талаптарын бұзған ҚР Әкімшілік құқық бұзушылық туралы кодекстің 476-бабымен 171 дерек анықталған.
Оның ішінде, қала төңірегінде – 123, Арал – 5, Қазалы – 10, Қармақшы – 4, Жалағаш – 2, Сырдария – 3, Шиелі – 5, Жаңақорған – 6 және Байқоңыр қаласындағы өкілдікпен&nbsp;13 дерек анықталған.
Сондай-ақ, облыстағы 49 кафе, 17 жеке үй, 34 дүкен, 18 көлік жөндеу орыны, 8 компьютер клубы, 5 көлік жуу орыны, 5 қонақ үй және 26 басқа да қызметтер белгіленген уақыт пен шектеулерді сақтамай өз жұмыстарын жалғастырған.
Облыс аумағында қойылған блок-бекеттердің заңсыз айналып өтудің 9 дерегі тіркелген.
<blockquote>
 «Қызылорда облысының мамандандырылған әкімшілік сотымен 98 әкімшілік іс қаралып, 46 адамға&nbsp;айыппұл салынса, 52 адам&nbsp;әкімшілік қамауға алынды. Әлеуметтік желілер мен мессенджерлерде жарияланған материалдарға мониторинг жүргізіліп, көрінеу жалған ақпарат таратылған 11 дерек анықталды.&nbsp;ҚР&nbsp;Қылмыстық кодекстің 274-бабы 4-бөлігімен сотқа дейінгі тергеп тексеру жұмыстары жүргізіліп жатыр», – деп хабарлады облыстық Полиция департаментінің баспасөз қызметі.
</blockquote>

Қызылордада төтенше жағдай режимін бұзған 171 адам жазаланды

<a href="https://kyzylorda-news.kz/">Kyzylorda-news.kz.</a> Декретте отырған аналар бір жыл өткеннен кейін бірыңғай жинақтық төлемді төлеп, 42 500 теңгеден үміттенуіне болады. Бұл туралы Орталық коммуникациялар қызметінде өткен онлайн брифингте айтылды.
<blockquote>
 «Бірыңғай жинақтық төлем төлей салсам, ресми жұмыс істемей жүрген адам ретінде 42 500 теңге бере салатын шығар» деп ойлайтын азаматтарға айтарым: егер сіз қазір жұмыс істеп жүрсеңіз немесе жеке кәсіпкер болсаңыз, басқа әлеуметтік төлемдер алып жүрсеңіз, «42 500 теңге алам» деген ойыңыз дұрыс емес», – дейді ҚР Еңбек және халықты әлеуметтік қорғау министрі Біржан Нұрымбетов.
</blockquote>
Ол декреттегі әйелдерге аталған төлем беріле ме деген сұраққа жауап берді.
<blockquote>
 «Оларға бала күтімі үшін бала бір жасқа толғанша мемлекет тарапынан жәрдемақы төленеді. Бір жылдан асқаннан кейін олар жұмысқа шығар еді, бірақ төтенше жағдайға байланысты ешкімді жұмысқа алмайды. Сондықтан декретте отырған аналар бір жыл өткеннен кейін бірыңғай жинақтық төлемді төлеп, 42 500 теңгеден үміттенуіне болады», – дейді ол.
</blockquote>

Декретте отырған аналарға қандай жағдайда 42 500 теңге беріледі?

<a href="https://kyzylorda-news.kz/">Kyzylorda-news.kz</a>. Бүгін Қызылордадағы Назарбаев Зияткерлік мектептерінің оқушылары үшін қашықтан оқу үдерісі сәтті басталды. Жас зияткерлер онлайн режимінде пәндер бойынша сабақтарға қатысып, төртінші оқу тоқсан бағдарламасын меңгеруде.
Саягүл Өмірбек ұзақ демалыстан кейін сыныптастарымен бірге қайта қауышты. Алайда бұл жолы оқу қашықтан ұйымдастырылып, оқушылар ұстаздарынан онлайн түрде білім алады.
<blockquote>
 «Бұған дейін байқау сабақтары өткізілгендіктен, сабаққа қосылу қиынға соқпады. Бірінші сабақ – орыс тілі болды. Жаңа тақырыпты меңгеруде мұғалім онлайн түрде жеке және топтық тапсырмалар бере отырып сабақты қызықты ұйымдастыра алды», – дейді 7-сынып оқушысы Саягүл.
</blockquote>
Зияткерлік мектеп оқушыларының қашықтан оқуы үшін MicrosoftTeams платформасында арнайы онлайн сыныптары ашылған болатын. Қашықтан оқыту үдерісін тиімді ұйымдастыруда мектеп, оқушы, ата-ана арасында тығыз байланыс орнатылып, түсіндірме жұмыстары жүргізілген-ді.
<blockquote>
 «12-сынып оқушыларына Қазіргі әлемдегі Қазақстан пәнінен 20 минуттан екі сабақ өткіздім. Барлық оқушылар байланысқа шығып, белсенді қатысты. Балалардың дауысы аңық естілді. Ауызша және жазбаша жауап беріп отырды», – дейді тарих пәнінің мұғалімі Айгүл Зейнулла.
</blockquote>
Жаңа форматта оқыту жүйесіне сәйкес оқушылар күнделікті сағат 8.30 дан 12.30-ға дейін негізгі пәндер бойынша сабақтарға қатысса, түстен кейін ұстаздарымен жекелей байланысқа шығып, қосымша білім алуға мүмкіндіктері бар. Сондай-ақ, сабақта пайдаланылған барлық оқу ресурстары мен жүргізілген видеожазылым платформаға еңгізіледі. Күнделікті ұстаздар оқушыларға кері байланыс беріп, оқу бағдарламасын меңгеруде қажетті көмек көрсетеді.
Айта кетейік, облыстағы 293 мектепте де бүгіннен бастап ІV тоқсан сабақтары қашықтан оқытылып жатыр.
<img src="https://kyzylorda-news.kz/wp-content/uploads/2020/04/03-3.jpg" alt="" />
<img src="https://kyzylorda-news.kz/wp-content/uploads/2020/04/02-3.jpg" alt="" />

Қызылордада қашықтан оқу басталды

Елімізде тағы 20 адамнан коронавирус табылды, деп хабарлайды coronavirus2020.kz.
6 сәуір сағат 14:40-тағы жағдай бойынша, елімізде коронавирус індетін жұқтырған тағы 20 адам тiркелген. Атап айтқанда Шығыс Қазақстан облысында – 1 адам, Жамбыл облысында – 1 адам, Қарағанды облысында – 16 адам, Маңғыстау облысында – 2 адам.
Осы сағатта Нұр-Сұлтан қаласы бойынша 219 адам, Алматы қаласында – 116 адам, Қарағанды облысында – 48 адам, Ақмола облысында – 23 адам, Атырау облысы – 24 адам, Жамбыл облысында – 29 адам, Шымкент қаласында – 14 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 1 адам, Маңғыстау облысында – 5 адам, Қызылорда облысында – 37 адам, Батыс Қазақстан облысында – 2 адам, Түркістан облысында – 28 адам, Қостанай облысында – 1 адам, жалпы 604 науқас бар.

Қазақстанда коронавирус жұқтырғандар саны 600-ден асты

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен аппарат отырысы өтті. Жиынға қала және аудан әкімдері селекторлық байланыс арқылы қатысты. Жиын басталмас бұрын аймақ басшысы жаңадан тағайындалған орынбасарларын таныстырды.
Қазақстан Республикасы Президенті Әкімшілігінің келісімі бойынша облыс әкімінің өкімімен Сүлейменов Серік Жүсіпұлы облыс әкімінің орынбасары лауазымына тағайындалды. Облыс әкімінің орынбасары ретінде С. Сүлейменов құрылыс, энергетика, тұрғын үй және көліктік инфрақұрылымды дамыту салаларына жетекшілік ететін болады.
Қазақстан Республикасы Президенті Әкімшілігінің келісімі бойынша облыс әкімінің өкімімен Ахмет Серік Әбжәліұлы облыс әкімінің орынбасары лауазымына тағайындалды. Облыс әкімінің орынбасары ретінде С. Ахмет аймақтың ішкі саясат, жастар мәселесі, мәдениет пен спорт және жұмылдыру дайындығы салаларына жетекшілік етіп, облыс әкімдігі мен құқық қорғау органдары арасындағы өзара іс-қимылды жүзеге асырып, коронавирус індетіне қарсы штаб төрағасының орынбасары, облыстағы қалыптасқан төтенше жағдайлардағы жұмыстарды үйлестіретін болады.
Сондай-ақ, облыс әкімінің орынбасары Жаханов Бахыт Дүйсенұлы ауыл шаруашылығы, жер қатынастары, табиғат пайдалануды реттеу, ветеринария, индустриалды-инновациялық даму, кәсіпкерлік және туризмді дамыту салаларына жауапты болады.
Ал, облыс әкімінің орынбасары Байқадамов Наурызбай Сейітқалиұлы білім, денсаулық, жұмыспен қамту және еңбек саласындағы бақылау салаларына жетекшілік етеді.
Отырыстың күн тәртібінде Мемлекет басшысының жұмыссыз жастарға «Жұмыспен қамтудың жол картасы» бағдарламасы аясында тиісті жалақы төлей отырып, оларды су тасқынына қарсы іс-қимылдарға, көктемгі егінге, құрылысқа және басқа да жұмыстарға тарту туралы тапсырмасының аймақта орындалу барысы баяндалды. Бұл бағыт бойынша өңірге 37 млрд. теңге қаржы бөлінуде. Қандай шаралар атқарылатыны турасында облыс әкімнің орынбасары Бақыт Жаханов баяндады.
Сонымен қатар, жиында аймақта корнавирус індетімен күрес, азық-түлік бағалары және жергілікті жердегі қоғамдық-саяси ахуал талқыланды. Жауапты сала басшылары Қызылорда қаласы мен аудан әкімдері аймақ басшысына атқарылған жұмыстар туралы есеп берді.
Облыс әкімі Гүлшара Әбдіқалықова қала мен аудан әкімдеріне, облыстық басқарма басшыларына нақты тапсырмалар берді.

Гүлшара Әбдіқалықова аппарат отырысын өткізді

<a href="https://kyzylorda-news.kz/">Kyzylorda-news.kz.</a> Қызылордалық ғалымдар күздік бидай өсірудің жаңа технологиясын ұсынды. Бұл туралы Ы. Жақаев атындағы қазақ күріш шаруашылығы ғылыми-зерттеу институты хабарлады.
Төккен тердің өтеуі ретінде, өнімді күзде жинаушы еді. Ал бұл күздік бидайды маусым айының соңында шілденің басында жинайды. Қақаған қыстың аязына төтеп берген, көкпен бірге таласа шыққан 80 гектар күздік бидайдың технологиясы туралы мақаланы назарларыңызға ұсынамыз.
Неге Қаратау таңдалды?
Бүгінгі таңда Қаратау бөктерінде ондаған мың гектар құнарлы жерлер егістікке пайданылмай бос жатыр. Басты себебі – суармалы сумен суаруға жер релефінің келмейтіндігінен және жауын-шашын мөлшерінің аздығынан қолданыстағы технологиямен өсіріліп жүрген дақылдарға қажетті ылғалдың жетіспеуі және сол ылғалды сақтау мен оны тиімді пайдаланылатын дақылдар құрамының дұрыс шешілмеуі деп айтуға болады.
Пайдасы қандай?
Қаратау бөктерінде күздік бидайды инновациялық су жинағыш және ылғал сақтағыш технологияларын (аквагель) қолданып өсіру арқылы аймақтың экологиялық жағдайын жақсартуға септігін тигізеді, арамшөптер санын азайтады, осылайша топырақ құрамындағы ылғалды, қоректік заттарды тиімді пайдалануға ықпал етеді. Сонымен бірге тұқым мен жанар-жағармай материалдарын үнемдеуге мүмкіндік береді, егістік жерлерді пайдаланудың экономикалық тиімділігі артады. 1 грамм аквагель түйіршіктері топырақтағы және жауын-шашыннан түсетін ылғалды өзіне сіңіру арқылы 500 гр дейін су жинайды. Сонымен қатар берілген тыңайтқыштарды өзіне сіңіру арқылы шайылып кетуден сақтап, өсімдікке қажетті ылғал мен қоректі беріп отырады.
Бұрындары егілмеген бе?
Күздік бидай күріш ауыспалы егісінен басқа жерлерде өте аз көлемде егіліп жүр. Оның үстіне күздік бидай дақылын еккенде ылғал жинағыш аквагель препартын қолдану аймақ тәжірибесінде пайданылмаған және аквагелдің бірнеше жыл бойы топырақ ылғалдылығын сақтайтын көпжылдық түрлері мүлдем қолданылмаған. Соңғы жылдары ғаламдық климаттың өзгеруіне байланысты Қызылорда облысында жылдық жауын-шашын мөлшері 150 мл шамасында тұрақтады. Ал ХХ ғасырдың орта кезеңдерінде жауын-шашын шамамен 250 мл болған кезде егін егіліп келген. Халық ауызында «пәрі» аталып кеткен бидай егіліп сапасы жағынан өте жоғары дән жинап, оның ұнынан нан жасалған. Кейінгі жылдары ылғалдың аз болып, температураның жоғарылауына байланысты бұл аймақтар қатерлі егіншілік аймағына жатқызылып, шаруалар егін егуден бас тартты.
Ендігі қадам қандай?
Институтта бір жылда екі өнім алу, аралық дақылдар өсіріп, оның дәнін азық ретінде, көк балаусасын мал шаруашылығына пайдалану немесе көк тыңайтқыш ретінде келесі дақылды егер алдында топыраққа беру технологиялары зерттелген. Ал ендігі қадам осының жаңғыру жолы десек артық айтқандық емес. Күздік бидаймен бірге себілген аквагель препараты 5 жыл бойы топырақ қабатында сақталып, өзінің құндылығын жоймайды. Осыны негізге ала отырып, күздік бидайды шілдеде жинап, күзге дейін пісіп үлгеретін және аквагелдің әсерін тиімді пайдаланатын, тағы да бір дақылдан өнім жинау технологиясын енгізу арқылы бір жерден екі өнім алып, гектар шығымдылығын көтеру мақсаты тұр. Әрине бұл жерде де технологиялық қадам, оның ішінде тұқымдарын зиянкестерден, аурулардан сауықтыру, биопрепараттармен қоректендіру, ылғал сақтағыш әдістерді қолдану назардан тыс болмайды. Екінші дақыл қандай екен деп ойлап отырған боларсыз. Ол кәдімгі тары мен сүрлемдік жүгері немесе басқа малазықтық дақылдар. Дәл осы қадам арқылы облыс бекіткен тұжырымдама іске асары сөзсіз. Ол қандай дерсіз? «Қызылорда облысының 2022 жылға дейінгі Агроөнеркәсіптік кешенінің өңірлік бағдарламасын іске асыру тұжырымдамасына» сәйкес дәнді дақылдар егісінің көлемін 10,0 мың гектарға дейін, жалпы өнімділігі 10,7 мың тоннадан 30,0 мың тоннаға дейін арттыру қаралған. Қазіргі таңда осы жоба нұсқасы әзірленіп, ғылыми дәлелденіп облыс назарына ұсынылуға жақын.

Қызылордалық ғалымдар күздік бидай өсірудің жаңа технологиясын ұсынды

<a href="https://kyzylorda-news.kz/">Kyzylorda-news.kz.</a> Қазақстандық блогер Айдын Түсіпов карантинге қарамастан Оралға келіп, кеш өткізген, деп хабарлайды <a href="https://lenta.inform.kz/kz/kazakstandyk-bloger-karantinge-karamastan-oralda-kesh-otkizgen_a3634038">ҚазАқпарат</a>.
ҚР Сыбайлас жемқорлыққа қарсы іс-қимыл агенттігі жанындағы арнайы мониторингтік топ мүшесі Мәлік Жұмағалиевтің Фейсбук әлеуметтік желісіндегі&nbsp;<a href="https://www.facebook.com/Malik.Zhumagalyiev?epa=SEARCH_BOX">парақшасында жазғанындай</a>,&nbsp;А.Түсіпов Оралға 4 сәуір күні келіп, кешкісін мейрамханалардың бірінде болған.
Карантин кезінде мейрамханалардың жұмыс істеуіне тыйым салынғанына қарамастан, ол достарымен кальян мен кешкі асқа тапсырыс берген.
Бұл туралы Telegram-каналдың Орал жаңалықтарында жария етілген. Видеода блогер тапсырыс берген уақыттың сағат 22.25 екендігін көрсетеді. Сондай-ақ А.Түсіпов «Орал қарсы алды. Біз үшін мейрамхана ашық, барлық қызметкерлері қызмет көрсетуде» деген жазу қалдырған.
Бір апта бұрын Сочиде болған блогер Инстаграмда Оралға жетуі үшін блокпосттардан қалай өткендігін де жазған.
Осыған байланысты М.Жұмағалиев бұл оқиғаны аяқсыз қалдырмай, кінәлілерді жауапқа тарту керектігін атап өткен.
БҚО полиция департаментінің ресми өкілі, полиция полковнигі Болатбек Белгібековтің айтуынша, қазіргі кезде блогер ұсталды. Төтенше жағдай талабын бұзған ол әкімшілік жауапкершілікке тартылатын болады. Сондай-ақ, блогердің достарымен болған орын анықталу үстінде.

Қазақстан және Қызылорда облысының жаңалықтары