<a href="https://kyzylorda-news.kz/">Kyzylorda-news.kz.</a> Үкімет 1 мамырдан бастап елорда мен Алматы арасындағы рейстерді ашатын болды. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтты.
<blockquote>
 «Елімізде жолаушыларға арналған барлық әуе тасымалы тоқтады. Бұл дер кезінде қабылданған дұрыс шешім болды. Дегенмен, салыстырмалы түрде жағдайдың тұрақтанғанын ескеріп, Үкімет 1 мамырдан бастап елорда мен Алматы арасындағы рейстерді ашатын болды. Мұндай шара азаматтармен қатар індетпен күресіп жүрген көптеген мамандардың жұмысы үшін қажет», – деді Президент.
</blockquote>
Осы орайда Мәмлекет басшысы барлық қауіпсіздік шараларын мұқият ойластырып, авиациялық және санитарлық қызметтердің өзара іс-қимыл тәртібін әзірлеу маңызды екенін қадап айтты.

1 мамырдан бастап елорда мен Алматы арасындағы рейстер ашылады

<a href="https://kyzylorda-news.kz/">Kyzylorda-news.kz.</a> Қазақстан карантин режимін жеңілдетуге дайын. Бұл туралы ҚР Президенті Қасым-Жомарт Тоқаевтың&nbsp;<a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a>&nbsp;айтылды.
ҚР Президенті Төтенше жағдай режимін қамтамасыз ету жөніндегі Мемлекеттік комиссия карантин талаптарын жеңілдетуге дайын екендігін айтты.
<blockquote>
 «Алдымен, вирустың таралуын қатаң бақылауда ұстап отырған облыстар мен қалалардан бастауға болады. Мемлекеттік комиссияға елорданың үлгісімен еліміздің барлық аймағында өз жұмыстарына кірісетін мекемелердің тізімін жасау тапсырылды. Бірінші кезекте өнеркәсіп кәсіпорындары, құрылыс, жол құрылысы және көлік компаниялары, банктер және халыққа қызмет көрсету орталықтары жұмысқа кірісуі керек», – деді Мемлекет басшысы.
</blockquote>
Қасым-Жомарт Тоқаев бірақ барлық санитарлық нормаларды сақтап, жұмыс орындарында үнемі дезинфекция жүргізіп тұру қажеттігін, күнделікті өмірде әлеуметтік ара қашықтықты ұстанған жөн екендігін баса атап өтеді.
<blockquote>
 «Кәсіпорын басшыларына және жергілікті атқару органдарына жеке жауапкершілік жүктеледі. Бұл орайда барлық деңгейдегі әкімдіктердің рөлі айтарлықтай артады», – деді ҚР Президенті.
</blockquote>

Қазақстан карантин режимін жеңілдетуге дайын

<a href="https://kyzylorda-news.kz/">Kyzylorda-news.kz.</a>&nbsp;Елімізде төтенше жағдай мерзімі 11 мамырға дейін ұзартылады. Бұл туралы Мемлекет басшысы Қасым-Жомарт Тоқаев өзінің <a href="https://kyzylorda-news.kz/kogam/memleket-basshysy-qasym-zhomart-toqaevtyng-maelimdemesi-2-58837/">мәлімдемесінде</a> айтты.
<blockquote>
 “Еліміздегі қазіргі ахуалға байланысты және Мемлекеттік комиссияның ұсыныстарын негізге алып, мен&nbsp;Төтенше жағдай режимін биылғы 11 мамырға дейін ұзарту туралы Жарлық шығару жөнінде шешім қабылдадым. Бұл – біз бастан өткеріп жатқан күрделі кезеңнің талабы. Заңға сәйкес&nbsp;11 мамырда Төтенше жағдай режимі аяқталады“, – деді ҚР Президенті өзінің мәлімдесінде.
</blockquote>

Президент: Елімізде төтенше жағдай мерзімі 11 мамырда аяқталады

Мемлекет басшысы Қасым-Жомарт Тоқаевтың мәлімдемесі

<a href="https://kyzylorda-news.kz/">Kyzylorda-news.kz.</a> Қызылорда қаласында «КаМАЗ» жүк көлігі мен «Mazda» автокөлігі соқтығысып қалды. Оқиға салдарынан жеңіл көлік жүргізушісі жарақат алып, қалалық ауруханаға жатқызылды, деп хабарлайды <a href="https://lenta.inform.kz/kz/kyzylordada-zhenil-kolik-zhuk-koligimen-soktygysty_a3642875">ҚазАқпарат.</a>
Жол-көлік оқиғасы Қорқыт ата және Жұмабаев көшелерінің қиылысында болды. «КаМАЗ» жүк көлігінің иесі солға бұрылу барысында қауіпсіздік талабын сақтамаған.
<blockquote>
 «Жүк көлігі жүргізушісіне қатысты ҚР әкімшілік құқықбұзушылық туралы кодексінің 610-бабының 2-бөлігімен әкімшілік хаттама толтырылды. Жинақталған құжаттар сотқа жолданды», – деп мәлім етті Қызылорда облыстық полиция департаментінің баспасөз қызметі.
</blockquote>

Қызылордада жеңіл көлік жүк көлігімен соқтығысты

<a href="https://kyzylorda-news.kz/">Kyzylorda-news.kz.</a> Қызылорда облысы Жаңақорған ауданына қарасты Төменарық елді мекенінде кеше кешкісін тұрғын үй толықтай жанып кетті, деп хабарлайды <a href="https://lenta.inform.kz/kz/kyzylordada-turgyn-uy-otka-orandy_a3642936">ҚазАқпарат.</a>
Төтенше оқиға 25 сәуірде жергілікті сағат 19.45 шамасында болған. Аудандық №14 өрт сөндіру бөлімінің 101 байланыс телефонына сол уақытта хабар келіп түсті. Аудан орталығы мен Төменарық елді мекенінің қашықтығы 44 шақырымды құрайды. Өрт сөндірушілер шақыру орнына келіп жеткен сәтте округтегі ерікті өртке қарсы құрылымынан (5-адам, 1-техника ) үйді шарпыған жалынды сөндіріп жатқандығы анықталды. Өрт 21.08-де толықтай сөндірілді.
<blockquote>
 «Оқыс оқиғадан қаза тапқан және жарақат алған адамдар жоқ. Сол уақытта үйде 1963 жылғы әйел мен 1986 жылғы ер адам болған. Екеуі де екінші топтағы мүгедектер. Өрт электр желілерінің қысқа тұйықталуы салдарынан шыққан болуы мүмкін. Оқиғаға байланысты іс құжаттары жинақталуда. Қазір анықтау жұмыстары жүргізілуде. Ол заңды процессуалдық шешім қабылдау мақсатында аудандық полиция бөліміне тергеу реттілігімен жолданады», – деп мәлім етті облыстық төтенше жағдайлар департаменті Өрт сөндіру және авариялық-құтқару жұмыстары қызметінің баспасөз маманы Әлия Ережепова.
</blockquote>
Қазіргі таңда ауылдастары баспанасыз қалған отбасыға қолдау көрсету жолдарын қарастыруда.

Қызылордада тұрғын үй отқа оранып, бір отбасы баспанасыз қалды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықова өзінің <a href="https://www.facebook.com/108364210824733/posts/128120168849137/?d=n">Facebook</a> парақшасында өңір тұрғындарына үндеу жолдады. Онда аймақ басшысы облыста оқшаулау шаралары кезең-кезеңімен жеңілдету жөніндегі жоспар жасалғандығы айтылған.
<blockquote>
 «Сыр өңірінде 95 мың азамат шағын және орта бизнес саласында еңбек етеді. Бұл – экономикалық белсенді халықтың үштен бір бөлігі. Қазір оларда қиын кезең. Коронавирус шеберхана, базар, цех және салондардың жұмысын тоқтатты. Сондықтан кәсіпкерлердің көбін салықтық және несиелік қарызды өтеу мәселесі алаңдатады.
</blockquote>
​Осы ретте, 1 сәуірден 1 қазанға дейін көптеген ШОБ субъектілерінің салық және басқа да төлемдерден босатылғанын атап кету керек. Мұндай жеңілдікке сауда-саттықтың кей түрлері, көлік қызметі, туризм, ТҚС және тағы басқа кәсіп иелері иек арта алады. Қазір салық төлеу 3 ай мерзімге тоқтатылды. Кейін Төтенше жағдай режимін қамтамасыз ету жөніндегі мемлекеттік комиссия карантин жағдайына байланысты нысандар тізімін жасақтайды.
​Бүгінгі күнге дейін Қармақшыдағы жиһаз цехы (Елубаев ЖК), Шиелідегі техникалық қызмет көрсету станциясы (Игілік ЖК) сынды 1600-ден астам ШОБ құрылымы несие төлеу мерзімін кейінге шегеру туралы өтінім берген. 1400 өтінімге банктер тарапынан келісім берілді. Алдағы уақытта бұл жұмыс жалғасатын болады.
<blockquote>
 ​Аймақта карантин режиміне қарамастан, өндірісті тоқтатпай келе жатқан кәсіпорындар бар. Бірқатары бизнесін қайта бейіндеді. Бұған дейін көйлек немесе арнайы киім тіксе, ал қазір бетперде және қорғаныш костюмін де шығарады. Осындай «Dalatex», «Ас-Ка» және «ПромКоммерцКА» сынды 33 фабрика халыққа ең қажетті заттардың тапшылығын жойды. Яғни, бизнес те мемлекетке қолдау көрсетіп келеді.
</blockquote>
​Біз бүгін ертеңгі күнге қарап отырмыз. Ал ертең экономиканы қайта қалпына келтіру міндеті тұр. Таяуда Елбасы Нұрсұлтан Әбішұлы Назарбаевтың төрағалығымен өткен Қауіпсіздік Кеңесінің отырысы осы мәселеге арналды. Қызылорда облысының әкімдігі де дағдарыстан кейінгі жоспарын дайындады. Ал бұл – оқшаулау шараларын кезең-кезеңімен жеңілдету жөніндегі жоспар. Сол арқылы көп ұзамай үйреншікті өмірге қайта оралатын боламыз.
<blockquote>
 Әлемдегі барша медицина қызметкері бізді «Covid-19» вирусынан қорғап жүр. Вирусологтар болса, коронавируске қарсы екпе шығады деп сендіруде және солай болары сөзсіз. Карантин режимінде өмір сүріп жүргенімізге 1 айға жуықтады. Мұндай қатаң тәртіптен халық шаршады. Бірақ, әлі де шыдау керек. Көбі кетіп, азы қалды. Содан кейін экономика да қайта қалпына келеді. Барлығы жақсы болады. Біз біргеміз!», – делінген облыс әкімінің аталған жазбасында.
</blockquote>

Гүлшара Әбдіқалықова: Өңірдегі оқшаулау шаралары кезең-кезеңімен жеңілдетіледі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 179 адамға жетті. Соңғы тәулікте жаңадан жағдай тіркелген жоқ. Бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте облыстағы эпидемиологиялық ахуалды баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 179 жағдай тіркелді. Соңғы тәулікте жаңадан жағдай тіркелген жоқ. 179 жағдайдың 46-сы – Қызылорда қаласынан, 4-еуі – Арал, 2-уі – Қазалы, 5-уі – Қармақшы, 26-сы – Сырдария, 66-сы – Шиелі, 30-ы – Жаңақорған ауданынан. Бір науқас – Тараз қаласының тұрғыны. Ол алысқа қатынайтын жүк көлігін жүргізуші болып жасаған. Денсаулығы мазалған соң, Қармақшы аудандық ауруханасына көрінген. Сол жерде сынама тест алынып, диагнозы анықталды. Қазіргі таңда Қармақшыда ем алып жатқандықтан, біздің облыстың көрсеткішіне қосылып отыр», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 179 науқаспен байланыста болғандардың жалпы саны – 2658.&nbsp;Оның ішінде, жақын қарым-қатынаста болғандар саны – 1361, потенциалды байланыста болғандар – 1297 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 80, правизорлық стационарда – 53, карантиндік стационарда – 490 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 571 тест сынамасы жасалыпты.
<blockquote>
 «Соңғы тәулікте 571 тест сынамасы жасалды. Оның 421 – теріс мәнді болып шықты. Ал, 147 – әлі тексерілу үстінде. Бүгінде облысымызда 6440 тест сынамасының қоры қалды», – деді ол.
</blockquote>
Сондай-ақ, басқарма басшысы соңғы тәулікте емін аяқтап, отбасыларына оралған науқастар туралы да мәлімдеді.
<blockquote>
 «Соңғы тәулікте 19 науқас емін аяқтап, отбасыларына оралды. Оның ішінде, Шиеліден – 11, Сырдариядан – 5, Жаңақорғаннан – 1, Қызылорда қаласынан – 2 науқас жазылып шықты. Облыс бойынша қауіпті індеттен айыққандардың жалпы саны – 99 адамды құрайды. Осы жазылған науқастардың арасында 9 медицина саласының қызметкері бар. Бүгінде карантин талаптарын сақтаудың арқасында, қарым-қатынас арқылы жұғу көрсеткіші тоқтады», – деді Ж. Әбілқасымұлы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/densawlyq/qyzylorda-oblysynda-qawipti-indet-zhuqtyrghandar-sany-179-adamgha-zhetti-58704/">179 адамға жеткенін</a>&nbsp;хабарлаған болатынбыз.

COVID-19: Қармақшыда анықталған науқас – Тараз қаласының тұрғыны

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың еліміздегі коронавирус індетіне қатысты мәлімдемесі түске дейін жарияланады, деп хабарлайды Мемлекет басшысының баспасөз хатшысы Берік Уәли.
<blockquote>
 «Мемлекет басшысы Қасым-Жомарт Тоқаевтың еліміздегі коронавирус індетіне қатысты мәлімдемесі&nbsp;<a href="http://www.akorda.kz/kz">Akorda.kz</a>&nbsp;сайтына түске дейін жарияланады», деп жазды Берік Уәли&nbsp;<a href="https://www.facebook.com/story.php?story_fbid=2778306792292735&id=100003403233694">Facebook</a>&nbsp;-тегі парақшасында.
</blockquote>
Еске сала кетсек, Президент карантин шараларының жаңа тәсілдері енгізілетінін&nbsp;<a href="https://kyzylorda-news.kz/kogam/qasym-zhomart-toqaev-karantin-sharalarynyng-zhanga-taesilderi-engiziledi-58796/">мәлімдеген</a>&nbsp;еді.
<blockquote>
 «Бүгін еліміздегі коронавирус індетіне байланысты менің мәлімдемем жарияланады. Карантин шараларының жаңа тәсілдері енгізіледі», деп жазды Президент&nbsp;<a href="https://twitter.com/TokayevKZ">Twitter</a>&nbsp;-дегі парақшасында.
</blockquote>

Президенттің коронавирус індетіне қатысты мәлімдемесі түске дейін жарияланады

<a href="https://kyzylorda-news.kz/">Kyzylorda-news.kz</a>. Бүгін ҚР Президенті Қасым-Жомарт Тоқаевтың мәлімдемесі жарияланады.
<blockquote>
 «Бүгін еліміздегі коронавирус індетіне байланысты менің мәлімдемем жарияланады. Карантин шараларының жаңа тәсілдері енгізіледі», – деп жазды Президент&nbsp;<a href="https://twitter.com/TokayevKZ">Twitter</a>-дегі парақшасында.
</blockquote>

Қасым-Жомарт Тоқаев: Карантин шараларының жаңа тәсілдері енгізіледі

<a href="https://kyzylorda-news.kz/">Kyzylorda-news.kz</a>. Бүгін республиканың басым бөлігінде күн райы құбылмалы болады, атмосфералық ауа ағындарының өтуіне байланысты кей жерлерде найзағай ойнап, жаңбыр жауады, деп хабарлайды «Қазгидромет» РМК.
«Қазгидромет» РМК Қызылорда облысы бойынша филиалының хабарлауынша, 27-29 сәуірде Қызылорда облысының кей жерлерінде найзағай, жел шығыстан батысқа, солтүстік-батысқа ауысып соғады, күші кей жерлерде 15-20, 28 сәуірде екпіні 23 м/с күтіледі.
Дабылды ескертудің ықтималдылығы 95-100%.

Ауа райы: Қызылордада жел күшейіп, найзағай ойнайды

1994 жылы&nbsp;Алматыда «Абылай хан» қоры құрылды. Қор төрағасы болып Шота Уәлиханов сайланды.
2006 жылы&nbsp;«Райффайзен Лизинг Қазақстан» компаниясы арналған «Ақтау» мұнай құю танкері Каспий теңізіне жіберілді. Танкерді «Выборгский құрылыс зауыты» ААҚ құрды.
2006 жылы&nbsp;«Қазпошта» акционерлік қоғамы Қазақстан Республикасының аумағында «Өсімдіктер дүниесі» сериясымен «Қара сексеуіл» атты кезекті маркасын айналымға енгізді. Сексеуіл – биіктігі 10 метрге дейін жететін, бұжырлы, қалың, жуан, бұтақтары көп діңді, жапырақтары толығымен ширатылмаған ағаш. Тақырлы сор жерлерде, құмның арасында, сұр топырақта өседі. Торғай, Арал, Қызылорда, Бетпақдала, Мойынқұм, Балқаш және Алакөл өлкелерінде кездеседі.
2011 жылы&nbsp;Түркітілдес мемлекеттердің Парламенттік Ассамблеясына төрағалық Әзербайжан Республикасынан Қазақстан Республикасына ресми түрде өтті.
2017 жылы&nbsp;Мемлекет басшысы Нұрсұлтан Назарбаев І, ІІ дәрежелі «Ел қорғаны» медалін тағайындады. 2017 жылы ҚР Ақпарат және коммуникациялар министрі Дәурен Абаев баспа, радио- және интернет-журналистика саласында «Үркер» алғашқы ұлттық сыйлығын бекітетіні туралы жариялады.
1978 жылы&nbsp;Ауғанстанда Сәуір революциясы атауымен тарихқа енген мемлекеттік төңкеріс болды. Оның нәтижесінде елде марксистік үкімет орнатылып, Ауғанстан Демократиялық Республикасы жарияланды.

Қазақстан және Қызылорда облысының жаңалықтары