<a href="https://kyzylorda-news.kz/">Kyzylorda-news.kz.</a> Қытай ғалымдары коронавирустың жұғуы қан тобына да байланысты екендігін анықтады. Олардың зерттеуіне сәйкес, коронавирусқа шалдығуға бейім ІІ қан тобы болса, I қан тобы керісінше, ең берік деп танылған, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Мамандар Уханьда және&nbsp;Шэньчжэнде орналасқан үш аурухананың сырқаттанған 2173 науқасына&nbsp;тәжірибе жүргізіпті. Олар&nbsp;AB0 қан жүйесінің коронавирусқа шалдығуын бақылаған. Нәтижесінде А тобындағы адамдардың&nbsp;0 тобындағы науқастардан әлдеқайда көбірек ауырғандығын анықтапты. Сонымен бірге тәжірибеге қатысқандардың жасы мен жынысы бұл жағдайға әсер етпегендігі айтылыпты.
Сөз болып отырған&nbsp;AB0 қан жүйесінде қандағы ферменттер мен гендер әр түрлі болып келеді. Эритроциттер,&nbsp;агглютиноген, ақуыздар мен басқа да ферменттердің ерекшелігіне байланысты адам бойындағы қан төрт топқа,&nbsp;0 (I қан тобы), А (II), В (III) и АВ (IV) жіктеледі.

Коронавирусқа берік қан тобы анықталды

<a href="https://kyzylorda-news.kz/">Kyzylorda-news.kz.</a> Америкалық ғалымдардың зерттеулеріне сәйкес, Қытайда жаңа коронавирустың жылдам таралуының басты себебі – аурулары ұзақ уақыт бойы анықталмаған жеңіл белгілері бар науқастардың көп болуы, сондай-ақ вирустың өзінің жоғары жұқпалы қасиетке ие болуы деп хабарлайды <a href="https://ria.ru/20200316/1568691674.html">РИА Новости</a>.
Қытайда COVID-19 инфекциясына шалдығудың тіркелген деректері мен адамдардың қозғалысы туралы мәліметтерді біріктірген математикалық модельдеу нәтижелері 2020 жылғы 23 қаңтарда Уханьға кіріп-шығуға шектеу қойылмай тұрып, елдегі оқиғалардың 86 пайызы құжатталмағанын көрсеткен.
Бұл вирустың жылдам географиялық таралуына ықпал еткен.
Осылайша, 2020 жылғы 23 қаңтарда Қытай үкіметі халықтың қозғалысын бақылау бойынша шаралар қабылдағаннан кейінвирустың таралу қарқыны айтарлықтай төмендеген.
<blockquote>
 «Қытайда COVID-19 инфекциясының өршуі ауру белгілері жоқ, болса да жеңіл немесе шектеулі науқастармен байланысты. Олардың жұқтыру деңгейі мен санына орай, ауру белгілері анықталмаған науқастар халықтың айтарлықтай басым бөлігіне қауіп тудырады. Біз Қытайда осындай ауру белгілері байқалмайтын адамдардың көп болғанын және инфекцияны көп адамға жұқтырғанын анықтадық», – дейді ғылыми зерттеудің жетекшісі, профессор Джеффри Шаман.
</blockquote>

Ғалымдар коронавирустың жылдам таралуының себебін атады

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Елжан Біртановтың қазақстандықтар коронавирусты жұқтырғаны расталған жағдайлары туралы мәлімдемесінен кейін халық арасында алаңдаушылық айтарлықтай өсті. Бұрын Әлеуметтік медициналық сақтандыру қорының Бірыңғай байланыс орталығына күніне шамамен 1500-2000 қоңырау келіп түсетін болса, ал қазір олардың саны 3 есеге артқан.
Қазақстандық дәрігерлер осындай маңызды кезеңде ағзаны мүмкін болып қалатын инфекция жұқтырудан сақтану және алдын-алу үшін барлық шараларды қабылдау қажеттігін ескертеді.
1406 байланыс орталығының операторлары халыққа денсаулығын нығайту және өзінің ағзасын қорғау, күдікті симптомдар байқалғанда әрекеттер жасау бойынша кеңес беру дайндығынан өтті.
<blockquote>
 «Байланыс орталығы қажетті алдын-алу шаралары және вирустан қорғану бойынша кеңес беру үшін жұмыс істейді. Операторлар сонымен бірге сырқатталып қалған кезде қайда бару керектігін, қандай белгілерге назар аудару керектігін, қайда талдауларды (анализдерді) тапсыруға болатындығын түсіндіреді. Үкімет пен уәкілетті органдар қабылдап жатқан шаралар халықты қорғауға бағытталған. Алайда, қоғамдық орындарға бару денсаулыққа қауіп төндіреді екенін саналы азаматтар түсінуі керек», – деді Әлеуметтік медициналық сақтандыру қорының баспасөз қызметі.
</blockquote>
Естеріңізге сала кетейік, коронавирусқа байланысты кез келген сұрақтарды 1406 операторларына Qoldau 24/7 мобильді қосымшасы арқылы да жолдауға болады.
Өтінішке тіркеу нөмірі беріледі, содан кейін сіз өзіңіздің жеке кабинетіңізде оның мәртебесін тексере аласыз.

Коронавирус: Барлық сұрақтарды Qoldau 24/7  мобильді қосымшасы арқылы жолдауға болады

<a href="https://kyzylorda-news.kz/">Kyzylorda-news.kz.</a> Алматылықтарға Алматыға оралу үшін, ал басқа қала тұрғындары мен шетелдіктерге оңтүстік астанадан шығу үшін 72 сағат берілді. Бұл туралы Алматы қаласы әкімінің бірінші орынбасары Ерлан Қожағапанов мәлімдеді.
Әкім орынбасары азық-түлік нысандарын алмағанда, сауда нысандарының қызметі карантинге байланысты уақытша тоқтатылатынын хабарлады. Азық-түлік пен басқа да қажетті заттарды жеткізу үшін санитарлық өңдеуден өткен транспорт және қызметкерлермен қамтылған жасыл дәліз ұйымдастырылады.
<blockquote>
 «Қалаға кіру және шығуға, соның ішінде қалаға сырттан кіріп жұмыс істейтін тұрғындарға да тыйым салынған. Қала тұрғындары мен көлік құралдарының қозғалысына шектеу жоқ. Қоғамдық көлік пен метро штатты режимде жұмыс істейді. Жолаушылар санының азаюына байланысты қозғалыс интервалы&nbsp;20%-ға қысқартылады», – деді Қожағапанов.
</blockquote>
Ол алматылықтардың қалаға оралуы үшін, сондай-ақ басқа қала тұрғындары мен шетелдіктердің шаһардан шығып кетуге 72 сағат уақыты бар екенін айтты.
Естеріңізге сала кетейік, бүгін түнгі сағат 00:00-де Алматы мен Нұр-Сұлтан&nbsp;қалалары <a href="https://kyzylorda-news.kz/kogam/nur-sultan-zhaene-almaty-qalalary-karantinge-zhabyldy-50219/">карантинге жабылады.</a>

Қазақстандықтарға Алматыға кіру және шығу үшін 72 сағат берілді

<a href="https://kyzylorda-news.kz/">Kyzylorda-news.kz.</a> Аудан әкімі Қ. Мүбараков Шиелідегі сауда нысандарында болып, азық-түлік тауарлары бағаларының тұрақтылығын қадағалады. 
Сауда қатарларын аралап көрген аудан басшысы алдымен көкөніс, ұн, ет өнімдерінің бүгінгі бағамын саралады. 
Сондай-ақ, кей сатушы кәсіпкерлерге сауда жасайтын орындардың тазалығына қатысты қатаң ескертулер жасады. 
Базар басшылығы мен тиісті сала жетекшілеріне азық-түлік тауарларының бағасын өсірмеу жөнінде пәрменді шаралар қабылдауды жүктеді.
<img src="https://kyzylorda-news.kz/wp-content/uploads/2020/03/fb_img_1584528981894.jpg" alt="" />
<img src="https://kyzylorda-news.kz/wp-content/uploads/2020/03/fb_img_1584528997325.jpg" alt="" />
<img src="https://kyzylorda-news.kz/wp-content/uploads/2020/03/fb_img_1584528986816.jpg" alt="" />

Шиелі ауданының әкімі базарлардағы баға тұрақтылығын тексерді (ФОТО)

Орындаған: Фариза ОМАРОВА
Қайрат, ақыл, жүрек үшеуі өнерлерін айтысып, таласып келіп, ғылымға жүгініпті. Қайрат айтыпты: «Ей, ғылым, өзің де білесің ғой, дүниеде ешнәрсе менсіз кәмелетке жетпейтұғынын; әуелі, өзіңді білуге ерінбей-жалықпай үйрену керек, ол – менің ісім. Құдайға лайықты ғибадат қылып, ерінбей-жалықпай орнына келтірмек те – менің ісім. Дүниеге лайықты өнер, мал тауып, абұйыр мансапты еңбексіз табуға болмайды. Орынсыз, болымсыз нәрсеге үйір қылмай, бойды таза сақтайтұғын, күнәкәрліктен, көрсеқызар жеңілдіктен, нәфсі шайтанның азғыруынан құтқаратұғын, адасқан жолға бара жатқан бойды қайта жиғызып алатұғын мен емес пе? Осы екеуі маған қалай таласады?» – депті.
Ақыл айтыпты: «Не дүниеге, не ахиретке не пайдалы болса, не залалды болса, білетұғын – мен, сенің сөзіңді ұғатұғын – мен, менсіз пайданы іздей алмайды екен, залалдан қаша алмайды екен, ғылымды ұғып үйрене алмайды екен, осы екеуі маған қалай таласады? Менсіз өздері неге жарайды?» – депті.
Онан соң жүрек айтыпты: «Мен – адамның денесінің патшасымын, қан менен тарайды, жан менде мекен қылады, менсіз тірлік жоқ. Жұмсақ төсекте, жылы&nbsp;үйде тамағы тоқ жатқан кісіге төсексіз кедейдің, тоңып жүрген киімсіздің, тамақсыз аштың күй-жәйі қандай болып жатыр екен деп ойлатып, жанын ашытып, ұйқысын ашылтып, төсегінде дөңбекшітетұғын – мен. Үлкеннен ұят сақтап, кішіге рақым қылдыратұғын – мен, бірақ мені таза сақтай алмайды, ақырында қор болады. Мен таза болсам, адам баласын алаламаймын: жақсылыққа елжіреп еритұғын – мен, жаманшылықтан жиреніп тулап кететұғын – мен, әділет, нысап, ұят, рақым, мейірбаншылық дейтұғын нәрселердің бәрі менен шығады, менсіз осылардың көрген күні не? Осы екеуі маған қалай таласады?» – депті.
Сонда ғылым бұл үшеуінің сөзін тыңдап болып, айтыпты:
– Ей, қайрат, сенің айтқаныңның бәрі де рас. Ол айтқандарыңнан басқа да көп өнерлеріңнің бары рас, сенсіз ешнәрсенің болмайтұғыны&nbsp; да рас,&nbsp; бірақ қаруыңа қарай қаттылығың да мол,&nbsp; пайдаң да мол, бірақ залалың да мол,&nbsp; кейде&nbsp; жақсылықты&nbsp; берік ұстап,&nbsp; кейде жамандықты берік ұстап&nbsp; кетесің, соның жаман, – депті.
-Ей, ақыл! Сенің айтқандарыңның бәрі де рас. Сенсіз ешнәрсе&nbsp;&nbsp; табылмайтұғыны&nbsp;&nbsp; да&nbsp;&nbsp; рас.&nbsp;&nbsp; Жаратқан&nbsp;&nbsp; тәңіріні&nbsp;&nbsp; де&nbsp;&nbsp; сен&nbsp;&nbsp; танытасың, жаралған екі дүниенің жайын да сен білесің. Бірақ сонымен тұрмайсың, амал да, айла да – бәрі сенен шығады. Жақсының, жаманның 
екеуінің де сүйенгені, сенгені – сен; екеуінің іздегенін тауып беріп жүрсің, соның жаман, – депті. – Сен үшеуіңнің басыңды қоспақ – менің ісім, – депті.&nbsp; Бірақ сонда билеуші, әмірші жүрек болса жарайды. Ақыл, сенің қырың көп, жүрек сенің ол көп қырыңа жүрмейді. Жақсылық айтқаныңа жаны-діні құмар болады. Көнбек түгіл қуанады. Жаманшылық айтқаныңа ермейді. Ермек түгіл жиреніп, үйден&nbsp; қуып&nbsp; шығарады.
– Қайрат, сенің қаруың көп, күшің мол, сенің де еркіңе жібермейді. Орынды іске күшіңді аятпайды. Орынсыз жерге қолыңды босатпайды. Осы үшеуің басыңды қос, бәрін де жүрекке билет, – деп ұқтырып айтушының аты ғылым екен. Осы үшеуің бір кісіде менің айтқанымдай табылсаңдар, табанының топырағы көзге сүртерлік қасиетті адам – сол. Үшеуің ала болсаң, мен жүректі жақтадым. Құдайшылық сонда, қалпыңды таза сақта, құдай тағала қалпыңа әрдайым қарайды деп&nbsp; кітаптың айтқаны осы, — депті.
1893

Абай Құнанбайұлының он жетінші қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Қызылорда облысында 10-13 наурыз аралығында «Допинг» арнайы операциясының бірінші кезеңі өткізілді.
Кең көлемді «Допинг» жедел профилактикалық іс-шарасы есірткінің заңды айналымы саласында құқық бұзушылықтарды анықтауға бағытталған.
Аталған шара барысында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлерімен есірткі құралдарының, психотропты заттардың және прекурсорлардың заңды айналымы саласындағы қызметті жүзеге асыратын дәріханалар мен қоймаларға тексеру жұмыстары жүргізілді.
Жүргізілген шараның 3 күнінде облыста 28 құқық бұзушылық анықталды.
<blockquote>
 «Іс-шара барысында облыс аумағында орналасқан 7 дәріхана тексеріліп, Қазақстан Республикасы Әкімшілік құқық бұзушылық туралы кодексінің 426 бабы &nbsp;(фармацевтикалық қызметтің және дәрілік заттармен медициналық бұйымдардың айналысы саласының қағидаларын бұзу) бойынша 3 заң бұзушылық анықталды.
 Заңсыз айналымнан барлығы – 36,25 гр. есірткі заты марихуана, дәріханалардан 22 дана таблеткалар алынып тәркіленді», – деп атап өтті Қызылорда облысы Полиция департаментінің баспасөз қызметі.
</blockquote>

Қызылордадағы дәріханалардан заңсыз есірткі заттары тәркіленді

<a href="https://kyzylorda-news.kz/">Kyzylorda-news.kz.</a> Әлем жұртын алаңдатқан коронавирус пандемиясының алдын алу шараларына қатысты Қызылорда облысындағы Халыққа қызмет көрсету орталықтарында сақтық шаралары күшейтілуде.
<blockquote>
 «Коронавирус инфекциясына байланысты Қызылорда қаласындағы барлық Халыққа қызмет көрсету орталықтарында аталған індеттің алдын алу шаралары басталды. Халыққа қызмет көрсету бойынша №1, №2, №3, №4 бөлімдері мен көші-қон орталығы және мамандандырылған бөлімдерінде залалсыздандыру жұмыстары жүргізілді. Барлық бөлімдерде медициналық тазартқыш құралдары мен сұйық су сабындар белгіленген жерлерге қойылды. Сонымен қатар, күніне 3 рет хлор препаратымен ғимараттар тазалануда», деп хабарлады біздің ақпарат агенттігіне «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының баспасөз қызметінің өкілі Бекбол Қаратайұлы.
</blockquote>
Айта кетейік, елімізде Төтенше жағдай жариялануына байланысты барлық ойын-сауын орталықтарының <a href="https://kyzylorda-news.kz/kogam/elimizdegi-ojyn-sawyq-ortalyqtarynyng-zhumysy-toqtatyldy-49700/">жұмысы тоқтатылып</a>, той-томалақ пен ас өткізуге <a href="https://kyzylorda-news.kz/kogam/qazaqstanda-otbasylyq-salt-daestuer-sharalaryn-oetkizwge-tyjym-salyndy-49706/">тыйым салынған</a> болатын.
<img src="https://kyzylorda-news.kz/wp-content/uploads/2020/03/02-44.jpg" alt="" />
<img src="https://kyzylorda-news.kz/wp-content/uploads/2020/03/03-25.jpg" alt="" />
<img src="https://kyzylorda-news.kz/wp-content/uploads/2020/03/04-12.jpg" alt="" />
<img src="https://kyzylorda-news.kz/wp-content/uploads/2020/03/05-7.jpg" alt="" />
<img src="https://kyzylorda-news.kz/wp-content/uploads/2020/03/06-6.jpg" alt="" />

Қызылордадағы халыққа қызмет көрсету орталықтарында сақтық шаралары күшейтілуде (ФОТО)

<a href="https://kyzylorda-news.kz/">Kyzylorda-news.kz.</a> Алматыда коронавирус жұқтырған тағы бір науқас анықталды. Бұл туралы Денсаулық сақтау министрлігі мәлімдеді.
Қазіргі уақытта Қазақстанда коронавирус жұқтырудың 36 оқиғасы, оның ішінде Алматыда – 18, Нұр-Сұлтан қаласында – 18 жағдай тіркелді.

Елімізде коронавирус жұқтырған тағы бір науқас анықталды

<a href="https://kyzylorda-news.kz/">Kyzylorda-news.kz.</a> Облыс әкімі Қуанышбек Ысқақов бүгін “Батыс Еуропа – Батыс Қытай” көлік дәлізіндегі бірқатар қызмет көрсету кешеніне барды.
Аймақ басшысы еліміздегі Төтенше жағдай кезіндегі облыста жүргізіліп жатқан қауіпсіздік шараларымен танысты.
Алғашқы нысан – Сырдария ауданындағы “Нұрлы-Жол” кешені. Бұл кешенде жалпы аумағы 2 гектар аумақта көлік жөндеу және жуу орындары, 40 орындық қонақ үй және көлік тұрағы бар. Кешенде санитарлық-дезинфекциялық және залалсыздандыру жұмыстары жүргізіліп тұрады. Бір мезетте тек 50 адамға ғана қызмет көрсетуі тиіс.
Бұдан әрі аймақ басшысы аудандағы тағы бір нысан “Керуен” кешеніне аялдады. Мұнда қауіпсіздік талаптары қатаң түрде сақталған. Аурудың алдын алу мақсатында уақытша шектеулер енгізілген.
Сондай-ақ, облыс әкімінің тапсырмасы бойынша “Қызыл-Орда” қызмет көрсету кешенінде де тазалық, залалсыздандыру жұмыстары күшейтілді. Жауапты мекеме тарапынан күн сайын тексеру жүргізіледі. Аймақ басшысы аудан әкімі Руслан Рүстемов пен нысан иелеріне қауіпсіздікке баса мән беріп, вирустың таралуына жол бермеуді тапсырды.
<img src="https://kyzylorda-news.kz/wp-content/uploads/2020/03/fb_img_1584524723202.jpg" alt="" />
<img src="https://kyzylorda-news.kz/wp-content/uploads/2020/03/fb_img_1584524725947.jpg" alt="" />
<img src="https://kyzylorda-news.kz/wp-content/uploads/2020/03/fb_img_1584524731871.jpg" alt="" />
<img src="https://kyzylorda-news.kz/wp-content/uploads/2020/03/fb_img_1584524735590.jpg" alt="" />

Қызылорда: Аймақ басшысы қызмет көрсету кешендеріндегі қауіпсіздік шараларымен танысты (ФОТО)

<a href="https://kyzylorda-news.kz/">Kyzylorda-news.kz.</a> Қазіргі таңда Дүниежүзілік денсаулық сақтау ұйымы пандемия деп жариялаған COVID-19 коронавирусының таралуы дүниежүзін алаңдатып отыр.
Осыған орай, Президент Қасым-Жомарт Тоқаев азаматтардың өмірі мен денсаулығын сақтау мақсатында Республиканың барлық аумағында төтенше жағдай жариялады. Аталған дерт біздің елімізде де тіркелді.
Соған сәйкес, Арал ауданаралық ауруханасының жұқпалы аурулар бөлімшесінің ғимаратында 45 төсектік провезерлік стационар және қосымша жеке аурулар бөлімшесінің 3 қабатында 50 орындық орталық ашуға дайындық жұмыстары жүргізілуде. Аудан әкімі Мұхтар Оразбаев аталған стационарда болып, қажетті заттармен жабдықталған, залалсыздандыру құралдарымен қамтамасыз етілген орталықты аралап көрді.
Бұл орталықта короновирустың алғашқы белгілері анықталған жағдайда науқаспен қатар онымен байланыста болған азаматтар арнайы оқшаулауға алынып, тиісті емдеу шаралары жүргізілетін болады.
<img src="https://kyzylorda-news.kz/wp-content/uploads/2020/03/fb_img_1584524083923.jpg" alt="" />

Аралда арнайы оқшаулау орталғы ашылды

<a href="https://kyzylorda-news.kz/">Kyzylorda-news.kz.</a> Алматыға облыстан қатынайтын жұмыскерлерге жұмыс берушілер ақылы демалыс беруі керек. Бұл туралы онлайн брифинг барысында қала әкімінің орынбасары Сапарбек Тұяқбаев мәлімдеді.
<blockquote>
 «Қазір қала әкімдігі үшін ең басым бағыттардың бірі – жұмыс орындарын сақтап қалу. Көп жұмыс орындарының қызметкерлері облыстан қатынайды. Егер жұмыс берушіде мүмкіндік болса, оларды 1 айға ақылы демалысқа жіберу керек. Егер оған мүмкіндік болмаса, жұмыскерлерге Алматыдан уақытша орын тауып, орналастыру керек. Қазір жатақхана, хостел, қонақ үйлер босап жатыр. Карантин кезінде облыстан қатынайтын қызметкерлерге арнайы рұқсат берілмейді. Жұмыс берушілер қазірден бастап түнгі 24.00 дейін осы мәселені шешуі тиіс», – деді С.Тұяқбаев.
</blockquote>

Қазақстан және Қызылорда облысының жаңалықтары