<a href="https://kyzylorda-news.kz/">Kyzylorda-news.kz</a>. «BizBirgemiz» акциясына «Ауған соғысы мүгедектері» қоғамдық бірлестігінің азаматтары да үлес қостыү Олар «Nur Otan» партиясы облыстық филиалы мен бірлесіп, қоғамдағы әлсіз топтарға азық-түлік себеттерін таратуға жәрдемдесті.
Азық-түлікпен қолдау көрсетілген азаматтың бірі – Ерлан Қожахметов. Оның төрт баласы бар. Осыдан 10 жыл бұрын қан-қысымының салдарынан мүгедектікке шалдыққан. Жүрегіне де бірнше мәрте ота жасалыпты. «Жұмысқа да жарамаймын» дейді.
«Қазір індет өршіп, бәріміз үйде отырған тұста бұл біздің отбасымыз үшін үлкен көмек болды», – деп қатты қуанды.
Осылайша үш топқа бөлінген еріктілер қаладағы 30- ға жуық отбасының алғысына бөленді.
Кеңес одағы тұсында Ауған жерінде ерлік көрсеткен жауынгерлер осындай қиын кезеңде өзінің емес, өзгелердің қауіпсіздігі үшін елмен бірге болып, науқасқа ем-дом көрсетіп жүрген дәрігерлер, Төтенше жағдай қауіпсіздігін қамтамасыз етіп күні- түні еңбек етіп жүрген сарбаздар мен полиция қызметкерлері және әлеуеттік әлсіз топтарға азық-түлік таратып қолдау көрсетіп жүрген еріктелер бүгінгі күннің нағыз батырлары екенін айтып оларға шынайы ризашылықтарын білдірді.
Жалпы акция басталған уақыттан бері демеушілердің қолдауы нәтижесінде, әлеуметтік сала өкілдері мен еріктілердің көмегімен облыс бойынша 7 мыңнан астам әлеуметтік әлсіз отбасыларға 1 реттік азық-түлікпен көмек көрсетілді
<img src="https://kyzylorda-news.kz/wp-content/uploads/2020/04/awgan-sogysy-komektesti-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/awgan-sogysy-komektesti-kaz-3.jpeg" alt="" />
<img src="https://kyzylorda-news.kz/wp-content/uploads/2020/04/awgan-sogysy-komektesti-kaz-4.jpeg" alt="" />

Қызылорда Ауған соғысының ардагерлері 30 отбасыға азық-түлікпен көмектесті (ФОТО)

<a href="https://kyzylorda-news.kz/">Kyzylorda-news.kz</a>. Кеше кешке Қызылорда қаласына кіреберістегі блокпост маңында шыққан өрттің мән-жайы белгілі болды.
<a href="https://lenta.inform.kz/kz/kyzylordada-blokpost-manynda-2-gektar-agash-ortendi_a3641507">«ҚазАқпараттың»</a> жазуынша, Өрт Тұңғыш Президент паркіне қарсы алқапта тұтанған. Маңайында тұрғын үйлер орналасқан.
Жергілікті «112» құтқару қызметіне хабарлама сағат 20.25 шамасында түскен. Оқиға орнына №1, 2 және 6 өрт сөндіру бөлімдерінің, облыстық Төтенше жағдайлар департаментінің мамандары жетті.
<blockquote>
 «Жалынмен күреске барлығы 25 адам жұмылдырылды. Төтенше жағдай орнында арнайы штаб құрылды. Штаб мүшелерінің мәліметі бойынша, 2 гектарға жуық алқаптағы жыңғыл, тораңғыл, жиде ағаштарына залал келген. Өрт салдарынан адам шығыны болған жоқ. Сондай-ақ, сол маңдағы тұрғын үйлерге зиян келген жоқ. Қазіргі таңда оның шығу себебі мен шығыны анықталуда», – деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінен.
</blockquote>
Мәлім етілгендей, тілсіз жаудың таралуы сағат 21.10-да тоқтатылып, 21.56-да толығымен ауыздықталды.
Айта кетейік, Қызылорда облысында жыл басынан бері далалық жерде 23 өрт оқиғасы болды. Салдарынан 91 гектарға жуық алқап жарамсыз күйге түсті.
<img src="https://kyzylorda-news.kz/wp-content/uploads/2020/04/kyzylorda-ort-2-1.jpg" alt="" />
<img src="https://kyzylorda-news.kz/wp-content/uploads/2020/04/kyzylorda-ort-3-1.jpg" alt="" />

Қызылордада блокпост маңындағы өрттің мән-жайы: 2 гектар ағаш өртенген

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 157 адамға жетті. Соңғы тәулікте жаңадан анықталған 6 жағдайдың мән-жайын бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 157 жағдай тіркелді. Соңғы тәулікте жаңадан 6 жағдай анықталды. Науқастардың барлығы – Қызылорда қаласынан. Оның ішінде, үшеуі – алдында анықталған науқастармен жақын қарым-қатынаста болып, карантиндік бақылауға алынғандардың арасынан анықталды. Екеуі – Талсуат ауылындағы арнаулы әлеуметтік қызмет алушылардан тіркелді. Ал, біреуі – Атырау қаласында вахталық әдіспен жұмыс жасап келген. Бүгінде аталған науқастардың барлығы облыстағы инфекциялық ауруханаларға ауыстырылып, тиісті емдерін бастады», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 157 науқаспен байланыста болғандардың жалпы саны – 2234.&nbsp;Оның ішінде, жақын қарым-қатынаста болғандар саны – 1181, потенциалды байланыста болғандар – 1035 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 128, правизорлық стационарда – 57, карантиндік стационарда – 462 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 679 тест сынамасы алыныпты.
<blockquote>
 «Соңғы тәулікте 679 тест сынамасы жасалды. Оның 571 – теріс мәнді болып шықты. Алтауынан коронавирустық инфекция анықталды. Ал, 177 – әлі тексерілу үстінде», – деді ол.
</blockquote>
Сондай-ақ, басқарма басшысы соңғы тәулікте анықталған науқастар туралы маңызды ақпаратпен де бөлісті. Оның айтуынша, Атырау қаласынан вахталық әдіспен жұмыс жасап келген науқаспен бірге бір ұшақта 165 жерлесіміз болған.
<blockquote>
 «Соңғы анықталған жағдайларға байланысты маңызды ақпаратты жеткізгім келеді. Атырау қаласында вахталық әдіспен жұмыс жасайтын 165 азамат елге оралды. Оның біреуінен коронавирустық инфекция анықталды. Аталған науқаспен ұшақта жақын отырған 25 адам карантиндік бақылауға жатқызылды. Қалғандары үй карантиніне алынды», – деді Ж. Әбілқасымұлы.
</blockquote>
Жақсылық Әбілқасымұлы сөзінің соңында сақтық шаралары әр тұрғынның күнделікті дағдысына айналуы керектігін жеткізді.
<blockquote>
 “Баршаңызды тағы да оқшаулау шараларын сақтауға шақырамын. Біз жақын қарым-қатынаста болғандарды 14 күн карантинге ала отырып, оның одан әрі таралмауының алдын аламыз. Осы 14 күн инкубациялық кезең, яғни, індеттің жасырын кезеңі болып табылады. Алдағы күндері карантин талаптарын жеңілдтеу жоспарда бар. Бұл инфекция табиғатта бар, жұғу жолдары да шектелмейді. Сондықтан, жеке бас гигиенасына, санитарлық нормаларға баса мән берген жөн. Сақтық шаралары әр тұрғынның күнделікті дағдысына айналуы керек. Мысалы, қазірден бастап қолды жиі жуу, жұмыс және үй бөлмелерін жиі желдету, есіктің тұтқасын, лифт түймелеріне қол тигізбеуге дағдыланыңыз”, – деді спикер.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-qalasynda-6-nawqas-tirkeldi-oengirde-zhalpy-sany-157-boldy-58096/">157 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 30, Жаңақорған ауданында – 30, Қармақшыда – 4, Шиеліде – 61, Сырдарияда – 26, Арал – 4, Қазалы ауданында – 2 жағдай тіркеліп отыр.

COVID-19: Қауіпті індет жұқтырған қала тұрғынымен бір ұшақта 165 жерлесіміз болған

<a href="https://kyzylorda-news.kz/">Kyzylorda-news.kz.</a> Қызылорда облысының әкімдігі коронавирустық инфекциямен күресіп жатқан медицина қызметкерлеріне қолайлы жағдай жасап, кәсіпорындар мен қоғам белсенділері қолдау көрсетуде.
Назарбаев Университеті қауымдастығының әлеуметтік даму қоры «COVID-19» пандемиясымен күресуші көп балалы 16 кіші буын қызметкеріне ноутбук табыстады.
Қауіпті індетке байланысты күшейтілген режимде жұмыс істеп жатқан қызылордалық дәрігерлер бірнеше апта бойы отбасыларынан тысқары жүр. Осыған орай, Сыр өңірінің барша медицина қызметкерлері қиын сәтте қолдау көрсеткен Назарбаев Университеті қауымдастығының әлеуметтік даму қорына алғысын білдіреді.
Айта кетейік, Назарбаев Университеті қауымдастығының әлеуметтік даму қоры Павлодар, Көкшетау, Шымкент, Теміртау, Талдықорған, Ақтөбе қалаларының медицина мамандары да компьютер сыйға тартқан.
<img src="https://kyzylorda-news.kz/wp-content/uploads/2020/04/16-nowtbwk-kaz-2.jpeg" alt="" />

Қызылордада 16 медицина қызметкеріне ноутбук табысталды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысында ауа райының қолайсыздығына байланысты ескерту жарияланды, деп хабарлайды Қазгидромет.
23 сәуірде күндіз&nbsp;Қызылорда&nbsp;облысының кей жерлерінде шаңды дауыл соғады, найзағай жарқылдауы ықтимал.
Жел батыстан, оңтүстік-батыстан соғады, күндіз күші кей жерлерде 15-20 м/с жетеді.

Қызылорда облысында ауа райына байланысты ескерту жарияланды

Бүкілдүниежүзілік кітап және автор құқығын қорғау күні
Бұл мерекені 1996 жылы ЮНЕСКО Уильям Шекспир (1564-1616), Мигель де Сервантес (1547-1616) және жазушы – тарихшы Инко Гарсиласо де ла Веганы (1539-1616) еске алу мақсатында бекітті. Бұл үш жазушыны біріктіріп тұрған олардың өмірден қайтқан күндері – 1616 жылғы сәуірдің 23-і. Қазір барлық өркениетті елдерде кітап жәрмеңкелері, көрмелер мен фестивальдар өткізіледі. ҚР Ұлттық кітапханасы – Бүкілдүниежүзілік кітап күнін өткізуді ұйымдастырушылардың бірі.
1996 жылы&nbsp;Елбасы Н.Назарбаевтың «ХХI ғасыр табалдырығында» атты кітабының жарық көруіне орай баспасөз мәслихаты өтті.
1997 жылы&nbsp;Жаңақорған ауданының №192 «Келінтөбе» орта мектебіне Қоғам қайраткері Қозытай Әбуовтің есімі берілді.
2010 жылы&nbsp;Қазақстан Республикасының Елшілігі Тәжікстанның «Иттилоот ва муошират» деп аталатын республикалық баспасөз орталығында Елшіліктің жәрдемімен Парсы тілдес журналистер форумы «Афрузда» басылып, «Қазақстан – ХХІ ғасыр» деп аталатын парсы және орыс тілдерінде шығарылған журналдың тұсаукесері өтті. Аталған журналда еліміздің саяси, әлеуметтік-экономикалық және мәдени өмірі жайында толыққанды ақпарат берілген. Сонымен бірге Қазақстанның бұқаралық ақпарат құралдарына жеке тармақ арналған. Басылымның негізінен парсы тілдес оқырмандарға, бірінші кезекте масс-медиа өкілдеріне бағдарланғанын ескеретін болсақ, оның беттерінен қазақстандық радио, теледидар, Интернет-провайдерлер, баспасөз және электронды бұқаралық ақпарат құралдары туралы мәліметтерді табуға, сондай-ақ бұл саланы реттейтін Қазақстан Республикасының заңнамалық базасының нормативті құжаттарымен танысуға болады.
2011 жылы&nbsp;Мәскеуде «Достастық жұлдызы» мемлекетаралық сыйлығымен Қазақстан театр және кино әртісі, КСРО және ҚазКСР халық әртісі, режиссер Асанәлі Әшімов марапатталды.
2012 жылы&nbsp;Қазақстан мен Мажарстан дипломатиялық қатынас орнатудың 20 жылдығын атап өтті.
2015 жылы&nbsp;Астанада Қазақстан Президенті Нұрсұлтан Назарбаевтың төрағалығымен «Мәңгілік Ел: бір ел – бір тағдыр» тақырыбында Қазақстан халқы Ассамблеясының сессиясы жұмысын бастады

23 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 23 сәуірге арналған жұлдыз-жорамалы.
Тоқты
Кез келген істе жолыңыз болып, барлық жұмысыңыз алға басады. Жолыңызда кедергілер кездескеніне қарамастан, алға қарай қадам басу керек екендігін жақсы білесіз. Өзіңізге деген сеніміңіз жоғары.
Торпақ
Қызықты күн. Жаңа бастамаларға жол ашылып, серіктестік орнатуға қолайлы күн. Сіз бұрын жасап көрмеген іспен айналыса бастайсыз. Қызықты ұсыныстар түсіп, бұрын көп естіген жерге сапарға шығасыз.
Егіздер
Бойыңызда күш-қуатыңыз тасып тұр. Сондықтан біраз шаруаны атқаруға қауқарыңыз жетеді. Нәтижесінде біршама жетістіктерге жетесіз. Бүгін сізді жаңа таныстықтар күтіп тұр. Бұл таныстық сізге өз пайдасын тигізетін болады.
Шаян
Бүгін еш ерінбестен еңбек етіңіз. Сонда ғана күніңіз жемісті болмақ. Сондай-ақ нақты нәтижеге қол жеткізесіз. Қиындыққа мойымайсыз. Барлығы сізге қарсы тұрса да, сіз ешқашан берілмейсіз.
Арыстан
Жұлдыздар бүгін сіздің жағыңызда. Маңызды шаруаларыңызды іске асыруға қолайлы күн. Романтикалық кездесу ұйымдастыруға болады. Жақындарыңызбен қарым-қатынасыңызды жақсартасыз.
Бикеш
Бүгін сізді көп қызықтар күтіп тұр. Күніңіз жемісті болады. Барлық істе тәуекелшіл болыңыз, ақылмен шешіңіз. Бұған дейін жинаған тәжірибелеріңіз алдағы уақытта өз септігін тигізеді.
Таразы
Жақсы күн. Жұмыста жетістікке жетуіңізге мүмкіндік бар. Сонымен қатар маңызды шаруалардың шешімін таба аласыз. Пікірлестеріңізбен бас қосыңыз. Олар сізге қиындықта жол көрсетеді.
Сарышаян
Келісімшарт жасасуға қолайлы сәт. Ескі таныстардан гөрі, жаңа таныс адамдармен келісім жасасу оңайға түседі. Алдағы уақытта серіктестіктеріңіз достыққа айналатындай жанмен жолығасыз.
Мерген
Аздаған қиындықтар туындауы мүмкін. Бірақ бұл кедергілер сіздің мақсатқа жетуге деген талпынысыңызды ешқашан тежей алмайды. Жаңа істеріңіз сіз ойлағаннан да қиын болуы мүмкін.
Тауешкі
Тыныш күн. Күтпеген жағдайлар жоспарларыңызды бұза алмайды. Кейінге қалдырып жүрген шаруаны қолға алатын кез келді. Қызықты жаңа идеялар пайда болып, сол арқылы табысыңыз молая түспек.
Суқұйғыш
Бүгінгі күн жағымды жаңалығымен есте қалады. Барлығы сіз ойлағандай болмаса да, сіздің көңіл-күйіңіз түспейді. Сізге тапсырылған іс уақытысында орындалады. Өзіңізге таныс іспен айналысқаныңыз жөн.
Балықтар
Бүгін ойыңызға көптеген идеялар келіп, жаңа жоспарлар құра бастайсыз. Ойлаған істің барлығын орындап шығу мүмкін емес. Кейде алдыңыздан кедергілер кездесуі мүмкін. Бірақ сіз еш саспайсыз, жоспарларыңыздан бас тартпайсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Әлеуметтік желілерде Қызылорда қаласындағы “Тұңғыш Президент саябағының” өртеніп жатқаны туралы видео тарап жатыр.
Аталған видеодан қызыл жалынның үлкен аумақты шарпып жатқаны көрінеді.
Видео авторлары тілсіз жаудың “Тұңғыш Президент саябағында” орын алғанын айтқан.
Әзірге құзырлы органдар бұл оқиғаға қатысты ақпарат берген жоқ.

Қызылордада &#8220;Тұңғыш Президент саябағы&#8221; өртеніп жатқаны рас па? (видео)

<a href="https://kyzylorda-news.kz/">Kyzylorda-news.kz.</a> Қызылорда облысында коронавирустық инфекция жұқтырған тағы 6 науқас тіркелді.
22 сәуір 20:30-дағы мәлімет бойынша қауіпті індетке шалдыққан 6 науқастың барлығы да Қызылорда қаласынан.
Осылайша, облыс бойынша коронавирустық инфекция жұқтырған науқастардың жалпы саны 157 адамға жетті.

Қызылорда қаласында тағы 6 науқас тіркелді, өңірде жалпы саны 157 болды

<a href="https://kyzylorda-news.kz/">Kyzylorda-news.kz.</a> Қазақстанда заңды тұлғаларға банк шотынан қолма-қол ақша шешіп алуға шектеу енгізілді, деп хабарлайды&nbsp;Ұлттық банктің баспасөз қызметі.
Ақшаның шекті мөлшеріне қатысты өзгерістер осы жылдың 1 маусымынан бастап күшіне енеді.
Ұлттық банк заңды тұлғалар үшін банктегі шоттардан шешіп алуға болатын қолма-қол ақшаның шекті сомасын белгіледі:
шағын бизнес үшін – күнтізбелік айда 20 миллион теңге;
орта бизнес үшін – күнтізбелік айда 120 миллион теңге;
ірі бизнес үшін – күнтізбелік айда 150 миллион теңге.
<blockquote>
 «Жаңашылдық көлеңкелі экономиканы азайтуға, бизнес субъектілері операцияларының айқындылығын арттыруға, сондай-ақ, заңсыз жолмен алынған ақшаны жылыстатуға қарсы күреске және сыбайлас жемқорлық деңгейін төмендетуге бағытталған», – деді ұлттық банк төрағасының орынбасары Дина Ғалиева.
</blockquote>
Оның айтуынша, шектеудің қолданылу мерзімі – осы жылдың соңына дейін.
Егер компанияға бір айда белгіленген лимиттен артық ақша шешу қажет болса, онда екінші деңгейлі банкке тиісті негіздемемен жүгіну керек. Банк соманы ұлғайту туралы өтінімді қаржы министрлігінің мемлекеттік кірістер комитетімен 3 жұмыс күні ішінде келіседі. Осыдан кейін ғана барып компанияға рұқсат беріледі.
Шектеу кімдерге қатысты емес:
– жеке тұлғаларға;
– жеке кәсіпкерлерге;
– микрокәсіпкерлік субъектілеріне;
– ауыл шаруашылығы азық-түлігі өнімін, балық өнімін сатып алуды жүзеге асыратын заңды тұлғаларға;
– тамақ өнімдерін, сусын, фармацевтикалық, медициналық және ортопедия тауарларын бөлшек сатумен айналысатын заңды тұлғаларға;
– екінші деңгейлі банктерге;
– «Қазпошта» АҚ;
– банктік емес ақша айырбастау пунктеріне.

Қазақстанда банк шотынан ақша шешіп алуға шектеу енгізілді

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов карантинді мамырға дейін созуға қатысты пікір білдірді, деп хабарлайды&nbsp;<a href="https://sputniknews.kz/">Sputnik Қазақстан</a>.
Оның айтуынша, мамырдың соңына дейін 3 500 адамнан инфекция анықталады деп болжанып отыр. Алайда бұл мамырдан кейін инфекция жұқтырғандар тіркелмейді дегенді білдірмейді.
<blockquote>
 «Бұл мамырдан кейін ештеңе болмайды дегенді білдірмейді. Қоғамда инфекцияны жұқтырғандар болады. Инфекция байланыс кезінде жұғады. Кей адамдар тобы үшін соңы ауыр болуы да мүмкін. Сондықтан эпидемияның таралуы төмендеген кезде үнемі карантинде отырмау үшін вируспен өмір сүріп үйрену маңызды», – деді министр. &nbsp;
</blockquote>
Біртановтың айтуынша, адамдар қауіпсіз қарым-қатынас жасауды үйренбейінше, үкімет қатаң шаралар қолдануды жалғастыра береді. &nbsp;
<blockquote>
 «Мамырда карантин ұзартылуы мүмкін. Біз үшін мамыр қауіпті кезең болып саналады», – деді министр.
</blockquote>

Министр: Мамырда карантин ұзартылуы мүмкін, себебі бұл ай қауіпті кезең

<a href="https://kyzylorda-news.kz/">Kyzylorda-news.kz</a>. Бұл туралы Кәсіпкерлер палатасының директоры Ғалымбек Жақсылықов Өңірлік коммуникациялар орталығында өткен брифингте айтты.
Палата директоры елімізде төтенше жағдайдың жарияланғанына қарамастан кәсіпкерлерге көрсетілетін қызметтер үзіліссіз, жүйелі жүргізіліп жатқандығын жеткізді.
Мәселен, Еуразиялық экономикалық комиссия дүние жүзінде жарияланған пандемияға орай бірқатар азық-түлік түрлерін осы жылдың 30 маусымына дейін Еуразиялық экономикалық одақ елдерінен өзге елдерге шығаруға тыйым салғанда тізімге күріш те еніп кеткен болатын. Күрішшілердің алаңдаушылығынан кейін Кәсіпкерлер палатасы бұл мәселеге араласып, «Атамекеннің» Орталық аппаратына ұсынысын берген. Нәтижесінде күрішшілер кедергісіз тауарларын экспортқа шығару мүмкіндігіне ие болды.
Ғалымбек Жақсылықов Кәсіпкерлер палатасымен 16 наурыздан бастап бүгінгі күнге дейін аймақ кәсіпкерлеріне барлығы 199 сертификат рәсімделгенін айтты. Оның ішінде экспортқа күріш, балық, мұнай, газ, руда және өнеркәсіп өнімін шығару үшін 182 сертификат берілсе, ішкі айналымға арналған «СТ-КЗ» формалы 17 сертификат күрішке, жеңіл өнеркәсіп бұйымдарына, құрылыс материалдарына берілген.
Экспортқа шығарылған тауарлардың басым бөлігі ТМД елдеріне, Ресей, Тәжікстан, Әзербайжан, Қырғызстан, Өзбекстан, Украина елдеріне жіберілген. Сондай-ақ, Монғолияға, Тайваньға тауарлар экспортталған.
«Эль-Панда» ЖШС, «Най-Мир» ЖШС, «Аза-Мир» ЖШС, «Абай Даулет» ЖШС, «Жан Арай» ЖШС, «ГАИС» ЖШС, «Ристорг капитал» ЖШС, «Рза Агро» ЖШС, «Bai Dala» ЖШС, «Асыл дән ЛТД» ЖШС, «Жеңіс» ЖК секілді кәсіпкерлік субъектілері күріш, күріш сынықтары (дробленый) және күріш кебегін, «Балауса» ЖШС руда, «Ай-Дан-Мұнай» ЖШС, «Саутс-Ойл» ЖШС, «ҚұмкөлТранс» ЖШС мұнай және газ, «СЗЦ «Арал» ЖШС, «СПК Қызылорда Балық» ЖШС балық және балық өнімдерін, «Компания Гежуба Шиелі Цемент» ЖШС цемент шығарған.
Төтенше жағдайға қарамастан өңірімізде экспортерлер қатарына бірқатар жаңа кәсіпкерлер қосылды. «Углесбыт» ЖШС, «СЗЦ «Карашалаң» ЖШС, «Акбасты» өндірістік кооперативі, «Жамбыл» өндірістік кооперативі, «Мырзағазиев Ж.М.» ЖК, «Казкаучук» ЖШС К»әсіпкерлер палатасынан күріш, балық, өнідіріс өнімдері үшін экспорттық сертификаттар алған.
<img src="https://kyzylorda-news.kz/wp-content/uploads/2020/04/01-71.jpg" alt="" />

Қазақстан және Қызылорда облысының жаңалықтары

Қызылорда Ауған соғысының ардагерлері 30 отбасыға азық-түлікпен көмектесті (ФОТО)

Қызылордада блокпост маңындағы өрттің мән-жайы: 2 гектар ағаш өртенген

COVID-19: Қауіпті індет жұқтырған қала тұрғынымен бір ұшақта 165 жерлесіміз болған

Қызылордада 16 медицина қызметкеріне ноутбук табысталды

Қызылорда облысында ауа райына байланысты ескерту жарияланды

23 сәуір: Атаулы күндер мен оқиғалар

Жұлдыздар не дейді?

Қызылордада “Тұңғыш Президент саябағы” өртеніп жатқаны рас па? (видео)

Қызылорда қаласында тағы 6 науқас тіркелді, өңірде жалпы саны 157 болды

Қазақстанда банк шотынан ақша шешіп алуға шектеу енгізілді

Министр: Мамырда карантин ұзартылуы мүмкін, себебі бұл ай қауіпті кезең

Қызылордада соңғы 1 айда кәсіпкерлерге тауардың шығу тегі туралы 199 сертификат берілген

Қазақстан және Қызылорда облысының жаңалықтары

Қызылорда Ауған соғысының ардагерлері 30 отбасыға азық-түлікпен көмектесті (ФОТО)

Қызылордада блокпост маңындағы өрттің мән-жайы: 2 гектар ағаш өртенген

COVID-19: Қауіпті індет жұқтырған қала тұрғынымен бір ұшақта 165 жерлесіміз болған

Қызылордада 16 медицина қызметкеріне ноутбук табысталды

Қызылорда облысында ауа райына байланысты ескерту жарияланды

23 сәуір: Атаулы күндер мен оқиғалар

Жұлдыздар не дейді?

Қызылордада &#8220;Тұңғыш Президент саябағы&#8221; өртеніп жатқаны рас па? (видео)

Қызылорда қаласында тағы 6 науқас тіркелді, өңірде жалпы саны 157 болды

Қазақстанда банк шотынан ақша шешіп алуға шектеу енгізілді

Министр: Мамырда карантин ұзартылуы мүмкін, себебі бұл ай қауіпті кезең

Қызылордада соңғы 1 айда кәсіпкерлерге тауардың шығу тегі туралы 199 сертификат берілген

Қызылордада “Тұңғыш Президент саябағы” өртеніп жатқаны рас па? (видео)