<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбараковтың ұйымдастыруымен күндіз-түні еңбек етіп жүрген медицина қызметкерлерін қолдау мақсатында 40 медицина қызметкерінің отбасына азық-түлікпен көмек көрсетілді.
Сонымен қатар, медицина қызметкерлерінен бөлек, Төңкеріс ауылдық округі бойынша 20 отбасыға және Балаби елді мекенінен 15 отбасына, аудан орталығы бойынша көмекке мұқтаж 40 отбасына қайырымдылық жасалды.
Бұл шараларды ұйымдастыруда белсенділік танытқан аудан әкімі Қамбарбек Амангелдіұлына, аудан тұрғыны Бегімтай Сатаев, «Нұр Отан» партиясы Шиелі аудандық филиалы төрағасының бірінші орынбасары Патыма Махамбет, ауданның ерікті жастарына халық алғыстарын білдіруде.
Бұл жасалып жатқан қайырымдылық шараларына Шиелі ауданының Құрметті азаматтары мен облыстық мәслихат депутаттары, атап айтқанда, белгілі кәсіпкер Рабибі Нұржанова, облыстық мәслихат депутаты Тілеуберген Шаутай, «Шиелі-Жарығы» ЖШС-нің директоры Қалмырза Қасымов және жеке кәсіпкер, «Құрмет» орденінің иегері Берік Қыдырбаев, ардагер, қоғамдық Кеңес мүшесі Тілеубек Бабасов, сондай-ақ аудандағы 71 жеке балабақша ұжымдары қаржылай көмек көрсетті.
Жиналған қаржыға «Байқоңыр ӘКК» АҚ еншілес кәсіпорны «Алтын Қамба АӨК» ЖШС қолжетімді бағада азық-түлік ұсынып, 20 тонна ауыл шаруашылығы өнімдері алынды.

Шиеліде 40 медицина қызметкерінің отбасына көмек көрсетілді

<a href="https://kyzylorda-news.kz/">Kyzylorda-news.kz.</a> Бұл туралы Қызылорда облыстық табиғат қорғау прокуратурасы хабарлады.
Ауылшаруашылығы министрлігінің Орман шаруашылығы және жануарлар дүниесі комитеті бекіткен бұйрыққа сәйкес Арал-Сырдария бассейні бойынша балық ресурстары мен басқа да су жануарларының уылдырық шашу және көбеюі кезеңінде келесі шектеулер мен тыйымдар салынған:
– Сағадан Түркістан облысының әкімшілік шекарасына дейінгі Сырдария өзенінде 1 сәуiр мен 30 мамырды қоса алғандағы аралықта;
– Қызылорда облысының шегіндегі су айдындарында 20 сәуірден 10 маусымды қоса алғандағы аралықта;
– Кiшi Арал теңiзiнiң су айлағында 1 мамырдан 10 маусымды қоса алғандағы аралықта (Сарышығанақ және Бутаковка шығанағында сонымен қатар, осы шығанақтарды байланыстыратын сағаларда мұздың ыдырауынан бастап маусымның 10-на дейін) балық аулауға тыйым салынады.
Сонымен қатар, артемияның көбеюі кезеңінде Өзбекстан Республикасының мемлекеттік шекарасына дейін Қазақстан Республикасының аумағы шегінде Тұщыбас, Чернышева шығанақтарын қоса алғанда, Үлкен Арал теңізінде 1 сәуірден 31 шілдені қоса алғандағы аралықта артемия жұмыртқаларын жинауға және дайындауға тыйым салынады.
Тыныштық аймағын құру мақсатында Сырдария өзенi Кiшi Арал теңiзiне құятын жерінен Көкарал бөлiп тұру бөгетiне дейiнгi оңтүстiк бағытта, Көкарал түбегіне дейiнгi батыс бағытта, солтүстiк және солтүстiк-шығыс бағыттарда 5 км, Сырдария өзенінің ағысымен жоғары бағытта 5 км учаскеде жыл бойы балық аулауға тыйым салынғандығын хабарлаймыз.
Тыйым салынған мерзімдерде балық аулағаны немесе тыйым салынған жерлерде балық аулағаны үшін – Қазақстан Республикасының Әкімшілік құқық бұзушылық туралы Кодексінің 383-бабына сәйкес құқық бұзу құралдары тәркілене отырып, 20 – 250 АЕК&nbsp; дейін&nbsp; айыппұл салынады.
Қазақстан Республикасының Қылмыстық Кодексінің 335-бабына сәйкес заңсыз балық аулау – мүлкі тәркілене отырып, 10 жыл мерзімге дейін бас бостандығынан айыруға жазаланады.

Қызылорда облысында балық аулауға уақытша тыйым салынды

<a href="https://kyzylorda-news.kz/">Kyzylorda-news.kz.</a> Қытай ғалымдары коронавирус инфекциясының қандай арақашықтықта тарайтынын анықтады, деп хабарлайды&nbsp;<a href="https://kaz.tengrinews.kz/">Tengrinews.kz</a>.
Зерттеу қорытындысы Emerging Infecious Diseases журналында жарияланған.
Баяндама бойынша, коронавирус ауада 4 метр арақашықтықта орнын ауыстыруы мүмкін. Бірақ ғалымдар «індеттің аэрозоль бөлшегі адамға коронавирус жұқтыруы мүмкін бе?» деген сұраққа жауап таппаған.
Қазіргі таңда әлем елдері қауіпті індеттен сақтану үшін 1,5-2 метр арақашықтықты сақтайды.&nbsp;
Сондай-ақ ғалымдар медицина қызметкерлері аяқ киімінің табаны да коронавирус тасымалдаушысы екенін анықтаған.&nbsp;
Сонымен қатар, олар COVID-19 вирусы компьютердің тінтуірінде, ауруханадағы қоқыс жәшігінде, төсектің шетінде болатынын анықтапты.

Ғалымдар коронавирус қай жерлерде «жасырынып» қалатынын анықтады

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ассамблеясы 2020 жылды Мейірбикелік және акушерлік қызмет саласындағы қызметкерлердің халықаралық жылы деп жариялады, – деп хабарлайды Дүниежүзілік денсаулық сақтау ұйымының <a href="https://www.who.int/ru/news-room/campaigns/year-of-the-nurse-and-the-midwife-2020">ресми сайты.</a>
<blockquote>
 «Медбикелер мен акушерлер денсаулық сақтау саласында қызмет көрсетуде маңызды рөл атқарады. Олар өз өмірін аналар мен балалардың қамқорлығына арнайды, өмірлік маңызды екпелер салып, медициналық ұсыныс-кеңестерін береді, қарт адамдарға күтім жасайды. Жалпы алғанда халықтың денсаулық сақтау саласындағы негізгі күнделікті қажеттіліктерін қанағаттандырады. Олар көбіне жергілікті тұрғындар үшін медициналық көмек көрсететін алғашқы және жалғыз адам болып отыр», – делінген ДДҰ сайтында.
</blockquote>
&nbsp;Мәлім етілгендей, 2030 жылға дейін денсаулық сақтау қызметтерімен жалпылай қамтуға қол жеткізу үшін мейірбикелік және акушерлік салада 9 млн қосымша жұмыс орнын құру қажет.
<blockquote>
 «Сондықтан Дүниежүзілік денсаулық сақтау ассамблеясы 2020 жылды Мейірбикелік және акушерлік қызмет саласындағы қызметкерлердің халықаралық жылы деп жариялау туралы шешім қабылдады», – делінген ақпаратта.
</blockquote>

ДДҰ 2020 жылды – «Мейірбикелер жылы» деп жариялады

<a href="https://kyzylorda-news.kz/">Kyzylorda-news.kz.</a> Сыр имамдары ҚМДБ төрағасы, Бас мүфти Наурызбай қажы Тағанұлының бастамасымен бастау алған «Жүрек жылуы» республикалық қайырымдылық акциясына үн қосты.
ҚМДБ-ның Қызылорда облысы бойынша өкілдігінің ұйымдастыруымен өткен игі шарада аймақтың Бас имамы Болатбек Ұласқанұлы бастаған облыс мешіттерінің имамдары мен ерікті жамағаттары және жергілікті кәсіпкер азаматтар өңірдегі әлеуметтек жағдайы аз қамтылған 1000-ға жуық отбасыны зиярат етіп, азық-түлік қорабын табыс етті.
Сонымен қатар, аталмыш акция аясында 165 отбасыға 1 тонна ет үлестірілсе, өңір халқына 2800-ге жуық медициналық бетперде таратылып, облыстың блок-посттарындағы 175 қызметкер ыстық тамақпен қамтамасыз етілді.
Төтенше жағдай кезінде бірлігімізді арттырып, мейірімділікке үндейтін шарапаты мол сауапты шаралар әлі де жалғасын таба бермек.
<img src="https://kyzylorda-news.kz/wp-content/uploads/2020/04/imamdar-kaz-_-2.jpeg" alt="" />

Сыр имамдары 1000 отбасыға азық-түлікпен көмек көрсетті

<a href="https://kyzylorda-news.kz/">Kyzylorda-news.kz.</a> 2020 жылдың мамыр айында үш мемлекеттік мереке күні болады, деп хабарлайды&nbsp;<a href="https://sputniknews.kz/society/20200414/13685304/Qazaqstan-mamyr-demalys.html">Sputnik Қазақстан</a>.
Сондықтан сенбі және жексенбі күндерінен бөлек қазақстандықтар қосымша үш күн демалады.
1 мамыр – Қазақстан халқы бірлігі мерекесі жұма күніне келеді. 7 мамыр, бейсенбіде Отан қорғаушылар күні аталып өтеді. Ал 9 мамыр – Жеңіс күні сенбіге келіп тұр.
9 мамыр сенбіге түскендіктен, 11 мамыр, дүйсені күні жұмыс болмауы тиіс. Алайда үкімет мереке күндерін бекіту кезінде демалысты дүйсенбі, 11 мамырдан 8 мамыр күніне ауыстырған. Сәйкесінше, тұрғындар 7-10 мамыр аралығында демалады.&nbsp;
Бескүндік жұмыс күніндегі тұрғындар 1, 2, 3, 7, 8, 9, 10, 16, 17, 23, 24, 30 және 31 мамыр күндері демалады. Алты күн жұмыс істейтіндер 1, 3, 7, 9, 10, 17, 24 және 31 мамырда демалады.
Барлығы демалыс және мереке күндерін қосқанда 13 күн демалады.

Қазақстандықтар мамыр айында қанша күн демалады?

<a href="https://kyzylorda-news.kz/">Kyzylorda-news.kz</a>. Алматының қалалық орталық клиникалық ауруханасының 182 медициналық қызметкері коронавирустық инфекция жұқтырған, деп хабарлайды&nbsp;<a href="https://stan.kz/almati-kalalik-ortalik-klinikalik-auruhananin-182-medic-329945/">Stan.kz.</a>
Бұл туралы Алматының қоғамдық денсаулық сақтау басқармасының өкілдері мәлімдеді.
<blockquote>
 «Қалалық орталық клиникалық ауруханада барлығы 182 қызметкер коронавирус жұқтырды. Бір тәулікте тағы 35 адамның індетті жұқтырғаны анықталды», – делінген ресми хабарламада.&nbsp;
</blockquote>
Бүгінгі күні ауруханға карантинге жабылған.
Еске салайық, бұған дейін аталған аурухананың бір мезгілде&nbsp;<a href="https://stan.kz/almatida-ortalik-auruhananin-110-medicinalik-kizmetkeri-329883/">110 қызметкері коронавирусқа шалдыққаны</a>&nbsp;айтылған еді. Одан кейін жұқпалы инфекцияны тағы 37 ақ халатты жұқтырып алған.
Қазір осы жағдайға байланысты&nbsp;<a href="https://stan.kz/almatida-koronavirus-zhyktirgan-darigerlerdin-isi-tekse-329929/">тексеріс ұйымдастырылыпты</a>. Ал аурухананың&nbsp;<a href="https://stan.kz/almatida-medicina-kizmetkerleri-zhappay-koronavirus-zhy-329925/">бас дәрігері болса қызметінен</a>&nbsp;босатылған.

Алматыдағы орталық аурухананың 182 медициналық қызметкері қауіпті індет жұқтырған

<a href="https://kyzylorda-news.kz/">Kyzylorda-news.kz</a>. Қазақстан Парламенті Сенатының төрағасы Дариға Назарбаева Конституциялық кеңеске өтініш жасап, парламенттің қандай заңдар шығаруға құқығы бар екені жазылған Конституциядағы баптың 3-тармағын ресми түсіндіруді сұрады.
<blockquote>
 «Конституциялық кеңес 2020 жылдың 15 сәуірінде парламент сенаты төрағасының Қазақстан Республикасы Конституциясының 61-бабының 3-тармағын ресми түсіндіру туралы өтінішін конституциялық іс жүргізуге қабылдады», – делінген Конституциялық кеңестің хабарламасында.
</blockquote>
Өтініште норма шығармашылық процеске, атап айтқанда, заңдарды және заңға тәуелді нормативтік құқықтық актілерді реттеу көзін ажыратуға қатысты мәселелер қойылған.
«Қазақстан Республикасының Конституциялық Кеңесі туралы» Конституциялық заңына сәйкес кеңестің отырысына материалдар дайындау бойынша жұмыс басталды, онда аталған өтініш &nbsp;қаралады.&nbsp;
Айта кетейік, Конституцияның 61-бабының 3-тармағына сәйкес, парламент ең маңызды қоғамдық қатынастарды реттейтін заңдарды шығаруға және негіз қалаушы принциптер мен нормаларды белгілеуге құқылы.

Дариға Назарбаева Конституциялық кеңеске өтініш түсірді

<a href="https://kyzylorda-news.kz/">Kyzylorda-news.kz</a>. Қызылорда облысы ҚАЖ департаментіне қарасты ЗК-169/5 мекемесінде коронавирустық инфекцияның алдын алу мақсатында бірқатар шаралар қолға алынған.
Атап айтқанда, мекеме қызметкерлері мен жазасын өтеп жатқандардың денсаулық қауіпсіздігін қамтамасыз ету үшін дезинфекциялық шараларды күнделікті жүргізіп келеді.
Сондай-ақ, карантиндік режим қатаң сақталынып, ішкі және сыртқы аймақтар дезинфекциялануда. Жатақхана, өндірістік орындар, асханада санитарлық жұмыстар міндетті түрде күнделікті&nbsp; жүргізіледі.
Ғимараттың іші-сырты тазартылып, бөлмелер желдетіліп, қызметкерлер мен сотталғандардың үнемі медициналық бетперде тағуы қатаң қадағаланған.
Сонымен&nbsp; қатар, мекеме дезинфекциялау мақсатында тоннель компрессорге қосылды. Бұл дезинфекциялау тоннелі мекеменің бақылау өткізу алдына орнатылды.
Мекемеге келушілер тоннель арқылы өткен соң, мекеме ішінде де,сыртында да қауіпсіз қалыпта болады.
<img src="https://kyzylorda-news.kz/wp-content/uploads/2020/04/02-14.jpg" alt="" />
<img src="https://kyzylorda-news.kz/wp-content/uploads/2020/04/03-12.jpg" alt="" />

Қызылорда түрмелерінде де қауіпті індетке қарсы шаралар күшейтілді (ФОТО)

<a href="https://kyzylorda-news.kz/">Kyzylorda-news.kz</a>. Қызылорда облысында СОVID-19 вирусын жұқтырған&nbsp; 9 медицина қызметкерінің тіркелгендігі мәлім болды. Оның 8-і орта буын, 1-і кіші буын қызметкері. Бұл туралы Өңірлік коммуникациялар қызметінің ақпараттық алаңында Қызылорда облысының Бас мемлекеттік санитариялық дәрігері&nbsp; Әлия Әбдіқайымова хабарлады.
<blockquote>
 «Анықталған 3 қызметкер кәсіби тұрғыда жұқтырса, қалғандары науқастармен қарым-қатынаста болған. Сондай-ақ, медицина қызметкерлері қаншалықты қорғаныш талаптарын сақтағанымен, жұқтыру жағдайларының орын алғандығын жасыра алмаймыз»,- деді Әлия Мүтәліпқызы.
</blockquote>
<img src="https://kyzylorda-news.kz/wp-content/uploads/2020/04/9-dariger-kaz-ishine-1.jpeg" alt="" />

COVID-19: Қызылорда облысында 9 медицина қызметкері індет жұқтырған

<a href="https://kyzylorda-news.kz/">Kyzylorda-news.kz.</a> Рухани жаңғыру – адам баласының оның ішкі әлемінің жаңаруы, сана-сезімі, жаңа өзгерісті қабылдай білуі. Рухани жаңғыруда өркениеттің өрге жүзуімен байланыстырамыз. Тарих сахнасына көз жүгіртсек, өскен ұлттың өрби түсуіне осы «Рухани жаңғыру» дәлел.
Көне замандағы көрікті қалаларымыз, сән салтанатты таласқан озық ескерткіштеріміз, мәдени мұраларымыз бұлтартпас айғақ болып табылады.
Елбасымыз рухани жаңғырудың бірнеше принциптерін ұсынды: Бәсекелестік қабілет. Ғаламданудың жаһандық жүйесіне еніп, ХХІ ғасырдың талаптарына дағдыланудың қамына кірісу сапалы табыстың кілті екенін атап айтты.
Прагматизм. Ұлан ғайыр қазыналарымызды қалпынша қолданып, қорғау, бір мақсатпен межелеген межеге жету арқылы түрлі саяси радикалды идеалогияларға тосқауыл болудың бағдарын ұсынды.
Ұлттық бірегейлікті сақтау. Елбасымыз үшінші қағидасында ұлттық код, яғни халқымызға тән салт-санамыз, асыл мәдениетіміз бұлардың барлығы бойымызда жалындап, үні шырқалып тұруын баса айтты, сонда ғана алға басулар болатының ескертті.
Білімнің салтанат құруы. Қазіргі таңда білім бағдарламаларының елімізге ұтымды үлес қосып келе жатқанын айта келіп, табыс тізгіні – білімді болашақ жастардың қолында екеніне баса назар аударды.
Қазақстанның революциялық емес, эволюциялық дамуы. ХХ ғасыр қасіреттерін қаперімізге сақтап, одан сабақ алу және дүрбелең туғызу экономикалық күйреуге алып келетінін қазіргі кезде болып жатқан әлемдік толқыныстарды мысалға келтірді. Ревалюциялық өзгеріс емес, эволюциялық жаңару алып келуіміз керек екеніне ой қорытты.
Қорыта айтқанда, бұл Елбасымыз Нұрсұлтан Әбішұлы Назарбаевтың ұтымды қағидасы, халқына деген үндеу өсиеті деп білемін. Ішкі руханиятымыз арқылы, сыртқы өзгерістерді жақсы жағынан қабылдап, жаңғырудың даңғыл жолына түсуге көшбасшымыз болашақ мына бізге дара жол көрсетті. Ол соқпақтардан қалай өту керектігін айтып, бағыт бағдар берді.
Ендеше, көкжиектен ауытқымай, ұлт көшбасшысының өскелең ұрпаққа мензеген дара жолымен биік шыңдарды бағындырайық!
Ф. Қозыбақова,
әл-Фараби атындағы Қазақ Ұлттық Университеті тарих және археология, этнология факультетінің Қазақстан тарихы кафедрасының профессоры, ғылыми жоба жетекшісі.
Анелья Князбай,
әл-Фараби атындағы Қазақ Ұлттық Университетінің Филология және әлем тілдері факультетінің студенті.

«Болашаққа бағдар: Рухани жаңғыру»: Ұлтқа қажетті ұтымды бағдарлама

<a href="https://kyzylorda-news.kz/">Kyzylorda-news.kz</a>. Қызылорда облыстық жұқпалы аурулар ауруханасы қызметкерлері COVID-19 вирусымен тіркелген тағы да 2 науқасты емдеп шығарды.
Бұл 2 науқас та – қауіптілігі жағынан 1 (Б) елдерінен келген азаматтар.
Оларды тексеру барысында, коронавирус анықталып, емдік хаттамаларға сәйкес ем жүргізілген.
Бүгін, 2020 жылдың 15 сәуірінде 2 науқастан екі рет қайталама зертханалық талдамалары алынып, теріс мәнді және жалпы жағдайының қанағаттанарлық болуына байланысты, үй жағдайына шығарылды.
Олар алдағы кезеңде 14 күн аймақтық емхананың бақылауында болады.
Айта кетейік, қазіргі таңда Қызылорда облысында COVID-19 вирусымен тіркелгендер саны – <a href="https://kyzylorda-news.kz/covid-19-news/covid-19-qyzylordada-nawqastar-sany-taghy-2-adamgha-koebejdi-56568/">126</a>, жазылып шыққандар саны – 4.

Қазақстан және Қызылорда облысының жаңалықтары