<a href="https://kyzylorda-news.kz/">Kyzylorda-news.kz.</a> 2020 жылғы қаңтар-сәуір айларында елдегі байланыс қызметтерінің көлемі 281,5 млрд теңгені құрады, бұл өткен жылдың сәйкес кезеңімен салыстырғанда 11,6% көп, деп хабарлайды <a href="https://24.kz/kz/zha-aly-tar/o-am/item/397324-biyl-internet-zhelisi-yzmetterinen-t-setin-tabys-ajtarly-taj-l-ajdy">«Хабар 24»</a>.
Өсім инфляцияны қоса алғанда 9,6% құрады. Қызметтердің жалпы көлемінің 55,4%-ы халыққа көрсетілген. Байланыс саласында көрсетілген қызметтен түскен кірістің максималды сомасы интернет желісі қызметтерінен түскен – 102,74 млрд теңге.
Бір жыл бұрын бұл кірістің көлемі 90,6 млрд теңге болған (үлесі 36,5%). Екінші орында ұялы байланыс тұр: 74,6 млрд теңге, олардың үлесі қызметтердің жалпы көлемінің 26,5%-ын құрайды. ТОП-3 тізімін 6,1% үлесімен сымды және сымсыз телекоммуникация желілері бойынша деректерді беру қызметтері қорытындылап тұр (17,2 млрд).
2020 жылдың мамырында интернетке тіркелген абоненттерінің саны 2,6 млн-ға жетті (бір жылда 3,7% артты). Ал ұялы байланыс абоненттерінің саны 24,5 млн-ға дейін қысқарды (өткен жылмен салыстырғанда 3,6% аз).

Биыл интернет желісі қызметтерінен түсетін табыс айтарлықтай ұлғайды

<a href="https://kyzylorda-news.kz/">Kyzylorda-news.kz.</a> Қызылорда қаласындағы&nbsp; ЗК-169/5 мекемесінде жазасын өтеушілермен психологтармен түрлі тренингтер өткізіп тұрады.
Соның дәлелі ретінде, мекеме психологтары әділет аға лейтенанты А.Жүсіпбеков пен Ш.Кұлбаеваның «Құм терапиясы» атты шарасын айтуға болады.
Сотталғандар бұл терапияны&nbsp; қолдана отырып,&nbsp; өз ойларынша түрлі суреттер салып, танымдық ойындар өткізу арқылы ашық пікірталас ұйымдастыра алады.
Психологтардың айтуынша, аталған терапия арқылы адамның шығармашылық, танымдық, интеллектуалдық карым-қатынас құзіреттілігі дамиды. Олар қиындықты бір сәтте естен шығарып, өмірге жаңаша оң көзқараспен қарап, ойша жағымды жағдайларды ойлап жүреді. Мұндай терапиялық тренингтер сотты болғандардың ой-санасын өзгертіп, оң мінезді қалыптасуына әсері мол.
Мекеме психологтары басты міндеті сотталғандарға психологиялық-моральдық депрессиялық күйзелістерден арылуға мүмкіндік беруге ықпал ету.

«Құм терапиясы» сотталғандарды күйзелістен арылуға көмектеседі

<a href="https://kyzylorda-news.kz/">Kyzylorda-news.kz.</a> Құрметті мәдениет және өнер саласының қызметкерлері!
Сіздерді 21 мамыр – Мәдениет және өнер қызметкерлері күні мерекесімен шын жүректен құттықтаймын!
Елбасы өзінің «Болашаққа бағдар: Рухани жаңғыру» мақаласында «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуға тиіс», – деген болатын.
Бастауы ұлы абыз Қорқыт баба есімімен тығыз байланысты ежелгі сарынның бүгінге дейін жетуі қазақ жерінің барша түркі халқының атамекені болғанының бір куәсі. 
«Сыр елі – жыр елі» атанған өңіріміз ежелгі заманнан-ақ ділмар шешендер мен жезтаңдай, жыр жақұтын терген жыршы-жырауларға, күміс көмей әншілерге кенде болмаған, Сыр сүлейлері деген ұғымды қалыптастырған.
Қазіргі таңда облыс бойынша мәдениет және өнер саласында 3152 қызметкер еңбек етеді, оның 1674-і – шығармашылық мамандар.
Өткен жылы өңірімізде халықаралық деңгейде «Парасатты поэзия», «Қорқыт және Ұлы дала сазы» фестивальдері мен суретшілер симпозиумы ұйымдастырылып, Н.Бекежанов атындағы қазақ музыкалық драма театрына «Академиялық» мәртебе берілді. 
Облыстық филармонияның камералық оркестрі түркі тілдес елдердің қатысуымен Босния-Герцеговина мемлекетінде өткен классикалық камералық оркестрлер фестивалінде, «Ақмешіт» фольклорлық ансамблі Мәскеуде өнер көрсетті. 
Ұлы Абайдың 175 жылдық мерейтойы өңірімізде әйгелі Е.Төлеубайдың «Абай» драмасымен ашылды.
Өкінішке қарай, карантиндік шектеу әлемнің түгел сахналық алаңдарының жоспарын өзгертті. Дегенмен, мәдениет қызметкерлері жұмысын онлайн режимде жалғастырды. 
Мәдениет қызметінің ауқымын кеңейту және қолжетімділікті арттыру мақсатында «Youtube» желісінде «Сыр шаңырағы» медиаблогы ашылып, 3 мыңнан астам шаралар ұйымдастырылды.
«Әлемнің екінші ұстазы» атанған Әбу-Насыр әл-Фараби бабамыздың «Музыканың негізгі міндеті – адамның эстетикалық қажетін өтеу», – деген сөзін еске түсірсек, Сыр мәдениеті мен өнерін асқақтатып жүрген сала қызметкерлеріне барша Сыр жұртшылығы атынан зор ризашылығымды білдіремін.
Өңір мәдениеті мен өнерін өрістету, ұлттық мәдени мұрамызды әлемге таныту, бүгінгі ұрпаққа кеңінен дәріптеудегі еңбектеріңіз жемісті болсын!
Шығармашылық еңбектеріңізге толағай табыс, отбастарыңызға амандық, өздеріңізге күш-қайрат тілеймін.
Біз біргеміз!

Қызылорда облысының әкімі мәдениет және өнер саласы қызметкерлерін мерекемен құттықтады

<a href="https://kyzylorda-news.kz/">Kyzylorda-news.kz.</a> Автокөлік бөлшектері мен саймандары енді тек қана арнайы дүкендерде сатылуы тиіс.
ҚР Парламент Мәжілісінің пленарлық отырысында автокөлік құралдары ұрлығымен күрес бойынша ТМД елдерімен ықпалдасу жөніндегі келісімге түзетулерді ратификациялайтын заң жобасын талқылау барысында ішкі істер министрі Ерлан Тұрғымбаев көлік бөлшектері сияқты бұрын қолданыста болған тұтыну тауарларын қабылдау мен сату саласында бақылау күшейтілетінін мәлімдеді, деп хабарлайды zakon.kz.
<blockquote>
 «Қазір ел аумағындағы ішкі сауда-саттық бойынша біз бірқатар заңнамалық бастамалар көтердік. Былтыр маусым айында автокөлік бөлшектері тек қана арнайы дүкендерде сатылуы тиіс деген норма енгізілген. Енді біз сол арнайы дүкендер бойынша бақылауды күшейттік, деді», – Тұрғымбаев.
</blockquote>
Оның сөзінше, бұл бизнес енді ломбард бизнесіне ұқсайтын болып кетті.
<blockquote>
 «Автокөлік бөлшегін нарыққа саудаға тапсыру үшін оны иесі өз жеке куәлігі мен бөлшек шешіп алынған автокөліктің техникалық куәлігін ұсынуы тиіс. Сонда біз нарықта қандай автобөлшек сатылатынын және оны кім өткізгенін біліп отырамыз. Екінші мәселе, жақын арада Мәжіліске азық-түлікке жатпайтын бұрын қолданылған тауарларды қабылдау мен сату заңдарын бұзу құрамын айқындайтын норма енгізіледі. Ол норма бойынша осы тәртіптерді бұзу деректеріне қатысты әкімшілік жауапкершілік көзделетін болады. Осылайша, біз елдегі бұрын қолданыста болған автокөлік бөлшектерінің нарығын заңды тәртіпке келтіреміз», – деді министр.
</blockquote>
Министр ақпараттық жүйелердің интеграциясына қатысты норма болатынын да айтты.
<blockquote>
 «Тағы бір норма – ақпараттық жүйелердің интеграциясымен байланысты. Қазір полицейлеріміздің қолында шамамен 6 мыңдай планшет бар, оған автокөліктерге қатысты барлық деректер қоры интеграцияланған. Көлік иесі кім, вин-коды, қашан сатып алынған және басқа да техникалық параметрлері. Екі айлық карантин кезеңі көрсеткендей, блок-бекеттерде біз рұқсат қағаздарды жойып, планшетпен тексердік. Деректер базасын интеграцияладық», – деді ол.
</blockquote>
Оның сөзінше, жақын арада көлік иелеріне өзімен бірге көлік құжаттарын алып жүрмей-ақ қоюына болады. Ақпараттың бәрі базада тұрады. Тек жеке куәлікті ғана көрсету керек болады.
<blockquote>
 «Осы екі норма биыл Мәжіліске енгізіледі», – деп қорытындылады Тұрғымбаев.
</blockquote>

Елімізде енді арнайы дүкеннен басқа жерде көлік бөлшектерін сатуға тыйым салынады

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 272-ге жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңадан 12&nbsp; дерек тіркелді.&nbsp; Оның 11-і&nbsp; індет жұқтырған азаматпен байланыста болса, 1-еуі көпбейінді&nbsp; қалалық аурухананың изолятор кабинетінен анықталды. Қазіргі таңда&nbsp; науқастардың жағдайы бірқалыпты , емдерін алуда», – деді Жақсылық Әбілқасымұлы.
</blockquote>
Сондай-ақ, індет жұқтырғандармен байланыста болған–&nbsp; 3695 азамат анықталды. Оның ішінде, 2051-і&nbsp; жақын қарым-қатынаста, 1644-і&nbsp; жанама байланыста болған.
Құрметті облыс тұрғындары,&nbsp; сақтық шараларын қатаң сақтап&nbsp; және бетперде киюді жалғастыра беруге шақырамыз.

COVID-19: Соңғы тәулікте 12 жағдай тіркелді

<a href="https://kyzylorda-news.kz/">Kyzylorda-news.kz.</a> Бұл туралы біздің ақпарат агенттігіне «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.
<blockquote>
 «Жүйе іске қосылған 2017 жылдың 1 шілдесінен 2020 жылдың 1 мамырға дейінгі аралықта Қызылорда облысының тұрғындары әлеуметтік медициналық сақтандыру қорына 9,2 млрд. теңге аударды, оның 8,3 млрд. теңгесі (90,2%) жұмыс берушілердің аударымдары болса, қалған 883,6 млн. теңге (9,8%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп мәлімдеді ол.
</blockquote>
Оның айтуынша, өңірде жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылорда облысының тұрғындары МӘМС қорына 9,2 млрд. теңге аударды

<a href="https://kyzylorda-news.kz/">Kyzylorda-news.kz.</a> Шетел ғалымдары коронавирус инфекциясын жұқтырмайтындарды анықтады. Олар зерттеу жұмыстарының нәтижесінде осындай шешімге келген деп жазады <a href="https://ria.ru/">РИА Новости</a>.
АҚШ пен Швейцарияның зерттеушілері 2003 жылы атипиялық пневмония (SARS-CoV вирусынан) өршіген уақытта ауырған адамдарға зерттеу жұмыстарын жасаған. Соның нәтижесінде олардың ағзасының коронавирус инфекциясын жұқтырмайтыны айтылды.
Осыған дейін SARS-CoV дертіне шалдыққандардың ағзасында антиденелер бөлінген. Олар S-ақуызға негізделеді. Ал бұл ақуыз жасуша бетіндегі рецепторлар мен коронавирус инфекциясының «жолығуына» жауап береді.
Ғалымдардың дерегінше, бұндай антидене түрлерінің бірі – S309 – SARS-CoV-2 S-ақуызын бейтараптандыра алады екен.
Осыған сәйкес, жедел респираторлы синдроммен ауырғандар қауіпті дерт коронавирусты жұқтырмауы мүмкін.
Бұндай антиденелерді COVID-19-дың асқынған түрін емдеуге және алдын алуға қолдануға болатыны айтылды.
Еске сала кетейік, Словения Еуропада бірінші болып коронавирус індетін жеңгенін ресми түрде мәлімдеген болатын. Соңғы екі аптада мұнда тек 35 адамнан инфекция анықталған.

Ғалымдар коронавирусты кімдер жұқтырмайтынын айтты

<a href="https://kyzylorda-news.kz/">Kyzylorda-news.kz.</a> Батыс Қазақстан облысында шығу тегі белгісіз коронавирус жұқтыру оқиғасы тіркелді, деп хабарлайды <a href="https://astanatv.kz/ru/news/54872/">«Астана»</a> арнасы.
Сырым ауданында 30 жастағы ер адамға қауіпті инфекция диагнозы қойылған. Бірақ дәрігерлер оның жұқтыру көзін таба алмай отыр.
Науқас сөзінше, ол коронавирус жұқтырғандармен байланыс орнатпаған және ауылдан шықпаған. Ер адам аудандық ауруханада жұмыс істейді. Науқас ауруханаға жатқызылды.
«Бұл облыс ішінде инфекция көзін таппаған алғашқы жағдай. Бізде 339 коронавирус инфекциясы тіркелген, олардың 70%-ы – Ресейден және Атырау облысынан әкелінген, ауысым жұмысшылары. Ал қалғандары – байланыс тұлғалары», – деді өңірдің тауарлар мен қызметтердің қауіпсіздігін бақылау бөлімі бастығының орынбасары Нұрлыбек Мұстаев.
Хабарланғандай, ауру адаммен 60-қа жуық адам байланыста болған, олардың барлығы оқшауланған.

Елімізде тұңғыш рет шығу тегі белгісіз коронавирус табылды

<a href="https://kyzylorda-news.kz/">Kyzylorda-news.kz.</a> Үкімет басшысы Асқар Мамин 20 мамырдан бастап Қазақстанда Армениядан әкелінген көлік құралдарын уақытша тіркеуге рұқсат беруді қарастыратын қаулыға қол қойды.
Жаңа құжат 20 мамырдан бастап күшіне енді.
Үкімет қаулысында атап көрсетілгендей, ішкі істер министрлігі биылғы 1 қыркүйекке дейін Армениядан әкелінген сол жақ рөлді автокөліктерді тіркеу бойынша шаралар қабылдауы қажет. Сондай-ақ министрлікке көлік құралдарын тіркеу кезінде берілетін мемлекеттік тіркеу нөмірі белгілерінің типін бекіту тапсырылды.
Айта кетейік, жаңа ереже елге 2020 жылғы 1 ақпанға дейін әкелінген автокөліктерге ғана қатысты.
Премьер-министр қаржы және ішкі істер министрліктеріне Еуразиялық экономикалық одақтың құқықтары мен ҚР заңнамасын бұза отырып, елге 2020 жылғы 1 ақпаннан кейін Армениядан көлік құралдарын әкелген азаматтарға қатысты шаралар қабылдауға тапсырма берді.
<blockquote>
 «Цифрлық даму, инновациялар және аэроғарыш өнеркәсібі министрлігі көлік құралын тіркеуді жүзеге асыру кезінде Армения Республикасының уәкілетті органдары берген көлік құралдарын тіркеу құжаттарының түпнұсқаларын және мемлекеттік тіркеу нөмірі белгілерін меншік иелері сұрағанға дейін сақтауды және көлік құралдары республика аумағынан тыс жерлерге шығарылған жағдайда оларды беруді қамтамасыз етсін», – делінген құжатта.
</blockquote>

Армениядан әкелінген автокөліктерді уақытша тіркеуге рұқсат берілді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 265 адам коронавирус індетімен ауырғаны белгілі болды. Өсім 3,8% құрады, деп хабарлайды <a href="https://www.coronavirus2020.kz/kz/kazakstandagy-koronavirus-boyynsha-20-mamyr-23-59-dagy-epidemiologiyalyk-zhagday_a3652355">coronavirus2020.kz.</a>
Аймақтар бойынша:
Нұр-Сұлтан қаласы – 84 (6,4%)
Алматы қаласы – 57 (3,0%)
Атырау облысы – 24 (3,0%)
Шымкент қаласы – 23 (4,7%)
Алматы облысы – 19 (8,7%)
Батыс Қазақстан облысы – 13 (3,8%)
Қарағанды облысы – 13 (4,5%)
Қызылорда облысы – 11 (4,3%)
Павлодар облысы – 9 (5,4%)
Жамбыл облысы – 5 (2,3%)
Ақтөбе облысы – 2 (0,9%)
Түркістан облысы – 2 (0,8%)
Ақмола облысы – 1 (0,7%)
Шығыс Қазақстан облысы – 1 (1,7%)
Маңғыстау облысы – 1 (0,6%)
Жалпы ел бойынша ауырғандар саны – 7234.

Елімізде коронавирусқа шалдыққандар саны 7 мыңнан асты: өсім &#8211; 3,8%

<a href="https://kyzylorda-news.kz/">Kyzylorda-news.kz.</a> «Қазгидромет» РМК бүгін Қызылорда облысында дабылды ескерту жариялады.
21 мамыр күні Қызылорда облысында&nbsp;найзағай жарқылдайды, жел секундына 15-18 метрге дейін күшейеді.
Осыған сәйкес, еліміздің Төтенше жағдайлар комитеті тұрғындарға ауа райының күрт құбылуын назардан шығармауды сұрайды. Дауылды ескерту туралы хабарламаға құлақ асып, қажетті сақтық жасау керек. Желдің жылдамдығы секундына 15-20 және тіпті секундына 30 метрге дейін күшейеді.
Елді мекендерде қауіпсіздік техникасының басты ережесін ұстану керек. Шағын қалалар мен мегаполистерде дауыл кезінде зардап шегу ықтималдығы жоғары болады. Қатты дауыл соққанда үйдегі барлық терезе тығыз жабылуы тиіс. Толық жабылмаған балкон мен лоджиядан қатты жел кезінде сыртқа ұшып кетуі мүмкін барлық затты (құмыра, жәшік, шөлмек және т.б.) алып тастау керек.
Тұрғын үй бұрышындағы балкондарда дауыл кезінде рамасымен бірге терезесі ұшып кеткен жағдай кездеседі. Көшеде дауыл тұрған кезде жарнама қалқандары (және басқа да аспалы құрылымдар), автобус аялдамасы, электр бағанасы мен желісі, сондай-ақ ағаштардан барынша алыс тұрыңыз.
Айналаңызға сақ болыңыз, үстіге құлап кетуі мүмкін заттардан алшақ болуыңыз. Үзілген сымдар мен құлайтын заттарға (ағаштарға) жақындауға болмайды. «Қатты жел соқса ол тыйылғанша жақын маңдағы ғимаратта немесе табиғи ықтасынға жасырыну қажет.
Үлкен ағаштың, әсіресе теректің астына көлік қоюға болмайды, өйткені ағаш немесе оның ірі бұтағы құлап басып қалуы мүмкін. Шіріген және кәрі, сондай-ақ жалғыз тұрған ағаштар да өте қауіпті.
<blockquote>
 «Үйден шықпаңыздар, жақындарыңызды қорғаңыздар» деп ескертеді комитет.
</blockquote>

Найзағай, қатты жел: Бүгін Қызылорда облысында ескерту жарияланды

Қазақстанда мәдениет және өнер қызметкерлерінің күні
Бастапқыда Қазақстанда Мәдениет және өнер қызметкерлерінің күні 1998 жылы бекітіліп, қыркүйектің соңғы жексенбісінде атап өтіліп келді. бірақ 2013 жылы оны 21 мамырға ауыстыру туралы шешім қабылданды. Бұл күн Президент жарлығына сәйкес меркеленеді. Оны Қазақстанның барша өнер, мәдениет қызметкерлері атап өтеді.
1940 жылы қазіргі академик Қаныш Сәтпаев атындағы Геологиялық зерттеулер институты құрылды.
&nbsp;1999 жылы қазақ ақыны Мұхтар Шахановқа халықаралық «Руханият» сыйлығы берілді.
&nbsp;1999 жылы Батыс Қазақстаннан Қара теңіз жағалауына дейін созылатын Каспий мұнай құбырын төсеу басталды.
2013 жылы Мемлекет басшысы Нұрсұлтан Назарбаев «Дербес деректер және оларды қорғау туралы» Заңға қол қойды. Заң жеке өмірге араласпауды, жеке және отбасылық құпияны қорғауды қамтамасыз етуге, осы саладағы мемлекеттік реттеуді күшейтуге бағытталған.

Қазақстан және Қызылорда облысының жаңалықтары

Биыл интернет желісі қызметтерінен түсетін табыс айтарлықтай ұлғайды

«Құм терапиясы» сотталғандарды күйзелістен арылуға көмектеседі

Қызылорда облысының әкімі мәдениет және өнер саласы қызметкерлерін мерекемен құттықтады

Елімізде енді арнайы дүкеннен басқа жерде көлік бөлшектерін сатуға тыйым салынады

COVID-19: Соңғы тәулікте 12 жағдай тіркелді

Қызылорда облысының тұрғындары МӘМС қорына 9,2 млрд. теңге аударды

Ғалымдар коронавирусты кімдер жұқтырмайтынын айтты

Елімізде тұңғыш рет шығу тегі белгісіз коронавирус табылды

Армениядан әкелінген автокөліктерді уақытша тіркеуге рұқсат берілді

Елімізде коронавирусқа шалдыққандар саны 7 мыңнан асты: өсім – 3,8%

Найзағай, қатты жел: Бүгін Қызылорда облысында ескерту жарияланды

21 мамыр: Атаулы күндер мен оқиғалар

Қазақстан және Қызылорда облысының жаңалықтары

Биыл интернет желісі қызметтерінен түсетін табыс айтарлықтай ұлғайды

«Құм терапиясы» сотталғандарды күйзелістен арылуға көмектеседі

Қызылорда облысының әкімі мәдениет және өнер саласы қызметкерлерін мерекемен құттықтады

Елімізде енді арнайы дүкеннен басқа жерде көлік бөлшектерін сатуға тыйым салынады

COVID-19: Соңғы тәулікте 12 жағдай тіркелді

Қызылорда облысының тұрғындары МӘМС қорына 9,2 млрд. теңге аударды

Ғалымдар коронавирусты кімдер жұқтырмайтынын айтты

Елімізде тұңғыш рет шығу тегі белгісіз коронавирус табылды

Армениядан әкелінген автокөліктерді уақытша тіркеуге рұқсат берілді

Елімізде коронавирусқа шалдыққандар саны 7 мыңнан асты: өсім &#8211; 3,8%

Найзағай, қатты жел: Бүгін Қызылорда облысында ескерту жарияланды

21 мамыр: Атаулы күндер мен оқиғалар

Елімізде коронавирусқа шалдыққандар саны 7 мыңнан асты: өсім – 3,8%