<a href="https://kyzylorda-news.kz/">Kyzylorda-news.kz</a>. Арал ауданындағы тосқауыл бекеттер жұмысын жалғастыра береді.
Қауіпті індеттің беті қайтпай тұрғандықтан, полицейлер мен санитарлық дәрігерлерден құралған топ 3 елді мекен тұсында қалдырылды. Қызылорда облысындағы басқа ауданаралық бекеттер алынды. Қазіргі таңда жұқпалы індетке шалдыққан аралдықтар саны 48-ге жетті. 114 науқас карантинде жатыр. 144 адам үй жағдайында бақылауға алынған. Ауданның бас санитарлық дәрігерінің қаулысына сәйкес демалыс орындарының ашылуына рұқсат жоқ.
<blockquote>
 “Арал қаласында 3, сонымен қатар Сексеуіл кентінде, Қамыстыбас елді мекенінде блок-бекеттер қызмет атқаруда. Күніне блок-посттардан шамамен 100-150 автокөлік кіріп-шығып жатыр. Осы блок-посттарды біз пайдаланып, қылмыстың алдын алу, бақылау, әкімшілік құқықбұзушылықтың алдын алуда жеке құрам күшетйілген тәртіппен қызмет атқаруда”,- дейді Арал аудандық полиция бөлімінің бастығы Әміржан Өтегенов.
</blockquote>

Аралдағы санитарлық бекеттер әзірге алынбайды

<a href="https://kyzylorda-news.kz/">Kyzylorda-news.kz.</a>&nbsp; Атмосфералық фронталды бөліктердің өтуіне байланысты 5 маусымда Қазақстан өңірлерінде құбылмалы күн райы күтіледі. Кей жерлерде найзағай ойнап, жаңбыр жауады, жекелеген аудандарда дауыл, бұршақ болжанады. Еліміздің тек оңтүстігі мен солтүстігі әлі де жоғары атмосфералық қысым аймағында болғандықтан, ауа райы жауын-шашынсыз болады. Кейбір өңірлерде жел күшейіп, шаңды дауыл тұрады, деп хабарлайды Қазгидромет.
Шығыс Қазақстан облысында желдің күші күндіз 23-28 м/с артады. Дауыл тұрып, бұршақ жаууы ықтимал.
Қызылорда облысында жел 15-20 м/с күшейеді, кей жерлерде шаңды дауыл күтіледі.
Түркістан, күндіз Алматы, Маңғыстау, Атырау облыстарының кей жерлерінде жел 15-20 м/с күшейеді. Түркістан облысында шаңды дауыл болжанады.
Жамбыл облысының кей жерлерінде желдің екпіні 15-20 м/с жетеді. Күндіз дауыл, бұршақ күтіледі.
Батыс Қазақстан облысының кей жерлерінде жел 15-20 м/с күшейеді, бұршақ жаууы ықтимал.
Солтүстік Қазақстан, Павлодар облыстарының жекелеген аумақтарында түнде және таңертең тұман болады. Кей жерлерінде жел 15-20 м/с артады.
Қарағанды облысының кей жерлерінде жел 15-20 м/с күшейеді, түнде бұршақ жаууы ықтимал.
Қостанай облысының кей жерлерінде жел 18 м/с күшейеді.
Қызылорда, Маңғыстау облыстарының оңтүстігінде өте қатты ыстық болады. Қызылорда облысында, Түркістан, Жамбыл, Ақмола, Павлодар, Шығыс Қазақстан, Алматы облыстарының кей жерлерінде, Ақтөбе, Қарағанды облыстарының оңтүстігінде өте жоғары өрт қаупі күтіледі.

Қызылордада шаңды дауыл болады

Бүкіләлемдік қоршаған ортаны қорғау күні
&nbsp;БҰҰ Бас Ассамблеясының шешімімен 1972 жылы бекітілген. БҰҰ-ның қоршаған ортаны қорғау жөніндегі бағдарламасын басшылыққа ала отырып өткізіледі.
Қазақстанда эколог күні
Бұл кәсіби мереке «Қазақстан Республикасындағы мерекелер туралы» ҚР Заңында белгіленген. Мұндағы кәсіби мерекелер тізімі 2011 жылы жаңартылған болатын. Эколог күні елде демалыс күні болып саналмайды.
1938 жылы Әулиеата қаласына ұлы ақын Жамбыл Жабаевтың есімі берілді. Жамбыл қаласы – Қазақстандағы көне қалалардың бірі. Ол әр жылдары Талас, Тараз, Әулиеата, Мирзоян деп аталған болатын. 1997 жылы Қазақстан Республикасы Президентінің Жарлығымен қалаға оның көне атауы (Тараз) қайта берілді.
1991 жылы ССР Қазақ министрлер кеңесінің «Міржақып Дулатовтың есімін Торғай облысы «Бидайық» кеңшарына және Қанапия Қайдосовтың есімін «Речной» кеңшарына беру туралы» Қаулысы қабылданды.
&nbsp;1992 жылы Қазақстан Республикасы Президентінің БҰҰ жанындағы Қазақстан Республикасы тұрақты өкілдігін құру туралы Жарлығына қол қойылды. БҰҰ жанындағы Қазақстан Республикасының тұңғыш тұрақты өкілі – Қазақстан тарихындағы тұңғыш елші әйел, Қазақстанның көрнекті дипломаты Арыстанбекова Ақмарал Хайдарқызы болды.
1992 жылы Қазақстан Республикасы мен Норвегия Корольдігі арасында дипломатиялық қарым-қатынас орнату туралы хаттамаға қол қойылды.

5 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 маусымға арналған жұлдыз-жорамалы.
Тоқты
Барлығы асығыс, тек сіз ғана ешқайда асықпайсыз. Әрбір қадамыңызды ойланып басасыз. Себебі сәт сайын түрлі идеялары келіп, оны жүзеге асыруға тырысасыз. Ескі таныстарыңызды жолықтырасыз. &nbsp;
Торпақ
Күніңізді ішпыстырарлықтай етіп өткізуден сақтаныңыз. Көңіл-күйіңізді түсірмеңіз. Қызықты ұсыныстарды өзгелерден күтіп отырғаннан гөрі, өзіңіз ұсыныс тастаңыз. Серуенге шығыңыз, қыдырыңыз.
Егіздер
Қарбалас күн. Басты міндетіңіз жетістікке жетудің жолын табу. Басқа шаруаларға көңіл аударудың қажеті жоқ. Айналаңыздағы жандардың сөзіне емес, өз ішкі түйсігіңізге сеніңіз.
Шаян
Егер жаңа таныстықтарды қаласаңыз үйде отырмаңыз. Қызықты кездесулерге барасыз. Айналаңыздағы адамдардың ойы сізбен сәйкес келетіні қуантады. Ұқыпты болыңыз.
Арыстан
Көптен бері ойға алған шаруаны бітіретін кез келді. Бастапқыда барлығы қиындық туғызуы мүмкін. Бірақ табандылық танытар болсаңыз, барлық жұмысты аяқтауға мүмкіндік бар.
Бикеш
Сәтті күн. Қарсыластарыңыз өте қу болғанымен, сіз олардың алдын орап аласыз. Жаңа таныстықтар орын алып, сіз бұл кеште көпшіліктің назарына ілігесіз. Алайда сақ болыңыз.
Таразы
Қаражат мәселесі толғандырып жүр. Десе де, бүгін ақша көп жұмсайсыз. Шамадан тыс десек те болады. Егер барлық алынатын заттарды ақылдасар болсаңыз, саудаңыз сәтті болады.
Сарышаян&nbsp;
Айналаңыздағы жандармен келіспейсіз. Кейде бұл әрекетіңіз дұрыс болғанымен, достарыңыздың кеңесіне құлақ түріңіз. Сондай-ақ бүгін шығармашылық жоспарлар туралы ақылдасуға қолайлы күн.
Мерген
Маңызды сауалдарға жауап табатын, пайдалы іспен айналысатын күн. Өзгелердің ағара алмағанын, тіпті ұсақ-түйекті де байқай аласыз. Сондықтан да көбісі сізден ақыл сұрауға асығады.
Тауешкі
Жаңа бастамаларды қолға алатын күн. Өз тапсырмаларыңызды да орындап, өзгелерге де көмектесе аласыз. Сонымен қатар кейін өзіңізге жақын тұтатын жанмен танысатын боласыз.
Суқұйғыш
Барлығы ойдағыдай болады. Бірақ сіздің көңіліңіз еш тоймайды. Қазіргі жағдайды ғана ойлаңыз. Болашақ туралы ойды кейінге қалдырыңыз. Әйрпесе көп жоспарларыңыз орындалмай, көңіл-күйіңіз түседі.
Балықтар
Күшіңізді өзгелермен біріктіретін күн. Егер мәселе туындаса оны жалғыз шешуге тырыспаңыз. Қиындықты бірге жеңу оңайырақ болатынын естен шығармаңыз. Кешке көңіл-күйіңіз түсуі мүмкін, бірақ жақындарыңыз сізге көмектесетін болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Кешегі Кеңес заманында ұлтымыз көп құндылығын ұмыт қалдырды десек, егемендік алған тұста да әдет-ғұрпымызға жасалып жатқан шабуылдардан көз ашпай жатырмыз.
Тәуелсіздік алған тұста есеңгіреген елді ес жинатпау мақсатында жан-жақтан түрлі діни ағымдар ағылып келе бастады. Олардың бар мақсаты қазақты қатарына тартып, болмысынан ажырату еді. Әсіресе, деструктивті діни ағымдардың әрекеті үлкен қарқынмен жүрді. Ислам атын жамылған олар өздерінің түпкі жымысқы ойларын жүзеге де асырып үлгерді. Салдарынан елімізде қаншама адам псевдосалафизм, уахабаизм, тәкфиризм сияқты ағымдардың жетегіне еріп, алды елімізде террорлық әрекеттер жасап, өзге елдерге соғысқа аттанды.
Еліміз етек-жеңін жиған соң дін мәселесіне араласу қажет екенін түсінді. Халықтың тура жолдан таюының алдын алу мақсатында 2013-2014 жылдары облыстарда Дін істері басқармалары мен Дін мәселелерін зерттеу орталықтары құрылып, тұрғындарға түсіндірме жұмыстарын жүргізе бастады. Жұмысты одан әрі жетілдіру үшін 2015 жылы жергілікті әкімдіктер жанынан мемлекеттің дін саясатын түсіндіру топтары жасақталып, елмен етене жұмыс істей бастады.
Алайда, мемлекеттің дін саласындағы саясатын ұқтыратын ақпараттық топ дін мәселесін түбегейлі шешті деп толық айтуға келмейді. Аталған топ консультативтік-кеңестік орган болғандықтан белгілі бір құзыреті жоқ. Дегенмен, облыс әкімі жанындағы дін саласындағы АТТ мүшелері жұмыла жұмыс жасап келеді. Жаздың аптап ыстығы мен қыстың ызғарлы суығында да аудан, ауылдарды аралап, жұртшылыққа дәстүрлі дін жайында ұғындырып, радикалды діни идеологияға қарсы тұруға тұрғындарды шақыруда. Мемлекеттік қызметкерлер сияқты тұрақты жалақымен қамтылмаса да мемлекеттің дін саясатын барынша халыққа түсіндіруге тырысуда. Мәселен, АТТ құрылғалы 5 жыл аралықта топ мүшелері облыс көлемінде 10 мың 306 кездесу өткізіп, 360 мың тұрғынды қамтыған. Алайда жергілікті атқарушы органдардың аймағындағы жұмыссыз жастар мен АТТ мүшелерін кездестіре алмауынан, олар өздеріне берілген аумақтағы нысананалы топтарды түгел қамтымауда.
Енді не істемек керек? Халыққа мемлекеттің дін саласындағы саясатын дұрыс түсіндіру үшін және тұрғындар арасындағы тұрақтылықты нығайту мақсатында байырғы Ақсақалдар кеңесі институтын қайта жандандыру керектігі әбден айқындалды. Ауылдық, аудандық жерлерде жас үлкен, ел ішінде беделді тұлғаларды жиып, жастардың, барша тәрбиелік жұмыстарға жұмылдыру қажет. Тура жолдан тайып, ата-баба жолынан адасқандарды да осы ақсалдардың арқасында жөнге салуға бек болады деген үмітіміз бар. Жұртқа жат ағымдарды насихаттап жүрген әсіредіншілдерді де осы институттың көмегімен аластатуға мүмкіндік туады. Ақсақалдардың арқасында ұлттық салт-дәстүрімізді қайта жаңғыртып, құндылықтардың құрметін арттырмаққа ұмтылған абзал.
Ақасақалдар кеңесінің көмегімен діни адасушыларды ғана емес, мал ұрлық, ішімдік ішіп бұзақылық жасағандарды да тезге салуды көздеу керек. Осылай шектен шыққандарды әрбір жергілікті жердегі әулеттің, ауылдың үлкендері ортаға салып, шара көрсе, нәтижелі іс болар еді. Қазіргі бүкіләлемдік дағдарыс жағдайында мемлекеттен қыруар қаржы шығындап, онсыз да қызметте жүрген азаматтарға қосымша жұмыс артпай-ақ, ақпараттық түсіндіру тобын ақсақалдар кеңесі институттарымен бірлесе жұмыс жүргізу әлдеқайда тиімді болары сөзсіз. Ендігі жерде еңбек нәтижелі болсын десек, ел ішінен еге тапқан жөн.
Ерқанат СӘРСЕНБАЙ,
Қызылорда облыстық ішкі саясат басқармасының
Дін мәселелерін зерттеу орталығының&nbsp; маманы

Ақсақалдар кеңесінің маңызын арттыру қажет

<a href="https://kyzylorda-news.kz/">Kyzylorda-news.kz.</a> Университет түлегі, ауыр атлетикадан Қазақстанның еңбек сіңірген спорт шебері, зілтемірден әлемнің төрт дүркін чемпионы Илья Ильин Қорқыт Ата атындағы Қызылорда мемлекеттік университетінің ректоры Бейбіткүл Кәрімованың қабылдауында болды.
Кездесу барысында университет ректоры зілтеміршіні жаңа қызметімен құттықтап, алдағы жұмыстарына сәттілік тіледі. Сонымен қатар кездесуде университеттің спорт саласындағы жетістіктерін арттыру мақсатындағы жұмыстар мен Илья Ильин мектебін қалыптастыру мәселесі талқыланды.&nbsp;
Сондай-ақ алдағы жаңа оқу жылынан бастап Қорқыт Ата атындағы Қызылорда мемлекеттік университетінің&nbsp; білім алушылары зілтемірден әлемнің төрт дүркін чемпионы Илья Ильиннің дәрістерін тыңдайтын болады.
<img src="https://kyzylorda-news.kz/wp-content/uploads/2020/06/ilja-3-1-scaled.jpg" alt="" />

Илья Ильин университетте дәріс береді

<a href="https://kyzylorda-news.kz/">Kyzylorda-news.kz.</a> Өңірлік бас санитар дәрігерлердің ерекше шектеу шараларын енгізуге құқығы бар. Бұл туралы бүгін ҚР Денсаулық сақтау министрі Елжан Біртанов айтты, деп хабарлайды <a href="https://www.inform.kz/kz/auru-osimi-zhogary-onirlerde-erekshe-shekteu-sharalary-engiziledi-ministr_a3658035">ҚазАқпарат</a>.
<blockquote>
 «Соңғы аптаның деректері бойынша 6 өңірде өсім байқалды. Жақында ведомствоаралық комиссия отырысын өткіздік. Кей өңірлерге қатысты ақпарат беріп жатырмыз. Ең үлкен өсім – Маңғыстау, Батыс Қазақстан және Қызылорда облыстарында. Шығыс Қазақстанда өсім болған. Бірақ, қазір жағдай реттеліп келе жатыр. Нұр-Сұлтан қаласында да өсім болды. Қазір өсім 2 пайызға төмендеді», – деді ол Орталық коммуникациялар қызметіндегі брифинг барысында.
</blockquote>
Осы ретте министр аталған жайтқа байланысты әр өңірде ерекше шектеу шаралары енгізілетінін айтты.
<blockquote>
 «Оған арнайы құқығымыз бар. Өңірлік бас санитар дәрігерлердің қаулысымен осындай шектеулер күшіне енеді», – деді Елжан Біртанов.
</blockquote>
Оның дерегінше, Атырау облысының Жылыой ауданындағы Теңіз кенішінде ғана коронавирус жұқтырғандардың саны артып тұр. Бірақ, өңірдің басқа аудандарында жағдай бірқалыпты.
<blockquote>
 «Сондықтан тек сол ауданға ғана шектеу шаралары енгізіледі», – деді ол.
</blockquote>

COVID-19: Қызылорда үлкен өсім алып тұрған облыстар қатарында

<a href="https://kyzylorda-news.kz/">Kyzylorda-news.kz.</a> Қызылорда облысының барлық аудандары мен қала бойынша көп жылдық жеміс-жидек дақылдары өңірдің мамандандыру схемасына енгізілді.
Инвестициялық субсидиялау бағдарламасына сәйкес көлемі 5 гектардан бастап қарқынды алма бағын және жеміс-жидек дақылдары мен жүзім отырғызу бойынша субсидиялар тек Шиелі мен Жаңақорған аудандарының шаруашылық құрылымдарына төленіп келді. Себебі, ҚР Ауыл шаруашылығы министрімен бекітілген өңірдің мамандандырылған схемасына осы екі аудан ғана енген болатын.
Дегенмен, облыстың табиғи климаттық жағдайына сәйкес барлық аудандарда жеміс-жидек пен көпжылдық жүзімдіктердің екпелерін отырғызу жыл сайын ұлғаюына орай ғылыми зерттеу институттарының ғылыми негізделген қорытындары алынған болатын. Осыған сәйкес, ағымдағы жылы облыс әкімдігі тарапынан ҚР Ауыл шаруашылығы министрлігіне өңірдің мамандандырылған схемасына Сырдария, Жалағаш, Қармақшы, Қазалы, Арал және Қызылорда қаласын енгізу туралы ұсыныс беріліп, басқармамен тиісті негіздемелер жолданған болатын.
Аталған ұсыныс жан-жақты зерттеліп, нәтижесінде мәселе қолдау тапты. Қазіргі уақытта ҚР Ауыл шаруашылығы министрінің 2020 жылғы 25 мамырдағы №182 бұйрығымен облыстың барлық аудандары мен Қызылорда қаласы бойынша көп жылдық жеміс-жидек дақылдары өңірдің мамандандыру схемасына енгізілді.
Айта кетейік, ауыл шаруашылығы құрылымдары отырғызатын жеміс-жидек бағының көлемі 5 гектардан бастап және одан да жоғары болған жағдайда инвестициялық субсидиялау бағдарламасы бойынша кеткен шығындардың 25 пайызы субсидияланады.

Қызылордада жеміс-жидек дақылдарына мемлекет тарапынан қолдау көрсетіледі

<a href="https://kyzylorda-news.kz/">Kyzylorda-news.kz.</a> Тәуелсіз елдің символдарына 28 жыл.
1992 жылдың төртінші маусымында мемлекеттік рәміздер алғаш рет бекітілді. Бұл сәт тарихта қатталды.
Елдігіміздің, егемендігіміздің басты нышаны – Ту! Жаныңа рух, бойыңа қуат берер бұл көк байрақтың авторы – белгілі суретші Шәкен Ниязбеков. Әуелде Мемлекеттік туға қатысты 600-ден аса жоба қаралған. Арасынан осы нұсқа ерекше көз түскен. Ерекше баға алған. Соңында көк байрақ Мемлекеттік ту болып бекітілді.
<blockquote>
 «Ұлы даланы мекендеген халық көк аспанды, ғарышты құрмет тұтады. Туымыздың көк түсті болуы сондықтан. Біз табиғаттың перзентіміз. Біздің санамыз ғарыштық сана. Көк түс біздің халқымыздың ең жақсы көретін символы. Күннің көзі жерді қалай сүйетін болса, әрбір қазақ жерді солай сүю керек. Жерді сүю дегеніміз – мемлекеттік рәміздерін сүю», – дейді филология ғылымдарының докторы, профессор Серік Негимов.&nbsp;
</blockquote>
Ерекше сүйетін тағы бір басты рәмізіміз бар. Елтаңба деген. Бұл қос сәулетші Жандарбек Мәлібеков пен Шота Уәлихановтың ерен еңбегінің нәтижесі. Автордың бірімен сұхбаттастық. Естігеніміз, елтаңба намыстан туған нышан. Бұл рәміз «қазақта мәдениет пен тарих жоқ» деп бөскен керауыздарға жауап болды.
<blockquote>
 «Ру тайпалық таңбалар бар. Ондай 300-ге жуық таңбалар бар. Соның бәрін зерттеп, әлемдегі өзге елтаңбаларды зерттеп, содан туған елтаңба. Елтаңбаның ортасында тұрған. Қарашаңырақ. Керегең кең, босағаң берік болсын дегенді білдіреді. Ал шетіндегі тұлпарлар Отанды қорғау. Шаңырақтың жан жағында таралып тұрған 72 уық бар. Сол 72 уық біздің көпұлтты халық екенімізді білдіреді. Бұрышты жұлдыз ешқандай Кеңес үкіметіне, дінге жатпайды», – дейді ҚР мемлекеттік елтаңбасының авторы Жандарбек Мәлібеков.
</blockquote>
Осы қос нышанды әзірлейтін кәсіпорынға бардық. Бас қаланың индустриалды паркінде орналасқан екен. Көк байрақ тігіліп, елтаңба жасалады мұнда. Пластик қондырғыда 230 градуста балқытылып, біріктіріліп, кейін одан Елтаңба алынады. Кейін ол боялып, бас-аяғы 1 жарым сағаттың ішінде мемлекеттік рәміз пайда болады. Оның ені – 500 мм.
<blockquote>
 «Бір күнде қызметкерлеріміз орташа есеппен 70-80 елтаңбаны жасап шығарады. Еліміздің бұл нышаны әлем бойынша ең қиын жасалатын елтаңба саналады. Ту да сол көлем де әзірленеді. Бас қаладағы бірталай мемлекеттік мекемеде біздің кәсіпорында жасалған нышандар тұр», – дейді кәсіпорын бөлімінің жетекшісі Игорь Беляуш.
</blockquote>
Елбасының қазақ тілі əліпбиін кириллицадан латын графикасына көшіру туралы Жарлығына сəйкес Елтаңбамыздағы «Қазақстан» сөзі латын қарпімен жазыла бастады. Бұрынғы нұсқадағы елтаңбаны 2022 жылға дейін қолдана беруге болады. Елімізді көкбайрақпен қатар айдай әлемге танытқан және бір нышанымыз – Әнұран. Композитор Шәмші Қалдаяқовтың ақын Жұмекен Нәжімеденовтің және Нұрсұлтан Назарбаевтың сөзіне жазылған «Менің Қазақстаным» әні 2006 жылдың алтыншы қаңтарында Гимн болып бекітілді.
Осылайша жаңа Әнұран 2006-ның 11 қаңтарында Президентті салтанатты ұлықтау рәсімінде алғаш рет шырқалды.
Естіген адамның қолтығына қанат байлап, көкке ұшырып жіберетіндей әсер қалдыратын Әнұранымыз талай әлемдік аренада асқақтап келеді. Асқақтай бергей Азаттығымыздың айғағы мемлекеттік рәміздерге асқан құрметпен қарау – қасиетті міндет! Сүйсінері сол, биыл да, былтыр да ел бойынша рәміздерді қорлау дерегі тіркелмеген. Көк тудың тозбауы, жыртылмауы, тұғырына оралып қалмауы басты назарда болуы тиіс. Елтаңбаның да ғимараттарда ережеге сәйкес ілінгені жөн. Тек бұл нышандарды жеке тұлғалар өздігінше қолдана алмайды. Яғни елдігіміздің басты белгілерін көшеде алып жүруге яки қылтимаға іліп қоюға заңда рұқсат жоқ. Осыны ескермек ләзім.
** 
<a href="https://24.kz/kz/zha-aly-tar/o-am/item/400535-memlekettik-r-mizder-alaj-zh-ne-ajda-zhasalady">«Хабар 24»</a>**

Мемлекеттік рәміздер қалай және қайда жасалады?

<a href="https://kyzylorda-news.kz/">Kyzylorda-news.kz.</a> Ауа райының қолайсыздығына байланысты Қызылорда, Атырау, Алматы, Маңғыстау облыстарында ескерту жарияланды, деп хабарлайды Қазгидромет.
5 маусымда күндіз Қызылорда облысының оңтүстігінде 40 градус қатты ыстық болады. Солтүстік-шығыстан жел соғады, жылдамдығы 15-20 м/с жетеді, кей жерлерде шаңды дауыл тұрады.
Сонымен қатар Атырау облысының кей жерлерінде найзағай жарқылдайды, солтүстік-батыс, солтүстіктен соғатын жел күшейіп, жылдамдығы 15-20 м/с жетеді, оңтүстікте қатты 35 градус ыстық болады.
Ертең Алматы облысының кей жерлерінде найзағай ойнап, күндіз батыстан солтүстік-шығысқа ауысатын желдің екпіні 15-20 м/с жетуі мүмкін. 5 маусымда Маңғыстау облысының кей жерлерінде найзағай жарқылдайды. Күндіз кей жерлерде жерлерде 38 градус ыстық, шаңды дауыл соғуы мүмкін.
Ал Солтүстік-батыстан соғатын желдің күші кей жерлерде 15-20 м/с жетеді. Сол күні түстен кейін Ақтауда найзағай ойнап, кешке солтүстік-батыстан соғатын желдің екпіні 15-18 м/с жетуі ықтимал.

Қызылорда облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Қызылорда облысының бас санитары Әлия Әбдіқайымова аймақта коронавирус індетінің көп таралуына байланысты жиын-тойларды, ойын-сауықты доғара тұру қажет екенін ескертеді.&nbsp;
<blockquote>
 «Жаз мезгілінің аптап ыстығында халықты шектеуде ұстау мүмкін емес. Дегенмен шыдамдылық танытып оқшауланудың қарапайым ережелерін эпидемиологиялық ахуал тұрақтанғанша ұстағанымыз жөн. Бүгінгі күрделі эпидемиологиялық ахуал әлі де болса мерекелік шараларды, жиын-тойларды, ойын-сауықтарды, топтасып қыдыруды доғара тұруды талап етеді», – деді Қызылорда облысының тауарлар мен көретілетін қызметтердің сапасы мен қауіпсіздігін бақылау департаментінің басшысының орынбасары, облыстың бас мемлекеттік санитариялық дәрігері Әлия Әбдіқайымова.
</blockquote>

Әлия Әбдіқайымова: Бүгінгі эпидемиологиялық ахуал топтасып қыдыруды доғара тұруды талап етеді

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы халыққа қызмет көрсету орталықтарының жұмысы қайта жанданғаннан кейінгі көп сұратылған мемлекеттік қызметтердің рейтингін жасады.
№1
Азаматтар мамыр айында ХҚО-лар ашылғаннан кейін көбіне жеке куәлік пен паспорт алу үшін жүгінген. Алдын ала есептеулер бойынша 155 мыңнан астам азамат жеке басын куәландыратын құжатын жаңартқан.
№2
Екінші орында автокөлікті қайта тіркеу қызметі. Мамырда автомобиль иелері Қазақстанның мамандандырылған ХҚО-ларында 118 мыңнан астам көлікті қайта тіркеген.
№3
ХҚО-лардың ашылуын жылжымайтын мүлік иелері де күтті. Азаматтар жылжымайтын мүлікке құқықтарды (ауыртпалықтарды) мемлекеттік тіркеу қызметі үшін ХҚО-ға 56 мыңнан астам рет жүгінген.
№4
Төртінші орында жүргізуші куәліктерін ауыстыру және беру қызметі. Мамыр айында 30 мыңға жуық құжат рәсімделген.
№5
Карантиннен кейінгі сұранысқа ие бесінші қызмет – әлеуметтік қауіп-қатер жағдайында әлеуметтік жәрдемақылар тағайындау қызметі. Бұл негізінен жүктілік және босануға байланысты берілетін төлем. Оны 20 мыңнан астам жүкті әйел алған.
Азаматтарға арналған үкіметтің алдын ала мәліметтері бойынша мамыр айында ХҚО арқылы 645 мыңнан астам мемлекеттік қызмет алынған. Бұл жерде ХҚО-лардың әр уақытта ашылғанын ескеру керек. Мәселен, Қарағанды ​​облысының халыққа қызмет көрсету орталықтары 4 мамырда, ал Алматыдағы ХҚО-лар өз жұмысын 25 мамырда бастады.
Естеріңізге сала кетейік, төтенше жағдай режимі алынып тасталғаннан кейін ХҚО ғимараттарында азаматтардың жиналуын және қызмет алушылардың вирусты жұқтыру жайдайларын болдырмау үшін ХҚО-лар egov.kz порталында қолжетімсіз және тек алдын ала брондау арқылы «қағаз» жүзінде көрсетілетін қызметтерді (106 мемлекеттік қызмет) ғана ұсынады. ХҚО-ға кезекті еgov.kz порталы, eGovKzBot2.0 телеграм-боты немесе 1414 байланыс орталығына қоңырау шалу арқылы брондауға болады.

Қазақстан және Қызылорда облысының жаңалықтары