<a href="https://kyzylorda-news.kz/ru/">Kyzylorda-news.kz.</a> Арал ауданындағы Қаратерең елді мекенінде 1974 жылы туған Ақтөбе қаласының тұрғыны – аңшының жоғалып кетуіне орай іздестіру жұмыстары ұйымдастырылды.
Іздестіру-құтқару жұмыстары “Көкарал” шлюзінің плотинасынан басталды. Іздестіру жұмыстарына Қызылорда облысы Өрт сөндіру қызметі Жедел-құтқару жасағынан 4 құтқарушы, 1 техника, жергілікті полициядан 8 қызметкер 2 техника және аудан әкімдігінен 5 қызметкер 2 техника жұмылдырылды.Қазіргі уақытта шлюзден 30 шақырым жерде іздеу жұмыстары жүргізілуде. Құтқарушылар көл маңайындағы батпақты жерде жаяу жүріп жұмыс жүргізуде. Іздеу операциясы күн батқанға дейін жалғасады.
Бұған дейін 2020 жылдың 27 қазанында 3 аңшы Арал ауданы Қаратерең елді мекені, Арал теңізіне қарай құс атуға шыққаны белгілі болды. Бірнеше сағаттан кейін аңшылардың бірі жоғалып кеткен. Қасындағы достары оны іздеуге шыққан. Келесі күні де сол маңда аңшылықта жүрген аңшылардан көмек сұрап, олар да бірге іздестірген. Алайда, өз бетінше іздестіру еш нәтиже бермеген.

Аралда аңшы жоғалып кетті

<a href="https://kyzylorda-news.kz/ru/">Kyzylorda-news.kz.</a> 30 қазан күні еліміздің басым бөлігінде жауын-шашынсыз ауа райы күтіледі.
Республиканың тек солтүстік-шығысы мен шығысында қар мен жаңбыр түрінде жауын-шашын болады. Жекелеген өңірлерде тұман, желдің күшеюі, оңтүстік-батыста шаңды дауыл, шығыста жаяу бұрқасын болжанады. Солтүстік пен шығыста сондай-ақ көктайғақ күтіледі.

Жұмаға арналған ауа райы болжамы

<a href="https://kyzylorda-news.kz/date/2020/10/29/">Kyzylorda-news.kz</a>. Жаңақорған ауданының азаматтық қорғау гарнизонының қызметкерлері Шалқия кентінің көшелерінің тұрғындарына&nbsp;«Көмір қышқыл газы! Сақ болыңыз!» тақырыбында&nbsp; түсіндірме жұмысын&nbsp; жүргізді.
Іс-шара кезінде көп балалы 7 отбасыға және жалғыз басты 17 ананың тұрғын үйлеріне&nbsp; көмірқышқыл газының автономдық датчиктерін&nbsp; орнатып берді.
<img src="https://kyzylorda-news.kz/wp-content/uploads/2020/10/img_20201029_115102.jpg" alt="" />
<img src="https://kyzylorda-news.kz/wp-content/uploads/2020/10/img-20201029-wa0030.jpg" alt="" />

Жаңақорған: Көп балалы отбасылардың үйіне датчик құрылғысы орнатылды

<a href="https://kyzylorda-news.kz/date/2020/10/29/">Kyzylorda-news.kz</a>. Жалағашта нәтижелі жұмыспен қамтудың және жаппай кәсіпкерлікті дамытудың 2017-2021 жылдарға арналған «Еңбек» бағдарламасы сәтті жүзеге асуда.
Жоба аясында қысқа мерзімді кәсіптік оқуға облыстық бюджеттен қаржы бөлініп, 45 адам оқу курсынан өтті. Ал бағдарламаның екініші бағыты бойынша өзін-өзі жұмыспен қамтыған 74 адамға 337,7 млн теңге көлемінде шағын несие берілді. Бүгінде несие алған азаматтардың 63-і өз кәсібін ашты. Нәтижесінде 75 жаңа жұмыс орны құрылды.
Биыл ауданда «Бастау Бизнес» жобасы аясында 185 адам онлайн оқытуға жолданса, 117-і қаржылай қолдауға ие болды.
Айта кетейік, ауданда жұмыссыздықты азайту мақсатында тиісті жұмыстар жасалып, жыл басынан бері 1363 жаңа жұмыс орны ашылды, оның 940-ы тұрақты.

Жалағашта 940 тұрақты жаңа жұмыс орны ашылды

<a href="https://kyzylorda-news.kz/date/2020/10/29/">Kyzylorda-news.kz.</a> Дүниежүзілік инсульт күні 2006 жылдан бастап 29 қазанда жыл сайын атап өтіледі.
Инсульт – мидың белгілі бір бөлігінің қанмен қамтамасыз етілуінің бұзылуы, оның жасушаларының өлуіне немесе қан тамырларының жарылуына әкелетін жағдай.
<blockquote>
 «Профилактика мен уақытылы диагностикаға баса назар аудару өте маңызды», – дейді мамандар.
</blockquote>
Өйткені бұл ауру адам өлімінің және мүгедектіктің алғашқы себептерінің бірі. Инсульттан аман қалғандарға ерекше күтім мен жақындардың көмегі қажет.
№1 көпсалалы қалалық аурухананың инсульт орталығының дәрігері Елена Шихалееваның айтуынша, инсульттің алдын алу үшін мына нәрселер маңызды:
⁃ таңертең және кешке артериялық қысымды бақылаңыз (оңтайлы систолалық (жоғарғы) қысым 110-139 мм рт.ст. аралығында болуы керек; көрсеткіштер үнемі жоғарылаған жағдайда дәрі-дәрмекпен емдеуді тағайындау үшін дәрігермен кеңесіңіз);
⁃ холестерин деңгейін бақылаңыз, өйткені оның көп мөлшері қан тамырларының қатаюын қоздырады;
⁃ дұрыс тамақтану – тұзды тұтынуды азайту, көкөністер мен жемістердің мөлшерін көбейту. Диетада біртіндеп өзгеріс енгізу үшін жолда жеңіл тағамдар мен шамадан тыс тамақтанудан, әсіресе тәттілер мен шұжықтардан аулақ болыңыз;
⁃ спортпен шұғылдану – орташа дене белсенділігі (велосипед тебу, жүгіру, гимнастика, таза ауада серуендеу, жүзу, теннис);
⁃ алкогольді ішімдіктерді тұтынуды шектеу;
⁃ 40 жасқа толғаннан кейін жыл сайынғы медициналық тексеруден өту (жүрек пен қан тамырларының ультрадыбыстық зерттеуі, ЭКГ, қанның биохимиялық анализі, мидың МРТ);
⁃ жоғары психо-эмоционалдық күйзелістен арылу;
⁃ шылым шекпеу.
Елордада №1 және 2 көпсалалы қалалық ауруханаларда инсульт орталықтары жұмыс істейді. Олар жүйке жүйесінің әртүрлі патологиялары бар науқастарға жоғары білікті мамандандырылған медициналық көмек көрсетеді.
<blockquote>
 «Медициналық көмектің жылдамдығы жан-жақты және дұрыс таңдалған оңалту қалпына келтіру үшін маңызды», – дейді дәрігерлер.
 «Оңалту күндерін жіберіп алмай, жүктемені біртіндеп арттырған жөн. Инсульттан кейінгі алғашқы 2-3 айда көп жұмыс істеу керек», – дейді №2 аурухананың инсульт орталығының меңгерушісі Әлия Иманова.
</blockquote>
Тек 9 айда ауруханаларда ишемиялық және геморрагиялық инсульт, транзиторлық ишемиялық шабуыл диагнозымен 1388 науқас емделді.
Инсультті қалай анықтауға болады?
Адамнан күлімсіреуін сұраңыз (күлімсірегенде екі езуін бірдей тарта алмайды, жай ғана миық тартқан болып шығады).
Қарапайым сөйлемді қайталауын сұраңыз. Мысалы: «Бүгін ауа райы жақсы» (сөйлеу баяулайды, адам мәтінді есінде сақтамауы мүмкін).
Екі қолын көтеруді сұраңыз (көтере алмауы немесе жартылай ғана көтеруі мүмкін).
Тілін шығаруды сұраңыз (егер тіл қисық, бұрылған болса, бұл да аурудың белгісі).
Егер адам осы тапсырмалардың біреуін болсын орындау кезінде қиындықтарға тап болса, жедел жәрдем шақырыңыз! Өйткені дәрігерлер инсульт құрбаны болған жағдайда 3 сағат ішінде көмек көрсетілсе, аурудың салдарын жоюға болады деп сендіреді.
<a href="https://24.kz/kz/zha-aly-tar/bylu-manyzdy/item/432862-insultti-alaj-tez-any-tau-a-bolady">Хабар 24</a>

Инсультті қалай тез анықтауға болады?

<a href="https://kyzylorda-news.kz/date/2020/10/29/">Kyzylorda-news.kz.</a> Жыл басынан бері пандемияға байланысты аймақтағы әуежай мен вокзалдарда санитарлық-эпидемиологиялық талаптардың сақталуына қатысты зерделеу жұмыстары жүргізіліп келеді.
Қызылорда облыстық жолаушылар көлігі және автомобиль жолдары басқармасының мамандары көлік инфрақұрылымы нысандарына барып, жолаушылардың қауіпсіздігін әрдайым қадағалауда.
Бүгінде облыс орталығындағы «Салтанат» ЖШС-не қарасты автовокзал және темір жол вокзалы жанындағы аралық аялдамада коронавирус инфекциясына қарсы тәртіп күшейтіліп, профилактикалық дезинфекциялық шаралар тиісті көлемде атқарылады. Жолаушылар арасындағы әлеуметтік арақашықтық және бетперде режимі талапқа сай жүргізіліп, әрбір жолаушыда өзімен бірге міндетті түрде жеке қорғаныс құралдарының болуы қатаң қадағалануда. Сондай-ақ, автовокзал, темір жол вокзалдары ғимаратына кірер кезінде қызметкерлер әрбір жолаушыларды термометрия бақылауынан өткізеді. Жолаушыларда жеке қорғаныс құралдары болған жағдайда ғана автобустарға отырғызу жүзеге асырылады. Сондай-ақ, тасымалдаушыларға жүк және жолаушы тасымалдаудың арнайы алгоритмдері әзірленді. Қазіргі уақытта автовокзалда, автобус салондары мен багаж бөлімдерінде рейс алдындағы және рейстен кейінгі дезинфекциялық өңдеу жұмыстары тұрақты түрде жүргізіліп, бұл іс-шараға темір жол және вокзалдары басшылығымен арнайы мамандар бөлінген.
Әуе тасымалында да жағдай да қатаң қадағалауға көшкен. Әуежай ғимараты санитайзермен жабдықталған. Сонымен бірге, жолаушылар көп шоғырланатын жерлер, әуе кемесінің, автобустар мен шағын автобустардың салондары, автомобиль траптары арнайы дезинфекциялық құралдармен өңделеді. Әуежай қызметкерлері жолаушыларды сапарға шығар алдында термометрия бақылауынан өткізеді. Әуежай кешенінде коронавирустық инфекцияның белгілері мен сақтық шаралары туралы ақпараттандырылған парақшалар ілінген және 4 минут сайын сақтық шараларына қатысты дауыс ұлғайтқышпен хабарландырулар жүргізіліп отырады. Мұндағы қызметкерлер де жеке қорғаныс құралдарымен жеткілікті көлемде қамтамасыз етілген.

Қызылордада әуежай мен вокзалдарда санитарлық талаптар бақылауда

<a href="https://kyzylorda-news.kz/date/2020/10/29/">Kyzylorda-news.kz.</a> Қызылорда облыстық көпбейінді ауруханасына шұғыл күндері орта есеппен 10 адам инсультпен түседі.
Аймақта диспансерлік есепте инсульт алған 3 мыңға жуық адам тұр. Олардың қатарында қала тұрғыны Айнагүл Бермағанбетова да бар. Жақында ол облыстық ауруханаға ауыр халде жеткізілді. Нейроинсульт бөлімшесінің дәрігерлері санаулы минуттарда науқастың өмірін сақтап қалды.
<blockquote>
 _“Менің қан қысымым жоғары. Сол күнде ол 220-ға дейін көтерілді. Жұлынның өткір ауыруы пайда болды. Жедел жәрдем шақырылды, тез ауруханаға жеткізілді, шұғыл ота жасалды. Дәрігерлерге рахмет! Олар менің өмірімді сақтап қалды”, – деді науқас _Айнагүл Бермағанбетова__.
 _“Науқаста ми тамырларының аневризмасы бар. Ісінген тамырдың қуысына, аневризмаға платина микроспиралы орнатылды. Бұл нәзік, уақытты қажет ететін ота. Микрокатетор жамбас артериясы арқылы енгізіледі, ол спиральды ми тамырына жеткізеді. Айта кетейік, осындай бір спираль 250-300 мың теңге тұрады. Науқас аневризманың мөлшеріне байланысты 10 спиральға дейін енгізіледі. Міндетті әлеуметтік медициналық сақтандыру жүйесінің арқасында аталған жоғары технологиялық медициналық қызметтер барлық пациенттер үшін тегін”, – дейді _нейрохирург-дәрігер_ Қанат Набдинов._
</blockquote>
Инсульт және оның салдары мүгедектікке апарып соқтыратын себептердің арасында бірінші орын алады. Инсульт белгілерін уақтылы анықтау маңызды. Бұл бас айналу, қатты бас ауруы, қолдың, аяқтың ұйып қалуы, сөйлеу, көру, мимика қабілеттерінің бұзылуы және т.б. 5-8 сағат ішінде мұндай белгілері бар науқастың өмірін сақтап қалуға болады.
<blockquote>
 “Бізге жоспарлы түрде де пациенттер келіп түседі. Егер инсульт қаупі болса. Оларға да оталар тегін жүргізеледі. Науқастар ес түссіз күйінде де түседі. Мұндай кезде біз науқастың денсаулық жағдайының жақсаруын күтеміз және ол есін жиғаннан кейін ғана хирургиялық ота жасауды жүзеге асырамыз”, – дейді Қанат Набдинов.
</blockquote>
Ағымдағы жылдың 9 айында облыстық стационарлық ауруханаларда инсульттің&nbsp;&nbsp;&nbsp; &nbsp;2 096 жағдайы емделіп шықты. Бұл мақсатқа Әлеуметтік медициналық сақтандыру қорынан 560,3 млн теңге бөлінді.
Дәрігерлердің айтуынша, профилактикалық тексерулерден уақытылы өту қан айналымы жүйесі ауруларының, соның ішінде инсульттің алдын алуға мүмкіндік береді. 40 жастан кейін ерлер мен әйелдер екі жылда бір рет артериялық гипертонияны, жүректің ишемиялық ауруын, қант диабетін, глаукоманы ерте анықтауға скринингтен өтеді.
Айта кету керек, профилактикалық тексерулерді қаржыландыру МӘМС қаражаты есебінен жүзеге асырылады, сондықтан скринингтен өту үшін сақтандыру мәртебесіне ие болу қажет.

Қызылордада шұғыл күндері 10 адам инсультпен ауруханаға түседі

<a href="https://kyzylorda-news.kz/date/2020/10/29/">Kyzylorda-news.kz.</a> Қызылорда облысында 5 шілдеден бастап мониторингтік топ бақылау жұмыстарын жүргізіп келеді. Осы уақыт аралығында 736 заңбұзушылық анықталды.
Карантин талаптарын бұзудың басым бөлігі үй жағдайында көпшілік жиын ұйымдастыру және қоғамдық тамақтану орындары мен азық-түлік сауда үйлеріне қатысты тіркелген. Оның ішінде, 14-і жеке кәсіпкерлікке, 722-і жеке тұлғаға айыппұл салынды. Халыққа қызмет көрсету орындарындағы карантин талаптарын бұзушылықтың басым бөлігі санитариялық талаптардың сақталмауына қатысты, яғни қызметкерлер маскасыз, қорғаныш қолғаптарынсыз қызмет көрсеткен.
Сонымен қатар, шекті уақыттан асырып жұмысын жалғастырған нысандар да бар.Атап айтқанда, 257 дерек маска тағу ережесін бұзған және әлеуметтік арақашықтықты сақтамаған , 58-і жұмыс жасау уақытының шектелуі , 29-і тыйым салынған нысанның қызмет көрсетуі, 14-і залалсыздандыру талаптарының сақталмауы бойынша бұзушылық орын алды.

Карантин: Қызылордада той өткізушілер көп

<a href="https://kyzylorda-news.kz/date/2020/10/29/">Kyzylorda-news.kz.</a>&nbsp;Қызылордада “Пандемия кезеңіндегі цифрландыру: жаңа сын-қатерлер мен үрдістер” тақырыбында онлайн-форум өтті. Zoom қосымшасы арқылы өткен жиынға Сингапур мен республикадағы бірқатар ұйымдардың IT сала мамандары қатысты.
Цифрландырудың басты міндеті – халықтың цифрлық сауаттылығын арттыру болып табылады. Бұрындары кез-келген қағазды алуға күндер, тіпті, апталар да кететін. Бұл процестер бүгінде цифрландырудың арқасында әлдеқайда жеңілдетілді. Қазіргі таңда қажетті анықтамалар мен құжаттарды алуға және шығаруға бірнеше минут ғана кетеді.
Жиында қатысушылар өз салаларындағы жаңалықтар мен өзгерістері турасында баяндама жасап, тәжірибелерімен бөлісті. “Азаматтарға арналған үкімет” мемлекеттік корпорациясы” КЕ АҚ Қызылорда облысы бойынша филиалының директоры Айдын Қайруллаев өз баяндамасында мемлекеттік қызметтер жайында сөз сөйлеп, атқарылып жатқан жұмыстар мен жаңа бастамаларға тоқталды.
Әлем жұртын алаңдатқан пандемия мемлекеттік қызметтерді онлайн форматқа көшу процесін әлдеқайда жеделдетті. Қазіргі кезде азаматтар үйден шықпай-ақ, кез-келген жерде смартфон мен компьютер арқылы қызметтердің 80%-дан астамын онлайн түрде алуға мүмкіндіктері бар.
Бұрын тұрғындар бала тууына байланысты жәрдемақы мен балабақша кезегіне қою мен “Алтын алқа” және “Күміс алқа” иегерлері жәрдемақы алуы үшін Халыққа қызмет көрсету орталықтарына келіп, құжат өкізу қажет болатын. Ал, бүгінде бұл қызметтерді бір ғана СМС-тің көмегімен проактивті түрде алуға мүмкіндіктер жасалынған. Ол үшін бар болғаны тұрғындар мобильді азаматтар базасына тіркелуі тиіс.
<blockquote>
 “Біз мұнымен тоқтап қалмай, мемлекеттік қызметтерді автоматтандыру мен оңтайландыру бойынша одан әрі жұмыс істейтін боламыз”, – деді филал директоры Айдын Бөкенбайұлы.
</blockquote>

Қызылорда: Пандемия кезіндегі цифрландыру

<a href="https://kyzylorda-news.kz/date/2020/10/29/">Kyzylorda-news.kz.</a> Қазақстан Тәуелсіздігінің 30 жылдығына орай, заңға сәйкес, азаматтарға және жалпы мемлекетке қауіп келтірмейтін қылмыс жасаған адамдарға амнистия жасалады. Бұл туралы Президент Қасым-Жомарт Тоқаев Ішкі істер министрлігінің кеңейтілген алқа мәжілісінде айтты, деп хабарлайды Ақорданың баспасөз қызметі.
Президент полиция қызметін цифрландыру, заңсыз есірткі айналымымен күресті күшейту, түзету жүйесінің жағдайын жақсарту керек екенін мәлімдеді.
<blockquote>
 “Елдегі күрделі әлеуметтік-экономикалық жағдайда қылмыстың өршуіне және түрме «тәртібінің» таралуына мүлде жол беруге болмайды. Ондағы жағдайдың аса мәз емес екені мәлім. Бас бостандығынан айырмай жазалауға қатысты түйткілдер бар. Министрлік қылмыстық-атқару жүйесіндегі мәселелерді шешу бойынша нәтижелі жұмыстар көрсетуі керек”, – деді Мемлекет басшысы.
</blockquote>

Тәуелсіздіктің 30 жылдығына орай амнистия жасалады

<a href="https://kyzylorda-news.kz/date/2020/10/29/">Kyzylorda-news.kz</a>. Қызылордалық полицейлер «Hi-tech» іс- шарасы барысында интернет алаяқты ұстады.
Соңғы кездері интернет-алаяқтар әлеуметтік желілерде, соның ішінде Telegram, Facebook, Instagram желілерінде белсенділік танытып, жалған боттар жасау арқылы қолданушылармен хат алмасып, олардың сеніміне кіреді.
«Hi-tech» жедел-профилактикалық іс-шара аясында қалалық Полиция басқармасының қызметкерлері интернет – алаяқты ұстады. Ол WhatsApp мессенджерінде Life Styler чатын ашып, ақшаны көбейтемін деп уәде беріп, уәдесін орындамай облыс орталығының тұрғыны 54 жастағы әйелді алдаған.
Жедел-іздестіру іс-шараларының нәтижесінде полиция қызметкерлері 36 жастағы күдіктіні ұстады.
Қазіргі таңда Қазақстан Республикасы Қылмыстық кодексінің 190-бабы 2-бөлігінің 4-тармағы бойынша (Ақпараттық жүйені пайдаланушыны алдау немесе сенімін теріс пайдалану жолымен жасалған алаяқтық) сотқа дейінгі тергеп-тексеру амалдары жүргізілуде.

Қызылордада интернет-алаяқ ұсталды

<a href="https://kyzylorda-news.kz/date/2020/10/29/">Kyzylorda-news.kz</a>. Алдағы 3 жыл ішінде полицейлердің жалақысы 30 пайызға өседі. Бұл туралы бүгін Президент Қасым-Жомарт Тоқаевтың төрағалығымен өткен Ішкі істер министрлігінің кеңейтілген алқа мәжілісінде айтылды, деп хабарлайды Ақорданың баспасөз қызметі.
Мемлекет басшысы ішкі істер саласы қызметкерлерінің еңбекақысы төмен екенін айтты. Бұл көптен бері қордаланған мәселелерді бірі. Осыған орай ол Үкіметке 3 жылдың ішінде тәртіп сақшыларының еңбекақысын 30 пайызға көтеру туралы тапсырма берді.
Сонымен қатар Президент тәртіп сақшыларына баспана жалдауға өтемақы ретінде 15 миллиард теңгеден астам қаржы бөлінетінін жеткізді.
<blockquote>
 “Келер жылдың 1 қаңтарынан бастап осы мақсаттарға қосымша 10 миллиард теңге бөлінеді. Бұл шара аясында кезекші бөлімнің қызметкерлері, қарауыл қызметі, арнайы күзет ұйымдары, ведомстволық оқу мекемелері және қылмыстық-атқару жүйесінің қызметкерлері қамтылып, жалпы 8 мың адамға қолдау көрсетіледі”, – делінген хабарламада.
</blockquote>
Президент барлық мемлекеттік басқару жүйесіне үлкен сынақ болған COVID-19 пандемиясы кезінде полиция қызметкерлерінің ерекше еңбегін атап өтті.
<blockquote>
 “Қазіргі жағдайда дәрігерлермен қатар майданның алғы шебінде полиция қызметкерлері де жүр. Өйткені азаматтардың қауіпсіздігі ғана емес, олардың денсаулығы мен берекелі өмірі сіздердің жұмыстарыңызға тікелей байланысты. Сондықтан бүгінгідей күрделі жағдайда мемлекет індетке қарсы тұрғандардың барлығын қолдайды. Менің тапсырмам бойынша пандемияның бірінші кезеңінде карантин шараларын қамтамасыз етуге қатысқан ішкі істер органдарының қызметкерлеріне сыйақы төлеуге 6,6 миллиард теңге бөлінді. Жыл соңына дейін тағы да 11,5 миллиард теңге беріледі”, – деді Мемлекет басшысы.
</blockquote>

Қазақстан және Қызылорда облысының жаңалықтары