<a href="https://kyzylorda-news.kz/date/2020/10/26/">Kyzylorda-news.kz</a>. Қызылордада шыны зауытының іске қосылуымен шыны кластерін құру жоспарлануда. Қазір зауыт айналасында 8 ілеспе өндіріс құру мүмкіндігі пысықталуда. Жобалардың жалпы құны – шамамен 27 млрд. теңге, 336 жұмыс орны құрылады.
Бүгінгі күні инвесторлармен шыны талшық, айна, шыны ыдыс және ыдыс өндірісін құру бойынша жалпы құны 16 млрд. теңге болатын 3 жобаны іске асыру бойынша жұмыс басталды.
Химиялық кластерді кальцийленген сода өндіретін зауыттың айналасында құру жоспарлануда. Ас содасын, жуу құралдарын, еріткіштерді, химикаттарды және басқа да өнімдерді шығару жөніндегі өндірістерді құру жобалануда.

Қызылордада шыны және химиялық кластерлер құрылуда

<a href="https://kyzylorda-news.kz/date/2020/10/26/">Kyzylorda-news.kz.</a> Байқоңыр қаласында полиция қызметкерлері рейдтік іс-шара барысында сауда орталықтарының бірінде контрафактілік сағаттарды&nbsp; сатқан жергілікті тұрғынды анықтады.
Жедел уәкілдер бұл азаматтың лицензиялық келісім-шартынсыз «Rolex», «Daniel wellington», «Rado», «Calvin Klein», «Hublot», «Tissot», «Apple», «Burberry» және «Longines» маркалы ерлердің қол сағаттарын тәркіледі.
<blockquote>
 “Қазіргі таңда Қазақстан Республикасы Қылмыстық кодексінің 198-бабының 3-бөлігінің 2 тармағы (Авторлық және (немесе) сабақтас құқықтарды бұзу) бойынша сотқа дейінгі тергеп-тексеру амалдары басталды. Мән-жайлар анықталуда” , – делінген полиция департаментінің хабарламасында.
</blockquote>

Байқоңырда полицейлер контрафактілік сағаттарды тәркіледі

<a href="https://kyzylorda-news.kz/date/2020/10/26/">Kyzylorda-news.kz</a>. Ұлттық банк “Баспана Хит” бағдарламасын түзету енгізді. Негізгі мақсат – қолжетімді баспананы арттыру, деп хабарлады Қазақстанның орнықтылық қоры.&nbsp;
Ресми мәліметке сәйкес, “Баспана Хитті” іске асыру кезінде азаматтардың өтініштері, банктер, құрылыс компаниялары мен қоғамдық бірлестіктердің ұсыныстары зерделенді. Соның негізінде Ұлттық банкі тұрғын үйдің қолжетімділігін арттыруға және бастапқы тұрғын үйге сұранысты көбейтуге бағытталған түзетулерді бекітті. Қаулыда бірнеше өзгеріс бар. Атап айтқанда, ипотеканың шекті көлемі ұлғайды.
<ul>
<li>Нұр-Сұлтан мен Алматы қалаларында бастапқы тұрғын үйдің ең жоғары құны – 35 миллион теңге;</li>
<li>Шымкент қаласында бастапқы және қайталама нарықтарда сатып алынатын тұрғын үйдің ең жоғары құны – 25 миллион теңге;&nbsp;</li>
<li>Қарағанды қаласында – 20 миллион теңге;</li>
<li>Басқа аймақтарда – 15 миллион теңге.</li>
</ul>
Бұдан бөлек, енді бағдарламаға қатысушалыр салынып жатқан тұрғын үйден пәтер таңдап, құрылысқа үлескерлік қатысу құқығымен ипотека рәсімдей алады. Барлық шаралар&nbsp; “Тұрғын үй құрылысына үлестік қатысу туралы” заңға сәйкес атқарылады.&nbsp;
<blockquote>
 “Баспана Хит” бағдарламасының клиенттері қазірден бастап жаңа шекті бағалармен ипотека рәсімдей алады. Ал үлестік қатысу шеңберінде салынып жатқан тұрғын үйді сатып алуға кредит беруді бастау үшін бағдарлама операторы серіктес банктермен бірге дайындық жұмыстарын жүргізуде. Салынып жатқан тұрғын үйге несие берудің басталуы туралы кейінірек хабарланады”, – дейді компания мамандары.&nbsp;
</blockquote>
Айта кетейік, “Баспана Хит” бағдарламасының операторы –&nbsp; “Қазақстанның орнықтылық қоры”. Ипотеканың бастапқы жарнасы – 20%. Ал қарызды қайтару мерзімі – 15 жыл. Осы уақытқа дейін бағдарлама аясында 388,1 миллиард теңгеге 44 228 өтінім мақұлданды. Соның ішінде 306,8 миллиард теңге сомасына 35 769 ипотека рәсімделді.
<a href="https://sputnik.kz/society/20201026/15292983/baspana-khit-pater.html">Sputnik Қазақстан</a>

Бағдарламаға өзгеріс енгізілді: құрылысы аяқталмаған үйден пәтер алуға болады

<a href="https://kyzylorda-news.kz/date/2020/10/26/">Kyzylorda-news.kz.</a> Білім саласында мектептерге инновациялық әдіс-тәсілдерді қолдану, директорлардың басқарушылық қабілетін жетілдіруге арналған Қызылорда облыстық білім басқармасы мен Білім инновация халықаралық қоғамдық қоры арасындағы екіжақты әріптестік жаңа деңгейге көтерілді.
Қоғамдық қор төрағасы Дархан Өте мен басқарма басшысы Ақзира Қасымова бірлескен меморандумға отырды. Қос тараптың білім бағытындағы ынтымақтастығы нәтижесінде Білім инновация лицейінің озық тәжірибесі Қызылорда облысының орта мектептеріне таратылады.
Қор төрағасы Дархан Ермаханұлы Сыр елінің білім беру саласын жаңа деңгейге көтеретін бастамаларды қолдауға дайын екендіктерін жеткізді. Ал, басқарма басшысы тың тәжірибелер аймақтың мектептеріне спиралдік жүйе арқылы таратылатынын атап өтті.

Қызылорда: Екіжақты меморандум нәтижесінде мектептерге инновациялық тәсілдер енеді

<a href="https://kyzylorda-news.kz/date/2020/10/26/">Kyzylorda-news.kz.</a> Өңірде көкөніс өнімдерін сақтайтын қойманы кеңейту мақсатында көтерме-тарату орталығы салынады. Ол үш жерде орналасады. Яғни, облыс орталығында және Жаңақорған, Шиелі аудандарында. Әр қайсысына 8 гектар жер бөлінді.
<blockquote>
 “Сауда-логистикалық аймақ құру және көкөніс өнімдерін сақтайтын қойманы кеңейту бағытында шаралар қабылданды. Орталықты салуға жер телімі белгіленді. Енді құрылысына қатысты жұмыстар атқарылуда. Бастысы, өңірге қажетті өнім қоры жасақталып, көтерме бағада сатылады”, – деді ауыл шаруашылығы басқармасының басшысы Шахмардан Қойшыбаев.
</blockquote>

Қызылордада көтерме-тарату орталығы салынады

<a href="https://kyzylorda-news.kz/">Kyzylorda-news.kz</a>. Коронавирустың экономикаға әсері болса, екінші жағынан биыл мұнай, жер асты қазба байлықтарының бағасы да төмендеп кетті. Қызылорда облысын алсақ мұнай мен уран – басты қазбалардың, өндірістің бірі. Соңғы жылдары осы өндірістің төмендеуі байқалады.&nbsp;Бұл туралы облыс әкімі Гүлшара Әбдіқалықова бүгінгі «Qazaqstan» ұлттық арнасының «Apta.kz» бағдарламасындағы Жайна Сламбекпен өткен сұхбатта мәлімдеді.
<blockquote>
 “2011 жылы Қызылорда облысында 11 млн тонна мұнай өндірілсе, былтыр 5,6 млн тонна ғана өндіріліпті. Ал, биыл бар болғаны 4,2 млн тонна өндіріледі деп отырмыз. Ашығын айту керек, басқа да көрсеткішіміздің төмендеу қарқыны байқалады. Ол – инвестиция, инвестор тарту мәселесі. Биыл 230 млрд-тай инвестиция тартамыз деп отырмыз, бірақ, ол өткен жылғыдан төмен. Бұл жерде де обьективті факторлар бар. Былтыр ауқымды республикалық жобалар болды. Мысалы, «Сарыарқа» газ құбыры, екі газ станциясы, сонымен бірге, күн жылу электр станциясы салынды. Енді біз осы жыл мен келесі жыл үшін &nbsp;қатар жұмыс істеудеміз. Пандемия кезінде, қарым-қатынас азайып, тіпті, бір облыстан екінші облысқа қатынау қиын болған кезде көптеген мәселелерді өз өңірімізде, облыста шешу керек екенін түсіндік. Ауқымды талдау жасадық, экономиканың 24 бағыттағы саласы бойынша зерттелді, әлеуметтік жағдай сарапталды. Зерттеулер бойынша, ең қажет деген азық-түліктің 70-і, азық-түлік емес тауарлардың 35-і сырттан әкелінеді екен. Осы себепті, ойлана келе, өзіміздің экономикалық картамызды жасадық. Бұған «Атамекен» палатасы да қатысты. Осы жергілікті жердегі республикалық палатамен бірге пилоттық ретінде қарадық. Сонымен, қазіргі кезде 265 жобаны дайындап қойдық. Бұл жобалар 271 млрд теңге инвестиция алып келеді деп отырмыз”, – дейді Гүлшара Наушақызы.
</blockquote>

Гүлшара Әбдіқалықова: Өңірге 271 млрд теңге инвестиция алып келу жоспарлануда

<a href="https://kyzylorda-news.kz/">Kyzylorda-news.kz.</a> Қырғызстандағы «Тоқтағұл» су қоймасында былтыр 18 млрд текше метр су болса, биыл 12 млрд текше метр су болған. Сол сияқты, Өзбекстан арқылы келетін Шардарада су былтырғыдан 1,1 млрд-қа аз болған. Сол себептен қызылордалық дихандар біраз қиындыққа тап болды. Облыс әкімі Гүлшара Әбдіқалықова «Qazaqstan» ұлттық арнасының «Apta.kz» бағдарламасында су тапшылығын жою мақсатында күн-түн демей бірлесіп қызмет атқарған Экология, табиғатты қорғау министрлігіне алғысын білдірді.
<blockquote>
 “Жазғы уақыт кезінде егіс егіліп болғаннан кейін, қиындықтар туындады. Қол режимінде басқаруға тура келді. Экология, табиғатты қорғау министрлігіне зор алғысымызды айтамыз. Солармен бірге күнде таңертең жұмысты бастап, суды реттеп отырдық. Оның ішінде біздің кәсіпкерлерге, егіншілерге ерекше рақметімді айтқым келеді. Өйткені, түсіністікпен қарады, суды кезек-кезек беріп отырдық. Мысалы, ең кемінде күніге 550 текше метр секундына су келу керек. Ал, кейбір уақытта ол 400-ге дейін түсіп кеткен кездер болды. Дегенмен, биыл егіс жақсы шықты. Гектарына&nbsp; 61,8 центнерден болып тұр. Былтыр 60,3 болған еді. Жалпы, 551 мың тонна күріш жиналды. Бұл былтырғымен салыстырғанда 15 мың тоннаға көбірек. Егісті де әртараптандыру мәселесі бар. Мысалы, күріш. Жаңа айтып өткенімдей, биыл су жетпей, таршылық көрдік. Күрішті алсақ, 1 гектарына 33 мың текше метр су қажет етеді екен. Ал, тура сондай суды 10 мың гектар қызанаққа жұмсауға болады. Күріштің&nbsp;1 гектарынан 650 мың теңге кіріс алынады, ал, қызанақтан 25 млн-ға дейін кіріс алуға болады. Бұны мал азығындық жоңышқамен де, тамаққа қажетті басқа да дақылдармен салыстыруға болады. Сондықтан, енді кәсіпкерлермен, егіншілермен бірге бұл мәселені қарап, тереңірек ойланамыз, зерттейміз. Күріштің егістік алқабының 80-85 мың гектарын сақтап қалып, &nbsp;қалғанына басқа дақылдар орналастыру қажет.
</blockquote>

Гүлшара Әбдіқалықова: Қызылордалық дихандар су тапшылығына қарамастан егіннен мол өнім алды

<a href="https://kyzylorda-news.kz/">Kyzylorda-news.kz</a>. 2020 жылдың 1 қарашасынан 30 қарашасына дейін Қызылорда қаласы бойынша Мемлекеттік кірістер басқармасында жөндеу жұмыстары жүргізілуіне байланысты «Қызмет көрсету орталығының» қызметі толықтай қашықтан жұмыс жасауға көшіліреді. Орталық қызметі төмендегідей жүргізіледі:
<ul>
<li>Электронды түрде көрсетілетін мемлекеттік қызметтер тек электронды түрде жүзеге асырылады;</li>
<li>Электронды түрде көрсетуге жатпайтын мемлекеттік қызметтер «Электронды үкімет» порталының өтініштерді беру сервисі арқылы жүргізіледі.</li>
<li>Кеңестер алу үшін Байланыс орталығы 1414 нөміріне немесе келесі телефондарға хабарласуға болады.</li>
<li>/7242/ 23-50-58 &nbsp;Жеке тұлғалардың ақпаратын қабылдау және өңдеу орталығы;</li>
<li>&nbsp; /7242/23-71-8 Заңды тұлғалардың, жеке кәсіпкерлердің ақпаратын қабылдау және өңдеу орталығы;</li>
<li>/7242 /23-74-98&nbsp; Мәжбүрлеп өндіріп алу бөлімі және Заңды тұлғаларды әкімшілендіру бөлімі;</li>
<li>/7242 / 23-61-56 Жанама салықтарды әкімшілендіру бөлімі және Жеке кәсіпкерлерді әкімшілендіру бөлімі;</li>
<li>/7242 / 23-73-05&nbsp;&nbsp; Талдау және есепке алу бөлімі;</li>
<li>/7242&nbsp; /23-52-96&nbsp;&nbsp; Персоналмен жұмыс және &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;ұйымдастыру жұмысы&nbsp; бөлімі</li>
<li>/7242 /23-64-88&nbsp;&nbsp;&nbsp; Өндірістік емес төлемдерді әкімшілендіру бөлімі</li>
</ul>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қызылорда қаласы бойынша Мемлекеттік кірістер басқармасының электронды поштасының мекен-жайы:kyzylorda@taxkzil.mgd.kz
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Сіздерге түсіністікпен қарағандарыңыз үшін шынайы алғысымызды білдіреміз және келтірілген қолайсыздықтар үшін кешірім сұраймыз.

Қызылорда қаласы бойынша Мемлекеттік кірістер басқармасы қашықтан жұмыс істейді

<a href="https://kyzylorda-news.kz/">Kyzylorda-news.kz.</a> Қызылордадағы шыны зауытының айналасында 8 зауыт, ілеспе зауыт салу жоспарланып, бүгінде үшеуінің жобасы, бизнес жоспарлары нақтыланды. Бұл туралы облыс әкімі Гүлшара Әбдіқалықова бүгінгі «Qazaqstan» ұлттық арнасының «Apta.kz» бағдарламасындағы Жайна Сламбекпен өткен сұхбатта мәлімдеді.
<blockquote>
 “Құрылысы 70 пайызға аяқталды. Екі ғана мәселе қалып тұр. Балқыту ваннасы мен күйдіру пеші. Оған қазір мамандармен келіссөздер&nbsp;жүргізіп жатырмыз. Біздің тарапымыздан айналасындағы инфраструктурасы жасақталып беріледі. Вагондар келетін жол бар, соның барлығын жөндеп бітіруге дайынбыз.Қалған 30 пайыз жұмысы мамандар келсе, ол да біртіндеп аяқталады деп отырмыз. 
 Қараңыз, мынадай статистика бар екен. Біздің елімізге жылына бағасы бір миллион доллар тұратын шыны сырттан келеді екен. Егер де өз зауытымызды өндіріске енгізетін болсақ, сол бір миллион доллар өзімізде қалады, одан басқа, егер сыртқа сатсақ, тағы да кіріс кіргелі тұр. Сондықтан, қазір осы мәселені көтеріп отырмыз. Сондай-ақ, шыны зауытының айналасында 8 зауыт, ілеспе зауыт саламыз деп жоспарладық. 3 зауыттың жобасы, бизнес жоспарлары нақтыланды. Кәсіпкерлер қызығушылық білдіріп, қазір құжаттары әзірленіп болып қалды. Мысалы, шыныдан жасалатын ыдыстар. Екінші зауыт – айна жасау зауыты. Үшінші зауыт – шыны талшығы. Бұл құрылыста өте көп пайдаланылады. Бұл үш зауыттың өзі мысалы, 15-16 млрд инвестиция тартады екен. Содан кейін Шалқия кен байыту жері бар. Ол жерде де қорғасын, мырыш өңдейтін өндіріс салынады. Бұл мәселеге қатысты қазір Самұрық-Қазынамен бірге жұмыс істеп жатырмыз. 8 млрд-қа жуық инвестиция тартылып, жұмыс басталмақ. Одан басқа, Арал өңірінде кальцийлендірілген сода зауытының барлық құжаттары дайындалды. Экология министрлігінің сауалы бойынша қалдықты сақтайтын қойма мәселесін, оның жобасын толығымен шештік. Қазіргі таңда кәсіпкерлер оны да бастауға әзір”, – деді облыс әкімі.
</blockquote>

Гүлшара Әбдіқалықова: Шыны зауытының құрылысы 70 пайызға аяқталды

<a href="https://kyzylorda-news.kz/">Kyzylorda-news.kz.</a> «Казгидромет» РМК Қызылорда облысы бойынша филиалы 26 қазанға арналған ауа райы болжамын жариялады.
Кәсіпорынның хабарлауы бойынша күндіз 26 қазанда Қызылорда облысында оңтүстік-шығыстан жел соғады, күші кей жерлерде 15-20 м/с күтіледі.

26 қазанға арналған ауа райы болжамы

Қазақ баласын қалай тәрбиелеген?

<a href="https://kyzylorda-news.kz/">Kyzylorda-news.kz.</a> Қыстыгүні пайдаланатын кәдімгі қолғап медициналық қолғап сияқты коронавирусты жұқтыру қаупін төмендетеді. Алайда COVID-тің заттар арқылы қалай таралатыны түсініксіз болғандықтан, мұндай қолғаптардың адамды қаншалықты деңгейде қорғайтынын дөп басып айту қиын.
Бұл туралы Сеченов университетінің медициналық паразитология, тропикалық және трансмиссивті аурулар институтының директоры, академик Александр Лукашев айтты.
Бұған дейін Ресейдің бас инфекционисті Владимир Чуланов қолғап пен антисептикті дұрыс пайдаланған жағдайда инфекциялық аурулардың алдын алуға болатынын, алайда матадан жасалған қолғапты жиі қолданса, керісінше, вирус жұқтыру қаупі артатынын айтқан. Академик Александр Лукашев те осы мәселеге қатысты өз пікірін білдірді.
Қолғап инфекцияның жұқтыру қаупін төмендете алады. Сондықтан резеңке қолғап киюдің қажеті жоқ. Көлікпен жүргенде матадан жасалған биялай болсын, кәдімгідей қыста киетін былғары қолғап болсын, екеуі де вирусты жұқтыру қаупін азайтады деген академик, қолғапты мұрынға тигізгенде оның ешбір көмегі болмайтынын айтады.
<blockquote>
 “Сондай-ақ вирустың заттар арқылы қалай таралатыны түсініксіз болғандықтан, қолғаптың адамды қаншалықты қорғайтынын дөп басып айту қиын. Демек, бұл мәселені заңмен реттеудің ешбір себебі жоқ деп ойлаймын”, – дейді Лукашев.
</blockquote>
<a href="https://sputnik.kz/society/20201023/15276302/Qolgap-koronavirus-virusolog.html">Sputnik Қазақстан</a>

Қазақстан және Қызылорда облысының жаңалықтары