<a href="https://kyzylorda-news.kz/">Kyzylorda-news.kz</a> ақпарат агенттігінің 4 мамырға арналған жұлдыз-жорамалы.
Тоқты
Бүгінгі күніңіз ерекше өтеді. Отбасыңызға көп көңіл бөліңіз. Өмірлік серігіңізбен ашық әңгімелесіңіз. Егер материалдық жағдайыңыз тым нашар болса, оны жақсартудың амалдарын қарастырғаныңыз жөн.
Торпақ
Ойламаған жерден сыйақы аласыз. Аптаны қорытындылап, жақсы жетістікке жетесіз. Материалдық жағдайыңыз, сіздің қалай жұмыс жасайтыныңызға байланысты екенін естен шығармаңыз. Уақытыңызды тиімді пайдаланып үйреніңіз.
Егіздер
Өзіңізге ұнайтын затты сатып алу үшін көбірек шығын шығарасыз. Жаңаша бастама ұсынғандар болса, одан бас тартпаңыз. Қандай қиындық болса да тығырықтан шығар жол табыңыз. Бүгін жолға шығуды жоспарламаңыз.
Шаян
Егер жақсы дайындалсаңыз, қолға алған əрбір ісіңіз сəтімен болады. Сақтық пен ұстамдылықты ұмыт қалдырмаңыз. Шектен тыс құштарлыққа бой алдырудан аулақ болыңыз. Кешке жақсы тынығуға тырысыңыз.
Арыстан
Жеке өмірде де, жұмыста да жолыңыз болып, көп жетістікке жетесіз. Бірақ отбасыңызға көп көңіл бөлуді ұмытпаңыз. Олардың материалдық жағдайын жақсартуға тырысыңыз.
Бикеш
Күннің алғашқы жартысында өзге адамдардан ұсыныс түсуі мүмкін, алданып қалудан сақтаныңыз. Жақындарыңызбен жылы қарым-қатынас орнатыңыз. Қандай қиындыққа да мойымай еңбек етсеңіз, жемісін жейсіз.
Таразы
Бүгін жолыңыз болады. Жұмыста да ісіңіз алға басып, көңілді кештерде жаңа таныстар табасыз. Бұл таныстықтардың кейін өз пайдасы бар. Бүгін қандайда бір қиындық орын алса, сіз бұл сәттерде де шешім таба аласыз.
Сарышаян
Үмітіңіз ақталады. Өзіңіз қалаған салада жұмыс табасыз. Бұл жұмысты бар ынтаңызбен, қызығушылықпен атқарасыз. Сіз өте білікті мамансыз. Дей тұрғанмен, көмек көрсетушілердің кеудесінен итермеңіз.
Мерген
Жұмысыңыз алға баспай, мақсатыңызға жету қиындай түседі. «Көтере алмайтын қылышты беліңе байлама» деген мақал бүгін сізге арналғандай. Сондықтан тым ауыр, қиын тапсырмаларды орындаймын деп әуреленбеңіз.
Тауешкі
Күніңіз жақсы өтеді. Көптен бері ойлап жүрген сүйікті ісіңізбен айналысасыз. Жаныңызға жайлылық сыйлайтын таныстықтар орын алады. Жаныңыздағы адамдарға өзіңіз туралы жағымды пікір қалыптастырасыз.
Суқұйғыш
Тыныш күн. Ешқандай мәселе орын алмайды. Күнделікті шаруаңызбен айналысып, берілген тапсырмаларды орындап, үйге қажетті заттар сатып адуға қолайлы күн.
Балықтар
Мазасыз күн. Белсенділігіңіз бен көңіл-күйіңізді сақтап тұру қиынға соғады. Кейбір сөздерді жүрегіңізге жақын қабылдап, ренжіп қалуыңыз да мүмкін. Сондықтан бүгін ешкіммен жақын араласпағаныңыз жөн.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. “Air Astana” әуекомпаниясы билеттердің бағасын 10 мамырдан кейін көтере алады. Бұған дейін тарифтер бұрынғыдай қалады, деп хабарлайды&nbsp;<a href="https://24.kz/kz/zha-aly-tar/ekonomika-zhnalyktary/item/392784-elimizde-ue-biletteri-ymbattama">Хабар 24</a>.&nbsp;
Компанияның мәлімдеуінше, Қазақстанда авиатасымалдаушыларға қойылып отырған талаптар жоғары және ұшақтардың жартылай бос болуынан біраз шығын әкеледі.
<blockquote>
 “Егер жолаушыларды “біреуден кейін” отырғызу туралы талап жойылмаса, біз 10 мамырдан кейін авиабилеттердің бағасын көтеруге мәжбүр боламыз”, – деді “Air Astana” АҚ Корпоративтік коммуникациялар жөніндегі менеджері Тілек Әбдрахимов.
</blockquote>
Дегенмен, осыдан алдын индустрия және инфрақұрылым министрлігінің өкілдері авиабилеттердің бағасы бұрынғы бағада қалатынын айтып еді.
<blockquote>
 “Әуе кемесінің бортында әлеуметтік қашықтық, жолаушыларды бір жолаушы креслосы арқылы отырғызу қажет. Осыған байланысты әуе кемелері 50-60% – ға толтырылатын болады. Бірақ авиакомпанияда тарифтер көтерілмейді”, – дейді &nbsp;ҚР МИИР азаматтық авиация комитетінің орынбасары Салтанат Томпиева.
</blockquote>

«Air Astana» әуекомпаниясы билеттердің бағасын көтеруге мәжбүр екенін мәлімдеді

<a href="https://kyzylorda-news.kz/">Kyzylorda-news.kz</a>. Осыдан ширек ғасыр бұрын түзде жосыған киіктердің саны 1 млн 400 мыңнан асатын. Алайда, кейіндері Қазақстанда ақбөкендер жойылуға шақ қалып, «Қызыл кітапқа» кіре жаздады. Тәуелсіздік жылдарында олар бірнеше рет қырылды. Қоғамдық пікір бұған «Байқоңырдан» ұлы далаға улы гептил шашып ұшатын «Протон» ауыр зымыран тасығыштарын айыптады.
Кейін қоғамның қысымы, әрі Ресейдің еліміздегі ғарыш айлағынан теріс айнала бастауы арқасында бұл зиянды зымырандардың сапары азайды. Енді коронавирустық пандемияға байланысты елде төтенше жағдай және адамдардың қозғалысына қатаң шектеу енгізілуі киелі жануарлардың бағын ашыпты. Ауылдағы шаруа қожалықтары мен егіншілер далада киіктердің қаптап кеткеніне назар аудартып, ауыл шаруашылығы және экология министрліктеріне шағым жолдап жатыр.
<blockquote>
 «Қазіргі кезде шаруа қожалықтарында, далада шөп шабылмай жатыр. Осы орайда, шабындықтар мен мал жайылатын жайылымдардың аумағында киіктер саны тым көбейіп кетті. Адамдардың жоғын пайдаланып, киіктер шөбімізді жеп, шабындықтарымызды емін-еркін отауда. Оған қоса, жаңа төлдеген малдарымыздың төлдері де киік жүгіріп өткенде соларға ілесе шауып, жоғалып кетіп жатыр. Жабайы аңдардың қорғалуына, мемлекеттің аз жануарларды сақтауды қамтамасыз ететініне және киіктерді атуға заң жүзінде тыйым салынуына байланысты, киіктерді қатты үркіте де алмаймыз. Оларға қарсы пәрменді шара қолдана алмаймыз», – деп қамығады Батыс Қазақстан облысындағы Жәнібек ауданының ауыл шаруашылығы өндірушісі Нұрболат Темірболатов.
</blockquote>
Батысқазақстандық шаруа қожалықтары атынан Экология, геология және табиғи ресурстар министрі Мағзұм Мырзағалиевке жүгінген ол мемлекет қорғауындағы жануарлардың тайраңдауына мемлекеттің өзі тосқауыл қоюы керегін айтады.
<blockquote>
 «Бұл мәселе шешілуі үшін киіктерді басқа жаққа айдату керек немесе мәселенің басқа оң шешімін табуларыңыз үшін сізден көмек сұраймыз. Әйтпесе, киіктер өте көп, шамамен 300 мыңдай», – дейді Нұрболат Темірболатов.
</blockquote>
Осындай жағдай өзге өңірлерде де болып жатқан көрінеді. Белгілі кәсіпкер, қоғам белсендісі Асылхан Орынбасаров киіктердің басты қауіп-қатерлерінен уақытша болса да құтылғанын білдірді.
<blockquote>
 «Әсіресе, Қызылорда және Ақтөбе облыстарында бірнеше жыл бойы браконьерлік мәселесі шектен шығып кеткені жасырын емес. Соның ішінде ақбөкенге шығатындар көбейді. Екі мүйіздің бағасы 200 доллардай тұратындықтан, мұндай оңай табыс табу көзі дағдарыс кезінде 90-жылдардағы сияқты Қазақстанға қайтадан үлкен проблема әкелді. Мысалға, 2016 жылы Қызылорда қаласында «Алтын балық» базарында қуырдаққа деп, киік етінің келісін 1000 теңгеден қысылмай сатқаны кездесті. Бұған жол беріп отырғандар – охотинспекцияның кейбір алақол мамандары. Олар заңсыз киік аулаушылар қылмысына көз жұма қарады. Кейбірі, тіпті, браконьерлермен бірге заңсыз аң аулаумен айналысты.&nbsp;Киік – мамонттар дәуірінен келе жатқан жануар, оны келер ұрпаққа сақтап қалуымыз керек», – дейді ол.
</blockquote>
Қазақстанда киіктерді заңсыз ату фактілері тек төтенше жағдай қарсаңында тіркелді. Одан кейін мұндай дерек айтылмады.
Бұрындары киік – аулауға жататын аң саналатын. Алайда, олар жойылуға шақ қалғасын аулауға уақытша тыйым салынды. Дегенмен, саны миллионнан асса, аулауға қайтадан рұқсат етілуі мүмкін.
Бұған дейінгі тыйым мерзімі 2020 жылғы желтоқсанда аяқталуға тиіс болатын. Дегенмен, биылғы 10 ақпанда АШМ Орман шаруашылығы және жануарлар әлемі комитеті киік аулауға тыйым мерзімін 2023 жылға дейін ұзартты.

Карантин: Браконьерлерден құтылған киіктер күрт көбейіп, шаруалардың жайылымын жайпауда

<a href="https://kyzylorda-news.kz/">Kyzylorda-news.kz</a>. Екі айдың ішінде мұнай өндіруді тәулігіне 9,7 миллион баррельге қысқартуды қарастыратын ОПЕК+ келісімі аясында Қазақстан өндіруді тәулігіне 390 мың баррельге азайтуға міндеттеме алды, деп хабарлайды ҚР Энергетика министрлігінің баспасөз қызметі.
Әлемде және Қазақстанда мұнайға сұраныстың төмендеуі аясында мұнай қорларының едәуір профицитінің болуына байланысты биылғы жылдың екінші тоқсанында мұнай сақтау орындарының толып кету және қазақстандық кен орындарының авариялық тоқтау қаупі туындайды.
Осыған байланысты министрлік мамыр-маусым айларында мұнай өндіруді шектеу қажет болатын жер қойнауының жекелеген учаскелерінің тізбесімен бірге «Көмірсутектерді барлау және өндіру жөніндегі операцияларды және өндіру жөніндегі операцияларды жүргізу үшін жер қойнауы учаскелерін пайдалануға уақытша шектеулер енгізу туралы» Үкімет қаулысының жобасын әзірледі.
<blockquote>
 «Өндірісті шектеу орташа, ірі және алып кен орындары санатына жататын кен орындарына қолданылады. Аталған жер қойнауы тізбесіне экономикалық факторларға байланысты өндірудің табиғи төмендеуі күтілетін шағын және ұсақ кен орындары кірмеген. Бұл қаулы барлық Қазақстан Республикасының ішкі нарығының мұнай өнімдерінің қажетті көлеміне деген қажеттілігін қамтамасыз етуді ескере отырып, барлық өндіруші компанияларға кемсітушіліксіз көзқарасты, сондай-ақ ірі жобалар мен өндірудің табиғи төмендеуі кезеңінде тұрған байырғы кен орындары үшін мұнай өндіруді азайту жөніндегі міндеттемелерді әділ бөлуді көздейді» делінген хабарламада.
</blockquote>

Қазақстан мұнай өндіруді қысқартады

<a href="https://kyzylorda-news.kz/">Kyzylorda-news.kz</a>. Соңғы бір жылда танымал өнер жұлдыздары, блогерлер мен айтыскер ақындар, ең аяғы «Қалаулым» ток-шоуының қатысушыларына дейін лотерея ойнатумен белсенді түрде айналысып жүр. Ернар Айдардың оқиғасынан кейін өнер жұлдыздары аталған лотереядан ешқандай пайда таппайтындарын айтып ақталуда.
Instagram-да мұндай конкурстар қалай өткізіледі, әншілер мен вайнерлерге одан түсетін пайда қанша екенін&nbsp;<a href="https://azattyq-ruhy.kz/society/7442-lotereiadan-nshiler-kem-degende-5-million-tenge-paida-tabady-uiymdastyrushy-maman">Azattyq Rýhy</a>&nbsp;тілшісіне елімізге танымал тұлғалардың лотерея ұтыстары мен түрлі гивтерін ұйымдастырумен айналысатын SMM маманы айтып берді.
Лотереядан әншілер ешқашан ұтылмайды
Аты-жөнін көрсетпеуімізді өтінген жігіттің айтуынша, лотерея өткізушілерге ешқандай әнішінің алдануы мүмкін емес. Мұнда алданатын – қарапайым халық қана.
<blockquote>
 «Лотерея&nbsp;өткізіп жүрген халыққа танымал тұлғалар ешқашан ұтылмайды. Мейлі ол пәтерін, жеке көлігін халыққа сыйға тартты делік, бірақ шындығында ол тегін беріліп жатқан жоқ. Сол халықтың ақшасына өз мүлкін сатып, үстінен қосымша пайда көріп отыр. Мысалы, осыдан бірнеше ай бұрын елімізде аса танымал бір өнер адамы пәтерін ұтысқа тікті. Мен оған SMM маман ретінде таргетинг пен оқырман жинау жағынан қызмет көрсеттім. Ол әнші ұтысқа пәтерін қойып, оны 35 миллион теңгеге бағалады. Лотереяға қатысу құны – 10 мың теңге. Біз сол лотереяның жарнамасымен толықтай айналыстық, тіпті, кейбір ақпараттық сайттар оны жаңалық етіп те жазды. Дәл сол кезде лотереяны елімізде бір ғана компания жүргізеді деген заң жаңадан шығып жатқан болатын, бірақ біз ештеңеге қарамай лотереяны ойнаттық», – деді ол.
</blockquote>
Лотереяны өткізу жүйесі қандай?
Лотереяның өткізілу жүйесі өте қарапайым. Қатысушылар санының көп болуы ұтысты өткізуші адамның танымалдығына байланысты.
<blockquote>
 «Лотереяға қатысқысы келген адам 10 мың теңгені ұйымдастырушылар көрсеткен карточка нөміріне жібереді. Олар туралы мәліметті еxcel-де толықтай толтырамыз, яғни, қатысушының аты-жөні, ЖСН нөмірі мен карта нөмірі жазылады. Билет алған адамға арнайы нөмір беріледі. Сосын аталған конкурс 1 ай мен 2-3 ай көлемінде Instagram желісінде жүргізіледі. Өте танымал адамдар конкурсты бір ай ішінде өткізеді, ал «сөніп жатқан жұлдыздардың» лотереясы 2-3 айға созылуы мүмкін. Лотереяның өткізілу алгоритмі өте қарапайым. Құны 10 мың теңгелік билетті 5 мың адам алды делік, жалпы жиналған сома – 50 миллион теңге болады. Ал ол ұтысқа қойған пәтер құны 35 миллион теңге, ар жағында жаңағы әншінің қалтасында 15 миллион теңге қалды. Оның 1 немесе 2 &nbsp;миллион теңгесін 100 адамға 10 мың теңгеден деп сыйақыға бөлесің, тағы 5 мың теңгеден 25 адамға деп бөлесің. Ақша бергің келмесе, түрлі заттай сыйлықтар аласың. Жаңағы 2 миллионды қосымша сыйлықтарға деп шығарғанда, әншінің қолында 13 миллион теңге қалады. Қараңыз, сонда ол халықтан жиналған 35 миллион теңгеге өз үйін сатты, ар жағында 13 миллион теңге қалтасына салды. Бұрынғы «черный кассаның» жүйесі ғой», – дейді маман.
</blockquote>
Таныстарын белгілеп қояды
Кейіпкеріміздің айтуынша, жеңімпаздарды өз таныстары арасынан алдын-ала белгілеп қойып, таңдайтындар да жоқ емес.
<blockquote>
 «Ұтқан адамды өзің таңдайтындай етіп жасауға да болады, оның өзінің арнайы жолдары бар. Оны өзіміз де жасап көргенбіз. Қай әншілермен екенін қазір сізге айта алмаймын, себебі, олар өте танымал тұлғалар. Жалпы кейбір блогерлер, әншілер лотереяны, гив-конкурстарды шынайы өткізіп, мұқтаж деген адамға тым құрыса пәтерін беріп жатады. Жаңағы айтқан қарапайым гивтің өзінде медиа-тұлға кемі 3 миллион теңге пайда табады. Себебі олардың белгіленген бағасы сондай. Ал 2-3 миллион оқырманың болса, онда сен арқылы лотерея ойнату 5 миллион теңгеден басталады», – дейді ол.
</blockquote>
SMM маманы айтар әні, сөйлер сөзі болмаса да, осы лотереяның арқасында қос-қостап көлік мініп, зәулім үй салып байып жатқандар бар дейді.
<blockquote>
 «Көпшілікке әнші ретінде емес, вайн түсіретін блогер ретінде танымал бір отбасы бар. Әйелі де, күйеуі де осы конкурстарды тұрақты түрде өткізеді. Лотерея мен гивтердің арқасында үш пәтер, бірнеше көлік сатып алды, енді жер үй салып жатыр. Ернар Айдар лотереясын бәлкім таза жүргізейін деп ойлаған да болуы керек. Меніңше, олардың қолдарында ақша болмағандықтан, алдымен халықтан қаражат жинап алайын деді. Оларда қолма-қол ақша болмағандықтан, көліктерді жалға алып, халықты сендіргілері келген. Бірақ кез-келген әнші лотереяның қалай өтетінін жақсы біледі. Алданып қалу сирек кездесетін жағдай», – деді астаналық лотерея ұйымдастырушысы.
</blockquote>
Ұйымдастырушыларға түсетін пайда қандай?
Маманның айтуынша, лотерея ұйымдастырушылар әншіге ұсынысты өздері жасаған болса, онда түскен пайда теңдей бөлінеді. Ал әншілер ұйымдастырушыларды жалдаса, тек қызмет құны ғана төленеді.
<blockquote>
 «Ұйымдастырушылар түскен қаражаттың 50%-ын&nbsp;алуы мүмкін. Себебі лотереяның барлық жұмыстарымен, таргет жүргізу, парақша ашу, конкурсқа қатысушыларды тіркеумен әнші емес, солар айналысады. Ол да өзара келісім арқылы жүзеге асады. Егер әнші өзі тікелей өткізіп жатса, олар біз сияқты SMM мамандарын жалдайды. Біз тек жарнамасымен айналысып, өз қызметіміздің құнын аламыз. Біздің қызмет ондай кезде 1 миллион теңгеге дейін барады. Блогер немесе әнші өзі ұйымдастыратын болса, әлбетте пайданың көбі соныкі. Ал ұйымдастырушылар арқылы болатын болса, пайда екіге теңдей бөлінеді. Көбіне келісім ауызша немесе қолхат түрінде жүзеге асып жатады», – деп аяқтады ол әңгімесін.
</blockquote>
Айта кететіні, осыдан бірнеше күн бұрын әнші&nbsp;Ернар Айдар Instagram парақшасында бірнеше көлікті ұтысқа тігіп, лотерея ойнатып жатқан жерінен&nbsp;ұсталған болатын. Бір бөлмеде болған 12 адамды ұстау операциясын Экономикалық қылмыстарды тергеу департаменті жүргізді.

Лотереядан әншілер кем дегенде 5 миллион теңге пайда табады – ұйымдастырушы маман

<a href="https://kyzylorda-news.kz/">Kyzylorda-news.kz</a>. Мерекелік демалыстағы бос уақыт қызықты өту үшін «Қазақфильм» киностудиясы ұлттық телеарналардың көрермендері мен YouTube қолданушыларына дайындаған кәдесі бар, деп хабарлайды киностудияның баспасөз қызметі.
Мереке күндері телеарналарда көрермендер халықтар достығы, қазақстандық жауынгерлердің ерлігі мен Ұлы Отан соғысы туралы фильмдерді көре алады.
<blockquote>
 «Бұл күндері «28 панфиловшылар» (реж: Андрей Шальопа, Ким Дружинин, 2016 ж.), «Композитор» (реж: Шерзат Якуб, Сәбит Құрманбеков, өмірбаяндық драма, 2019 ж.), «Әлия» (реж: Б. Шәмшиев, 1985 ж.), сондай – ақ «Қазақстанның түркі халқы» циклынан «Түстің дәмі» (реж: К. Әбелдинова, 2018 ж.) және «Жіп» (реж: Н.Садуова, 2018 ж.) сында басқа да қызықты фильмдерді тамашалауға болады», – делінген хабарламада.
</blockquote>
Айта кетсек, жақында «Қазақфильм» өзінің YouTube-тегі ресми арнасында Ұлы Отан соғысы туралы фильмдер топтамасын ашық көрсетілімге шығарды, енді «Ұлы Жеңістің 75 жылдығы» плейлистінде Мәжит Бегалин, Абдолла Қарсақбаев, Ораз Әбішев, Нұрмұхан Жантөрин сынды классиктерімізбен қатар т.б. 21 фильм бар. Плейлист тізімі болашақта толықтырылып отырады.
Сондай-ақ, киностудияның&nbsp;<a href="https://www.youtube.com/user/kazakhfilmstudios">YouTube арнасынан</a> «Қазақстан – біздің ортақ шаңырағымыз» анимациялық фильмдерінің топтамасы мен 20 ғасырдың отызыншы жылдарында болған&nbsp;Қазақстанға&nbsp;жаппай жер аударғандар туралы баяндайтын «Жерұйық» (реж. С.Тәуекел, 2011) фильмін тамашалауға болады.
<blockquote>
 «2020 жылы 7 мамырда «Қазақфильм» киностудиясының YouTube-арнасында режиссер Сатыбалды Текеевтің «Генерал Ертаев» деректі фильмі және режиссер Егор Кончаловскийдің ресейлік теледидаршылар мен қазақстандық кинематографистер тобының Алматыдан Ауғанстанға деректі фильм жасау мақсатында саяхаты туралы баяндайтын «А-ға оралу» көркем фильмі көрсетілімге шығады. Сондай-ақ осы арнада режиссер Лейла Аранышеваның «Десант» фильмін көруге болады», – деп хабарлайды киностудия.
</blockquote>
8 мамыр күні қазақ киносының корифейі, КСРО халық артисі Асанәлі Әшімовтың туған күніне орай отандық телеарналарда «Асанәлі Әшімов. Сыр тұнған айсберг» («Ел Арна») және «Әруақ» (Kazakh TV) көркем фильмі көрсетіледі. Осы күні «Қазақфильмнің» YouTube-арнасында қазақ және орыс тілдерінде актердің өмірі мен шығармашылық жолы туралы «Шарайна – шындық шебері» деректі фильмі шығады.
2020 жылдың 8 мамыр күні сағат 15:00-де&nbsp;<a href="http://www.sputniknews.kz/">www.sputniknews.kz</a>&nbsp;&nbsp;сайтында «Нүркен Әбдіров. Ұлдарымның кенжесі» деректі фильмінің онлайн-тұсаукесері болады. Аты аңызға айналған ұшқыштың ерлігі туралы баяндайтын кинотуынды жас ұрпақ үшін батылдық пен шабыт көзі болып табылатыны сөзсіз. 10 мамыр күні сағат 19:10-да «Ел Арна» телеарнасында деректі фильмнің телевизиялық премьерасы болады.
<blockquote>
 «Ұлы Жеңіс күні – 9 мамыр күні сағат 10:00-де «Қазақфильм» киностудиясының ресми youtube-арнасында режиссер Әсет Ерназаровтың «Мен ораламын» деректі картинасының онлайн-тұсаукесері өтеді. «Мен ораламын» деректі фильмін 9 мамыр күні, «Ел Арна» телеарнасында Нұр-сұлтан уақытымен сағат 13:35-те, сондай-ақ 10 мамыр күні сағат 00:05-те көруге болады», – делінген хабарламада.
</blockquote>

Мамыр мерекелерінде көрерменге отандық фильмдер топтамасы жол тартады

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 137 адамға жетті.
3 мамыр 13:30-дағы&nbsp;мәлімет бойынша Қызылорда облысында тағы 10 науқас қауіпті індеттен жазылып шыққан. Індеттен айыққандардың қатарына соңғы қосылған науқастар – Қызылорда қаласы мен Жаңақорған ауданының тұрғындары.
Осылайша коронавирустық инфекциядан жазылғандар саны өңірде 137 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында 137 науқас қауіпті індеттен жазылып шықты

<a href="https://kyzylorda-news.kz/">Kyzylorda-news.kz</a>. АҚШ-тағы Миннесота университетінің ғалымдары осылай дейді. Айтуларынша, жер бетіндегі халықтың үштен екісі осы вирусты жұқтырып, одан айығып кетпегенше, індетті бақылауға алу мүмкін емес, деп хабарлайды <a href="https://24.kz/kz/zha-aly-tar/lemde/item/392953-alymdar-koronavirus-pandemiyasy-2-zhyl-a-sozyluy-m-mkin">«Хабар 24»</a>.
Ал ауру белгісі байқалмайтын науқастар кесірінен «КОВИД-19-ды» тізгінде ұстау одан сайын қиындай түспек.
Жалпы, мамандардың сөзінше, коронавирустың таралуы әлі де қайталануы ықтимал.
Сондықтан мұндай жағдайға тас-түйін дайын болу керек дейді олар.
Айта кетейік, Джонс Хопкинс университеті ұсынған мәліметке сай, бүгінде әлемде 3 миллионнан астам науқас тіркелді.
Басым бөлігі АҚШ, Испания және Италия елдерінде анықталған.

Ғалымдар: Коронавирус пандемиясы 2 жылға созылуы мүмкін

<a href="https://kyzylorda-news.kz/">Kyzylorda-news.kz</a>. 2020 жылғы 1 мамырдан бастап Нұр-Сұлтан мен Алматы қалалары арасында әуе қатынасы қайта жанданды.
6 мамырдан бастап Қызылорда-Нұр-Сұлтан бағыты бойынша ұшуларды «Қазақ Эйр» әуе компаниясы жиілігі аптасына 3 рет орындайтын болады (дүйсенбі, сәрсенбі және сенбі күндері).
Ұшу кестесін «Қазақ Эйр» әуе компаниясының ресми сайтынан көруге болады. Билеттер онлайн түрде сатылымға шығарылды.
Ал, Қызылорда-Алматы бағыты бойынша ұшу кестесі мен орындайтын әуе компаниясы құзырлы министрлік тарапынан нақтылануда. Ол жайлы ақпарат қосымша хабарланатын болады.
Барлық ұшу рейстері Қазақстан Республикасының көліктегі бас мемлекеттік санитарлық дәрігерінің 2020 жылғы 30 сәуірдегі №3 қаулысы талаптарының қатаң сақталуымен орындалатын болады.
Жолаушыларға сапарға шығу барысында бірқатар ережелерді қатаң сақтау міндеттеледі:
1. Теріс нәтижесі бар COVID-19 тест (ПТР-тестін) тапсырғандығы туралы анықтаманың болуы (анықтама берілген күннен бастап 7 күнтізбелік күн ішінде жарамды). 
COVID-19 тестіні (ПТР-тестін) қолында әуе билеті болған жағдайда ғана Ұлттық сараптама орталығында ақылы түрде тапсыруға болады.
Сараптама орталығы Қызылорда қаласы, Бектұрғанов көшесі 10 А мекен жайда орналасқан. Байланыс тел: 70 10 63. Тест құны – 11 500 теңге, нәтижелердің дайын болу мерзімі – 12 сағат. Тестілеуге қатысты қосымша ақпаратты Орталықтың байланыс нөмерлері арқылы алуға болады.
2. Тіркеуден өту үшін әуежайға ұшудан кемінде 2 сағат бұрын келу.
Әуежайға келгеннен кейін барлық жолаушылар термометрия процедурасынан өтеді. Әуежай ғимаратына тек ұшатын жолаушылар ғана жіберіледі. Сондай-ақ, жолаушыларды тіркеу, ұшаққа отырғызу / түсіру кезінде қауіпсіз әлеуметтік ара-қашықтықтың сақталуы қажет (1 метр).
3. Ұшу барысында жеке қорғаныс құралдарын (маска, қолғап) пайдалану.
4. Қол жүгі мен багаждың аз көлемде болуы. Олардың көлемі мен салмағы әуе компаниямен белгіленеді.
5. Ұшу барысында борт-серіктермен ұсынылған сауалнаманы (анкета) толтыру.
Сонымен қатар, әуежайға қатынайтын арнайы автобус бағыты ұйымдастырылған.

Қызылорда – Нұр-Сұлтан бағыты бойынша әуе рейстері ашылады

<a href="https://kyzylorda-news.kz/">Kyzylorda-news.kz</a>. Лотерея ойнатам деп, басы дауға алған әнші Ернар Айдар не себепті алданып, ұтыс ойнын ұйымдастырушыларға сеніп қалғаны,&nbsp;ақшаға қызыққаны жайында сұхбат берді, деп хабарлайды&nbsp;<a href="https://stan.kz/anshi-ernar-aydar-330744/">Stan.kz</a>.
Сұхбатта әнші болған жағдайды бастан-аяқ айтып берді, кеткен қаражат халыққа қайтарылуы, жүлде қорлары не үшін ауысқаны жайлы&nbsp;және басқа да сұрақтарға жауап берді.&nbsp;
<blockquote>
 “Бүгін сұхбатқа халыққа шындықты айту&nbsp;үшін: қалай болғанын, қалай алданғанымды айтып беру мақсатымен келдім. Оспанов Азат, Темірбек Ернар ұтыс ойынын ұйымдастырушылар маған нотариалды түрде келісім-шартқа отыратынымызды айтты, бастапқыда бірден келіспедім. Жібі түзу, керемет қазақтың жігіттері, алдайды деп сенбейсің. Алдауына сенім қалдық қой. Ұтыста қайырымдылық та жасаймыз деді, сондай сөздерден кейін қалай сенгенімізді білмей қалдық”, – дейді әнші.
</blockquote>
Әншінің сөзінше, ақпан айында келісілген ұтыс ойыны сәуірде өтуге тиіс болған.
<blockquote>
 “Осы екі жігіт маған ақпан айының басында келді. Негізгі ұсыныс: Мен тек ұтыс ойынының рекламасын жасап беруім керек деді. Алты видео түсіруі қажет болды, олар маған үш видеоның ақшасын бірден салып жіберді. Үш видеоға 3 миллион теңге: әр видеоға бір миллион теңгеден салып жіберді. Келісім-шартқа отырдық, екі жақты қол қойылған және онда егер ұтыс ойыны дұрыс болмай қалған жағдайда сол ұйымдастырушы топ жауап береді деп жазылған, бұл менің ролигімде де айтылды. Ұтыс ойыны&nbsp;әділ өтетініне&nbsp;Темірбек Ернар кепілдік берді. Кейін белгілі болғандай, лицензияны Темірбек Ернар видеода теріс көрсеткен, ал шын мәнінде ондай лицензия берілмейді екен”, – дейді ол.&nbsp;
</blockquote>
Ернар Айдар ұйымдастырушы жаққа сеніп қалғаны сонша, олармен жасасқан келісімшартқа, видеоларында түсірілген көліктерге мүлдем мән бермегенін айтады.
<blockquote>
 “Жігіттерге сеніп қалғаным соншалықты лицензияны ашып, дұрыстап, оқып қарамағанмын. Өзімнің сеніп қалғаныммен қоймай, үйдегі ағамды да сендіріп жібердім. Қазір бәрін қарап отырсам, ұйымдастырылған екен. Ұтыс ойыны 1 сәуірге жоспарланған. Мен оған қатысуым қажет болмады. Екінші видеролик&nbsp;Romance Palace&nbsp;мейрамханасында өтті. Сол кезде жігіттер маған ұтыс осы жерде өтетінін айтты, мен оларға сендім. Осы кезде лицензия туралы сұрадым, жігіттердің бірі оны алып кетуге үйіне кетті, менің ойымда ештеңе жоқ, тіпті лицензияны күмәнданып сұраған жоқпын”, – деп еске алды Ернар Айдар.
</blockquote>
Әнші&nbsp;видео түсірілімдегі көліктердің ауысып кетуі, әр түрлі пәтерлердің фотоларын көрсету оған ешқандай күдік тудырмаған, себебі оны алдап соққан жігіттер оның сеніміне әбден кіріп алғанын айтады.
<blockquote>
 “Гонорарды алдын ала беріп, ақшамен қызықтырып, түпкі мақсаты сендіріп алу болды. 1 сәуір күні болуы керек болған ұтыс ойыны карантиннің салдарынан болмай қалды. Менің атымнан бірнеше ұтыс ойыны парақшалары ашылды: бір бұзылып, бір ашылып жатты. Маған бастапқыда барабан арқылы ойнатамыз деп айтты. Карантин жарияланған соң, онлайн ойнатамыз деп шештік. Көпшілігі онлайн форматқа наразы болғандықтан, маған да, жігіттерге де комментарийлер келе бастады. Жігіттер карантин 15-де ашылады, ұтысты 20 сәуірде ұйымдастырайық, сол кезде мейрамханаға шақырып берейік деді. Ұтысты өздерің ұйымдастырып, барлығы сыйлықтарын алған соң, соңында келіп халыққа екі-үш әнімді айтып кетейін дедім”, – дейді ол.
</blockquote>
Оның сөзінше, аузындағысын&nbsp;беріп қоятын, ондай бір аңқау емес,&nbsp;бірақ ұтыс ойынына келгенде ештеңе мән бермеген.
20 сәуірге ауыстырылған ойын бұл күні де өтпей қалған. Себеп: ұйымдастырушы жақтың техникалық базасы дайын болмауынан.&nbsp;
<blockquote>
 “Олар Құдайдың атымен сөйлеп, ақталды, ойынды 23-не шегеруді сұрады. Бастапқыда көнбедім, неге ұзақ болып кетті деп, біраз сөйлестік, жағдайларын айтып түсіндірді, ақыры үш күннің арасы не деп 23-не өткізетін боп шештік. Сыйлықтардың барлығы дайын екенін айтты. Сол кезде мен түсіндім: мен үндемесем, олар ойынды ойнатпайтын сияқты болды. Ойнатса да, көп адамға белгісіз парақшада ойнатып жіберейін деп жатты. Олардың парақшалары тағы бұзылды. Осы кезде көп адам ойын ойнатылатын парақшаны таппай қалады деп, өзімнің парақшамнан тікелей эфирге шығатын боп шештім.&nbsp;Ойынның әділ өтуін қаладым, сондықтан өзім баратын болып шештім, сыйлықтар жеткізілгенше менде видео жазба болып сақталсын дедім”, – дейді әнші.
</blockquote>
Ернар Айдардың айтуы бойынша, ол ұйымдастыру жақ жалдаған үйге 23 сәуірде барған.
<blockquote>
 “Үй жалдапты, сыйлықтар, автокөлік барлығы орнында болды. Алайда сол автокөліктерідің су жаңа екендігіне назар аудармаппын. Түскі 3-те ұтыс&nbsp;басталды, сонда бір адамның нөмірі табылмай қалды. Сонда сол нөмірді сақтап, жазып қоюды тапсырдым. Содан кейін маған үй мен автокөліктерді өзіме табыстауды ұсынды. Қуаныш сыйлау деген жақсы ғой, бірден қабыл алдым. Сыйлық ұтқан адамдарға хабарласқанымда, оларда ешқандай қуаныш сезімі&nbsp;болған жоқ, мүлдем эмоция болмады. Көлік пен үйді ойнатып жатқанда, ұйымдастырушы жігіттер қашып кеткен. Кенеттен үйге кіріп келген полиция қызметкерлерін көріп бастапқыда бұл пранк екен деп қалдым. Сөйтсем, алынған көліктер жалданған және олардың көлік жргізушілері екінші қабатта бір бөлмеде отыр екен. Полиция келгенде жағдайды түсіндірулерін сұрадым. Не себепті мені тұтқындамақшы екендерін білгім келді. Олар ұтыстың әділ емес, өтірік екенін айтты, карантин режимін бұзғаным үшін ұстап әкетті. Телефон, барлығын тартып алды, ешкімге хабарласа алмадым”, – дейді Ернар Айдар.
</blockquote>
Оның айтуынша, бір түн тергеуде болып, сол күннің ертесінде 28 000 теңге айыппұл төлеп шыққан.
<blockquote>
 “Мені әнші деп басымдық беріп қарған жоқ, менімен бірге ұсталған жігіттермен бір камерада түнедік. Олардан кім екендерін сұрағанда, Ерлан әдейі көмектесуге шақырған, ұтыс жайлы бейхабар болған&nbsp;боп шықты”, – дейді ол.
</blockquote>
Ернар Айдар бітірген мамандығы заңгер болса да, бұл тұрғыда сауаты жоқ екенін айтады.
<blockquote>
 “Қаншама ұтыс ойындары өтіп жатыр, оларды заңды тұрғыда өтіп жатыр деп айта алмаймын. Заңды білмегенімді, солардың албауына, арбауына түсіп, жарнама жасағанымды мойындаймын, кешірім сұраймын сол үшін халықтан. Тергеуде мәселенің ақ-қарасы анықтала жатар. Бірақ заң жағынан сауатсызбын”, – деді әнші.
</blockquote>
Ернар Айдар тыңдаушылары қателігін кешіреді деп сенім артады.&nbsp;
<blockquote>
 “Менің тыңдармандарым, жанкүйерлерім, жалпы қазақ халқы қандай отбасыдан шыққанымды, ата-анамы қалай сыйлайтынымды біледі. Қанша сөздер айтылып жатыр, бірақ ата-анама ауыр тиеді, бәрібір. “Егер солармен бірігіп, ауызжаластырып жүрген болсаң, мен өзім-ақ, сені шауып тастаймын” деді әкем. Біреуге қиянаттық жасасаң, ол кісі аямайды. Ал тыңдармандарым менің кінәсіз екенімді жүрегімен сезіп тұр, мен де оны сезіп тұрмын”, – дейді әнші.
</blockquote>
Ол алты видео үшін төленетін&nbsp;ақшаға&nbsp;қызыққанын жасырмады, одан бөлек, қатты сеніп қалғанын айтып, өкінетінін жеткізді.
<blockquote>
 “Заң жүзінде талап етілсе, ақшаны қайтарып беруге дайынмын. Мұндай қаражаттың ешқандай қажеті жоқ”, – дейді әнші.
</blockquote>
Айтуынша, осы жағдай оған қатты әсер еткен:&nbsp;
<blockquote>
 “Осыны ойласам, өзімді-өзім жек көріп кетем. Енді мұндай лотереяларға халық сенбейтін болады. Осындай нәрселерге халық сенбейтін болады. Менен басқалары сабақ алса екен деймін. Бұл – өтіріктің өтірігі”, – деді әнші.
</blockquote>

&#8220;Әр видеоға 1 миллион теңгеден алдым&#8221;: Ернар Айдар даулы ұтыс туралы бар шындықты айтып берді

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекция жұқтырған тағы 4 науқас тіркелді.
3 мамыр 10:20-дағы&nbsp;мәлімет бойынша қауіпті індетке шалдыққан 4 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 214 адамға жетті.

Қызылорда облысында қауіпті індет жұқтырғандар саны 214 болды

<a href="https://kyzylorda-news.kz/">Kyzylorda-news.kz</a>. Қызылорда облысының Жаңақорған ауданында полицейлер теміржол бойында өзіне қол жұмсамақ болған адамның өмірін сақтап қалды, деп хабарлайды <a href="https://lenta.inform.kz/kz/kyzylordada-policiya-temirzholda-suicid-zhasamak-bolgan-adamdy-kutkardy_a3645388">ҚазАқпарат.</a>
Суицид жасауға әрекеттенген азамат аудан орталығында тұрады. Куәгерлердің айтуынша, оның мұндай қадамға баруына отбасындағы мәселе себепші болған.
<blockquote>
 «Полицейлер жедел әрекет етті. Нәтижесінде азамат өлімнен құтқарылды. Бұл сәтте Жаңақорған аудандық полиция бөлімінің Жергілікті полиция қызметінің инспекторы Мейіржан Жандарбеков, учаскелік полицей Алмас Абдуллаев, учаскелік полиция инспекторының көмекшісі Ержан Айтжановтың белсенді қимыл жасады. Қазіргі таңда оқиғаның мән-жайы анықталуда», – деп мәлім етті Қызылорда облыстық полиция департаментінің баспасөз қызметі.
</blockquote>

Қазақстан және Қызылорда облысының жаңалықтары

Жұлдыздар не дейді?

«Air Astana» әуекомпаниясы билеттердің бағасын көтеруге мәжбүр екенін мәлімдеді

Карантин: Браконьерлерден құтылған киіктер күрт көбейіп, шаруалардың жайылымын жайпауда

Қазақстан мұнай өндіруді қысқартады

Лотереядан әншілер кем дегенде 5 миллион теңге пайда табады – ұйымдастырушы маман

Мамыр мерекелерінде көрерменге отандық фильмдер топтамасы жол тартады

Қызылорда облысында 137 науқас қауіпті індеттен жазылып шықты

Ғалымдар: Коронавирус пандемиясы 2 жылға созылуы мүмкін

Қызылорда – Нұр-Сұлтан бағыты бойынша әуе рейстері ашылады

“Әр видеоға 1 миллион теңгеден алдым”: Ернар Айдар даулы ұтыс туралы бар шындықты айтып берді

Қызылорда облысында қауіпті індет жұқтырғандар саны 214 болды

Қызылордада полицейлер теміржолда суицид жасамақ болған адамды құтқарып қалды

Қазақстан және Қызылорда облысының жаңалықтары

Жұлдыздар не дейді?

«Air Astana» әуекомпаниясы билеттердің бағасын көтеруге мәжбүр екенін мәлімдеді

Карантин: Браконьерлерден құтылған киіктер күрт көбейіп, шаруалардың жайылымын жайпауда

Қазақстан мұнай өндіруді қысқартады

Лотереядан әншілер кем дегенде 5 миллион теңге пайда табады – ұйымдастырушы маман

Мамыр мерекелерінде көрерменге отандық фильмдер топтамасы жол тартады

Қызылорда облысында 137 науқас қауіпті індеттен жазылып шықты

Ғалымдар: Коронавирус пандемиясы 2 жылға созылуы мүмкін

Қызылорда – Нұр-Сұлтан бағыты бойынша әуе рейстері ашылады

&#8220;Әр видеоға 1 миллион теңгеден алдым&#8221;: Ернар Айдар даулы ұтыс туралы бар шындықты айтып берді

Қызылорда облысында қауіпті індет жұқтырғандар саны 214 болды

Қызылордада полицейлер теміржолда суицид жасамақ болған адамды құтқарып қалды

“Әр видеоға 1 миллион теңгеден алдым”: Ернар Айдар даулы ұтыс туралы бар шындықты айтып берді