<a href="https://kyzylorda-news.kz/">Kyzylorda-news.kz</a> Қазақстан Республикасының Мәдениет және ақпарат министрлігі Мемлекет басшысы тағайындаған «Тәуелсіздік ұрпақтары» грантына конкурс басталғаны туралы хабарлайды.2024 жылы «Тәуелсіздік ұрпақтары» бойынша 3 млн теңгеден 30 грант берілетін болады.Мақсат – белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекет тарапынан қолдау.Конкурсқа Қазақстан Республикасының он төрт жастан бастап, отыз бес жасқа дейінгі (34 жас қоса алғанда) азаматтары үміткер бола алады.Гранттар 6 бағыт бойынша беріледі:«Ғылым» – жаңа ғылыми жобаларды және зерттеулерді іске асыруға арналған;«Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;«Бизнес» – жаңа бизнес-идеяларды іске асыруға арналған;«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;«Волонтерлік» – &nbsp;өзекті, әлеуметтік проблемаларды шешуге бағытталған волонтерлік жобаларды (бастамаларды) іске асыруға арналған.Үміткерлердің конкурстық өтінімдері 2024 жылғы 05 тамыз бен 06 қазан аралығында t.urpaktary2024@mail.kz электронды поштасы арқылы қабылданады.Байланыс нөмірі: 8 (7172) 74-12-78.Конкурстық өтінімдер мемлекеттік және (немесе) орыс тілдерінде қабылданады және:1-қосымшаға сәйкес нысан бойынша конкурстық өтінім;2-қосымшаға сәйкес нысан бойынша жобаның сипаттамасы;Жоба бойынша (60 секундтан аспайтын) бейнематериал немесе (10 слайдтан аспайтын) презентация;3-қосымшаға сәйкес нысан бойынша шығындар сметасының жобасы;PDF форматындағы зияткерлік меншік туралы мәліметтер (бар болса);PDF форматындағы жеке куәлік немесе туу туралы куәліктің көшірмесі болуы тиіс.

Мемлекет басшысының «Тәуелсіздік ұрпақтары» грантына конкурс басталды

<a href="https://kyzylorda-news.kz/">Kyzylorda-news.kz</a> Сыр өңіріне жұмыс сапарымен келген Көлік министрінің орынбасары Сәтжан Әйтенұлы “Қызылорда-Жезқазған” автожолын қайта жаңғырту жұмыстарымен танысты.&nbsp;Республикалық маңыздағы күрежол құрылысы бүгінде министрліктің ұдайы бақылауында. Қазір Қызылорда облысы аумағында жол салу жұмыстары қарқынды жүріп жатыр. Мәселен, бес учаскіге бөлінген жолдың үшіншісінде асфальт жабындысының соңғы қабаты төселіп, құрылысы аяқталуға жақын. Жалпы жыл соңына дейін 216 км трассаның 140 шақырымға жуығы пайдалануға беріледі деген жоспар бар.&nbsp;Жолшылармен кездесуде С.Аблалиев мердігер мекемелерге жұмыс кестесінен кешіктірмей, сапаға баса мән беруді тапсырды. Және де “Жол активтерінің ұлттық сапа орталығы” ҚОФ мамандарына жаңа жолды жіті тексеріп, бақылауды күшейтуді міндеттеді.Филиал директоры Ерболат Көштаев “Қызылорда-Жезқазған” трассасын қайта жаңғырту жұмыстарындағы кемшіліктер дер кезінде анықталып, мамандар ұсынысымен қайта қалпына келтірілгенін жеткізді. Жалпы осы кезге дейін мердігерлер тарапынан өрескел олқылықтар анықталмаған. Бұл да ұдайы бақылаудың нәтижесі.

ҚР Көлік вице-министрі С.Аблалиев жолшылармен жиын өткізді

<a href="https://kyzylorda-news.kz/">Kyzylorda-news.kz</a> Бүгінгі Үкімет отырысынан кейін облыс әкімі Нұрлыбек Нәлібаевтың төрағалығымен мәжіліс өтті. Күн тәртібінде алдағы жылу беру маусымына дайындық мәселелері қаралып, тиісті тапсырмалар берілді.<blockquote>«Жылу беру маусымына дайындық жұмыстарының дер кезінде жүргізілуі өте маңызды. Үкімет барынша қолдау көрсетіп, сұратылған қаржыны бөлді.Биыл жылу көздері мен желілерін жаңғыртуға республикалық және жергілікті бюджеттен 12 млрд.теңге қаржы бағытталды. Оны тиімді игеріп, жұмысты уақытылы, сапалы жүргізу қажет. Алдағы жылу беру маусымында ешқандай мәселе туындамауы тиіс.Биыл 11 әлеуметтік нысанның қазандықтарын газға ауыстыруға 410 млн.теңге бөлінді. Мамыр айында 9 нысанның қазандығына 303 млн.теңге берілген болатын.Қазалы, Жалағаш және Сырдария аудандарының әкімдеріне бюджеттік бағдарлама әкімшілерімен бірлесіп, осы жұмысты 30 тамызға дейін аяқтауды тапсырамын. Білім беру нысандарының күрделі жөндеу жұмыстарын да 30 тамызға дейін аяқтаңыздар. Сондай-ақ, КСК-сы жоқ тұрғын үйлерде еш мәселе туындамауы тиіс.Бүгінде өңірімізде газдандыру қарқынды жақсы. Дегенмен, елді мекендердің негізгі бөлігі әлі де көмір пайдаланады. Облыс тұрғындарын көмірмен қамтамасыз ету өзекті мәселе екені белгілі», – деді Нұрлыбек Нәлібаев.</blockquote>Жиында аймақ басшысы жылу беру маусымына дайындық барысын қажетті деңгейде ұйымдастырмағаны үшін орынбасары Бахыт Жахановқа ескерту беріп, облыстық энергетика және тұрғын үй-коммуналдық шаруашылық басқармасының басшысы Медет Усаинге қатаң сөгіс жариялады. Облыстық денсаулық сақтау басқармасының басшысы Олжас Искаковқа, Қазалы, Қармақшы, Жалағаш, Сырдария, Жаңақорған ауданы әкімдеріне сөгіс берілді.Сонымен қатар, қала және аудан әкімдеріне, бюджеттік бағдарлама әкімшілеріне, коммуналдық кәсіпорын басшыларына әлеуметтік нысандарда жоспарланған күрделі жөндеу, қазандықтарды қайта жаңғырту жұмыстарын бақылауға алуды жүктеді. Тұрғындарды, әлеуметтік нысандарды қатты және сұйық отынмен қамтамасыз ету міндеттелді.«Қызылорда жылу-электр орталығының» қазандықтары мен желілеріндегі жөндеу жұмыстарын 1 қазанға дейін аяқтауға тапсырма берілді. Ал, сол жағалаудағы қазандықтың жұмысын аяқтау үшін мемлекеттік сараптаманың оң қорытындысын алу керек.Айта кетейік, жергілікті бюджет есебінен 2 газотурбиналық қондырғының генераторы мен 11 қазандыққа күрделі, 1 турбина мен 15 қазандыққа ағымдағы жөндеу жүргізілуде. Жұмыс 80 пайызға орындалды.Жаңғыртудан өтетін 9,5 шақырым жылу желісінің 4,2 шақырымы жүргізіліп, жұмыстың 44 пайызы бітті, 741 шақырым электр желісі мен 127 қосалқы станцияға күрделі жөндеу, 45 шақырым электр желіcі мен 48 трансформаторға ағымдағы жөндеу жүргізілуде.Облыстағы 1 067 әлеуметтік нысанның дайындығы 85 пайыз. 2024-2025 жылғы жылу беру маусымына 193 мың тонна, оның ішінде, тұрғындарға 165 мың тонна, әлеуметтік нысандар үшін 28 мың тонна көмір керек. Қазір көмір қоймаларында 32 мың тонна қор бар.<img src="https://knadmin.beoblood.kz/uploads/455812759_804064561914790_8285191062370900366_n_7ed8d2d3ea.jpg" alt="455812759_804064561914790_8285191062370900366_n.jpg"><img src="https://knadmin.beoblood.kz/uploads/455861690_804064551914791_3503192834316964077_n_4baeeed47c.jpg" alt="455861690_804064551914791_3503192834316964077_n.jpg">

Н.Нәлібаев: Жылу беру маусымында ешқандай мәселе туындамауы тиіс

<a href="https://kyzylorda-news.kz/">Kyzylorda-news.kz</a> Блогер Аршат Ораз жұртшылық назар аудара қоймайтын мәселені қозғады. Ол әдетте, адамдар қолданбай кететін банк картасы кейін проблема туғызуы мүмкін екенін ескертеді,&nbsp;деп хабарлады&nbsp;<a href="http://ulysmedia.kz./">Ulysmedia.kz</a>.Блогердің жазуынша,&nbsp;банк картасы қолымызда жүре бермейді. Үйде жатып қалады. Ал, банктер клиентке өз картасын ұсынған күннен бастап жылдық қызмет ақысын алады. Ол уақытында төленбей, ұмыт қалатын болса, оның иесі кейін белгілі бір мерзімге дейін кредит ала алмай қалуы мүмкін. Бір қызығы, банктер төленбей жатқан қарыз барын клиентке ескертпейтін көрінеді. Соңында жылдар бойы жиналып жатқан өтеусіз қарыз азаматты берешек етіп, несие тарихына «қара дақ» түсіреді дейді автор.&nbsp;Ол өз басынан өткен жағдайды баяндай келе, білместіктен картаның қызмет ақысынан жиналған 66₸ (алпыс алты теңге) қарызды 2,5 жыл төлемей келгеніне көз жеткізгенін айтады. Сол қарыз автордың несие тарихын бүлдіріп, енді несие, ипотека ресімдей алмай жүр. Енді солай 5 жыл «жіпсіз байлануға» мәжбүр. «Жаза» – қатал.<blockquote>– Дәл осындай жағдай жақында бір досымның да басына келіпті. Ипотека алатын кезде ғана біліпті. Енді ол да аяқталу мерзімін күтуі керек. Осылайша талай адамның өмірдегі жоспары өзгереді, түрлі кедергілерге қалады. Қарыздың осы түрін қаржыны бақылайтын мекемелер қайта қарастыруы керек. Қарыз сомасына қарай жазасы да басқаша болуы керек. Мысалы неге 1 тг мен 1 млн тг қарыздың жазасы бір? Осыған жауап іздеймін. Бәлкім @qarzhylyq_sauat жауап табуға көмектесер? - деп жазады блогер.</blockquote>Фото: qaz.ulysmedia.kz

«66 теңге қарыз үшін ипотека бермей қойған»: блогер ұмыт қалған картаның қаупі барын ескертті

<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің 2013 жылғы 7 наурыздағы № 520 «Қазақстан Республикасының Президенті жанындағы Кадр саясаты жөніндегі ұлттық комиссия және облыстардың, республикалық маңызы бар қалалардың, астананың кадр комиссиялары туралы» Жарлығына сәйкес осы жылдың 1 наурызынан еліміздің барлық өңірінде, республикалық маңызы бар қалаларда және Астанада өңірлік кадрлық резервке іріктеу басталды.Бүгін облыс әкімі Нұрлыбек Нәлібаевтың қатысуымен іріктеудің төртінші кезеңі өтті. Бұл кезең «Комиссиядағы құрылымдық сұхбат» деп аталады және кандидат таңдаған салалық бағытына сәйкес жобаны презентация арқылы таныстырады.<img src="https://knadmin.beoblood.kz/uploads/455905035_804066121914634_7450784368062670426_n_43fa6d50c3.jpg" alt="455905035_804066121914634_7450784368062670426_n.jpg">Еске салайық, іріктеуге 35 жастан аспаған, жоғары білімді және 3 жылдан кем емес еңбек өтілі бар Қазақстан Республикасының азаматтары қатысты.Облыстағы іріктеу индустрия және өнеркәсіп, экономика және қаржы, әлеуметтік сала, тұрғын үй-коммуналдық шаруашылығы, агроөнеркәсіптік кешен және жер қатынастары бағыттарында жүзеге асырылады.Іріктеудің бірінші кезеңі 1-31 наурыз аралығында кандидаттардан құжаттарды қабылдау <a href="https://l.facebook.com/l.php?u=http%3A%2F%2Fonir.pkrezerv.gov.kz%2F%3Ffbclid%3DIwZXh0bgNhZW0CMTAAAR1YLDxP_Cz4ALV2k87wlPTMuvMoREaHDOUgkSFdL0K9dB2NiSJxkxq7CZI_aem__7RcIjtp8-OWE_5YDmNtNQ&amp;h=AT07exxUXlvrDpcfm0cio8oKRtp5tZnu_GXwtp4Og1PWkCiSt-ycwIlAfgiB3S9ZfIfEUNttGRGQn6_hUpc0igSuGrZG7us_NkGzrNoCh8vKAF_V5bZLcAJPMQQRIQNf-CzY&amp;__tn__=-UK-R&amp;c[0]=AT3-OQKJfg-DpmmWTUHft-zoEvafgoOvTkTjSZ51-UQzgSHWXBP_GyKii4bdZQkQolrU21-rQNLkSh09KxGHyvzgF-jKXUot1vl-9YHf-8IlCqKFsBgorUceVvYmgRMoC2D0JOmyAdSe5Wk6ltln2lCNM9ZgeRWJPxTbkKBZPpX6hQfozbT1GqIN54QRYwe_NupdnN1NLd41kqErVirG9gDtUugt27ILLQZ5">onir.pkrezerv.gov.kz</a> сайты арқылы жүргізіліп, 228 үміткер құжат тапсырды. Екінші кезең, яғни заңнаманы білу деңгейін тестілеу нәтижесімен(5-9 сәуір аралығында өткізілді) жеке қасиеттерін бағалауға арналған тестілеуге 116 үміткердің (4-5 мамыр аралығында өткізілді) 51-і жіберілді.Іріктеудің үшінші кезеңі – «Құзыреттерді бағалау» Астана қаласында Мемлекеттік басқару академиясының базасында офлайн (13-28 мамыр аралығында) форматта өткізіліп, 40 үміткер іріктеудің төртінші кезеңіне жолдама алып, оған 36 маман қатысты.Бесінші кезең, яғни комиссия отырысында резервке кандидаттарды қабылдау туралы ұсыныс (25 үміткерге) шығарылады. Өңірлік резервте болу мерзімі – 2 жыл. Комиссия отырысының қорытынды шешімі осы жылдың24 тамызына дейін шығарылып, 25 үміткер өңірлік резервке қабылдануы тиіс.<img src="https://knadmin.beoblood.kz/uploads/455990725_804066765247903_8859621600950879669_n_efdbddafe2.jpg" alt="455990725_804066765247903_8859621600950879669_n.jpg"><img src="https://knadmin.beoblood.kz/uploads/456063169_804068061914440_7568104386590815497_n_2d2c47672f.jpg" alt="456063169_804068061914440_7568104386590815497_n.jpg">

Өңірлік кадрлық резервке іріктеу жалғасуда

<a href="https://kyzylorda-news.kz/">Kyzylorda-news.kz</a> Павлодар қаласының №21 мектеп директоры мұғалімдерді демалыста жұмыс істеуге мәжбүрлейтіні айтылды, деп хабарлайды <a href="https://ozgeris.info/mugalimderdi-mazhburleidi-pavlodardagy-mektep-mugalimderi-direktorga-narazy/?fbclid=IwY2xjawExVvJleHRuA2FlbQIxMQABHRjMB30CaxorS_LQq0SwEyZGAwLaUTi75lgKLsSYQoi6UAPNmxXgtL0_Nw_aem_CgpAqepTVPFY2GXzqdQ61Q">ozgeris.info</a><blockquote>Сәлеметсіз бе! №21 мектеп директорына шағым қалдырғым келеді, ол 20.08.2024 күні барлық мұғалімдерге кешке дейін жұмыс істеп, өз демалыстарымызды пысықтайтынымызды &nbsp;айтты. Ал біз демалысқа шығып, жұмыс істедік, енді өзіміздің демалыстарымызды да жасауымыз керек. Енді терезелерді жуып, жөндеу жұмыстарын жүргізуіміз керек. Жұмыстан тыс уақытта жұмысқа тартады. Мұғалімдер өзінің жұмыс уақытынан артық жұмыс істеп жүр, дейді «Типичный Павлодар» оқырманы.</blockquote>Фото: rekr.ruФото: rektor.ruto

«Мұғалімдерді мәжбүрлейді». Мектеп мұғалімдері директорға неге наразы?

<a href="https://kyzylorda-news.kz/">Kyzylorda-news.kz</a> &nbsp;Қазіргі кезде Қызылорда қаласының аумағы ұлғаюда. Облыс орталығында өңір халқының жартысына жуығы тұрып жатыр. &nbsp;Жалпы өркениетті елдердің көпшілігінде урбанизациялық процестерге сәйкес, қалада тұратын халық саны ауылды мекендейтін азаматтар санынан жоғары болуда. Сондықтан да бүгінгі күні облыс орталығының тұрғындарына қолайлы жағдай жасау, қала экологиясын күрделі түрде жақсарту басты мәселелердің бірі.Қалада көктем айларында жаппай көгалдандыруға үлкен жұмыстар жасалады. Жаз айларында жұмыстар бәсеңсіп, саябырланады. Қазіргі кезде қаланың көптеген көшелерінде арықтар жүйесі жоқ, санаулы көшелерде ғана арықтарда ағып жатқан су бар, қалған көшелерінде оларда ағып жатқан су жоқ. Су болмағаннан кейін ол арықтарға егілген ағаштардың өсуі де екіталай. Қаланың әрбір көшесіне, әрбір үй түбіне аяқ су келтірмей жасыл-желек көбеймейді. Ауа райының жақсаруы да мүмкін емес.Қызылорда қаласында жаз айларында күннің аптап ыстығынан &nbsp;болмаса жиі соғатын желдің әсерінен қала тұрғындары &nbsp;қиыншылық көруде. Ауа райы жөнінде мәліметтерге сенсек, жазғы аптап Түркістан мен Қызылорда облыстарында қатар болады. Көбіне Қызылорда облысының ыстығы 2-3 градус артық тұрады. Шілденің кезінде ауа температурасы 37-40 градустан жоғары болады. Бұл адам денсауылығына әсер етеді. Шілде айындағы 37-40 градустық аптап ыстықты қалай төмендетуге болады?Көкорай алқап көлемі өскен сайын жазда ыстық көрсеткіші төмендей береді. Егер қаланың барлық көшелерінде аяқ су ағып жатса, екпе талдар мен көкөніс жайқалып өсіп тұрса қала, елді мекендер төңірегінде ауа ыстықтығы шілдеде 5-7 градусқа төмендейді.&nbsp;Қазақстанда қыста ең суық, жаздыкүні барынша ыстық аймақ – ол Қызылорда өңірі. &nbsp;Сыр өңірін көгертудің, қайтадан түлетудің негізгі жолы – өңірдің басқаласын жасыл-желек орталығына айналдыру, шөлейт аймақ ортасында көгерген оазис жасау, сөйтіп қаланы адам өміріне қолайлы да тиімді аймаққа айналдыру. Осы биік арманды шындыққа айналдыру үшін әрбір &nbsp;Қызылордалықтың ынта-жігері, осы өңірге және қалаға деген перзенттік түсінік, көзқарасы қажет. Бүгінгі күні осының барлығы өз қолымызда. Сыр өңірінің тұрғындары тұрған жерімізді, сол үйіміз орналасқан қаланы көгалдандырсақ Қызылорда қаласының экологиялық жағдайын жақсартуға қосқан үлесіміз болар еді.Қазақта «Атадан мал қалғанша, тал қалсын» деген сөз бар. Қала халқын туған жерімізді көгалдандыруға, экологиялық жағдайын жақсартуға үлес қосуға шақырамыз.Дәурен &nbsp;Шарипбаев,&nbsp; ҚР Адам құқықтары жөніндегі уәкілдің&nbsp; Қызылорда облысы бойынша өкілі&nbsp; &nbsp;Фото: Қызылорда қаласының әкімдігі

Қаланың экологиялық жағдайын жақсарту өз қолымызда 

<a href="https://kyzylorda-news.kz/">Kyzylorda-news.kz</a> Сот синтетикалық есірткі затын таратқан 20 жастағы қызылордалыққа үкім шығарды. Күдіктіні ағымдағы жылдың ақпан айында облыс орталығындағы мөлтек аудандардың бірінде қызылордалық полицейлер құрықтады.Жүргізілген жедел шаралар барысында одан 10,53 гр психотроптық заттар алынған, бұл үлкен мөлшердегі синтетикалық препараттарға жатады.Ұсталған жас жігіттің айтуы бойынша, ол мобильді қосымша арқылы тапсырыс қабылдап, синтетиканы қала ішіндегі белгілі бір жасырын жерлерге салып отырған.Сотта айыпталушы өзінің кінәсін мойындады. Ол кінәлі деп танылып, қылмыстық-атқару жүйесі мекемесінде жазасын өтей отырып, 10 жыл мерзімге бас бостандығынан айыруға сотталды.Сот үкімі заңды күшіне енді.

Қызылордада «синтетика» таратушы 10 жылға сотталды

<a href="https://kyzylorda-news.kz/">Kyzylorda-news.kz</a> Америкалық көкпаршы Ник Уиллерттің осы күзде Астана қаласында өтетін 5-ші Дүниежүзілік көшпенділер ойындары аясындағы көкпар сайысына дайындығы әлеуметтік желіде көптің назарына түсті.Көкпаршы дайындық барысында серкенің орнына гір тасын пайдаланып, ал жылқыны қолдан жасалған ағаш атқа алмастырған. Бейнетаспа Ұлттық спорт қауымдастығының Instagram және Tik Tok (https://www.instagram.com/reel/C-pavNVsI-b/?igsh=eXppcnN5d2t1cHVw және https://vm.tiktok.com/ZMrnm5Npp/), әлеуметтік желілеріне жарияланған еді. Видео 150 мыңнан астам қаралым жинап, көптің назарына түсті. Желі қолданушылары көкпаршыны қолдап, сәттілік тіледі.Айта кетейік, Ник Уиллерт – көкпардан АҚШ құрамасының спортшысы, осы күзде Астанада өтетін 5-ші Дүниежүзілік көшпенділер ойындарында көкпар және аударыспақ (ат үстіндегі күрес) спорты бойынша бақ сынамақ. Сонымен қатар, Уиллерт көкпардан басқа шаңғы, серфинг және ММА спортымен шұғылданады.<blockquote>«2018 жылы АҚШ құрамасының қатарында көкбөрі спортына және ат үстіндегі күреске қатысқан алғашқы америкалық болдым. Ал Дүниежүзілік көшпенділер ойындарында кәсіби спортшылармен бәсекеге түсу мүмкіндігіне ие болғаныма өте қуаныштымын. Мінекей, менің Қазақстанға барсам деген арманым орындалмақ. Талай уақыттан бері бұл мекенге саяхаттауды жоспарлап едім, енді осы мүмкіндік үшін алғыс айтқым келеді. Әрине, көпшілік АҚШ спортшыларын көкпар мен ат үстіндегі күресте оңай қарсылас санауы мүмкін. Десе де бар мүмкіншілігімізді көрсетіп, деңгейіміздің өскенін дәлелдей аламыз деп ойлаймын», - деп атап өтті спортшы.</blockquote><img src="https://knadmin.beoblood.kz/uploads/832909c6_e7fe_47d4_8e95_d73a42141304_37efa7fc2a.jpg" alt="832909c6-e7fe-47d4-8e95-d73a42141304.jpg">Америкалық көкпаршы бұған дейін 2018 жылғы Дүниежүзілік көшпенділер ойындарында және 2020 жылы көкбөрі спортынан чемпионатта өнер көрсетіп үлгерген.&nbsp;Көкпар бәсекесі 5-ші Дүниежүзілік көшпенділер ойындары аясында 9-12 қыркүйек аралығында «Қазанат» ипподромында өтеді.&nbsp; Еске сала кетейік, Республикалық «Көкпар» федерациясы Қазақстан Республикасы Ұлттық спорт қауымдастығының құрамына кіреді. &nbsp;Қауымдастық құрамында бұдан өзге «Бәйге», «Садақ ату», «Теңге ілу», «Аударыспақ», «Жамбы ату», «Құсбегілік», «Асық ату», «JORYQ» ат спорты және т.б. федерациялар бар. ҚР Ұлттық спорт қауымдастығын Исламбек Салжанов басқарады.Атап өтейік, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарлануда. 5-ші Дүниежүзілік көшпенділер ойындарының Бас демеушісі - ALAGEUM ELECTRIC, Ойындардың Бас серіктесі - Halyk Bank. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.<div class="raw-html-embed"><blockquote class="instagram-media" data-instgrm-captioned="" data-instgrm-permalink="https://www.instagram.com/reel/C-pavNVsI-b/?utm_source=ig_embed&amp;utm_campaign=loading" data-instgrm-version="14" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/reel/C-pavNVsI-b/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;">Посмотреть эту публикацию в Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/reel/C-pavNVsI-b/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">Публикация от ULTTYQ SPORT (@ultsport.kz)</a></div></blockquote>
<script async="" src="//www.instagram.com/embed.js"></script></div>

Америкалық көкпаршының ерекше жаттығуы қазақстандықтарды таңқалдырды 

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевқа «Qazaqstan» жеңіл атлетика кешенінде орналасқан Аккредиттеу орталығының жұмысы, Көшпенділер ойынына қатысатын ұлттық құраманың киім үлгісі таныстырылды. Халықаралық іс-шараға 1500 ерікті тартылады.Спорт және туризм министрі Ермек Маржықпаев Ұлттық құраманың әзірлігі жөнінде баяндады.Оның айтуынша, осы уақытқа дейін халықаралық және республикалық деңгейде 42 оқу-жаттығу жиыны өткен. Сондай-ақ спортшылар 7 халықаралық және 25 республикалық турнирге қатысқан.Жалпы V Дүниежүзілік көшпенділер ойындарына әлемнің 89 елінен 2800 қатысушы мен ресми делегация мүшелері келеді. Сайыстың 21 түрінен 97 медаль сарапқа салынады. Негізгі жарыстар «Астана-арена» стадионы, «Қазанат» ипподромы, «Алау» мұз сарайы, Жақсылық Үшкемпіров атындағы Жекпе-жек сарайы, «Думан» қонақ үй-спорт кешенінде өтеді. Ал жамбы ату мен теңге ілуге арнайы алаң жасақталған.Халықаралық дода аясында 150-ден астам мәдени іс-шара жоспарланған. Мәселен, Этноауылда Көшпенділер мәдениеті музейі, қолөнершілер және мүсіндер көрмесі, ал Ұлттық музейде «Көшпенді халық: тарих, таным, тағылым» атты халықаралық ғылыми-практикалық конференция ұйымдастырылады.Алдын ала болжамға сәйкес, осы күндері елордаға 100 мыңға жуық турист келуі мүмкін. Осыған орай 20-дан астам қонақ үйдің, сондай-ақ туристер жиі баратын орындардың дайындығы пысықталып, қала көшелерін абаттандыру, безендіру жұмыстары қарқынды жүргізіліп жатыр.<img src="https://knadmin.beoblood.kz/uploads/bb015dbe_040c_4cac_8162_02c05cda139a_14576ac388.jpg" alt="bb015dbe-040c-4cac-8162-02c05cda139a.jpg"><img src="https://knadmin.beoblood.kz/uploads/0afc5a60_fed4_4672_b438_b2e2da3ac850_b6ea4fe2d0.jpg" alt="0afc5a60-fed4-4672-b438-b2e2da3ac850.jpg"><img src="https://knadmin.beoblood.kz/uploads/835dc32d_6303_4307_89ae_856e7362ed21_b620338cd7.jpg" alt="835dc32d-6303-4307-89ae-856e7362ed21.jpg"><img src="https://knadmin.beoblood.kz/uploads/74639998_daed_428f_af30_4f35a1313c68_f27fe6627a.jpg" alt="74639998-daed-428f-af30-4f35a1313c68.jpg"><img src="https://knadmin.beoblood.kz/uploads/ba806e28_caef_4045_92d6_27841f785985_d97079aa6e.jpg" alt="ba806e28-caef-4045-92d6-27841f785985.jpg">

 Қасым-Жомарт Тоқаевқа ұлттық құраманың киім үлгісі таныстырылды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.Қызылорда облысы бойынша ЭТД басшысының бұрынғы орынбасары сотталды,&nbsp;деп хабарлайды&nbsp;<a href="http://ulysmedia.kz/">Ulysmedia.kz</a>. Алматы қалалық сотымен Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.10 МИЛЛИОН ТЕҢГЕ ПАРА БЕРУГЕ ИТЕРМЕЛЕГЕН Олар алаяқтыққа оқталғаны және Алматы қаласындағы кәсіпорындарының бірінің директорының қылмыстық ісін тоқтату үшін құқық қорғау органдарының қызметкерлеріне 10 млн теңге сомасында пара беруге итермелегені үшін кінәлі деп танылды.ЕКІ АДАМ 7 ЖЫЛҒА СОТТАЛДЫ Сот үкімімен Қасымбаев пен Сәкенов әрқайсысы мемлекеттік органдар мен квазимемлекеттік сектор субъектілерінде қызмет атқару құқығынан өмір бойына айыра отырып, 7 жылға бас бостандығынан айырылды. Сот үкімі заңды күшіне енді.Фото: informburo.kz

10 миллион теңге пара беруге итермелеген қызылордалық шенеунік сотталды

<a href="https://kyzylorda-news.kz/">Kyzylorda-news.kz</a>&nbsp; Жылыту маусымының басталуына 1 айдай уақыт қалды, алайда 6 облыста дайындық төмен. Премьер-министр Олжас Бектенов Үкімет отырысында дайындығы төмен өңірлер әкімдерін сынады, деп хабарлайды&nbsp;<a href="https://azattyq-ruhy.kz/">Azattyq Rýhy.</a><blockquote>«Жұмыстардың ауқымды бөлігін ең соңғы күндерге қалдыру қалыпты әдетке айналды. Яғни, дұрыс жоспарлау жоқ. Бекітілген жөндеу жұмыстарының кестесін ауыстыра салу, құжат дайындау және отын қорын жинау мерзімдерін сақтамау фактілері жылдан жылға қайталанып келеді. Әркім өз ісіне жауапты қарайтын болса, мұндай келеңсіз жағдайлар орын алмас еді», - деді премьер-министр.</blockquote>Бүгінде Энергетика министрлігі кәсіпорындарға жылыту кезеңіне әзірлік паспорттарын бере бастады. ЖЭО әзірлік паспортын беруден бас тартылған жағдайда сол өңірлерде әкімдердің жетекшілік ететін орынбасарларының тікелей жауапкершілігі қаралады, деп ескертті Үкімет басшысы.<blockquote>«Облыс әкімдеріне осындай осал тұстарға назар аудару туралы бірнеше рет айтылды. Тіпті, жөндеу науқаны кезінде тәуекел тудыруы мүмкін нақты жағдайларды атап көрсетіп, шұғыл шаралар қабылдау қажеттігі туралы тапсырмалар да берілді. Алайда, 3 ай өтті, баяғы жартас – сол жартас, өзгеріс шамалы. Сол өңірлер әлі артта, сол баяғы кешіктіру, кейінге шегеру», - деді Үкімет басшысы.</blockquote>Үкімет басшысы атап өткен дайындығы төмен өңірлер:<ul><li style="text-align:justify;">Қарағанды облысында «Qarmet» компаниясының 2-ші жылу орталығындағы 2-ші қазандықты жөндеу жұмыстары мерзімінде аяқталған жоқ. 1-ші қазандықты күрделі жөндеу сол күйі басталмаған. №7-ші қазандықты жөндеу жұмыстары да бекітілген кестеден кешігіп жатыр.</li><li style="text-align:justify;">Шахтинск тұрғындары да дайындық уақтылы аяқталмай қала ма деп алаңдап отыр. Қалада тендер бойынша және сол күйі басталмай тұрған жұмыстар бар.</li><li style="text-align:justify;">Маңғыстау облысында МАЭК-тің 1-ші жылу электр орталығындағы №4-ші турбинаны күрделі жөндеу жұмыстары әлі жүріп жатыр. Сондай-ақ Комбинаттың 2-ші Жылу орталығында құжаттар уақтылы дайын болмағандықтан, мердігерді анықтау мүмкін болмай отыр.</li><li style="text-align:justify;">Жылу желілерін жаңғырту жұмыстары да баяу. Шығыс Қазақстан және Қостанай облыстарында екі жоба, Абай облысында 1 жоба бойынша бұзып-бөлшектеу жұмыстары ғана жүргізілуде.</li><li style="text-align:justify;">Батыс Қазақстан облысында бір жоба бойынша мердігер ұйым әлі анықталмаған.</li></ul>Үкімет тарапынан бұған дейін МАЭК-ті дамытуға қомақты қаржы бөлінді.<blockquote>«Энергетика министрлігі станцияларға арналған мазутты тым кеш, яғни 15-ші тамызда үлестіріп берді. Логистиканы, қауырт жұмыс барысында туындайтын цистерна мен вагон тапшылығын және басқа да мәселелерді ескеретін болсақ, мазут пен көмір қоры уақтылы дайындалады дегенге сену қиын. Өнеркәсіп және көлік министрліктеріне көмір мен мазут жеткізу бойынша Қазақстан темір жолының және өңірлердің міндеттемелерін орындау мәселелерін қатаң бақылауда ұстауды тапсырамын», - деді Бектенов.</blockquote>Фото: primeminister.kz

Қазақстан және Қызылорда облысының жаңалықтары