<a href="https://kyzylorda-news.kz/">Kyzylorda-news.kz</a> Ширек ғасыр шегінде сұлу да сыңғыр үнімен сахна сандуғашына айналған әнші, «Мәдениет саласының үздігі» төсбелгісінің иегері Рауза Искакова Сыр халқына бенефис-концертін ұсынды. Көрерменге «Жылы жүздесу» атымен жақсы таныс дәстүрлі кештің кезекті шығарылымы әншінің өмірі мен шығармашылығына арналды.Концерт репертуарына республикаға танымал композиторлар мен жергілікті сазгерлердің әсем әндерін жиған сыршыл әншінің өнер жолында халыққа ұсынған үшінші шығармашылық кеші. Ерекше форматта өрбіген бағдарламада филармония әртістері әншінің бай шығармашылығынан әндер орындап, халықтың құрмет-қошеметіне бөленді.Кеште «Қорқыт сазы» қобызшылар ансамблі, Жетекшісі А.Бегімсалова, «Ақмешіт» фольклорлық ансамблі Жетекшісі Н.Нұрбай, «Томирис» және «Ai-Aru» би ансамбльдері, ҚР Мәдениет қайраткері, «Тұран» сыйлығының иегері Ү.Медеуова, «Тұран» триосы, «Мәдениет саласының үздігі» төсбелгісінің иегерлеріЭ.Қалхожаева, С.Тасбергенова, М.Аманжолов, А.Махамбетжанова, А.Әбді, А.Қойшығара, халықаралық және республикалық конкурстардың лауреаттары Е.Садықов, А.Төреғали және Д.Қыдырбай, «Самғау» жастар сыйлығының иегері Ә.Шөжен өнер көрсетіп, ұлттық өнерді ұлықтаған талғампаз көрерменді әсем әндерімен сусындатты.<img src="https://knadmin.beoblood.kz/uploads/sem_n_uelegen_kesh_tti_1_424a5d80e8.jpg" alt="Әсем ән әуелеген кеш өтті 1.jpg"><img src="https://knadmin.beoblood.kz/uploads/sem_n_uelegen_kesh_tti_3_f589390bdd.jpg" alt="Әсем ән әуелеген кеш өтті 3.jpg"><img src="https://knadmin.beoblood.kz/uploads/sem_n_uelegen_kesh_tti_4_a10a5e7172.jpg" alt="Әсем ән әуелеген кеш өтті 4.jpg">Фото: Облыстық мәдениет басқармасы

Әсем ән әуелеген кеш өтті

<a href="https://kyzylorda-news.kz/">Kyzylorda-news.kz</a> Бірнеше күн бұрын 2022 жылғы қаңтардағы жаппай тәртіпсіздік ұйымдастырды деп 20 жылға сотталған«Дикий Арман»деген лақап атпен танылған Арман Жұмагелдиев ҰҚК тергеу изоляторында тамырын кесіп тастады, деп хабарлады&nbsp;<a href="https://qaz365.kz/incidents/11726-dikii-arman-tergeu-izoliatorynda-tamyryn-kesti/">Qaz365.kz.</a>ҚР Ішкі істер министрлігінің Қылмыстық-атқару жүйесі комитеті осыған қатысты жауап берді.Ведомствоның мәліметінше, Арман Жұмагелдиев өзіне жеңіл жарақат салған. Оған дереу медициналық көмек көрсетілген, қазіргі жағдайы қанағаттанарлық деп бағаланып отыр.<blockquote>Сотталушы ерекше бақылауда ұсталады. Онымен колонияның психологтары алдын алу жұмыстарын жүргізіп жатыр. Аталған оқиға бойынша қызметтік тексеріс тағайындалды, — &nbsp;делінген хабарламада.</blockquote>Сот шешімімен Жұмагелдиев ҚР ҚК-нің бірнеше баптары бойынша кінәлі деп танылып, 20 жылға бас бостандығынан айырылды. Ысқақов – 15,6 жыл, Құдайберген – 8 жыл, топ мүшелері – 10-15,5 жылға, басқа қатысушылар – 1,5-7 жылға сотталды.Фото: instagram/armandzhumageldiev

«Дикий Арман» тергеу изоляторында тамырын кесті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев бекітілген кестеге сәйкес азаматтардың жеке мәселелері мен өтініштері бойынша арнайы қабылдау өткізді.Жеке қабылдауға келген тұрғындар аудан әкіміне ұсыныс-тiлектерiн жеке-жеке жеткізіп, мәселелерiнiң оң шешiмiн табуына ықпал жасауды сұрады.Қабылдауға жазылған азаматтар үй және жер кезегіне қатысты мәселелерін айтса, енді бірі тұрақты жұмысқа орналыстыру жөнінде талаптарын жеткізді.Елге ортақ мәселені аудан әкімінің назарына ұсынған азаматтар да болды. Мәселен Конту елді мекенінде тұратын Майрамкүл Сүгіралиева елді мекенге барар жол, ауылдағы бастауыш мектепті ұстап қалу, медициналық тексеру және байланыс қызметі мен тазалық мәселесі бойынша өз ұсыныстарын аудан әкіміне жолдап, осы мәселелер ретімен шешімін тапса деген тілегін жеткізді.Қала тұрғыны Бексұлу Ешниязова да Ғ.Шектібаев көшесін асфальттап, биіктетсе деген ұсынысын жеткізді. Сонымен қатар осы кезге дейін айтылған ұсыныстар ескерусіз қалмай, жауапты тұлғалардың ықпалымен біршама жұмыстар атқарылғанын айтып, тұрғындар атынан алғыс білдірді.Сексеуіл кентіндегі жұмыссыздық мәселесін көтере келген Санат Жұмағұлов та жұмыспен қамтуда нақты әлеуметтік статусқа сай жұмыссыз азаматтар анықталып, бірінші кезекте солар жұмыспен қамтылса деген ұсынысын айтты.Аудан басшысы елге ортақ мәселені көтере келген азаматтарға ризашылығын білдіріп, айтылған ұсыныстар бойынша нақты шешім қабылдап, мәселені шешу жолында жұмыстар атқарылатынын жеткізді.Өзге келушілердің мәселелеріне де жеке дара тоқталды. Тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындарын ұсынды. Тұрғындардың өтінішіне сай мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды. Ал тұрғын үй қажеттілігімен келген адамдарға өңірдегі тұрғындарды баспанамен қамту әр санат бойынша жүргізілетіндігі түсіндірілді.Аудан басшысы көтерілген әрбір мәселелерді сала мамандарымен бірге мұқият зерделеп, заңдылығына қарай шешім қабылданатынын жеткізді. Айтылған өтініштер мен ұсыныстар бойынша құзырлы мемлекеттік мекеме басшыларына және қала, кент, ауылдық округ әкімдеріне нақты тапсырмалар жүктелді.Фото: Арал ауданы әкімінің баспасөз қызметі

Арал: Аудан әкімі тұрғындардың тілегін тыңдады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудандағы тазалық мәселесі мен қоғамдық тәртіп төңірегінде арнайы жиын өтті. Аталған жиынға Арал ауданының әкімі Аманжол Оңғарбаев төрағалық етіп, бірнше мәселелер бойынша жол берілген кемшіліктерді назарға алды.<blockquote>– Тазалық мәселесінде «қыс келді» деп арқаны кеңге салуға болмайды. Күнге сенім жоқ екенін жақсы білесіздер. Бүгін еріген қар суы ертең-ақ көк мұзға айналуы мүмкін. Сондықтан Арал қаласының шекарасынан бастап, кіреберіс арканы қамти отырып автомобиль жолын қар мен мұздан тазалап шығу қажет. Әсіресе, қаладағы орталық көшелер мен орталық базардың маңын қатаң бақылауға алып, тазалау керек, – деді аудан әкімі Аманжол Сақыпұлы.</blockquote>Мұнан бөлек ауылдық жерлерде де тазалық мәселесіне лайықты деңгейде көңіл бөлінуі керектігі айтылды. Көшелердегі билбордтар, қоршаулар мен бағаналар және жол белгілері мен бағдаршамдар бойынша кемшліктерді толықтай бақылауға алуды тиісті бөлімдер мен қала әкімне жүктеді.Қала көшелері мен әлеуметтік нысандардың жай-күйіне қатысты жүргізілген мониторинг жұмыстарының нәтижесін арнайы слайд арқылы көрсетіп, кеткен кемшіліктер бойынша жұмыстарды қазірден қолға алуды жауаптыларға жүктеді.Жиында аудандағы қылмыстық ахуал мен қоғамдық тәртіпке қатысты да бірқатар ескертпелер аудан әкімі тарапынан айтылды.<blockquote>– Ауданда құқық бұзушылық пен қылмыстық ахуалдың тұрақтылығын сақтау да бүгінде басты мәселеге айналып тұр. Топтық төбелес пен ұсақ құқық бұзушылықтар аудан аумағында жиі орын алып тұр. Әсіресе аудан жастарының топтасып төбелесуі дәстүрге айналды десек те болады. Бұл мәселеде аудандық Полиция бөлімі жұмысты жетілдіру қажет. Керек болса күнде рейдтік шаралар ұйымдастырып, тәртіпке бағынбайтындарға жаза көру керек, – деді аудан әкімі.</blockquote>Жиын қорытындысында тапсырманың уақытылы орындалуын салаға жетекшілік ететін аудан әкімінің орынбасарлары бақылауға алу керектігі айтылды.Фото: Арал ауданы әкімінің баспасөз қызметі

Тазалық пен тәртіп тұрақты бақылауда

<a href="https://kyzylorda-news.kz/">Kyzylorda-news.kz</a> «AMANAT» партиясының қалалық филиалының атқарушы хатшысы Гүлшат Мұсаева өткен аптада БАҚ өкілдеріне 2024 жылы атқарылған жұмыстарды баяндады.Бүгінде қаламызда 12 811 партия мүшелерімен бірлесіп, ауқымды жұмыстар атқарылуда. Өткен жыл партия филиалы үшін жемісті жылдардың бірі болды.<blockquote>Қызылорда қалалық мәслихатындағы «AMANAT» партиясының депутаттық фракция мүшелерімен бірлесе отырып, партияның сайлауалды бағдарламасындағы Қызылорда қаласына қатысты 81 шараны орындау жүзеге асырылды. Халық қалаулылары тарапынан сайлау науқанында азаматтардан түскен 166 өтініш-тілектің 152-і орындалды. Жалпы, партияның қалалық филиалына қарасты 40 бастауыш партия ұйымдары партиялық жобаларды жүзеге асыруда белсенділік танытып келеді. Соның негізінде, өткен жылы бастауыш партия ұйымының төрағалары 2022-2023 жылдары атқарылған жұмыстарын баяндаған болатын. Қоғам тарапынан талқыға түскен маңызды мәселелер мен жол картасында жоспарланған шаралар жергілікті атқарушы билікпен бірлесе жүзеге асырылуда. Соның негізінде, өткен жылы депутаттық фракция алдында қала әкімі бір рет, қала әкімінің орынбасарлары екі рет атқарылған жұмыстар бойынша баяндады, – деді Гүлшат Мұсаева.</blockquote>Бұдан бөлек, партияның қалалық филиалының қоғамдық қабылдау бөлмесі азаматтардың мұң-мұқтажын тыңдап, мәселелерін шешуге атсалысуда. Өткен жылы азаматтар тарапынан 1603 өтініш тіркелген. Оның 1183 (87,11%) оң шешімін тапты, 175 (12.89%) мәселе бойынша түсіндірме жұмыстары жасалып, кеңес берілді. Азаматтардың сауалдарына байланысты тақырыптық қабылдаулар өтіп келеді. Партияның «Кедергісіз келешек» жобасы бойынша өткен 27 қабылдауға 96 адам келді. Оның 82 (85,42%) оң шешілді, 14 (14,58%) мәселе бойынша түсіндірме жұмыстары жасалды.<blockquote>Тұрғандарға көрсетілген тегін заңгерлік көмек аясында 2024 жылы 140 тұрғынға құқығын қорғау жайлы сүйемелдеу шаралары жүргізілді. Оның 119 (85%) оң шешім тапты, 21 (15%) мәселе бойынша кеңес берілді. Жауапты сала басшыларымен бірлесіп, партияның ұйымдастыруымен елді мекендер мен қаланың барлық аумағында 36 рет көшпелі қабылдау өтті. Онда 180 тұрғынның 170 (94,5%) сұрағы қанағаттандырылды. Қалған сұрақтар бойынша түсіндірме жұмыстары жүргізілді. Партиялық бақылау комиссиясы сайлауалды бағдарламаның жол картасы аясында 7 нысанға партиялық бақылау бекеттерін орнатты. Бүгінде 3 нысан пайдалануға берілді. &nbsp;Жол картасы аясында &nbsp;құрылысы жүргізіліп жатқан нысандарға, резонансты мәселелерге және т.б бойынша комиссия мүшелерімен 62 рет мониторинг жұмыстары жүргізілді. Партия мүшелерінің, әлеуметтік аз қамтылған отбасы балаларын қолдау мақсатында жыл сайынғы «Баланы баланы даярлайық!» акциясы аясында 299 балаға 4 млн. 485 мың теңгеге қажетті мектеп құралдары алынып берілді, – деді Гүлшат Исақызы.</blockquote>Сонымен бірге мүгедекті бар азаматтарға қолайлы орта қалыптастыру мақсатында «Кедергісіз келешек» партиялық жобасы бойынша жоспарланған 60 нысанның барлығына мониторинг жұмыстары жүргізілді. Тексеру барысында кейбір нысанның қауіпі бар екендігі анықталып, тиісінше ескертпелер мен ұсыныстар берілді.Мемлекет басшысының ерекше атап өткен Үкімет пен партияның бірлескен &nbsp;«Ауыл аманаты» жобасы аясында 612,8 млн теңгеге 56 жоба лимит түрінде көзделген. Алғашқы лекте 142,1 млн. тг. құрайтын 16 жоба қаржыландырылды. Бүгінде қосымша 20 жоба мақұлданды.&nbsp;«Жер аманаты» бойынша жопарланған 375 га жер телімінің орнына 917 га (244,5%) қайтарылды. Мемлекет басшысының бастамасымен қолға алынған «Таза Қазақстан» және «Таза бейсенбі» экологиялық акциясы аясында өткен 25 сенбілікте 12,5 тоннаға жуық қоқыс шығарылды.&nbsp;Сондай-ақ, тұрғындардың қаржылық сауаттылғын арттыруға бағытталған «Қарызсыз қоғам» әлеуметтік жобасы бойынша қалада 34 курс өткізіліп, 2302 азамат оқу курсынан өтіп, қаржылық сауаттылығын арттырды.Фото: «AMANAT» партиясы Қызылорда қалалық филиалы

«AMANAT» партиясы: Атқарылған жұмыстар ауқымды

<a href="https://kyzylorda-news.kz/">Kyzylorda-news.kz</a> Жапония және Моңғолия мемлекетінен арнайы келген жаттықтырушылар Кондо Такеки мен Бақыт Одынайұлы және Давааням Алтангэрэл бүгін №5 облыстық олимпиадалық резервтің мамандандырылған балалар-жасөспірімдер мектебіне барды.&nbsp;Жас спортшылармен кездесу барысында қадірлі қонақтар Жапония мемлекетіндегі ең үздік білім беру ұйымы «Янагигаура» мектебі туралы айтып берді. Қазіргі таңда Жапониядағы аталмыш мектепте 10 елден келген 110 шетелдік оқушы тереңдетілген бағытта білім алуда. Мектеп ережесіне сәйкес, өзге мемлекеттен келген оқушылар 9-шы сыныптық білім негізінде сәуір айынан бастап ақылы түрде қабылданады. Сонымен қатар, тереңдетілген білім беруден бөлек, дзюдомен шұғылданушыларға толықтай жағдай жасалған. Онда жоғары дәрежелі жаттықтырушылар жас өрендерге кәсіби түрде дәріс береді.&nbsp;Білім алуда үздік нәтиже көрсетіп, спортта үлкен жетістіктерге қол жеткізген оқушыларға мектеп атынан арнайы жеңілдіктер қарастырылған.&nbsp;Кездесу соңында дзюдошылар қадірлі қонақтарға «Янагигаура» мектебі туралы өз сауалдарын қойып, олармен бірге естелік суретке түсті.&nbsp;Фото: Қызылорда облысы дене шынықтыру, спорт және туризм басқармасы

Шетелдік жаттықтырушылар жас спортшылармен кездесті

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың қатысуымен Жалағаш ауданының«Қаракеткен» ауылында «Ауылдық денсаулық сақтауды жаңғырту» ұлттық жобасымен салынған дәрігерлік амбулатория ашылды. Рәсімге облыстағы құқық қорғау органдарының басшылары, медицина саласының ардагерлері, қоғам қайраткерлері мен ауыл тұрғындары қатысты.Аймақ басшысы жиналған қауымды құттықтап, өңірдің әлеуметтік-экономикалық дамуындағы, құрылыс денсаулық сақтау салаларындағы жаңашылдықтарға тоқталды.<blockquote>«Мемлекет басшысының төрағалығыменөткен Үкіметтің кеңейтілген отырысында өңірдің әлеуметтік-экономикалық даму қорытындыларын баяндадым. Президентіміз Қасым-Жомарт Кемелұлы облыста атқарылған жұмыстарға оң бағасын берді. Алдымызда әлі жүзеге асыратын жобаларымыз көп. Осы бағытта жұмысымызды жалғастыратын боламыз. Аймақтың денсаулық сақтау саласының бюджеті 129 млрд. 448 млн. теңгеге жетті. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды. Жалағаш ауданының Есет батыр, Мырзабай ахун ауылдарындағы екі дәрігерлік амбулатория 2023 жылы ашылып, қазір ел игілігіне қызмет етуде. &nbsp;Бүгін ел игілігіне табысталатын жаңа ғимаратта бастапқы медициналық көмек &nbsp;көрсету сапасын жақсарта түсуге жол ашылсын! Дәрігерлеріміз елге адал қызмет етіп, халық алғысына бөлене берсін! Егемен еліміздің еңсесі биік, Тәуелсіздігіміз баянды болғай!» – деді Нұрлыбек Машбекұлы.</blockquote>Жиында медицина саласының ардагері,Қызылорда облысының Құрметті азаматы, «Құрмет» және «Парасат» ордендерінің иегері Тұрғанбай Маханов батасын берді. Ауданның әлеуметтік-экономикалық дамуы жолында қажырлы еңбек еткен ардагерлер мен аурухананы салған құрылысшыларға марапаттар тапсырылды.Айта кетейік, өткен жылы Қызылордада жаңа «Қан орталығы» ашылып, бүгінде ел игілігіне қызмет етуде. Жаңақорған ауданы «Төменарық» ауылында, Арал ауданы «Сексеуіл» кентінде ауылдық ауруханалар қолданысқа берілді. Ана мен бала өмірін қорғау мақсатында көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды.Облыс орталығында емханасы мен онкологиялық бөлімшесі бар 300 орындық көпбейінді аурухананың құрылысы жүруде. Бұдан бөлек, ұлттық жоба аясында 4 көпбейінді аудандық орталық аурухана жанынан қосымша құрылыс салынады.Өткен жылы 8 медициналық нысанға күрделі жөндеу жұмыстары жүргізілді. Биыл 6 нысанның жылу жүйесі газға ауыстырылады. Медициналық құрал-жабдықтармен қамтылудеңгейі 87,1 пайызға жетті. Соңғы 2 жылда облыстың барлық елді мекеніндегі денсаулық сақтау мекемелеріне 245 жаңа санитарлық автокөлік табысталса, оның 11-і Жалағаш &nbsp;ауданына берілді. Осылайша, ауылдарды санитарлық автокөлікпен қамту мәселесі толық шешілді.Мемлекет басшысының бастамасымен құрылған «Қазақстан халқына» қоры өңірдің денсаулық сақтау саласын дамытуға 4 млрд. теңгеден астам қаржы бағыттады. Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары &nbsp;ашылды. Скрининг жүргізуге арналған жылжымалы медициналық кешен алынып, ауыл тұрғындарын тексеруден өткізуде.<img src="https://knadmin.beoblood.kz/uploads/araketken_auyly_d_rigerlik_ambulatoriya_3735b52381.jpg" alt="Қаракеткен ауылы дәрігерлік амбулатория.jpg">Фото: Қызылорда облысы әкімінің баспасөз қызметі

Жаңа дәрігерлік амбулатория пайдалануға берілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жалағаш ауданында «Руханият орталығы» ашылды. Мерекелік іс-шараға облыстағы құқық қорғау органдарының басшылары, өнер және қоғам қайраткерлері және аудан тұрғындары қатысты.Рәсім үш дүркін «Алтын домбыра» иегері Мұхтар Ниязовтың арнауымен ашылды. Аймақ басшысы жұртшылықты жаңа нысанның қолданысқа берілуімен құттықтады.<blockquote>«Бүгін елі ырысты, жері күрішті, берекесі тасып, бірлігі асқан Жалағаш ауданындағы бірқатар нысанды ел игілігіне табыстауға жиналдық. Мемлекет басшысы Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет» деген болатын. Өткен жыл өңірімізде «Руханият жылы» деп айшықталып, мәдени-көпшілік шаралармен бірге ауқымды жобаларды жүзеге асырдық. Сыр өңіріндегі «Руханият жылы» жемісті болды. «Анаға тағзым», «Отбасы орталығы», көпфункционалды 1000 орындық «Өнер орталығы» салынып, симфония оркестрі, инклюзивті театр, жастар театры, заманауи би, хор ұжымдары жасақталды. Сыр мәдениетінің негізгі бренді – жыраулық дәстүр өкілдерінің «Жыраулар үйі» ашылды. «Самұрық қазына траст» қорымен бірге «Үстел теннисі» орталығы, «ҚазМұнайГаз» компаниясының демеушілігімен «Оқушылар сарайы» салынып, ел игілігіне берілді. Биыл бұл бағыттағы жұмыстар жалғасын тауып, ірі құрылыс нысандары іске қосылады. «Руханият орталықтары» көз ілеспес өзгерістерге толы жаңа заман шақыртуларына жауап беретін бәсекеге қабілетті ұлт қалыптастыруда рухани-мәдени шаңырақ болады деп есептейміз. Баршаңызды жаңа нысанның ашылуымен тағы да құттықтаймын! «Руханият орталығы – бірліктің ордасы» еліміздің рухани қазынасын толықтырып, жұртшылыққа қуаныш сыйласын. Ұлттық құндылықтарымыз ұлықталып, Тәуелсіз еліміздің абыройы әрқашан асқақ болғай!» – деді аймақ басшысы.</blockquote>​​Жиында Жалағаш ауданының Құрметті азаматы Өмірбек Шәменов сөз сөйлеп, жиылған жұртшылықты құттықтады. Аудандық ардагерлер кеңесінің төрағасы Садық Әлиев батасын берді. Ауданның өркендеуіне үлес қосқан ардагерлер мен мердігер мекеме қызметкерлері марапатталды.<img src="https://knadmin.beoblood.kz/uploads/Ruhaniyat_ortaly_y_ashyluy_72646d9e31.jpg" alt="Руханият орталығы ашылуы.jpg">Айта кетейік, былтырдан бері барлық 7 ауданда құны 11 млрд. 500 млн. теңгені құрайтын, ішінде неке қию залы, кітапхана, музей, архив, жастар сарайы, ардагерлер мен аналар үйі бар «Руханият орталықтары» салынып, пайдалануға берілуде.<img src="https://knadmin.beoblood.kz/uploads/Ruhaniyat_ortaly_y_Zhala_ash_6ddb624e7b.jpg" alt="Руханият орталығы Жалағаш.jpg">Фото: Қызылорда облысы әкімінің баспасөз қызметі

Жалағашта "Руханият орталығы" ашылды

<a href="https://kyzylorda-news.kz/">Kyzylorda-news.kz</a> Атыраулық төрт баланың анасы облыстық мәслихаттың депутаты болған&nbsp;күйеуін&nbsp; ұзақ жылдар бойы тұрмыстық зорлық-зомбылық көрсетіп, кейін алимент төлеуден қасақана жалтарғанын мәлімдеді.&nbsp;&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі&nbsp;хабарлады.Атыраулық Н.Тәжғалиева Президентке әділдік сұрап,&nbsp;ашық хат жолдады.&nbsp;Ол күйеуінен 12 жыл&nbsp;қорлық көріп, соққыға жығылғанын айтты.&nbsp;<blockquote>"2018 жылы баламды емізіп жатқанда, ол ұялы телефонмен басымды жарып жіберді, ал 2023 жылы 120 келі салмағымен үстіме отырып ұрып соқты", –&nbsp;деді әйел.</blockquote>Ол бірнеше рет полицияға арыз жазғанын, бірақ күйеуі мен ата-анасының қысымынан соң қайтарып алған. Себебі ер адам түзелуге уәде беріпті.Ажырасқаннан кейін балаларының әкесі алимент төлемей, алты миллион теңгеге жуық қарыз болды. Нұржамалдың айтуынша, депутат алимент төлеуді сот арқылы даулауға тырысып, балаларын тартып алуды көздеп отыр. Оның үстіне&nbsp;үлкен қызын алдап тартып алған.Сонымен қатар полиция Ерекешовтің әрекетін жасырып жатыр дейді. “Қорғау туралы бұйрық” әрең берілген, оның үстіне ол ер адамды да, әйелді де қорғау үшін беріліпті.Президент Қасым-Жомарт Тоқаевқа жолдаған үндеуінде&nbsp;күйеуіне қатысты қылмыстық іс қозғауға көмектесуді сұрайды.<blockquote>"Әйелін ұрып-соғып, балаларының алдындағы жауапкершілігінен жалтарып, меншігіне талап қойған ер адам депутаттық лауазымға ие бола алмайды. Мен өзім және балаларым үшін әділдік сұраймын. Мемлекет мені естиді деп үміттенемін", –&nbsp;деді әйел.</blockquote>Атырау облыстық полиция департаменті аталған оқиға бойынша тергеу амалдары жүргізіліп жатқанын айтты.<blockquote>"Жарияланған фотолар 2018 және 2023 жылдары түсірілген. 1987 жылғы әйелдің айтуынша, 2018 және 2023 жылдары қорғау нұсқалары берілген, кейін арызданушының өтініші бойынша күшін жойған.</blockquote><blockquote>2024 жылы әйел мен оның бұрынғы күйеуінің өтініші бойынша қорғау туралы бұйрықтар шығарылды. Арызданушылардың айтуынша, олар телефон арқылы бір-бірін мазалаған”, –&nbsp;деді полиция.</blockquote>Фото: Нұрболат Нұржаубай

"Телефонмен басымды жарды": Атыраулық әйел депутат болған экс-күйеуін зорлық-зомбылық жасады деп айыптады

<a href="https://kyzylorda-news.kz/">Kyzylorda-news.kz</a> «Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды», - Қасым-Жомарт Тоқаев, Қазақстан Республикасының Президенті.2022 жылы Мемлекет басшысы Қазақстан халқына Жолдауында «Жайлы мектеп» ұлттық жобасын жүзеге асыруды тапсырды. Жоба аясында 2025 жылдың соңына дейін 460 мың орындық 217 заманауи мектептің құрылысы жоспарланған, оның ішінде 105 мектеп 2024 жылы салынды.«Жайлы мектеп» ұлттық жобасы балалардың тұрғылықты жеріне қарамастан, заманауи талаптарға сай келетін тегін білім алу мүмкіндігін қамтамасыз етуге бағытталған.Бастама жайлы мектептердің материалдық-техникалық базасын жақсартып қана қоймай, балалардың шығармашылық және интеллектуалды қабілеттерін дамытуға ықпал ететін орта қалыптастырады.Жайлы мектептердің көлемі типтік мектептерге қарағанда, 15-20%-ға кең, сондай-ақ техникалық жарақтануы да 4 есе артық. Мектептерде робототехника кабинеттері, STEM-зертханалар, хореография залдары, коворкинг аймақтары, 4 спорт залы қарастырылған, сондай-ақ алғашқы әскери дайындық үшін арнайы ашық алаңдар жабдықталады. Бастауыш және жоғары сынып оқушылары бөлек блоктарда білім алады. Жайлы мектептердегі ең басты жайлылық - &nbsp;эргономикалық кеңістіктің құрылуы.Жайлы мектептерде инклюзиялық білім беруге ерекше көңіл бөлінуде. Ерекше білім беру қажеттіліктері бар балалар үшін жеке санитарлық бөлмелерімен кең кабинеттер қарастырылған. Сонымен қатар мектептерде жеделсаты, пандустар, арнайы белгілер, психолог, логопед және дефектолог кабинеттері бар.Жайлы мектептің ерекшелігі сонда, әр блокта оқушылар мен педагогтер үшін демалыс аймақтарын көруге болады. Мұнда жұмсақ жиһаздар, кітаптар, музыкалық аспаптармен үстел ойындары қойылған. &nbsp;Мектептер сонымен қатар заманауи бейнебақылау және мектепке кіріп-шыққандарды қадағалау жүйелерімен қамтамасыз етіледі.Жобаның негізгі міндеттерінің бірі - оқу процесінде жаңа технологиялар мен әдістемелерді меңгерген білікті педагогикалық кадрлармен қамтамасыз ету.Бұдан бөлек, елімізде 510 мың оқушы орнына &nbsp;арналған 422 мектеп салынып, рекордтық көрсеткішке қол жеткізілді. &nbsp;Бұл 32 апатты және 71 үшауысымды мектеп мәселесін шешіп, ел аумағындағы 200 мектепте оқушы орны тапшылығын жоюға мүмкіндік берді.Білім беру инфрақұрылымын қолдау қорының желісі бойынша 100 мыңға жуық оқушы орнына арналған 89 мектептің құрылысы қаржыландырылды.2024 жылы 80 мыңнан астам педагог біліктілікті арттырудың тегін курстарынан өтті.Оқушы орындарының тапшылығы, үшауысымды оқыту және апаттық мектептер мәселесін шешу, сондай-ақ қалалар мен ауылдар арасындағы білім беру инфрақұрылымы сапасының айырмашылығын азайту мақсатында елімізде мектеп құрылысын жүргізу және реновациялау бойынша бастамалар қарқынды іске асырылуда.2025 жылы 28 білім беру ұйымдарының құрылысы жалғасуда, ол қосымша 25 мың оқушы орнын құруға мүмкіндік береді.300 мың орындық 200-ге жуық мектептің құрылысы жүзеге асырылады.<blockquote>«Ауыл мектептерін зияткерлік, сондай-ақ қоғамдық орталық ретінде дамыту маңызды. «Мектебі бар ауылда тіршілік бар» деп бекер айтылмаған», - деді ҚР Президенті Қасым-Жомарт Тоқаев.</blockquote>Мемлекет басшысының тапсырмасы бойынша жыл сайын аудандық және ауылдық 1000 мектеп жаңғыртылуда.Бүгінгі таңда орта білім беру ұйымдарының 67%-ын (5236 мектеп) аудандық және ауылдық мектептер құрайды, оның ішінде 4 мың мектеп жаңғыртылды.Таяудағы үш жыл ішінде еліміздің барлық өңірінде 1231 мектепті реновациялау жоспарлануда, оның ішінде 820 мектеп ауылдық жерлерде орналасқан. Реновация мектептердің материалдық-техникалық базасын жақсартуға, инновациялық білім беру технологияларын енгізуге және педагогтердің біліктілігін арттыруға мүмкіндік береді.Бұл шаралар халықтың туған жерінен табан аударып, қалаға жаппай көшу мәселесін де шешеді.Еліміздің барлық өңірінде жаңа білім беру нысандарын салу арқылы қосымша жұмыс орындары құрылуда, бұл әлеуметтік, экономикалық жағдайды жақсартуға және жалпы құрылыс саласын дамытуға ықпал етеді. 2024 жылдан бастап жаңа салынған мектептерде 5000-ға жуық педагог жұмыспен қамтылды.Ұлттық жобаның тағы бір маңызды бағыттарының бірі - қазақстандық тауарлар мен қызметтерді өндірушілерді қолдау болып табылады.Жаңа мектептерге барлық жиһаздарды отандық кәсіпорындар жеткізеді. Бұл ұлттық экономиканы нығайтуға және қазақстандық өндірушілердің жаңа жұмыс орындарын құруына, елдегі экономикалық тұрақтылыққа, жергілікті өнеркәсіпті дамытуға ықпал етеді.Заманауи форматтағы мектептер барлық қазақстандық балалардың қолжетімді әрі жайлы, қауіпсіз ортада сапалы білім алуына жол ашады.Фото: gov.kz

«Жайлы мектеп» - сапалы білім беру мен оқушылардың саулығы үшін жаңа мүмкіндіктерге жол ашады

<a href="https://kyzylorda-news.kz/">Kyzylorda-news.kz</a> «Kazakh Tourism» «Үздік туристік ауыл – 2025» ұлттық байқауының қорытындысын шығарды. Жеңімпаз ауылдар БҰҰ-ның Дүниежүзілік туристік ұйымының жыл сайынғы халықаралық байқауында еліміздің намысын қорғайтын болады. Бұл туралы ORDA ақпараттық-сараптамалық порталында жарияланды.Туристер үшін ең үздік ауылдардың қатарында Қызылорда облысындағы Нағи Ілиясов ауылы да бар.2013 жылдан бастап ауылда ауқымды абаттандыру және инфрақұрылымды жаңарту жұмыстары жүргізілді. Нәтижесінде, ауыл заманауи келбетке ие болып, облыстағы үлгілі елді мекендердің біріне айналды.Ауылдың қазіргі дамуында "Абзал и К" және "Мағжан и К" серіктестіктерінің үлесі зор. Олар ауыл шаруашылығы саласында белсенді қызмет атқарып, ауылдың әлеуметтік-экономикалық дамуына елеулі ықпал етуде.2023 жылы Қазақстан Республикасының Президенті Қасым-Жомарт Тоқаев ауылға сапармен келіп, оның тыныс-тіршілігімен танысты.Фото: Қызылорда қаласы әкімінің баспасөз қызметі

Нағи Ілиясов ауылы үздік туристік ауыл атанды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Жалағаш ауданына жұмыс сапары кезінде жұртшылықпен кездесіп, құқық қорғау органдары басшыларымен бірге тұрғындарды жеке қабылдады.Оқушылар үйі мен өнер мектебі ғимаратында өткен жеке қабылдауға 65 азамат келді. Олар газ, көшелерге жөндеу жұмыстарын жүргізу, спортпен шұғылданатын ойын алаңдарын салу, емхананың кәріз жүйесін жаңарту, жұмысқа орналасу, кәсібін кеңейту, тағы басқа мәселелерді көтерді.Аймақ басшысы мәселелерді сала мамандары мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді. Көтерілген мәселелердің әрқайсысы жіті зерделеніп, жан-жақты талданады. Содан кейін заң аясында шешім қабылданбақ.Жеке қабылдауға келген кент тұрғыны Қаракеткен ауылы және Далдабай елді мекеніне табиғи газ жүргізу жайын қозғады. Облыс әкімі қазіргі таңда аталған елді мекендерді газдандырудың жоба-сметалық құжаттары жасалып, мердігер және техникалық қадағалаушы мекемелер анықталғанын жеткізді.«Ауыл аманаты» бағдарламасы арқылы 2023 жылы несие алып, жылыжай ашқан кент тұрғыны кәсібін кеңейтуге көмек сұрады. Оған бағдарлама аясында жеңілдетілген несие алу мүмкіндіктері жайында түсіндірілді.Тұрғындар құқық қорғау органдары басшыларының қабылдауына негізінен өздерін толғандырған мәселелердің заңдық тұрғыда қалай шешілетінін білуге келеді. Бүгінгі кездесуде олар барлық сауалдарына толыққанды жауап пен маман кеңесін алды.Дәстүрге айналған мұндай қабылдаулар алдағы уақытта өңірдің басқа да аудандарында ұйымдастырылатын болады.<img src="https://knadmin.beoblood.kz/uploads/T_r_yndardy_abyldau_2_eb2ae5d4bc.jpg" alt="Тұрғындарды қабылдау 2.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары