<a href="https://kyzylorda-news.kz/">Kyzylorda-news.kz.</a> “Nur Otan”&nbsp; партиясыатынан ҚР ПарламентіМәжілісі облыстық, аудандық мәслихат депутаттығына үміткерлер Жаңақорған ауданының&nbsp; білім және денсаулық сақтау саласы өкілдерімен кездесті.
Кандидаттармен ашық жүзедесуде сала өкілдері белсенділік танытып, өздерінің көкейкесті сауалдарын&nbsp; қойды. Бірқатар ұсыныс-тілектерін де жеткізді. Басқосу аясында медицина саласы өкілдері тарапынан әлемдегі пандемия науқанындағы дәрі-дәрмек тапшылығының алдын алу мәселесі, ана мен бала өлімінің көрсеткішін төмендету жайы сөз болды. Ал білім саласы қызметкерлері кандидаттарға ауыл мен қала мектептері арасындағы білім беру алшақтығын жою, білім сапасын арттыру туралы ойларымен бөлісті. Осылайша саладағы бірқатар мәселелердің мән-жайы ашық форматта талқыға салынды.
<blockquote>
 &nbsp;“Ұлт саулығы партияның маңызды басымдығының бірі болып табылады. Партия тарапынан қолға алынған медициналық қызмет сапасын арттыру мақсатындағы жүйелі жұмыстар алдағы уақытта&nbsp; жалғасын таппақ. Мәселен,&nbsp; жалпы өлім-жітім көрсеткішін мың адамға шаққанда 5,56 %-ға дейін, ана өлімін 5%-ға дейін, ал бала өлімін 1 мыңға шаққанда 8,52%-ға дейін төмендетуге мүмкіндік жасалмақ. Сонымен қатар,&nbsp; Төменарық ауылында аурухана құрылысы және 5 ауылдық дәрігерлік амбулаторияның құрылысы жүргізілмек”&nbsp; – деді Б. Мақашов.
</blockquote>
Білім сапасын арттыру мақсатында Жаңақорған ауданында бірқатар жұмыстар жоспарға қойылған. Атап айтсақ, алдағы 5 жылдықта ауданда&nbsp; 3 жаңа мектептің құрылысы жүргізілмек. Олар Жаңақорған кентіндегі сыйымдылығы 300 және 600 орындық болатын екі мектеп пен Жаңаарық елді мекеніндегі 200 орындық білім ордасы. 7 мектепті кезең-кезеңімен күрделі жөндеуден өткізу, 2 балабақшы құрылысын жүргізу жоспарланып отыр. Инклюзивті білім беруге жағдай жасап отырған мектептер санын 34-тен 42-ге жеткізу межеленген.
&nbsp; Маңызды басқосу аясында кандидаттар сала өкілдерінің сұрақтарына кеңінен тоқталып, жауап берді.&nbsp; Өзекті болған мәселелер партия тарапынан жіті бақылауда болатынын жеткізді. Кандидаттар өз кезегінде партияның сайлауалды бағдарламасын, стратегиялық бағыттарын егжей-тегжейлі баяндады.
<img src="https://kyzylorda-news.kz/wp-content/uploads/2020/12/1-material-1-1.jpeg" alt="" />
“Nur Otan”&nbsp; партиясы Қызылорда облысының Сайлау қорының қаражатынан төленді

Қызылорда: Жаңа жұмыс орындары ашылмақ

<a href="https://kyzylorda-news.kz/">Kyzylorda-news.kz</a>. Қызылорда облысында ауыз су жеткізілмеген шалғай ауылдар баршылық, деп хабарлайды <a href="https://24.kz/kz/zha-aly-tar/o-am/item/443494-yzylorda-oblysynda-y-sh-mish-auylyna-su-keldi">«Хабар 24»</a>.
Мәселен Арал ауданындағы Ақбасты, Қарақұм және Тоқабай елді мекенінің тұрғындары тіршілік нәрін әлі де шахталық құдықтан тартып ішіп отыр. Дегенмен аймақта сапалы сумен қамту мәселесі кезең-кезеңмен шешіліп келеді. «Өңірлерді дамыту-2020» бағдарламасы шеңберінде Шөміш ауылына су келді. Жалпы теңізді жағалай қоныстанған 57 ауылдың жартысынан астамы таза су желісіне қосылып отыр.
Әсемкүл Мырзалиева тап-таза мөлдір судың үйдің ішінде сарылдап ағып тұрғанына әлі үйренісе алмай жүр. Шөмішке 20 жылдай бұрын келін болып түскен ол «әдет бойынша қауға-шелегін көтеріп, ауыл шетіндегі су торабына тұра жүгіремін» дейді. Жалпы судың келуімен елді мекендегі 500-дей тұрғынның тұрмыстық жағдайы едәуір жеңілдеп сала бергенін айтады. Әсемкүл Мырзалиева,
<blockquote>
 “Бұрын суды тасып ішетінбіз. Бөшкемен, шелекпен, әсіресе, қыста балаларға қиын су тасу. Енді бүгін мереке қарсаңында үйімізден су ағып қуанып жатырмыз”, – дейді Шөміш ауылының тұрғыны Әсемкүл Мырзалиева.
</blockquote>
Қосамандағы Толағай жерасты қорына қағылған 30 ұңғыма арқылы 30 мыңдай тұрғынға тәулігіне 22 мың текше су беріп тұрған «Арал-Сарыбұлақ» топтық су құбырынан Шөмішке қарай 12 шақырым желі тартылды. Қайта жаңғыртылған бас су торабына қуаттылығы жоғары қондырғылар қойылып, әр үйге есептегіш құралдар орнатылды. Келесі жылы суы жоқ шалғай ауылдарда да осындай жұмыстар басталады. Ислам Қапаров,
<blockquote>
 “Ақбасты елді мекенінде 3 млрд теңгенің жобасы дайын. Ендігі жылы басталады деп отырмыз. Қарақұм елді мекенінде 3,8 млрд теңгенің жобасы жасалып, биыл ақшасы бөлініп, ендігі жылы басталады деп күтіп отырмыз”, – дейді «Арал-Сарыбұлақ» топтық су құбыры өндірістік бөлімше басшысы Ислам Қапаров.
</blockquote>
Арал мен Қазалы аудандарының 65 елді мекенін сумен қамтып отырған «Арал-Сарыбұлақ» топтық су құбырына соңғы 3 жылда 9 ауыл қосылды. Енді алдағы 3 жылда қос ауданның барлық елді мекеніне тәршілік нәрін жеткізу жоспарланып отыр.

Қызылорда: Шөміш ауылына таза ауыз су жетті

<a href="https://kyzylorda-news.kz/">Kyzylorda-news.kz</a>. Ұлыбританияда анықталған коронавирустың жаңа түрі өте жылдам таралып жатыр. Бұл туралы Англияның бас дәрігері, профессор Крис Уиттидің мәлімдемесінде айтылған.
Англияның оңтүстік-шығысында вирус жұқтырғандар саны күрт өсіп кетті. Осыған байланысты жаңа респираторлық вирустық қауіптер бойынша консультациялық кеңес тұрғындарды сақ болуға шақырды.
<blockquote>
 “Біз Дүниежүзілік денсаулық сақтау ұйымына ескерттік. Жағдайды түсіну үшін қолжетімді деректерді талдап жатырмыз. Әзірге қолымызда вирустың жаңа типі өлім-жітімнің артуына әкеп соғатыны немесе ем мен вакцинаға әсері туралы мәлімет жоқ. Бірақ мұны растау үшін шұғыл зерттеулер жүргізілуде”, – деді Уитти.
</blockquote>
14 желтоқсанда елдің денсаулық сақтау министрі Мэтт Хэнкок вирустың жаңа түрі табылғанын мәлімдеді.
Айтуынша, аталған штамм Англияның оңтүстік-шығысында, соның ішінде Лондонда аурудың жылдам таралуына әкеп соққан. Вирус таралу жылдамдығы жағынан белгілі коронавирустың басқа түрлеріне ұқсамайды.
Ол жаңа мутация аурудың ауыр түріне шалдықтыруы мүмкін екені дәлелденбегенін атап өтті.
<a href="https://sputnik.kz/world/20201220/15770963/koronavirus-zhyldam.html">Sputnik Қазақстан</a>

Коронавирустың жаңа түрі жылдам таралып жатыр

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте коронавирус жұқтырған 652 науқас тіркелді, деп хабарлады COVID-19 індетінің таралуына жол бермеу жөніндегі ведомствоаралық комиссия. &nbsp;
Өңірлер бойынша мәлімет:
<ul>
<li>Нұр-Сұлтан қаласы – 68,</li>
<li>Алматы қаласы – 51,</li>
<li>Шымкент қаласы – 3,</li>
<li>Ақмола облысы – 59,</li>
<li>Ақтөбе облысы – 8,</li>
<li>Алматы облысы – 25,</li>
<li>Атырау облысы – 74,</li>
<li>Шығыс Қазақстан облысы – 60,</li>
<li>Жамбыл облысы – 6,</li>
<li>Батыс Қазақстан облысы – 37,</li>
<li>Қарағанды облысы – 32,</li>
<li>Қостанай облысы – 66,</li>
<li>Қызылорда облысы – 1,</li>
<li>Маңғыстау облысы – 12,</li>
<li>Павлодар облысы – 80,</li>
<li>Солтүстік Қазақстан облысы – 66,</li>
<li>Түркістан облысы – 4.</li>
</ul>
Жалпы ел бойынша ауырғандар саны – 146 584. Қазақстанда 19 желтоқсанда 824 адам коронавирус індетінен емделіп шықты.
Өткен тәулікте 22 адам коронавирус инфекциясының белгілері бар пневмонияға шалдыққаны анықталды. 86 адам емделіп шықты. 1 тамыздан бастап пневмониямен барлығы 44360 адам ауырды.

COVID-19: Өткен тәуліктегі ахуал қалай?

<a href="https://kyzylorda-news.kz/">Kyzylorda-news.kz</a>. Қазақстан президенті Қасым-Жомарт Тоқаев азаматтардың құқықтарын қорғауға, сондай-ақ сыбайлас жемқорлықпен күресті күшейтуге бағытталған бірқатар заңға қол қойды, деп хабарлады Ақорда.
&nbsp;Мемлекет басшысы “Қазақстан Республикасының кейбір заңнамалық актілеріне қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша өзгерістер мен толықтырулар енгізу туралы” заңға қол қойды. &nbsp;
Атап айтқанда, заңға сәйкес мемлекеттік қызметшілерге, парламент депутаттарына және судьяларға шетелдік банктерден шот ашуға тыйым салынды.
Қазақстан президенті бұған дейін 2021 жылдан бастап мемлекеттік қызметшілер, депутаттар, судьялар үшін олардың шоттарына иелік ету, шетелдік банктерде қолма-қол ақша мен құнды заттарды сақтауға қатысты сыбайлас жемқорлыққа қарсы жаңа шектеу енгізу керек деп мәлімдеген болатын.
Сонымен қатар, президент “Қазақстан Республикасының кейбір заңнамалық актілеріне персонал беру жөніндегі қызметтерді көрсету мәселелері бойынша өзгерістер мен толықтырулар енгізу туралы” және “Қазақстан Республикасының кейбір заңнамалық актілеріне адамдарды Қазақстан Республикасының шегінен тысқары жерге шығарып жіберу кезінде ұстап алу мерзімдерін реттеу мәселелері бойынша өзгерістер мен толықтырулар енгізу туралы” заңдарға қол қойды.

Мемлекет басшысы бірқатар заңға қол қойды

<a href="https://kyzylorda-news.kz/">Kyzylorda-news.kz</a>. 20 желтоқсанда елдің басым бөлігінде қар жауады, деп хабарлайды «Қазгидромет» РМК баспасөз қызметі.
Түнде Қазақстан аумағының орталық және шығыс бөлігіне циклон ықпал етеді.
Салдарынан кей жерлерде қар жауады, оңтүстікте – жауын-шашын, түнде қатты жауын-шашын (жаңбыр, қар) болады.
Күндіз циклон солтүстік-шығысқа қарай жылжып, елдің басым бөлігіне Солтүстік-батыс антициклоны әсер ете бастайды.
Осыған байланысты батыс аудандарда жауын-шашын жаумайды.
Республиканың кей жерлерінде тұман түсіп, жел күшейеді, жаяу бұрқасын көтеріліп, көктайғақ болады.
Қызылорда облысының кей жерлерінде көктайғақ, түнде және таңертең жел екпіні 15-20 м/с жетеді.

20 желтоқсанға арналған ауа райы

Kyzylorda-news.kz. Қазақстанның алты өңірінде ауа райына байланысты ескерту жарияланды, деп хабаралайды ҚазАқпарат.
20 желтоқсанда Нұр-Сұлтан қаласында қар жауып, бұрқасын болады. Сондай-ақ Ақмола, Қарағанды, Павлодар, Солтүстік Қазақстан облыстарында қар жауады, кей жерлерде бұрқасын, тұман, солтүстік, солтүстік-батыстан секундына 15-20 метр жел соғады.
20 желтоқсанға қараған түні Түркістан облысы мен Шымкент қаласының кей жерлерінде қатты жауын-шашын (жаңбыр, қар) болады. Кей жерлерде тұман, көктайғақ, батыстан, солтүстік-батыстан соққан желдің жылдамдығы секундына 15-20 метрге жетеді.
20 желтоқсанда Маңғыстау облысының кей жерлерінде көктайғақ, тұман түсуі ықтимал.

Еліміздің алты өңірінде ауа райына байланысты ескерту жарияланды

Kyzylorda-news.kz. ҚР Премьер-Министрі Асқар Мамин Жамбыл облысы Қордай ауданының Гвардейский кентіндегі ҚР БҒМ Биологиялық қауіпсіздік проблемалары ғылыми-зерттеу институтына (ҒЗИ) барды, деп хабарлайды Үкіметтің баспасөз қызметі.
Бүгінгі таңда ҒЗИ отандық QazCovid-in вакцинасын клиникалық сынаудың I және II фазаларын жүргізді. Зерттеудің алдын ала нәтижелері вакцинаның жоғары қауіпсіздігін, иммуногенділігін және тиімділігін 96% деңгейінде көрсетті.
Денсаулық сақтау министрлігі үш мың еріктіге клиникалық зерттеулердің қорытынды III кезеңінің басталуын мақұлдады. Бүгінде алғашқы еріктілер Алматы және Тараз қалаларының клиникаларында, ҒЗИ-да отандық вакцинамен егілді.
2020 жылғы желтоқсан айының соңына дейін үш мың еріктіні вакцинациялау аяқталады.
III кезеңді өткізу үшін 10 мың доза көлемінде вакцинаның қажетті партиясы шығарылады.
<blockquote>
 «Отандық вакцинамен жаппай егу 2021 жылдың наурыз айында басталады. Бірінші кезекте ерікті түрде медицина қызметкерлеріне, педагогтерге, сондай-ақ созылмалы аурулармен ауыратын топтағы адамдарға екпе жасалады», — деді А. Мамин.
</blockquote>
Премьер-Министр вакцина шығаратын биофармацевтика зауытының құрылысымен танысты. Құрылыс жұмыстары кестеге сәйкес жүргізілуде. Зауытты 2021 жылы наурыз айында пайдалануға беру жоспарланып отыр. Өндірістің қуаты жылына 60 млн дозаны құрайды. Үкімет басшысы иммунобиологиялық дәрілік препараттардың, оның ішінде коронавирус инфекциясына қарсы вакциналардың отандық өндірісін қамтамасыз ету үшін ҚР БҒМ Биологиялық қауіпсіздік проблемалары ҒЗИ материалдық-техникалық базасын одан әрі дамыту мен жаңғыртудың маңыздылығын атап өтті. Премьер-Министр ҒЗИ ғылыми қызметкерлеріне арналған 180 пәтерлік үш үйдің құрылыс алаңына барды. 60 пәтерлік алғашқы тұрғын үй 2021 жылы қаңтар айында пайдалануға беріледі.
Алдын ала болжамға сәйкес, Қазақстанда коронавирусқа қарсы вакцина 65 жастан асқан, жүрек-қан тамыры ауруы, қант диабеті және созылмалы өкпе аурулары бар тәуекел тобына кіретін адамдарға және медицина қызметкерлеріне салынатын болады.
Вакцина алатындардың болжамды саны 2 347 000 адамды құрайды. Денсаулық сақтау министрлігі вакциналау – инфекциялық аурулардан қорғанудың тиімді әдісі екенін жеткізді. Қазақстандық ғалымдар 7 вакцина дайындау технологиясын жасады. Коронавирусқа қарсы вакцина салынатын тәуекел тобындағы адамдар айқындалды.
Сонымен қатар, елімізде коронавирусқа қарсы вакцина алатын адамдар контингенті кеңейтіледі. Қазақстанда коронавирусқа қарсы вакцина бағасы қанша болуы мүмкін екені де айтылды.

Қазақстандық вакцинамен жаппай егу 2021 жылдың наурыз айында басталады

Kyzylorda-news.kz. Қазақстанда өткен тәулікте 719 адамда коронавирус індеті ПТР арқылы расталып ауырғаны белгілі болды. Бұл туралы www.coronavirus2020.kz сайты хабарлайды.
Аймақтар бойынша:
Нұр-Сұлтан қаласы – 55
Алматы қаласы – 65
Ақмола облысы – 58
Ақтөбе облысы – 11
Алматы облысы – 45
Атырау облысы – 95
Шығыс Қазақстан облысы – 63
Жамбыл облысы – 14
Батыс Қазақстан облысы – 37
Қарағанды облысы – 32
Қостанай облысы – 67
Қызылорда облысы – 1
Маңғыстау облысы – 10
Павлодар облысы – 95
Солтүстік Қазақстан облысы – 64
Түркістан облысы – 7
Жалпы ел бойынша ауырғандар саны 145932.

Қызылордада өткен тәулікте коронавирус тіркелді

Kyzylorda-news.kz.&nbsp;Геннадий Головкин мен польшалық боксшы Камил Шереметаның жекпе-жегі өтті.&nbsp;
Жерлесіміздің басымдығы бірінші раундтан-ақ көрінді. Ол қарсыласын нокдаунға жіберді. Екінші, төртінші және жетінші раундта да Шеремета құлап, қайта-қайта тұрумен болды.
GGG жекпе-жекті кез келген раундта аяқтауға әзір болғандай, алайда бокс жанкүйерлері үшін шоу жасағандай көрінді. Бірақ жетінші раундта Шеремета техникалық нокаутқа түсті. Оның командасы сегізінші раундқа шығудан бас тартты.
Головкин осымен IBF және&nbsp;IBO тұжырымдамалары бойынша орта салмақтағы әлем чемпионы титулын 21-ші рет қорғады. Бұл рекорд болып отыр.
Жекпе-жектен соң жерлес спортшы қазақстандықтарды Тәуелсіздік күнімен құттықтады.

Головкин титулдарын қорғап, рекорд орнатты

Kyzylorda-news.kz. Қазақстан президенті Қасым-Жомарт Тоқаев ТМД мемлекет басшылары кеңесінің отырысында&nbsp;өзара сауда-саттықты одан әрі ырықтандыру, кедергілер мен шектеулерді реттеу жөніндегі жұмыстарды жандандыруды ұсынды.
Тоқаев өз сөзінде қазіргі дағдарыстың анағұрлым ұзаққа созылатынын және қиынға соғатынын атап өтті.
<blockquote>
 “Осы жағдайда біздің негізгі басымдығымыз – әлеуметтік-экономикалық тұрақтылықты сақтау, халықтың табыс деңгейін және жұмыспен қамтылуын қамтамасыз ету. Бірақ бұған сауда-экономикалық қатынастардың барлық кешенін қайта жаңғыртпай, қол жеткізу мүмкін емес. Өзара сауда-саттықты одан әрі ырықтандыру, кедергілер мен шектеулерді реттеу жөніндегі жұмыстарды жандандыру қажет.”, – деді Тоқаев ТМД мемлекет басшылары кеңесінің отырысында.
</blockquote>
Оның айтуынша, инвестиция тартуға, көлік-транзит әлеуетін тиімді пайдалануға, өнеркәсіптік кооперацияны тереңдетуге, өңірлер арасындағы тікелей байланыстарды дамытуға баса мән беру керек.&nbsp;
<blockquote>
 “Бүгін біз ТМД-ны әрі қарай дамыту бойынша жаңартылған тұжырымдаманы қабылдаймыз. Бұл құжат біздің ынтымақтастығымыздың алдағы уақыттағы стратегиялық бағыттарын айқындайды”, – деді президент.
</blockquote>
Мемлекет басшысы қызмет көрсетудің еркін саудасы туралы келісімді және оның әр мемлекетке нақты пайда әкелетін инвестициялар жөніндегі негізгі бөлімін келісуді аяқтаудың маңыздылығына назар аударды.
<a href="https://m.sputnik.kz/economy/20201218/15765761/Dagdarys-uzakka-sozylady-Tokaev.html">Sputnik Қазақстан</a>

Дағдарыс ұзаққа созылады &#8211; Тоқаев

Kyzylorda-news.kz. Қызылордалық боксшы Қамшыбек Қоңқабаев (1-0, 1 КО) кәсіпқой рингтегі екінші жекпе-жегін өткізді, деп хабарлайды Sports.kz.
Ол украиналық Сергей Радченкомен (7-6, 2 КО) қолғап түйістірді.
Супер ауыр салмақтағы айқас сегіз раунд деп белгіленген болатын. Бірақ ол төрт раундтан кейін тоқтады. Себебі, төртінші раундта Радченко нокдаунға түсіп қалды. Сондықтан жекпе-жекті әрмен қарай жалғастырудан бас тартты.
Осылайша Қамшыбек Қоңқабаев қарсыласын техникалық нокаутпен жеңіп кетті.
Бұл – Қамшыбектің кәсіпқой рингтегі екінші жеңісі. Екеуін де нокаутпен ұтқан.

Қазақстан және Қызылорда облысының жаңалықтары

Қызылорда: Жаңа жұмыс орындары ашылмақ

Қызылорда: Шөміш ауылына таза ауыз су жетті

Коронавирустың жаңа түрі жылдам таралып жатыр

COVID-19: Өткен тәуліктегі ахуал қалай?

Мемлекет басшысы бірқатар заңға қол қойды

20 желтоқсанға арналған ауа райы

Еліміздің алты өңірінде ауа райына байланысты ескерту жарияланды

Қазақстандық вакцинамен жаппай егу 2021 жылдың наурыз айында басталады

Қызылордада өткен тәулікте коронавирус тіркелді

Головкин титулдарын қорғап, рекорд орнатты

Дағдарыс ұзаққа созылады – Тоқаев

Қамшыбек Қоңқабаев профи бокста екінші рет жеңіске жетті

Қазақстан және Қызылорда облысының жаңалықтары

Қызылорда: Жаңа жұмыс орындары ашылмақ

Қызылорда: Шөміш ауылына таза ауыз су жетті

Коронавирустың жаңа түрі жылдам таралып жатыр

COVID-19: Өткен тәуліктегі ахуал қалай?

Мемлекет басшысы бірқатар заңға қол қойды

20 желтоқсанға арналған ауа райы

Еліміздің алты өңірінде ауа райына байланысты ескерту жарияланды

Қазақстандық вакцинамен жаппай егу 2021 жылдың наурыз айында басталады

Қызылордада өткен тәулікте коронавирус тіркелді

Головкин титулдарын қорғап, рекорд орнатты

Дағдарыс ұзаққа созылады &#8211; Тоқаев

Қамшыбек Қоңқабаев профи бокста екінші рет жеңіске жетті

Дағдарыс ұзаққа созылады – Тоқаев