<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы “Мұз айдыны” ғимаратында мүмкіндігі шектеулі жандардың мәселелері бойынша мемлекеттік орган басшыларымен кездесу өтеді.
Жиынның уақыты: 23 желтоқсан 2020 жыл. Сағат 15-00.
<blockquote>
 Ұйымдастырушылар кездесу барысында санитарлық-гигиеналық талаптарды сақтап, бетперде киіп келуді ескертеді.
</blockquote>

Қызылордада басшылар мүмкіндігі шектеулі жандарды кездесуге шақырады

<a href="https://kyzylorda-news.kz/">Kyzylorda-news.kz.</a>&nbsp; Үкімет депутаттардың балаларды сәбилер үйінде алты жасқа дейін қалдыру туралы бастамасын қолдайды. Бұл үшін заңға тиісті түзетулер енгізіледі, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “Үкімет балалардың сәбилер үйінде болу мерзімін алты жасқа дейін ұлғайту бастамасын қолдайды. Өйткені бұл шара баланың психологиясына оң әсер етеді және өмірдің келесі кезеңдеріне дайын болуға мүмкіндік береді”, – делінген премьер-министр Асқар Маминнің депутаттық сауалға берген&nbsp;<a href="https://primeminister.kz/ru/inquiries/184">жауабында.</a>
</blockquote>
Айтуынша, сәбилер үйінде балалардың дамуына жағдай жасау үшін бірқатар ұйымдастырушылық шаралар жүргізу қажет. Мәселен, қызметкерлер штатын жасақтау, материалдық-техникалық базаны жабдықтау, шығындарды анықтау.
Премьер-министр балалардың сәбилер үйінде қалу мерзімін ұзарту үшін “Халық денсаулығы және денсаулық сақтау жүйесі туралы” Кодекске, сондай-ақ, “Қазақстандағы баланың құқықтары” туралы заңға енгізілетін өзгерістер пысықталып жатқанын атап өтті.
Бүгінгі таңда республикада 20 Сәбилер үйі жұмыс істейді, онда 833 бала тәрбиеленіп жатыр.
Қазір балалар сәбилер үйінде үш жасқа дейін, ал ерекше қажеттіліктері бар балалар төрт жасқа дейін қалады.
Қараша айында мәжіліс депутаты Зағипа Балиева премьер-министр Асқар Маминге депутаттық сауал жолдаған еді. Мәжілісмен үкіметтен балаларды сәбилер үйінде қалдыру мерзімін алты жасқа дейін ұзартуды өтінді. Айтуынша, сәбилердің 3-4 жасында балалар үйіне немесе мамандандырылған интернаттарға тапсырылуы оларға ауыр психологиялық соққы болып тиеді.

Үкімет балаларды сәбилер үйінде қалдыру мерзімін ұзартуды жоспарлап отыр

<a href="https://kyzylorda-news.kz/">Kyzylorda-news.kz.</a>&nbsp; Өткен жылдың қараша айынан бастап мұндай мүмкіндік тек Нұр-Сұлтан мен Шымкент қаласының тұрғындарында болған. «Азаматтарға арналған үкімет» мемлекеттік корпорациясы «Ұлттық ақпараттық технологиялар» АҚ-мен бірлесіп, аталған мемлекеттік қызметті Қазақстанның барлық өңірінің тұрғындары egov.kz электрондық үкімет порталынан ала алатындай етті. Жаңа қызмет қазақстандықтарға ХҚО-ға бармай-ақ, жылжымайтын мүлік техпаспортын онлайн алуға мүмкіндік береді.
Электрондық техпаспортты электронды үкімет порталында алу үшін «Жылжымайтын мүлік» бөліміне кіріп, «Жылжымайтын мүлік объектісінің техникалық паспортын алуға электронды өтініш беру» қызметін таңдау қажет. Пәтерлердің, жатақхана бөлмелерінің, жеке гараждардың және саяжай құрылыстарының құқық иелері онлайн сұрау салғаннан кейін тізімде көрсетілген құжаттарды тіркеуі қажет.
Құжатты дайындау мерзімі жылжымайтын мүлік түріне байланысты. Техникалық тексеру қорытындысы бойынша пәтердің, жатақханалардағы бөлменің техпаспорты үш жұмыс күні, жеке гараждар мен саяжай құрылыстарына бес жұмыс күні өткен соң беріледі.
Пәтер, жатақхана бөлмесі, жеке гараждар мен саяжай құрылыстарына рәсімделетінэлектронды техпаспорт ХҚО-да қолтаңбамен расталып, мөр басылып берілетін құжаттағыдай бірдей деректерді қамтиды. Техпаспорттың электрондыбаламасы Мемлекеттік қызметтерді көрсетуге тартылған қызметкерлердің электрондық-цифрлық қолтаңбасымен расталатын болады.
Айта кетейік, Нұр-Сұлтан және Шымкент қалаларында жүзеге асырылған пилоттық жоба аясында 12 мыңнан астам қазақстандық жаңа техпаспортты электронды тәсілмен алған.

Қызылорда: Жылжымайтын мүліктің техникалық паспортын электронды түрде алуға болады

<a href="https://kyzylorda-news.kz/">Kyzylorda-news.kz.</a> Қызылорда облысының Ақжарма елді мекенінде қыстың күні қырауда төселген асфальт үгітіліп жатыр.
Ала жаздай асықпаған мердігер желтоқсан айының бел ортасында жол жөндеуді бастапты. Бүгін арнайы зертхана мамандары аязды күні төселген көшелерден бірнеше сынама алды. Тапсырыс беруші Сырдария ауданының әкімдігі жолды қабылдау кезінде осы сынамалар қорытындысы басшылыққа алынатынын алға тартып отыр. Айта кетейік, мердігер 366 миллион теңгеге жалпы ұзындығы 12 шақырымға жуықтайтын 8 көшені орташа жөндеуден өткізуі тиіс болған. Алайда бүгінгі таңда қомақты қаржының шамамен 200 миллион теңгесі ғана игерілген. Ал келісім-шарт мерзімі желтоқсанның 25-не аяқталмақ. Мониторингтік топ өкілдері жол сапасына күмәнмен қарап отыр.&nbsp;
<blockquote>
 «Екі жерден алынды. Біреуі 3,5 сантиметр болса, біреуі 4 сантиметр болып отыр. Негізі техталаптарға сәйкес 5 сантиметрден кем болмауы тиіс. Расы керек, ол жақта ГПС төсеп қойған деп тұр енді. ГПС-тің өзінің де сынамасы алынды. Бірақ құрылғыдан шығарып жатқан уақытта ГПС-тің өзі шашылып жатыр. Яғни бірігіп тұрған жоқ», – облыс бойынша арнайы мониторингтік топ жетекшісі Ләззат Бақтыбаева.&nbsp;&nbsp;
</blockquote>
<a href="https://24.kz/kz/zha-aly-tar/o-am/item/443963-yzylorda-oblysynda-ysta-t-selgen-asfalt-gitilip-zhatyr?fbclid=IwAR3_4htGKBVb8VpHml4wFGWGAhnGLOrtPFRVzBFZLJ2-1zRxy5x_tr_3LMk">Хабар 24</a>

Қызылордада қыста төселген асфальт үгітіліп жатыр

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында коронавирус инфекциясымен бүгінгі күнге дейін барлығы 3345 адам тіркелді. Оның 98,4 пайызы (3287) жазылды. Әрбір анықталған науқастардың эпидемиологиялық ортасы есепке алынып, күнделікті саралануда. Бұл туралы облыстық денсаулық сақтау басқармасының басшысы Сәбит Пазыловтың қатысуымен өткен баспасөз мәслихатында белгілі болды.
Мемлекет басшысының індеттің жаппай таралуының алдын-алуға қатысты тапсырмаларына сәйкес, облыс әкімінің бақылауымен арнайы іс-шаралар қабылданып, жүйелі жұмыстар жүргізілуде.
<blockquote>
 “Бүгінгі күні барлығы 210 инфекциялық төсек-орын жұмыс істеуде. Оның ішінде реанимациялық 38 төсек-орын. Қазіргі таңда облыс бойынша реанимация бөлімінде ем қабылдап жатқан науқас жоқ. Қазақстан Республикасы Бас санитарлық дәрігерінің Қаулысына сәйкес, коронавирус инфекциясын жұқтырған науқастармен қарым-қатынаста болғандарды оқшаулау мақсатында 30 карантиндік төсек орындары бар”, – дейді басқарма басшысы.
</blockquote>
Ахуал күрделеген жағдайда, облыста барлығы қала және аудандарды қосқанда 3200 төсек-орын ұйымдастыруға мүмкіндік бар. Сонымен қатар, жалпы құны 6,3 млрд теңгені құрайтын модульдік аурухана құрылысы аяқталып, пайдалануға берілуге жақын.

Қызылордада коронавирус жұқтырған науқастардың 98,4 пайызы жазылды

<a href="https://kyzylorda-news.kz/">Kyzylorda-news.kz.</a>&nbsp; Қазақстан азаматтарының назарына 26 желтоқсанда сайлаушылардың тізімі ұсынылады.
Бұл туралы Орталық сайлау комиссиясы төрағасының орынбасары Константин Петров мәлім етті, деп хабарлайды <a href="https://lenta.inform.kz/kz/kazakstan-azamattarynyn-nazaryna-26-zheltoksanda-saylaushylardyn-tizimi-usynylady_a3732909">ҚазАқпарат.</a>
<blockquote>
 «Әрбір азамат сайлаушылар тізіміндегі өзі туралы мәліметті тексере алады. Азаматтар сонымен қатар ол тізімге мүлде енгізілмей қалу немесе дұрыс енгізілмей қалу, шығып қалу жағдайларына қатысты шағым білдіре алады. 26 желтоқсаннан бастап сайлауға 20 күн қалғанда тұрғылықты жер бойынша әзірленген сайлаушылардың тізімі танысу үшін сайлаушылардың назарына ұсынылады», – деді Константин Петров Орталық сайлау комиссиясының&nbsp;<a href="https://www.election.gov.kz/rus/news/releases/index.php?ID=5510">онлайн</a>&nbsp;режимінде өтіп жатқан отырысында.
</blockquote>
Азаматтар учаскелік сайлау комиссиялары отыратын нысанда ол тізімді тексеріп, өзі туралы мәліметтердің дұрыс енгізілгенін немесе енгізілмегенін тексере алады.
<blockquote>
 «Учаскелік сайлау комиссияларының жұмыс кестесін аумақтық сайлау комиссиялары бекітеді. Сайлаушылардың тізіміне өзгерістер енгізу туралы шағымды түскен күннен бастап тиісті сайлау комиссиялары қарайды. Егер ол шағымды қараудан бас тартса, сайлау комиссиясы оның себебін түсіндіруі керек. Азаматтардың бұл шешімге қатысты шағымды қайта сотқа жолдауына мүмкіндік бар», – деді ол.
</blockquote>

Қазақстан азаматтарының назарына 26 желтоқсанда сайлаушылардың тізімі ұсынылады

<a href="https://kyzylorda-news.kz/">Kyzylorda-news.kz.</a> Аймақта 2021 жылдың наурыз айынан бастап вакцинаның 80 мың дозасы кезең-кезеңімен әкелініп, егу жұмыстары басталады. Бүгінде дайындық жұмыстары жүруде. Сондай-ақ, вакцинаны сақтайтын арнайы контейнерлердің саны нақтылануда. Бұл туралы Өңірлік коммуникациялар қызметінің ақпараттық алаңында өткен брифингте облыстық денсаулық сақтау басқармасының басшысы Сәбит Пазылов мәлімдеді.
<blockquote>
 “Вакцинаны қалай енгізілетіні туралы қосымша жұмыстар жүргізілетін болады. Бірінші кезекте ерікті түрде медицина қызметкерлеріне, педагогтерге, созылмалы аурулармен ауыратын топтағы адамдарға екпе жасалады. 65-ке дейінгі адамдарға салынады. Өйткені, вакцина сол жас аралықтағы адамдарға ғана әсер етеді. Айта кетейін, адамдармен жиі байланыста болғаннан кейін вакцинаны бірінші кезекте өзімде салдырамын”, -деді Сәбит Бексейітұлы.
</blockquote>
Сонымен қатар, 3500 медицина қызметкерлерінің резерві құрылды. Бұған қоса, облыста 9 ПТР аппараты жұмыс жасап, тәулігіне 1200-1300-ден астам сынама алынуда. Қажеттілік туындағанда зерттеу санын 1900-ге дейін жеткізуге болады.

Қызылордаға 80 мың доза вакцина әкелінеді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында желтоқсан айынан бастап «Бастамаларды қолдау» қоғамдық бірлестігі «Ұлт денсаулығы – басты назарда» жобасын жүзеге асыруда.
Аталған жоба арқылы денсаулық сақтау жүйесіндегі жағдайды жақсартуға, соның ішінде COVID-19 пандемиясына орай&nbsp; денсаулық сақтау саласына әлеуметтік аудит жүргізілмек. Қызылорда облысында мемлекеттік органдармен, азаматтық қоғаммен және бизнес құрылымдарымен диалог пен ынтымақтастық құру арқылы көмектесу.
Жобаны іске асыру барысында қоғамдық бірлестік алдына келесі міндеттерді жүзеге асыруды қойды:
<ul>
<li>денсаулық сақтау саласындағы іс-шаралар кешеніне әлеуметтік аудитті жүзеге асыру арқылы Қызылорда облысы тұрғындарының қажеттіліктеріне сәйкес денсаулық сақтау қызметтерін ұсыну мен оны алудың тиімділігін арттыру.</li>
<li>Қызылорда облысында ақпараттық науқан арқылы мемлекет кепілдік берген медициналық қызметтерді алу саласындағы халықтың сауаттылығын арттыру және құқығын қорғау.</li>
</ul>
Жоба шеңберінде аймақта тегін медициналық көмектің кепілдендірілген көлемін ұсыну бойынша әлеуметтік зерттеу жүргізіледі. Сондай-ақ мемлекеттік органдарға, медициналық мекемелерге және бизнес құрылымдарға тегін медициналық көмектің кепілдендірілген көлемінің сапасын жақсарту бойынша ұсыныстар пакетін әзірлеу бойынша бірқатар іс-шаралар өткізу жоспарлануда.
«Ұлт денсаулығы – басты назарда» жобасын «Бастамаларды қолдау» қоғамдық бірлестігі АҚШ-тың халықаралық даму агенттігі (USAID) қаржыландыратын Орталық Азиядағы азаматтық қоғамды қолдау бағдарламасы аясында Еуразия қорының қолдауымен жүзеге асыруда.
Барлық сұрақтар бойынша +7 7242 263096 нөмірі бойынша хабарласа аласыздар.

Қызылордада «Ұлт денсаулығы – басты назарда» жобасы жүзеге асырылуда

<a href="https://kyzylorda-news.kz/">Kyzylorda-news.kz.</a> Бүгін Үкімет отырысында ҚР Ауыл шаруашылығы министрі Сапархан Омаров егіс алаңдарын әртараптандыру бойынша жоспарды орындамаған өңірлерді атады, деп хабарлайды <a href="https://lenta.inform.kz/kz/kyzylorda-oblysynda-kurish-alanyn-kyskartu-korsetkishi-oryndalmady-saparhan-omarov_a3732742">ҚазАқпарат</a>.
<blockquote>
 «Егіс алаңдарын әртараптандыру жұмыстарын министрлік тұрақты негізде үйлестіретін болады, сондықтан әкімдіктер осы бағыттағы жұмысты жандандырулары қажет. Бұл ретте, Қызылорда облысында күріш алаңын қысқарту жөніндегі көрсеткіш орындалмағанын атап өткен жөн. Мәселен, меморандумға сәйкес Қызылорда облысында 2020 жылы 75 мың гектарды құрауы тиіс еді, алайда нақты егіс алаңы. 89 мың гектарды құрады. Яғни индикативтік көрсеткіштердің жыл сайынғы артуы 14 мың гектардан асады. Осыған ұқсас жағдай Алматы мен Түркістан облыстарында да орын алуда, оларда көрсеткіштен артығы тиісінше 500 гектарды және 2,3 мың гектарды құрайды», – деді министр.
</blockquote>
Сонымен қатар, Түркістан облысында да мақта алаңдарын қысқарту бойынша көрсеткіш орындалмаған. Мәселен, биылғы мақтаның нақты көлемі меморандумда көзделген алаңнан 16 мың гектарға артық болды. Бұдан басқа, Қызылорда және Түркістан облыстарында бидай алаңын қысқарту бойынша көрсеткіш орындалмағаны анықталды. 2020 жылы Қызылорда облысында бидай егілетін алаң Меморандумда көзделгеннен екі есе асып түсті.
Түркістан облысы бойынша да осыған ұқсас жағдай орын алды, онда жыл сайын нақты алаң меморандумның индикативті көрсеткіштерінен асады.
<blockquote>
 «Бұл жерде Алматы облысының көрсеткіші үлгі бола алады, онда бидайдың алаңы 11 мың гектарға төмендеген, осылайша меморандумның индикативті көрсеткіштері орындалған», – деді С. Омаров.
</blockquote>

Қызылорда облысында күріш алаңын қысқарту көрсеткіші орындалмады &#8211; Сапархан Омаров

<a href="https://kyzylorda-news.kz/">Kyzylorda-news.kz</a>. «Қызылорда-Жезқазған» тас жолында&nbsp; жол ережесін бұзған «Митсубиси Галант» автокөлігінен есірткі табылды.
Тексеру барысында автокөліктің салонынан жолаушыға тиесілі ерекше иісі бар шөп салынған полиэтилен пакеті алынды. Сараптама қорытындысы бойынша ерекше иісі бар зат бір келіге жуық&nbsp;«кептірілген марихуана» екендігі анықталған.
Оқиға орнында 41 жастағы Жезқазған қаласының тұрғыны күдікті ретінде ұсталды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Қазіргі уақытта аталған факті бойынша&nbsp; Қазақстан Республикасы Қылмыстық кодексінің 296 бабының 3 бөлігімен (есірткі, психотроптық заттармен, сол тектестермен өткізу мақсатынсыз заңсыз жұмыс істеу)&nbsp; сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Қызылордада есірткі сақтаған күдікті ұсталды

<a href="https://kyzylorda-news.kz/">Kyzylorda-news.kz.</a> Экология, геология және табиғи ресурстар министрі Мағзұм Мырзағалиев су тапшылығын болдырмау үшін ылғал сүйгіш дақылдардың, атап айтқанда, күріш пен мақтаның егістік алқабын азайтуды ұсынды, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Біздің есептеулерімізге сәйкес, су тұтынудың қазіргі үрдісі (1,5 миллион гектарға 13,3 км³) сақталса, болжамды тапшылық 2030 жылға қарай 11,7 км³ құрауы мүмкін. Осыған байланысты, қазірдің өзінде су тұтынуды қысқарту бойынша шараларды жүзеге асыру қажет”, – деді министр үкіметте 2020 жылдың вегетациялық кезеңінің қорытындылары туралы жасаған баяндамасында.
</blockquote>
Біріншіден, айтуынша, су тапшылығын болдырмау үшін күріш егісін 29 мың гектарға, атап айтқанда, Қызылорда (15 мың га), Алматы (10 мың га) және Түркістан (4 мың га) облыстарында азайту қажет. Бұл бір текше километр суды үнемдеуге мүмкіндік береді.
Екіншіден, кемінде 750 мың гектар алқапта суарудың су үнемдеуші технологияларын енгізуді жалғастыру керек. Бұдан орташа алғанда 30%-ке дейін немесе 2,2 км³ су үнемделеді.
Үшіншіден, ұзындығы 6 мың км суару желілерін қайта жаңарту және 119 негізгі магистралдық каналда цифрландыруды жаппай енгізу есебінен жылына екі текше километр су үнемделеді.
<blockquote>
 “Осы қажеттіліктерге алдағы бес жылда республикалық бюджеттен және халықаралық қаржы ұйымдарынан 192 миллиарл теңге жұмсалады”, – деді ол.
</blockquote>
Бұдан бөлек, он жыл ішінде 3,6 км³ көлемінде су жинақтау үшін 39 жаңа су қоймасы салынады. Ол 70 елді мекен және 137 мың адам үшін су тасқыны қаупін азайтуға мүмкіндік береді.
Мырзағалиев осы шараларды сәтті іске асырған жағдайда шамамен 8,8 км3 суды қосымша шоғырландыруға мүмкіндік пайда болатынын атап өтті.
Қорытындылай келе, министр ылғал сүйгіш дақылдардың, атап айтқанда, күріш пен мақтаның егістік алқаптарын кезең-кезеңімен азайтуды ұсынды.
Сонымен қатар, жаңа су қоймаларын салу және каналдардың техникалық жай-күйін жақсарту жөніндегі жобалар жалғасын табады.
Суармалы суды ұтымды және үнемді пайдалану мақсатында 2025 жылға дейін 119 негізгі каналды жаппай цифрландыру қажет.

Министр Мырзағалиев күріш пен мақта алқабын азайтуды ұсынды

<a href="https://kyzylorda-news.kz/">Kyzylorda-news.kz.</a> Арал ауданында түйе етін ұрлаған тұрғын ұсталды.
21 желтоқсан күні кешкі уақытта Қызылорда облысы Полиция департаментінің Арал аудандық полиция бөліміне жергілікті тұрғыннан ұрлық жөнінде арыз түсті. Арызда 40 жастағы азаматша үйінің кіре-беріс бөлмесінің ағаш терезесінің әйнегін шешіп кіріп, асхана бөлмесінде жайылып тұрған 100 келі түйе етін және ауласындағы сарайының ішінен&nbsp; велисопедінің ұрланғанын көрсеткен.&nbsp;
Түскен арыз негізінде аудандық полиция бөлімінің қызметкерлері іздестіру жұмыстарын жүргізді. Жедел жұмыстың нәтижесінде 30 жастағы аудан тұрғыны ұсталып, айғақ заттар алынды.
Бүгінгі күні орын алған ұрлық дерегі бойынша Қазақстан Республикасы Қылмыстық кодексінің 188 бабының 3 бөлігімен (тұрғын үй-жайға, қоймаға заңсыз кiрумен жасалған ұрлық ) сотқа дейінгі тергеп тексеру амалдары жүргізілуде.

Қазақстан және Қызылорда облысының жаңалықтары

Қызылордада басшылар мүмкіндігі шектеулі жандарды кездесуге шақырады

Үкімет балаларды сәбилер үйінде қалдыру мерзімін ұзартуды жоспарлап отыр

Қызылорда: Жылжымайтын мүліктің техникалық паспортын электронды түрде алуға болады

Қызылордада қыста төселген асфальт үгітіліп жатыр

Қызылордада коронавирус жұқтырған науқастардың 98,4 пайызы жазылды

Қазақстан азаматтарының назарына 26 желтоқсанда сайлаушылардың тізімі ұсынылады

Қызылордаға 80 мың доза вакцина әкелінеді

Қызылордада «Ұлт денсаулығы – басты назарда» жобасы жүзеге асырылуда

Қызылорда облысында күріш алаңын қысқарту көрсеткіші орындалмады – Сапархан Омаров

Қызылордада есірткі сақтаған күдікті ұсталды

Министр Мырзағалиев күріш пен мақта алқабын азайтуды ұсынды

Аралда 100 келі түйе етін ұрлаған ауыл тұрғыны ұсталды

Қазақстан және Қызылорда облысының жаңалықтары

Қызылордада басшылар мүмкіндігі шектеулі жандарды кездесуге шақырады

Үкімет балаларды сәбилер үйінде қалдыру мерзімін ұзартуды жоспарлап отыр

Қызылорда: Жылжымайтын мүліктің техникалық паспортын электронды түрде алуға болады

Қызылордада қыста төселген асфальт үгітіліп жатыр

Қызылордада коронавирус жұқтырған науқастардың 98,4 пайызы жазылды

Қазақстан азаматтарының назарына 26 желтоқсанда сайлаушылардың тізімі ұсынылады

Қызылордаға 80 мың доза вакцина әкелінеді

Қызылордада «Ұлт денсаулығы – басты назарда» жобасы жүзеге асырылуда

Қызылорда облысында күріш алаңын қысқарту көрсеткіші орындалмады &#8211; Сапархан Омаров

Қызылордада есірткі сақтаған күдікті ұсталды

Министр Мырзағалиев күріш пен мақта алқабын азайтуды ұсынды

Аралда 100 келі түйе етін ұрлаған ауыл тұрғыны ұсталды

Қызылорда облысында күріш алаңын қысқарту көрсеткіші орындалмады – Сапархан Омаров