<a href="https://kyzylorda-news.kz/">Kyzylorda-news.kz.</a> Қазалы ауданында белгіленбеген жерден жеңіл автокөлік қағып кеткен жаяу жүргінші қайтыс болды.
Оқыс оқиға 24 маусым күні тіркелді. Адам қаққан көлік жүргізушісі ұсталды.
<blockquote>
 «Аталған оқиға бойынша Қазақстан Республикасы Қылмыстық Кодексінің 345-бабының 3 бөлігімен сотқа дейінгі тергеп-тексеру амалдары жүргізілуде. Онда автомобильді басқаратын адамның жол қағидаларын бұзып, абайсызда адам өліміне әкеп соғу жағдайы көрсетілген. Тиісті сараптамалар тағайындалды», – деп мәлім етті Қызылорда облыстық полиция департаментінің бапасөз қызметі.
</blockquote>
Сондай-ақ, анасына қол көтерген қызылордалық қамауға алынды.

Қазалыда көлік қаққан адам қайтыс болды

<a href="https://kyzylorda-news.kz/">Kyzylorda-news.kz.</a> Елімізде 17 министрлік, 48 комитет пен 10 жергілікті атқарушы органның интернет-ресурстары бірыңғай платформаға көшті. Бұл жөнінде «Ұлттық ақпараттық технологиялар» АҚ баспасөз қызметі мәлімет таратты.
Мемлекеттік орган және оның құрылымдық бөлімшесі туралы негізгі ақпарат ашық түрде, олардың ресми интернет-ресурстарында жарияланады. Мұндай сайттардың саны жүздеп саналады. Бұл – министрліктердің, олардың комитеттері мен департаменттерінің сайттары, облыстар, қалалар, аудандар, ауылдар және басқа да ведомство, әкімдіктер сайттары.
<blockquote>
 «Мемлекеттік органдардың барлық сайттары біріктіріліп, ақпарат алу мен өзара іс-қимыл жасаудың бірыңғай терезесіне айналды. Менің ойымша, біз үлкен жұмыс атқардық және сол арқылы азаматтар мен мемлекеттің өзара іс-қимыл процесін жеңілдеттік», – дейді «Ұлттық ақпараттық технологиялар» АҚ Басқарма төрағасы Әсет Тұрысов.
</blockquote>
МО ИРБП -да барлық мемлекеттік органдар үшін олардың құрылымдық және аумақтық бөлімшелерін ескере отырып, бөлімдер құрылған, оның ішінде контентті толтыру бойынша жұмыстар жалғасуда. Бөлімдердің жалпы саны 900-ге жуық.
Жаңартылған құрылымы бар бірыңғай дизайн, ыңғайлы навигация және оңай ақпарат беру оны іздеуді жеңілдетеді. Мемлекеттік органдардың жаңалықтары, анықтамалық ақпарат, құжаттар, НҚА және т.б. басқа ресурстарға ауыспай, 2 рет басу үшін бірыңғай платформада қолжетімді.
«Сұрақ-жауап» сервисінің көмегімен пайдаланушылар ЭЦҚ пайдаланбай-ақ мемлекеттік органдарға ашық сұрақ қойып, жауап ала алады.
Қазіргі уақытта МО ИРБП функционалын жаңғырту жалғасуда және мемлекеттік органдардың сервистері ауыстырылып жатыр.

Мемлекеттік органдардың сайты бірыңғай платформаға көшті

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 597, ал симптомсыз – 360 азамат. Ал індеттен айығып шыққандар саны 550 адамға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Симптомды жаңа 10 жағдай скринингтен анықталған. Оның 4 – Сырдария, 6 – Жанакорган ауданынан. Ал симптомсыз коронавирус инфекциясының 46 дерегі тіркелді. Кызылорда каласынан – 6, Казалы -13, Жалагаш – 8, Сырдария -12, Жанакорганнан – 7 адамдардан тиркелген. Оның 37-сi скринингтен,7 науқас ақылы сынама тапсырғаннан, 2 науқас қарым-қатынастан анықталды»,- деді&nbsp; Жақсылық Абдусаметов.
</blockquote>
Сондай-ақ, вирус жұқтырғандармен байланыста болған – 6813 азамат анықталды. Оның ішінде, 4358 – тікелей қарым-қатынаста, 2455- жанама байланыста болған.
Құрметті облыс тұрғындары, карантиндік шараларды қатаң сақтап және бетперде киюді жалғастыра беруге шақырамыз.

Коронавирус: симптомды 10, симптомсыз  46 жағдай тіркелді

Қасым-Жомарт Тоқаев: Қазақ халқының тағдыры тарих таразысында тұр

<a href="https://kyzylorda-news.kz/">Kyzylorda-news.kz.</a> Ағымдағы жылғы 23 маусым күні 10 сағат 14 минутта Қызылорда қаласы Эдельвейс саяжайының маңы Шіркейлі каналының оң&nbsp; жақ жағалауында қураған шөп жанып жатқаны туралы 101 Өртке қарсы қызметіне хабар түсті. Бұл туралыҚызылорда облысы ТЖД Өрт сөндіру және авариялық-құтқару қызметі хабарлады.
Аталған шақырту бойынша өрт сөндіру қызметінің 2 өрт сөндіру бөлімінің жеке құрамы дабыл бойынша оқиға орнына жетті. Алғашқы болып жеткен өрт сөндіру бөлімі барлау жұмыстарын жүргізіп, айтылған мекенжайда шеңгелдер мен қамыстар және қатты жел салдарынан тілсіз жау 9 га аумаққа таралып жанып жатқанын анықтады.
“Өрт сөндіру қызметі және орман және жануарлар дүниесін қорғау мекемесінің өрт сөндірушілерінің&nbsp; біріккен іс қимылдарының нәтижесінде 30 минут ішінде тілсіз жау оқшауланып, 50 минутта толық жойылды.&nbsp; Жаттығуға барлығы 71 қызметкер және 12 бірлік&nbsp; техника 2 су сору мотопомпасы жұмылдырылды.
Алайда бұл арнайы тактикалық ойға құрылған&nbsp; Өртке қарсы қызметі мен&nbsp; орман және жануарлар дүниесін қорғау мекемесінің&nbsp; жыл сайын өткізетін оқу жаттығуы еді”,- делінген хабарламада.
Айта кету керек, құрғақ шөп пен қоқыстарды өртеу кезіндегі қауіпсіздік талаптарын ескермеу салдарынан тұрғын үйлер мен құрылыс материалдарына зақым келіп, тіпті адам шығынына алып келуі әбден мүмкін.
Әсіресе, көктем мезгілінде орман дала өрттері өрши түседі.
Мәселен, жыл басынан бері 38 орман дала өрті, 56 жану жағдайлары&nbsp; тіркеліп, салдарынан 235 гектар зақымдалған. Бұл өткен жылғы көрсеткішпен салыстырғанда бірнеше есеге өсіп отырғанын білдіреді.
Өрт тактикалық жаттығудың қорытындысы бойынша Қызылорда облысы Төтенше жағдайлар департаменті Өрт сөндіру қызметінің бастығы азаматтық қорғау подполковнигі Н.Ибрагимов оң бағасын берді.
<img src="https://kyzylorda-news.kz/wp-content/uploads/2020/06/img_6006-1.jpg" alt="" />
<img src="https://kyzylorda-news.kz/wp-content/uploads/2020/06/img_6023-1.jpg" alt="" />
<img src="https://kyzylorda-news.kz/wp-content/uploads/2020/06/img_6042-1.jpg" alt="" />
<img src="https://kyzylorda-news.kz/wp-content/uploads/2020/06/s1510135-1.jpg" alt="" />
<img src="https://kyzylorda-news.kz/wp-content/uploads/2020/06/s1510141-1.jpg" alt="" />

Орман-дала өртінің алдын алу маңызды

<a href="https://kyzylorda-news.kz/">Kyzylorda-news.kz.</a> 25 маусым күні Қазақстан аумағының оңтүстік бөлігі жоғары атмосфералық қысымның ықпалында болады. Соған орай, жауын-шашынсыз ауа райы күтіледі. 
Республиканың тек солтүстік бөлігі Солтүстік циклонның және сонымен байланысты фронталды бөліктердің ықпалында болатындықтан жаңбыр, найзағай, бұршақ болжанады. Жекелеген өңірлерде екпінді жел тұрады, солтүстікте дауыл болуы ықтимал. 
Атап айтқанда, Атырау облысының түнде кей жерлерінде, күндіз басым бөлігінде жел 15-20 м/с күшейеді. 
Ақтөбе, Ақмола, Шығыс Қазақстан, күндіз Манғыстау, Батыс Қазақстан, Солтүстік Қазақстан, Павлодар облыстарының кей жерлерінде жел 15-20 м/с күшейеді. Күндіз Ақмола облысында дауыл күтіледі. 
Батыс Қазақстан, күндіз Шығыс Қазақстан облыстарының кей жерлерінде бұршақ болуы мүмкін. 
Қостанай облысының кей жерлерінде бұршақ, 15-20 м/с екпінде жел болжанады. 
Қарағанды облысының оңтүстік-шағысында түнде жел 15-20 м/с күшейеді. 
Атырау, Қызылорда облыстарында, Ақтөбе, Қостанай, Ақмола, Қарағанды, Түркістан, Жамбыл, Алматы облыстарының басым бөлігінде, Батыс Қазақстан облысының оңтүстік-шығысында өте жоғары өрт қаупі сақталады.

25 маусым күнгі ауа райы болжамы

1984 жылы Тасбөгет қыстағындағы Дорожная көшесіне ағартушы-ғалым І.Қабыловтың есімі берілді.
1991 жылы&nbsp;Қазақ КСР-нің «Қазақ КСР Министрлер Кабинеті туралы» Заңы қабылданды. Заңға сәйкес, Министрлер Кабинетінің мәртебесі, құрылуы мен құрамы, сондай-ақ негізгі міндеттері мен өкілеттілігі анықталды. 1995 жылы 30 тамызда жүргізілген референдумның нәтижесінде бұрынғы мемлекеттік құрылыстың кемшіліктерін жойған Қазақстан Республикасының жаңа Конституциясы қабылданып, Қазақстан Республикасының Үкіметі бекітілді.
1999 жылы&nbsp;Алматыдағы Ғалымдар үйінде 10 томдық «Қазақстан» ұлттық энциклопедиясының алғашқы томының тұсаукесер рәсімі өтті.
2001 жылы Қызылорда қалалық «Су құбыры» коммуналдық мемлекеттік кәсіпорны құрылды.
2010 жылы&nbsp;Мемлекет басшысы Нұрсұлтан Назарбаев «Кеден одағының кеден кодексі туралы шартты ратификациялау туралы» Қазақстан Республикасының Заңына қол қойды. Сондай-ақ Елбасы «2009 жылғы қарашаның 27-сіндегі Кеден одағының кеден кодексі туралы шартқа өзгерістер мен толықтырулар енгізу туралы хаттаманы ратификациялау туралы»» Қазақстан Республикасының Заңына қол қойды.
2017 жылы&nbsp;«ЭКСПО-2017» халықаралық мамандандырылған көрмесіне орай Қазақстан Республикасының Ұлттық музейінде «Ежелгі Мысыр ескерткіштері» көрмесінің ашылу салтанаты болып өтті.

25 маусым: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 25 маусымға арналған жұлдыз-жорамалы.
Тоқты 
Пайдалы істермен айналысасыз. Маңызды тапсырмаларды тез орындап, сонан соң келесі мақсатыңызға қадам басасыз. Жақындарыңыз көп көмектеседі.
Торпақ 
Нақты шешім қабылдай біліңіз. Табысқа жетуге мүмкіндік туып тұр. Сол мүмкіндікті жіберіп алмаңыз. Тек өзіңізге сеніңіз.
Егіздер 
Қандай іспен айналыссаңыз да, мықты тәжірибе керек екенін ұғасыз. Сонымен қатар жұмысқа немқұрайлы қарамыңыз. Әріптестеріңізбен тіл табысыңыз.
Шаян 
Өте сәтті күн. Жұмыста табысқа жетуге, сондай-ақ айналаңыздағы адамдармен тіл табысуға мүмкіндік бар. Жол сапарға шығуға қолайлы күн.
Арыстан 
Түске дейін әрбір басқан қадамыңызға абай болыңыз. Кез келген уақытта, кез келген істе қателік жіберуіңіз мүмкін.
Бикеш 
Күннің алғашқы жартысында қызықты мүмкіндіктер туындап, жұмысыңыз алға басады. Өз кәсібіңізді кеңейтіп, жұмыс ауқымы да көбейеді.
Таразы 
Жемісті күн. Бойыңызда энергияңыз тасып, барлық мәселенің шешімін табасыз. Жұмысыңыз алға басып, өз мақсатыңызға жетесіз.
Сарышаян 
Сабырлы болыңыз. Көптен бері ойда жүрген жоспарды қолға алып, сол бойынша жұмыс жасайсыз. Қызықты ұсыныстар түсуі мүмкін.
Мерген 
Өзгеге де, өзіңізге де пайдалы іспен айналысасыз. Өз жоспарыңызды жүзеге асырып, көпшілік сіздің ізіңізді басатын болады.
Тауешкі 
Асықпаңыз. Ұсақ-түйекке көңіл бөлмеңіз. Жүйкеңізді жұқартып, өзіңізді шаршатудың қажеті жоқ. Жақындарыңызбен әңгімелесіңіз.
Суқұйғыш 
Жемісті күн. Көптен бері ойыңызда жүрген, біраз уақыттан бері басыңызды «қатырған» тапсырманы орындайсыз.
Балықтар 
Жаңа идеялар пайда болады. Оларды жүзеге асыру үшін сізге көмек қажет. Жақын адамдарыңыздан тосынсый аласыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирус індетінен 2 науқас көз жұмды, деп хабарлайды <a href="https://www.coronavirus2020.kz/kz/kyzylorda-oblysynda-koronavirus-indetinen-2-naukas-koz-zhumdy_a3665676">coronavirus2020.kz</a>.
Олар 1956 жылы туған ер азамат пен 1960 жылы туған әйел.
Өлім нәтижелерін зерттеу жөніндегі комиссия бұл жағдайларды коронавирус инфекциясынан қайтыс болған деп тіркеді.
Айта кетейік, Қазақстан бойынша барлығы 136 адам қайтыс болды.

Қызылордада коронавирус індетінен 2 науқас көз жұмды

<a href="https://kyzylorda-news.kz/">Kyzylorda-news.kz.</a> Қызылордада жұмысшы мамандықтарды насихаттау бойынша “Серіктестер іздейміз” жобасы бастау алды.
Аталған жобаның алғашқы қаһармандары Нұржігіт пен Асылмұрат. Олар Қызылорда қаласындағы «Бизнес және құрылыс» колледжінің студенттері. Құрылысшы мамандығы бойынша білім алып жүрген студенттер “Jas Otan” Жастар қанаты Қызылорда облысы бойынша филиалының жобасына қолдау көрсеткен.
Жобаның мақсаты – кәсіптік бағытта білім алып жүрген жастардың әлеуетін көтеру, мамандықтың қоғамға маңыздылығын арттыру болып табылады. 
⠀ 
Партияның қоғамдық қабылдау бөліміне өтінішпен келген Несібелі Жеңісбеқызы жобаның алғашқы жұмысының кейіпкері болып табылды. Оның тозығы жеткен ауладағы қоршауы күрделі жөндеуді талап еткен болатын. 
Несібелі Жеңісбеқызы өз қаржысына қажетті заттарды алған, колледж студенттері құрал-жабдықтармен қамтамасыз етіп, көмек көрсетті. 
Жоба аясында кәсіптік білім алып жүрген жастарды қоғамдық жұмысқа тарта отырып, тәжиребелік сертификат табыстау көзделуде.
<img src="https://kyzylorda-news.kz/wp-content/uploads/2020/06/fb_img_1592999485878-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592999489038-1.jpg" alt="" />

Қызылорда: &#8220;Серіктестер іздейміз&#8221; жобасы басталды

<a href="https://kyzylorda-news.kz/">Kyzylorda-news.kz.</a> Жалағаш ауданында коронавирус инфекциясының алдын алу және таратпау мақсатындағы шаралар жалғасуда. Аудан әкімінің тапсырмасымен адам көп шоғырланатын жерлер мен әлеуметтік нысандарға залалсыздандыру жұмыстары тұрақты жүргізілуде.
Бүгін Жалағаш кентіндегі орталық базар, “Бибігүл ана”, “Ақниет” сауда дүкендерінің маңына, дәріханаларға т.б. бірқатар әлеуметтік маңызы бар нысандарға, тұрғындар жиі жүретін орындарға дезинфекциялау жұмыстары жүргізілді. Мамандар ғимараттардың айналасын арнайы ерітіндімен залалсыздандырды.
Сондай-ақ, “Төрт түлік белгілері” ЖШС көмегімен кентішілік көшелерге залалсыздандыру жұмыстары жүргізілді.
<img src="https://kyzylorda-news.kz/wp-content/uploads/2020/06/fb_img_1592998692551-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592998695591-1.jpg" alt="" />
<img src="https://kyzylorda-news.kz/wp-content/uploads/2020/06/fb_img_1592998698419-1.jpg" alt="" />

Жалағашта залалсыздандыру жұмыстары тұрақты жүргізілуде

<a href="https://kyzylorda-news.kz/">Kyzylorda-news.kz</a>.Парламент Сенатының депутаттығына кандидаттарды ұсыну 13 маусымнан басталды. Сонымен қатар, жергілікті уақыт бойынша 12 шілдеде сағат 18.00-де аяқталады. Бұл туралы Өңірлік коммуникациялар қызметінің ақпараттық алаңында облыстық сайлау комиссиясының төрағасы Ғалым Баймырзаев мәлімдеді.
<blockquote>
 «2014 жылы сайланған Сенат депутаттарының өкілеттік мерзімі ағымдағы жылдың қазан айында аяқталады. Осылайша, 12 тамызда Қызылорда облысынан еліміздің жоғарғы заң шығарушы органы жоғарғы палатасының бір депутатын сайлау қажет. Бүгінгі таңда «Қазақстан Республикасындағы сайлау туралы» Конституциялық Заңының 71-бабына сәйкес, 13 – 15 маусым аралығында облыс бойынша Сенат депутаттығына кандидаттардың өзін-өзі ұсыну тәртібімен 5 кандидат өтініштерін берді. Облыстық сайлау комиссиясы кандидаттың Конституция мен Конституциялық заң қоятын талаптарға сәйкестігін анықтап, таңдаушылардың қолдарын жинау үшін қол қою парақтары берілді», – деді Ғалым Қонақбайұлы.
</blockquote>
Сенат депутаттығына кандидаттарды тіркеу барлық қажетті құжаттарды алғаннан кейін басталады. 23 шілдеде жергілікті уақыт бойынша сағат 18.00-де аяқталады.
<blockquote>
 «Осы кезге дейін 2 кандидат тіркеліп оған тиісті куәлік берілді. Олар «Азаматтарға арналған үкімет» мемлекеттік корпорациясы комерциялық емес акционерлік қоғамының Қызылорда облысы бойынша филиалының директоры Айдын Қайруллаев және «Қызылорда облыстық кәсіподақтар орталығы» аумақтық кәсіподақтар бірлестігінің төрағасы Серік Сермағамбетов», – деді облыстық сайлау комиссиясының төрағасы.
</blockquote>
Сондай-ақ, сайлау алдындағы үгіт 23 шілдеде сағат 18.00-ден кейін басталып, 11 тамызда сағат 00.00-де аяқталады.
Қазіргі таңда облыстық сайлау комиссиясы карантин және қауіпсіздік шараларын сақтау қажеттілігі жағдайында онлайн режимінде жұмыс істейді.
<img src="https://kyzylorda-news.kz/wp-content/uploads/2020/06/fb_img_1592997904114-1.jpg" alt="" />

Қазақстан және Қызылорда облысының жаңалықтары

Қазалыда көлік қаққан адам қайтыс болды

Мемлекеттік органдардың сайты бірыңғай платформаға көшті

Коронавирус: симптомды 10, симптомсыз 46 жағдай тіркелді

Қасым-Жомарт Тоқаев: Қазақ халқының тағдыры тарих таразысында тұр

Орман-дала өртінің алдын алу маңызды

25 маусым күнгі ауа райы болжамы

25 маусым: Атаулы күндер мен оқиғалар

Жұлдыздар не дейді?

Қызылордада коронавирус індетінен 2 науқас көз жұмды

Қызылорда: “Серіктестер іздейміз” жобасы басталды

Жалағашта залалсыздандыру жұмыстары тұрақты жүргізілуде

Қызылорда облысынан Сенат депутаттығына 5 кандидат өтініш берді

Қазақстан және Қызылорда облысының жаңалықтары

Қазалыда көлік қаққан адам қайтыс болды

Мемлекеттік органдардың сайты бірыңғай платформаға көшті

Коронавирус: симптомды 10, симптомсыз 46 жағдай тіркелді

Қасым-Жомарт Тоқаев: Қазақ халқының тағдыры тарих таразысында тұр

Орман-дала өртінің алдын алу маңызды

25 маусым күнгі ауа райы болжамы

25 маусым: Атаулы күндер мен оқиғалар

Жұлдыздар не дейді?

Қызылордада коронавирус індетінен 2 науқас көз жұмды

Қызылорда: &#8220;Серіктестер іздейміз&#8221; жобасы басталды

Жалағашта залалсыздандыру жұмыстары тұрақты жүргізілуде

Қызылорда облысынан Сенат депутаттығына 5 кандидат өтініш берді

Қызылорда: “Серіктестер іздейміз” жобасы басталды