<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР экология, геология және табиғи ресурстар министрлігі Экологиялық реттеу және бақылау комитетінің төрағасы Жолдасов Зулфухар Қызылорда облысы бойынша экология департаментінің жаңа басшысы Нұржан Өмірсерікұлын таныстырды.
Нұржан Өмірсерікұлы 1985 жылы Қызылорда облысының Жаңақорған ауданында дүниеге келген. 2005 жылы Әл-Фараби атындағы Қазақ ұлттық университетін «Экономика» мамандығы бойынша, Қазақ гуманитарлық-заң университетінің «Құқықтану»мамандығы бойынша бітірген. Еңбек жолын 2005 жылы Қызылорда қаласының қаржы бөлімінде есепші болып бастаған. 2006-2008 жылдары Қызылорда облыстық басқармасының Экономика және бюджеттік жоспарлау бөлімінің жетекші маманы. 2008 жылдан 2011 жылға дейін Қазақстан Республикасы Парламенті Сенаты депутатының көмекшісі болды. 2011-2014 жылдары-Қызылорда облысы Тексеру комиссиясы ұйымдастыру-құқықтық басқармасының басшысы. 2014-2018 жылдары Сырдария ауданы әкімінің орынбасары, Қызылорда облысының кәсіпкерлік және туризм басқармасының басшысы, Қазақстан Республикасы Премьер-Министрі Кеңсесінің Өңірлік даму бөлімінің бас инспекторы лауазымдарын атқарған.
⠀Бүгінгі күнге дейін «Shimkent «әлеуметтік-кәсіпкерлік корпорациясы»АҚ Басқарма төрағасы қызметін атқарды.Жолдасов Зулфухар Нұржан Өмірсерікұлын тағайындалуымен құттықтап, өңірдің экологиялық проблемаларын шешуде табыс және жемісті жұмыс тіледі.
<img src="https://kyzylorda-news.kz/wp-content/uploads/2021/01/138294418_452547609097040_3561272525797409211_o.jpg" alt="" />

Қызылордада экология департаментінің басшысы тағайындалды⠀

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 766 адамнан коронавирус инфекциясы анықталды.
Бір күн бұрын&nbsp;692 науқас тіркелген&nbsp;еді.
Өңірлердегі статистика:
<ul>
<li>Нұр-Сұлтан қаласы – 114 (бір күн бұрын 67 болған),</li>
<li>Алматы қаласы – 111,</li>
<li>Шымкент қаласы – 11,</li>
<li>Ақмола облысы – 63,</li>
<li>Ақтөбе облысы – 1,</li>
<li>Алматы облысы – 61,</li>
<li>Атырау облысы – 73,</li>
<li>Шығыс Қазақстан облысы – 37,</li>
<li>Жамбыл облысы – 10,</li>
<li>Батыс Қазақстан облысы – 43,</li>
<li>Қарағанды облысы – 39,</li>
<li>Қостанай облысы – 75,</li>
<li>Қызылорда облысы – 3,</li>
<li>Маңғыстау облысы – 15,</li>
<li>Павлодар облысы – 48,</li>
<li>Солтүстік Қазақстан облысы – 54,</li>
<li>Түркістан облысы – 8.</li>
</ul>
Жалпы ел бойынша ауырғандар саны – 164 477.

Қызылордада 3 адам коронавирус жұқтырған

<a href="https://kyzylorda-news.kz/">Kyzylorda-news.kz.</a> Сәрсенбіде еліміздің кей жерлерінде тұман түседі, жел күшейеді, жаяу бұрқасын соғады, оңтүстік пен оңтүстік батыста көктайғақ болады, деп хабарлайды Қазгидромет.
13 қаңтарда Қазақстан аумағының басым бөлігіне Атлант циклоны әсерін әлі де тигізеді, соған байланысты қар, оңтүстікте кей жерлерде қатты қар аралас жаңбыр жауады. Еліміздің кей жерлерінде тұман түседі, жел күшейеді, жаяу бұрқасын соғады, оңтүстік пен оңтүстік батыста көктайғақ болады.

13 қаңтарға арналған ауа райы болжамы

Қызылорда ОПД ЕҚҚІҚБ&nbsp;тарапынан жарияланған байқауға
Елдің болашағы жарқын, халықтың келешегі кемелді болуы қазіргі жастардың қолында. Әр уақыттың жастары үлкеннен өнеге алып, сол алған тәлім-тәрбиенің арқасында өзінен кейінгі жастарға үлгі көрсетері анық.
Біз дамудың даңғыл жолындағы Қазақстанның бүгінгі жастарымыз. Елдің ертеңгі күні біздің қолымызда екені белгілі. Сондықтан біз жастар болашағымызды бұлыңғыр етпес үшін өз денсаулығымызға бей-жай қарамауымыз қажет. Ол үшін ең алдымен зиянды әдеттерден аулақ болған жөн.
Зиянды әдеттердің бастауы бұл мектеп табалдырығында жүріп шылым тартудан басталатыны белгілі. Темекі шегу теріс әрекеттердің бастапқы қадамы десек, ең сорақысы есірткіге елітіп кету.
Қазіргі таңда жастардың есірткі пайдаланып, оған әуес болуы қоғамның айықпас дертіне айналып отыр. Бұған дейін сыныптағы тәрбие сағаттарында білгеніміздей, есірткі пайдалану ол ең алдымен адамның денсаулығына зиян келтіріп, ағзаны улап, ми жұмысын жаңылыстырады.
Статистикалық мәліметтер бойынша, Қазақстанда нашақорлардың дені 15-25 жас аралығындағы жастар екені айтылған. Олардың көбі бастапқыда қызығушылықтан бастап, кейін тәуелділікке ұласқаны айдан анық. Есірткіге тәуелділік адамды ақыл-естен айырып, олар 12-18 сағаттан кейін тағы да есірткі пайдаланбаса денесі тырысып, көзінен жас ағады. Сондай-ақ тамақ ішсе құсып, асқа тәбеті болмайды. Жиі іші өтіп, бойынан суық тер шығып, көзі айналып, мазасызданады. Басы, буындары ауырып, бұлшық еттері шаншиды. Мұндай сырқаты бар адам, ашушаң, ызақор болады. Жүйкесі жұқарып, ақыл-естен айырылып, өзінің не істеп жатқанын бейхабар болады. &nbsp;«Түймедей зат түйедей» болып көрініп, дыбыстар да жаңғырып шығады.
Аталған ауру белгілері пайда болған адамның ойлау қабілеті төмендейді. Ол ар-ұятты ысырып, тек өз тәуелділігін ғана ойлап, ақша табу үшін ұрлық жасайды. Осылайша, бірінен соң, бірі зиянды әрекеттер жасап, өз болашағына балта шабады. &nbsp;
Көбінесе, есірткіге тәуелді жастардың отбасы көп қиыншылық көреді. Ата-ана баласын уайымдап, оның болашағына алаңдайды. Сонымен қатар оған аяушылық танытып, қаражат та тауып береді.
Біздің мектепте ұстаздар үнемі есірткінің салдарын, оның адам өміріне қауіп-қатерін айтып, осы тақырыпта апталықтар ұйымдастырылып тұрады.
Осы орайда өткен жылы қызылордалық полицейлер заңсыз айналымнан 350 келіге жуық есірткі затын тапқанын айтқым келеді.
2020 жылдың 12 айында облыс көлемінде есірткінің заңсыз айналымына байланысты сотқа дейінгі тергеп тексерудің бірынғай тізіліміне 386 қылмыстық құқық бұзушылық тіркелді. Оның ішінде 20 есірткі затын сату, 14 есірткі затын аса ірі мөлшерде заңсыз сақтау және 75 құрамында заңмен тыйым салынған есірткі құралы бар сора өсімдігін егу дерегі бар. Сонымен қатар, ҚР ҚК-нің 296-бабында (есірткі, психотроптық заттармен, сол тектестермен, прекурсорлармен өткізу мақсатынсыз заңсыз жұмыс істеу) көзделген қылмыстық теріс қылықтың 276 дерегі анықталған.
Заңсыз айналымнан барлығы 350 келі жуық есірткі заты алынды, оның 2 келі 289 грамм гашиш.
Нашақорлық пен есірткі қылмыстарының алдын алу мақсатында Есірткі қылмысына қарсы іс-қимыл басқармасы тарапынан алдын алу жұмыстары іске асырылуда. Атап айтсақ, облыс көлемінде жалпы 328 іс-шара өткізіліп, олардың 9 акция, 96 – лекция, 8 дөңгелек үстел, 24 кездесулер, 9 спорттық іс-шаралар, 166 онлайн-сайыстар.
Атқарылған іс-шаралардың 147 үкіметтік емес ұйымдармен, 185 мектеп инспекторларымен, ал 15 жоғарғы және арнаулы орта оқу орындарында ұйымдастырылды. Жалпы ұйымдастырылған барлық іс-шараларға 44 мыңға жуық адам қатысты.
Есірткі сату&nbsp; және&nbsp; тағыда&nbsp; басқа&nbsp; есірткі&nbsp; заттарына&nbsp; байланысты&nbsp; жасалып&nbsp; жатқан&nbsp; қылмыстар&nbsp; мен&nbsp; құқуқ&nbsp; бұзушылықатар&nbsp; жайлы&nbsp; хабарламаларды&nbsp; қабылдау&nbsp; үшін Қызылорда облысының Полиция департаменті Есірткі қылмысына қарсы іс-қимыл басқармасында 27-55-42 «Сенім&nbsp; телефоны»&nbsp; номері жұмыс атқарады.
Дінмұхаммед ЕРЛАН,
Тәкей Есетов атындағы
№264 мектеп-лицейдің 6 сынып оқушысы
#УПНДПКЗО

Мен саған есірткі жайлы айтып беремін

<a href="https://kyzylorda-news.kz/">Kyzylorda-news.kz</a>. «Nur Otan» партиясы Саяси кеңесі Бюросының шешімімен 76 кандидаттан тұратын тізім бекітілді, деп хабарлайды аталған партияның&nbsp;<a href="https://nurotan.kz/news/news-detail/279761?lang=kz">ресми сайты</a>.
«Қазақстан Республикасындағы сайлау туралы» Конституциялық заңның 97-1 бабының 5-тармағына сәйкес «Nur Otan» партиясы Саяси кеңесі Бюросының 12 қаңтардағы шешімімен 76 кандидаттан тұратын тізім бекітіліп, ҚР Парламенті Мәжілісінің VII шақырылымының депутаттары ретінде тіркеу үшін Орталық сайлау комиссиясына жолданды.
Елбасы, Партия Төрағасы Н.Ә. Назарбаев атап өткендей, «Nur Otan» партиясын қайта жаңғырту «Мықты көшбасшылар – Мықты партия» қағидатын толық көлемде іске асыруға мүмкіндік берді. Енді жаңа Фракция алдында «Өзгерістер жолы: Әр азаматқа лайықты өмір!» сайлауалды бағдарламасының орындалуын жүйелі түрде бақылау және жаңа реформаларды заңнамалық тұрғыдан қамтамасыз ету міндеттері тұр».
Жалпы, Мәжілістегі «Nur Otan» партиясы Фракциясының құрамы 70%-ке жаңарды. Орташа жасы – 49, яғни 4 жылға жасарды.
Қорытынды партиялық тізім теңдестірілген. Яғни тізімдегі 36 кандидат – праймериз жеңімпаздары, 40 кандидат Саяси кеңес Бюросының квотасы бойынша бекітілген. Бұл аймақтық өкілдікті сайлаушылар санына сәйкес пропорционалды түрде қамтамасыз етуге мүмкіндік берді.
Партия Төрағасының Парламент Мәжілісіндегі жастар мен әйелдердің үлесін арттыру жөніндегі тапсырмасы нақты іске асырылды. Яғни, «Nur Otan» Фракциясының жаңа құрамының 40%-ті әйелдер мен 35 жасқа дейінгі жастардан тұрады.
Негізінен Мәжілістегі «Nur Otan» депутаттық корпусына білім беру, денсаулық сақтау, ҮЕҰ, БАҚ, сарапшылар қауымдастығы, өнеркәсіп, ауыл шаруашылығы және т.б. салалардың өкілдері енді.
Депутаттыққа кандидаттардың 7-уі ғана бұрынғы мемлекеттік қызметкер, яғни Фракция құрамында олардың саны 10%-тен аспайды.
Кандидаттар тізімі
АБАҚАНОВ Елдос Нұрболұлы
АБАСОВ Қайнар Бегалыұлы
АДАМБАЕВ Сырым Жұматайұлы
АДАМБЕКОВ Тілектес Серікбайұлы
АҚЫШЕВ Самат Сағынбайұлы
АХМЕТОВ Мәди Абылайұлы
ӘБДІҒАЛИҰЛЫ Берік
ӘБСЕМЕТОВА Әлия Маратқызы
ӘЛІМБАЕВ Данияр Кеңғазыұлы
ӘМРЕЕВ Ғалым Махмұтбайлы
ӘШІМЖАНОВ Жанарбек Садықанұлы
БЕЙСЕНБАЕВ Елнұр Сабыржанұлы
БЕКЖАНОВ Берік Айдарбекұлы
БЕРДАЛИН Аманғали Бейсенбайұлы
БИЖАНОВА Гүлнәр Қадыржанқызы
БОЙЧИН Анатолий Васильевич
ЕЛЕУОВ Ғалымжан Алмасбекұлы
ЕЛУБАЕВ Мәди Сағынтайұлы
ЕРЖАН Құдайберген Төлепұлы
ЕРМАН Мұхтар Тілдәбекұлы
ЕРТАЕВ Сырым Махамбетұлы
ЖАМАЛОВ Аманжан Мәкәрімұлы
ЖАҢБЫРШИН Еділ Терекбайұлы
ЖУЛИН Юрий Викторович
ЗӘКИЕВА Динара Болатқызы
ИМАШЕВА Снежанна Валерьевна
КАЗАНЦЕВ Павел Олегович
КАМАСОВА Зарина Айдарханқызы
КЕСЕБАЕВА Балайым Туғанбайқызы
КИМ Вера Александровна
КОЛОДА Дмитрий Владимирович
КУЧИНСКАЯ Юлия Владимировна
ҚАРАТАЕВ Фахриддин Әбдінабиұлы
ҚОЖАХМЕТОВ Арман Төлешұлы
ҚҰЛШАР Мәлік Иманқұлұлы
ҚҰСАЙЫНОВ Марат Әпсеметұлы
ҚҰСПАН Айгүл Сайфоллақызы
МУСИН Қанат Сергейұлы
МҰСАБАЕВ Самат Базарбайұлы
МЫҢБАЙ Дархан Қамзабекұлы
НАЗАРБАЕВА Дариға Нұрсұлтанқызы
НАҚПАЕВ Сәлімжан Жұмашұлы
НҰРКИНА Айгүл Қабдешқызы
НҰРМАНБЕТОВА Жәмила Нүсіпжанқызы
НҰРОВ Қанат Ильяұлы
НҰРЫМОВА Гүлдара Алданышқызы
НЫҒМАТУЛИН Нұрлан Зайроллаұлы
ОМАРБЕКОВА Жанат Әнуарбекқызы
ОСПАНОВ Берік Серікұлы
ПАВЛОВЕЦ Лариса Павловна
ПАНЧЕНКО Игорь Иванович
ПЛАТОНОВ Артур Станиславович
РАЗЗАҚ Нәзиля Раззақбайқызы
РАҚЫМЖАНОВ Әмірхан Мұратбекұлы
РАМАЗАНОВА Ләззат Керімқұлқызы
РАУ Альберт Павлович
САЙЫРОВ Ерлан Бияхметұлы
САПАРОВА Әлия Сүйіндікқызы
САРТБАЕВ Бауыржан Мейрамбекұлы
САРЫМ Айдос Әміроллаұлы
СИМОНОВ Сергей Анатольевич
СМАҒҰЛ Бахытбек
СМЫШЛЯЕВА Екатерина Васильевна
СҮЛЕЙМЕНОВА Жұлдыз Досбергенқызы
СҮЛЕЙМЕНОВА Зүлфия Болатқызы
ТАЙЖАНОВ Ерлік Серікбайұлы
ТАШҚАРАЕВ Ғани Әбдіғаниұлы
ТӘЖМАҒАМБЕТОВА Мақпал Мазаққызы
ТЕЛПЕКБАЕВА Жанна Тілеубекқызы
ТОРҒАЕВ Бекқали Нұрғалиұлы
ТӨЛЕПБЕРГЕН Мейрамбек Мылтықбайұлы
ТҰРҒАНОВ Дүйсенбай Нұрбайұлы
ТІЛЕУХАН Бекболат Қанайұлы
УНЖАКОВА Ирина Сергеевна
ҮЙСІМБАЕВ Асқарбек Съезбекұлы
ШИПОВСКИХ Геннадий Геннадьевич

«Nur Otan» партиясынан Мәжіліс депутаттарының тізімі жарияланды

**<a href="https://kyzylorda-news.kz/">Kyzylorda-news.kz</a>. *Қызылорда қалалық Полиция басқармасының қызметкерлері*** *3 күнде қала орталығының көшелерінде тәртіп бұзған 55 жүргізуші анықтады.*
Атап айтар болсақ, 9 қаңтарда қала орталығының көшелерінің бірінде түнгі уақытта бірнеше тәртіп бұзушы анықталған.
“BMW 530І” маркалы автокөлігінің жүргізушісіне қатысты ҚР ӘҚБтК-нің 606-бабының 1-бөлігімен әкімшілік хаттамасы рәсімделіп, он айлық есептік көрсеткіш мөлшерінде айыппұл салынды. Сонымен қатар, “Оpel Astra” маркалы автокөлігінің жүргізушісіне қатысты ҚР ӘҚБтК-нің 612-бабының 3-бөлігімен әкімшілік хаттамасы рәсімделді. Жинақталған құжаттар тиісті шешім қабылдау үшін сотқа жолданды.
Бұл бағыттағы жұмыстар жалғасуда.

Қызылордада 3 күнде тәртіп бұзған 55 жүргізуші анықталды

<a href="https://kyzylorda-news.kz/">Kyzylorda-news.kz</a>. Қармақшы ауданының тұрғыны есірткі затын заңсыз сақтап, тасымалдағаны үшін аудандық&nbsp;пробация қызметінің есебіне&nbsp;алынды. Оған сот үкімімен 100 сағат қоғамдық жұмысқа тарту жазасы тағайындалған.
Қазір таңда ол жұмыссыз болғандықтан, Жосалы кенті әкімінің өкімімен күніне 8 сағат&nbsp;қоғамдық орындарды абаттандыру, тазалау жұмыстары арқылы жазасын өтеуде.
<blockquote>
 «Өткен жылы мәжбүрлі еңбекке 15 азамат тартылды. Олар күніне 4 сағаттан&nbsp; жергілікті әкімдік белгілеген орындарда көгалдандыру, абаттандыру жұмыстарын атқарды. Бүгінде осы бір азамат қоғамдық жұмысқа тартылып, жазасын күніне 8 сағаттан өтеп жатыр. Уақытылы келіп, жұмысын тиянақты орындап жүр», – деді аудандық пробация қызметінің аға инспекторы&nbsp;Жақсыбек Жүнісов.
</blockquote>

Есірткі сақтаған қармақшылық 100 сағат қоғамдық жұмысқа тартылды

<a href="https://kyzylorda-news.kz/">Kyzylorda-news.kz</a>.&nbsp;Қызылордада жыл басынан бері мониторингтік топ мүшелері карантин талабын бұзған 7 деректі анықтады, деп хабарлайды <a href="https://www.inform.kz/kz/kyzylordada-karantin-talabyn-buzgan-5-nysan-iesi-zhauapka-tartyldy_a3740229">ҚазАқпарат</a>.
Өңірде бұл мақсатта 24 мониторингтік топ құрылған. Топ мүшелері жыл басынан бері карантин талабын бұзған 7 оқиғаны тіркеді.
<blockquote>
 «Сырдария және Жаңақорған аудандарында жеке тұрғын үйде той жасамақ болған тұрғындар тиісті заңдылықты сақтамаған. Осындай олқылықтарға жол берген 5 халыққа қызмет көрсету нысанының иесі жазаланды. Халыққа қызмет көрсету орындарындағы карантин талаптарын бұзушылықтың басым бөлігі санитария талаптарының сақталмауына байланысты болған. Сонымен қатар, шекті уақыттан асырып жұмысын жалғастырған нысандар да бар», – деп мәлім етті Қызылорда облысы санитариялық-эпидемиологиялық бақылау департаментінің баспасөз қызметі.
</blockquote>
Анықталған карантин талабын бұзу деректері бойынша ҚР Әкімшілік құқық бұзушылық туралы кодекстің 425-бабының 1-бөлігімен айыппұл салынды. Оның жалпы сомасы 569490 теңгені құрайды.

Қызылордада карантин талабын бұзған 5 нысан иесі жауапқа тартылды

<a href="https://kyzylorda-news.kz/">Kyzylorda-news.kz</a>. Қармақшы ауданының тұрғыны Шарһан Оспанов африкалық 2 түйеқұс асырап отыр.
7 жылдан бері құс шаруашылығымен айналысып келе жатқан Шарһан Оспанов бұл кәсіпті хоббиіне айналдырған.
Оның айтуынша, бұл түйеқұстарды өткен жылдың маусым айында Алматы қаласынан балапан күйінде алып келген. Жарты жылдан астам уақыт өтсе де, олар әлі де балапан күйінде екен. Ауыл тұрғыны қазіргі таңда түйеқұстарды суық, құрғақ жерге үйретуде.
<blockquote>
 “Бұл түйетауықтардың салмағы 19-25 келіні береді. Сатып алып, етін жейтіндер бар. Әйтеуір ырза болып жатады. Ал бұл ірі құсқа өзім қатты қызықтым. Түйеқұс әлі 3 метрге дейін өседі. Одан соң жынысы анықталады. Санын көбейтіп, балапанын, жұмыртқасын сатпақпын. Бұл бір жақсы кәсіп болатын сыңайлы. Алдағы уақытта мемлекеттік бағдарламаларға қатысып, қайтарымсыз несие алғым келеді. Солай инкубатор алып, ойымдағыдай кең кепе салып, құстарымды соған жайғастырсам деген ниетім бар, – дейді Шарһан Оспанов.
</blockquote>
Айта кетейік, ауыл тұрғынының бұдан басқа да мақсаты көп. Ол алдағы уақытта павлин мен ерекше құс цесарка алғысы келеді.

Қармақшы ауданының тұрғыны түйеқұс асырап отыр

<a href="https://kyzylorda-news.kz/">Kyzylorda-news.kz</a>. Аймақтағы 376 сайлау учаскесінде 4000-ға жуық байқаушы бақылау жүргізді. Сайлау барысында құқық бұзушылық орын алған жоқ. Бұл туралы Өңірлік коммуникациялар қызметінің ақпарат алаңында өткен брифингте облыстық сайлауды бейпартиялық байқау штабының жетекшісі Жандос Тұсмағанбетов мәлімдеді.
<blockquote>
 “Сайлауда техникалық кемшіліктер болып, уақытында қалпына келтіріліп отырды. Бұл сайлауға кері әсерін тигізбеді. Сондай-ақ, әлеуметтік желілерде «тәртіп бұзушылық орын алды, дәлел ретінде сурет, видеолар бар» деген посттар шықты. Бірақ, олар Заң бұзушылықтың аясындағы әрекеттерге жатпайды. Сайлауға дейін байқаушылар заңнаманың негізінде оқытылды, барлық талаптарды біледі. Және де сағат сайын орталыққа мәліметтерді ұсынып отырды. Сайлауда өрескел бұзушылық орын алған жоқ, – деді Жандос Бектайұлы.
 “Сайлау күні қоғамдық тәртіпті сақтауға 1103 қызметкер, оның ішінде сайлау учаскелеріне және бюллетеньдерді тасымалдау кезінде қауіпсіздікті қамтамасыз етуге 772-і қызметкер жұмылдырылды. Сайлау барысында құқық бұзушылық анықталмады”, – деді ОПД жергілікті полиция қызметінің бастығы Бауыржан Ибраев.
</blockquote>

Қызылордада сайлау кезінде құқық бұзушылық анықталмады

<a href="https://kyzylorda-news.kz/">Kyzylorda-news.kz</a>. Қызылорда облысында Тәуелсіздік мерекесінің 30 жылдығына және қоғамдық – саяси маңызды шаралардың күнтізбелік жоспары бекітілді. Оның ішіне 81 мәдени шара енгізілді. Бұл туралы Өңірлік коммуникациялар қызметінің ақпараттық алаңында облыстық мәдениет, архивтер және құжаттама басқармасының басшысы Мира Әбуова баяндады.
<blockquote>
 “Биыл іс-шаралар жоспарына сәйкес, «Тұғыры биік Тәуелсіздік» атты республикалық ақындар айтысы және «Байқоңыр: Тәуелсіздік тартуы» тақырыбында Байқоңыр қаласында облыстың өнер күндері, «Парасатты поэзия» халықаралық фестивалі, «Қылқаламда мәңгілік ел бейнесі» атты халықаралық суретшілер симпозиумы, сондай-ақ, «Қорқыттан қалған қоңыр үн» республикалық қобызшылар конкурсы, Кете Жүсіп Ешниязұлының 150 жылдығына арналған республикалық жыршы-жыраулар байқауын өткіземіз. Сонымен қатар, Қазақстанның еңбек сіңірген қайраткері, «Құрмет», «Парасат» ордендерінің иегері, композитор Кеңес Дүйсекеев атындағы «Туған жер» атты халықаралық әншілер конкурсы мен композиторды еске алу шаралары ұйымдастырылатын болады”, – деді Мира Рахымжанқызы.
</blockquote>
Айта кетсек, үш мәрте «Алтын домбыра» иегері Мұхтар Ниязов барлық ауданда кездесу кештерін өткізеді.

Қызылорда: Тәуелсіздіктің 30 жылдығына орай 80-нен астам мәдени шара өткізіледі

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова ҚР экология, геология және табиғи ресурстар министрлігі Экологиялық реттеу және бақылау комитетінің төрағасы Зулфухар Жолдасовпен кездесті. Кездесуде комитет төрағасы облыстық экология департаментінің жаңа басшысы Нұржан Өмірсерікұлын таныстырды.
Нұржан Өмірсерікұлы 1985 жылы Жаңақорған ауданында дүниеге келген. 2005 жылы әл-Фараби атындағы Қазақ ұлттық университетін, 2007 жылы Қазақ гуманитарлық заң университетін тәмәмдаған.
Еңбек жолын 2005 жылы Қызылорда қалалық қаржы бөлімінде есепші болып бастаған. Кейінгі жылдары облыстық экономика және бюджеттік жоспарлау департаментінің жетекші маманы, ҚР Парламенті Сенаты депутатының көмекшісі, Қызылорда облысы бойынша Тексеру комиссиясының ұйымдастыру-құқықтық бөлімінің басшысы, облыстық кәсіпкерлік және туризм басқармасының басшысы, ҚР Премьер-Министрі Кеңсесінің Өңірлік даму бөлімінің бас инспекторы секілді жауапты қызмет атқарған.
<blockquote>
 “Зулфухар Сансызбайұлы Сыр еліне қош келдіңіз! Бүгінгі күні экология саласында бірқатар мәселелер бар. Нұржан Өмірсерікұлы тәжірибесін пайдалана отырып, ауқымды жұмыстар атқарады деп сенемін. Тұрғындардың денсаулығына экологияның ластануы тікелей әсер ететіні белгілі. Сол себепті бұл сала үлкен жауапкершілікті талап етеді. Жаңа қызметте сәттілік тілеймін”, – деді облыс әкімі Гүлшара Әбдіқалықова.
</blockquote>
Сонымен қатар кездесуде аймақтың экологиялық жағдай мен алдағы жоспарлар талқыланды.

Қазақстан және Қызылорда облысының жаңалықтары