<a href="https://kyzylorda-news.kz/">Kyzylorda-news.kz.</a> Бүгін 2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу мәселесі бойынша ҚР Орталық сайлау комиссиясының отырысы өтті, деп хабарлайды <a href="https://www.inform.kz/kz/zhanadan-saylangan-senatorlarga-kualikter-men-tosbelgiler-tabystaldy_a3688324">ҚазАқпарат.</a>
Отырысты ашқан Орталық сайлау комиссиясының төрағасы Берік Имашев Парламент Сенатының депутаттарын сайлау жөніндегі науқанның соңғы отырысы Конституцияның 25 жылдығы – Тәуелсіз Қазақстанның Негізгі Заңы қарсаңында өтіп жатқанын атап өтті.
Ортсайлауком мүшесі Серік Сыдықов «2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу туралы» баяндама жасады. Ол «Қазақстан Республикасындағы сайлау туралы» Конституциялық заңға сәйкес, Орталық сайлау комиссиясы Конституциялық заңда белгіленген тәртіппен Парламенттің сайланған депутаттарын тіркеуді жүргізетінін хабарлады. Осы орайда Ортсайлауком әрбір депутатқа белгіленген үлгідегі куәлік пен омырауға тағатын белгіні тапсырады.
Осыған байланысты «2020 жылғы 12 тамыздағы сайлауда сайланған ҚР Парламенті Сенатының депутаттарын тіркеу туралы» қаулы қабылданды.
Қаулы қабылданғаннан кейін Орталық сайлау комиссиясының төрағасы Берік Имашев тіркелген депутаттарға куәліктер мен төсбелгілерді табыс етті.
«Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық Заңының 24-бабының 1-тармағына сәйкес, Парламент депутатының өкілеттігі оны Орталық сайлау комиссиясы Парламент депутаты ретінде тіркеген кезден басталады.
Отырысқа Парламент Сенатының сайланған депутаттары, сенаторлар Кеңесінің мүшесі Қуаныш Айтаханов, сондай-ақ бейне конференция байланыс режимінде облыстардың, Нұр-Сұлтан, Алматы және Шымкент қалаларының аумақтық сайлау комиссиялары, онлайн режимде бұқаралық ақпарат құралдарының өкілдері қатысты.

Жаңадан сайланған сенаторларға куәліктер мен төсбелгілер табысталды

Kyzylorda-news.kz. Биыл жаңа оқу жылы қарсаңында көпбалалы және тұрмысы төмен отбасыларға толассыз көмек көрсетіліп келеді.
Қазіргі таңда «Мектепке жол» акциясы аясында аймақта оқушыларға жомарт жандардың есебінен мектепке қажетті құрал-жабдықтар мен киім-кешектер және ұялы телефондар, планшеттер алып берілуде.
Осы қайырымдылық шарасына Қызылорда облыстық жастар ресурстық орталығының ұжымы да өз үлесін қосты. Қаладағы «БИАЛИ» спорттық киімдер дүкенінің, кәсіпкер Асхат Шаукентаевтың жүзеге асқан шарада 10 отбасыға көмек көрсетілді. Алдағы уақытта тағы 40 отбасыға қол ұшын созу жоспарда.
Сонымен қатар орталықтың ІТ паркпен бірлесе қолға алған шарасы аясында жөндеуден өткен 100-ге жуық компьютер мұқтаж отбасылардың балаларына үлестірілетін болады. Бұл – Сыр жастарының жаңа оқу жылы қарсаңында балаларға деген тартуы болмақ.

&#8220;Мектепке жол&#8221;: Көмек жалғасуда

<a href="https://kyzylorda-news.kz/">Kyzylorda-news.kz.</a> Калифорния тұрғыны 66 жастағы Лорин Уилленберг ағзасы 30 жыл ішінде АИТВ-мен өздігінен күресе алған алғашқы адам болды.
Оған қатерлі диагноз 90-шы жылдардың басында қойылған. Бұл туралы Daily Mail зерттеу мәліметтеріне сілтеме жасай отырып хабарлады.
Деректерге сүйенсек, әйел адам вирустан сауығу үшін ешқашан дәрі ішпегенін алға тартқан. Дәрігерлер оның ағзасы табиғи жолмен күрескенін айтуда.
Зерттеушілер Уилленбергті бірнеше жыл бойы бақылауда ұстаған. Өйткені оның иммунитеті вирусқа қарсы тұра алатындығы байқалған. Зерттеуге одан басқа тағы 63 адам қатысты, себебі олар ем қабылдамаса да, ағзасындағы вирустық жасушалар көбейе алмаған.
Алайда, ең таңқаларлығы диагноз қойылған сәттен бастап отыз жылдай уақыт өткен соң Лорин Уилленберг ағзасында АИТВ-ның іздері жоқтың қасы. Стандартты тестілер арқылы одан ауруды анықтау мүмкін емес. Мамандардың айтуынша, бұл оның функционалды түрде емделгендігін көрсетеді.
Уилленбергті енді АИТВ-дан жазылған науқастар қатарына қосуға болады. Бұл тізім өте қысқа, онда үш адамның ғана есімі бар.
<a href="https://24.kz/kz/zha-aly-tar/lemde/item/419023-lemde-al-ash-ret-aitv-zh-tyr-an-nau-as-aurudan-zdiginen-zhazylyp-ketti">“Хабар 24”</a>

Алғаш рет АИТВ жұқтырған науқас аурудан өздігінен жазылып кетті

<a href="https://kyzylorda-news.kz/">Kyzylorda-news.kz.</a> ҚР Ұлттық банкі «ABAI. 175 JYL» коллекциялық монеталарын 1 қыркүйекте саудаға шығарады. Бұл туралы банктің баспасөз қызметі хабарлады.
Номиналы 500 теңгелік күмістен, номиналы 100 теңгелік мельхиор қоспасынан және номиналы 100 теңгелік нейзильбер қоспасынан жасалған «ABAI. 175 JYL» коллекциялық монеталары 2020 жылғы 1 қыркүйектен бастап сатуға түседі.
Монеталарды ҚР Ұлттық банкінің барлық аумақтық филиалдарынан сатып алуға болады – олардың мекенжайлары <a href="https://nationalbank.kz/kz">сайтта</a> көрсетілген. Күмістен және мельхиор қоспасынан жасалған монеталарды Ұлттық банктің интернет-дүкені арқылы сатып алуға болады.
<blockquote>
 «ҚР Ұлттық банкі аталған монеталарды 2020 жылдың 10 тамызында айналымға шығарды. Оларды шығару ақын және ағартушы Абай Құнанбаевтың туғанына 175 жыл толуына орайластырылды. Қазақстан Республикасында карантин режимінің ұзартылуына байланысты монеталарды сату одан бұрын кейінге қалдырылған болатын», – делінген хабарламада.
</blockquote>

«ABAI. 175 JYL» коллекциялық монеталары саудаға шығарылады

<a href="https://kyzylorda-news.kz/">Kyzylorda-news.kz.</a> Қазақстан Республикасының Конституция күніне орай қоссырықта қолды бүгіп жазудан (отжимания на брусьях) ерлер арасында Қызылорда облысының жекелей жарысы өтті.
Облыстық дене шынықтыру жəне спорт басқармасының ұйымдастыруымен онлайн жүйеде алғашқы мəрте өткізілген жарысқа 18-23 жəне 24-29 жас аралығында 23 спортшы бақ сынасты.
Сайыс нəтижесінде Арал ауданының спортшылары мықтылықтарын дəлелдеп, үздіктер қатарынан көрінді. Атап айтсақ, 18-23 жас аралығында аралдық Данияр Кеңесов І орынды жеңіп алса, ІІ орынды жаңақорғандық Қанжарбек Əбділдаев, ІІІ аралдық Рауан Амангелдиев иеленді.
24-29 жас аралығында Арал ауданының спортшысы Ғазиз Бектұрсын чемпион атанса, жалағаштық Ербол Ерғалиев ІІ орынды, аралдық Ақберен Қуандықов ІІІ орынды еншіледі.
Жеңімпаздар медаль және дипломдармен марапатталды.
<img src="https://kyzylorda-news.kz/wp-content/uploads/2020/08/fb_img_1598586921993.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586935494.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586929855.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586927344.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598586938355.jpg" alt="" />

Қызылордада қолды бүгіп жазудан онлайн сайыс өтті

<a href="https://kyzylorda-news.kz/">Kyzylorda-news.kz.</a> Қызылорда облысында «Невада-Семей» қозғалысының 1043 мүшесі бар. Оның ішінде, 490 азамат әлеуметтік төлемдермен қамтылып отыр. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов мәлімдеді.
Аймақ бойынша «Невада-Семей» қозғалысының мүшелері 1986-1987 жылдары Чернобыль атом электр станциясындағы апатқа, азаматтық, әскери мақсаттағы объектiлердегi басқа да радиациялық апаттар мен авариялардың зардаптарын жоюға қатысқан.
Басқарма басшысы орынбасарының айтуынша, қазіргі таңда, ядролық сынақтар мен жаттығуларға қатысқан азаматтарға 30 айлық есептiк көрсеткiш мөлшерiнде жылына бiр рет жәрдемақы төленеді.
<img src="https://kyzylorda-news.kz/wp-content/uploads/2020/08/fb_img_1598578680046-1.jpg" alt="" />

Қызылордада &#8220;Невада-Семей&#8221; қозғалысының 1043 мүшесі бар

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен облыстық төтенше жағдайлардың алдын алу және оларды жою жөніндегі комиссия отырысы өтті.
Жиында облыстық төтенше жағдайлар департаментінің бастығы Б.Данилов облыс аумағындағы өндірістік орындар мен тұрғын үйлердегі, орман шаруашылықтары мен шалғай орналасқан елді мекендердегі өрт қауіпсіздігі жағдайы және облыс әкімінің орынбасары Наурызбай Байқадамов коронавирус инфекциясына қарсы атқарылып жатқан шаралар туралы баяндады.
Биылғы жылдың 7 айында облыс бойынша 321 өрт оқиғасы орын алды. Жалпы өрттің негізгі себептері – электр жабдықтарын, желілерін, тұрмыстық электр құралдарын пайдалану ережесін бұзу, отпен абайсыз болу, балалардың отпен ойнауы, тұрмыстағы және объектілердегі жылыту пештерінің ақауы және басқа да жағдайлардан болып отыр. Бүгінгі күнге облыс аумағындағы өрт қауіпсіздігін қамтамасыз ету үшін 14 мемлекеттік өрт сөндіру бөлімі және 2 өрт сөндіру бекеті жұмыс жасайды. Облыстық төтенше жағдайлар департаменті 620 қызметкер және 93 бірлік өрт сөндіру автотехникасымен қамтылған.
Өңір басшысы өрт қауіпсіздігін сақтау бойынша бірқатар тапсырма берді.
<blockquote>
 «Алдағы жылу беру маусымы кезеңінде тұрғындардың қауіпсіздігін қамтамасыз ету мақсатында қала және аудан әкімдеріне өз бюджеттері есебінен әлеуметтік аз қамтылған, көпбалалы, тұрмыс жағдайы төмен отбасылар тұратын үйлерге көмірқышқыл және табиғи газды анықтайтын құрылғылар орнату жұмыстарын жалғастырсын. Облыс көлеміндегі жарылғыш заттар мен аммиактық селитра сақтайтын, оттегі толтыру нысандары мен газ толтыру стансаларына өнеркәсіптік қауіпсіздігі талаптарының сақталуы бойынша жоспардан тыс тексеру жұмыстарын ұйымдастыру керек. Орман және дала өрттерінің алдын алуға арналған күш-құралдардың дайындығын қамтамасыз етіңіздер. Сонымен қатар, Сырдария өзенінің сол жағалауындағы ғимараттар санының өсуіне байланысты өрт сөндіру депосын салу үшін жұмыс жасау қажет», – деді облыс әкімі Гүлшара Әбдіқалықова.
</blockquote>
Бұдан бөлек аймақ басшысы қала және аудан әкімдеріне өз аумақтарындағы шалғай орналасқан елді мекендерде құрылған өрт сөндіру бекеттерін кезекшi ауысымға, өрт сөндiру автомобилiне арналған телефон байланысымен, электр энергиясымен, жылумен және сумен қамтамасыз етiлген ғимараттармен қамтамасыз ету үшін қаржы бөлуді және облыс әкімімен бекітілген «2021-2025 жылдарға мемлекеттік өртке қарсы қызметі жоқ елді мекендерде кезең-кезеңмен өрт бекеттерін құру» жоспарын іске асыруды тапсырды.
Облыста коронавирус індетін жұқтырған барлығы 3229 адам тіркелді. Тіркелген науқастардың бүгінгі күнге дейін 93,7% (3024) жазылып шықса, аталған инфекциядан облыс бойынша 9 науқас қайтыс болды. Сонымен қатар, коронавирус инфекциясымен қоса, пневмониямен аурушаңдық жағдайлары өсуіне байланысты тіркеудің жаңа тәртібі енгізілді. Күшейтілген карантиндік режимді іске асыру барысында облыста эпиедмиологиялық жағдай біршама тұрақталды. Оған дәлел ретінде облыстық медициналық жедел жәрдем стансасына келіп түскен шақыртулар санынан көруге болады. Ең көп шақырту 28 маусым күні түсіп, 2120-ны құраған. Бүгінгі күні шақыртулар саны 52,4%-ға қысқарды.
Эпид маусым басталғанда облыста барлығы 976 төсек орын ұйымдастырылған болатын. Шілде айының басында стационарлардың жүктемесінің 85%-дан артуына байланысты, төсек орын саны 2 405-ке артты.
Қазіргі таңда облыс бойынша төсек орын тапшылығы жоқ. Алайда қажет болған жағдайда 3000 төсек орынға 21 инфекциялық стационар қайта ашылатын болады.
Сонымен қатар, үй жағдайында дәрігерлік және динамикалық бақылауды қажет ететін науқастарға медициналық көмектің қолжетімділігін арттыру мақсатында мобильдік бригадалар ұйымдастырылды. Мобильдік бригадалардың 38 қала деңгейінде болса, 28 аудан орталықтарында және 95-і елді мекендерде қызмет атқаруда.
Эпидемияға қарсы іс-шараларға тартылған медицина қызметкерлерін қаржылық қолдау және COVID-19 коронавирустық инфекциясын жұқтырған немесе аталған инфекциядан қайтыс болған медицина қызметкерлеріне біржолғы әлеуметтік төлемді төлеу мақсатында 9988 қызметкерге 2 062 270,4 мың теңге төленді.
Облыс әкімі коронавирус инфекциясына қарсы шараларды жалғастыруды тапсырды.
<blockquote>
 «Кәсіпкерлермен келіссөздер жүргізіп, медициналық ұйымдарға қажетті медициналық құрал-жабдықтармен қамтамасыз ету мүмкіндіктерін қарастырыңыздар. Облыстағы қажетті дәрілік заттар мен медициналық мақсаттағы бұйымдардың тұрақты қорын жасақтау мақсатында қажеттілігі есептеліп, медициналық ұйымдарда қорғаныш заттарының кем дегенде 30 күндік қоры жасақталу керек», – деді облыс әкімі Гүлшара Әбдіқалықова.
</blockquote>

Гүлшара Әбдіхалықова: Өрт сөндіру депосын салу үшін жұмыс жасау қажет

<a href="https://kyzylorda-news.kz/">Kyzylorda-news.kz.</a> Биыл Қызылорда облысы әкімінің қолдауымен әлеуметтік жағынан аз қамтылған және тұрмысы төмен отбасылардың балалары үшін 150 білім гранты бөлінді, нәтижесінде 148 талапкер грант иегері атанды. Бұл туралы Өңірлік коммуникациялар қызметінің ақпарат алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов мәлімдеді.
<blockquote>
 “Облыс әкімінің грантына 183 үміткердің өтініші қабылданды. Қабылданған өтініштер аудандар мен Қызылорда қаласы әкімдіктері жанына құрылған арнайы комиссиялардың отырыстарында қаралып, нәтижесінде барлығы 148 грант иегерлері анықталды. Атап айтқанда, 76-ы көп балалы, 43-і тұрмысы төмен, 13-і асыраушысынан айырылған отбасына, 7-і ата-анасының біреуі мүгедек, 3-і «Атамекен» балалар үйінің тәрбиеленушісі, 3-і мүгедек балаға, ал қалған 3-еуі ата-анасының қамқорлығынсыз қалған балаға берілді. Сондай-ақ, 2 үміткер мемлекеттік грантты иеленуіне байланысты бас тартты”, – деді Мейрамбек Жақсылықұлы.
</blockquote>
<img src="https://kyzylorda-news.kz/wp-content/uploads/2020/08/fb_img_1598578680046.jpg" alt="" />

Қызылордада 148 талапкер әкім грантын иеленді

Kyzylorda-news.kz. Бүгін Қазақстан аумағының басым бөлігінде ауа райы жауын-шашынсыз болады, деп хабарлайды Қазгидромет.
Жамбыл облысының кей жерлерінде тұман, дауыл күтіледі, жел 15-20 м/с күшейеді.
Шығыс Қазақстан облысының кей жерлерінде дауыл күтіледі, желдің екпіні күндіз 23 м/с артады, бұршақ жаууы ықтимал.
Таңертең және күндіз Қызылорда, күндіз Түркістан, Атырау, Батыс Қазақстан, Қарағанды облыстарының кей жерлерінде жел 15-20 м/с күшейеді.
Түнде және таңертең Солтүстік Қазақстан облысының кей жерлерінде тұман, күндіз Маңғыстау облысының кей жерлерінде шаңды дауыл күтіледі.
Қызылорда облысында, Түркістан облысының кей жерлерінде, Атырау, Жамбыл, Алматы, Батыс Қазақстан облыстарының оңтүстігінде, Қарағанды облысының оңтүстік-батысында төтенше өрт қаупі күтіледі.

Қазақстанның басым бөлігі жауын-шашынсыз болады

<a href="https://kyzylorda-news.kz/date/2020/08/27/">Kyzylorda-news.kz.</a> Бүгін Қызылорда қаласында дәстүрлі тамыз кеңесі өтті. «Білім және ғылым: жаңа оқу жылының ерекшеліктері» тақырыбында өткен келелі жиынға барлық білім беру ұйымдарының басшылары онлайн форматта қатысты.
Қала әкімі Нұрлыбек Нәлібаев ұстаздар қауымын алдағы білім күнімен құттықтап, саланың жетістіктері мен міндеттеріне тоқталды.
<img src="https://kyzylorda-news.kz/wp-content/uploads/2020/08/01-4-scaled.jpg" alt="" />
<blockquote>
 «Қазіргі таңда, мемлекет тарапынан білім саласына үлкен қамқорлық көрсетіліп келеді. Оның ішінде Қызылорда қаласында да көптеген оңды істер атқарылып жатыр» деген шаһар басшысы «салынған инвестиция көлемі қанша есеге артса, білім сапасын да сол деңгейге көтеру қажет. Биылғы жылы Қызылорда қаласында«Жұмыспен қамту жол картасы» бағдарламасы аясында &nbsp;&nbsp;№23, 43, 112, 173 мектептерінде және Белкөл кентіндегі «Балапан» балабақшасына күрделі жөндеу жұмыстары жүргізілді. Бұл мақсатқа қаралған қаржы 783 млн. теңгені құрады. Сонымен бірге, “Ауыл-Ел бесігі» бағдарламасына сай №143 орта мектептің күрделі жөндеу жұмыстарына 153 млн. 862 мың теңге қаржы бөлініп, тиісті жұмыстар атқарылды. Бұдан бөлек, Халықаралық жобалар арқылы қайтарымсыз грант негізінде № 1, 4, 176 мектептерде жөндеу жұмыстары жүргізілді», – дейді шаһар басшысы.
</blockquote>
Қызылорда қаласы бойынша апаттық және үш ауысымды мектептер мәселесі түбегейлі шешілген.
Орын тапшылығын болдырмау мақсатында Саяхат шағын ауданында 600, Е.Демесінов көшесінің бойынан 500 орындық екі мектептің құрылысы инвесторлар есебінен жүргізілуде. Мұнан бөлек, Жаппасбай батыр көшесінің бойындағы 600 орындық мектеп жаңа оқу жылында пайдалануға беріледі деп күтілуде. Бұған қосымша 3 мектептің жобалау-сметалық құжаттары әзірленіп жатыр.
<img src="https://kyzylorda-news.kz/wp-content/uploads/2020/08/04-1-scaled.jpg" alt="" />
Қала бюджетінің 45-50 пайызы білім саласына бағытталып, 2019 жылы –&nbsp; 25 млрд-тан аса қаржы қаралса, биылғы жылы бұл қаражат 35 млрд. теңгеден асты. Бұл мемлекет тарапынан білім саласын дамытуға көрсетілген қолдаудың белгісі.
Маңызды басқосуда қалалық білім бөлімінің басшысы Динара Баймұрзаеваның «Жаңа оқу жылындағы алға қойылған міндеттер мен қашықтан оқытудың ерекшеліктері туралы» хабарламасы тыңдалып, білім саласының даму қарқыны мен бұл саланы одан әрі жетілдіруге қатысты ұсыныстар айтылды.
Жаңа оқу жылында қаладағы 50 мектепте қашықтан оқыту&nbsp; форматында 67 527 оқушы, ауылдық 4 мектепте (№128 Қараөзек, 175 Айнакөл, 145 Бірқазан, 215 Талдыарал) барлық санитарлық талаптарды сақтай отырып 434 оқушыны дәстүрлі түрде оқыту жоспарлануда. &nbsp;&nbsp;&nbsp;&nbsp; Сонымен қатар, 1-4 сыныптарда 30958 бала білім алатын болса, олардың 8520-ы ата-аналардың өтініші негізінде кезекшісыныпта оқытылады деп жоспарлануда.
<img src="https://kyzylorda-news.kz/wp-content/uploads/2020/08/03-scaled.jpg" alt="" />
Сонымен бірге қала әкімі сала басшыларына алдағы оқу жылында нақты атқарылуы тиіс бірқатар тапсырмалар жүктеді. Басымдық дәстүрлі және кезекші сыныптары бар мектептер мен балабақшалардағы санитарлық нормаларды сақтап, интернет желісіне қолжетімділігі жоқ мұғалімдер мен оқушылар арасындағы күнделікті байланысты ұйымдастыруға берілді. Сондай-ақ, қашықтан оқыту кезінде бала тәрбиесі назардан тыс қалдырмауды міндеттеді. Ал жан басына қаржыландыруға өткен мектеп басшыларына мемлекет қаржысын мақсатты жұмсап, білім ұясының материалдық-техникалық базасын жақсартуды тапсырды. Конференция барысында сөз алған ардагер-ұстаз Алтын Ізбасова заман талабына сай жас ұрпаққа сапалы білім, саналы тәрбие беру бағытындағы атқарылып жатқан жұмыстар мен салаға көрсетіліп жатқан қолдауларды атап өтті.
Жиын соңында жыл көлемінде еселі еңбегімен ерекшеленген мәртебелі мамандық иелері марапат биігінен көрініп, ҚР Білім және ғылым министрінің алғыс хатын алды. Ұстаздар мерейін асырған тағы бір тарту, шаһар басшысы қаланың рухани-әлеуметтік дамуы жолында елеулі еңбек атқарып, білім беру жүйесін дамытуға және білім сапасын арттыруға айрықша үлес қосқан бірқатар ұстаздарға қаржылай сыйақы мен бағалы сыйлықтар табыстап, алғыс хаттармен марапаттады.
<img src="https://kyzylorda-news.kz/wp-content/uploads/2020/08/02-5-scaled.jpg" alt="" />

Қызылорда қаласында апатты жағдайдағы мектептер мәселесі толығымен шешілген

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус індетін жұқтырып, пневмониялық инфекциямен ауырып, айығып шыққан 100 медицина қызметкеріне Ақмола облысы «Бурабай» ауданында орналасқан «Шучинск» демалыс орнына жолдама берілді.
Оны қызметкерлерге «SENIM» денсаулық сақтау жүйесі жұмыскерлерінің салалық кәсіптік одағы» республикалық қоғамдық бірлестігінің облыстық филиалының төрағасы Асылхан Абылайханұлы табыстады.
<blockquote>
 «Жолдаманың құны барлығы 7 500&nbsp;000 теңгені құрайды. Халық денсаулығының жақсаруы жолында аянбай еңбек етіп жүрген денсаулық сақтау саласының қызметкерлері тамыз-қыркүйек айларында 10 күн шипажайда демалады. Бұл бағыттағы жұмыстар “Senim” кәсіподағы тарапынан жалғасын таба бермек», – дейді Асылхан Абылайханұлы.
</blockquote>
<img src="https://kyzylorda-news.kz/wp-content/uploads/2020/08/dsc_0321.jpg" alt="" />

Қызылордада коронавирус жұқтырған 100 медицина қызметкері шипажайда демалады

<a href="https://kyzylorda-news.kz/date/2020/08/27/">Kyzylorda-news.kz.</a> Қызылордада кәсіпкерлер палатасы өңірлік кеңесінің сайлау қорытындысы жарияланды. Өңірлік кеңес – Кәсіпкерлер палатасының бақылаушы органы.
Естеріңізге салып өтсек, Қызылордадан өңірлік кеңеске 37 кәсіпкер үміткер ретінде тіркеліп, аталмыш үміткерлерге 5-20 тамыз аралығында дауыс беру өткізілген болатын. Сайлауда дауыс беру құқығы тек кәсіпкерлерге ғана берілді. Облыс бойынша үміткерлерге 8068 кәсіпкер дауыс берді. &nbsp;&nbsp;
Бизнес субъектілердің тең қатысуын қамтамасыз ету мақсатында Өңірлік кеңес құрамының 60 пайызы облыс орталығындағы бизнес өкілдерінен, ал 40 пайызы – аудандардағы кәсіпкерлерден құралды.
Бүгін кәсіпкерлер палатасының алаңында Іріктеу комиссиясының отырысы өтті. Отырыста комиссия төрағасы, «Қызылорда кәсіпкерлері» Қауымдастығының төрағасы Мырзағали Ермаханов сайлаудың қорытындысымен, комиссия мүшелерінің бірауыздан қабылданған шешімімен, басым дауыс жинаған 20 кәсіпкер өңірлік кеңеске мүшелікке енгізуге ұсынылғандығын хабарлады. Олар:
– 1306 дауыспен Боранбаев Қайрат Жомартұлы, «НУРЛЕН» ЖШС басқарма төрағасы (Қызылорда қаласы); &nbsp;&nbsp;&nbsp;
– 748 дауыспен Өтеев Мнажадин, «Сыр маржаны» ЖШС директоры (аудан);
– 477 дауыспен Тілеулиев Бибітәлі Дербісалыұлы, «СЫР ЖОЛДАРЫ»ЖШС директоры (Қызылорда қаласы);
– 376 дауыспен Нұрымбетов Жанарбек Сражұлы, «Ысамаддин» шаруа қожалығының басшысы (аудан);
– 374 дауыспен Бисембаев Темір Алдажұмаұлы, «Т-Т ҚҰРЫЛЫС-СЕРВИС» ЖШС директоры (аудан);
– 365 дауыспен Абызов Ділмұхамед Мнуарбекұлы, «DALATEX» ЖШС директоры (Қызылорда қаласы);
– 342 дауыспен Іздібаев Нұрлан Тұрғанбекұлы,&nbsp;&nbsp;&nbsp;&nbsp;&nbsp; «Ақтөбе и К» ЖШС директоры, (аудан);
– 342 дауыспен&nbsp; Мишукова Наталья Валентиновна, &nbsp;&nbsp;&nbsp;&nbsp;&nbsp;&nbsp;&nbsp; «Мансап Қызылорда» ЖШС құрылтайшы (Қызылорда қаласы);
– 316 дауыспен Жайсаңбаев Рахат Бақытұлы, «MASSAGET GROUP» ЖШС директоры (Қызылорда қаласы);
– 302 дауыспен Бекішев Жаңабай, жеке кәсіпкер (Қызылорда қаласы);
– 300 дауыспен Ерәлиев Мағжан Абзалұлы, «Абзал и Компания» ТС директоры (Қызылорда қаласы); &nbsp;&nbsp;
– 278 дауыспен Байешов Арман Әбдімәуленұлы, ФИРМА «KAZROSKIT» ЖШС директоры (Қызылорда қаласы);
– 259 дауыспен Балмаханов Балахан Майданбайұлы, жеке кәсіпкер (аудан);
– 239 дауыспен Абдраимова Гүлзағира Оралбайқызы, «ҚазСпецСтройЭкспертиза» ЖШС директоры (Қызылорда қаласы);
– 233 дауыспен Әбдіқадырова Айткүл Әлиқызы, «ҰСТА СӘМІ» ЖК-нің басшысы (аудан);
– 206 дауыспен Асенов Аблан Мұсабекұлы, жеке кәсіпкер (аудан);
– 206 дауыспен Дәуленбаев Әнуар, «ЕР-АН» шаруа қожалығының басшысы (аудан);
– 157 дауыспен Нұрхожаев Болат Жолтайұлы, жеке кәсіпкер (Қызылорда қаласы);
– 140 дауыспен Еспенбетов Манарбек Нағымұлы, «ПРОМСТРОЙСЕРВИС.Е» ЖШС бас директоры (Қызылорда қаласы);
– 118 дауыспен Махатова Дина Ордабекқызы, «АС-КА» ЖШС директоры (Қызылорда қаласы).
<blockquote>
 «Өңірлік кеңеске үміткер ретінде түскен 37 кәсіпкердің ішінде 1 кәсіпкер процесс барысында өз өтініші негізінде сайлауға қатысудан бас тартты. Іріктеу комиссиясының құрамында 7 адам бар. Комиссия құрамы кәсіпкерлерден, қоғам белсенділерінен құралған. Сайлау науқаны кезінде комиссияның 6 отырысы өткізіліп, комиссия мүшелері барлық кезеңге белсенді қатысты. Аймағымызда кәсіпкерлердің басты кеңесі – өңірлік кеңестің мүшелері бірінші рет сайлау негізінде анықталуда. Жаңа сайланған мүшелер кәсіпкерліктің дамуына жаңа серпін әкеледі деген сенімдемін», – дейді іріктеу комиссиясының төрағасы Мырзағали Ермаханов.
</blockquote>
Айта кету керек, өңірлік кеңес палатаның дирекциясына мемлекеттік билік органдарымен, үкіметтік емес, қоғамдық және халықаралық ұйымдармен өзара іс-қимыл жасауға, басқару органдары қабылдаған бағдарламалық құжаттарды іске асыруға жәрдемдесу мақсатында 2013 жылы құрылған болатын. Өңірлік кеңес құрамына аймақтағы белсенді, белгілі, қоғамда орны бар, кәсіпкерлердің мүддесін қорғай алатын бизнес өкілдері енгізілді және осы жылдар аралығында мүшелерінің құрамына өзгерістер енгізіліп отырды.
<blockquote>
 «Бүгінгі күнге дейін жұмыс жасаған кәсіпкерлер палатасының Өңірлік кеңесінің мүшелері аймақтағы жеңіл өнеркәсіп саласын дамыту бағытындағы бастамасымен, Үкіметтік деңгейге дейін күрішшілердің мәселесін жеткізуімен, жеке балабақшалардың құқығын қорғаудағы принципшілдігімен, сондай-ақ Арыс тұрғындарына, елімізде төтенше жағдай жарияланғаннан кейін ұйымдастыру шаралары барысындағы, облыс тұрғындарына қайырымдылық жұмыстарындағы белсенділіктерімен ерекшеленеді. Аталмыш кеңес мүшелігінде нәтижелі еңбек еткен кәсіпкерлерге Кәсіпкерлер палатасы атынан алғысымызды білдіреміз. Алдағы уақытта да ол кісілермен әріптестік негізде жұмыс жасаймыз деген сенімдеміз», – дейді Кәсіпкерлер палатасының директоры Ғалымбек Жақсылықов.
</blockquote>
Сонымен, Қызылорда облысы кәсіпкерлер палатасы өңірлік кеңесінің құрамында 20 қызылордалық кәсіпкер еніп, жақын күндері жұмысын бастайды.

Қазақстан және Қызылорда облысының жаңалықтары

Жаңадан сайланған сенаторларға куәліктер мен төсбелгілер табысталды

“Мектепке жол”: Көмек жалғасуда

Алғаш рет АИТВ жұқтырған науқас аурудан өздігінен жазылып кетті

«ABAI. 175 JYL» коллекциялық монеталары саудаға шығарылады

Қызылордада қолды бүгіп жазудан онлайн сайыс өтті

Қызылордада “Невада-Семей” қозғалысының 1043 мүшесі бар

Гүлшара Әбдіхалықова: Өрт сөндіру депосын салу үшін жұмыс жасау қажет

Қызылордада 148 талапкер әкім грантын иеленді

Қазақстанның басым бөлігі жауын-шашынсыз болады

Қызылорда қаласында апатты жағдайдағы мектептер мәселесі толығымен шешілген

Қызылордада коронавирус жұқтырған 100 медицина қызметкері шипажайда демалады

Қызылордада кәсіпкерлер палатасы өңірлік кеңесінің мүшелері сайланды

Қазақстан және Қызылорда облысының жаңалықтары

Жаңадан сайланған сенаторларға куәліктер мен төсбелгілер табысталды

&#8220;Мектепке жол&#8221;: Көмек жалғасуда

Алғаш рет АИТВ жұқтырған науқас аурудан өздігінен жазылып кетті

«ABAI. 175 JYL» коллекциялық монеталары саудаға шығарылады

Қызылордада қолды бүгіп жазудан онлайн сайыс өтті

Қызылордада &#8220;Невада-Семей&#8221; қозғалысының 1043 мүшесі бар

Гүлшара Әбдіхалықова: Өрт сөндіру депосын салу үшін жұмыс жасау қажет

Қызылордада 148 талапкер әкім грантын иеленді

Қазақстанның басым бөлігі жауын-шашынсыз болады

Қызылорда қаласында апатты жағдайдағы мектептер мәселесі толығымен шешілген

Қызылордада коронавирус жұқтырған 100 медицина қызметкері шипажайда демалады

Қызылордада кәсіпкерлер палатасы өңірлік кеңесінің мүшелері сайланды

“Мектепке жол”: Көмек жалғасуда

Қызылордада “Невада-Семей” қозғалысының 1043 мүшесі бар