<a href="https://kyzylorda-news.kz/">Kyzylorda-news.kz.</a> Жалағашта қараусыз жайылған мал иесіне айыппұл салынды, деп хабарлайды аудан әкімдігінің баспасөз қызметі.
Тұрып жатқан өлкенің тазалығы алдымен өзімізге байланысты. Сондықтан оған баршамыз жауапкершілікпен қарағанымыз жөн.
Жалағаш кентінде көркейту-көгалдандыру жұмыстары жүйелі жүргізіліп келеді. Десе де кейбір тұрғындар тарапынан тазалыққа немқұрайлық танытып жүргендері де бар. Қазіргі таңда кентте қараусыз жайылған малдарға күнделікті рейд жүргізіліп, мал иелері анықталуда.
Жүргізілген бақылау жұмыстары барысында Жалағаш кентіндегі М.Шәменов көшесі №93 үйдің тұрғыны Әділжан Зиядиновке Жалағаш кенті әкімі аппараты арқылы хаттама толтырылып, 10 АЕК көлемінде айыппұл салынды. Егер бұл жағдай тағы қайталанса айыппұл көлемі екі есеге өсетін болады. Аудан әкімдігі кент тұрғындарына малдың қараусыз жайылуына жол бермеуге, тазалықты сақтауға шақырады.

Жалағашта мал иесіне айыппұл салынды

<a href="https://kyzylorda-news.kz/">Kyzylorda-news.kz.</a> Екі ғасырдан астам уақыт ішінде Ақ үй ел басшыларының резиденциясы ретінде ғана емес, АҚШ күш-қуатының нышаны ретінде де қызмет етіп келеді.&nbsp;
♦ АҚШ президенттерінің ресми резиденциясы – бүкіл әлемге танымал “Ақ үй” деп аталатын ғимараттың іргетасы 1792 жылы қаланды.
♦&nbsp;Құрылыс нысанының орнын елдің тұңғыш президенті Джордж Вашингтон таңдаған.
♦&nbsp;“Бұл Потомак өзенінің бойында, 10 шаршы мильден аспайтын жер болуы керек” деген Вашингтон.
<img src="https://kyzylorda-news.kz/wp-content/uploads/2020/07/1595497084_l-1.jpg" alt="" />
Джордж Вашингтон
♦&nbsp;Осылайша, Ақ үйдің құрылысы қазіргі орналасқан жерде (“1600, Пенсильвания даңғылы, Вашингтон, DC 20500, АҚШ”) &nbsp;басталады.
♦&nbsp;Ғимараттың дизайнына жариялаған конкурста Джеймс Хобан есімді сәулетші жеңімпаз атанды. Хобанмен қатар Вашингтонның өзі де жобаның авторы ретінде бірлесіп жұмыс істейді.
<img src="https://kyzylorda-news.kz/wp-content/uploads/2020/07/1595494884_l-1.png" alt="" />
Ақ үйдің алғашқы көрінісі
♦Джеймс Хобан ғимаратты жобалаған кезде Дублиндегі Лейнстер үйінің (қазіргі Ирландия парламенті) сәулетімен шабыттанғанын айтқан.
♦Жоба бойынша ғимарат классикалық грек сәулетінің принциптеріне, нақты симметрияны ұстана отырып салынуы керек еді.
♦&nbsp;Ақ үйдің алғашқы құрылысына 2,5 миллион доллар бөлінген.
♦&nbsp;1800 жылдың жазына қарай ғимараттың негізгі бөлігіндегі құрылыс аяқталды.
♦&nbsp;1800 жылдың 4 маусымы – Ақ үйдің ресми пайдалануға берілген күні.
♦&nbsp;8 жылдық құрылыс аяқталғаннан кейін өзі басқарып, салдырған ғимаратта тұру Вашингтонға нәсіп етпеді.
♦Осы уақытта оның мерзімі аяқталып, екінші президент Джон Адамс үкімет басына келеді. Ол жұбайы Эбигайлмен бірге Ақ үйге көшкен алғашқы президент ретінде тарихта қалды.
<img src="https://kyzylorda-news.kz/wp-content/uploads/2020/07/1595495590_l-1.jpg" alt="" />
Неге Ақ үй?
Ғимарат неге мұндай атпен аталғаны туралы нақты дерек болмаса да бірнеше нұсқалар бар.
♦&nbsp;Бірінші нұсқа: ғимарат қызыл гранитпен салынған басқа үйлердің қасында ерекше аппақ боп көрінгені үшін осы атты алған.
♦&nbsp;Екінші нұсқа бойынша бұл атау ғимаратқа 1811 жылы берілген.
♦&nbsp;Тағы бірінде 1814 жылы берілгені айтылған.
Енді осы соңғы нұсқа тарихына тоқталатын болсақ, АҚШ бастапқыда Ұлыбритания отары еді. Ұлыбритания отарынан арылу әрекеті 1812-15 жылдардағы екі ел арасындағы соғыс өртінің тұтануына себепкер болды.
♦&nbsp;1814 жылы британдықтар Вашингтонға от қойып, өрт кезінде Ақ үйге айтарлықтай зиян келді. Дәл осы уақытта ғимараттағы өрттің зардабын жасыру үшін ол ақ түске боялған деген ақпарат бар.
<img src="https://kyzylorda-news.kz/wp-content/uploads/2020/07/1595495071_l-1.jpg" alt="" />
Ұлыбритания – АҚШ астанасына шабуыл жасаған жалғыз ел
♦&nbsp;Жоғарыда аталған нұсқалардың қайсысы ең қолайлы болғанына қарамастан, президент резиденциясы ресми түрде 1901 жылы – Теодор Рузвельттің билігі кезінде “Ақ үй” атауына ие болды.
<img src="https://kyzylorda-news.kz/wp-content/uploads/2020/07/1595495631_l-1.jpg" alt="" />
Ақ үйдің 1814-17 жылы қайта салыну кезі
Қайта құру
Ақ үйдің қазіргі көрінісі алғаш салынған кезінен өзгеше. Соңғы ІІІ ғасырда оның құрылымына бірнеше толықтырулар енгізілді.
♦&nbsp;Жоғарыда айтылғандай, Ақ үй 1814 жылы британдықтардың шабуылынан кейін қайта құрылды және 1817 жылы пайдалануға берілді. Қайта өңдеу кезінде ғимаратқа 2 қабат жерасты бөлмелері қосылды.
♦&nbsp;ХХ ғасырдың басында Теодор Рузвельттің президенттігі кезінде батыс және шығыс қанаттарына тағы да ғимараттар салынды.
♦Батыс қанатында – Oval Office, президенттің негізгі кеңсесі, ал шығыс қанатында қабылдау бөлмесі орналасқан.
♦&nbsp;1927 жылы резиденцияның шатыры қайта салынып, адам тұруға бейімделді.
<img src="https://kyzylorda-news.kz/wp-content/uploads/2020/07/1595495870_l-1.jpg" alt="" />
♦&nbsp;1949-1952 жылдары президент Гарри Трумэннің басшылығымен Ақ үй күрделі жөндеуден өтті. Ғимараттың ағаш қаңқасы болатпен алмастырылып, интерьері де өзгерді.
Ғимараттың құрылымы
♦&nbsp;Жалпы ауданы 5000 шаршы метрлік Ақ үй – 6 қабаттан (2 қабат жер асты), 132 бөлмеден, үш жеделсаты және 8 баспалдақтан тұрады. Ғимаратта 32 жуынатын бөлме және 28 камин пеші бар.
♦&nbsp;Ғимаратта салтанатты қабылдауға арналған көк бөлме, бейресми қабылдаулар үшін жасыл бөлме, отбасылық түскі ас ішетін қызыл бөлме, үлкен зал, президент кеңсесі және басқа да бөлмелер бар.
♦&nbsp;Ақ үйге келген әрбір президент негізгі кеңсесінің дизайнын өз талғамына қарай өзгерте алады.
<img src="https://kyzylorda-news.kz/wp-content/uploads/2020/07/1595496245_l-1.jpg" alt="" />
АҚШ-тың қазіргі бірінші ханымы Ақ үй бақшасында
♦&nbsp;Ақ үйдің айналасында президент бағы орналасқан. 
♦&nbsp;Ғимараттың батыс жағында Вудро Уильсонның әйелі салған Қызғылт бақ, ал шығыс қанатында Джон Ф. Кеннедидің әйелі Жаклин Кеннедидің бастамасымен салынған бақ бар.
Ақ үйдің ішкі көрінісі 
♦&nbsp;Ақ үйге көшкен жаңа президент пен оның отбасы ғимаратты өз қалауымен жиһаздай алады. Олардың әрқайсысы президент үйіне жаңалық әкелуге тырысқанымен, ғимаратта ХVIII-ХІХ ғасыр аурасы сақталып қалған. Ғимараттың безендірілуі, интерьердің өзгеруі Ақ үй басқару комитетімен келісіліп жасалады.
<img src="https://kyzylorda-news.kz/wp-content/uploads/2020/07/1595496299_l-1.jpg" alt="" />
Қызыл бөлме
♦&nbsp;Резиденцияда бұрынғы президенттердің отбасыларына тиесілі заттар, сондай-ақ басқа елдердің жоғары лауазымды шенеуніктері берген сыйлықтар бар. Қазіргі президенттің отбасы оларды бөлмелерді безендіруге қолдана алады.
Ақ үйге саяхаттау 
♦&nbsp;Ақ үй Томас Джефферсонның тұсында тұңғыш рет көпшілік үшін ашылды. АҚШ-тың үшінші президенті 1805 жылғы ұлықтау рәсіміне қатысқандарды Ақ үйге келуге шақырады. Көп өтпей президент резиденциясы оны көргісі келетіндер үшін ресми түрде ашылды.
♦&nbsp;Джефферсон сонымен қатар Жаңа жылды және 4 шілде – Тәуелсіздік күнін Ақ үйде тойлау дәстүрін енгізді.
♦&nbsp;Бүгінде сейсенбіден жұмаға дейін туристер үшін Ақ үйге саяхат ұйымдастырылады (қазір пандемияға байланысты тоқтатылған).
♦&nbsp;Ресми және жеке кездесулер өткізілетін көгілдір, жасыл, шығыс және қызыл бөлмелерге туристер саяхаттай алады. Ғимараттың басқа бөлмелері президент пен оның отбасына арналған.
♦&nbsp;Ақ үйге виртуалды түрде <a href="https://artsandculture.google.com/partner/the-white-house?hl=ru">мына сілтеме</a> бойынша саяхаттай аласыз.
<a href="https://massaget.kz/layfstayl/alemtanu/62793/">Massaget.kz</a>

220 жылда 44 президент тұрған Ақ үй туралы қызықты деректер (ФОТО)

<a href="https://kyzylorda-news.kz/">Kyzylorda-news.kz.</a> Су балдыры санатына жататын гепарин, көптеген арнайы вирусқа қарсы препараттарға қарағанда, COVID-19-ны анағұрлым тиімді блоктауға қабілетті. Тіпті оның әсері АҚШ-та қолданылатын коронавирустың негізгі препараты Ремдесивирден де жоғары екені белгілі болды. Бұл туралы халықаралық ғалымдар тобы мәлімдеді, деп хабарлайды <a href="https://stan.kz/koronaviruska-karsi-tyratin-tabigi-onim-belgili-boldi-334731/.kz.">Stan.kz.</a>
Ғылыми жұмыстың нысаны теңіз балдырларынан алынған органикалық заттар болған.&nbsp;Гепариннің үш нұсқасы және фукоиданның екі түрі зертелді.&nbsp;Зертханалық зерттеулер in vitro түрінде жүргізілді.
Гепарин молекулалары вирусқа жіберіліп, оны бұғаттайды, осылайша COVID-19 табиғи жолмен жойылады.
Зерттеушілер ретроспективті клиникалық зерттеудің мәліметтеріне назар аударды, соған сәйкес антикоагулянттарды, мысалы гепаринді енгізу, COVID-19 вирусын жұқырғандар қатарына жатқызылған науқастарға, соның ішінде интубацияланған науқастардың өлімінің күрт төмендеуіне, жақсы нәтиже бере алады.
<blockquote>
 “Бұл гепаринмен антикоагулянттық терапияның нәтижесі ме, әлде белгілі бір дәрежеде оның SARS-CoV-2-ге қарсы белсенділігінің нәтижесі ме белгісіз”, – дейді мамандар.
</blockquote>
Олар гепариннің қосымша артықшылықтары бар, мысалы өкпе коагулопатиясын және жүйелі қан кетусіз қабынуды азайту. Осыған байланысты зерттеушілер гепарин немесе фукоидандармен мұрынға арналған спрейді коронавирусты ертерек емдеуде және тіпті алдын-алу үшін қолдануға болады деп санайды.
<blockquote>
 “Біз вирустық инфекцияны оқшаулауды үйреніп жатырмыз. Егер біз пандемияға тез қарсы тұрғымыз келсе, бізге бұл қажет. Шындығында&nbsp;бізде вирусқа қарсы препараттар жоқ. Өзімізді болашақ пандемиядан қорғау үшін бізге пайда болатын вирустарға тез бейімделуге болатын арсенал қажет”, – деді зерттеу жетекшісі, Ренссельер политехникалық институтының профессоры Джонатан Дордик.
</blockquote>

Коронавирусқа қарсы тұратын табиғи өнім белгілі болды

<a href="https://kyzylorda-news.kz/">Kyzylorda-news.kz.</a> Пандемия кезінде сұраныс жоғары тауарлар – бір реттік маскалар мен медицииналық қолғаптар экологиялық апатқа әкеп соқтыруы мүмкін.
Жапонияның «Киодо» ақпараттық агенттігі осылай деп отыр. Өйткені Түркия мен Еуропа елдерінде су түбінде табылған медициналық қалдықтар көбейген. Франция экологтарының пайымдауынша, жуық арада теңізде медузадан гөрі маска көп болуы мүмкін. Себебі таяуда мұнда 2 миллиардтан аса бетпердеге тапсырыс берілген.
Мамандардың айтуынша, бір ғана маска жүздеген жылдар бойы ыдырайды екен. Қазірдің өзінде оның қалдықтары балықтар мен тұзда табылып жатыр. Мамандар «тұрғындардың көбі медициналық қорғаныс құралдарын қалай кәдеге жаратарын білмейді» дейді. Көп елде тіпті ол үшін қолайлы жағдай да жасалмаған көрінеді. Осы ретте экологтар көп реттік маскаларды қолдануға кеңес беріп отыр.
<blockquote>
 “Адамдар маска тағып, өздерін қауіпсіз сезінгісі келеді. Алайда ол үшін пластик қолдану міндетті емес. Басқа материалдар толып жатыр”,- дейді A Plastic Planet ұйымының негізін қалаушы Шан Сазерленд.
</blockquote>
<a href="https://24.kz/kz/zha-aly-tar/lemde/item/411440-maskalar-men-ol-aptar-planetany-ekologiyaly-apat-a-shyratady">Хабар 24</a>

Маскалар мен қолғаптар планетаны экологиялық апатқа ұшыратады

<a href="https://kyzylorda-news.kz/">Kyzylorda-news.kz.</a> Әлемде қызғылт түске боялатын көлдер көп емес. Түсінің ерекшелігімен туристердің қызығушылығын тудырып, демалыс орнына айналған.&nbsp;
Австралияда мұндай бірнеше көл бар, сонымен қатар Оңтүстік Америка, Батыс Африка, Шығыс Еуропа, Мексика және Қазақстаннан да кездестіруге болады.
Хиллер көлі, Аустралия
<img src="https://kyzylorda-news.kz/wp-content/uploads/2020/07/1595585858_l-2.jpg" alt="" />
Батыс Аустралиядағы&nbsp;Решерш&nbsp;архипелагын құрайтын аралдардың ең үлкеніне орналасқан Хиллер көлінің түсі жыл он екі ай өзгермейді. Ашық қызғылт түсті суды бөтелкеге құйып алғанның өзінде түсін сақтап қалады екен. Көлдің ұзындығы 600 метрді құрайды. Ал оны мұхиттан бар болғаны 2-3 метр жер бөліп тұр.&nbsp;
Хиллер көлі&nbsp;Мидл Айлендпен бірге 1812 жылы табылған. Көлдің жан-жағы ақ тұз бен қалың орманмен қоршалған. Сол себепті қызғылт көлге жету үшін туристер ұзақ жаяу жүруге дайын.
Ретба көлі, Сенегал
<img src="https://kyzylorda-news.kz/wp-content/uploads/2020/07/1595586230_l-1.jpg" alt="" />
Ретба көлі – Сенегал астанасы Дакардан шығыс жағындағы Жасыл мүйіс түбегінде орналасқан. Көлдің түсі Dunaliella salina балдырының арқасында қызғылтқа боялады екен.&nbsp;Ретба көлінің түсі&nbsp;қуаңшылық маусымында жақсы көрінеді.
Жергілікті тұрғындар көлден тұз жинаумен күн көреді. Көлдің құрамының 40% тұз болғандықтан жұмысшылар ши ағашының майын денесіне жағып, жұмыс істейді.&nbsp;
Көлдегі алқызыл түс көп мөлшердегі цианобактериялардың әсерінен пайда болған. Қара теңіз секілді бұл көлдің де тығыздығы аса жоғары. Бір қызығы, көлдің тұздылығына қарамастан, онда балықтар өмір сүреді екен.
Торревьеха көлі, Испания
<img src="https://kyzylorda-news.kz/wp-content/uploads/2020/07/1595586245_l-1.jpg" alt="" />
Дүниежүзілік денсаулық сақтау ұйымы&nbsp;Торревьеха және Ла Мата көлдерін Еуропадағы ең жақсы сақталған деп баға берген.&nbsp;Торревьеха көлінде тұз мөлшерінің көп болғаны соншалық Өлі теңіздегідей судың бетінде қалқып жүресіз. Туристер бұл маңға тері және өкпе ауруларын емдеу үшін келеді екен.&nbsp;
Лагуна Хатт көлі, Аустралия
<img src="https://kyzylorda-news.kz/wp-content/uploads/2020/07/1595586137_l-1.jpeg" alt="" />
Үнді көлінің жанында орналасқан Лагуна Хат Аустралиядағы қызғылт көлдің екіншісі. Көлдің ұзындығы 14 шақырымды, ені 2 шақырымды құрайды. Бұл жерде кішкентай балдырларды өсіретін әлемдегі ең үлкен орналасқан.&nbsp;
Шаңды раушан көлі, Канада
<img src="https://kyzylorda-news.kz/wp-content/uploads/2020/07/1595586349_l-1.jpg" alt="" />
Канададағы жалғыз қызғылт түсті көл аса танымал емес. Құрамында тұз болмаса да, балдырлар өспесе де көл қызғылт түске боялған. Оған осы аймақтың табиғатының ерекшелігі себеп. Жақын маңдағы мұздықтағы тас шаңының әсерінен көлдің түсі қызғылтқа боялады екен.&nbsp;
Қызғылт көл, Аустралия
<img src="https://kyzylorda-news.kz/wp-content/uploads/2020/07/1595586558_l-1.jpg" alt="" />
Батыс Аустралияда орналасқан тағы бір қызғылт түсті көл.&nbsp;Dunaliella salina балдыры мен тұзды&nbsp;асшаянның арқасында көл анда-санда қызғыл түске боялады. Ғалымдар әлі күнге көл
Масазир көлі, Әзірбайжан
<img src="https://kyzylorda-news.kz/wp-content/uploads/2020/07/1595586164_l-1.jpg" alt="" />
Ауданы 10 шаршы шақырым болатын&nbsp;Масазир көлі Бакуге жақын маңда орналасқан. Көлдің құрамында хлорид пен сульфат көп мөлшерде болғандықтан оның түсі қызғылтқа боялған. Ал 2010 жылы ел билігі тұз өндіретін “Azeri” зауытын ашты.&nbsp;
Квайрадинг қызғылт көлі, Аустралия
<img src="https://kyzylorda-news.kz/wp-content/uploads/2020/07/1595586541_l-1.jpg" alt="" />
Бұл көл кейбір маусымда түсін өзгертеді. Көлдің бір беті&nbsp;қара қызғылт түске боялса, екінші жағы ашық қызғылт түс болады екен.&nbsp;
Қызғылт көл, Қазақстан
<img src="https://kyzylorda-news.kz/wp-content/uploads/2020/07/img-20200725-wa0004.jpg" alt="" />
Көл Ақмола облысы Ерейментау ауданының Өлеңті ауылдық округінің аумағында орналасқан. Теңіз деңгейінен 253 метр биіктікте. Көлдің ауданы – 690 га, тереңдігі – 1,5 метр.
Көбейтұз жылына бірнеше рет қызғылт түске боялады. Судың қызғылт реңге боялуына негізінен тұзды теңіздерді мекендейтін біржасушалы дуналиелла сортаңды су балдыры әсер етеді деп саналады. Демек көлдің тұзды болуының арқасында бұл балдырлар пайда болған.
Мұнымен қызғылт түсті көлдер тізімін аяқталған жоқ. Олардың қатарына Қырымдағы Кояш, Мексикадағы Лас-Колорадас, Танзаниядағы Натрон, Боливиядағы&nbsp;Лагун Колорадо, АҚШ-тағы&nbsp;Үлкен тұзды көл, Ресейдегі Меклетин мен Тунистегі&nbsp;Шотт-эль-Джерид көлін қосуға болады.
<a href="https://massaget.kz/layfstayl/alemtanu/syrly-alem/62801/">Massaget.kz</a>

Табиғат ғажайыбы: Қызғылт түске боялған көлдер

<a href="https://kyzylorda-news.kz/">Kyzylorda-news.kz.</a> Биыл Құрбан айт мерекесі 31 шілдеге түсіп, 2 тамызға дейін жалғасады. Еліміздегі эпидемиологиялық жағдайға байланысты мешіттер уақытша жабық, яғни аурудың таралуының алдын алу мақсатында жамағат намазы оқылмайды, оның ішінде Айт намазы да бар. Сондай-ақ, мешіттерде құрбан шалу рәсімі жүргізілмейді. Бұл туралы Өңірлік коммуникациялар қызметінің ақпарат алаңында ҚМДБ өкілі, Қызылорда облысының бас имамы Болатбек Абуов мәлімдеді.
<blockquote>
 «Өңірде құрбандық шалу орындары анықталды. Барлық қосымша ақпарат мешіттер жанындағы арнайы ақпараттық орталықтарда ұсынылады. Бұған қоса, “qurban2020.kz” сайты іске қосылды. Яғни құрбан шалушы да, ет алушы да онлайн тапсырыс бере алады. Тапсырыстарды әр өкілдік жанынан құрылған штаб жүзеге асырады. Құрбан шалушыға қажет болса, рәсім барысында түсірілген фото-видео есеп телефон нөміріне жолданатын болады. Ал етке мұқтаж жандарға сайтта көрсеткен мекен-жайы бойынша тегін жеткізіліп береді», – деді Болатбек Ұласқанұлы.
</blockquote>

Қызылордада мешітте құрбан шалу рәсімі жүргізілмейді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен Қызылорда қаласындағы эпидемиологиялық ахуалға қатысты жиын өтті.
Жиында қала әкімі Нұрлыбек Нәлібаев індеттің алдын алу мақсатында атқарылып жатқан жұмыстарды мәлімдеді.
<img src="https://kyzylorda-news.kz/wp-content/uploads/2020/07/fb_img_1595649209578-1.jpg" alt="" />
Бүгінгі күнге дейін облыс орталығында коронавирус, пневмония диагнозымен және ОРВИ инфекциясымен 1966 адам тіркелген. 
Коронавирус жедел респираторлы аурулар мен пневмонияға байланысты тұрғындар тарапынан шақыртулардың күрт көбеюіне байланысты мобильді дәрігерлерді тасымалдау шаралары да қоса ұйымдастырылды. Оған әкімдікке қарасты 30-ға жуық қызметтік көлік тұрғындарға күнделікті жедел қызмет көрсетуге жұмылдырылды. 
Кәсіпкерлер мен еріктілердің тарапынан да 20-ға жуық көлік оттегі баллонын жеткізу мен тағы да басқа қызметтер бойынша көмек көрсетті. Сонымен қатар 27 кәсіпкер 52 млн. теңгеге 77 дана оттегі концентраторы мен 850 дана оттегі баллонын қаладағы ауруханаларға жеткізген. 
«Қызылорда», «Арбат», «Бәйтерек» қонақ үйлері иелерінің демеушілігі мен қалалық «Сырдария» тынығу лагері, қалалық ардагерлер үйі, ҚМУ №4 жатақханасына 401 медициналық қызметкер орналастырылды. 
Бұдан бөлек, қала кәсіпкерлері арқылы 10 мың дана медициналық бетперде қала тұрғындарына тегін таратылып, мүмкіндігі шектеулі азаматтар үшін де волонтерлар арқылы дәрі-дәрмектер жеткізілуде. 
Жиында аймақ басшысы Гүлшара Әбдіқалықова әлі тұрғындар арасында сақтық шаралары дұрыс сақталмай отырғанын айтты.
<blockquote>
 “Қазіргі таңда тұрғындар арасында әлі де сақтық шараларына бейқамдық танытып жүргендер бар. Жыл соңына дейін ас беру сияқты жиындарды тоқтату керек. Мобильді топтарды түсіндірме жұмыстарына араластырып, халыққа кеңінен ақпарат беру қажет ” – деді облыс әкімі. 
</blockquote>
Мәжілісте аймақ басшысы облыс орталығындағы провизорлық орталықтардың жеткілікті болуына баса мән беру керектігін де сөз етті. Ол үшін қажетті ғимараттар, төсек орындармен қамтамасыз ету мәселесін ұдайы назарда ұстау керектігін ескертті.

Гүлшара Әбдіқалықова: Тұрғындар арасында сақтық шаралары дұрыс сақталмай отыр

<a href="https://kyzylorda-news.kz/">Kyzylorda-news.kz.</a> Жаңа оқу жылы шалғайда орналасқан шағын жинақты ауылды мектептерді қоспағанда, өңірдің барлық мектептерінде қашықтан оқыту форматында басталады. Бірақ, ата-аналардың өтініші негізінде 1-4 сынып оқушылары үшін «кезекші сыныптар» ашылатын болады. Оқушылардың саны 10-15 тен аспауы тиіс және санитарлық талаптарды сақтау керек. Бұл туралы Өңірлік коммуникациялар қызметінің ақпарат алаңында өткен брифингте облыстық білім басқармасының басшысы Ақзира Қасымова мәлімдеді.
<img src="https://kyzylorda-news.kz/wp-content/uploads/2020/07/fb_img_1595643473294.jpg" alt="" />
<blockquote>
 «Биыл аймақтың 243 мектебінде оқушылар сабақты қашықтан оқиды. Қашықтан оқытуды ұйымдастыруда оқушылардың электронды құрылғылармен, интернетпен қамтылуы бағытында анализ жүргізілді. Оқушылардың қажеттілігіне қарай компьютер, планшеттер берілетін болады. Бірінші кезекте әлеуметтік жағынан аз қамтамасыз етілген отбасылар, көпбалалы отбасының балаларына беріледі. Бұл ретте басқарма тарапынан мектеп балансындағы компьютерлерді уақытша береді. Сонымен бірге, демеушілер есебінен планшеттер алып беру жұмыстары жүргізілуде. Бұған қоса, облыста 20 259 педагог жұмыс жасайды. Оның ішінде компьютері жоқ мұғалімдер саны анықталуда. Облыстық мұғалімдер кәсіподағының демеушілігімен 300 мұғалімге электронды құрылғылар беріледі»,-деді Ақзира Бақтыбайқызы.
</blockquote>
Сонымен қатар, 18 мың педагог қашықтан оқытуға байланысты 17-22 тамыз аралығында арнайы онлайн курстан өтеді.

Ақзира Қасымова: Жаңа оқу жылында өзгешеліктер бар

<a href="https://kyzylorda-news.kz/">Kyzylorda-news.kz.</a> Қызылор облысының арнаулы әлеуметтік қызмет көрсету орталығында 665 адам стационар жағдайындағы қызметке жүгінуде. Оның ішінде, қарттар үйіндегі 23 қызмет алушы коронавирус инфекциясына күмәнді болып ауруханаға жатқызылды. Қарттар үйіндегі қызмет алушыларды Талсуаттағы оңалту орталығына көшіріп, қарттар үйінің ғимаратына толықтай дизенфекциялау, санитарлық өңдеу жұмыстары жүргізілді. Бұл туралы Өңірлік коммуникациялар қызметінің ақпараттық алаңында өткен брифингте облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Абдукаримов мәлімдеді.
<blockquote>
 «Стационар жағдайында жатқан қызмет алушыларға 333 маман күн-түн демей тұрмыстық, медициналық қызметтер көрсетуде. Яғни қызмет алушылардың дене қызуларын өлшеу, тіркеу, бөлмелердегі ауаны желдету, кварцтау санитарлық шараларды қолдана отырып жүргізілуде», – деді Мейрамбек Жақсылықұлы.
</blockquote>

Қызылордада әлеуметтік мекемелер де аянбай қызмет көрсетуде

1905 жылы&nbsp;Қоянды жәрмеңкесіне жиналғандар патшаның отаршылдық зорлығына қарсы петиция қабылдады. Ресей Министрлер кеңесі төрағасына жолданған бұл петицияда қазақ жеріне орыс шаруаларының қоныс аударуын тоқтату, қазақтар үшін жеке басқаруды ұйымдастыру, цензураны жою, қазақ тілінде іс жүргізуді ресми енгізу, Мемлекеттік думаны шақыру жобаларын әзірлеу жөніндегі кеңес жұмысына қазақ делегаттарын қатыстыру сияқты талаптарын қойды.
1957 жылы&nbsp;Қазақ ССР ҒА Физикалық-техникалық институтының негізінде Ядролық физика институты құрылды. Институтты ұйымдастырушылар – Қазақ ССР ҒА-ның президенті, академик Қаныш Сәтбаев және ССР ҒА-ның академигі Игорь Курчатов болды.
2007 жылы&nbsp;Қазақстанда «Халық батыры» республикалық сыйлығы бекітілді.
Ол сыйлық қоғамға, Қазақстан халқына қызмет еткен жоғары жетістігі үшін беріледі және ол мемлекеттік немесе саяси сыйлыққа жатпайды. Қазақстанның әлеуметтік және қоғам өміріне араласып, өзінің үлесін қосқан әрбір азамат, коммерциялық және коммерциялық емес ұйымдар оның иегері бола алады. Ал саясаткерлер, саяси партиялар мен қозғалыстар оның иегері бола алмайды.
2013 жылы&nbsp;Серік Сәпиев спорт саласындағы зор жетістіктері үшін «Спорт бойынша ЮНЕСКО чемпионы» құрметті атағын алды. Сапиев бұл атақ берілген әлемдегі 13-ші спортшы атанды.
«Спорт бойынша ЮНЕСКО чемпионы» – бұл жас ұрпақ үшін дене тәрбиесі мен спортты насихаттай отырып, ЮНЕСКО идеясын күллі әлемге таратуға ықпал ететін әлемдік дейгейдегі көрнекті спортшыларға берілетін атақ.

25 шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 25 шілдеге арналған жұлдыз-жорамалы.
Тоқты
Бүгін жағымды жаңалық естисіз. Сонымен қатар білім көкжиегін кеңейтіп, идеяңызды қолдайтын жандар көп болады.
Торпақ
Керемет күн. Барлық идеяларыңызды жүзеге асырасыз. Алдағы күндерге жоспар құрып, сол үшін тер төгіңіз.
Егіздер
Бүгін эмоцияға көп берілесіз. Ашуланып отырып жақындарыңызға ауыр сөз айтасыз. Мұның соңы кикілжіңге ұласады.
Шаян
Күніңіз керемет өтеді. Өзіңізге берілген мүмкіндікті пайдаланып қалыңыз. Жұмыста да, үйде де табанды болыңыз.
Арыстан
Ешқандай жоспар құрмаңыз. Бүгін ештеңені ойламай, тек демалыңыз. Біраз уақыттан кейін үй тірлігімен айналысыңыз.
Бикеш
Қаржы мәселесінде сақ болыңыз. Үлкендердің ақылына құлақ асыңыз. Өмірлік тәжірибесі бар жандардан кеңес алыңыз.
Таразы
Айналыңыздағы адамдар сізден үміт күтеді. Өз жұмысыңызға ден қоя алмағандықтан олардың үмітін ақтай алмауыңыз мүмкін.
Сарышаян
Өзіңізге қатысты жақсы жаңалық естисіз. Қызықты ақпараттарға қанық болып, көп мәселеңізді шеше аласыз.
Мерген
Табысқа жету үшін ең алдымен өз ісіңізге көңіл бөліңіз. Ешкімнің сізді алаңдатуына жол жермеңіз. Сонда ғана жетістікке жетесіз.
Тауешкі
Көп жұмысты оңай орындайсыз. Ешқандай мәселе туындамайды. Қандайда бір қиындық туындаса барлығын тез еңсересіз.
Суқұйғыш
Қарама-қайшылыққа толы күн. Жақындарыңызбен тіл табысу оңай болғанымен, кейде қиындық та туындайды. Әсіресе таңертеңгілік уақыт қарбаласқа толы.
Балықтар
Адамдармен тіл табыса білуіңіз, тығыз қарым-қатынас орната білуіңіздің арқасында табысты боласыз. Алдағы күндерге жоспар құрыңыз.

Жұлдыздар не дейді?

Kyzylorda-news.kz. Қазақстан Республикасы әділет министрінің 2020 жылғы 27 мамырдағы №58 бұйрығымен бектілген «Қазақстан Республикасының әділет органдарынан және өзгемемлекеттік органдарынан, сондай-ақ нотариустардан шығатын ресми құжаттарға апостиль қою» мемлекеттік көрсетілетін қызмет Қағидасына сәйкес, көрсетілетін қызметті беруші құжаттарға экстерриториалдық қағидаты бойынша апостиль қояды.
Ресми құжаттарға апостиль қоюда мемлекеттік көрсетілетін қызмет талаптарына сәйкес өтініштер мемлекеттік корпорация немесе «электрондық үкіметтің» веб-порталы арқылы қабылданады.
Мемлекеттік қызметтер көрсету процестерін барынша оңтайландырылу мақсатында қызмет алушылардың құжаттарын қабылдауы электрондық түрде жүзеге асыру басты міндетіміз болып саналады.
Осыған орай, ресми құжаттарға апостиль қою үшін жүгінуші азаматтарға электронды түрде өтініш берудің тиімділігі&nbsp; мемлекеттік қызмет көрсету нәтижесімен 1 жұмыс күні ішінде жүзеге асырылады.
Портал арқылы жүгінген кезде:
1) көрсетілетін қызметті алушының ЭЦҚ-мен куәландырылған немесе порталдың есептік жазбасына&nbsp; ұялы байланыс операторы ұсынған, көрсетілетін қызметті алушының абоненттік нөмірі қосылған&nbsp; және тіркелген&nbsp; жағдайда, бір рет қолданылатын парольмен куәландырылған электрондық өтініш;
2) сканерленген көшірмесі түріндегі апостильдеу қойылуға жататын құжат электрондық сұрау салуға қоса тіркеледі.
«Цифрлы Қазақстан» бағдарламасының тиімділігі, әрбір азамат мемлекеттік қызмет алудағы қанағаттанарлық деңгейін арттыру. Олардың өтініштерінің қалай қарастырылып жатқаны,&nbsp; дер кезінде сапалы жауап алуға толық мүмкіндігі болады.
А.Жақсылық&nbsp;&nbsp;&nbsp;&nbsp;
Қызылорда облысының
әділет департаментінің бас маманы

Қазақстан және Қызылорда облысының жаңалықтары