<a href="https://kyzylorda-news.kz/">Kyzylorda-news.kz.</a> Жұма күні елімізде қара аралас жаңбыр жауып, көктайғақ болады, тұман түсуі мүмкін, деп хабарлайды Қазгидромет.
5 ақпанда Қазақстан аумағының басым бөлігіне циклон және атмосфералық фронтальды ағын ықпал етеді. Кей жерлерде қар аралас жаңбыр жауады, тұман түсіп, көктайғақ болады, жаяу бұрқасын соғады, жел күшеюі ықтимал. Еліміздің оңтүстік және оңтүстік-шығысында күн райы ашық болады.
Қызылорда облысының кей жерлерінде тұман түсуі мүмкін.

Жұмада күн райы қандай болады?

<a href="https://kyzylorda-news.kz/">Kyzylorda-news.kz</a>. Жыл сайын 4 ақпанда Дүниежүзілік қатерлі ісікке қарсы күрес күні атап өтіледі. Оның мақсаты – қоғамның назарын осы жаһандық проблемаға аудару, қазір онкологиялық аурулардың қаншалықты қауіпті және кең таралғанын еске салу және қатерлі ісік ауруынан болатын өлімді едәуір азайту.
Қазақстанда онкологиялық аурулар басым әлеуметтік маңызды аурулар тізіміне енгізілген. Онкологиялық ауруларды диагностикалау, осы санаттағы науқастарды емдеу тегін медициналық көмектің кепілдік берілген көлемі (бұдан әрі – ТМККК) шеңберінде ғана тегін жүзеге асырылады. Бұл қызметті қаржыландыру еліміздің барлық тұрғындары үшін медициналық қызметтер пакетін сатып алатын медициналық сақтандыру қоры есебінен жүзеге асырылады.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, ТМККК аясында онкологияның алдын алу және сауықтырушыларды емдеу үшін бірқатар шаралар жүргізілді:
– Ауруды немесе оған бейімділікті ерте кезеңде анықтауға және уақтылы көмек алуға мүмкіндік беретін тегін скринингтер (профилактикалық тексерулер).
– Тегін жоспарлы емдеуге жатқызу, бейінді мамандардың кенесі, сондай-ақ әлеуметтік мәні бар аурулар шеңберінде дәрі-дәрмекпен қамтамасыз ету.
2020 жылы Қызылорда облысында ТМККК шеңберінде 3 960 онкологиялық науқас емделді, оның ішінде шұғыл – 560, жоспарлы түрде – 2921 адам, күндізгі стационарда – 479 адам. Бұл мақсатқа Әлеуметтік медициналық сақтандыру қорынан 1 561 706 362, 77 теңге бөлінді.
<img src="https://kyzylorda-news.kz/wp-content/uploads/2021/02/gobmp-i-osms-kaz.png" alt="" />

Бүгін &#8211; Дүниежүзілік қатерлі ісікке қарсы күрес күні

<a href="https://kyzylorda-news.kz/">Kyzylorda-news.kz</a>.&nbsp;Қазалы аудандық ауруханасының жанынан оттегі станциясы іске қосылды.
Автоматтандырылған заманауи құрылғы сағатына 40 текше метр тазалығы 99 процент болатын оттегі шығарады. Техникалық қауіпсіздігі толық ескерілген аппарат тәулік бойы 120 баллонды толтыруға қауқарлы. Оның жартысынан көбі Арал, Қармақшы аудандары мен Байқоңыр қаласындағы емдеу мекемелеріне жіберіледі. Айта кетейік, Қазалыдан бөлек, көпбейінді облыстық аурухана маңынан да оттегі өндіру бекеті ашылған болатын.&nbsp; &nbsp;
<blockquote>
 “Аурухананың жансақтау, оңалту бөлімшелеріне тікелей тартылып, беріліп жатыр. Босану бөлімі аурухананың «Б» блогында орналасқан, 2-ғимаратта орналасқан провизорлық-инфекциялық бөлімшелерге баллонмен беріліп тұрады”, – Қазалы аудандық аурухана бас дәрігерінің орынбасары Раушан Қалуова.
</blockquote>
<a href="https://24.kz/kz/zha-aly-tar/o-am/item/453317-azalyda-ottegi-stantsiyasy-iske-osyldy?fbclid=IwAR1c7FEdlynaGEGl_B9Cqe3M4I7nDQvyRST1fA5cIXceQ2eNQYEDXdMGG1A">Хабар 24</a>

Қазалыда оттегі станциясы іске қосылды

<a href="https://kyzylorda-news.kz/">Kyzylorda-news.kz</a>.&nbsp;Бүгін қызылордалық “Қайсар” Түркияда алғашқы жолдастық кездесуін өткізді. Қарсылас Македонияның су жаңа чемпионы “Шкендия” командасы болды.
Ойын барысында қонақтар алғаш болып есеп ашты. Кездесудің екінші жартысында Стефан Денкович Арман Кеңесовтың пасын ұтымды пайдаланып, таразы басын теңестірді. Есеп 1-1!
Қасқырлардың ендігі қарсыласы Украина чемпионатының белді өкілі “Десна” болмақ. Кездесу 7-ақпанға жоспарлануда.
<img src="https://kyzylorda-news.kz/wp-content/uploads/2021/02/146235335_1224107834651393_6107029433989398697_n-1.jpg" alt="" />

&#8220;Қайсар&#8221; алғашқы ойында тең түсті

<a href="https://kyzylorda-news.kz/">Kyzylorda-news.kz</a>. «Самара-Шымкент» тас жолының Жаңақорған ауданы &nbsp;тұсында аудандық полиция және Қызылорда ОПД Есірткі қылмысына қарсы іс-қимыл басқармасының қызметкерлерімен жеңіл автокөлік тоқтатылды.
Тексеру барысында автокөліктің жүк салғышынан &nbsp;пакет алынды. Онда ерекше иісі бар шөп салынған 328 сіріңкі қораптары анықталды. Сараптама қорытындысы бойынша алынған заттар 1 келіден аса&nbsp; «кептірілген марихуана» екендігі анықталған.
Оқиға орнында күдікті ұсталып, ол 39 жастағы Жаңақорған ауданының тұрғыны болып шықты.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;
Бүгінгі күні күдікті Жаңақорған ауданы полиция бөлімінің уақытша ұстау абақтысына қамаққа алынып, Қазақстан Республикасы Қылмыстық кодексінің&nbsp;296-бабы 4-бөлігімен&nbsp;(аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау)&nbsp;сотқа дейінгі тергеп-тексеру амалдары жүргізілуде.

Жаңақорғанда есірткі тасымалдаған тұрғын ұсталды

<a href="https://kyzylorda-news.kz/">Kyzylorda-news.kz</a>.&nbsp;Тәуелсіздіктің 30 жылдығына орай «Қоғамдық келісім» мекемесі ауқымды шараларды қолға алып, жаңа жобаларды жүзеге асырмақ. Бұл туралы «Қоғамдық келісім» КММ директоры Бауыржан Мастеков Өңірлік коммуникациялар орталығында өткен брифингте хабарлады.
<blockquote>
 “ҚР Тәуелсіздігінің 30 жылдығы мен «Алғыс айту» күніне орай аймақ басшысы Гүлшара Наушақызының бастамасымен республикалық ғылыми-тәжірибелік конференциясын және «Қазақстан. Тәуелсіздік. Ассамблея» тақырыбында салтанатты шараны өткізуді жоспарлап отырмыз. Одан бөлек облыс әкімінің орынбасары Серік Әбжәлиұлы Ахметтің бекітумен кешенді шаралар жоспары әзірленді. 18 ақпан мен 1 наурыз аралығында мазмұнды шаралар облысымыздың барлық аудандарында түрлі форматта өтеді. Қоғамда ынтымақтастық пен өзара қолдауға бағытталған «Еліме алғыс айтамын» айдарын ашу, «Шын жүректен» тақырыбында материалдар мен бейнероликтер әзірлеу, «30 жылға – 30 тілек» әр сала үздіктерін қатыстыра отырып құттықтаулар түсіру, тәрбие сағаттарын ұйымдастыру, «30 игі іс» қайырымдылық акциясы аясында «Жүрек жылуымен» қоғамның осал топтарына гуманитарлық көмек көрсету және тағы басқа мазмұнды шаралар қарастырылды. Сыр өңіріндегі әр этностың рухани құндылықтары, қазақ жеріне келу тарихы жайлы, оның тілі мен мәдени мұраларын насихаттау мақсатында «Ұлылық ұясы», «Ізгілікке толы жылдар» айдарымен арнайы бейнесюжеттер жарық көруде. Елге еңбегі сіңген этнос өкілдері жайлы арнайы «Тұлғалар» айдарын жүргізбекпіз, -деді Бауыржан Мәстеков.
</blockquote>
Тәуелсіздік алғаннан кейін құрылған ең алғашқы этномәдени орталық ол – облыстық татар этнмәдени бірлестігі. Бірлестікке биыл 30 жыл толды. Осыған сәйкес бірлестіктің жоспарланған жұмыстары жайлы облыстық Татар этномәдени бірлестігінің жетекшісі Галия Гизатуллина толымды мағлұмат беріп өтті.
Ал облыстық Қазақстан халқы Ассамблеясы жанындағы «Жаңғыру жолы» жастар қозғалысының жетекшісі Алина Новикова пандемия кезінде волонтерлік бағытында атқарылған игі жұмыстарға тоқталып, алдағы ауқымды жоспарлармен бөлісті.

Достық үйі жаңа жобаларды жүзеге асырады

<a href="https://kyzylorda-news.kz/">Kyzylorda-news.kz</a>. Бүгін қала әкімі Нұрлыбек Нәлібаев Тасбөгет және Белкөл кентінің тұрғындарына онлайн форматта есеп берді. Есептік кездесуде шаһар басшысы тұрғындардың сауалын тыңдар алдында қаланың және кенттердің өткен жылғы әлеуметтік-экономикалық даму көрсеткіштері мен жыл көлемінде қол жеткізген жетістіктеріне тоқталды.
Өткен жылы 17,5 шақырым болатын 15 көшеге малта тас төселіп, 3,6 шақырымға созылған 3 көшеге күрделі жөндеу жұмыстары жүргізілген Тасбөгетте бұдан бөлек 5 көше жарықтандырылып, спорттық жаттығу және стритбол алаңы салынды. Кентке қарасты Сабалақ саяжайына ауыз су желісінің екінші кезеңін жүргізуге, 17,6 шақырым электр желісін тартуға қаржы қаралды.
Ал, Белкөл кентінде 2020 жылы 6 көшеге орташа жөндеу жүргізіліп, кварталаралық жылу жүйелері жаңғыртылды, «Балапан» балабақшасы күрделі жөндеуден өтіп, Зеленая көшесінің 1,6 шақырымына түнгі жарық шамдары орнатылды. Кентке қарайтын Бірқазан елді-мекенінің кіре-беріс жолы жөнделіп, ауылда балалар ойын алаңы салынды.
Есептік кездесуде сөз алған кент тұрғындары атқарылған жұмыстарға оң бағасын беріп, қала әкіміне алғыстарын жеткізді. Сондай-ақ, биыл жұмыс қарқыны жоғары деңгейде жалғасын тапса деген тілектерін жетізді.
Өз кезегінде қала әкімі қос кентте де жұмыс қарқыны бәсеңдемей, кезегін күткен мәселелер жұмыс жоспарына сай жүзеге асыралатындығын айтып, биылғы жұмыс жоспарымен де бөлісті.
Мәселен, берекелі бастамалар бастау алып, жарқын жобалар жүзеге асқан белкөлдіктердің сұрауы болған темір жолдан өтетін аспалы көпірдің құрылысы ағымдағы жылы аяқталып, тұрғындардың игілігіне берілетіндігін атап өтті. Есепте белкөлдіктердің тағы бір тілегі кент тұрғындары арасында темір жолдың арғы беті аталып кеткен аумақтың ауыз су жайы болды. Бұл сауалға қала әкімі аталған амақтағы 200-ге тарта тұрғын үйді ауыз сумен қамту жоспарға енгендігін айтып, жыл соңына дейін мәселе толығымен өз шешімін табатындығын алға тартты.
Ал, соңғы 2 жылда 2 млрд. теңге қаржы қаралып, тындырымды тірліктер атқарылған Тасбөгетте биыл жол жөндеу жұмыстары мен көшелерді жарықтандыру басты назарда болмақ.
<img src="https://kyzylorda-news.kz/wp-content/uploads/2021/02/145880095_1224119411316902_8721932315288334070_o.jpg" alt="" />
<img src="https://kyzylorda-news.kz/wp-content/uploads/2021/02/146307230_1224119384650238_2728958750312315166_o.jpg" alt="" />

Қызылорда қаласының әкімі есеп берді

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорына күн сайын пациенттерден медициналық ұйымдарда көрсетілетін медициналық қызмет сапасына қатысты түрлі сұрақ келеді.
Қордың негізгі міндеттерінің бірі – пациенттің құқығын қорғау. Осыған байланысты қор сарапшылары медициналық көмектің сапасына мониторинг жүргізеді, сондай-ақ науқасқа не себептен қызмет көрсетілмегенін тексереді.
Медициналық ұйымда қызмет көрсетуге қатысты түсініспеушілік туындаса,&nbsp; көбінесе азаматтар пациент ретінде өз құқығын қорғау үшін қайда жүгіну керек екенін&nbsp; білмейді.
Сондытан Әлеуметтік медициналық сақтандыру қорының Қызылорда облысы бойынша филиалы науқастың құқықығын қорғау үшін 6 тәсіл ұсынды.
1. Мәселені жылдам&nbsp; шешу үшін мән-жайды сол жерде түсінуге тырысыңыз. Ол үшін әрбір медициналық ұйымда пациентті қолдау және ішкі сараптама қызметі жұмыс істейді. Ол медициналық қызметтің сапасын, олардың толықтығын және стандарттарға сәйкестігін бақылау үшін құрылған. Бұл қызмет медициналық ұйымдағы медициналық көмектің&nbsp; сапасына және клиникалық қызметке ішкі талдау жүргізеді, медициналық қызмет көрсету стандарттары мен тәртіптің бұзылуын анықтайды. Сондай-ақ, азаматтардан келген&nbsp; өтініш, шағымдарды қарайды. Сондықтан, уақыт жоғалтпай бірден&nbsp; пациентті қолдау қызметіне хабарласып, жағдайды сол жерде шешуге, көмек пен ақпарат алуға болады.
2. Егер пациентті қолдау қызметі түйіткілді шеше алмаса және сіздің мәселеңіз медициналық көмекті ұйымдастыруға қатысты болса, онда 8(7242)400001 нөмірі бойынша Қызылорда облысының денсаулық сақтау басқармасының байланыс-орталығына жүгініңіз. Барлық медициналық ұйым Денсаулық сақтау басқармасына қарасты, сондықтан байланыс-орталығының қызметкерлері ұйымға тікелей хабарласып, мәселені шешуге ықпал ете алады.
3. Әлеуметтік медициналық сақтандыру қорында кері байланыс үшін бірнеше арна бар. Мысалы, «Qoldau – 24/7» мобильді қосымшасы арқылы (Play Market және App Store орнатуға болады) өтініш қалдыруға болады. Өтінішке нөмір беріледі, содан кейін өңдеуге алынады. Оны Қор мамандары қарайды. Олар медициналық ұйыммен байланысқа шығып, ақпарат сұратады, медициналық көмек көрсету немесе көрсетуден бас тарту себептерін тексереді.
4.Телефонға қосымша орнатуды ұнатпайтындар үшін Telegram-да Saqtandyrubot арқылы өтініш беру мүмкіндігі қарастырылған. «Негізгі мәзір» пәрменін басқаннан кейін бірнеше бөлім бар. «1406-ға өтініш жіберу» таңдаңыз. Бот «өтінішті жіберу» және «өтініштердің тарихын» ұсынады, осылайша өтінімнің мәртебесін тексеруге болады. Өтініште бот командаларына сәйкес өңір, медициналық ұйымның атауы және мәселенің мәні көрсетіледі.
5. 1406 бірыңғай байланыс орталығы тәулік бойы қоңырау қабылдайды және өтініштерді үш деңгейлі модель бойынша қарастырады. Бірінші деңгейге консультациялық сипаттағы мәселелер жатады. Екінші және үшінші – егжей-тегжейлі зерттеуді қажет ететін өтініштер. Қордың мамандары медициналық ұйыммен байланысады, ақпарат сұратады, медициналық көмек көрсету немесе көрсетуден бас тарту себептерін тексереді.
6. Ресми сайт пайдаланушыларға Әлеуметтік медициналық сақтандыру қорының fms.kz&nbsp; сайтына кіріп өтініш жасаған ыңғайлы және&nbsp; «Халықтық бақылау» бөлімінен қажетті тапсырманы таңдаңыз: шағымдану немесе ұсыныс қалдыру. Бірінші жағдайда аймақ, емхана, диагноз, келу күні, ЖСН нөмері көрсетіледі және шағымның себептерінің бірі таңдалады. Ұсынысты бос өрістерге жіберген кезде бастапқы деректерді толтырып, мәтінді тұжырымдау керек.
Әлеуметтік медициналық сақтандыру қорының филиалы халықпен диалогқа қызығушылық танытатынын атап көрсетеді. Байланыс телефондары: 8 (7242) 551016, 551017. Ең алдымен, пациенттердің өтініштері Әлеуметтік медициналық сақтандыру қорының жеткізушілері көрсететін медициналық қызметтердің қолжетімділігі мен сапасына әсер етуге мүмкіндік береді.
<img src="https://kyzylorda-news.kz/wp-content/uploads/2021/02/pacient-quqyghyn-qorghajtyn-6-aedisi-.jpg" alt="" />

МӘМС: Науқастың құқығын қорғайтын 6 әдіс

<a href="https://kyzylorda-news.kz/">Kyzylorda-news.kz</a>. Облыста «Қарапайым заттар экономикасы» бағдарламасы аясында 12,9 млрд. теңгені құрайтын 161 жоба қамтылды. Бүгінде оның 111-і мақұлданды.
Бетон құбыры, жем-шөп өнімі, кондитерлік және жиһаз өндірісіне бағытталған жобалар бар. Сондай-ақ, қолдау тапқан жобалардың 76-сы мал шаруашылығын дамытуға арналған.
<blockquote>
 «Бүгінде қосымша 2,3 млрд. теңге құрайтын 9 жобаның өтінімі қаржы институттарының қарауында, қалған 42 жобаның құжаты жинақталуда. Облыс бойынша жобаларды іске асыру бағытында жұмыстар жасалуда», – деді облыстық индустриялық-инновациялық даму басқармасының басшысы Ринат Сұлтангереев.
</blockquote>
Айта кетейік, аймақта «Жұмыспен қамтудың Жол картасы» шеңберінде жалпы 40 млрд. теңгені құрайтын 291 инфрақұрылымдық жоба жүзеге асты.

Қызылорда: «Қарапайым заттар экономикасы» бағдарламасы аясында 111 жоба мақұлданды

<a href="https://kyzylorda-news.kz/">Kyzylorda-news.kz</a>. Қызылорда қаласында «COVID-19» жұқпасына қарсы екпе жасау жұмыстары қарқынды жүруде. Ағымдағы жылдың 1 ақпанынан бүгінге дейін 340 адам вакцина салдырған. Оның ішінде 320-сы медицина қызметкерлері болса, қалған 20-сы екпе салдыруға ниет білдірген тұрғындар.
Қалаладағы №6 қалалық емхананың аға мейірбикесі Ләззат Байтабынова ерікті түрде екпе алғандардың бірі. Вакцина салдырғаннан кейін денсаулығымда еш өзгеріс болған жоқ дейді.
<blockquote>
 «Тұрғындармен жиі қатынасқа түсетіндіктен медицина қызметкерлінің вирус жұқтыру қаупі өте жоғары. Сондықтан дәрігерлердің екпе салдырғаны дұрыс деп есептеймін. Қазіргі таңда осы вакцинацияның арқасында көптеген дерттің алдын алуға қол жеткіздік. Бұл вакцинаның да коронавирус инфекциясының қаупін сейілтеріне сенімдімін. Екпе салдырғалы бері денсаулығымда еш өзгеріс орын ала қойған жоқ. Сондықтан өзге азаматтарды да вакцина салдыруға шақырамын», – дейді Ләззат Байтабынова.
</blockquote>
Бүгін өңірімізге «Спутник V» ресейлік вакцинасының 1000 дозасы жеткізілді. Қалғаны кезең-кезеңімен келетін болады. Бұл жұмыстарға қазір №1, №3 және №6 қалалық емханалардан 3 егу кабинеттері дайындалды және екпе жұмыстарын жүргізуге облыс бойынша барлығы 133 мейірбике, 89 дублер тартылған. Алғашқы кезеңде екпе қабылдағандардың денсаулығы бірқалыпты, еш шағымдары жоқ дейді мамандар.
<img src="https://kyzylorda-news.kz/wp-content/uploads/2021/02/145824766_3096768230426225_3545182145976239229_o.jpg" alt="" />

Қызылорда қаласында 3 күнде 340 адам вакцина салдырды

<a href="https://kyzylorda-news.kz/">Kyzylorda-news.kz</a>.&nbsp; Қызылорда гарнизоны әскери бөлімінде жыл сайынғы салық декларацияларын тапсырудағы өзгерістерге байланысты бөлімнің тәрбие және идеологиялық жұмыстары басқармасының қызметкерлері салық комитеті өкілдерінің қатысуымен түсіндірме сабағын ұйымдастырды.
Аталған іс-шара санитарлық-эпидемиологиялық нормаларды сақтай отырып жүргізілді. Салық комитеті өкілдерімен кездесуге бөлім басшылығы мен рота командирлері тартылды. 2021 жылғы 1қаңтардан бастап қолданысқа енгізілген жалпыға бірдей декларациялаудың алғашқы кезеңі туралы жан -жақты мазмұнды баяндама жасалды.
Салық қызметшісі Қуаныш Мұратұлы өз баяндамасында жалпыға бірдей декларациялау 2021 жылдан бастап кезең-кезеңмен енгізілетінін,&nbsp; ағымдағы жылдың 1 қаңтардан бастап, активтер мен міндеттемелер туралы декларацияны мемлекеттік қызметшілер мен олардың жұбайлары, оларға теңестірілген тұлғалар мен олардың жұбайлары тапсыратындығы туралы айтып және осыған ұқсас көптеген сұрақтарға тоқталып өтті.
Қаржы министрлігінің Үкіметке жалпыға бірдей декларациялауды кезеңдермен енгізу туралы ұсыныс жасағаннан кейін, табыс пен мүлікті жария ету шарасы төрт кезең бойынша іске асырылатыны белгілі болды.Осы аталған өзгерістерден кейін, яғни, жалпыға бірдей декларациялау енгізіліп жатқандықтан бөлім әскери қызметшілері де декларация тапсырудың жаңа форматына көшті. Айта кетсек, декларация 2020 жылғы 31 желтоқсандағы жағдай бойынша 250.00 нысанда, тұрғылықты жері бойынша тапсырылады. Сұрақ-жауап түрінде өткен сабақта барлық қызметшілер өздеріне керекті көптеген сұрақтарына жауап алды.
Жиын соңында бөлім командирінің тәрбие және идеологиялық жұмыстары жөніндегі орынбасары, подполковник АрсланАбиевшара қатысушыларына жеке құрамға аталған бағыттағы тақырып бойынша түсіндірме жұмыстарын жүргізуге және декларация тапсыруда жауапкершілік танытуға тапсырма берді.

Қызылорда гарнизонының қызметкерлеріне декларация тапсырудағы жаңа өзгерістер түсіндірілді

<a href="https://kyzylorda-news.kz/">Kyzylorda-news.kz</a>. 2021 жылы қаңтарда қазақстандықтардың ең төмен күнкөріс деңгейі 33,9 мың теңге болды. Оның ішінде 19 мың теңгедей азық-түлікке есептелген. Ал қызылордалықтардың биылғы жылғы күнкөріс деңгейі 32 400 теңгені құрап отыр.
Мәліметке сүйенсек, қаңтарда ең төменгі күнкөріс деңгейі 33,9 мың теңге. Бұл 2020 жылмен салыстырғанда 12,7 пайызға көп. Өз кезегінде тауарлар мен қызметтердің бағасы 7,4 пайызға өсті.
<blockquote>
 “Ең төмен күнкөріс деңгейінің құрылымында азық-түлікке 18,6 мың теңге, басқа тауарлар мен қызметтерге 15,2 мың теңге кеткен”, – деп хабарлайды сарапшылар.
</blockquote>
<img src="https://kyzylorda-news.kz/wp-content/uploads/2021/02/d875cbc46f2c9ec8582dc63e1e7d923e.png" alt="" />
Өңірлер бойынша ең төменгі күнкөріс деңгейінің жоғары көрсеткіші Маңғыстау облысына тиесілі: 38,9 мың теңге. Бұл орта есеппен республикалық деңгейден 14,7 пайызға артық.
Нұр-Сұлтанда ең төменгі күнкөріс деңгейі 37,3 мың теңге (ел бойынша орта көрсеткіштен 10,1 пайызға артық), Алматыда – 36 мың теңге (ел бойынша орта көрсеткіштен 6,4 пайызға артық).
Жалпы бес өңірде ең төменгі күнкөріс деңгейі Қазақстан бойынша орта көрсеткіштен жоғары.
Ал ең төмен күнкөріс деңгейінің төмен көрсеткіші Ақтөбе облысында: 30,6 мың теңге – орта есеппен республикалық деңгейден 9,7 пайызға төмен.
Ең төменгі күнкөріс деңгейінің тағы бір аз көрсеткіші Батыс Қазақстан (30,8 мың теңге) және Жамбыл (31,3 мың теңге) облыстарына тиесілі.
<img src="https://kyzylorda-news.kz/wp-content/uploads/2021/02/1dbd264058b59de75338de22979c2c76.png" alt="" />
<a href="https://kaz.tengrinews.kz/">Tengrinews.kz</a>

Қазақстан және Қызылорда облысының жаңалықтары

Жұмада күн райы қандай болады?

Бүгін – Дүниежүзілік қатерлі ісікке қарсы күрес күні

Қазалыда оттегі станциясы іске қосылды

“Қайсар” алғашқы ойында тең түсті

Жаңақорғанда есірткі тасымалдаған тұрғын ұсталды

Достық үйі жаңа жобаларды жүзеге асырады

Қызылорда қаласының әкімі есеп берді

МӘМС: Науқастың құқығын қорғайтын 6 әдіс

Қызылорда: «Қарапайым заттар экономикасы» бағдарламасы аясында 111 жоба мақұлданды

Қызылорда қаласында 3 күнде 340 адам вакцина салдырды

Қызылорда гарнизонының қызметкерлеріне декларация тапсырудағы жаңа өзгерістер түсіндірілді

Қызылордада ең төменгі күнкөріс деңгейі 32 400 теңгені құрайды

Қазақстан және Қызылорда облысының жаңалықтары

Жұмада күн райы қандай болады?

Бүгін &#8211; Дүниежүзілік қатерлі ісікке қарсы күрес күні

Қазалыда оттегі станциясы іске қосылды

&#8220;Қайсар&#8221; алғашқы ойында тең түсті

Жаңақорғанда есірткі тасымалдаған тұрғын ұсталды

Достық үйі жаңа жобаларды жүзеге асырады

Қызылорда қаласының әкімі есеп берді

МӘМС: Науқастың құқығын қорғайтын 6 әдіс

Қызылорда: «Қарапайым заттар экономикасы» бағдарламасы аясында 111 жоба мақұлданды

Қызылорда қаласында 3 күнде 340 адам вакцина салдырды

Қызылорда гарнизонының қызметкерлеріне декларация тапсырудағы жаңа өзгерістер түсіндірілді

Қызылордада ең төменгі күнкөріс деңгейі 32 400 теңгені құрайды

Бүгін – Дүниежүзілік қатерлі ісікке қарсы күрес күні

“Қайсар” алғашқы ойында тең түсті