Kyzylorda-news.kz. ҚР үкімет басшысы Асқар Мамин пандемия еліміздің экономикалық тұрақтылығын айқындап бергенін алға тартты. Сөзінше алдағы 5 жылда Қазақстанда 5G желісі іске қосылмақ, деп хабарлайды <a href="https://stan.kz/askar-mamin-aldagi-bes-zhilda-kazakstan-5g-zhelisi-iske-342848/">Stan.kz.</a>
<blockquote>
 “Цифрландыру экономика саласында да, адам өмірінде де өте маңызды мәселе екенін айта кеткен жөн. Барлық жерде жұмыс, білім беру саласы қашықтан жалғасып жатыр. Бұл цифрлық экономиканың айтарлықтай маңызды екенін көрсетеді. Пандемия Қазақстанның экономикасы тұрақты екенін көрсетті. 2020 жылы Қазақстан электронды үкіметті дамыту бойынша 29 орынға тұрақтады. Біз ары қарай да цифрландыруды дамытуды мақсат етіп отырмыз. Мемлекет басшысының тапсырмасы бойынша, біз қазіргі таңда мемлекеттік органдарды толығымен цифрландыру жұмыстарын жүргізіп отырмыз. Ақпарат жинау және анализ жасау жолында цифрлық инновацияларды қолдана отырып, жаңа жүйелерге жол бастайтын боламыз. Алдағы бес жылда Қазақстанның барлық облыстары мен аймақтары 5G интернетпен қамтамасыз етілетін болады”, – деді Мамин.
</blockquote>
Сондай-ақ, ол сандық шешімдердің мемлекеттік және жеке секторлардың барлық салаларына енуін атап өтті.
<blockquote>
 “Шектеулерге қарамастан, біз цифрлық инфрақұрылымның қол жетімділігі мен сапасын жақсарту бойынша күш-жігерімізді жеделдеттік. 2020 жылы біз 20 мың шақырымдық талшықты-оптикалық байланыс желілерін салудың МЖӘ жобасын аяқтадық. Мыңнан астам ұялы байланыстың базалық станциялары орнатылды, бұл аймақтардағы технологиялық теңсіздік деңгейін айтарлықтай төмендетуге мүмкіндік берді. Нәтижесінде бүгінде Қазақстан халқын интернетпен қамту 99% құрайды”, – деді үкімет басшысы.
</blockquote>
Бұған дейін мемлекет басшысы Қасым-Жоматр Тоқаев Digital Almaty форумын видеоүндеумен ашқаны айтылған еді.

Асқар Мамин: Алдағы бес жылда Қазақстанда 5G желісі іске қосылады

Kyzylorda-news.kz. Қызылорда қаласында республикалық ақындар айтысы өтті.
Қала әкімдігінің ұйымдастыруымен кіл жүйріктер жиналған Сырдағы айтыс аламанында республикаға танымал ақындармен қатар қызылордалық жас ақындар да сынға түсті.
Жыр додасының ашылу салтанатында арқалы ақындарға қала әкімі сәттілік тіледі.
<blockquote>
 «Қызылордада дәл қазір ұлттық өнердің, айтыстың, Тәуелсіздіктің дүбірлі тойы басталмақшы. Бұл айтыс Тәуелсіздігіміздің 30 жылдығына арналған ауқымды шаралардың бастамасы болмақ. Ұлттық өнерге сусап қалған ағайынды рухани серпілтіп, жыр көрігін қыздырыңыздар», – деді қала әкімі Нұрлыбек Нәлібаев.
</blockquote>
Текті өнерді төрге оздырып, ұлт мұрасы ұлықталған жыр додасында құрдастар әзілі, жастық жалын, іні мен аға сыйластығы көрініс тапты.
Дүлдүлдер дүбірінің әділ бағасын жазушы, Халықаралық «Алаш» әдеби сыйлығының лауреаты, Қазақстанның еңбек сіңірген қайраткері, драматург Роза Мұқанова, Қазақстан Жазушылар Одағының мүшесі, Қадыр Мырза Әли атындағы мәдениет және өнер орталығының директоры, белгілі айтыскер ақын Бауыржан Халиолла және ҚР мәдениет қайраткері, ақын, режиссер-сценарист Оңталап Нұрмаханов берді.
Тәуелсіздік тағылымын жастардың санасына сіңіру, азат елдің жарқын жетістіктерін кеңінен дәріптеу, рухани бай мұраны, қасиетті Отанды жырға қосуды мұрат еткен айтыс қорытындысында ІІІ орынды павлодарлық Рауан Қайдаров пен қызылордалық Ержеңіс Әбдиев қанжығаларына байлады. Сөз бәйгесінің ІІ-орыны өскемендік Серік Қуанғанға бұйырды. Арқалықтан келген Алаштың аяулы ақыны Айбек Қалиев пен атыраулық ақын Шалқарбай Ізбасаров І орынды өзара бөлісті. Ақмешіттегі айтыс аламанында бас жүлдені Ақтаудан ат басын бұрып, Сыр жұртының алдында сәтті өнер көрсеткен Нұрлан Мұсаев иеленді.
<img src="https://kyzylorda-news.kz/wp-content/uploads/2021/02/fb_img_1612583395601.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583400864.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583435004.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583382972.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583407123.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583418673.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583415441.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583431708.jpg" alt="" />

Қызылордада республикалық ақындар айтыс өтті

Kyzylorda-news.kz. Қызылорда облысының мәдениет, архивтер және құжаттама басқармасының басшысы Мира Абуова облыстық Н.Бекежанов атындағы қазақ академиялық музыкалық драма театрының жаңа басшысын таныстырды.
Театр басшысының міндетін атқарушы болып мәдениет саласында 10 жылдан астам тәжірибесі бар Баймырзаев Ғалым Қонақбайұлы келді.
Ғалым Баймұрзаев Қызылорда облыстық мәдениет басқармасының жетекші маманы қызметінен бастап, бас маманы, бөлім басшысы, Қызылорда қалалық мәдениет және тілдерді дамыту бөлімінің басшысы, қалалық мәдени-демалыс паркінің директоры, Ә.Тәжібаев атындағы облыстық әмбебап ғылыми кітапханасының басшысы қызметтерін атқарған.
Мәдениет саласында ұзақ жылдар еңбек еткен театр директоры, “Қазақстанның еңбек сіңірген қайраткері» құрметті атағының иегері Әбдікәрімов Мұхит Сұлтанұлы құрметті демалысқа шықты.
Басқарма басшысы Мира Абуова театрдың жаңа басшысы Ғалым Баймұрзаевқа үлкен сенім мен жауапкершілік жүктелгенін атап өтіп, ел Тәуелсіздігінің 30 жылдығына орай театрда рухани мәні зор тарихи қойылымдарды көрерменге ұсыну, театр ұжымының жұмысын жандандыру, шығармашылық құрамның жоғары көркемдік деңгейде жұмыс жасауын ұйымдастыруға бағытталған нақты міндеттер қойды.
<img src="https://kyzylorda-news.kz/wp-content/uploads/2021/02/fb_img_1612582564158.jpg" alt="" />

Нартай Бекежанов атындағы театрға жаңа басшы келді

Kyzylorda-news.kz. Қазақстанда өткен тәулікте 1141 адамда коронавирус індетін жұқтырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 161,
Алматы қаласы – 120,
Шымкент қаласы – 4,
Ақмола облысы – 153,
Ақтөбе облысы – 12,
Алматы облысы – 65,
Атырау облысы – 45,
Шығыс Қазақстан облысы – 48,
Жамбыл облысы – 10,
Батыс Қазақстан облысы – 81,
Қарағанды облысы – 56,
Қостанай облысы – 82,
Қызылорда облысы – 2,
Маңғыстау облысы – 15,
Павлодар облысы – 223,
Солтүстік Қазақстан облысы – 62,
Түркістан облысы – 2.
Жалпы ел бойынша ауырғандар саны 193966.

Қызылордада өткен тәулікте коронавирус жұқтырғандар тіркелді

Kyzylorda-news.kz. 6 ақпанда Қазақстан аумағының басым бөлігі атмосфералық ағындардың өтуіне байланысты ауа райы құбылмалы болады, деп хабарлайды Қазгидромет.
Кей жерлерде қар аралас жаңбыр жауады, тұман түсіп, көктайғақ болады, жаяу бұрқасын соғады, жел күшеюі мүмкін. Еліміздің оңтүстік шығысында күн райы ашық болады.
Ақмола, Солтүстік Қазақстан облыстарының кей жерлерінде тұман түсіп, көктайғақ болады, түнде кей жерлерде жел 15-20 м/с күшейіп, күндіз басым бөлігінде 15-20, екпіні 23-28 м/с жетеді.
Шығыс Қазақстан облысының кей жерлерінде тұман түседі, көктайғақ болады, жаяу бұрқасын соғуы мүмкін, жел 15-20 м/с күшейеді, күндіз Жарма ауданында екпіні 23-28 м/с жетеді.
Атырау облысында түнде және таңертең кей жерлерде тұман түседі, көктайғақ болады, түнде кей жерлерде жел 15-20 м/с күшейеді, күндіз екпіні 17-22 м/с жетуі мүмкін.
Ақтөбе, Батыс Қазақстан, Қостанай облыстарының кей жерлерінде тұман түседі, көктайғақ болуы мүмкін, күндіз жел 15-20 м/с күшейеді, Қостанай, Батыс Қазақстан облыстарында жаяу бұрқасын соғады.
Павлодар, Қызылорда облыстарының кей жерлерінде тұман түседі, көктайғақ болуы мүмкін, күндіз жел 15-20 м/с күшейеді.
Маңғыстау облысының кей жерлерінде тұман түседі, көктайғақ болуы мүмкін, күндіз желдің жылдамдығы 15-20 м/с жетіп, шаңды дауыл соғады.
Қарағанды облысының кей жерлерінде тұман түседі, көктайғақ болады, жаяу бұрқасын соғуы мүмкін, жел 15-20 м/с күшейеді.
Жамбыл, Түркістан облыстарының кей жерлерінде тұман түсуі мүмкін, күндіз жел 15-23 м/с күшейеді. Түнде Алматы облысының кей жерлерінде тұман түсуі мүмкін.

Сенбіде ауа райы құбылмалы болады

<a href="https://kyzylorda-news.kz/">Kyzylorda-news.kz.</a> Некелерін заңды түрде рәсімдеймін деген жас жұбайлар egov.kz порталының қызметіне жүгіне алады. Ол үшін екеуінің де электронды цифрлық қолтаңбасы (қосымша мобильді азаматтар базасында тіркеуі) болуы тиіс.
ОНЛАЙН ӨТІНІШТІ КІМДЕР БЕРЕ АЛАДЫ?
Ерлер мен әйелдер үшін неке (ерлі-зайыпты болу жасы) 18 жас.
ОНЛАЙН ӨТІНІШ ҚАЛАЙ БЕРІЛЕДІ?
Мәселен, ер азамат порталға кіріп, қызметті таңдағаннан кейін өтінімді толтырады.Өтінімде өзінің және зайыбының жеке сәйкестендіру нөмірлерін енгізеді.Содан соң, неке тіркелетін жергілікті атқарушы органның тіркеу бөлімін таңдап, өтінімді электронды цифрлық қолтаңбасымен ЭЦҚ (электронды цифрлық қолтаңба) растайды. Одан әрі, «Электрондық үкіметтің» төлем шлюзінің бетіне «Төлеу» батырмасы бойынша өтіп, төлемді жүргізеді.Содан соң, болашақ зайыбының өтініш беруді растауын алу керек болады. Өтініш 48 сағаттан артық емес растауды күтуі мүмкін, одан кейін күшін жояды.Некені тіркеуді растаушы зайыбына:Порталда авторизациядан өтіп және «Қызметтерді алу тарихы» тарауында қол қоюды күту сұранымын таңдайды. Өтінімді толтырып және оған ЭЦҚ қояды.
НЕКЕ ҚАЙ МЕРЗІМ ІШІНДЕ ТІРКЕЛЕДІ?
Некені (ерлі-зайыптылықты) мемлекеттік тіркеуді некеге отыру (ерлі-зайыпты болу) туралы бірлескен өтініш берілген күннен бастап бір ай мерзім өткен соң тіркеуші орган жүргізеді.Мерзімнің өтуі өтініш берілгеннен кейінгі келесі күннен басталады және келесі айдың тиісті күні бітеді. Егер осы күн жұмыс күні болмаса, онда одан кейінгі жұмыс күні мерзімнің аяқталған күні болып есептеледі.
ҚЫЗМЕТ КӨРСЕТУ НӘТИЖЕСІ
Электрондық өтінішті қабылдау және неке қиюды (ерлі-зайыптылықты) мемлекеттік тіркеу күнін белгілеу туралы хабарлама немесе мемлекеттік қызмет көрсетуден бас тарту туралы электрондық құжат нысанында дәлелді жауап жолданады.

«E-GOV» порталы арқылы некені тіркеудің жолы қандай?

<a href="https://kyzylorda-news.kz/">Kyzylorda-news.kz.</a> «Өнеркәсіптік саясат туралы» заң жобасында «Ел ішіндегі құндылық» деген жаңа ұғым енгізіледі. Бұл туралы Мәжілісте аталған заң жобасын таныстыру кезінде ҚР Индустрия және инфрақұрылымдық даму вице-министрі Аманияз Ержанов мәлім етті, деп хабарлайды <a href="https://www.inform.kz/kz/el-ishindegi-kundylyk-degen-zhana-ugym-engiziledi-zan-zhobasy_a3749841">ҚазАқпарат</a>.
<blockquote>
 «Өнеркәсіптік саясат туралы» негізгі заң жобасының 3-бөлімі отандық өнеркәсіптік өнімді өткізу нарықтарында ілгерілетуге жәрдемдесуді қамтамасыз етуге бағытталған. Бұл үшін, ең алдымен, шетелдегі мекемелеріміздің, кәсіпорындарымыздың қолдауы арқылы экспортқа бағдарланған өнеркәсіптік кәсіпорындарды қолдауға көңіл бөлу ұсынылады. Бұл ретте қолдау шаралары қосылған құнның жаһандық тізбегіне енуі мүмкін кәсіпорындарды құруға және олардың қызметіне бағдарланады», – деді вице-министр.
</blockquote>
Оның айтуынша, көрсетілген жайттармен қатар, мемлекет сыртқы нарықтағы кедергілерді жою мәселелерінде экспорттаушыларға жәрдем көрсетуі тиіс.
<blockquote>
 «Қазақстанның Дүниежүзілік сауда ұйымына кіруіне байланысты биылдан бастап жергілікті қамту институтынан бас тартуымыз керек. Осыған байланысты заң жобасында «Ел ішіндегі құндылық» деген жаңа ұғым енгізіледі. Жобаның бірқатар нормалары сатып алуларда ұлттық стандарттарды қолдануды мониторингтеу арқылы ұлттық экономиканың өзіндік жеткіліктілігін қамтамасыз етуге бағытталған. Сондай-ақ, жұмыс мемлекеттік сатып алудағы ұлттық режимнен алып тастауды белгілеу бағыты бойынша жүргізіледі. Бөлімнің барлық көрсетілген бағыттары Қазақстан қабылдаған халықаралық міндеттемелерді ескере отырып, іске асырылатынын атап өткен жөн», – деді Аманияз Ержанов.
 «Заң жобасындағы төртінші бөлім мынадай бағыттар бойынша отандық өнеркәсіптің бәсекеге қабілеттілігін арттыру мәселелерін реттеуге бағытталған: еңбек өнімділігін арттыру, инвестициялар тарту, индустрияландыру картасы, шикізатты өңдеуді тереңдету», – деді ол.
</blockquote>

«Ел ішіндегі құндылық» деген жаңа ұғым енгізіледі – заң жобасы

<a href="https://kyzylorda-news.kz/">Kyzylorda-news.kz.</a> Отандық өнеркәсіпті дамыту мақсатында арнайы қор құрылып, ақпараттық жүйе іске қосылады.
Бүгін Мәжілісте индустрия және инфрақұрылымдық даму вице-министрі Аманияз Ержанов өнеркәсіп саясаты туралы заң жобасын таныстырды. Ведомство өкілі атап өткендей, өнеркәсіпті дамыту қоры саланы ынталандыру тетіктерін ұсынатын оператор ретінде қызмет атқармақ. Қажет қаржыны қор мемлекеттік бюджеттен бөлек, өндірушілер мен импорттаушылар және өзге де мемлекеттік емес ресурстардан тартатын болады.
Ал «Өнеркәсіп» атты ақпараттық жүйе саланың жай-күйі, даму болашағы және мемлекеттік ынталандыру шараларына қатысты мәліметтерді қамтымақ. Жүйенің өзі ұлттық кәсіпкерлер палатасының басқаруында болады.
<a href="https://24.kz/kz/zha-aly-tar/o-am/item/453595-nerk-sip-a-paratty-zh-jesi-rylady">Хабар 24</a>

«Өнеркәсіп» ақпараттық жүйесі құрылады

<a href="https://kyzylorda-news.kz/">Kyzylorda-ne</a>ws.kz. Өңірде өткен жылы қылмыс жасау деңгейі 36 пайызға төмендеді. Сала мамандары жыл бойы жүргізілген түсіндірме жұмысының нәтижесі дейді.
Сотты болған азаматтарды қайта қылмыс жасауға жол бермеу мақсатында арнайы топ құрылып, 10 мыңға жуық адамды «тәуекел» санатына алған.
<blockquote>
 “Азаматтардың конститутциялық құқықтарын қорғау мақсатында тиісті жұмыстар атқарылуда. Яғни кезекші прокурорлар қызметтік кабинеттерге заңсыз жеткізілген 12 адамды және уақытша ұстау абақтысына оқшауландырылған 11 азаматты босатты. Сондай-ақ, сотқа дейінгі тергеп-тексерудің бірыңғай тізілімімен жұмыс істеу үшін барлық аудандарға оптикалық желілер тартылды. Техникалық жағынан толық қамтамасыз етілді. Бүгінде жаңа Заң аясында прокурорлармен барлығы 395 процессуалдық шешім бекітіліп, 24 шешімнен бас тартылды”, – деді облыс прокурорының бірінші орынбасары Талғат Әлібаев.
</blockquote>
Бұған қоса, өткен жылы бейнебақылау камераларының көмегімен жол-көлік қылмысы 13 пайызға азайған.

Қызылорда: Қылмыс деңгейі 36 пайызға төмендеді

<a href="https://kyzylorda-news.kz/">Kyzylorda-news.kz.</a> Бүгін Шиелі ауданының әкімі Қамбарбек Мүбараков тұрғындар алдындағы қорытынды есеп беру кездесуі өтті.
Жиынға ZOOM платформасы арқылы облыс әкімінің орынбасары Нұрлан Тілешев, облыстық кәсіпкерлік және туризм басқармасының басшысы Фердоуси Қожабергенов, облыстық индустриалды-инновациялық даму басқармасының басшысы Ринат Сұлтангереев, облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова қатысты.
Карантиндік сақтық шараларын сақтай отырып, облыстық және аудандық мәслихат депутаттары, аудан ардагерлері, құқық қорғау органдары мен аудан тұрғындары да қатысты. Аудан басшысы Қамбарбек Мүбараков есепті кездесуінде 2020 жылға арналған ауданның әлеуметтік-экономикалық дамуының негізгі көрсеткіштерінің орындалуына және 2021 жылға арналған міндеттерге тоқталды.
<blockquote>
 “Былтырғы жылдың қорытындысы бойынша ауданның жалпы өңірлік өнімі 39,4 млрд теңгені құраған. Ал, ауыл шаруашылығы өнімдерін шығару үлесі 102,7 пайызды құрап, өнім көлемі 31,5 млрд теңгені құрады. Ауыл шаруашылығы дақылдарын 29 461 гектар жерге орналастырылып, егіс көлемі 2000 гектарға артты. Негізгі дақыл күріштің көлемі – 14 353 гектар құрап, әр гектардан 59,9 центнерден өнім алынып, 85940 тонна астық жиналды. Өзбекстан Республикасының «Органик Солюшн» компаниясы мен ауданымыздың 3 ауыл шаруашылығы тауарын өндірушілері бірлесіп («Төңкеріс и К» шқ, «Жер Жомард Д» ЖШС, «Бала би-2004» өк) 60 гектар жерге алма бақ пен жүзім және түрлі жеміс ағаштарын отырғызу жұмыстары жүргізілді. Бүгінгі таңда ауданымызда 13 жылыжай жұмыс істеуде. Өткен жылы 550 тонна қызанақ пен қияр өнімін өндірді”, – дейді аудан әкімі Қ.Мүбараков.
</blockquote>
Ауданда 120 тонна ақ күріш, 850 тонна қарбыз, 1005 тонна қауын және 351 тонна қызанақ дақылдары Ресей және Қырғызстан елдеріне жөнелтілді. Қазақстанның басқа да облыстары мен қалаларына 390 тонна ақ күріш, 130 тонна қарбыз, 500 тонна қызанақ және 326 тонна жоңышқа шөбі сыртқа сатылды. Өңірде ет өндіру көлемі 4776,1 тонна, сүт 18601,6 тонна және 2455,1 тонна жұмыртқа өндірілді.
Бүгінде ауданда шағын бизнес саласында 5241 субъект тіркелген, оның ішінде жұмыс істеп тұрғандары 4875 немесе 93 пайыз. Тұрғын үй құрылысы саласында Шиелі кентіндегі үш қабатты 18 пәтерлі тұрғын үй пайдалануға берілді. Шиелі кенті Береке шағын ауданында 3 бөлмелі бір пәтерлі 25 тұрғын үй салу жұмыстарына 233,8 млн теңге, Шиелі кентіндегі 18 пәтерлік 4 тұрғын үй құрылысы жұмысына республикалық және облыстық бюджеттерден 2020 жылға 195 млн теңге қаралып, үстіміздегі жылы құрылыс жұмыстары толығымен аяқталатын болады.
Аудан бойынша негізгі қорға инвестиция тарту көрсеткіші 13 млрд 834 млн теңге, яғни 23 % орындалды. 2021 жылы инвестиция көлемін арттыру мақсатында бірқатар жобаларды жүзеге асыру жоспарлануда. «Караганды Агро Инвест-Т» ЖШС-ның жобалық құны 20,3 млрд теңгені құрайтын «Ауылшаруашылық кешенін құру» жобасы. «Евразия Агро Холдинг» ЖШС-ның жобалық құны 4,3 млрд теңгені құрайтын «Жоңышқа өсіру және терең өңдеу» жобасы. Мысыр Араб Республикасының «Каламари Браам» компаниясы Бәйгеқұм ауылдық округіндегі «Ханқожа» көлі аймағынан «Заманауи туристік аймақ құру» жобасын жүзеге асыруды жоспарлауда.
<blockquote>
 “Елбасымыздың, Президентіміздің басшылығымен, аймақта ел басқарып жүрген азаматтардың, өз туған жерінің шынайы жанашыры ретінде еңбек етіп жүрген барлық жерлестеріміздің қолдауының, Сіздер мен біздердің бірлесе атқарған тынымсыз тірлігіміздің нәтижесі, халықтың артқан мол сенімінің жемісі”, – деп атап өтті аудан басшысы.
</blockquote>
Баяндамадан кейін тұрғындар тарапынан Байсын ауылына жаңа мектеп, Сырдария өзенінің үстінен көпір салу, тұрғын үй мәселелері жөнінде болды. Оған аудан басшысы нақты жауап қайтарып, көтерілген мәселелерді бақылауда ұстайтынын жеткізді. Жиында аудан әкімінің атқарған қызметіне алғыс айтып, ақсақалдар батасын берді.

Шиеліде 5 мыңнан аса кәсіпкерлік нысан тіркелген

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында төрт түліктің өрісте еркін жайылуы үшін пада қызметі көбейтілді. Нәтижесінде мал ұрлау дерегі 30 пайызға азайды. Бұл туралы Өңірлік коммуникациялар қызметінің ақпарат алаңында өткен брифингте ОПД бастығының бірінші орынбасары Шамшидин Амитов мәлімдеді.
Аймақта өткен жылы 282 мал ұрлау дерегі тіркелген. 20 қылмыстық топ құрықталып, 107 адамға заң аясында шара көрілген. Ал жыл басынан бері 26 мал ұрланған.
<blockquote>
 “Мал ұрлығының басым бөлігі өрісте орын алады. Иесіз жүрген малды сойып алып кететін жағдайлар көп. Мал ұрлығы тіркеліп, кейін далалық жерден табылған дерек те бар. Яғни, мұның барлығы паданың ұйымдастырылмауы. Малды қараусыз жайылымға жіберудің салдары. Осы бағытта түсіндірме жұмыстарын жүргізіп жатырмыз”, – дейді Шамшидин Амитов.
</blockquote>

Қызылордада мал ұрлығы 30 пайызға азайған

<a href="https://kyzylorda-news.kz/">Kyzylorda-news.kz.</a>&nbsp; Бүгін аудан әкімі Талғат Дүйсебаев ақын, Қазақстанның Құрметті журналисі, «Сырдария ауданының құрметті азаматы» Мұхтар Сақтаповты 85 жасқа толу мерейтойымен құттықтады.
Аудан әкімімен бірге аудандық ардагерлер кеңесінің төрағасы Хайролла Әбенұлы, Тереңөзек кенті ардагерлер кеңесінің төрағасы Муса Келдібаев, аудан әкімінің орынбасары Димаш Байдушев және аудандық «Тіршілік тынысы» газетінің бас редакторы Ақтөре Ибрагимұлы барып, құттықтау лебіздерін жеткізді.
Аудан басшысы Қазақстанның Құрметті журналисінің қазақ поэзиясына қосқан сүбелі үлесін атап өтті.
<blockquote>
 «Кемеңгерлік пен кемелдікке жарқын көңілмен келіп отырсыз. Қазақ әдебиетіне зор үлес қосып, поэзия әлемінде өзіңдік орныңызды қалыптасдырдыңыз! Сіздің өлеңдеріңіз арқылы жас ұрпақ тағылымды тәрбие ала білді. Ақиық ақын Асқар Тоқмағамбетов, қырғи тілді Қалтай Мұхамеджанов, сөз зергері Әбіраш Жәмішев, ақын, өртірік өлең шебері Замаддин Ибадуллаев, арқалы ақын Балашбек Шағыров, қарымды қаламгер Қайырбек Асанов секілді Сіздің шығармаларыңыз да халық көңілінен шығып, жүрегінен орын тапты. Мәселен, «Тереңөзек» деп аталатын өлеңіңіз барша жерлестердің мақтана айтатын гимне айналды. Біз Сізді өскелең ұрпаққа мол мұра өлеңдеріңіз арқылы үлге етеміз. Сіздің қазақ журналистикасының дамуына еткен еңбегіңіз ұшан-теңіз», – деді аудан әкімі Талғат Тұрсынұлы.
</blockquote>
Аудан басшысы мерейтой иесіне «Құттықтауын» табыс етіп, халқымыздың игі дәстүрі бойынша иығына шапан жауып, сый-құрмет көрсетті.
Мұхтар Жаналханұлы Сырдария аудандық «Тіршілік тынысы» газетінде үзіліссіз 40 жыл жұмыс жасап, корректор, әдеби қызметкер, бөлім меңгерушісі, жауапты хатшы, баспахана директоры қызметтерін абыроймен атқарды. «Көңіл шуағы», «Қайырлы таң, туған жер!» секілді бірнеше жыр-жинақтың авторы.
Ақын М.Сақтапов «Қазақстанның Құрметті журналисі», Қазақстан Журналистер одағының мүшесі, «Сырдария ауданының Құрметті азаматы», «Тәуелсіздіктің 20 жылдығы», «Ұлы Жеңістің 65, 70 жылдығы», «Конституцияның 20 жылдығы» мерекелік медальдарының иегері, әр жылдарда облыс, аудан әкімдерінің Алғыс хатымен, Қазақстан Журналистер одағының «Құрмет грамотасымен» марапатталған.
Сырдария ауданының бас ақыны ауданның өсіп-өркендеуіне, рухани кемелденуіне зор үлес қосып келеді.
85 жасқа толған мерейтой иесі Мұхтар Сақтапов көрсетілген құрметке ризашылығын білдіріп, батасын берді.

Қазақстан және Қызылорда облысының жаңалықтары