<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әлеуметтік желіде кеңінен танылған диетолог Нұрила Азизқызы қасиетті Рамазан айында ораза тұтатын жандарды дұрыс тамақтануға шақырды. Оның айтуынша, күні бойы аш жүріп, кешке апыл-ғұпыл тамақ жеу асқазанға күш түсіріп қана қоймай, денсаулықтың нашарлауына алып келуі мүмкін. Сондықтан, ауыз бекіту және ауыз ашу кезінде пайдалы әрі құнарлы тағамдар жеген дұрыс. <a href="https://kaz.nur.kz/kaleidoscope/1907348-keske-deiin-qarnyn-aspaidy-dietolog-oraza-kezinde-qalai-tamaqtanu-kerektigin-aitty/">KAZ.NUR.KZ</a> Ораза қарсаңында маман кеңесін назарларыңызға ұсынады.
<blockquote>
 “Ораза кезінде күні бойы тамақсыз жүру көптеген жанға ауыр соғатыны сөзсіз. Ал егер ораза кезінде дұрыс тамақтанатын болсаңыз, күніңіз жеңіл және қандай да бір стрессіз өтеді. Артық желінген тамақ пен артық салмақ сізге тек кері әсерін ғана тигізеді. Сәресінен ауыз ашқанға дейін аш жүретіндіктен, қандағы глюкозаның деңгейі төмендеп кетеді. Егер тамаққа бірден тойып алсаңыз, үлкен көлемдегі калория организмге көп күш түсіреді. Сондықтан, тағы да қайталап айтамын, дұрыс тамақтану керек”, – дейді диетолог.
</blockquote>
Осы орайда, Нұрила Азизқызы ауыз бекіткенде және ауыз ашқанда қандай пайдалы тағамдар жеу керектігін айтты.
<blockquote>
 “Алдымен судың нормасын есептейміз. Бұл жерде норманы 20 пайызға дейін азайтуға болады. Бұрын салмағымызды отызға көбейтсек, енді жиырмаға көбейтеміз. Мәселен, 50*20=1000. Демек, бір литр жетеді. Көпшілік сәресіне тұра алмай, тек сумен жауып жатады. Бұл барлық жағынан дұрыс емес. Егер ораза тұтатын болсаңыз, сәресіне 30 минут бұрын тұрып, бір стакан жылы су ішкен дұрыс. Ауыз бекіткен кездегі тамақтар күрделі көмірсу және пайдалы майдан тұрса, кешке дейін тоқ жүресіз. Өзімізді энергиямен қамтып, күнімізді жеңіл өткіземіз. Өйткені, күрделі көмірсудан құралатын тағамдарды қорытуға 8-9 сағат өтеді. Күрделі көмірсуларға жарма түрлері, яғни, қарақұмық, арпа жармасы, талқан, тары, тұтас дәнді нандар жатады. Оның қасына грек жаңғағы, күнжіт, авакадо, кешью, миндаль сияқты пайдалы майларды қосқан жөн. Тәттіден бал, құрма, мейіз, өрік, қауын жеген пайдалы”, – дейді диетолог.
</blockquote>
Маман ораза тұтушыларды ауыз ашқан соң бірден бас салып, тамақ жемеуге шақырды.
<blockquote>
 “Кешке дейін аш жүріп, кешкісін тамаққа тойып алғанның асқазан, ішек жолдарына түсіретін салмағы көп. Ас дұрыс қорытылмағасын ауруға ұшырауымыз мүмкін. Сондықтан, ауыз ашарда бір стакан жылы су ішіп, 30 минуттан кейін ғана асықпай тамақ жеңіз. Ыстық тамаққа ақуыз бен жасұнықтан (клечатка) жасалған тағамдарды ішкен өте пайдалы. Еттің кез келген түрі мен сүт тағамдары ақуызға жатады. Бұл жерде қойдың етінен бас тартуға кеңес беремін. Ал жасұныққа негізінен көкөністер жатады. Тамақтанып болған соң өзіміздің салмағымызға сай су ішіп, екі сағаттан кейін жүрек жалғауға болады. Жеңіл салат, қышқыл сүт тағамдары мен жеміс-жидек деген өте пайдалы”, – дейді Нұрила Азизқызы. ⠀
</blockquote>

Диетолог ораза кезінде қалай тамақтану керектігін айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Түркістан қаласында Орталық Азиядағы ең ірі «Керуен-сарай» көпфункционалды туристік кешенінің ашылу рәсімі өтті. Инвестициялық жобаны «Turkistan Tourism City» компаниясы іске асырды, кешен құрылысы 2019 жылы желтоқсан айында басталды.
Нысан Қожа Ахмет Яссауи кесенесіне қарама-қарсы «Әзірет Сұлтан» мәдени қорығының буферлік аймағында 20,5 га аумақта орналасқан. Мұнда 4 мыңнан астам тұрақты жұмыс орны құрылды. Кешенге Жібек жолы дәуіріндегі саудагерлер мен қолөнершілер көшесі, «ұшатын театр», ат шоуын өткізуге арналған амфитеатр, Шығыс базары, сауда сөрелері мен бутиктер, қонақ үйлер мен мейрамханалар, СПА және фитнес-орталық, кинотеатр, отбасылық ойын-сауық орталығы кіреді. Бұл ретте, барлық құрылымдар су арнасы арқылы байланыстырылған, онда судағы «қайық шеруі» театрландырылған шоуы өткізіледі. «Керуен-сарай» кешенінің Орталық Азияда баламасы жоқ және ол Қожа Ахмет Яссауи кесенесінен кейін өңірге туристер мен инвестицияларды тартатын басты орталыққа айналуы тиіс.
«Керуен-сарай» кешенінің ашылу салтанатына Премьер-Министр Асқар Мамин, Түркістан облысының әкімі Өмірзақ Шөкеев, мәдениет және спорт министрі Ақтоты Райымқұлова, сондай-ақ инвестор компанияның өкілі Қуанышбек Құдайберген қатысты. А. Мамин Түркістандағы Қазақ музыкалық драма театрына барды.
Ғимараттың жалпы ауданы 11 мың шаршы метрден асады. Бұл аса жаңа жабдықтармен және театр жұмысына қажетті барлық бөлмелермен жабдықталған заманауи кешен. Көрермендер залының сыйымдылығы 510 адамды құрайды.Үкімет басшысы облыстық ғылыми-әмбебап кітапханамен танысты. Бұл ақпарат пен шығармашылыққа арналған бірегей хаб. Ғимараттың үш қабаты оқу залдары, коворкинг-орталықтары, фото-, бейне- және аудиожазба, каллиграфия, қыш өнері студиялары, шеберханалары, оның ішінде 3D-модельдерді жасауға арналған шеберханалары, сондай-ақ киноконцерт залы, кофеханалары, кітап кәдесыйлары мен қолдан жасалған бұйымдар дүкендері қамтылған зоналарға бөлінген.
Кітапхананың ғылыми-зерттеу орталығында кітап сақтау қоймасы, сирек кездесетін кітаптар мен көне заманғы қолжазбаларды сақтауға арналған бөлім, құжаттарды, кітаптарды цифрландыру және консервациялау цехтары, оның ішінде Орталық Азиядағы тотығуға қарсы жабдықпен жабдықталған бірден-бір цех бар.
Жұмыс сапары аясында Премьер-Министр сондай-ақ Түркістан қаласында басқа да инвестициялық жобалардың іске асырылу барысын тексерді.
<img src="https://kyzylorda-news.kz/wp-content/uploads/2021/04/171831578_3760779087371736_5449109305228828888_n.jpg" alt="" />
<img src="https://kyzylorda-news.kz/wp-content/uploads/2021/04/171530487_3760722050710773_7587846627225887014_n.jpg" alt="" />
<img src="https://kyzylorda-news.kz/wp-content/uploads/2021/04/172226223_3760779060705072_575265620045942261_n.jpg" alt="" />

Түркістанда Орталық Азиядағы ең ірі «Керуен-сарай» туристік кешені ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Байқоңыр қаласында адам баласының ғарышқа алғаш ұшуының 60 жылдығына арналған салтанатты кездесу өтті. Оған еліміздің Премьер-министрі Асқар Мамин, «Роскосмос» мемлекеттік корпорациясының басшысы Дмитрий Рогозин, Цифрлық даму, инновациялар және аэроғарыш өнеркәсібі министрі Бағдат Мусин, NASA әкімшісінің орынбасары Кеннет Бауэрскок, ғарышкер Тоқтар Әубәкіров, ҚР Парламенті Сенатының депутаты Талғат Мұсабаев және басқалар қатысты.
Кездесуге қатысушылар алдында сөз сөйлеген ғарышкер-сенатор Талғат Мұсабаев қазақтандық ғарыш саласының бастауында Қазақстан Республикасының Тұңғыш Президенті – Елбасы тұрғанын, себебі сол кісінің Жарлығымен Ұлттық ғарыш агенттігі құрылғанын атап өтті. Депутат сонымен қатар адамның ғарышқа ұшуы – дүниежүзілік маңызы бар оқиға екеніне тоқталды. Ал осы оқиғаның Қазақстан жерінде орын алғаны ерекше маңызды деп айтты.
<blockquote>
 «Біз, қазақстандықтар, Байқоңырдың табысты жұмысы, бүкіл адамзаттың игілігі, ғарыштық жобалардың дамуы үшін ерекше мақтаныш пен жауапкершілік сезінеміз. Қазақстан ғарышты игерудің өзіндік күрделі жолымен жүріп келеді. Біздің еліміз экономиканың жоғары технологиялық және ғылымды қажетсінетін секторы – ғарыш саласын дамытуда маңызды қадамдар жасады»&nbsp;– деді Талғат Мұсабаев.
</blockquote>
Сенатор бүгінгі таңда біздің еліміз ғарыш аппараттарының орбиталық топтарының екі жүйесін іске қосқанын айтты. Ұлттық ғарыштық зерттеулер мен технологиялар орталығы, «Бәйтерек» қазақстандық-ресейлік кәсіпорны және тағы өзге де мамандандырылған кәсіпорындар ашылды. Алайда, сенатордың айтуынша, бұл салада проблемалар бар. Талғат Мұсабаев қазіргі таңда жоғары білікті мамандардан айрылу қаупі жоғары екенін атап өтті. Оның пайымдауынша, бұрын құрылған ғарыш саласын басқару жүйесі, атап айтқанда кадрларды іріктеу және орналастыру жүйесі құлдырай бастады.
<blockquote>
 «Ғарыш саласының табысты жұмысының басты факторы туралы тағы да айтқым келеді. Бұл – адамдар, мамандар. Қазақстандық ғарыш саласын құрудағы барлық қиындықтардан бірге өткен әріптестерім, ғалымдар, ғарышқа ұмтылған жас мамандар болмаса, ештеңе де болмас еді»,&nbsp;– деді Талғат Мұсабаев.
</blockquote>

Ғарыш: Талғат Мұсабаев қазіргі таңда жоғары білікті мамандардан айрылу қаупі жоғары екенін айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; ҚР Денсаулық сақтау министрлігі коронавирус инфекциясынан емделіп жатқан науқастардың жағдайы туралы мәлімет ұсынды.
11 сәуірдегі деректерге сәйкес, короновирустан 32 899 адам (32 241 КВИ+ және 658 КВИ-) емделуде, олардың ішінде 12 003 пациент стационарда, 20 896 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
– 546 адамның жағдайы ауыр;
– 163 пациенттің жағдайы өте ауыр;
– 99 науқас өкпені жасанды желдету аппаратына қосылған.

Қазақстанда 546 адамның жағдайы ауыр

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қалай адам ауыра бастайды, солай ол өз кеудесінен кешірім етілуі қажет адамды іздеуі керек. Егер сіз кешірім жасалуы өте қиын адамды тапсаңыз, онда тап сол адамды кешіру керек. Кешіру-демек, азат болу. Сізге қалай кешіруді білу қажет емес.
Ең керегі-кешіруге құлықтылық. Ары қарай сізге Жаратушының өзі көмекке келеді. Біз өз қиналысымызды жақсы түсінеміз. Бірақ кешірім жасауға тиісті адамдардың да қиналысты басынан өткеретінін қабылдау бізге қалай қиын. Сол сәтте олардың өзгеше іс-қимыл жасай алмағандығын түсіну қажет.
Маған адамдар кеңес алуға келген кезде, олардың проблемасының шығу негізіне басым ауырмайды, бұл денсаулықтың нашарлығы ма, ақшаның жетімсіздігі ме, қарым-қатынастың нашарлығы немесе дамымаған талант па-мен бірден тек қана бір нәрсеме, өз-өзіңді жақсы көруді қалай дамыту керектігімен жұмыс жасай бастаймын.
Өзіңді жақсы көруді дамыту
Біз өзімізді жақсы көрген кезде, өз іс-әрекетімізді мақұлдаған кезде және өз-өзімізбен қалған кезде біздің өміріміз жайнай түседі, тіпті сөзбен айтып жеткізе алмайсың. Барлық жерде-кішкентай ғажайыптар. Денсаулық жақсарады, қолға ақшаның өзі келеді, біздің басқалармен қарым-қатынасымыз гүлдене түседі, біз өзіміздің тұлғалық қасиетімізді шығармашылық негізде білдіре бастаймыз. Біз өзімізді бар жан-тәнімізбен жақсы көріп, құрметтеген кезде және өз іс-әркетімізді мақұлдаған кезде біз ақылдың белгілі бір ұйымын жасаймыз. Осыдан-қоршағандармен ғажайып қарым-қатынас, жаңа жұмыс: біз тіптен жүдейміз, өзіміздің қалыпты салмағымызға ораламыз.
Өзіңді мақұлдау мен өзіңді қабылдау-біздің өміріміздегі оң өзгерістердің кілті
Өзіңді бұлай жақсы көру ешқашан, ешбір жағдайда да өзіңді сынауға болмайтынын сезіну фактісінен басталады. Өз басмызды сынау біздің құтылуға тырысқан ойдың бейнесіне әсер етеді. Өз-өзіңді түсіну сиқырланған құрсаудан шығып кетуге көмектеседі.
Сіз жылдар бойы өзіңізді сынадыңыз, сонда да бұдан ешқандай жақсылық шықпағанын естен шығармаңыз 
Өзіңізді жақсы көруге тырысып көріңіз және бұдан не шығады екен, байқаңыз.
Өзіңді жақсы көру деп ешқандай эгоистік жақсы көруді немесе «өзін жақсы көруді» нысана ету емес. Өзін жақсы көру-демек, өз басыңның тірлік кешу фактісін мерекелеу мен өмірдегі сыйы үшін құдайға шүкірлік ету.
Өзіңді жақсы көру-демек, бәрінен бұрын, өз басыңды құрметтеу. 
Мен жақсы көруді сезінемін: 
*өмір процесінің өзіне деген; 
Тірі болғаныма қуанамын; 
Өзім көріп тұрған сұлулыққа; 
Басқа адамға деген; 
Білімге деген; 
Ойлау поцесіне деген; 
Біздің денемізге және оның құрылымына; 
Жануарларға, құстарға және барлық тірі құбылысқа деген; 
Жаратылысықа және оның қалай құрылуына деген. 
Сіз жеке өзіңіз бұл тізімге не қоса алар едіңіз? 
Ал енді, біз өзімізді қалай жақсы көретінімзді байқайық: 
*Біз үнемі өзімізге ұрсамыз және өзімізді сынаймыз; 
*Біз өзімізді тамақпен, ішімдікпен және есірткімен улаймыз; 
*Бізді ешкім жақсы көрмейді деген сенімді таңдаймыз; 
*Біз толық хаос пен берекесіздікте өмір сүрудеміз; 
*Біз өзімізге қарыз бен төзгісіз ауыртпалықты жасаймыз; 
*Біз қадір-қасиетті аяққа басатын ашыналар мен күйеуді (әйелді) өзімізге тартамыз.
Қандай жағдай да, егер сіз өзіңіздің жетістігіңізді жоққа шығарсаңыз, бұл сіздің өзіңізді жақсы көрмейтініңізді білдіреді. Менің есіме көзілдірік киген өзімнің бір пациенткам түседі. Бір сабақ бойына ол өзін түп негізі балалық шақта жатқан бір қорқынышынан азат етті. Келесі күні ол оянады да, көзілдіріктің өзіне енді қажеті жоқ екенін түсінеді. Оның жанары 100 пайыз көреді. Бірақ үнемі өзіне: «мен бұған сенбеймін, мен бұған сенбеймін», деп айтып бүкіл күнді өткізеді. Сөйтіп, ол келесі күні тағы да көзілдірік киеді. Біздің санамыздан тысқары ойымызда юмор сезімі жоқ. Ол өзінде 100 пайыз көретін жанар пайда болғанына тіпті де сене алмайды.
Кішкентай балалардың мінсіздігі
Сәби болған кездеріңізде сіздер қандай мінсіз едіңіздер! Балаларға мінсіз болу үшін ештеңе істеудің қажеті жоқ. Олар мінсіздіктің өзі. Және де біледі,олар- Жаратылыс аясы. Олар нені керек етсе соны сұраудан қорықпайды. Өздерінің эмоциясын еркін білдіреді. Сәби ренжіген кезде, бұл туралы көршілердің бәрінің білетінін сіз білесіз.
Сондай-ақ сіз сәби шаттанған кезде оның күлкісі бүкіл дүниені нұрға бөлейтінін де білесіз. Балалар махаббатқа толы. Кішкентай балалар махабббатттың жоқтығына төзе алмайды. Өсе келе, біз махабббатсыз өмір сүруді үйренеміз. Сондай-ақ балалар денесінің әрбір бөлшегін жақсы көреді, тіпті өзінің қалдығын да.
Сіздер де сондай болғансыздар! Ал сосын сол уақытқа дейін қорқуға үйреніп алған үлкендерді тыңдай бастадыңыздар, сөйтіп сіздер біртіндеп өз мінсіздіктерімізді жоққа шығара бастадыңыздар. 
Біздің ойымыздағыдай елестеткен «проблеманың» нағыз проблема болып шығу сирек кездеседі.
Мысалы, артық салмақты алайық. Адамдар жылдар бойы артық салмақпен күреседі, бірақ бәрібір семіз күйінде қалады. Сонда олар өмірлеріндегі барлық проблема-олардың толықтығынан деп айта бастайды. Артық салмақ-тереңірек ішкі проблеманың сыртқы көрінісі. Менің пікірімше,-бұл әрқашан да қорқыныш пен қорғанысқа деген қажеттілік. Біз қорқыныш пен өзімізге сенімсіздікті сезінген кезде біз соншалықты «жақсы» емеспіз деп ойлаймыз, көбіміз біздің ағзамызда қорғаныс қызметін атқаратын майлармен қапталамазы.
Семіз болғаның үшін үнемі өзіңді тұқырту, артық желінген кесіктер үшін өзіңді кінәлі сезіну-уақыттты босқа өткізу. 20 жыл өткеннен кейін де сіз семіз боласыз, өйткені сіз нағыз проблемаға тіпті де маңайлаған жоқсыз. Сондықтан мен жеке өз басым әртүрлі диеталардан бас тартмаын. Диета көмектеспейді. Жалғыз ғана ұсынысым-бұл жаман ойлар диетасы. Менің клиенттерім семіз болғандықтан өздерін жақсы көрмейміз деп айтады. Ал, мен түсіндіремін: олар өздерін жақсы көрмегендіктен семіз.
Сіз айнаға қарап, «Мен сені жақсы көремін және сен қандай болсаң да сол күйіңде қабылдаймын»,-деп қашан соңғы рет осындай жаттығу жасап көрдіңіз. Мұндай жаттығу күнде азанда қайталанып тұрса, сіз күн өткен сайын өзіңізге деген құрмет оянатынынан сеніңіз. 
Біз өзімізді жақсы көріп, құрметтей бастаған кезде барлығы да автоматты түрде ғайып болады…
Нағыз проблема
Сонымен, зиянсыз, құртақандай айнаға қарайды да, пациенттің көңілі бұзылады. Мен масаттаынп күліп: «тамаша, енді біз нағыз проблеманы көреміз» деймін. Мен онымен өзіңе деген махаббатттың маңыздылығы туралы қажеттілікпен әңгімелесемін. Ешқашан, ешқандай сылтаумен ештеңе үшін өзіңді мінеуге болмайды, содан өзің деген махаббат басталады деймін мен. Мен өз пациенттерімнен не үшін олар өздерін сынайды деп сұраймын да, соның ұзын тізімін жасаймын. Олар өте семіз немесе өте арық, өте ақылды немесе өте ақөымақ, өте көріксіз (бұны өте әдемілері айтады). Аңғарсаңыз-әрқашан «өте». Ақырында, істің анығына жетеміз: «мен соншалықты жақсы емеспін». Ура! Міне, нағыз проблемаға жетеміз. Олар өздерін сынайды, себебі олар жақсы емеспін дегенге сенуге үйренген.
Біз бүкіл энергиямызды бір проблеманы шешуге жұмсауымыз керек: махаббат жетімсіздігі және өзіңе құрмет!
<a href="http://otbasybakyty.kz/posts/category/%d0%be%d1%82%d0%b1%d0%b0%d1%81%d1%8b-%d0%b1%d0%b0%d2%9b%d1%8b%d1%82%d1%8b">Отбасы бақыты</a>

Барлық ауру кешірмегеннен болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Неліктен кейбір адамдардың армандары орындалып жатады, ал кейбірініңкі жолы болмайды. Неліктен біреулердің асығы алшысынан түсіп, табыс пен ақшаны өзіне оңай тартып алады, ал кейбіреулерге әрдайым сәтсіздік жолығады. Ал бірінің жолы болғыш, бай, табысты болып келеді, ал біреулер болса, айлықтан келесі жалақыға әрең жетеді.
Неліктен кейбір әйелдердің жеке өмірі мен ерлермен қарым-қатынасы жақсы қойылады да, арманындағы жігітті кездестіріп, сәтті соған тұрмысқа шығып, бақытты ғұмыр кешеді. Жолдасы оған әрдайым сыйлығын беріп, асты-үстіне түсіп, отбасы үшін барын салып жатады, ал басқа әйелдерде мұның бірі болмайды. 
Сол үшін де ақша мен табысты өзімізге тарту үшін не істеуге болады? Және армандарымыз оңай, еш күш жұмсамай-ақ орындалу үшін де не істеуімізге болады?
Ал бұл жерде мәселе сәттілік пен қаражатта тұрған жоқ, мұнда біздің осы ақшаны өзімізге кіргізіп, қабылдауымызда болып тұр. Негізінен, біз бақыт, ақша, сәттіліктерді және армандарымыздың орындалуына өзімізге мүмкіндік беріп, рұқсат береміз бе? 
— Сонда қалай, есігімізді ұрып өзі келіп тұрған ырыс-берекені қалай кіргізбейді деп ойлайсыз? 
— Сонда қалай, жоғары жалақылы қызметке шақырылсақ, қалай ғана біз оны қабылдамаймыз? 
— Қаншама жылдар бойы табысқа келе жатқан жолда қалай тоқтап қалуға болады? 
Ия, болады екен. Көптеген адамдарда осылай болып жатады, сол себептен де, сәттілік олардан айналып кеткендей көрінеді, ал армандары ешқашан орындалмайтындай болады. Олар ешқашан өздеріне сәттілік пен байлықты, жеке бақыт пен табысты тарта алмайтындай көрінеді. 
Негізінен, тек қана өзіміз ғана сәттілік, махаббат, денсаулық, байлықты қабылдаймыз ба, жоқ па, өзіміз шешеміз.
Тек қана өзіміз ғана алланың берген жақсылықтары мен сыйын қабылдаймыз ба жоқ па, өзіміз шеше аламыз. Және оны біз былай қорытындылауға дайынбыз: «Мен мұндай сыйға лайық емеспін немесе мен ақылды, сұлу, талантты, сенімді емеспін, мен ешқашан өміріме ақша мен табысты тарта алмаймын» деп алдын орап кетеміз. 
Ал шын мәнінде дәл ішкі сенімділік, дәл ішкі сезім «Мен лайықтымын» деген сөз ғана өміріңізге сәттілік пен табысты, жаңа перспективалық мүмкіндіктерді, байлықты, махаббатты, табысты тартатынын естен шығармаңыз. Дәл өзіңізге деген махаббат қана және «Мен лайықтымын» деген сезім ғана армандардың оңай және еш күш-жігерсіз-ақ орындалу сәттілігін жасай алады. 
Барлығымызда да армандарымыздың жазылған тізімі бар шығар. Егер жоқ болса, онда осындай тізімді құруға мүмкіндік бар. Сонымен тиімді және қызықты іс — бұл шын мәнінде не қалайтыныңызды жақсылап асықпай отырып ойланып алу керек.
Біреулер үшін мықты денсаулық маңызды болуы мүмкін. Ал кейбіреулер үшін ең өзекті мәселе- ол өзінің жеке бақыты, отбасылық өмірдегі жақсы қарым-қатынас немесе армандаған жігітіне жолығып, оған тұрмысқа шығу болуы да мүмкін.
Ал кейбіреулер үшін, қызметте мансапқа жету, ал басқалар болса, ақшасы көп болып, байлыққа қол жеткізсем-дейді. 
Сонымен барлық адамда жеткілікті өз армандары мен тілектері бар, бірақ олардың орындалуы бөгеліп, «адам басын қабырғаға ұрып жатады». Ал, бұл жағдайда неліктен орындалмай жатқанының себебін іздеу керек.
Өзіңізді сол армандарыңыз орындалуға лайықты адаммын деп есептейсіз бе? Әрине, тек сөз жүзінде ғана: «Ия, мен өзімді сәтті тұрмысқа шығатын немесе қызметте жоғарылауға лайықты адаммын» деп айта салу емес. Бұл жерде ең маңыздысы, шын мәнінде өзіңізге деген махаббатыңыз бен құрметіңіз бен армандарыңызға деген сол терең сезім бар ма, соны түсініп алу қажет. Сізде: «Ия, мен лайықтымын. Мен шынында да лайықтымын» деген ішкі сезім бар ма? Бұл сезім, яғни, армандарыңыз тура орындалып қойғандай елестеткеніңізде, денеңізден бір жылулық төгілгендей болу керек. Бұл сезім, тәніңіз тура бір аспап секілді арманыңызбен бірге қосылып ән салып жатқан күйде болады.
Ал, мұны тексеру оп-оңай. Ең бастысы, өзіңізге шыншыл болып, қолыңызға қағаз бен қалам алу керек. Сосын отырып, денені босаңсытып, көзді жұмып, арманыңыз тура өміріңізде орындалып, болып жатқандай етіп елестетіңіз.
Мәселен, сіз арманыңыздағы жігітті кездестіргіңіз келеді-дейік, сонымен сіз жолдас қызыңыздың тойында сол қалаған жігітіңіз сізге келіп танысып жатқанын елестетесіз.
Ол сізді биге шақырып жатыр, бүкіл кеш бойы асты-үстіңізге түсіп, сізді дәмді тағамдармен күтіп жатыр, қолына ұялы телефонын алып, тойдан кейін сізге хабарласып, сізді кездесуге шақырды, содан қатынасыңыз ұласып, сіздің қуанышыңызда шек жоқ.
–Ал енді, осы жерде тоқтай тұрыңыз, өзіңіздің сезімдеріңізді мұқият талдап шығып, түгел жазып шығыңыз. Ал егер өзіңізді кінәлау сезімінің толқыны болса: «Ия, мұндай ешуақытта да болмайды, мен мұндай жігітке, оның мені сүюіне лайықты емеспін»,-десеңіз, онда осылардың бәрін жақсылап жазып, осы күмән-күдіктермен, кінәлау сезімдерімен, сенімсіздіктермен жұмыс жасаңыз.
Сонымен түсінікті шығар, кез-келген орындалмай жатқан армандарыңызды елестетуге болады. Арманыңыз тура бір ОРЫНДАЛЫП ҚОЙҒАНДАЙ етіп елестеткеніңізде, өзіңіздің ойларыңыз бен сезімдеріңізді мұқият талдап шығыңыз.
Ал енді, себеп табылса-онда онымен жұмыс істеуге кірісеміз. Біз бұл пікірді басқаға алмастыруды бастаймыз. Яғни «Мен лайықты емеспін» деген ойды «Әрине, мен лайықтымын. Мен өмірдегі барлық жақсылықтарға лайықтымын және мен осы жақсылардың барлығын өзіме кіргіземін де, қабылдаймын. Және мен бай болуға, табысты, бақытты болуға лайықтымын. Мен өміріме табыс пен ақшаны тартып, қабылдаймын». –Бұл өте керемет жаттығу. Өзіңе осы секілді пікір-нанымдарды айтатын болсаңыз, денеңде өміріңе, өзіңе деген махаббаттың жылы толқыны төгілген сезімде боласыз. Сосын кенеттен армандардың орындалатынына, ырыс-береке жаңа күшпен үйіңе келіп қонатынына сенесіз.
Негативті наныммен біз өзімізге келіп есігімізді тоқылдатқан табыс, махаббат, байлықтарды жолата алмаймыз. Сәттілік пен ырыс-берекені кіргізе ашудың орнына: «Жоқ, сен мекен-жайды шатастырып алдың, қателестің, мен махаббат пен байлыққа, армандардың орындалуына лайықты адам емеспін. Мен саған, жалпы, табысқа лайықты жан емеспін» деп айқайлап жауап бересіз.
Сол үшін де, енді мұндай жағдай болмасын десеңіз немесе мұны жөндегіңіз келсе, онда мұндай әрекетке қарсы тұрып, табысты өзіңізге тартып қана қоймай, оны уақытында байқап, ең маңыздысы-оған жан-тәніңізді, жүрегіңізді айқара ашуыңыз қажет. Табыс пен ақшаны, махаббат пен қуанышты көптен күткен қонақтай кіргізу керек. Жарқын жүзді үйдің егесі ретінде кеткісі келмейтіндей етіп қарсы алу керек.
Ал, бұл үшін көп нәрсенің қажеті жоқ. Тек күніге 10 рет азанда және кешке мына сенімділік беретін наным сөздерді қайталау керек: «Мен барлық жақсылықтарға лайықты жанмын. Менің өмірімде барлығы өздігінен оңай болады. Менің барлық арман-тілектерім орындалады. Менің айтқан анау армандарым, мынау армандарым (бұл жерде көзді жұмып, армандарыңыз, қайталап айтамын, тура бір орындалып жатқандай елестетіңіз) оңай және күш жұмсамай-ақ орындалуына нағыз лайықтымын деу керек. Ия, мен осыған лайықтымын және мен сәттілік пен ақшаны, махаббатты, құрметті, табысты тартып жатырмын»-деп өзіңізді жақсы көруіңіз міндетті.
Бұдан соң, денеңіз бір босаңсып, кеңейіп, тура ашылып жатқандай елестетіңіз. Сөйтіп міне ырыс-береке, байлық ашық жылулықпен, жақсы толқынмен тәніңізге еніп жатыр. Ал енді ол денеңіздің әрбір жасушасынан ағыл-тегіл төгіліп, нұрланып, жалтырап жатқандай сезімде болыңыз. Ия, сіз өте қуаныштысыз, көңіліңіз көкке көтеріліп, сәттілік сіздің өміріңізге жайғасып, сіз оны қабылдап жатырсыз, жайдарлы үй иесіндей оны мәпелеп, аялап, күтіп жатырсыз.
Және сәттілік те басқа адамдарға да барудың орнына сізбен бірге болу оған ұнағандықтан, қалуды ұйғарыпты. Бұл оған әрине қиындық соқпайды. Ол адамдарға қанша өзінің сәттілігін қалдырса, онда әрдайым жақсылықтар болатынын біледі. Енді сіз де тәніңіздің, оның ішіндегі әрбір жасушаларының іші нұрланып, сәттіліктермен толтырып жатқанын сезініп жатырсыз. Сіз қайда барсаңызда, не ойласаңызда, не армандасаңызда, осы сәттіліктер сіздің тілектеріңіздің орындалуына кірісіп кетеді. Ол сізге күндіз-түні көмектеседі, ұйқыңызды, көрген түсіңізді қорғайды.
Ал кейде үйіңізде айнаның алдынан өтіп бара жатқанда сіз тоқтап, өзіңізге қарап, айтасыз: «ия, сен осыған лайықтысың. Сен өз өміріңдегі сәттіліктерге, ерлермен жақсы қарым-қатынасқа лайықтысың. Сен байлыққа және қаржылай бостандыққа лайықтысың. Және сен барлық-барлық жақсылықтарға лайықтысың.
Себебі, мен сені жақсы көремін». Ал, енді өзіңіздің айнадағы бейнеңізге, өз сәттілігіңізге күлімсіреңіз, сонда сіз ішіңізден шығып жатқан денеңіздегі әрбір клеткадан мыңдаған нұрлы сәттіліктер жауап ретінде сізге күлімдеп тұрғанын сезінесіз. Сосын сіз де онымен ойнағандай, жарқырап, күндей жарықты шашыратып, нұр шашасыз, сосын осы нұр-сәулеге жаңа мүмкіндіктер, жаңа адамдар, сәттілік пен махаббат толқыны өздері келіп қосылады.
Осыған өзіңіз де мүмкіндік беріңіз. Өміріңізге табыс, ақша, махаббат пен сәттілікті кіргізіп, қабылдаңыз. Өзіңізге осыны рұқсат етіңіз, сіз ең жақсыларға лайықтысыз.
<a href="http://otbasybakyty.kz/posts/category/%d0%be%d1%82%d0%b1%d0%b0%d1%81%d1%8b-%d0%b1%d0%b0%d2%9b%d1%8b%d1%82%d1%8b">Отбасы бақыты</a>

Табыс кілті: Өзі келіп тұрған ырыс-берекені өзіміз кіргізбейміз

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Расында, ата-аналарға қазір тәрбие беру қиын тиіп жатыр. Оған теледидар мен компьютер үлкен «бәсеке» болып тұр. Американдық әлеуметтанушылар АҚШ-та адамдардың басым бөлігі қатыгездікпен ғана мақсатына жете алады деп тапты. Психологтардың зерттеуінше, кез-келген балақай телеарнадан немесе компьютер ой-ынынан бір сағаттың ішінде орташа есеппен 5-6 рет күшпен ұрып-соғу көрінісін тама¬шалайтын болса, оның миында адамға қол жұмсау бейімділігі қалыптасып үлгеретіні белгілі болған. Себебі, бұл жерде жағымсыз кейіпкермен бірге жағымды кейіпкер де нағыз қылмыскер секілді адамға қол жұмсайды. Қорғану үшін болса да… Әрине, мұны жиі қайталап көрген бала агрессияға бейім болады.
Ертеде көне үндіс тайпаларының бірі команчи мен апачи балаларын айбынды, қайсар, ержүрек және қандай жауға да қаймықпай қойып кететін, есесін ешкімге жібермейтін батыр, әрі батыл етіп тәрбиелеуге тырысады екен. Ал, оларға көршілес жатқан тайпа: гопи мен зуни керісінше, ұрпағына мейірімді болуды, ақыл мен парасатқа жүгініп әрекет етуді, бәрін әділдікпен шешуді үйрететін болыпты. Иә, өзіңіз осы екі тайпаның қайсысының тәрбиесін қолдаған болар едіңіз? Мәселен, табиғатта қай аң-құс мықтыға саналады? Шындығына кел¬сек, жыртқыш аңдардың көбісі адуындылығының, азулығының арқасында өмір сүре алады.
Ал, өмірде ше? Өмірде көбіне-көп мақсатына жететін адамдар күшті, жігерлі, батыл жандар болып келеді. Бұған қол жеткізу үшін алдымен ол адам өзгелерден қалауын талап ете білетін, қайсар, керек жерінде күшпен өзінің айтқанын орындата алатын, ашу-айқайымен болса да айналасындағыларды өз пайдасына жүргізе алатын жандар. Мұндай әдет пен мінез-құлық жүре келе пайда бола ма, әлде туа бітті ме?
Ғалымдар тұқымқуалаушылықты және өмірдегі тәжірибелерді қанша зерттегенімен бұл сұрақтың нақты жауабын әлі күнге дейін бере алмай келе жатыр. Дегенмен, психологтар адамда мұндай мінез жүре де пайда болады деген тұжырымға келеді. Мәселен, қыз балаға қарағанда ер балаларда агрессия басымдау болады, неліктен екенін білесіз бе? Себебі кішкентай кезінен бастап ұлдар қайсар, алған бетінен қайтпайтын, бірбеткей мінез таныта бастаса, оны айналасындағылар қолпаштай жөнеледі. Ал, қыз бала мұндай мінез көрсетсе, сөкеттік көріп ұрыса жөнелеміз. Тез арада қайталанбауын ескертіп, тыйым сала¬мыз. Міне, осыдан кейін көбінесе қыз балалардың мінезі ұяң тартып, керісінше ұл балаларда қияңқылық әрі қарай дами түседі.
Ызақорлық, кекшілдік қайдан шығады? Кинофильмдердегі зұлымдықтардың кесірінен деген пікірді екінші кезекке қоя тұрып, басқа да шындыққа жанасымды себептерді тауып көрейікші. Батыс психологтары әрқандай отбасындағы тәрбиені зерттей келе 7 топқа бөліп қарапты. Мәселен:
1. Авторитарлық тәсілмен тәрбиелейтін отбасы. 
Мұндай отбасында ата-ана мен бала арасында ортақ әңгімелесу болмайды, олар тек қана қас-қабақпен талап етіп отырады. Тек балаға ережелерді түсіндірумен болады. Үлкендер көбінесе бұйрықпен тапсырма береді және оның орындалуын күтеді. Және ол дер кезінде айтқандағыдай болып орындалуы керек. Әрі қарай ештеңе талқыланбайды. Мұндай отбасының балалары тұйық, жасқаншақ, үрейшіл, жалтақ болып келеді. Қыз балалардың белсенділігі төмен, жасөспірім кездегі әдет-қылықтарымен қалып қояды. Ұл балалар болса өз бетінше шешім қабылдай алмайды. Кей жағдайда ашушаң, ызақор, әсіресе жан-жағындағы талап қоятын адамдарға тісін қайрағыш болып өседі.
2. Либеральдық тәрбие. 
Бұл үйдегі ата-аналар балаларымен ашық әңгіме-дүкен құрады. Сосын әңгіменің тақырыбы мен балаларының өзіндік көзқарасына тым шектеу қоя бермейді. Балалар үй ішінде еркін жүреді. Баланың қалауына шекара қойылмағандықтан, бұл отбасының балалары тек қана өзінің айтқанымен жүретін, онша-мұнша ескертпелер мен айтқан бұйрықтарға құлақ аса қоймайтын, көпшілік арасында өзін салқынқанды ұстайтын болады. Бір жақсы жері, мұның арқасында бала кішкентайынан белсенді, өз бетінше шешім қабылдай алатын, жеке тұлға болып қалыптасады. Бірақ нағыз өзімшілдер.
3. Баланы жан-дүниесімен қабылдамай тәрбиелеу тәсілі. 
Өмірде мұндай ата-аналар да бар. Баласын ұнатпайтынын ашық та, іштей де білдіріп жүреді. Мысалы, ата-анасы қыз бала күтті делік, дүниеге ұл келді немесе керісінше ұл бол-са деп тілеген болатын, алайда қыз бала туылды. Әрине отбасында ата-анасы ол балаға қамқорлықпен қарайды, тамақтандырады, жаңа киімдерін сатып әпереді, бірақ әке-шешесімен арасында рухани байланыс орнай қоймайды. Мұндай жағдайда балалар ашушаң, ызақор, өкпешіл, шамшыл не болмаса именшек, тұйық болып өседі. Ержеткен соң да осындай мінезі бойында қалып қояды және өзіндік тұлға ретінде қалыптаса алмайды. Әсіресе, үлкендермен жақсы қарым-қатынас орнатуы қиын тиеді.
4.Индифферентті тәрбиелеу стилі. 
Ата-аналары баласы не істесе де бетінен қақпайды. Бұл балаға өзіндік таңдау берілді де¬ген сөз емес, түсінікті болу үшін айтсақ, әке-шешесінің баласымен шаруасы жоқ. Көбінде, жұмыстан қолдары босай бермейді, уақыттары жоқ, баладан басқа да проблемалармен басы шырмалып жүреді. Бұл да жоғарыда айтып өткен (баланы жан-дүниесімен қабылдамай тәрбиелеу) тәсіліндегі балалар секілді болады.
5.Гиперәлеуметтік тәрбиелеу стилі. 
Ата-аналар балаларына «идеал» мүлтіксіз тәрбие беруге тырысады. Бәрі өз орнымен әділ, тура болу керек, өтірік сөйлемейтін, өзгелерге қиянат жасамайтын, үлкендердің алды¬нан кесіп өтпейтін, сөздеріне құлақ асатын етіп өсіреді. Бұл шаңырақтың балалары тәртіпті, айтқанды бұлжытпай орындағыш, тілалғыш. Алайда олар ішкі ойлары мен сезімдерін, жан қалауларын сыртқа шығармай, іште сақтап қалуға мәжбүр. Нәтижесінде баланың өмірге көзқарасы ызалы, ашулы болып шығады.
6.Эгоорталық стильмен тәрбиелеу. 
Отбасында көптен күткен, жалғыз бала болса, ол ата-анасының өмірінің мәніне айналады және нағыз сүйікті баласы болып қалады. Оның айтқандары заң, қалауы орындалады. Соның салдарынан ондай бала айналасындағылардың өтініш-тілегімен санаспайды. Егер әлдекім тілегін орындамаса, орындаудан бас тартса, онда нағыз ашудың жарылысы болады. Мұндай бала кінәмшіл, шыдамсыз, долы.
7.Беделмен тәрбиелеу стилі. 
Балаға тәрбие беру ісінде ең тиімді және тұлға ретінде қалыптасып дамуына маңызды тәсіл. Яғни, мұндай үйдің балалары көзқарасы мен пікірлерін ашық білдіре алады, ата-анала¬ры да өз кезегінде балаларына сый-құрметпен қарайды. Қандай істе бірігіп кеңесе алады. Ба¬лалары өз проблемасын шешу үшін ата-анасымен ақылдасады. Үнемі әке-шешесінің игілігін, батасын алуға талпынады. Ата-аналары да балаларына үлгі бола біледі, айтқанын тыңдата алады.
Бұндай отбасының балалары өзіне сенімді, өзін қалай ұстауды біледі, өзіндік пікірі бар, мек¬тепте сабақ үлгерімі жақсы болып келеді және оларды айналасындағы достары, оқушылары мен ұстаздары жоғары бағалайды.
Ызасын жеңу үшін балаға қандай көмек беруге болады? 
Ең бастысы баланың бойындағы жиналып қалған ашу-ызасын жеңе білуге үйретуіңіз керек және бойындағы күшін жағымсыз нәрселерге емес, бейбіт мақсаттағы жұмыстарға жұмсауға бейімдеуіңіз керек. 
Бір күні бір мектепте бастауыш сынып оқушыларының тәртібі жөнінде мұғалімдер де, ата-аналарда бірдей шағымдана бастады.
Шынында, олар оқитын сынып бөлмесінде балаларды жәй бақылап отыру мүмкін емес еді. Ұлдар өздерімен, одан қалса қыз балалармен жұлқыласып, бір-біріне айқайлап, кітап пен сөмкемен ұрып, жағасынан алып төбелесетін. Мұғалімдер бұл сыныпты сыртынан агрессивті деп атап кетті. Ал, қалай сол сыныпта түрлі жарыстар мен ойындар, бас қатырғыш ойландыратын жұмыстар ұйымдастырыла бастады, солай балалардың тәртібі бірте-бірте жөнге келе бастаған. Тіпті, үзіліс кезінде де мұғалімдері жарыс өткізді. Әрқайсысының қолын бос қоймайды. Балалар бір-бірімен төбелеспек тұрмақ, сөйлесуге уақыттары болмады. Және араларындағы кикілжіңді қарым-қатынас осылай реттеле бастады.
Танымал чех психологы Зденек Матейчик: «Егер балада тебетін доп жоқ болса, онда ол қасындағы балаларды теуіп ойнайды» деген екен. Сондықтан, балаға бойындағы күшін сыртқа шығаруға дұрыс жағдай жасалу керек.
Есіңізде жүрсін!
Белсенді және ашулануға бейім, бір орнында шыдамсызданып тұра алмайтын, жеңіл, әрі тез қозғалатын балаға өзінің қабілетін, күшін көрсете алатын тап¬сырмалар бере білуіңіз керек. Мәселен, сіздің берген жұмысыңыз ылғи қозғалыстан тұратын болсын және міндетті түрде баланың қызығушылығын арттыратындай болса. Спорт секцияларына жазылуға, оқушылар арасындағы жарыстарға, спектакльдер не¬месе сахналық қойылымдарға ойнауға шақырыңыз.
Бұл жерде ересектердің жұмысы баланы дұрыс жаққа бағыттау, бойындағы ішкі иірімдерін, эмоцияларын сыртқа шығарып отыру. Бір балалар бар, өте қызба, шамданғыш. Олар мектеп¬те, бейтаныс ортадағы үлкендердің көзінше өзін тежеп ұстайды, бірақ үйге келгенде ашудан жарылуы мүмкін. Айқайлайды, үйдегі жандарға дөрекілік көрсетеді, үлкен-кіші бауырларымен төбелеседі. Осылай бойындағы ашу-ызасын шығару арқылы жеңілдеп қалады. Оның бұлай етуі өзіндегі болып жатқан оқиғаларға көңілі толмайды және бұған өзін кінәлі санайтындықтан. Осы қысымнан оның бойындағы ызасы одан сайын күшейе береді. Мұндай кезде баланың бойындағы стрессті алу үшін мына тәсілді қолданып көріңіз:
• Бала қалауынша бөлмеде жалғыз қалсын. Кімге ашуланды, кім ашуландырды, соның атын атап, айтқысы келген барлық сөздерін бүкпей айқайлап айтып шықсын. Болмаса параққа түсіріп жазсын.
• Егер өзін-өзі ұстай алмаса қолына жастық беріңіз, соны жұдырықтасын. Газетті жыртсын, доп тепсін, үйді айналып жүгірсін.
• Балаңызға мынадай кеңес беріңіз, ашу үстінде бірнәрсе деп сөйлемес бұрын не¬месе бір нәрсе істеп қоймас үшін терең тыныстап дем алу керек және онға дейін санасын.
• Бұл тынышталуға көмектеседі. Болмаса ән тыңдау керек немесе дауыстап ән айтқан жөн.
• Бала айналасындағылардың өзін басынуына жол бермеуін және «жоқ» деген сөзді айтып үйренуі керек. Сәтсіздіктерге әзілмен қарауды үйретіңіз.
• Балаға өзіңіз де үлгі бола біліңіз. Егер қатыгез фильмдерді көретін болсаңыз, балаңыз да көргісі келеді. Ит-мысықты ұрып қуатын болсаңыз, бала да соны қайталайды. Сол себепті өзіңіз бала алдындағы қылықтарыңызды бақылаңыз.

Ызасын жеңу үшін балаға қандай көмек беруге болады?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қызылорда облысында коронавирусқа қарсы вакцинацияның екінші кезеңінде 1261 педагог екпе салдырды, деп хабарлайды <a href="https://lenta.inform.kz/kz/kyzylordada-1-2-myn-mugalimge-koronaviruska-karsy-vakcina-salyndy_a3774786">ҚазАқпарат</a>.
Оның ішінде аудандық, қалалық білім бөлімдерінің басшылары, директорлар мен педагогтар бар.
Қатерлі індетке қарсы вакцина қабылдаған тұрғындар арасында облыстық Білім басқармасының басшысы Ақзира Қасымова да бар.
<blockquote>
 «Өзім де №3 қалалық емханада вакцина&nbsp;салдырдым.&nbsp;Дәрігерлер денсаулығымды бақылап, қан қысымымды өлшеді. Дене қызуымды тексеріп, екпе екті. Білім беру ұйымдарын аралап, педагогтармен қарым-қатынас орнатып, балалармен кездесетіндіктен, вакцина салдырудың маңызы зор және одан қорқудың қажеті жоқ. Сәт сайынғы статистика індеттің таралуы бәсеңси қоймағанын көрсетеді. Адам шығыны да аз емес. Өтпелі кезеңді өткеру, алқымнан алған індеттің жолын кесу және оның таралып кетуін неғұрлым азайту мақсатында біздің елде барлық шара қолданылуда. Білім саласында еңбек ететін ұстаздар қауымы үшін оның маңызы зор. Кемел келешектің кілті – балалардың денсаулығын сақтауға тиіспіз. Қазір біз мектепке келетін балалардың денсаулығына жете мән беріп, 5 сатыдан тұратын дезинфекциялық тексерудің толыққанды іске асуын қадағалауда ұстаудамыз», – дейді басқарма басшысы.
</blockquote>

Қызылордада 1,2 мың мұғалімге коронавирусқа қарсы вакцина салынды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Көрнекті мемлекет және қоғам қайраткері, 1960-86 жылдары Қазақстанды басқарған Дінмұхаммед Қонаев – ананы қатты құрметтеген адам болған екен. Тіпті, ақ жаулықты ананы сыйлағаны соншалық – оған имандай сенетін көрінеді. Оны басынан кешкен мына бір оқиғадан аңғарамыз.
Бірден Дінмұхаммед Қонаев жұмыс сапары Мойынқұмға барады. Ол кез – Мойынқұм қойшыларының дүркіреп тұрған заманы. Құмдағы шопандар жайында жазылған мақала мен очеркте шек болмады.
“Мойынқұмда ел жайлауы” деп басталатын әнді айтып, кеңестік дәуірдегі шопандардың шаттық жыр-сазын шырқамаған әнші қалмады. Бұл – даңқты Еңбек ері Жазылбек Қуанышбаевтың атамекені. Ұлы шопан егіздетіп төл алған қасиетті мекен.
Жетпісінші жылдары Мойынқұм өңірінде жаңа шаруашылық құрылып, жол салынып, шаруашылық ісі қатты қарқын алады. Содан сол шаруашылықты көріп, шопандармен таныспақ болып Дінмұхаммед Қонаев арнайы ұшақпен Алматыдан қарадүз далаға аттанады.
Шалғайдағы “шопандар елін” белгілі азамат, Жоғарғы Кеңес депутаты Айтбай Назарбеков басқарды. Яғни, бірінші хатшы осы кісі еді. Мойынқұмға келген Димекең шопандармен жүздесіп, қой-жайларын көріп, аудан басшыларынан көкейкесті мәселелерін сұрап, әңгіме-дүкен құрады. Басшыларға көңілі толған Димекең жүруге ыңғайланған кезде хатшы Назарбеков күллі топты қонаққа шақырады.
Ту жылқы сойылып, қазы-қарта асылып, неше түрлі тағам дайындалып, бірінші басшының үйінде “ақ түйенің қарны жарылған” екен. Димекең шұбат ішіп отырады. Ет қазаннан түсіп, қадірлі қонаққа бас тартылар алдында Димекеңнің дәрігері оны барып тексеруі тиіс екенін сездіреді. Дәрігер орнынан қозғалып, қазан басына баруға ыңғайлана бастайды. Сонда Димекең оны тоқтатып, үй иесіне қарап былай дейді:
<blockquote>
 “Жаңа үйге кірерде қазақтың он бала тапқан анасы алдымнан шықты. Ал енді сол ана пісірген асты әкеледі деп отырсыңдар. Ана берген ас қашанда адал”, – деп бата беріп, бастан дәм татқан екен.
</blockquote>
Бұдан біз басшы, елдің нөмір бірінші адамы бола тұра, анаға келгенде әрқашан сенім артқанын аңғарамыз.
<a href="https://massaget.kz/mangilik_el/tup_tamyir/asyil_soz/64630/">Massaget</a>

Дінмұхаммед Қонаев: Ана берген ас адал

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Өңірдегі қорда коронавирус инфекциясына қарсы дәрілік заттар жеткілікті. Мәселен антибиотиктердің 438 271 қорабы, вирусқа қарсы препараттың 12 828 және антикоагулянттардың 1630, ыстықты түсіретін 177 897 мың қорабы бар. Бұл туралы Өңірлік коммуникациялар қызметінің ақпарат алаңында өткен брифингте облыстық медициналық және фармацевтикалық бақылау департаменті басшысының орынбасары Ғалима Азирова мәлімдеді.
Сондай-ақ, аймақтағы 17 фармацевтикалық ұйымды дәрілік заттармен қамтамасыз ету мақсатында 281,2 млн. теңге көлемінде қаржы бөлінген. Бөлінген айналым қаражатына ыстықты түсіретін, антибиотиктер, вирусқа қарсы, иммуностимуляторлар, медициналық бұйымдар, инъекциялық және гормондық препараттар сатып алынды. Тағы да қосымша 1,2 млн. теңгені құрайтын дәрілік заттар әкелінетін болады.
<blockquote>
 «Биыл 6512 дәрілік зат атауына шекті баға бекітілді. Яғни вирусқа қарсы 230 дәріге нарықтан төмен шекті баға енгізілді. Дәрі-дәрмектерге мониторинг тұрақты жүргізілуде», – деді Ғалима Жақсылыққызы.
</blockquote>

Қызылордадағы эпидахуал: Дәрі-дәрмек қоры жеткілікті ме?

Kyzylorda-news.kz. Қазақстанда өткен тәулікте 1222 адам коронавирус індетінен емделіп шықты, деп хабарлайды coronavirus2020.kz.
Өңірлер бойынша: Нұр-Сұлтан қаласы – 186, Алматы қаласы – 428, Шымкент қаласы – 5, Ақмола облысы – 39, Ақтөбе облысы – 29, Алматы облысы – 80, Атырау облысы – 158, Шығыс Қазақстан облысы – 42, Батыс Қазақстан облысы – 81, Қарағанды облысы – 98, Қызылорда облысы – 15, Маңғыстау облысы – 7, Павлодар облысы – 23, Солтүстік Қазақстан облысы – 23, Түркістан облысы – 8.
Жалпы, пандемия басталғалы ел бойынша 269 519 адам коронавирус жұқтырса, соның 234 057-сі жазылып шықты.

Қызылордада коронавирустан 15 адам жазылып шықты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Алдағы күндері коронавирусқа қатысты жағдайдың тұрақталуы екіталай, ал вакцина әсері күзге жақын байқала бастайды, деп мәлімдеді денсаулық сақтау министрі Алексей Цой.
<blockquote>
 “Жағдайдың таяу күндері немесе тіпті бір айда өзгеретінін күтудің қажеті жоқ. Азаматтардың басым бөлігі 2-3 ай ішінде вакцина алғаннан кейін эпидемиологиялық жағдайдың саябырсығанын сезетін боламыз. Вакцинация, әрине, өз әсерін береді, бірақ бұл ұжымдық иммунитет пайда болған кезде, шамамен күзге жақын болады”, – деді Алексей Цой&nbsp;<a href="https://www.inform.kz/ru/my-ne-hotim-vozvraschat-sya-k-polnomu-lokdaunu-aleksey-coy_a3774610">“Қазақпарат”</a>&nbsp;агенттігіне берген сұхбатында.
</blockquote>
Денсаулық сақтау министрлігінің басшысы толық локдаунға, қалаларды жабу сияқты шараларға қайта жүгінгісі келмейтінін алға тартты.&nbsp;
<blockquote>
 “Қатаң шаралар әрқашан тиімді екені сөзсіз. Оларға оралсақ, жағдайды тезірек өзгерткен болар едік. Бірақ айтарлықтай зардап шеккен бизнестің және жалпы экономиканың мүдделерін ескере отырып, инфекцияның таралу тізбегін ішінара бұзуға мүмкіндік беретін тепе-теңдікті тапқандаймыз. Алайда, оның әсері толық локдауннан гөрі баяу сезілуде”, – деді министр.
</blockquote>
Ол вакцинация – вирустың таралуын тежеудің жалғыз әдісі екенін баса айтты.
Сондай-ақ ол вакциналаудың зияны туралы жалған мәліметтерге сенбеуге шақырды.
<blockquote>
 “Ресми мәліметтерге сәйкес, вакцина алғандардың 0,8%-де катаралды синдром, дене температурасының көтерілуі, ине салған жердің ауырсынуы тәрізді реакциялар байқалады. Бірақ келесі күні олардың ізі де қалмайды. Екпеге байланысты басқа реакция расталмады”, – деді Цой.
</blockquote>
Қазақстанда халықты жаппай вакциналау сәуір айында басталды. Бүгінгі күні 275 мың азамат вакцина алды.

Қазақстан және Қызылорда облысының жаңалықтары