<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бүгін адамзат баласының көк сеңгірге алғаш самғағанына тура 60 жыл толып отыр.
1961 жылдың 12 сәуірінде «Восток-1» кемесімен аспанға көтерілген Кеңес Одағының ғарышкері Юрий Гагарин «Байқоңыр» айлағынан жерді айнала ұшқан болатын. Жылына шамамен 15 шақты зымыран ұшырылатын айлақта эпидахуал тұрақты. Сондықтан мерейтой кеңінен атап өтіліп жатыр.
Байқоңырдағы мерекелік шаралар тізбегі 9 сәуірде «СОЮЗ МС-18» басқарылатын зымыранының ұшуымен басталды. Одан кейін жеңіл атлеттер мен велошабандоздар Гагариндік ұшу алаңынан қаланың орталық алаңына дейінгі 34 шақырымдық марафонды бағындырды. Жалпы қаладағы 31 спорт федерациясы да мерейтойға барынша атсалысып жатыр.
Бүгін жергілікті тұрғындар мен қала қонақтары Юрий Гагариннің 4 метрлік ескерткішіне жиналу үстінде. Өйткені ғарышкерлер күні дәстүр бойынша монументке гүл шоқтарын қоюдан басталады. Мерекелік шеру одан әрі алғаш ұшқан ғарыш кемесін құрастырған Сергей Королевтің ескерткішіне жылжиды. Бүгін жалпы Байқоңырдағы барлық кинотеатр, музей, сурет галереяларында 1955 жылы іргесі қаланған космодромның тарихы кеңінен таныстырылады.
Сондай-ақ оқушылар арасында гагариндік эстафета өтеді. Жалпы кешелі-бүгін өтіп жатқан волейбол, бильярд, жүзу жарыстарының жеңімпаздары кешке орталық алаңда өтетін мерекелік концерт барысында марапатталады. Жергілікті өнерпаздардың ән шашуы фейерверктер шеруіне ұласып, жұлдызды қалашық аспаны отшашумен көмкеріледі.
<a href="https://24.kz/kz/zha-aly-tar/o-am/item/467032-baj-o-yrda-aryshkerler-k-ni-ke-inen-atap-tilip-zhatyr">Хабар 24</a>

Байқоңырда Ғарышкерлер күні кеңінен аталып өтілуде

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Үкімет басшысы Асқар Мамин өңір әкімдеріне індеттің өршуіне байланысты жедел шектеу шараларын қабылдауды тапсырды, деп хабарлайды&nbsp;<a href="https://sputnik.kz/">Sputnik Қазақстан</a>.
Мамин пандемиямен байланысты жағдай күрделі екенін атап өтті. Қазірдің өзінде сегіз аймақ “қызыл аймаққа” кірді. Ауруханалардағы орындардың 41%-і, ал реанимациялық орындардың 27%-і науқастарға толды. Вирустың репродуктивтілік индексі – 1,15%.
<blockquote>
 “Осыған байланысты әкімдер жедел шектеу шараларын қабылдасын. Барлық емдеу мекемесі дәрі-дәрмек пен медициналық бұйымдардың қажетті көлемімен толығымен қамтамасыз етілуі керек. Өңірлерде санитарлық нормалар мен бетперде режимін сақтауды күшейту қажет”, – деді премьер-министр үкімет отырысында.
</blockquote>
Мамин сәуір, сондай-ақ мамыр мен маусым айларында, жоспар бойынша ай сайын 2 миллион адамды вакциналауды тапсырды. Ол үшін денсаулық сақтау министрлігі мен әкімдіктер қоғамдық орындарды, соның ішінде сауда орталықтарын пайдалана отырып, вакциналаудың қолжетімділігін қамтамасыз етуі тиіс.
Денсаулық сақтау министрлігі ақпарат министрлігімен және әкімдіктермен бірлесіп, халыққа вакциналаудың маңыздылығын түсіндіруді жалғастыруы қажет.

Асқар Мамин: Әкімдер жедел шектеу шараларын қабылдасын

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда гарнизонында көктемгі науқандағы мерзімді әскери қызметке шақыру аясында 700-ге жуық Сыр елінің жастары әскерге аттанады.
Әскери қызметке шақырылушыларды таңдау барысында денсаулығы мен алған мамандығы ескерілуде. Мерзімді әскери қызметке шақыру медициналық комиссиялар мен жергілікті атқарушы органдардың қатысуымен жүзеге асырылады. Денсаулығы мықты, дене бітімі шыныққан, сауаты жеткілікті, моральдік-іскерлік қабілеті жоғары азаматтар ҚР Қарулы Күштері қатарына, ҚР ҰҚК Шекара қызметінде, ҚР ІІМ Ұлттық ұланы мен ҚР төтенше жағдайлар министрлігіне қарасты бөлімдері және Мемлекеттік Күзет қызметінде борыштарын өтейтін болады.
<blockquote>
 «Барлық аудандық, қалалық шақыру және облыстық жиын пункті көктемгі мерзімді әскери шақыруға толық дайын. Азаматтарды әскери бөлімдерге жіберместен бұрын коронавирусқа қарсы зертханалық ПТР-тесті жүргізіледі. Әскери бөлімде жас сарбаздар екі апта карантинде болады. Онда психологиялық-әлеуметтік жағдайы анықталып, медициналық тексерулер жүргізіледі», – дейді Қызылорда облысы ҚІЖД мерзімді әскерге шақыру бөлімінің бастығы, майор Нұржан Мелдебеков.
</blockquote>
Көктемгі шақырылым кезеңі 1 шілдеде яғни, әскерге шақырылушылардың соңғы легі әскери бөлімге қызметке келген кезде аяқталады.
Сыр елінде соңғы жылдары Қарулы Күштердің, басқа да әскерлер мен әскери құралымдардың қатарын толықтыруға ниет білдірушілер саны артып келеді. Кәсібі, жоғары білімі бар азаматтар жақсы нәтижелер көрсету арқылы келісімшарт бойынша әскери қызметке орналаса алады.
Көктемгі әскерге шақыру науқаны ағымдағы жылдың 1 наурызында басталды.

Қызылордада 700-ге жуық азамат әскерге аттанды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда вакцинациялау кестесін нақты түрде сақтау керек. Бұл туралы Үкімет отырысында ҚР Премьер-Министрі Асқар Мамин мәлім етті, деп хабарлайды <a href="https://lenta.inform.kz/kz/prem-er-ministr-ay-sayyn-2-mln-adam-vakcinalansyn_a3775124">ҚазАқпарат</a>.
<blockquote>
 «Вакцинациялау графигі нақты сақталсын және сәуір айында, сондай-ақ мамыр мен маусым айларында, жоспар бойынша ай сайын 2 млн адамды вакцинациялау қамтамасыз етілсін. Сондықтан Денсаулық сақтау министрлігі мен әкімдіктерге қоғамдық орындарды, соның ішінде сауда орталықтарын пайдалана отырып, вакцинациялаудың қолжетімділігін қамтамасыз етуді тапсырамын», – деді А. Мамин.
</blockquote>
Сонымен қатар Денсаулық сақтау министрлігі Ақпарат министрлігімен және әкімдіктермен бірлесіп, халық үшін вакцианциялаудың маңыздылығы туралы түсіндіру жұмысын жүргізуді жалғастыруы керек.
<blockquote>
 «Қоғам тек санитарлық нормарларды сақтау және вакцинациялау ғана пандемияның таралуын тоқтатып, экономиканың өсуін қамтамасыз ете алатынын түсінуі керек», – деді Үкімет басшысы.
</blockquote>

Премьер-Министр: Ай сайын 2 млн адам вакциналансын

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Биыл, дәл бүгін адам баласының ғарышқа ұшқанына 60 жыл толды. Осы датаға орай елордадағы Ұлттық музейде дөңгелек үстел&nbsp;өткен болатын.&nbsp;Сол шара барысында «Қазақстан Ғарыш сапары» ұлттық компаниясы басқарма төрағасының кеңесшісі Ерғазы Нұрғалиев тәуелсіздіктің алғашқы жылдарында саладағы қиындықтар қалай еңсерілгенін баяндап берді, деп хабарлайды ҚазАқпарат.
Дөңгелек үстелге негізінен астана мектептерінің оқушылары шақырылған болатын. Жай кезде әскери тәртіппен жүріп-тұрып, регламенттен ауытқымай сөйлейтін ғарыш саласының өкілдері балалардың алдында ағынан жарылып әңгіме өрбітті. Солардың ішінде Ерғазы Мейірғалиұлы Нұрғалиевтің сөзін жас жеткіншектер ұйып тыңдады.
Қорқыттың сәуегейлігі
«Әңгіменің басында мен өзімнің Байқоңыр ғарыш кешенінде 30 жыл тұрып, жұмыс атқарғанымды айтып кеткім келеді. Осы балалар сияқты кезім, 1-класта оқып жүрген едік. Бір күні директор шақырып алды да, «Бүгін ғарышқа алғаш адам ұшты. Сондықтан сіздерді сабақтан ерте босатамыз» деп үйімізге жіберді. Сол күні қуанғаным әлі күнге дейін есімде. Ауылда тұратын едік. Жердің бәрі балшық, аяғымызда резеңке етігіміз бар. Үйге ерте қайтқанымызға мәзбіз. Бірақ жол бойы ойланып келе жаттық. Қайта-қайта аспанға қарап, Гагаринді көріп қалатын шығармыз деп үміттеніп жүрдік. Бала үміт деген қандай, көрдіңіз бе?
Содан бастап мен кішкене күнімнен аспанға әуес болдым. Ауылымыздың үстінен халықаралық әуе жолы өтетін. Ұшақтың дыбысы деген ерекше ғой. Ішіп отырған асымды тастап, сыртқа жүгіріп шығып, ұшақтардың соңынан қарайтынмын. Әлі күнге дейін сөйтемін. Ұшақ кетіп бара жатса, бәрін тастап соны көруге асығам.
Содан ержетіп, институт бітірдім. Алғашқы алған мамандығым – сәулетші. Алматыға жұмысқа кетем деп жиналып жүргем. Институтта әскери кафедраны оқығаным бар еді. Сол әскери кафедрада «Жерасты зымырандарының шахталарының құрылысы» деген екінші мамандық берген. Бітіріп жатқан жігіттердің бәрін шақырып алды. Ол тұста халықаралық жағдайлар шиелінісіп тұрған болатын. Бізді армияға алып кетті. Мен Байқоңырға 1978 жылдың 7 тамызында пойыздан келіп түсе қалдым. Оның не екенін ол кезде біз білмейміз. Өйткені істеліп жатқан жұмыстардың бәрі құпия болатын. Бірақ сол жерге келгеніме өкінбеймін. 2 жыл сонда әскери борышымды өтедім. Біраз қиындықтар көрдім. Бірақ сол қиындықтар мені шыңдады.
Жалпы Байқоңыр деген ерекше киелі жер. Ол жер тегін жер емес. Тоғызыншы ғасырда «Осы жер – жердің кіндігі» деп ұлы философ, музыкант, Қорқыт бабамыз тегін айтпаған екен. Жиырмасыншы ғасырдың 50-жылдарының аяғында Сергей Королев деген ұлы конструктор ғарыш кешеніне жер іздегенде осы жерді келіп таңдаған ғой. Солайша үлкен ғарыш кешені салынды.
Тоқыраудан құтқарған қадам
Бұл өткен ғасырдағы дүниежүзі бойынша ең ірі ғарыш кешені болатын. Жұмысы жағынан да, көлемі жағынан да, ұшырып жатқан зымырандар саны бойынша да теңдесі жоқ еді. Енді қазір ғылыми-техникалық прогресс қатты дамып жатыр. Бүгін осы ғарышты игеру жағынан 5-6 мемлекет көш бастап келе жатыр. Оның ішінде Ресей, Америка, Үндістан, Қытай, Жапония және тағы басқа мемлекеттер бар. Ал 1991 жылы Кеңес одағы тарады да, оған кіретін 15 мемлекеттің әрқайсысы өз алдына дербес мемлекет болып құрыла бастады. Сол кезде Байқоңыр ғарыш кешенінің жағдайы мүшкіл еді. Инфрақұылым қараусыз қалып, сол жерді бақылауда ұстап тұрған әскерилер Ресейдің армиясына қосылып жатқан. Тұңғыш Президентіміз, Елбасы Нұрсұлтан Назарбаев 1991 жылдың 12 қаңтарында ең алғаш Мәскеуден Байқоңырға ұшып келді. Келді де қаланың активін, әскери басшыларды жинап, сол жерде кеңес өткізді. Мен ол кезде сол Байқоңыр атқрау комитетінің бірінші орынбасары болатынмын. «Байқоңыр» ғарыш айлағын енді одақтас мемлекеттер бірігіп қолдану керек, тоқтатпайық, бар күшімізді салайық» деп жұмылдырып кетті. Сол 1991 жылдың 19 тамызында Байқоңыр ғарыш кешені Қазақстанның меншігі болып, Президенттің жарлығымен бекітілді. Нұрсұлтан Әбішұлы 1991 жылы Байқоңырға тағы 2 рет келді. 12 сәуір күні Байқоңыр ғарыш кешенінде осы кезге дейін теңдесі жоқ шоу өтті. Адам баласының ғарышқа ұшуына 30 жыл толуына арналды. Сол шоуды Президент алғаш келген кезде қазақстандық басшыларға тапсырған болатын. Тарихтан білесіздер, кейде экраннан да беріп жатады. Сол кезде әлемдегі ең алып «Мрия» деген ұшақ «Буран» деген ең алып ғарыш кемесін тиеп әуеде шоу көрсетті. Шараға 9 мемлекеттің Президенттері шақырылды. Ол кісінің оны істеп жүргендегі мақсаты – әлгі мемлекеттердің бәрін жұмылдырып, Байқоңыр ғарыш кешенін қалай да сақтап қалу. Сол еңбек зая кеткен жоқ. Байқоңыр ғарыш кешені содан бастап қайтадан тоқыраудан шыға бастады.
Үш жұлдыз
Сол жылы 2 қазан күні Елбасы Байқоңырға үшінші рет келді. Бұл жолы қазақтың тұңғыш ғарышкері Тоқтар Әубәкіровті ғарыш сарапына шығарып салу үшін келген еді. Осы кісінің тынбай істеген еңбегінің арқасында 3-4 жылдан кейін Байқоңырғарыш кешенін бірігіп пайдалану жөнінде Ресей мен Қазақстанның арасында халықаралық келісім жасалды. Сол келісімнің арқасында Байқоңыр ғарыш кешені бүгінгі қалпында сақталып, бүкіл дүниежүзінің ғарыш әлеміне өзінің қызметін жасап келе жатыр.
Қазақтың екінші ғарышкері Талғат Мұсабаев ғарышта үш мәрте болды. Бірінші рет 1994 жылы борт инженері болып ұшты. Борт инженер деген сол ғарыш кемесінің бүкіл халықаралы ғарыш кешенінің жұмысын қадағалап отыратын маман. Екінші рет 1998 жылы, үшінші рет 2001 жылы ол кісі ғарыш кемесінің командирі болып ұшты. Бұл кісі қазір қазақтың ішінен ғарыш кемесінің командирі болып ұшқан жалғыз қазақ. Сонымен бірге үш сапарында 341 тәулік ғарышта уақыт өткізіп, 5 рет ғарыш кеңістігіне шығып, жұмыс істеді. Үшінші ғарышкер Айдын Айымбетов – «Қазақстан Ғарыш сапарының» бірінші ғарышкері. Ол кісі 2015 жылы ғарышқа борт инженері болып аттанды. Міне сіздердің үш бірдей ағаларыңыз ғарышты игеруге осындай еңбек сіңірген.
Қазір Айдын Айымбетов біздің «Қазақстан Ғарыш сапары» деген ұлттық копанияның басқарма төрағасының орынбасары болып қызмет істеп жатыр. Ал осы Қазақстан ғарыш кемелері кәсіпорындарын құрылуына да Елбасы Нұрсұлтан Назарбаевтың сіңірген еңбегі өте зор. Өйткені сол 1994 жылы ғарышқа Талғат Мұсабаев ұшар кезде оған елге қайтып, қызмет ету туралы ұсыныс айтқан болатын.
«Қазақстанға келіп, Ресеймен бірлескен «Бәйтерек» деген үлкен зымыран тасығыш жасағалы жатырмыз. Соны салуға өзің басшы болы» деп шақырды. 2004 жылы Талғат Мұсабаев Ресеймен біріккен кәсіпорынның басшысы болып, елге оралды. Ресейде ғарышкерлер дайындайтын оқу орнының директорының орынбасары болатын. Сол қызметті тастап, Қазақстанға келді. Осылайша «Бәйтерек» кәсіпорнының жұмысын түгел жолға қойып, сондағы жұмыстарды ыңғайластырғаннан кейін ол кісіні Елбасы Ұлттық ғарыш агенттігін құруға, сол жерге төраға болуға шақырды.
Ғарышта екі көз, екі құлағымыз бар
Бұл 2007 жыл болатын. Аталмыш агенттік 2007-2014 жылдары жұмыс істеді. Сол кезде ірі-ірі жұмыстар жасалып, Қазақстанда ғарыштың әр түрлі бағытымен айналсатын 6 кәсіпорын құрылды. Ол кәсіпорындарға қосымша кәсіпорындар құрылып, бүгін олардың саны 10-нан асты. Соның ішінде ұлттық компания мәртебесін алып отырған «Қазақстан Ғарыш сапары» да бар.
Біздің өз арамызда мынадай термин бар. «Ғарышта қазақтың екі құлағы мен екі көзі бар». Екі құлағы дегеніміз – KazSat-1 және KazSat-2 деген байланыс аппараттары. Олар қазақстанға ғарыштық байланыс береді. Сондықтан да біз оны қазақтың ғарыштағы құлағы дейміз. Ал көзі деп отырғанымыз – «Қазақстан Ғарыш сапары» компаниясы жасап ұшырған, бүгін елге қызмет көрсетіп отырған KazEOSat-1 және KazEOSat аппараттары. Өйткені олар бәрін жоғарыдан көріп, керек жерде түсірілім жасап, ел экономикасына да, ғылымына да қызмет етіп жатыр.
Дүниежүзінде 15-20 мемлекет осы ғарыш қызметімен айналысып жатыр десек, Қазақстанның солардың ішінен алғашқы ондықа кіретін толық құқығы бар. Өйткені Қазақстанда өзінің ғарыш аппарттары бар, ғарыштық байланыспен, ғарыштық навигациямен айналысып отыр, жерді ғарыштан зерттеп, ғарыштық ғылымды жолға қойған және зымыран жасау технологиясын меңгеруге кірісіп кетті. Сонымен бірге, «Қазақстан Ғарыш сапары» ұлттық компаниясы Францияның алдыңғы қатарлы кәсіпорнымен бірігіп «Ғалам» деген кәсіпорын құрды. Сол «Ғаламның» ішінде ғарыш аппараттарын жасауды жобалайтын, сол аппараттарды жасап және әр түрлі зерттеулерін жүргізетін мамандар дайындап отыр. Осы «Ғаламның» қызметкерлері ағылшындық кәсіпорынмен бірлесіп бесінші ғарыш аппаратын өз қолдарымен жасап шығарды. Ол аппарат қазір ғарышта ұшып жүр. Сол аппараттың тетіктерін зерттеп, Қазақстан өзінің өндірісінде қолдана алады. Міне Қазақстан ғарыштық державалардың қатарына өстіп кіріп отыр. Оның бәрі 1991 жылдан бері жасалып келе жатқан тынымсыз еңбектің арқасында мүмкін болды.
Болашақта ғарышқа мамандар дайындалады. Өйткені қазір біз қазақстандық ірі оғары оқу орындарында кафедралар ашуға көмек беріп отырмыз».

Бүгін &#8211; адам баласының ғарышқа ұшқанына 60 жыл толды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 11 сәуірде&nbsp;Сауд Арабиясының Жоғарғы Соты бұл күні ешкім жаңа айдың туғанын көре алмағандықтан&nbsp;Парсы шығанағы елдерінде қасиетті Рамазан айы дүйсенбіде басталмайтынын мәлімдеді,&nbsp;деп хабарлайды&nbsp;<a href="https://stan.kz/">Stan.kz</a>.
<blockquote>
 “Жаңа жарты айдың пайда болуын байқай алмауына байланысты сот Рамазан айының басталуы туралы шешім қабылдау үшін ертең кешке жиналады”, – делінген сот хабарламасында.
</blockquote>
Сауд Арабиясының бұл мәселедегі пікірін көптеген басқа араб елдері ұстанады, дегенмен олардың әрқайсысы өз астрономдары мен теологтарының куәліктеріне сүйенеді.
<blockquote>
 “Шаабан айының 29-шы&nbsp; күні жаңа айдың аспанда пайда болуын бақылау жөніндегі комитеттің оның тууына куә болу туралы үндеуіне ешкім жауап бермеді, сондықтан комитеттің жұмысы дүйсенбіде жалғасады және ертең өз пікірін айтады”, – деді&nbsp;Катардың&nbsp;вакуфтар және ислам істері министрлігі.
</blockquote>
Сонымен қатар дүйсенбіде Египет, Ирак, Тунис, Ливан, Кувейт, Йемен, Оман, Біріккен Араб Әмірліктерінде де ораза айы басталмайды.
Егер бұл елдерде айдың пайда болуы дүйсенбіде көрінбесе, Рамазан көптеген араб елдерінде сейсенбіде Шаабанның айы аяқталғаннан кейін басталуы мүмкін. Дегенмен кейбір елдерде, соның ішінде Сауд Арабиясында, Шаабан айының басталған күніне күмән бар, ол кезде жаңа ай шаңды ауа-райына байланысты көрінбеген, сондықтан Рамазан сәрсенбіде де келуі мүмкін.
Биыл Парсы шығанағы елдерінде, былтырғыдай, Рамазан коронавирус пандемиясы&nbsp;жағдайында қатаң шектеулер жағдайында өтеді. Кувейтте, Оманда кештен бастап келесі күннің таңына дейін коменданттық сағат енгізілді, Катарда Рамазан айының алдында дүкендер мен дәріханалардан басқа барлық мекемелер жабылды, саябақтарда, жағалауларда және жағажайларда спортпен шұғылдануға тыйым салынады.
Сондай-ақ Рамазан айында дәстүрлі тарауық намазын мешіттерде емес, үйде оқиды.&nbsp;Парсы шығанағының барлық елдерінде дәстүрлі Рамазан шатырлары алынып тасталды,&nbsp;ифтар мен сухурға баруға тыйым салынады.

Бірнеше елде Рамазанның басталуы кейінге қалдырылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысының әкімі Гүлшара Әбдіқалықова Сыр халқын бірнеше мерекемен құттықтады.
Қадірлі жерлестер!
Бүгін – бірнеше атаулы мерекенің басы тоғысқан күн.
Алдымен айтсақ, бүгін – бүкіл адамзат баласының сан мыңдаған жылдар жұлдыздар әлеміне қадам бассам деген арманы орындалған күн!
Осыдан алпыс жыл бұрын қазақ жерінде, қасиетті Сыр елінде орналасқан «Байқоңыр» ғарыш айлағынан 1961 жылдың 12 сәуірінде кеңес ғарышкері Юрий Гагарин «Восток-1» кораблімен алғаш рет жер орбитасын 108 минут айналып ұшты. Осы оқиғадан соң ғылыми-техникалық революцияға ерекше серпін беріліп, спутник арқылы экономиканың түрлі салаларында, метеорологияда бақылау, бағдарлау секілді заманауи игіліктерге жол ашыла бастады. Қазіргі таңда заманауи интернет, телефон желісі, цифрлық дәуірдің дамуына тұғыр болып саналуда.
Авиация және космонавтика күніне халықаралық мәртебе 1968 жылы Халықаралық авиация федерациясының конференциясында берілді. 2011 жылы БҰҰ Бас Ассамблеясының арнайы пленарлық отырысында ғарыш кеңістігін игеру ісіндегі алғашқы қадамға 50 жыл толуына орай арнайы қарар қабылданып, Адамның ғарышқа ұшуының халықаралық күні деген атау қосылды.
Біз адамзат баласы алғаш рет ғарыштық кеңістікке біздің жерімізден аттанды деп бір мақтансақ, осыдан отыз жыл бұрын алғашқы ғарышкер қазақ ұшты деп екі есе мақтанышпен айтамыз. Ұлт мақтаныштары Тоқтар Әубәкіров, Талғат Мусабаев, Айдын Айымбетовтер салған ғарыш жолын жалғастыратын қазақ баласы әлі талай шығады деп сенемін!
Сонымен бірге, 12 сәуір – Ғылым қызметкерлерінің күні.
Соңғы жылдары елімізде ғылым саласында айтарлықтай өзгерістер жасалуда. «Ғылым туралы» заң қабылданып, ғылымды басқарудың жаңа үлгісі мен қаржыландырудың жаңа тетіктері жұмыс істей бастады.
Әлемдік ақпараттық ресурстар мен ғылыми басылымдар қолжетімді болып, ғылыми-техникалық сараптаманың халықаралық жүйесі енгізілді, ғылым мен білімнің, өндірістің интеграциясы қарқынды дамып келеді.
Қазақстанның ғылыми әлеуеті қашанда жоғары екені белгілі. Ғылым саласында біртұтас мектептің негізін салып, ғылыми жетістіктерге қол жеткізген ғалымдарымыз көптеп саналады.
Өзгесін айтпағанда, Сыр еліндегі жергілікті жоғары оқу орындары – Қорқыт Ата атындағы Қызылорда, «Болашақ» университеттерінің, Ы.Жақаев атындағы қазақ күріш шаруашылығы ғылыми институтының ғалымдары Қызылорда облысын кешенді дамытуға елеулі үлес қосуда.
Қазақстан ғылымын дамытуға зор үлес қосып отырған ғалымдарымызды Ғылыми қызметкерлердің кәсіби мерекесі күнімен шын жүректен құттықтай отырып, еңбектеріне зор ғылыми табыс, шаңырақтарына шаттық, бақ-береке тілеймін!
Бұл күні Қазақстан геологтары ғылыми мектебінің негізін қалаушы, қазақстандық металлогения ғылымының негізін салушы, геология-минерология ғылымдарының докторы, профессор, Қазақстан Ғылым академиясын ұйымдастырушылардың бірі әрі президенті, КСРО және Қазақстан Ғылым академияларының академигі, Тәжікстан Ғылым академиясының құрметті мүшесі, қоғам қайраткері, КСРО Мемлекеттік және Лениндік сыйлықтарының лауреаты Қаныш Имантайұлы Сәтбаев дүниеге келген.
Сәтбаев – геологиядан басқа да ғылым салаларында, мәдениет пен тарихта із қалдырған ғалым. Қазақстанның қала, ауылдарында Сәтбаев есімімен аталатын жүздеген көше, 40-тан астам мектеп және ғалымның көптеген ескерткіштері бар. Оның есімі Қазақстан Ғылым академиясының Геология ғылымдары институтына, бір қала мен ғаламшарға, еліміздің ең ірі техникалық оқу орны Қазақ ұлттық техникалық университетіне берілген.
Сәтбаевтың құрметіне Жоңғар (Жетісу) Алатауы жотасындағы мұздық пен шың, Қаратаудағы ваннадий кен орнынан табылған «Сәтбаевит» минералы, «Академик Сәтбаев» гладиолиус гүлі аталған.

Гүлшара Әбдіқалықова қызылордалықтарды мерекемен құттықтады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда өткен тәулікте 2290 адамнан коронавирус індеті ПТР арқылы расталды, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 398 
Алматы қаласы – 610 
Шымкент қаласы – 53 
Ақмола облысы – 108 
Ақтөбе облысы – 105 
Алматы облысы – 283 
Атырау облысы – 110 
Шығыс Қазақстан облысы – 33 
Жамбыл облысы – 53 
Батыс Қазақстан облысы – 118 
Қарағанды облысы – 205 
Қостанай облысы – 31 
Қызылорда облысы – 35 
Маңғыстау облысы – 37 
Павлодар облысы – 48 
Солтүстік Қазақстан облысы – 36 
Түркістан облысы – 27 
Жалпы ел бойынша ауырғандар саны 271809.

COVID-19: Қызылордада бір тәулікте 35 адам жұқтырды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қазгидромет 12 cәуірге арналған ауа райы болжамын ұсынады.
Республиканың басым бөлігіне жоғарғы қысым аумағы ықпал етуіне байланысты, жауын-шашынсыз ауа райы сақталады.
Тек республиканың оңтүстігінде, оңтүстік-шығысында фронталды бөлімдердің өтуіне байланысты кей жерлерде жауын-шашын күтіледі. Кей жерлерде тұман, желдің күшеюі, оңтүстік, оңтүстік-батыста найзағай, шаңды дауыл болады, оңтүстікте бұршақ күтіледі.
Қызылорда облысында таңертең және күндіз найзағай күтіледі, жел шаңды дауылмен 15-20 м/с күшейеді.

12 сәуірге арналған ауа райы болжамы

<h4 id="kyzylordanewskz30">Kyzylorda-news.kz. Бағдарлама бойынша тұрғын үйдің ең жоғарғы құны – 30 млн теңге.</h4>
Жаңа бағдарлама несиені 15% бастапқы жарнамен немесе депозитке салым салмай-ақ рәсімдеуге мүмкіндік береді. Бағдарлама бойынша несие&nbsp; мөлшерлемесі 12% және алдағы уақытта, яғни тұрғын үй заемына аусқан кезде несие мөлшерлемесі 3,5%-ға дейін төмендейтін болады. Бағдарлама бойынша тұрғын үйдің ең жоғарғы құны – 30 млн теңгеге дейін. Бағдарламаға қатысу үшін отбасының жалпы табысы 320 мың теңгеден аспауы тиіс. 
“Ұмай” әйелдер ипотекасы бойынша қаражатты тұрғын үйді алғашқы немесе қайталама нарықтан сатып алуға да, жылжымайтын мүлікті жөндеуге де пайдалануға болады. 
Жөндеу жұмыстарына 3 700 000 теңгеге дейін алуға болады. Шарт бойынша клиент жөндеу жүргізілетін тұрғын үйдің меншік иесі немесе бірнеше меншіктерінің бірі болуы тиіс. Несие рәсімдеушінің атында баспана бар-жоғы тексерілмейді. 
Егер клиенттің табысы жеткіліксіз болса онда кез келген 1 немесе 2 адамды қоса қарыз алушы ретінде шақыруына болады. Ал несиенің ең ұзақ мерзімі – 25 жыл.
Informburo

Отбасы банк &#8220;Ұмай&#8221; әйелдер ипотекасын 12 сәуірден бастап іске қосады

Kyzylorda-news.kz. Қызылорда облысында 23 наурыздан бері хабарсыз кеткен 54 жастағы азаматқа іздеу жарияланды. Бұл жөнінде Қызылорда облыстық Полиция департаменті криминалдық полиция басқармасынан мәлім етті.
1966 жылы дүниеге келген Бектұрғанов Тұяқбай Укатшаұлы биылғы жылдың 23 наурызында үйінен жұмыс іздеу мақсатында белгісіз бағытқа шығып кеткен. Содан бері хабарсыз кетіп, үйіне қайта оралмаған.
«Осыған байланысты Қызылорда облысының полиция департаменті іздеу салады.
Жоғалған азаматтың белгілері – бойы 1,60-1,65 см, арық денелі, шашы қысқа қоңыр түсті, көзі қоңыр түсті, іш тұсында отадан қалған тыртығы бар. Ол қара түсті бас киім, қанық көк түсті куртка, қоңыр түсті жағалы жемпір, қара түсті джинсы шалбар, аяғына қара түсті кроссовка киген. Қандай да бір ақпарат немесе жүрген жері туралы мәлімет білген жағдайда 8(7242)-29-70-10, 8(7242)-29-75-20, 8(7242)-29-75-02, 8-705-255-81-25 немесе 102 телефон нөмірлеріне хабар берулеріңізді сұраймыз», – деп мәлім етті Қызылорда облыстық полиция департаментінен.

Қызылордада 54 жастағы азаматқа іздеу жарияланды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Реттелген күн тәртібі баланың оқу үлгеріміне ғана емес, денсаулығына да оң әсер етеді. Сол себепті күн тәртібін жүйелеу, сақтау өте маңызды. Назарларыңызға&nbsp;мектепке баратын балаларға және барлық мектеп оқушыларына пайдалы бес кеңесті ұсынамыз.
Баланың өмірдің жаңа ырғағына үйренуіне, сабақ пен демалысты дұрыс үйлестіруіне бірнеше фактор әсер етеді. Олар: жүйеленген ұйқы, дұрыс тамақтану және уақытылы серуендеу. Ал сабақ үлгеріміне ерте басталған алдын ала дайындықтар көмектеспек.
<h4 id="">Оқушы қанша сағат ұйықтауы керек?</h4>
Оқушының жас ерекшелігіне қарай ұйқы нормасы әртүрлі болады. ҚР Денсаулық сақтау министрлігінің мәліметінше, оқушылар үшін түнгі ұйқының шамаланған нормасы төмендегідей болуы керек:
1-4-сыныпта
10-10,5 сағат
4-7-сыныпта
9,5-10 сағат
8-9-сыныпта
9-9,5 сағат
10-11-сыныпта
8-9-сағат
Бұған қоса, 1-сынып оқушылары күндіз 2 сағатқа дейін ұйықтап алғаны жөн. Емтихан, бақылау жұмысы немесе басқа да ақыл-ой еңбегін ерекше талап ететін кезеңде әдеттегі ұйқы уақытын (кемінде 1 сағатқа) ұзартқан пайдалы.
<blockquote>
 Сонымен қатар&nbsp;ата-аналар мынаны ескеруі тиіс:&nbsp;2-2,5 сағатқа ерте оянып, ұйқысы қанбайтын балалардың сабақтағы еңбек белсенділігі 30%-ға төмендейді. Сол себепті ұйқының қанық болуына ерекше көңіл бөлу керек.
</blockquote>
<h4 id="-1">Дұрыс тамақтану оқу үлгеріміне әсер етеді</h4>
Әр баланың ағзасы әртүрлі болса да, оның дұрыс өсуі мен дамуы үшін тамақтану рационына мыналар енгізілуі тиіс: сүт өнімдері, ет, балық, жұмыртқа, жарма және макарон өнімдері, көкөніс, жаңа піскен жеміс, табиғи шырын, жаңғақ, құрғақ жеміс, бал.
<blockquote>
 Тұрақты тамақтану баланың дамуына, эмоциялық және физикалық тұрғыдан мықты болуына тікелей әсер етеді. Әсіресе, емтихан кезінде оқушының тамақтану режиміне ерекше назар аударыңыз. Бұл кезеңде ас мәзіріндегі тамақ түрінің қайланбағаны дұрыс.
</blockquote>
<h4 id="-2">Бала мектеп асханасынан тамақтанғысы келмесе, не істеу керек?</h4>
Оқушы мектеп асханасында тамақтанбаса немесе тамақ ішкісі келмесе, не істеу керек? Бұның бір ғана жолы бар: бала тамақты өзімен бірге алып келуі керек. Үйде дайындалған екінші таңғы ас және түскі ас бутерброд тәрізді “құрғақ тағам” болмағаны дұрыс.
<h4 id="-3">Оқушы қанша уақыт серуендеуі керек?</h4>
Белсенді қозғалу, таза ауада серуендеу мидың жақсы жұмыс істеуіне көмектеседі. Кіші жастағы балалар кемінде 3-3,5 сағат серуендеп, дене қозғалысын талап ететін ойындар ойнағаны дұрыс. Ал жоғары сынып оқушыларының таза ауада 2,5 сағаттан кем емес уақыт тыныққаны жөн.
<a href="https://baribar.kz/153050/ubt-2021-tulekter-qaj-pandi-tanhdap-qandaj-mamandyqqa-tuse-alady/">Baribar</a>

Қазақстан және Қызылорда облысының жаңалықтары

Байқоңырда Ғарышкерлер күні кеңінен аталып өтілуде

Асқар Мамин: Әкімдер жедел шектеу шараларын қабылдасын

Қызылордада 700-ге жуық азамат әскерге аттанды

Премьер-Министр: Ай сайын 2 млн адам вакциналансын

Бүгін – адам баласының ғарышқа ұшқанына 60 жыл толды

Бірнеше елде Рамазанның басталуы кейінге қалдырылды

Гүлшара Әбдіқалықова қызылордалықтарды мерекемен құттықтады

COVID-19: Қызылордада бір тәулікте 35 адам жұқтырды

12 сәуірге арналған ауа райы болжамы

Отбасы банк “Ұмай” әйелдер ипотекасын 12 сәуірден бастап іске қосады

Қызылордада 54 жастағы азаматқа іздеу жарияланды

Бірінші сыныпқа баратын балалардың ата-анасына бес кеңес

Қазақстан және Қызылорда облысының жаңалықтары

Байқоңырда Ғарышкерлер күні кеңінен аталып өтілуде

Асқар Мамин: Әкімдер жедел шектеу шараларын қабылдасын

Қызылордада 700-ге жуық азамат әскерге аттанды

Премьер-Министр: Ай сайын 2 млн адам вакциналансын

Бүгін &#8211; адам баласының ғарышқа ұшқанына 60 жыл толды

Бірнеше елде Рамазанның басталуы кейінге қалдырылды

Гүлшара Әбдіқалықова қызылордалықтарды мерекемен құттықтады

COVID-19: Қызылордада бір тәулікте 35 адам жұқтырды

12 сәуірге арналған ауа райы болжамы

Отбасы банк &#8220;Ұмай&#8221; әйелдер ипотекасын 12 сәуірден бастап іске қосады

Қызылордада 54 жастағы азаматқа іздеу жарияланды

Бірінші сыныпқа баратын балалардың ата-анасына бес кеңес

Бүгін – адам баласының ғарышқа ұшқанына 60 жыл толды

Отбасы банк “Ұмай” әйелдер ипотекасын 12 сәуірден бастап іске қосады