Kyzylorda-news.kz. Өткен тәулікте Қазақстанда 2842 адамда коронавирус ПТР-талдау арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 41079 (+709),
Нұр-Сұлтан қаласында – 35592 (+591),
Шығыс Қазақстан облысында – 23319 (+60),
Павлодар облысында – 19475 (+42),
Атырау облысында – 19872 (+131),
Қарағанды облысында – 19096 (+210),
Ақмола облысында – 16100 (+103),
Батыс Қазақстан облысында – 16267 (+127),
Алматы облысында – 16589 (+355),
Қостанай облысында – 14161 (+33),
Солтүстік Қазақстан облысында – 13323 (+46),
Шымкент қаласында -7557 (+88),
Жамбыл облысында – 6739 (+49),
Ақтөбе облысында – 6604 (+202),
Түркістан облысында – 4685 (+24),
Маңғыстау облысында – 4689 (+30),
Қызылорда облысында – 4372 (+42).
Жалпы, пандемия басталғалы ел бойынша ауырғандар саны – 269 519.

Қызылордада 42 адам коронавирус жұқтырған

Kyzylorda-news.kz. Қызылорда қаласында екі күн бұрын жоғалған жасөспірім қыз аман-есен табылды.
17 жастағы жасөспірім қыз 8 сәуір күні жұмыстан белгісіз бағытқа шығып, қайта оралмағанын бұған дейін жазған едік. Оған қатысты іздестіру іс-шаралары жүргізілген болатын.
<blockquote>
 «Нәтижесінде 10 сәуір күні полицейлер қалада орналасқан көппәтерлі үйлердің бірінің ауласында жасөспірім қыздың жүргенін анықтады. Ол ата-анасына жеткізілді. Кәмелет жасына толмаған қыздың денсаулығына ешқандай қауіп-қатер төніп тұрған жоқ», – деп мәлім етті Қызылорда қалалық полиция басқармасынан.
</blockquote>
<a href="https://www.inform.kz/kz/kyzylordada-eki-kun-buryn-zhogalgan-kyz-tabyldy_a3774876">ҚазАқпарат</a>

Қызылордада екі күн бұрын жоғалған қыз табылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазгидромет 11 сәуірге ауа райы болжамын жариялады.
Республиканың басым бөлігіне антициклон ықпалынан күн ашық болады. Тек оңтүстікте, шығыста және орталықта құбылмалы ауа райы сақталып, кей жерде жауын-шашын (жаңбыр, қар) жауады.
<blockquote>
 “Кей жерде тұман, найзағай, бұршақ күтіледі, жел күшейіп, оңтүстікте және оңтүстік-батыста шаңды дауыл тұрады”, – дейді синоптиктер.
</blockquote>
Түркістан облысында кей жерде найзағай ойнап, бұршақ жауады, шаңды дауыл тұрады. Желдің екпіні 23 м/с-ке жетеді.
Жамбыл облысында кей жерде тұман түсіп, күндіз найзағай ойнайды, кей жерде жел 15-20 м/с-ке дейін күшейеді.
Ақмола облысында кей жерде тұман түсіп, түнде және таңертең желдің күші 15-20 м/с-ке дейін жетеді.
Қызылорда, Маңғыстау, Атырау, Батыс Қазақстан облыстарында кей жерде желдің күші 15-20 м/с болады деп болжанып отыр. Қызылорда, Маңғыстау, Атырау облыстарында шаңды дауыл тұруы ықтимал.
Солтүстік Қазақстан, Павлодар, Қарағанды, Шығыс Қазақстан облыстарында кей жерде тұман түсіп, жел 15-20 м/с-ке дейін күшейеді.
Қарағанды облысында желдің екпіні 25 м/с-ке дейін жетеді. Қостанай облысында кей жерде тұман түседі деп болжады мамандар.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; ҰҚК ШҚ Қызылорда облысы бойынша департаментінің шекарашылары мемлекеттік шекараны заңсыз бұзып өтпекші болған бірнеше азаматтың іс-әрекеттеріне дер кезінде тосқауыл қойып, заңсыз көші-қон арнасын анықтады.
“Тұщықұдық” шекара бөлімшесінің әскери қызметшілерімен мемлекеттік шекара маңайында «Газ-66» автокөлігімен мемлекеттік шекара режимін бұзғаны үшін төрт азамат ұсталды.
Олардың екеуі отандастарымыз, ал қалған екеуі Өзбекстан Республикасының азаматтары екендігі анықталды.
Сондай-ақ&nbsp;&nbsp; қандастарымыз өзбек азаматтарын заңсыз ақша арқылы өткізбекші болған. Оған қоса автокөліктерін тексеру нәтижесінде контарабандалық жолмен пайда табу мақсатында жеткізбекші болған қосалқы бөлшектер мен әртүрлі халық тұтынуға арналған тауарлар табылды.
Факт бойынша заңсыз көші-қонды ұйымдастыру және Қазақстан Республикасының мемлекеттік шекарасын қасақана заңсыз кесіп өту бойынша қылмыстық іс қозғалып, құзырлы органдармен тергеу жұмыстары жүргізілуде.

Қызылорда: Шекарадан заңсыз өтпек болған Өзбекстан азаматтары ұсталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстандық дәрігерлер ораза кезінде коронавирусқа қарсы вакцина салдыруға болатынын, алайда дәрігердің айтқанына құлақ асу қажеттігін мәлімдеді, деп хабарлайды Sputnik Қазақстан. &nbsp;&nbsp;&nbsp;&nbsp;
Қарағанды медициналық университетінің клиникалық жұмыстар жөніндегі проректоры, денсаулық сақтау министрлігінің штаттан тыс инфекционисі Бақыт Көшерованың айтуынша, ауыз бекіткен адам вакцина салуға шешім қабылдаса, бірнеше маңызды мәселені ескеруі керек. Ораза кезінде адам тамақ ішпейді, сол кезде ағзаға салмақ түседі. Ал вакцинадан кейін ағзаға түсетін салмақ екі есеге көбейеді.&nbsp;&nbsp;&nbsp;
<blockquote>
 “Сондықтан адам өзі шешім қабылдауы керек. Ораза ұстап жүріп, вакцина қабылдай ма? Жоқ, әлде алдымен вакцина алып, артынан Оразаны жалғастыра ма? Оған рұқсат бар. Оны өзі шешуі керек”, – деді Көшерова орталық коммуникациялар қызметінде өткен онлайн брифингте.
</blockquote>
Ал санитарлық-эпидемиологиялық сараптама және мониторинг ғылыми-практикалық орталығы директорының орынбасары Манар Смағұл айтуынша, вакциналау кезінде оразаға қатысты ешқандай шектеу жоқ.
<blockquote>
 “Мүфтияттың өзі ораза кезінде вакцина салуға болады дейді. Сондықтан вакциналау кезінде оразаға қатысты ешқандай шектеу жоқ. Барлығына бірдей кеңес береміз. Сақтық шараларын сақтаңыздар. Ал вакцина саламын десеңіз, дәрігердің айтқанына құлақ асу қажет “, – деп атап өтті Смағұл.
</blockquote>
Айта кетейік, бұған дейін Қазақстан мұсылмандары діни басқармасы ораза кезінде вакцина салдыру мәселесін&nbsp;<a href="https://sputnik.kz/society/20210316/16552418/vaktsina-oraza.html">түсіндірген</a>&nbsp;болатын.

Ораза кезінде вакцина салдыруға бола ма – дәрігерлер кеңес берді

Kyzylorda-news.kz. Жалағаш кентінде “Көшпелі керуен” қайырымдылық шарасы өткізілді.
Шараға Қазақстан Мұсылмандары Діни басқармасының төрағасы, Бас мүфти Наурызбай қажы Тағанұлы, аудан әкімі Асылбек Шаменов қатысты.
Шарада баспанаға мұқтаж, жалғызбасты, көпбалалы, мүмкіндігі шектеулі бала тәрбиелеп отырған аналарға жергілікті кәсіпкерлердің демеушілігімен 3 баспананың кілті табысталды. Сонымен қатар 10 отбасыға 30000 теңге көлемінде қаржылай сертификат, 100 отбасыға азық-түлік таратылды.
<img src="https://kyzylorda-news.kz/wp-content/uploads/2021/04/fb_img_1618056313437.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618056319698.jpg" alt="" />

Жалағашта 3 отбасыға баспана кілті табысталды

Kyzylorda-news.kz. Қызылорда қаласында «Таза табиғат» ұлттық жобасы аясында тұрғындарға тегін көшет таратылды.
Өңірде орман шаруашылығы мекемесі қызметкерлері Батырхан Шөкенов атындағы саябақта Қызылорда қаласы тұрғындары өз аулаларында ағаш көшеттерін отырғызып, көгалдандыру жұмыстарын жүргізуіне көмектерін тигізіп, ағаш көшеттерін таратты.
Экологиялық жағдайды жақсарту алдымен қоршаған ортаның тазалығы және оның көркейіп, көгалдануымен тікелей байланысты. Табиғатқа қайтарым ретінде мейлінше көп ағаш отырғызып, айналаны көркейту шараларын өткізу маңызды әрі сауапты іс.​ ​
Айта кетейік, аталған жоба аясында 21 наурыздан бастап жыл көлемінде «Таза табиғат», «Мекенім-жасыл орманым», «Су-өмір нәрі», мектеп оқушылары арасында «Бұл – менің ағашым», «Таза аула-таза табиғат», «Таза су айдындары» ағаш отырғызу, көркейту көгалдандыру, тазалық акциялары өткізіледі.
<img src="https://kyzylorda-news.kz/wp-content/uploads/2021/04/fb_img_1618055670687.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618055674195.jpg" alt="" />

Қызылордалықтарға тегін көшет таратылды

Kyzylorda-news.kz. Қазақстан Республикасының Тәуелсіздігіне 30 жыл толуына орай бүгін «Жастар орталығы» ғимаратының жанынан «Жастар аллеясы» ашылды.
Аллеяның ашылу салтанатына облыс әкімінің орынбасары Серік Ахмет, Қазақстанның Еңбек Ері Абзал Ералиев, мемлекет және қоғам қайраткерлері Бақберген Досманбетов пен Қожахмет Баймаханов, ҚР Мемлекеттік «Серпер» сыйлығының иегері Ақбота Керімбекова және спорт майталмандары, танымал тұлғалар мен Сыр жастары қатысты.
Шарада сөз алған облыс әкімінің орынбасары Серік Ахмет елімізде жастарға жасалып жатқан қолдаудың артқанын айтып, аймақта жастар саясатында бірқатар жобалардың жүзеге асырылып жатқандығын жеткізді.
<blockquote>
 “Елбасы, тәуелсіз Қазақстанның Тұңғыш Президенті Нұрсұлтан Әбішұлы Назарбаев «Бүгінгі жас буын – біздің ертеңгі үмітіміз, сенімді тірегіміз» – дей келе, кейінгі толқынға жөн көрсетіп, қолдау білдіру аға буынның міндеті екенін айтқан болатын. Жастарымыз осы межеден көріну үшін оларға жағдай жасап, бастамаларына қолдау білдіріп келеміз. Елімізде жастарға деген қамқорлық барлық салада көрініс беруде. Оның ішінде аймақтың мемлекеттік жастар саясатында да бірқатар қолдаулар,жаңа жобалар жүзеге асуда. Атап айтсақ, Үкімет Қаулысымен бекітілген 5 жылдық кешенді жоспарға сәйкес нақты міндеттер белгіленді. Соның аясында осы жылы аймақта мемлекеттік жастар саясатын жүзеге асыруға 421 млн теңге қаржы бөлінді. Оның ішінде жастар бастамаларын қолдау мен олардың шығармашылығын арттыруға бағытталған әлеуметтік жобаларға 162 млн теңге қаралып, жастар қоғамдық ұйымдары 34 жобаны жүзеге асыратын болады. Жас буынды ерінбей еңбек етуге бейімдеу бойынша алдағы бес жылдықта 7 мыңға жуық жас «Жасыл ел»және «Жас құрылысшылар» еңбек жасақтарының қатарына тартылатын болады. Биылдың өзінде «Жасыл ел» қатарында 1115, «Жас құрылысшылар» қатарында 300-ге жуық жасты еңбекпен қамтитын боламыз. Өздеріңіз білесіздер, Мемлекет басшысы Қасым-Жомарт Кемелұлы Тоқаев «Таза табиғат» жобасын жүзеге асыруды тапсырды. Бүгін міне,осы мақсатта Сол жағалауда алғаш рет тал отырғызу шарасы ұйымдастырылып, қала көркіне сән берер «Жастар аллеясы» ашылуда. Игілікті істер жалғасын таба берсін! – деді Серік Ахмет.
</blockquote>
Мемлекет және қоғам қайраткері Бақберген Досмамбетов соңғы жылдары Қызылорда облысының көркейіп келе жатқанын тілге тиек етіп, бүгінгі ашылған аллеяның жастар үшін қамқорлық екенін жеткізді. Ал, эстрада жұлдызы Ақбота Керімбекова Сыр жастарын жаңа нысанмен құттықтап, әннен шашу шашты.
Мұнан соң шара қонақтары мен ерікті жастар су жаңа аллеяға 160 түп ағаш отырғызды. Болашақта аллеяның көркеюі мен отырғызылған ағаштардың күтіп-бапталуына Сыр жастары өз үлестерін қоса бермек.
<img src="https://kyzylorda-news.kz/wp-content/uploads/2021/04/fb_img_1618051136159.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618051141173.jpg" alt="" />

Қызылордада «Жастар аллеясы» ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әлемде баруға болатын ерекше жер көп. Сіз аралдағы жағажай мен экскурсиялық демалыстың орнына ерекше әсер алып, танымыңызды кеңейткіңіз келе ме? Біздің тізімдегі аралдарға назар салыңыз. Олардың көбіне адам баруға тыйым салған.&nbsp;
Бувэ аралы
Әлемдегі ең шалғай жердегі арал Африка мен Антарктиданың арасында орналасқан. Голливудтың “Бөтен Жыртқышқа қарсы” (Alien vs. Predator) фильмінің кейбір эпизодтары осы жерде түсірілген.
<img src="https://kyzylorda-news.kz/wp-content/uploads/2021/04/aral-1.jpeg" alt="" />
Жақын мекен шамамен 1500 теңіз милі қашықтықта орналасқан. Аралда жұмбақ жерлер көп. Мұнда ядролық қару сыналған деген сыбыс бар. Қазіргі уақытта ол Норвегияның меншігі саналады және қорық мәртебесіне ие.
Повеглия аралы
Ең қорқынышты аралдардың бірі – Повеглия, ол Венецияға жақын жерде орналасқан. Орта ғасырларда оба ауруына шалдыққан науқастарды әкелген. Науқастарды көптеп өртегені сонша аралдың топырағы жартылай қалдық пен күлден тұрады. 1960 жылы мұнда психиатриялық аурухана салынды. Ал қазір қаңырап бос тұр. Себебі, аралды жергілікті тұрғындар қарғысталған мекен санап, ол жерге аяқ баспайды.
<img src="https://kyzylorda-news.kz/wp-content/uploads/2021/04/pov.jpeg" alt="" />
1960 жылдары &nbsp;психиатриялық клиниканың басшысы пациенттеріне түрлі эксперименттер жасаған көрінеді. Осыдан өзі де обадан қайтыс болған жүз мыңдаған адамдардың елесі мен даусын еститін болған. Көп өтпей жынданып, шіркеу мұнарасынан секіріп қайтыс болған.
Шошқалар аралы
Пиг-Бич (Pig Beach) – Багам аралдарының Эксума аймағындағы адам тұрмайтын арал. Шошқа жағажайы кейде майор Кэй, аға майор және аға майор Cay деп те аталады.
<img src="https://kyzylorda-news.kz/wp-content/uploads/2021/04/shoshka.jpeg" alt="" />
Шошқа жағажайының етікке ұқсайтын тұрақты емес пішіні бар. Арал солтүстіктен оңтүстікке қарай 1,8 шақырымға созылып жатыр, оның ені&nbsp;максимум 1,6 шақырымға жетеді, ал оның ауданы 0,9 км² құрайды. Аралда ауыз судың үш көзі бар, олар шағын көлдерге құяды.
Бұл арал – туристердің сүйікті жері. Көпшілігі оған адамдардан қорықпайтын және аралдың батысында орналасқан жабайы үй шошқаларын көру үшін келеді. Алғаш рет шошқалар аралда 2014 жылы анықталған. Аралда шошқалардың шығу тегі туралы нақты ақпарат жоқ. Бір нұсқаға сәйкес, шошқаларды мұнда матростар тастап кеткен десе, басқа нұсқа бойынша олар кеме апатынан аман қалған.&nbsp; Кейбіреулер шошқаларды аралға туристерді тарту үшін арнайы әкелді деп санайды.
Қояндар аралы
Тек қоянға арналған бұл арал Жапония мемлекетіне тиесілі. Аралда Екінші дүниежүзілік соғыс кезінде химиялық қаруды өндіруге және сынауға арналған арнайы зертханалар мен фабрикалар болған. Кәсіпорындардың жасырын болғаны соншалық, олардың жұмысшылары да мұнда не өндіретінін білмеген. Бұл аралды картадан таба алмайсыз.
<img src="https://kyzylorda-news.kz/wp-content/uploads/2021/04/kojan.jpeg" alt="" />
Улы жыландар аралы
Сан-Паулу маңындағы Кеймада Гранде – әлемдегі мыңдаған ең қауіпті әрі улы бауырымен жорғалаушылар бар арал. Олардың орналасуы бір шаршы метрге 5-10-нан тура келеді. Жыландардың қауіпті болғаны соншалық, бұл жерді әскери адамдар күзетеді. Алайда мұнда ара-тұра түрлі экспедиция өткізіліп тұрады.
<img src="https://kyzylorda-news.kz/wp-content/uploads/2021/04/zhylan.jpeg" alt="" />
&nbsp;Девон аралы
Канада аумағындағы бұл арал адам тұрмайтын жер. Табиғаты Марсқа ұқсас болғандықтан да, мұнда адамның өмір сүруіне қатысты тәжірибелер өткізіледі. Аралда орташа температура -50 градус аяз. Жазда ауа-райы сирек +10 градусқа дейін жылынады. Алайда бұл жерде жауын-шашын жоқ, есесіне қыста қар да жаумайды.
<img src="https://kyzylorda-news.kz/wp-content/uploads/2021/04/devon.jpeg" alt="" />
Қуыршақтар аралы
1950 жылдардың басында аралдың жалғыз тұрғыны көкөніс, гүл өсірумен және балық аулаумен айналысқан Джулиан Сантана Барреро болған. Ол діни ырымшылдықты уағыздағаны үшін Баррио-де-ла-Асунсоннан қуылып, осы аралға қоныстанған.
<img src="https://kyzylorda-news.kz/wp-content/uploads/2021/04/kwyrshak.jpeg" alt="" />
Аңыз бойынша, 1950 немесе 1951 жылдары белгісіз қыз аралдағы көлге батып кеткен. Сантана оның айқайын естіп, көмекке асыққанымен үлгермеген. Көл жағасынан тек оның қуыршағын тапқан. Кішкентай қыздың құрметіне ол қуыршақты ағашқа іліп кеткен. Осыдан кейін Сантана түнде үнемі айқай-шу, аяқ дыбысын естиді. Суға батқан қыздың елесі жылап келіп, одан қуыршағын беруін өтінетін болған.
50 жыл бойы Сантана қуыршақтарды елесті “тыныштандыру” үшін арал ағаштарына іліп қойып жүрді. Осылайша аралда 1000-ға жуық қуыршақ жиналды.
Сантана 2001 жылы қайтыс болады, оның себебі белгісіз. Адамдардың бірі оны сол көлге батып өлді десе, екіншісі басқа нұсқаны айтады.
<a href="https://massaget.kz/layfstayl/alemtanu/syrly-alem/64849/">Massaget.kz</a>

Әлемдегі ең қорқынышты аралдарды білесіз бе?

Kyzylorda-news.kz. Еңбек және халықты әлеуметтік қорғау министрлігі зейнетақыға үстемеақы қосылатыны туралы ақпаратты жоққа шығарды, деп жазды stopfake.kz.
Қазақстандықтар президент Қасым-Жомарт Тоқаевтың жарлығымен мамыр айында барлық зейнеткер зейнетақыға 40 мың теңге мөлшерінде үстемеақы алатыны туралы хабарламаны таратып жатыр. Еңбек және халықты әлеуметтік қорғау министрлігі бұл ақпаратты жоққа шығарды.
<blockquote>
 «Мессенджерлер мен әлеуметтік желілерде мамыр айынан бастап зейнетақыға 40 мың теңге мөлшерінде жаңадан үстемеақы төленетіні туралы ақпарат шындыққа жанаспайды. Қолданыстағы заңнамада зейнетақыға үстемеақы мен қосымша ақы төлеу қарастырылмаған», – деп түсіндірді ведомство.
</blockquote>
Қазіргі кезде зейнетақы үш бөліктен тұрады: базалық, ортақ және жинақтаушы зейнетақы.
Қазақстан Президентінің 2014 жылғы 18 маусымдағы жарлығымен бекітілген Қазақстан Республикасының зейнетақы жүйесін одан әрі жаңғыртудың 2030 жылға дейінгі тұжырымдамасына сәйкес ынтымақты зейнетақының мөлшерін қолайлы деңгейде ұстап тұру үшін олардың мөлшері инфляция деңгейінен екі пайызға оза отырып, жыл сайын индекстеледі. Базалық зейнетақы мөлшері де жыл сайын инфляция деңгейіне көтеріледі.
2020 жылғы 1 қаңтардан бастап ынтымақты зейнетақы 7%-ке өсті, 1 сәуірден бастап қосымша тағы 5%-ке индекстелді. Сондай-ақ базалық зейнетақы мөлшері де екі рет көтерілді. Оның өсімі 2019 жылмен салыстырғанда 10%-ті құрады.2021 жылдың басынан бері ынтымақты зейнетақы 7%-ке, базалық зейнетақы 5%-ке өсті.
Министрлік фейк хабарламаларға назар аудармауға және тек ресми дереккөздерден алынған ақпаратқа ғана сенуге шақырады.Сондай-ақ, ведомство жалған ақпарат тарату заң бойынша жазаланатынын еске салды.

Мамырда зейнетақы көтеріледі ме?

Kyzylorda-news.kz. Қызылорда облыстық білім басқармасының бұйрығымен «№5 көзі нашар көретін балалардың арнаулы мектеп-интернатының директоры лауазымына Жамбыл Ахметов тағайындалды. Бүгін жаңа басшыны ұжымға облыстық білім басқармасының басшысы Ақзира Қасымова таныстырып, қызметіне сәттілік тіледі.
Ахметов Жамбыл Тұрсынбайұлы 1979 жылдың 31 мамыр күні Сырдария ауданы, Бесарық кеңшарында дүниеге келген.
Білімі жоғары. Қорқыт Ата атындағы мемлекеттік университетінің «Тарих және мұрағат ісінің» маманы, «Болашақ» университетінің «Дефектолог» маманы.
Еңбек жолын облыстық гимназияда география пәнінің мұғалімі ретінде бастаған. №15 қалалық гимназияда тарих пәнінің мұғалімі, мектеп директорының тәрбие ісі жөніндегі орынбасары, Қызылорда қаласы, Талдыарал ауылындағы №215 мектеп директоры қызметін атқарған.
2007 жылы Қызылорда облысы әкімі аппаратының әлеумметттік-саяси бөлімінің әлеуметтік бағдарламаларды талдау және мониторинг секторының бас инспекторы, облыс әкімі аппараты, ұйымдастыру–инспекторлық бөлімі меңгерушісінің орынбасары, облыс әкімі аппараты, Ұйымдастыру–инспекторлық бөлімінің меңгерушісі, облыстық білім басқармасы бөлім басшысы қызметтерін атқарған.
2010 жылдан осы кезге дейін облыстық балалар оңалту орталығының директоры қызметін атқарды.

Қызылорда: №5 мектеп-интернат директоры тағайындалды

Kyzylorda-news.kz. Қызылордада 8 сәуір күні сағат 18:30 шамасында 18.02.2004 жылы туған Серикбаева Ғалия Нуртуғанқызы жұмыс орнынан белгісіз бағытқа шығып, қайта оралмауына байланысты Қызылорда облысының Полиция департаменті іздеу салады.
Белгілері: бойы 1,60 см, орташа денелі, шашы белден келеді. Ашық қоңыр түсті, көзі қоңыр түсті қысыңқы, қара торы келген. Киген киімдері: қызыл түсті куртка, қызыл түсті көйлек, қара түсті джинсы шалбар, аяғында қызыл түсті кроссовка киген.
Жасөспірім туралы қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз. Тел: 8(7242)-29-70-10, 8(7242)-29-75-20, 8(7242)-29-75-02, 8-705-255-81-25 немесе 102.
<img src="https://kyzylorda-news.kz/wp-content/uploads/2021/04/fb_img_1618038924250-1.jpg" alt="" />

Қазақстан және Қызылорда облысының жаңалықтары