<a href="https://kyzylorda-news.kz/">Kyzylorda-news.kz</a>. Аймақ басшысы Гүлшара Әбдіқалықованың төрағалығымен облыс әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті.
Отырыстың күн тәртібінде 2 мәселе қаралды. Атап айтқанда, 2020 жылдың 8 айындағы бөтен мүлкін ұрлығы қылмысының алдын алу бойынша атқарылған шаралар және өңірлік құқық бұзушылық профилактикасының 2020-2022 жылдарға арналған кешенді жоспарының орындалуы туралы айтылды.
Ағымдағы жылдың 8 айдың көрсеткіші бойынша өңірімізде тіркелген ұрлық қылмысы 58% төмендеген, атап айтсақ, ұялы телефон ұрлығы 59%, пәтер ұрлығы 64%, көлік ұрлығы 69%, мал ұрлығы 14% азайған. Жалпы материалдық шығын 81 млн. теңгені құраған.
Облыс әкімі полиция департаменті мен қала, аудан әкімдеріне ұрлықтың барлық түрлеріне профилактика бағытында жұмысты күшейтуді тапсырды.
<blockquote>
 «Бірінші кезекте қылмысты болдырмауға, жолын кесуге бағытталған профилактикалық шаралардың күшейтілуі қамтамасыз етілсін, ұрлықтың алдын алуда учаскелік полиция инспекторларының жауапкершіліктері арттырылсын. Ұрлықтың түрлері бойынша «Қылмыстық картаға» сәйкес жергілікті полиция қызметінің патрульдеу маршрутын ұрлыққа бейім тұрғын аудандарға қайта бағдарласын. Сонымен қатар, көпқабатты үйлердің кіреберістерін темір есіктермен, электронды құлыптармен, домофондармен, бейнекамерамен жабдықтау ұйымдастыру қажет. Пәтер ұрлығына тосқауыл қою үшін бірлесіп, тұрғындардың өз баспаналарының қауіпсіздік жүйелерімен жабдықтау қажеттігі түсіндірілсін. Ауыл тұрғындарына мал ұрлығы қылмыстарының көбінесе өрістен, жайылымнан, малдарына қарамай иесіз жіберу себептерінен болатынын ескертіп, пада мен бақташыларды жалдау тиімділігі кеңінен түсіндірілсін. Сондай-ақ, малдарды сәйкестендіру мен таңбалау жұмыстары жүйелі түрде жүргізілсін және құзырлы органдарымен бірлесіп, ет өнімдерін сату және өндеумен айналысатын орындарға бақылау күшейтілсін», – деді облыс әкімі Гүлшара Әбдіқалықова.
</blockquote>

Құқық бұзушылық профилактикасы жөніндегі ведомствоаралық комиссияның отырысы өтті

<a href="https://kyzylorda-news.kz/">Kyzylorda-news.kz.</a> Қызылорда облысы әкімі Гүлшара Әбдіқалықованың төрағалығымен сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өткізілді.
Отырыста ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов сыбайлас жемқорлыққа қарсы іс-қимыл бағытында биылғы жылдың 8 ай қорытындысын, ал Қызылорда облысы бойынша мемлекеттік сатып алу&nbsp;басқармасының басшысы Ғалым Едігеев «Мемлекеттік сатып алуларды орталықтандыру» пилоттық жобасының орындалу барысы және арнайы тәртіптегі мемлекеттік сатып алулар туралы баяндады.
Облыс әкімі Гүлшара Әбдіқалықова мүдделі мемлекеттік орган басшыларына Мемлекет Басшысының Жолдауынан сыбайлас жемқорлыққа қарсы бағытта туындайтын барлық қажетті шаралар қабылдауды тапсырды.
Сонымен қатар, көрсетілетін мемлекеттік қызметтерді цифрландыру, мемлекеттік органдардың ашықтығын арттыру және азаматтардың ақпаратқа қол жетімділігін қамтамасыз ету, тұрмыстық жемқорлықты жою, қоғамдық бақылауды қамтамасыз ету, мемлекеттік сатып алу заңнамаларының қатаң сақталуын қамтамасыз етілуін, талдау және профилактикалық жұмыстарды күшейту бағыттарын нақты айқындады.
Аймақ басшысы мемлекет тарапынан кәсіпкерлік субъектілердің заңды мүдделерінің қорғалуын қамтамасыз ету қажеттілігін ерекше атап өтті.

Қызылордада сыбайлас жемқорлыққа қарсы іс-қимыл мәселелері қаралды

<a href="https://kyzylorda-news.kz/date/2020/09/30/">Kyzylorda-news.kz.</a> «Қазгидромет» РМК Қызылорда облысы бойынша филиалы 1 қазанға арналған ауа райы болжамын жариялады.
Кәсіпорынның хабарлауынша 1 қазанда күндіз Қызылорда облысының кей жерлерде шаңды дауыл күтіледі. Солтүстік-шығыстан жел соғады, күші күндіз кей жерлерде15-20 м/с.

Қызылордада шаңды дауыл тұрады

<a href="https://kyzylorda-news.kz/date/2020/09/30/">Kyzylorda-news.kz.</a> Ұлттық банк 1 қазаннан бастап қаржылық қызметтерді алуға арналған қашықтан биометриялық сәйкестендіру жүйесін іске қосады, деп хабарлайды <a href="https://sputniknews.kz/economy/20200930/15096561/bank-kredit.html">Sputnik Қазақстан.</a>
<blockquote>
 “Қазақстан ұлттық банкі 2020 жылдың 1 қазанынан бастап қаржылық қызметтерді алу үшін қашықтан биометриялық сәйкестендіру сервисін өндірістік пайдалануға қосады. Бұл сервисте “бет-әлпетін тану” технологиясын қолдана отырып, қаржы ұйымына бармай-ақ, қаржылық қызметтерді алу мүмкіндігі көзделген”, – делінген хабарламада.
</blockquote>
Енді қазақстандықтар үйден шықпай-ақ, биометриялық сәйкестендірудің көмегімен банкте шот немесе депозит ашып, төлем карталарын шығара алады, кредит алуға да мүмкіндік бар.
<blockquote>
 “Қашықтан биометриялық сәйкестендіруді енгізу әлемдегі күрделі эпидемиологиялық жағдай аясында жаңа сын-қатерлерге жауап береді. Қаржы қоғамдастығының сервисті пайдалануы халыққа қашықтан көрсету тәсілімен ұсынылатын қызметтер тізімін кеңейтеді”, – деді ұлттық банк төрағасының орынбасары Есжан Біртанов.
</blockquote>
Жаңа сервис банктермен қоса, сақтандыру компанияларына, бағалы қағаздар нарығының кәсіби қатысушыларына, төлем және микроқаржы ұйымдарына да қолжетімді.
Ұлттық банк сервисті қаржы нарығының қатысушыларымен бірлесіп әзірледі. Жүйе осы жылдың сәуірінде пилоттық режимде іске қосылған болатын. Осы уақыт ішінде биометриялық сәйкестендіру екінші деңгейлі 11 банкке халыққа 2,8 миллион қызмет көрсетуге мүмкіндік берді.
Жаңа жүйенің операторы – ұлттық банктің еншілес ұйымы “Қазақстан банкаралық есеп айырысу орталығы” РМК.

Енді қазақстандықтар үйден шықпай-ақ банктерден кредит ала алады

<a href="https://kyzylorda-news.kz/date/2020/09/30/">Kyzylorda-news.kz</a>. Қызылорда облысында «Жасыл экономикаға» көшуі жөніндегі тұжырымдаманың қалдықтарды басқару саласындағы 3 нысаналы индикатор бойынша жұмыстар атқарылуда. Бұл туралы облыс әкімінің баспасөз қызметі хабарлады.
Қалдықтардың өңдеу үлесін арттыру.
Бұл бағытта жалпы облыс аумағында түрлі қалдықтарды тасымалдау, жинақтау, қайта өңдеу және жою саласында 40 тан астам кәсіпкерлік субъектілері жұмыс істейді. 2020 жылдың 6 айында жинақталған 58,5 мың тонна қатты тұрмыстық қалдықтардың 10,5 мың тоннасы өңделді. Пайыздық үлесі 17 % құрады.
Халықты тұрмыстық қатты қалдықтарды жинау және тасымалдау қызметімен қамту бойынша да бірқатар жұмыстар атқарылуда. Облыс тұрғындарының 70,8 % тұрмыстық қатты қалдықтарды тасымалдау қызметімен қамтамасыз етілген.
Сонымен қатар, полигондарды экологиялық және санитариялық талаптарға сәйкестендіру мақсатында облысқа қарасты елді мекендерге барлығы 402 гектар жер учаскелері белгіленді. 
Қызылорда қаласында мемлекеттік – жекешелік әріптестік аясында қалдықтарды сұрыптайтын кешеннің құрылысы аяқталды. Жаңа кешенде жылына 60 мың тонна қалдықтар сұрыпталатын болады. 
Арал қаласындағы полигон құрылысына қажетті қаржы облыстық бюджеттен бөлініп, құрылыс жұмыстары жүргізілуде.
Жалағаш, Сырдария, Шиелі аудандарына жаңа полигондар мен сұрыптау кешендерінің жобалары әзірленуде. 
Сондай-ақ, «Birgemiz: Taza Alem» жалпыұлттық жобасы және «Волонтер жылы» аясында қоғамдық кеңес, еріктілер және қоршаған ортаны қорғау саласындағы мекемелерінің мүшелерімен жұмысшы топ құрылып, облыс елді мекендерінде санитариялық тазалық, рұқсатсыз орналасқан стихиялық қоқыс үйінділерін анықтауға рейд жұмыстары ұйымдастырылып, бақылауға алынды.
Айта кетейік, стихиялық қоқыс орындарын болдырмау үшін Қызылорда облысының табиғи ресурстар және табиғат пайдалануды реттеу басқармасының жанынан «WhatsApp» мессенджері +7 707 160 53 66 нөмірі арқылы «ЭКО – ПАТРУЛЬ ҚЫЗЫЛОРДА» жобасы жұмыс жасауда.

Қызылордада 40 кәсіпкерлік нысан қалдықтан тазарту жұмысымен айналысады

<a href="https://kyzylorda-news.kz/">Kyzylorda-news.kz.</a> Қазақ халқы ықылым заманнан бері ислам дінімен рухани ұштасып, бүгінде әлемге дінаралық-ұлтаралық&nbsp; келісімнін негізгі үлгісін салып берді. 130 астам ұлт өкілдері мен дінді уағыздайтын 18-конфессия, &nbsp;төрт мыңға жуық діни бірлестіктердің бір шаңырақ астында, тату-тәтті өмір сүруі үлкен жетістік.
Қазақстанның бұндай үлкен жетістікке жетуі, халқының&nbsp; бойынан ұлтаралық&nbsp; қарым-қатынас құндылығын, мәдениетін, жоғары қоюында болып отыр. Сонымен қатар, еліміздің зайырлылық принципін ұстануы, құқықтық мемлекет ретінде дамуды қолға алып, конституцияда көрсетілгендей республика териториясында тұратын кез-келген азаматтың толық құқықты болуы, ықпал етті десек болады. Қазақстан Республикасының Ата Заңында: «Тегiне, əлеуметтiк, лауазымдық жəне мүлiктiк жағдайына, жынысына, нəсiлiне, ұлтына, тiлiне, дiни көзқарасына, нанымына, тұрғылықты жерiне байланысты немесе кез келген өзге жағдаяттар бойынша ешкiмдi ешқандай кемсiтуге болмайды» деп азаматтарының өз&nbsp;құқықтарын толығымен пайдалануына мүмкіндік жасаған. [Қазақстан Республикасының Конституциясы II бөлім. 14-бап].
Конфессияаралық диалогтың&nbsp; маңызы – ол бір ғана дінге қызмет етіп қоймай, жалпы адамзатқа ортақ өзекті мәселелерді шешуге ықпалдастық етуінде. Тұңғыш президентіміз Нұрсұлтан Назарбаевтың бастамасымен астанада әр үш жыл сайын әлемдік және дәстүрлі дін алқаларының сьезі өтіп келеді. Ол жерде қаралатын мәселелер, көп ұлтты, көп тілді конфессиялардың діни сенім бостандығы, діни бірлестіктер арасындағы қарым-қатынас, толеранттылық тағысын тағы тақырыптар аясында өтуде. Бұл айтулы шаралардың әрқайсысы бір-біріне ұқсамайтын, өзіндік маңызымен ерекшеленеді.
Заманында Мұхаммед пайғамбар мұсылман еместердің ар-намысын сақтау үшін, олармен көркем түрде пікір алмасып,жақсы қарым-қатынас орнатып, діни сенімдері мен діни ұстанымдарына толеранттылық көзқарасын ұстанды.
Бүгінде толеранттылық қағидаты қазақ халқына дінімізден келген асыл мұра болуда. XX ғасырдың басында Ресейдің еуропалық&nbsp; бөлігінен шаруалардың жаппай қоңыс аударуы мен 1936-1944 жылдары неміс, корей, еврей, поляк, кавказ, қалмақ т.б. ұлттардың тұтастай депортациялануы, ұлы даламызда алуан түрлі ұлттар мен ұлыстардың тағдырлас болуы, бір шаңырақ астында тату- тәтті бір нанды бөліп жеуі, сөзімізге дәлел.
Кезінде әлем сарапшылары көп ұлтты мемлекеттердің тағдыры ұзаққа бармай,соңында бірін-бірі түптеп жейтінің айтып,болашағымызға күмән салсада, ел бола алатынымызды дәлелдедік.
&nbsp;Бүгінде мемлекетіміз қаншама ұлттар мен ұлыстарды біріктіріп, бейбітшілік пен конфессияаралық келісімді сақтап, сенімділік пен татулықты жаңына желеу етудің арқасында, мемлекетіміз өркендеп, қарқынды даму үстінде.
Е. ТҰРСЫНБАЕВ,
Қызылорда облыстық ішкі саясат
басқармасының дін мәселелерін
зерттеу орталығының маманы

Е.Тұрсынбаев:  Ұлтаралық  келісім – Қазақстанның басты  құндылығы

<a href="https://kyzylorda-news.kz/date/2020/09/30/">Kyzylorda-news.kz.</a> Қызметкерлердің волонтерлік жұмысын еңбек кітапшасына міндетті түрде тіркеу туралы шешім қабылданды. Бұл туралы ҚР Президенті Қасым-Жомарт Тоқаев қайырымдылық, волонтерлік ұйымдардың және бизнес-сектордың&nbsp;<a href="https://www.inform.kz/kz/kazakstan-prezidenti-kayyrymdylyk-volonterlik-uyymdardyn-okilderimen-kezdesti_a3700667">өкілдерімен кездесуінде</a>&nbsp;айтты, деп хабарлайды <a href="https://lenta.inform.kz/kz/volonterlik-zhumys-enbek-kitapshasyna-mindetti-turde-tirkelmek_a3700671">ҚазАқпарат</a>.
Қасым-Жомарт Тоқаев волонтерлік қызметті дамыту, қайырымдылық пен меценаттыққа қолдау көрсету мемлекетіміздің ұзақ мерзімді басымдығы деп санайды. Волонтерлік іспен айналысу – патриотизмнің жарқын көріністерінің бірі. Мемлекет басшысы жариялаған Волонтер жылы азаматтарымыздың көпшілігін қайырымды іс қозғалысы төңірегіне топтастырды. Қазақстандықтардың ұсынысы бойынша жасалған көптеген қайырымдылық және волонтерлік жобалар – соның дәлелі.
<blockquote>
 «Қайырымдылыққа тікелей және жанама түрде атсалысатын адамдардың саны тұрақты артып келе жатқанын көріп отырмыз. Қызметкерлердің волонтерлік жұмысын еңбек кітапшасына міндетті түрде тіркеу туралы шешім қабылданды. Бұдан бөлек волонтерлікпен айналысқан жастарға университетке, колледжге түсу кезінде бірқатар басымдық беріледі. Қазіргі таңда бұл жақсы нәтиже деп есептеймін. Баршаңыздың бұған елеулі үлес қосқандарыңыз сөзсіз», – деді Қасым-Жомарт Тоқаев.
</blockquote>

Волонтерлік жұмыс еңбек кітапшасына міндетті түрде тіркелмек

Kyzylorda-news.kz. Дүниежүзілік денсаулық сақтау ұйымының болжамы бойынша күзгі маусымда пандемияның екінші кезеңі болуы мүмкін. Осыған орай, «COVID-19» пандемиясының екінші кезеңінде облыстағы инфекция жұқтырған науқастарды уақытылы қамтамасыз ету үшін дәрі-дәрмектер тізімі жасақталуда. Бұл туралы облыс әкімінің баспасөз қызметі хабарлады.
Пандемияның 1-кезеңінде орын алған дәрі-дәрмектер тапшылығын болдырмас үшін стационарлық және емханалық жағдайда жетіспеген дәрілік заттарға облыстық бас пульмонолог, облыстық бас инфекционистпен сараптама жасалып, «COVID-19» індетін емдеу хаттамасына сәйкес жасақталды. 
Тізімді жасақтау барысында короновирус және вирустық пневмония науқастарына 1-кезеңде қолданылған дәрілік препараттар негізге алынды.
Құрылған қорға дәрілік заттарды сатып алуға қажеттілік 350 млн. теңге қаражатты құрап отыр. 
Сонымен қатар, қажет болған жағдайда 21 инфекциялық және провизорлық төсек орындар қайта ашылатын болады. Жалпы саны 3000 орынды құрайды.
Сондай-ақ, 200 төсек орынды тез соғылатын модульді инфекциялық аурухана құрылысына жер бөлініп, қазіргі таңда дайындық жұмыстары жүргізілуде.
Қазақстан Республикасының Денсаулық сақтау министрлігіне 96 өкпені жасанды желдету (ИВЛ) аппаратына сұраныс беріліді. 
Жергілікті бюджеттен 4 флюро және 4 дана стационарлы рентген аппаратын сатып алу жоспарлануда.
2020 жылдың күз мезгіліндегі коронавирустық инфекциясының болжамды екінші толқынына жүйелі дайындық жұмыстары жүргізілуіне орай, 3500 медицина қызметкерлерінің резерві құрылды. 
Сонымен қатар, көпбейінді облыстық ауруханасы және Қазалы ауданаралық ауруханасы жанынан демеушілік көмек арқылы оттегі станциясын құру жоспарлануда.&nbsp;
Атап айтқанда, Петро Казахстан компаниясының демеушілігімен Қазалы ауданында жалпы құны 79,3 млн теңге құрайтын 1 оттегі станция салынатын болады. Осы станция арқылы Арал және Қармақшы аудандарын, Байқоңыр қаласын оттегімен қамтамасыз етіледі.
Ал, екінші оттегі станциясы ҚазГермұнай компаниясының демеушілігімен «Көпбейінді облыстық ауруханасы» ШЖҚ КМК базасынан салынатын болады. Жобаның құны 93,8 млн теңге. Бұл қала аумағындағы ауруханаларды және Сырдария, Жалағаш аудандарын қамтамасыз ететін болады. 
Үшінші оттегі станциясы Шиелі ауданында салынатын болады. Қазіргі таңда қаражат мәселесі шешілуде.
Емдеу мекемелеріне сұраныстары арқылы демеушілік көмекпен орталықтандырылған оттегі беретін құрылғылар орнатылатын болады.
Қыркүйек айында лизинг арқылы республикалық бюджеттен 40 дана автокөлік күтілуде. Оның 31-і қыркүйек айында, 7-уі қазан және 2-уі қараша айында күтілуде.

Қызылордада коронавирус инфекциясының екінші толқынына дайындық жұмыстары жүргізілуде

<a href="https://kyzylorda-news.kz/date/2020/09/30/">Kyzylorda-news.kz.</a> Қызылорда қаласында мұғалімдер күніне арналған “Ұстаз, Сіз құрметке лайықсыз” тақырыбында мерекелік шара өтті.
Жиында облыстық білім басқармасының басшысы Ақзира Қасымова мен облыстық білім және ғылым қызметкерлері кәсіподақ комитетінің төрайымы Гүлнар Есқалива бірқатар мұғалімдерді марапаттап, мерекелерімен құттықтады.
Ұстаздар күні мерекесімен тұспа тұс келген қарттар күні мерекесіне орай 75 жас мерейтой иесі №171 орта мектептің ардагер ұстазы Мадина Әліпбаева марапатталды. Сонымен қатар, қалалық білім жанындағы ұстаз ардагерлер кеңесінің төрағасы Мылтықбай Баймбетов және белсенді кәсіподақ төрағалары “Құрмет грамотасын” иеленді.
Шәкірт тәрбиелеудегі өлшеусіз еңбектері үшін бірқатар ұстаздар облыстық білім басқармасы мен кәсіподақ комитетінің бірлескен “Құрмет грамотасының” ие болды.
Сонымен қатар 2019-2020 оқу жылының 153 “Алтын белгі” иегерлерінің 89 алғашқы ұстаздарына “Бір көлік” шипажайына жолдама берілді.
<img src="https://kyzylorda-news.kz/wp-content/uploads/2020/09/120464636_132665921899854_3658970123829516806_o.jpg" alt="" />

Қызылорда: &#8220;Алтын белгі&#8221; иегерлерінің алғашқы ұстаздары шипажайға жолдама алды

<a href="https://kyzylorda-news.kz/date/2020/09/30/">Kyzylorda-news.kz.</a> Мәжіліс депутаттары білім беру мәселелері бойынша кейбір заңнамалық актілерге өзгерістер мен толықтырулар енгізу туралы заң жобасын бірінші оқылымда мақұлдады, деп хабарлайды&nbsp;<a href="https://sputniknews.kz/">Sputnik Қазақстан</a>.
<h3 id="">Қосарлы оқыту және грантты өтеу</h3>
Депутат Әбдіманап Бектұрғановтың айтуынша, заң жобасы аясында бірнеше өзекті мәселені шешу жоспарланып отыр. Мәселен, бүгінде қосарлы оқытуға (дуальное обучение) қатысты құқықтық коллизия бар. Еңбек кодексінде қосарлы оқыту жүйесімен білім алатындардың өндірістік оқу мен кәсіби іс-тәжірибеден өту уақыты еңбек өтілі ретінде есептеледі. Алайда тура осы кодексте еңбек өтілін растайтын құжаттар тізбесінде қосарлы оқыту туралы келісімшарт көрсетілмеген.
<blockquote>
 “Іс жүзінде осы коллизияға байланысты жұмыс берушілер қосарлы оқыту шарты негізінде өндірістік оқыту мен кәсіптік практикадан өту кезеңін есепке алмай отырады”, – дейді Бектұрғанов.
</blockquote>
Бұдан бөлек, жаңа заң жобасы аясында техникалық және кәсіптік мамандарды даярлауға мемлекеттік тапсырыс беру қағидаларын бекіту жоспарланған. Атап айтқанда, мемлекеттік тапсырыс жұмыспен қамту органдары мен кәсіпкерлік палаталарының ұсыныстары негізінде жасалады. Ал, ең бастысы, әрбір өңірдің еңбек нарығындағы сұраныс ескерілуі шарт.
<blockquote>
 “Ал жоғары оқу орындарына берілетін мемлекеттік тапсырыста оқу ұзақтығына қарай кәсіби түрде еңбекпен өтеу мерзімін белгілеу ұсынылады. Осылайша, мемлекеттік тапсырыс бойынша білім алған азаматтар бүкіл кезеңде барлық үш жылды да жұмыспен өтейтін болады. Ал басында ақылы негізде оқып, артынан грантқа ауысқандар, я болмаса, керісінше, алдымен грантта, одан кейін ақылы жүйеге ауысып кеткендер пропорционалды түрде өтейді”, – деп түсіндірді Бектұрғанов.
</blockquote>
Айта кетейік, Қазақстанда педагогикалық, медициналық, малдәрігерлік және ауыл шаруашылығы мамандықтарының түлектеріне арналған грантты өтеу талабы бұрыннан бар. Өтеу мерзімі – оқу бітіргеннен кейін кемінде 3 жыл. &nbsp;&nbsp;
<h3 id="-1">Мектептің жарғысы өзгереді</h3>
Сондай-ақ, заң жобасы бойынша базалық білімді тексеруге арналған “Білім беру жетістіктерінің мониторингі” атты білімді сырттай бағалаудың жаңа моделін енгізу ұсынылып отыр.
<blockquote>
 “Халықаралық тәржірибені ескере отырып, білім беру ұйымдарын сыртқы бағалау тетігі жетілдіріледі. Бұл білім алушылардың білім сапасын арттыруға мүмкіндік береді”, – дейді Бектұрғанов.
</blockquote>
Тағы бір түзетуге сәйкес, қосымша білім беру ұйымдарына да мемлекеттік тапсырысты орналастыру жоспарланған. Соның арқасында қосымша біліммен тегін қамтылатын балалардың саны артады. Ал мектептерде тыйым салынған заттардың тізімі енгізіледі.
Білім және ғылым вице-министрі Шолпан Каринованың айтуынша, бүгінде мектепке тыйым салынған заттарды әкелетіндер бар. Бірақ балалардың қалтасын ақтарып, тексеріп отыруға рұқсат жоқ. Ал жаңа заң аясында білім беру ұйымдарының жарғысына өзгеріс енгізіліп, тиісті нормалар жазылады.&nbsp;
<blockquote>
 “Әлеуметтік педагогтар мониторинг жасап, психологтармен бірге ондай балалармен тығыз жұмыс істейді”, – дейді Каринова.
</blockquote>

Білім заңнамасына өзгеріс енгізіледі – депутаттар заң жобасын мақұлдады

<a href="https://kyzylorda-news.kz/date/2020/09/30/">Kyzylorda-news.kz.</a> Тұмауға қарсы екпе салдырар алдында кез келген адам өзінің учаскелік дәрігерінің тексеруінен өтеді, оның инфекциялық ауру жұқтырғандармен байланыста болған-болмағаны жайлы сұрайды. Дене қызуы өлшеніп, ешқандай қарсы көрсеткіштер болмаса, вакцина салынады.
Сонымен қатар учаскелік дәрігер вакцина салатындарға бірқатар кеңес береді. Екпе салған адам медбикенің бақылауында болы керек. Алдағы 2-3 күнде де жағдайы қадағаланады.
Бірінші кезекте халықтың әлсіз тобына вакцина салынады. Олардың қатарына созылмалы дерті бар жиі ауыратын 18 жасқа дейінгі балалар, жүкті әйелдер, 60-тан асқан қарт адамдар, сондай-ақ жабық типтегі мекемелердегі адамдар (балалар үйлеріндегі тәрбиеленушілер, медициналық қызметкерлер) кіреді.
Тұмауға қарсы вакцина – тұмаудың алдын алуға және ауыр асқынулар мен тіпті өлім қаупін азайтуға арналған ең жақсы құрал.

Тұмауға қарсы вакцина қалай салынады?

<a href="https://kyzylorda-news.kz/date/2020/09/30/">Kyzylorda-news.kz.</a> Қазгидромет синоптиктері 1-3 қазандағы ауа райы болжамын жариялады.
Метеорологтардың болжамы бойынша, аптаның соңында елдің солтүстігінде жауын-шашын болуы мүмкін.
<blockquote>
 “Алдағы тәуліктерде Қазақстанның солтүстік аймақтарындағы ауа-райына Солтүстік-Батыс циклонының әсері болады.&nbsp;Бұл аудандарда жауын-шашын күтіледі, негізінен жаңбыр түрінде. Еліміздің батыс бөлігінде ғана жауын-шашынсыз ауа райы болады. Республика бойынша кей жерлерде тұман, желдің күшеюі, оңтүстік өңірлерде шаңды дауыл күтіледі”, – делінген хабарламада.
</blockquote>

Қазақстан және Қызылорда облысының жаңалықтары

Құқық бұзушылық профилактикасы жөніндегі ведомствоаралық комиссияның отырысы өтті

Қызылордада сыбайлас жемқорлыққа қарсы іс-қимыл мәселелері қаралды

Қызылордада шаңды дауыл тұрады

Енді қазақстандықтар үйден шықпай-ақ банктерден кредит ала алады

Қызылордада 40 кәсіпкерлік нысан қалдықтан тазарту жұмысымен айналысады

Е.Тұрсынбаев: Ұлтаралық келісім – Қазақстанның басты құндылығы

Волонтерлік жұмыс еңбек кітапшасына міндетті түрде тіркелмек

Қызылордада коронавирус инфекциясының екінші толқынына дайындық жұмыстары жүргізілуде

Қызылорда: “Алтын белгі” иегерлерінің алғашқы ұстаздары шипажайға жолдама алды

Білім заңнамасына өзгеріс енгізіледі – депутаттар заң жобасын мақұлдады

Тұмауға қарсы вакцина қалай салынады?

Алдағы үш күнге арналған ауа райы болжамы

Қазақстан және Қызылорда облысының жаңалықтары

Құқық бұзушылық профилактикасы жөніндегі ведомствоаралық комиссияның отырысы өтті

Қызылордада сыбайлас жемқорлыққа қарсы іс-қимыл мәселелері қаралды

Қызылордада шаңды дауыл тұрады

Енді қазақстандықтар үйден шықпай-ақ банктерден кредит ала алады

Қызылордада 40 кәсіпкерлік нысан қалдықтан тазарту жұмысымен айналысады

Е.Тұрсынбаев: Ұлтаралық келісім – Қазақстанның басты құндылығы

Волонтерлік жұмыс еңбек кітапшасына міндетті түрде тіркелмек

Қызылордада коронавирус инфекциясының екінші толқынына дайындық жұмыстары жүргізілуде

Қызылорда: &#8220;Алтын белгі&#8221; иегерлерінің алғашқы ұстаздары шипажайға жолдама алды

Білім заңнамасына өзгеріс енгізіледі – депутаттар заң жобасын мақұлдады

Тұмауға қарсы вакцина қалай салынады?

Алдағы үш күнге арналған ауа райы болжамы

Қызылорда: “Алтын белгі” иегерлерінің алғашқы ұстаздары шипажайға жолдама алды