<a href="https://kyzylorda-news.kz/">Kyzylorda-news.kz</a>. Қызылорда «қызыл аймаққа» енді. Бұл туралы Қызылорда облысының санитарлық-эпидемиологиялық бақылау департаменті мәлімдеді.
<img src="https://aqmeshit-aptalygy.kz/wp-content/uploads/2021/04/175947566_2695739147334170_8202145562630479940_n.jpg" alt="" />
Департаменттің ресми парақшасында облыстағы эпидахуал туралы кесте жарияланып, аймақтың «қызыл аймаққа» енгені көрсетілген

Қызылорда «қызыл аймаққа» енді

<a href="https://kyzylorda-news.kz/">Kyzylorda-news.kz</a>. Биыл «Қорқыт ата» әуежайының жаңа жолаушылар терминалының құрылысы бойынша жұмыстар басталады. Бұл туралы Өңірлік коммуникациялар қызметінің ақпарат алаңында өткен брифингте облыстық жолаушылар көлігі және автомобиль жолдары басқармасы басшысының орынбасары Дамир Тілеуов мәлімдеді.
<blockquote>
 «Қазіргі таңда әуежайдың жаңа жолаушылар терминалы құрылысы жобасын іске асырудың тиімді нұсқасы – қолданыстағы әуежай терминалын кеңейту болып отыр. Ол үшін жергілікті бюджеттен тиісті қаржы бөлініп, жобалық-сметалық құжаттамасы әзірленді. Қазір мемлекеттік сараптамадан өтуде. Аталған жұмыстар бітсе, терминалдың көлемі қазіргіден екі есеге, яғни, шамамен 1400 шаршы метрге кеңейеді. Ал кеңейтілген әуежай терминалында барлық халықаралық стандарт талаптарына сай жолаушыларға қызмет көрсетуге қажетті жағдайлар қарастырылатын болады», – деді Дамир Маратұлы.
</blockquote>
Бүгінде «Қорқыт ата» әуежайы арқылы аптасына 23 тұрақты рейс қатынайды. Оның ішінде Нұр-Сұлтан қаласына – 10, Алматыға – 13 рейс. Жалпы, биылғы жылдың 3 айында әуежайдан 32,1 мың жолаушы жөнелтілді.
Айта кетейік, облыс «қызыл» аймаққа өткен жағдайда әуежайға кіріп-шығу талаптары күшейтіліп, жолаушыларды шығарып салушылар мен күтіп алушыларды терминалға кіргізу шектелетін болады.

«Қорқыт ата» әуежайының  жолаушылар терминалы кеңейтіледі

<a href="https://kyzylorda-news.kz/">Kyzylorda-news.kz</a>. Қазақстандағы коронавирусқа қатысты 20 сәуір 23:59-дағы эпидемиологиялық жағдай жарияланды, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Қазақстанда өткен тәулікте 2696 адамда коронавирус індеті ПТР арқылы расталды.
Аймақтар бойынша: 
Нұр-Сұлтан қаласы – 471, 
Алматы қаласы – 667, 
Шымкент қаласы – 80, 
Ақмола облысы – 92, 
Ақтөбе облысы – 125, 
Алматы облысы – 281, 
Атырау облысы – 114, 
Шығыс Қазақстан облысы – 83, 
Жамбыл облысы – 58, 
Батыс Қазақстан облысы – 231, 
Қарағанды облысы – 218, 
Қостанай облысы – 32, 
Қызылорда облысы – 47, 
Маңғыстау облысы – 65, 
Павлодар облысы – 47, 
Солтүстік Қазақстан облысы – 29, 
Түркістан облысы – 56.
Жалпы ел бойынша ауырғандар саны 294946.

Қызылордада бір тәулікте 47 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақстанда 21 сәуірде елдің басым бөлігінде ауа райы бұзылады. Соған байланысты Қазгидромет дабылды ескерту жариялады.
Қызылорда облысында&nbsp;солтүстік-шығыстан жел соғады, күші кей жерде 15-20 м/с болады. Қызылорда қаласында 21 сәуірде солтүстік-шығыстан күші 15-20 м/с жел соғады.

21 сәуірге арналған ауа райы болжамы

Kyzylorda-news.kz. “Nur Otan” партиясы Қызылорда облыстық филиалының қоғамдық қабылдау бөлмесінде облыстық мәслихат депутаты Бисенов Қылышбай Алдабергенұлы азаматтарды жеке мәселелері бойынша қабылдап, өтініш айта келген тұрғындардың талап-тілектеріне жете назар аударды.
Депутаттың қабылдауына келген азаматтар баспана алу, бала денсаулығы және әлеуметтік мәселелер төңірегіндегі өтініштерін жолдады.
Депутат қабылдауда айтылған бірқатар мәселелерге ҚР қолданыстағы заңнамалар аясында қажетті кеңестер беріп, кейбір әлеуметтік өтініштерге “Ақмешіт шапағаты” қоғамдық бірлестігі арқылы қаржылай көмек көрсетуге ықпал етті.

Мәслихат депутаты Қылышбай Бисенов тұрғындарды қабылдады

<a href="https://kyzylorda-news.kz/">Kyzylorda-news.kz</a>.&nbsp; Бас мемлекеттік санитар дәрігерінің қаулысына өзгерістер мен толықтырулар енгізілді. Осылайша үш ауданда 23 сәуір-3 мамыр аралығында қатаң шектеу шаралары сақталады.
Шығыс Қазақстан облысында карантин шаралары күшейтілді. Оған Өскемен, Семей қаласы және Аягөз ауданының коронавирустың таралуы бойынша “қызыл”&nbsp; аймаққа енуі себеп болды, деп хабарлайды&nbsp;<a href="https://sputnik.kz/">Sputnik Қазақстан</a>.
Шығыс Қазақстан облысының бас мемлекеттік санитар дәрігерінің қаулысына өзгерістер мен толықтырулар енгізілді. Осылайша үш ауданда 23 сәуір-3 мамыр аралығында қатаң шектеу шаралары сақталады.
Аягөз ауданында 2 санитарлық бекет орнатылады.
Өскемен мен Семей қалалары және Аягөз ауданында нысандардың жұмыс уақытына өзгеріс енгізіледі. Ғимарат сыртында орналасқан азық-түлік базарлары мен шаруашылық заттар сататын базар сенбі сағат 17.00-ге дейін жұмыс істейді, жексенбі жабық болады.
Ал ғимарат ішінде орналасқан базарлар сенбі-жексенбі жабық болады.
Азық-түлік сатпайтын сауда нысандары, оның ішінде супермаркет, гипермаркет, сауда үйлері, сауда желілері, сауда ойын-сауық орталықтары жұмыс күндері сағат 21.00-ге дейін жұмыс істейді, сенбі-жексенбі қызметіне тыйым салынған.
Үй-жайдағы қоғамдық тамақтану объектілері сағат 09.00-ден 20.00-ге дейін жұмыс істейді.
Мектепке дейінгі балалар мекемелерінде кезекші топтар жұмыс істейді. Бала саны 15-тен аспауы қажет.
Сонымен қатар көрермендердің қатысуымен бұқаралық спорт шараларын өткізуге тыйым салынған.
Жаңа қаулыға сәйкес, Өскемен, Семей қаласы, Аягөз ауданы аумағындағы шектеу шараларының режимі мен мерзімі эпидемиологиялық ахуалдың өзгеруіне байланысты қайта қаралуы мүмкін.
Сондай-ақ, Шығыс Қазақстан облысының сыртқы шекараларына кіріп-шығуды бақылау үшін Алматы облысы тарапынан 2 санитарлық бекет, Қарағанды облысы тарапынан бір санитарлық бекет, Қазақстан Республикасының мемлекеттік шекарасы арқылы автоөтпе жолдарына “Ауыл”, “Уба”, “Бақты”, “Майқапшағай” өткізу пунктерінде 4 санитарлық бекет, Аягөз ауданына 2 санитарлық бекет қойылады.
<blockquote>
 “Халықтың тұрмыс-тіршілігін қамтамасыз ететін адамдардан басқа азаматтардың облыс аумағынан және Аягөз ауданы аумағынан келіп-кетуіне тыйым салынсын”, – делінген қаулыда.
</blockquote>
Ерекше жағдайларда жекелеген санаттағы адамдарға санитарлық бекеттер арқылы шығуға және келуге рұқсат ауданның/қаланың жергілікті атқарушы орнанының шешімі арқылы беріледі.
Қаулы 23 сәуірден бастап күшіне енеді. Құжаттың толық мәтінін&nbsp;<a href="https://www.gov.kz/memleket/entities/departament-kkbtu-vko/documents/details/158634?lang=kk">мына жерден</a>&nbsp;оқуға болады.

Санитарлық бекеттер қойылады – жаңа қаулы

<a href="https://kyzylorda-news.kz/">Kyzylorda-news.kz</a>.&nbsp; Қызылорда гарнизонында «Әскери антқа адал бол» онкүндігі аясында жергілікті әскери басқару органдарының әскери қызметшілері мен азаматтық персоналдарының қатысуымен іс-шара ұйымдастырылды.
Онкүндіктің мақсаты – алдағы уақытта әскери қызметшілердің арасындағы жарғыға сай емес қарым–қатынастардың алдын алу, әскери ұжымдарды біріктіру үшін лауазымды тұлғалардың жауапкершілігін барынша арттыру және атқарып жатқан қызметіне адал болу.
<blockquote>
 «Қарулы Күштерімізде әрбір әскери қызметші өз антына адал қызмет атқаруы тиіс деп білемін. Жарғыға сай емес қарым-қатынастардың алдын алу бойынша Қызылорда облыстық қорғаныс істері жөніндегі департаментінде, басқармасында және бөлімдерінде кешенді жоспарларға сай іс-шаралар өткізіліп тұрады. Осы онкүндік арқылы да әскери қызметшілеріміз достық пен әскери серіктестікті нығайтуға қол жеткізіп, әскери қызметіне адал болады деп сенемін», – дейді Қызылорда облыстық қорғаныс істері жөніндегі департаментінің психологиялық қызметінің бастығы майор Нэлля Искакова.
</blockquote>
Әскери қызметшілердің арасында аталған тақырып бойынша онкүндіктен тыс сабақтарда өткізіліп келеді. Сабақтар кезінде мекемеде өз қызметін асыра пайдалану, жарғыға қарсы әрекеттердің аяғы жауапкершілік пен жазаға әкеп соғатыны айтылды.
Жиынға облыстық қорғаныс істері жөніндегі департаменті бастығының орынбасары, подполковник Алмат Жақыпов пен психологиялық қызметінің бастығы Нэлля Искакова басшылық етті. Аталған шара барлық санитарлық-эпидемиологиялық талаптар мен нормаларды сақтай отырып жүргізілді.
<img src="https://kyzylorda-news.kz/wp-content/uploads/2021/04/img_20210416_140542_761-scaled.jpg" alt="" />

Антыңа адал бол, жауынгер!

<a href="https://kyzylorda-news.kz/">Kyzylorda-news.kz</a>.&nbsp; Қызылордалық полицейлер кезекті ұрлық қылмысын ашты. Арал ауданы Сексеуіл кентінде белгісіз адам &nbsp;сауда үйлердің біріне ұрлыққа түскен.&nbsp; Ұры пластик терезесін бұзып кіру әдісін пайдаланып, кассадан 30 мың теңге және терминалды бұзып, 900&nbsp;000 тенге көлемінде ақша ұрлап кеткен.
Аталған дерек бойынша Қазақстан Республикасы Қылмыстық кодексінің 188 – бабының 3 – бөлігі бойынша&nbsp;(Ұрлық)&nbsp;&nbsp;сотқа дейінгі тергеп – тексеру амалдары жүргізілуде.
Полиция қызметкерлерімен жүргізілген жедел-іздестіру шараларының нәтижесінде деструктивті діни ағымын ұстанушы ретінде танылған Сексеуіл кентінің тұрғыны күдікті ретінде ұсталып, Арал аудандық полиция бөлімінің уақытша ұстау абақтысына қамалды. &nbsp;Оқиғаның мән-жайлары анықталуда.

Аралда жат ағым өкілі ұрлықпен ұсталды

<a href="https://kyzylorda-news.kz/">Kyzylorda-news.kz</a>. Қазақстанда Малшылар күні пайда болуы мүмкін. Ауыл шаруашылығы министрлігі Қазақстандағы мерекелік күндердің тізбесіне толықтыру енгізген үкімет қаулысы жобасын әзірледі. Құжат&nbsp;<a href="https://legalacts.egov.kz/npa/view?id=8211676">“Ашық НҚА”</a>&nbsp;порталында жарияланды.
Құжатта Малшылар күнін маусымның екінші жексенбісінде атап өту ұсынылған.
<blockquote>
 “Жобаның мақсаты – елімізде малшылар күні мерекесін бекіту, сондай-ақ сала жұмыскерлерінің беделін арттыру, салада қол жеткізген жетістіктері үшін оларды көтермелеу”, – делінген түсіндірме жазбада.
</blockquote>
Қаулы жобасын іске асыру республикалық бюджеттен қаржылық шығындарға және теріс әлеуметтік-экономикалық немесе саяси-құқықтық салдарға әкеп соқпайды.
Қоғамдық талқылау 5 мамырға дейін созылады.

Қазақстанда тағы бір мереке пайда болуы мүмкін

<a href="https://kyzylorda-news.kz/">Kyzylorda-news.kz</a>.&nbsp; COVID-19 коронавирус инфекциясыны алдағы уақытта бақылауға алынатынын шамалауға негіз бар. Бұл туралы Дүниежүзілік денсаулық сақтау ұйымының басшысы (ДДСҰ) Тедрос Гебрейесус мәлімдеді, деп хабарлайды <a href="https://lenta.inform.kz/kz/ddsu-basshysy-covid-19-pandemiyasyn-bakylauga-alu-merzimin-bolzhady_a3778612">ҚазАқпарат.</a>
<blockquote>
 «Бізде пандемияны бірнеше айдың ішінде бақылауға алу үшін арнайы құралдар бар. Ол үшін біз бұларды рет ретімен қолдана білуіміз қажет», – деген Гебрейесустің сөздерін келтірді ДДСҰ сайты .
</blockquote>
Сонымен бірге, маманның айтуынша, бүкіл әлемде COVID-19 вирусының 25-59 жас аралығындағы адамдар арасында таралуының «қауіпті қарқыны» алаңдаушылық тудырып отыр.
19 сәуірде Гебрейесус әлемде коронавирус инфекциясына шалдығу қарқыны сегізінші апта қатарынан өсіп жатқанын мәлім етті. Оның айтуынша, осы уақыт аралығында ұйымға SARS-CoV-2 вирусын жұқтырудың 5,2 млн оқиғасы туралы хабарлама келген. COVID-19 вирусына шалдыққан пациенттер арасындағы өлім-жітім бесінші апта қатарынан өсіп келеді.

ДДСҰ басшысы: Вирус 25-59 жас аралығындағы адамдар арасында таралып жатыр

<a href="https://kyzylorda-news.kz/">Kyzylorda-news.kz</a>.&nbsp; Соңғы тәулікте коронавирус инфекциясын жұқтырудың 45 жағдайы тіркелді. Оның ішінде 20 адамда эпидемиологиялық көрсеткіштер бойынша, 12 адамда ПТР тапсыру кезінде, 13 жағдай коронавирус инфекциясымен ауырған адамдармен жақын қарым-қатынаста болғандар арасында анықталды. Індет жұқтырғандар қазір толықтай бақылауда. Бұл туралы Өңірлік коммуникациялар қызметінің алаңында өткен онлайн баспасөз конференциясы кезінде облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Бүгінде барлық ауру ошақтарына залалсыздандыру жұмыстарын жүргіздік. Әрі науқастармен қарым-қатынаста болған 217 адамды жергілікті емдеу-сауықтыру мекемелерімен 14 күнге медициналық бақылауға алдық. Жалпы, барлығыңызға белгілі, ковид ауа тамшылары арқылы таралатындықтан вирустың адамға әсер ету жылдамдығы өте жоғары. Сондықтан баршаңыздан ойын-сауық, отбасылық салтанатты, естелік іс-шараларын өтізуді кейінге қалдыруды сұраймыз. Індетті өз қолымызбен өршітпейік, – деді департамент басшысының орынбасары Әлия Мүтәліпқызы.
</blockquote>
Айта кетейік, бүгінде дәріханаларда халықтың қажеттілігін қамтамасыз етететін әрі «ковидке қарсы» дәрілік заттар қоры жеткілікті. Оның үстіне дәрі бағамы да арнайы мониторингтік топтың бақылауында болады.
<blockquote>
 «Биыл өңірде дәрі тапшылығы болмайды. Қазірдің өзінде қорда антибиотиктердің 358 805 қорабы, вирусқа қарсы препараттардың 24 485 қорабы, антикоагулянттардың 93 902 қорабы, ыстықты түсіретін препараттардың 179 723 қорабы, қақырық түсіретін препараттардың 15 643 қорабы бар. Тағы бір жаңалық, биыл «ковидке қарсы» препараттардың бағалары 27%-ға төмендеді. Бұл халықтың қалтасына былтырғыдай ауырлық салмайтын болады. Дәрі бағамын қалыпты ұстау үшін арнайы мониторингтік топ жұмыс істейді», – деді облыстық медициналық және фармацевтикалық бақылау департаментінің бөлім басшысы Нұрбек Әділханов.
</blockquote>

Әлия Әбдіқайымова: Вирустың адамға әсер ету жылдамдығы өте жоғары

<a href="https://kyzylorda-news.kz/">Kyzylorda-news.kz</a>. Лицензиядан айырылған банктегі депозиттің кепілдендірілген сомасын қайтаруға өтініш бермеген азаматтардың ақшасы зейнетақы есепшотына автоматты түрде аударылады. Бұл туралы Бірыңғай жинақтаушы зейнетақы қоры хабарлады.
<blockquote>
 “Бұл дегеніміз, егер депозиттерге міндетті кепілдік беру жүйесінің қатысушысы болған және барлық операцияны жүргізу лицензиясынан айырылған банктегі депозит салымшысы кепілдік берілген өтемді төлеу басталған күннен бастап бір жылдың ішінде Қазақстанның депозиттерге кепілдік беру қорына (ҚДКБҚ) жүгінбесе, онда ҚДКБҚ кепілді өтемнің талап етілмеген сомасын ерікті зейнетақы жарналары есепке алынатын жеке зейнетақы есепшоттарына аударады”, – делінген ресми хабарламада.
</blockquote>
Бұл өзгеріс 1 мамырдан бастап күшіне енеді. Есепшоттар автоматты түрде ашылып отырады. Ал жеке тұлғаны сәйкестендіру төлем тапсырысының электронды форматында көрсетілген дербес деректер, яғни, аты-жөні, жеке сәйкестендіру нөмірі мен туған күні бойынша жүргізіледі. БЖЗҚ барлық қажетті мәліметті мемлекеттік органдардың тиісті ақпараттық базаларынан алып отырады.
<blockquote>
 “Егер азаматтың ерікті зейнетақы жарналары есепке алынатын жеке зейнетақы есепшоты бұрыннан ашылған болса, онда кепілдік берілген өтемнің талап етілмеген сомасы осы шотқа аударылатын болады”, – дейді қор мамандары.
</blockquote>
Кепілдік берілген өтемнің талап етілмеген сомасы ерікті зейнетақы жарналары сияқты инвестицияланады. Ал БЖЗҚ-да ерікті зейнетақы жарналары есебінен зейнетақы жинағы бар адамдар оны 50 жасқа толғанда, мүгедектік туындаған кезде, Қазақстан Республикасының шегінен тыс жерлерге Қазақстан заңнамасында айқындалған кету ниетін немесе дерегін растайтын құжаттарды ұсынған шетелдіктер және азаматтығы жоқ адамдар ретінде тұрақты тұруға кеткен кезде алуға құқылы.
Дегенмен, ҚДКБҚ-ға өтініш жазып, талап етілмеген соманы қайтаруға болады. Сонда оны БЖЗҚ-дан кері аударып береді. Сөйтіп ақшаны пайдалануға немесе басқа банкке салуға болады.
<a href="https://sputnik.kz/society/20210420/16840474/Depozit-zeynetaky-esepshot.html">Sputnik</a>

Қазақстан және Қызылорда облысының жаңалықтары