<a href="https://kyzylorda-news.kz/">Kyzylorda-news.kz</a>. Қазақстанда 32 педофил осы жылдың соңына дейін бостандыққа шығады.
Бүгінде елімізде балаларға зорлық-зомбылық көрсеткен&nbsp;1800 адам жазасын өтеп жатыр. Ең қорқыныштысы, олардың саны күннен-күнге артуда.
Арнайы байланыс орталығы алаңдаушылық білдірген ата-аналардың қоңырауларын қабылдауды жалғастыруда. Мұндай қылмыс жасағандардың жазасы жеңіл.&nbsp;Дегенмен, 10 педофилдің 9-ы бостандыққа шаққаннан кейін бұрынғы қылмысын қайта жасайды.
Зорлық-зомбылық құрбандарына арналған елордалық байланыс орталығына әдетте құрбан болған балалардың ата-аналары хабарласады. Қазір орталық мамандары педофилияға қатысты екі жағдаймен айналысуда.
<blockquote>
 “Қыз өгей әкесі өзін сипайтыны туралы айтты. Анасы сараптама жасатты. Гинеколог деректі растады”, – дейді “Нұр Отан” партиясының&nbsp;111 төтенше жағдайлар қызметінің үйлестірушісі Гүлсім Жиенова.&nbsp;
</blockquote>
Бас прокуратураның сайтында 14 жасқа дейінгі балаларға қарсы қылмыс жасаған адамдардың суреті мен олардың мекен-жайлары көрсетілген карта орналастырылған.
Олар үшін жаза шартты түрде сотталу, мәжбүрлі кострациядан бастап, 20 жылға бас бостандығынан айыруға дейін қарастырылады. Мәселен, Бас прокуратураның сайтында көрсетілгендей, Өскемен қаласының тұрғыны Павел Аршинец 18 жасында бір жылға ғана шартты түрде сотталса, ал Есік ауылының тұрғыны&nbsp;Жасұлан Урдабаев зорлау және кісі өлтіру қылмысы үшін 21 жылға сотталған.&nbsp;
Педофилдер бостандыққа шыққаннан кейін мінез-құлқына байланысты алты айдан үш жылға дейін полицияның қарауында болады. Осыдан кейін, заңға сәйкес мәліметтер алынып тасталады. Бірақ, психиатрлардың айтуынша, педофилия емделмейді.
<blockquote>
 “Неврологтардың зерттеуі бойынша, шығарылғандардың көпшілігі әлі күнге дейін қоғам үшін өте қауіпті деген қорытынды жасауға болады. 90% адам емделмейді. Жалғыз қорғаныс – балаға құрбан болудан қалай сақтануға болатынын үйрету керек. Балаға бейтаныс адаммен сөйлеспеуді, қол тигізсе, айқалап көмекке шақыруды үйрету керек”, – дейді психолог Виктория Аншакова.
</blockquote>
Психологтар бірауыздан мемлекеттік мекемелер де, тәрбиешілер де, полиция қызметкерлері де балаларға қатысты жыныстық зорлық-зомбылық деңгейін айтарлықтай төмендете алмайды деген пікірде. Сондықтан, бала үнемі ата-ананың бақылауында болуы керек.&nbsp;
&nbsp;<a href="https://www.youtube.com/watch?v=ZFUhd6Au7aE">“Информбюро”</a>

Қазақстанда 32 педофил бостандыққа шығады: Балаларды қалай қорғай аламыз?

<a href="https://kyzylorda-news.kz/">Kyzylorda-news.kz</a>.&nbsp; Көпшілік ата-аналар балаларын батыр, бастамашыл, талапты болып көргісі келеді. Дегенмен, баласын қорқақ болғанына қарсы емес, бір ата-ана болса да, тауып көріңізші. Егер сіз балаңыздың қорқақ, әрдайым қорғанып жүргенін байқасаңыз, онда ешуақытта оны жөндеуге, сөгіс, қысым және сендіру арқылы тәрбиелеуге асықпаңыз. Мұнымен сіз ештеңеге де қол жеткізбейсіз.
Неліктен ол қорқақ?
Қорқақтық қорқыныштардың жиі қуатталуынан болады. Балалар үшін қорқыныштың орын алуы дұрыс-ақ. Қорқыныш балаға айналаны, қоршаған ортаны тани бастағанда пайда болады. 
Ал, бір жағынан, ол өзінің мүмкіндіктерін танып біледі, еркіндікке талпынады, армандарының орындалуын қалайды, екінші жағынан, ол өзінің қауіпсіз емес екенін сезініп, сыртқы әлем, қоршаған орта оған қарағанда мықты күшке ие екенін уақыт өте келе ұғына бастайды. 
Сондай-ақ, жеткіншек өзінің қорқу топтамаларын жинауы мүмкін (мысалы, иттен және пышақтан, қоңыздан және т.б.). Сондықтан бала нені көреді, біліп, таниды, үйренеді, осының барлығына оған сыни көзбен қарауды үйретіңіз.
Қорқынышты сиқырлау
Сыни пікір қорқыныштың қысқаруына едәуір елеулі үлес қосады. Мысалы, бүлдіршін құбыжықтардан қорқатын болса, онда онымен талқылауға кірісіңіз, құбыжықтар қандай болады, олардың әлсіз, осал жері бар ма? Құбыжықтар шын мәнінде де әрдайым қорқынышты ма? 
Күдікті жою үшін үйреншікті, дағдыланған, жалпыға мәлім бір мысалды көрсетіп, айтылған, көрсетілген фильмдерге сене берудің қажеті жоқ екенін айтып түсіндіру қажет. Шын мәніндешынай өмірде құбыжықтардың болмайтынын, оның барлығы киноларда тек ойдан құрастырылған /фантастика/, ертегі-қиял екенін айтып түсіндіру ләзім. 
Ойдан шыққан құбыжықтар сияқты баламен салт-жораларды ойлап табуға болады. Мәселен, биіктен, қараңғыдан, үлкен мәшинелерден, бейтаныс адамдардан қалай қорықпауға болады? Мысалға, ол магиялық күші бар шам бола қойсын, /свечи/ шам қорқынышты құбыжықты өртеп жіберетін, сиқырлы жағымсыз аңдарды да жағып жіберетін, қайта дұшпандарының өздерін қорқытатын сиқырлы күшке ие шам болсын. Бұл бала үшін де қызықты ойынға айналар еді. Әрі баланы психологиялық қолдауға да көмектесер еді. Мұндай салт-жоралар тағы басқа да қорқыныштарды сейілтуге жәрдемдеседі.
Егер ештеңе көмектеспесе ше?
Егер сіз сонда да балаңызда қорқыныш сезімі әлі де сейілмегенін байқасаңыз, онда баланың қауіпсіздік сезімін қамтамасыз етуге көмектесетін отбасыңызда кейбір ережелер жетіспейтінін аңғартады. Болмаса, сіз соншалықты балаңыз туралы мазасызданып, барлығынан сақтандырып жүресіз, оған өз үрейіңізді көрсетесіз.
Сонымен қатар, егер үйде ата-ананың талабы өте жоғары болса да, бала онымен күресе алмайды, оны орындауға шамасы келмейді немесе бар шарқынша жасайды, дегенмен ол үнемі үрейде болады, дұрыс істей алмай қаламын ба деп қорқады. Қатаң бақылау, ереже-қағидалардың қатал жүйесі, ал бұдан артқа шегіну-кінәлау мен жазалауға апарады. Ал, бұндай тәрбиені бала өзіне деген қарым-қатынас деп түсінеді. Демек, ол егер берілген тапсырма, талапты дұрыс жасамасам, мені жазалайды, яғни мен ата-анамның сүйкімде де сүйікіті ұл-қызы емеспін. Мен оған лайық адам емеспін,-депойлайды. Осыдан барып, балада өзіне деген сенімділік жойылып, қорқақтық пен кез-келген нәрсеге алаңдаушылық, қобалжушылық, мазасыздық билеп жүреді.
Балаға айтылған әмірлі, өктем сөздер де әрдайым оны мазасызданып жүруге, қобалжушылыққа мәжбүр етеді. Ата-анамның көңілін таба алмай қаламын ба деп қорқады. Ол жасқаншақ, жасық болып кетеді. Оның ойында да белсенділігі төмендеп, оқу үлгерімі де нашарлап, іске де қабілеті жоғалады, қызығушылықтары жойылады. 
Кез-келген бұлтартпау сөздер «Оны олай жасама!», «Аузыңды жап!», «Үніңді өшір!», Жылағаныңды қой, жетер!» деген сияқты сөздер баланың көңіл-күйін бұзып, соңында балада неге болса да қысылу, қымтырылу, қобалжулар жиналып, бала қорқақ, тәуелді, әрі өзіне сенімсіз болып қалады.
Керісінше, балаға ата-анадан позитивті қарым-қатынас қажет, жігерлендіру, қолдау әрдайым қажет. Бала өзінің әрбір қадамын ата-анасы қалай бағалайтынын түсінбей, әрі ата-анасының көңілі толмаушылығына алаңдап, ол әрқашан елегізіп, сақтықта, мазасыздықта жүретін тұлға болып қалыптасады. Сіз осыны қалайсыз ба?
Қорқақтық балада жайдан-жай, тосыннан пайда болмайды, ол қоршаған ортаның, ең әуелі отбасының, жақындарының ықпал жасауымен қалыптасады. Балаға әсіресе, жолы болмау, сәтсіздіктерден қорықпауды үйрету маңызды. Сәтсіздіктер болады, ол сынақ, оқып үйренуге көмектеседі, ең бастысы, ата-ана махаббаты баланың осы сәтсіздіктеріне байланысты ғана болмауы керек. Дәл осы ата-анасындағы сенімділік және балаға деген мейірімділік, махаббаты баланың қорқынышына төтеп бере алады және жойылуына көмектеседі.
Отбасы бақыты

Бала қорқынышын қалай жеңеміз?

<a href="https://kyzylorda-news.kz/">Kyzylorda-news.kz</a>. Енді мал дәрігері мамандығында оқитын студенттер үшін Қызылордада жаңа үлгідегі заманауи лабораториялық ветеринарлық клиника ашылды.
Жаңа клиника И.Әбдікәрімов атындағы Қызылорда аграрлық техникалық жоғары колледжі базасынан ашылды. Игі шараның ашылу салтанатына облыстық білім басқармасының басшысы Ақзира Қасымова қатысып, ветеринариялық клиниканың аймақ үшін маңызды екенін, жаңа орталықтың жұмысы студенттер үшін тәжірибе алаңы болады деп атап өтті.
Қазіргі таңда И.Әбдікәрімов атындағы Қызылорда аграрлық техникалық жоғары колледжінде 1513000 «Ветеринария» мамандығы бойынша 1513063 «Ветеринарлық техник» және 1513083 «Ветеринарлық фельдшер-инспектор» біліктіліктері бойынша жұмысшы мамандар даярлануда.
Колледж білікті кадрларды даярлауда бірқатар әлуметтік серіктестіктермен тығыз байланыста.
Тәжірибе базасында студенттер инфекциялық аурулардың алдын алу мақсатында жүргізілетін вакцинация, қан алу және ауру жануарларға ем жүргізеді. Сонымен қатар жануарларды бірдейлендіру, импорт, экспортқа шығатын жануарлар мен жануарлар өнімдеріне берілетін сертификаттауды үйренеді.
Ветеринарлық клиника арқылы жануарлардың барлық түрлерін клиникалық диагностикалайды. Арнайы құрал жабдықтармен УЗИ сканер, видеоотоскоппен зерттеулер жүргізе алады. Сонымен бірге хирургиялық оталар,процедуралық, вакцина салу, акушерлік қызметтер атқарады.
Шара соңында қалалық малдәрігерлік станциясымен колледж арасында бірлескен меморандумға қол қойылды.

Қызылорда: Колледж базасынан ветеринарлық клиника ашылды

<a href="https://kyzylorda-news.kz/">Kyzylorda-news.kz</a>. Әлеуметтік желіде QazVac вакцинасына қатысты жалған ақпарат тарады.
Telegram-чаттарда&nbsp;<a href="https://aikyn.kz/126575/covid-19-%d2%9b%d0%b0%d0%b7%d0%b0%d2%9b%d1%81%d1%82%d0%b0%d0%bd%d0%b4%d0%b0-8-%d3%a9%d2%a3%d1%96%d1%80-%d2%9b%d1%8b%d0%b7%d1%8b%d0%bb-%d0%b0%d0%b9%d0%bc%d0%b0%d2%9b%d1%82%d0%b0%d0%bd/">COVID-19</a>&nbsp;қарсы қытайлық Sinovac&nbsp;вакцинасын қазақстандық әзірлеме ретінде ұсынады деген теория талқылануда. Пайдаланушылардың айтуынша, препаратты елімізге Қытайдан әкеліп, оның жапсырмаларын ауыстырады екен. ҚР Денсаулық сақтау министрлігі бұл тұжырымдарды жоққа шығарды деп хабарлайды&nbsp;<a href="https://stopfake.kz/kk/archives/5979">stopfake.kz</a>&nbsp;сайты.
Теория теледидарда шыққан жаңалықтардың бірінде қазақстандық вакцинаны бірден QazVac және QazСovid-in деп екі түрлі аталуына негізделген. Шын мәнінде, бұл екеуі бір препарат. Бастапқыда оны QazСovid-in деп атаған, бірақ кейін QazVac деп өзгерткен. Бұл туралы ҚР Білім және ғылым министрлігінің сайтында айтылды.
QazVac&nbsp;вакцинасы&nbsp;белсенді емес вирус&nbsp;платформасында жасалған. Бұл технология бұрыннан белгілі және тұмау, оба, тырысқақ, полиомиелит, дифтерия және басқа да қауіпті ауруларға қарсы&nbsp;вакциналарды&nbsp;әзірлеуде қолданылады.
Қазір отандық препарат клиникалық сынақтардың соңғы,&nbsp;үшінші кезеңінен өтуде.&nbsp;Оған үш мыңнан астам ерікті қатысуда. Аралық сынақ нәтижелері оң нәтиже берді. Қазақстандық вакцина егілген еріктілерде антиденелер титрінің өсуі байқалады, бірінші&nbsp;вакцинациядан кейін 16-дан 128-ге дейін (СГТ=32.0), екінші вакцинациядан кейін 128-ден 2048-ге дейін (СГТ=618.5).
Қытайлық&nbsp;вакцинаны қазақстандық әзірлеме деп ұсыну мүмкін емес, өйткені Sinovac препараты біздің елге жеткізілмейді.
<blockquote>
 «Елімізде Sinovac&nbsp;вакцинасы әлі жоқ, бірде-бір жеткізілім жүзеге асырылған жоқ. Тиісінше, қазақстандықтарды онымен екпейді. Қазіргі кезде Қазақстанда «Спутник-V» вакцинасы қолданылуда. 26 сәуірден бастап отандық QazVac препаратымен вакцинациялау басталады», – деп хабарлады ҚР Денсаулық сақтау министрлігінен.
</blockquote>
Демек, Қытай өндірілген препарат отандық&nbsp;вакцина&nbsp;деп ұсынылатыны туралы тұжырымдар жалған. Елімізде қытайлық Sinovac препараты жоқ, ал отандық&nbsp;вакцинаның әзірленуі мен клиникалық сынақтары туралы соңғы мәліметтер ҚР Білім және ғылым министрлігінің&nbsp;<a href="https://www.gov.kz/memleket/entities/edu/press/news/1?body=Qaz&lang=kk">сайтында үнемі жарияланып тұрады.</a>

«Қытайлық вакцина қазақстандық деп ұсынылып жатыр»: Ақпарат қаншалықты рас?

<a href="https://kyzylorda-news.kz/">Kyzylorda-news.kz</a>.&nbsp; Түркістандағы «Керуен Сарай» туристік кешеніндегі театрдың шатырын жел ұшырып жіберді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Театрдың видео әлеуметтік желіде тез тарап кетті. Алайда оқиғаға қатысты ешкім түсініктеме бермеді.
Түркістан облысы әкімдігінің баспасөз қызметі Түркістанда “әлемде теңдесі жоқ бірегей театр”&nbsp;салынып жатқандығы туралы хабарлаған болатын. Ғимарат ұядағы самұрық құсының үлкен жұмыртқасы түрінде жасалған.
<blockquote>
 “Жұмыртқа түріндегі дәл осы ерекше театрда сіз жаңа технологияларды қолдана отырып таңғажайып саяхат жасай аласыз. Қонақтар 8D форматындағы ертегі еліне барып, қазақ халқының тарихына ене алады”, – деп хабарланған. .
</blockquote>
Керуен Сарай туристік кешенінің құрылысы 2019 жылдың желтоқсанында басталды. Инвестициялық жобаны Turkistan Tourism City жүзеге асырды. Ашылуы 2021 жылы сәуірде өтті.
Инвестициялық жобаның құны 87 миллиард теңгені құрайды.

Түркістанда қатты желден су жаңа театрдың төбесі ұшып кетті

<a href="https://kyzylorda-news.kz/">Kyzylorda-news.kz</a>.&nbsp; Бүгін Жер реформасы жөніндегі комиссияның отырысында жер иелгіне қатысты нормаларға белгіленген мораторий мерзімін 5 жылға ұзарту туралы шешім қабылданды, деп хабарлайды <a href="https://lenta.inform.kz/kz/kazakstandyktardyn-zher-ieligine-katysty-normalarga-belgilengen-moratoriy-merzimi-5-zhylga-uzartylmak_a3780441">ҚазАқпарат</a>.
<blockquote>
 «Ауыл шаруашылығы жерлерінің электронды форматта көпшілікке ашық түрде беру тетігін енгізу қажет. Оны өткен сенбіде бірге талқыладық. Аз дегенде 2023 жылға дейін уақыт керек. Оны да қарастыру керек. Сондықтан барша азамат жер иелікке немесе пайдалануға берудің әділетті және ашық өтетіндігіне көз жеткізу қажет. Өткен аптада осы жерде керемет, тарихи шешім қабылданды деп ойлаймын. Жерді жалға 49 жылға беруге байланысты шешім қабылданды. Оның өзі жердің қазіргі экономикалық айналымға енуіне толықтай мүмкіндік туғызып жатыр. Меншікке байланысты «болады не болмайды» деп шешім қабылдамай, оны болашаққа қалдыру керек деп ойлаймын», – деді отырыс барысында ҚР Премьер-Министрінің орынбасары Ералы Тоғжанов.
</blockquote>
Оның атап өтуінше, жерді меншікке беруге қатысты шешімді болашаққа қалдырудың бір-ақ жолы бар.
<blockquote>
 «Ауыл халқы болашақта осы мәселеге қатысты тікелей шешім қабылдауы керек шығар. Парламентте біраз мәселе көтерілетіндігі айтылды. Соның бәрін болашақта ескере отырып, осы іске аз дегенде 3 жылдан 5 жылға дейін уақыт керек деген ойда отырмын. Асығыстық жасауға болмайды. Олай болса, жер иелгіне қатысты нормаларға жыл соңына дейін белгіленген мораторий мерзімін 5 жылға ұзартуды ұсынамыз. Бір ғана шешім болуы керек қой деп ойлаймын. Қазір бірнеше шешім қабылдауға, елді жан-жаққа тартуға еш қақымыз жоқ. Осы жердегі әрбір азамат жауапкершілікті мойнына алып отыр деп ойлаймын. Сондықтан, комиссия мүшелері осындай ортақ пікірге тоқталсақ деген ұсынысты ортаға саламын», – деді Ералы Тоғжанов.
</blockquote>
Комиссия мүшелері жер иелігіне қатысты нормаларға жыл соңына дейін белгіленген мораторий мерзімін 5 жылға ұзартуды қолдап дауыс берді.

Қазақстандықтардың жер иелігіне қатысты нормаларға белгіленген мораторий мерзімі 5 жылға ұзартылмақ

<a href="https://kyzylorda-news.kz/">Kyzylorda-news.kz</a>.&nbsp; ҚР Денсаулық сақтау министрлігі өңірлерде тіркелген қайғылы жағдайлар санын жариялады.
22 сәуірдегі дерек бойынша елімізде 27 адам коронавирус инфекциясынан көз жұмған. Оның төртеуі КВИ-, 23-і КВИ+.
Аймақтар бойынша: 
Нұр-Сұлтан қаласы – 8, 
Алматы қаласы – 8, 
Шымкент қаласы – 3, 
Ақтөбе облысы – 2,
Жамбыл облысы – 1,
Батыс Қазақстан облысы – 1, 
Қарағанды облысы – 3,
Қызылорда облысы – 1,

Қызылордада коронавирустан 1 науқас қайтыс болды

<a href="https://kyzylorda-news.kz/">Kyzylorda-news.kz</a>.&nbsp; Қызылорда қалалық Полиция басқармасының кезекші бөліміне 37 жастағы&nbsp; қала тұрғыны арызданды. Арызданушының айтуы бойынша, 2006 жылы туылған баласы түскі уақытта үйінен белгісіз бағытқа шығып кетіп, үйіне оралмағаны туралы айтып, 102 арнасына хабарлама түсірген.&nbsp;
Жасөспірімді іздеу жұмыстарына ювеналды полиция, патрульді полиция нарядтары жұмылдырылып,&nbsp; үйлердің шатырлары мен аулалары, құрылыс жүріп жатқан обьектілер, мекемелердің аулалары&nbsp; араланып, тұрғындардан сұрастыру жұмыстары жүргізілді.&nbsp; Әлеуметтік желіде ақпараттар тарап, тұрғындардың қырағылының арқасында жоғалған жасөспірім бірнеше сағаттың&nbsp; ішінде қалаға қарасты Махамбет ауылынан&nbsp;&nbsp; табылып, ата – анасына аман – есен тапсырылды. Кәмелет жасына толмаған баланың денсаулығына ешқандай қауіп төніп тұрған жоқ.
ҚПБ- басшылығы ата-аналарға балаларды қараусыз қалдырмауды тағы да ескертеді.
<img src="https://kyzylorda-news.kz/wp-content/uploads/2021/04/img_20210423_230823_621.jpg" alt="" />

Қызылордада жоғалып кеткен 15 жасар бала аман-есен табылды

<a href="https://kyzylorda-news.kz/">Kyzylorda-news.kz</a>.&nbsp; Бүгін «Тағзым» мемориалында бірқатар ел ағалары және ардагерлер мен бірге қала әкімі Ғанибек Қазантаев тал көшеттерін отырғызды.
Бұл күні «Тағзым» алаңы 200–ден аса тал көшетімен толықты. Қаланың таза әрі жасыл желекке оранып, әсем кейіпке енуі әрбір адамның сүйіспеншілігі мен жанашырлығын қажет етеді деген ел ағалары көгалдандыру, тазалық жұмыстарын жүргізу санитарлық талап қана емес мәдениет пен талғамның белгісі екендігін атап өтті. 
Атадан мал қалғанша, тал қалсын деген тағылымды тәмсілді ту етіп, игі шараға атсалысқан Мемлекет және қоғам қайраткері Қорғанбек Қайруллаұлы «Бір кездері Қызылорда жайнаған жасыл желекке толы болатын. Қазір сол қалпына қайтып келе жатыр. Қала сәулеті ажарланды» – деп, енді көгалдандыру жұмыстарын күшейте түсу керектігін айтты.
Бүгінгі шара жастық шағымыздағы пионер, комсомол ұйымдарын еске салды деп сөзін бастаған Мемлекет және қоғам қайраткері, «Ұрпақтан ұрпаққа» ҚБ төрайымы Алмагүл Божанова «Отан үшін отқа түсіп, кеудесін оққа тосқан батыр ерлердің есімі жазылған алаңда тал егудің мақсаты тек экологиялық акцияға үлес қосу емес, арда азаматтарымызды еске алып, рухына тағзым ету деп білемін» – деді.
Бабалар еккен шынарды балалары саялайды деген қала әкімі Ғанибек Қонысбекұлы «Айналамызды таза ұстап, қаланы гүлдендіру ортақ іс. Тал егу науқандық шара болғанымен тазалық күн сайын көңіл бөлуді қажет етеді» – деп, қала тұрғындарын экологиялық акцияға белсене қатысуға және тазалық мәселесіне бей-жай қарамауға шақырды. Сонымен қатар тал егуден оны күтіп-баптаған маңыздырақ екендігін атап өткен шаһар басшысы аталған жұмыстарды жүйелі ұйымдастыруды жауаптыларға тапсырды.
Айта кетейік, бұған дейін қала аумағында «Таза қала, Таза Қазақстан» акциясы аясында 22 мың 500 түп дана ағаш көшеттері отырғызылған. Ағымдағы жылы қаламызды көркейту-көгалдандыру жұмыстары жоғары қарқында жалғасатын болады. Қала аумағында орналасқан 51 сквер мен аллеялардың 54 мың шаршы метр аумағына гүлдер мен газондар және көше бойларына ағаш көшеттерін отырғызуға жергілікті бюджеттен қаржы қаралған.
<img src="https://kyzylorda-news.kz/wp-content/uploads/2021/04/178167939_2820122734921133_3742017896648550449_n.jpg" alt="" />
<img src="https://kyzylorda-news.kz/wp-content/uploads/2021/04/177695524_2820122981587775_5863314730354946037_n.jpg" alt="" />

Қызылордада 23 мыңға жуық ағаш көшеттері егілді

Kyzylorda-news.kz. Ұлттық музейдің директоры,&nbsp; экс-министр Арыстанбек Мұхамедиұлы желіде тараған видеодағы ақпаратқа қатысты сұрақтарға жауап берді, деп хабарлайды&nbsp;<a href="https://sputnik.kz/">Sputnik Қазақстан.</a>
Оның айтуынша, жұбайының атында The Family деген дәмхана бар. Өткен жылы Қазақ энциклопедиясын (ғимаратын) сатып алған. Ол да әйелінің атында көрінеді.
<blockquote>
 “Екі ұлымның атына “Alem Education System” білім орталығы тіркелген. Шетелде оқытатын орталықтар ғой. Қазір біз колледжді де алдық. Колледждің негізгі бағыты – туризм, аударма ісі, мейрамхана бизнесі, ұлттық тағамдар, аспаздық өнері. Туризм саласын өзім біраз уақыт басқарғасын білемін, бізде сервис жоқ. Бұл да инновация. Мен ойлап-ойлап, қазір қонақ үй мен колледжді біріктіріп жатырмын. Неге десеңіз, колледжді бітіргеннен кейін практикаға барады”, – деді Мұхамедиұлы&nbsp;<a href="https://www.youtube.com/watch?v=f2oyTumdi0k&t=3946s">Qasqa Jol</a>&nbsp;Youtube-арнасына берген сұхбатында.
</blockquote>
Осы орайда экс-министр “Дипломат” қонақ үйінің 71 проценті енесінің атында екенін атап өтті. Өткен жылы сатып алыпты.
<blockquote>
 “Бүкіл декларация бар. Негізі мен жастайымнан еңбекқормын. Біз 2000 жылы алғаш рет астанаға көшіп келгенде “Якутские бриллианты” деген дүкен аштық. Үлкен қайынағам Якутияда тұратын. Сол гауһар тасты салып жібереді. Ол кезде Intercontinental деген қонақ үй болған. Соның ішінен жалға орын алып бастағанбыз. Шүкір, ары қарай да ұсыныстар болды. Сосын газ компаниясы бізге ұсыныс білдірді”, – деп толықтырды Мұхамедиұлы.
</blockquote>
Музей директоры өз дүниесін оффшорға шығарманын да ерекше атап өтті. Соңғы бір жарым жылдың ішінде оны жан-жақты тексерген. Экс-министрдің айтуынша, қазақ-швейцар-американ Халықаралық колледжі жұбайының атында,&nbsp; “AiDimZhan Co” компаниясы үш баласы – Айжан, Димаш пен Жандостың есімдерінен тұрады.&nbsp; “Шапағат” базарының 45 проценті Айжанға тиесілі.&nbsp;
<blockquote>
 “Жақын араласып жүрген азаматтардан ұсыныс түсті. Бизнес емес, бір-бірімізге жақын болайық деген ырыммен алынған дүние ғой. Айжан қызымды биыл тұрмысқа беріп жатырмыз, “Шапағат” сыйлықтың бір түрі дегендей ғой”, – деді Мұхамедиұлы.
</blockquote>
Экс-министр тұратын коттедждің ауданы – 540 шаршы метр. Осы орайда Мұхамедиұлы желіде тараған видеодағы Көктөбедегі коттедж бен ипподромға еш қатысы жоқ екенін мәлімдеді. Ал “Неге бәріне Арыстанбек Мұхамедиұлының өмірі қызықты?” деген сұраққа: “Егер өмірде бейшара болып жүрсең, ешкімге керек емес болып жүре бересің. “Ой, мынау бейшара, тиіспеңдерші, жүре берсін” дейді де, қоя салады. Ал кітап жазып жатсаң, сосын Нью-Йорк кино академиясын ашамын десең, бәрі шулайды”, – деп жауап берді.&nbsp;
Мұхамедиұлының желіде тараған видеоға қатысты сөзі 51:00 минутта басталады.

&#8220;Бейшара болсаң ешкімге керек емессің&#8221;: Арыстанбек Мұхамедиұлы қалай байығанын ашық айтты   (видео)

Kyzylorda-news.kz. Сыбайлас жемқорлыққа қарсы қызметте сыбайлас жемқорлық қылмыстары ең көп тіркелетін мемлекеттік органдарды атады, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
“2021 жылдың бірінші тоқсанында сыбайлас жемқорлыққа қарсы қызмет 452 қылмыстық құқық бұзушылықты тіркеді. Оның 76 пайызы, төрттен үш бөлігі – сыбайлас жемқорлық.
Аса ауыр құрам бойынша қылмыстар санының өсуі байқалады. Бір жарым есе өсім – бұл сыбайлас жемқорлыққа қарсы қызметтің қызметі ірі көп деңгейлі заңдастырылған сыбайлас жемқорлық схемаларын анықтауға, ашуға бағытталғанын көрсетеді”, – деді сыбайлас жемқорлыққа қарсы іс-қимыл агенттігінің стратегия және жедел басқару департаментінің басшысы Нұрлан Жақсымбетов.
Оның айтуынша, тіркелген қылмыстардың басым бөлігі парақорлық пен ұрлық фактілеріне тиесілі.
<blockquote>
 “Сыбайлас жемқорлық қылмыстары бойынша 412 адам жауапқа тартылды, оның ішінде 42 адам, 10 пайызы – республикалық және облыстық деңгейдегі басшылар. Ең көп сыбайлас жемқорлық қылмыстарын бұрынғысынша әкімдіктердің қызметшілері, полиция қызметкерлері және квазимемлекеттік сектор қызметкерлері жасайды. Бұл түсінікті де, себебі мемлекеттік қызметкерлердің басым бөлігі әкімдіктер мен ішкі істер органдарында істейді. Сыбайлас жемқорлықты көп жасайтындар&nbsp;ішінде кедендік бақылау органдарынан – 85 адам, білім беру саласынан – 32, денсаулық сақтау және құрылыс саласынан – 27 адам қылмыстық жауапкершілікке тартылды”, – деді Жақсымбетов.
</blockquote>

Қазақстандағы ең жемқор органдар аталды

Kyzylorda-news.kz. Қазақстанда өткен тәулікте 2 585 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 485, Алматы қаласы – 770, Шымкент қаласы – 58, Ақмола облысы – 103, Ақтөбе облысы – 157, Алматы облысы – 241, Атырау облысы – 92, Шығыс Қазақстан облысы – 72, Жамбыл облысы – 87, Батыс Қазақстан облысы – 148, Қарағанды облысы – 166, Қостанай облысы – 27, Қызылорда облысы – 47, Маңғыстау облысы – 16, Павлодар облысы – 69, Солтүстік Қазақстан облысы – 21, Түркістан облысы – 26.
Қазақстан бойынша жазылғандар саны – 259 863.

Қазақстан және Қызылорда облысының жаңалықтары

Қазақстанда 32 педофил бостандыққа шығады: Балаларды қалай қорғай аламыз?

Бала қорқынышын қалай жеңеміз?

Қызылорда: Колледж базасынан ветеринарлық клиника ашылды

«Қытайлық вакцина қазақстандық деп ұсынылып жатыр»: Ақпарат қаншалықты рас?

Түркістанда қатты желден су жаңа театрдың төбесі ұшып кетті

Қазақстандықтардың жер иелігіне қатысты нормаларға белгіленген мораторий мерзімі 5 жылға ұзартылмақ

Қызылордада коронавирустан 1 науқас қайтыс болды

Қызылордада жоғалып кеткен 15 жасар бала аман-есен табылды

Қызылордада 23 мыңға жуық ағаш көшеттері егілді

“Бейшара болсаң ешкімге керек емессің”: Арыстанбек Мұхамедиұлы қалай байығанын ашық айтты (видео)

Қазақстандағы ең жемқор органдар аталды

Қызылордада 47 науқас коронавирустан жазылып шықты

Қазақстан және Қызылорда облысының жаңалықтары

Қазақстанда 32 педофил бостандыққа шығады: Балаларды қалай қорғай аламыз?

Бала қорқынышын қалай жеңеміз?

Қызылорда: Колледж базасынан ветеринарлық клиника ашылды

«Қытайлық вакцина қазақстандық деп ұсынылып жатыр»: Ақпарат қаншалықты рас?

Түркістанда қатты желден су жаңа театрдың төбесі ұшып кетті

Қазақстандықтардың жер иелігіне қатысты нормаларға белгіленген мораторий мерзімі 5 жылға ұзартылмақ

Қызылордада коронавирустан 1 науқас қайтыс болды

Қызылордада жоғалып кеткен 15 жасар бала аман-есен табылды

Қызылордада 23 мыңға жуық ағаш көшеттері егілді

&#8220;Бейшара болсаң ешкімге керек емессің&#8221;: Арыстанбек Мұхамедиұлы қалай байығанын ашық айтты (видео)

Қазақстандағы ең жемқор органдар аталды

Қызылордада 47 науқас коронавирустан жазылып шықты

“Бейшара болсаң ешкімге керек емессің”: Арыстанбек Мұхамедиұлы қалай байығанын ашық айтты (видео)