Kyzylorda-news.kz. Қазақстанда коронавируспен ауырғандардың жалпы саны 303&nbsp;570 адамға жетті, деп хабарлайды ведомствоаралық комиссия.
<blockquote>
 “Ал өткен бір тәулік ішіне республика бойынша 2 837 адамның коронавирус індетімен ауырғаны ПТР арқылы расталды”, – делінген хабарламада.
</blockquote>
Қалалар мен өңірлер бойынша:
<ul>
<li>Нұр-Сұлтан қаласы – 547,</li>
<li>Алматы қаласы – 694,</li>
<li>Шымкент қаласы – 110,</li>
<li>Ақмола облысы – 147,</li>
<li>Ақтөбе облысы – 139,</li>
<li>Алматы облысы – 205,</li>
<li>Атырау облысы – 128,</li>
<li>Шығыс Қазақстан облысы – 95,</li>
<li>Жамбыл облысы – 73,</li>
<li>Батыс Қазақстан облысы – 172,</li>
<li>Қарағанды облысы – 234,</li>
<li>Қостанай облысы – 30,</li>
<li>Қызылорда облысы – 69,</li>
<li>Маңғыстау облысы – 57,</li>
<li>Павлодар облысы – 54,</li>
<li>Солтүстік Қазақстан облысы – 42,</li>
<li>Түркістан облысы – 41.</li>
</ul>
Жалпы бүгінге дейін 259&nbsp;863 науқас аурудан айығып шықса, 3&nbsp;535 адам аталған індет салдарынан қайтыс болды.

Қызылордада 69 адам вирус жұқтырды

<a href="https://kyzylorda-news.kz/">Kyzylorda-news.kz</a>. Синоптиктер алдағы үш күнде ауа райы қандай болатынын айтты.
<blockquote>
 “Алдағы үш күн ішінде Қазақстан аумағына атлантикалық циклонның жақындауына байланысты республиканың басым бөлігінде ауа температурасы жоғарылайды”, – делінген “Қазгидромет” хабарламасында.
</blockquote>
Кей жерлерде тұман түсіп, жел күшейеді. Сондай-ақ, республиканың оңтүстік бөлігінде шаңды дауыл көтеріліп, оның соңы жауын-шашынға ұласады.
Бірқатар өңірде жаңбыр жауса, батыс облыстарда найзағай ойнап, бұршақ жаууы мүмкін.

Ауа райы болжамы жарияланды

Kyzylorda-news.kz. Бүгін облыс әкімі Гүлшара Әбдіқалықова жұмыс сапарымен Сырдария ауданына барды. Өңір басшысы бірқатар нысандарды аралап, індетпен күрес барысын бағадамды. Сондай-ақ, ауданның әлеуметтік-экономикалық даму көрсеткіштерін саралады.
Гүлшара Әбдіқалықова ең алдымен Іңкәрдария ауылдық округіндегі «Ақжарма және К» ЖШС-нің егістік алқабына барды.
Ауылдық округтегі «Ақтам» каналы бойынан экологиялық таза бақша дакылдарын өндіру технологиясы аясында 5 гектар жерге «Қара күләбі» қауын сортын өсіру қолға алынды. Бұл ретте «Қазақ картоп және көкөніс шаруашылығы ғылыми-зерттеу» институты егістік жерлерін тегін биотыңайтқыштармен қамтамасыз ету және негізгі зиянкестерге қарсы кешенді күрес жұмыстарын жүргізеді.
Мұнан кейін облыс әкімі аудандық маңызы бар Самара-Шымкент-Жаңадария автомобиль жолына жүргізілген орташа жөндеу жұмыстарымен танысты.
Автомобиль жолының 15 шақырымы «Жұмыспен қамту жол картасы» аясында орташа жөндеуден өтсе, 2,5 шақырымы «Нұрлы жер» бағдарламасы арқылы жаңғыртылған.
Жұмыс сапары аясында Гүлшара Әбдіқалықова аудандағы коронавирус инфекциясымен күрес шараларына жете мән беріп, ауруханаға арнайы барды. Емдеу мекемесінде тұрғындарды вакциналау жұмыстарының қалай жүргізіліп жатқанын бақылап, медицина қызметкерлерінің дайындығын пысықтады.
Аурухана 110 төсек орынға арналған. Бүгінде 50 орындық инфекциялық стационар жұмыс істеуде. Індет күшейген жағдайда қосымша 100 орын дайындауға мүмкіндік бар. Қауіпті індеттен сақтану үшін 500 тұрғынға вакцина салынған.
Облыс әкімі індетпен ауырғандардың тіркелу көрсеткіші Сырдария ауданында жоғары болуына орай сақтық шараларын қатаң ұстауды, тұрғындарға вакцинация салуды кешенді түрде түсіндіру қажет екенін атап өтті. 
Аймақ басшысы бірқатар білім беру ұйымдарын аралады. С.Сейфуллин ауылындағы №137 мектебі мен
«Ақкөгершін» бөбекжай балабақшасындағы оқу-тәрбие процесін бақылады. 90 орындық тәрбие ұясында 85 бала тәрбиеленуде. Облыс әкімі дәстүрлі түрде оқитын балалардың қатаң санитариялық талаптарды сақтап, топтасып шоғырланбауына жол бермеу қажеттігін ескертті.
Әрі қарай ауылдық клубтың жұмысымен танысып, ауылдың әлеуметтік-экономикалық даму жағдайын таразылады. Сонымен бірге ардагерлермен кездесіп, пікірлесті.
Мұнан кейін өңір басшысы А.Тоқмағанбетов ауылындағы №135 орта мектептің жұмысымен танысып, оқу процесін бақылады. №135 мектептің бірінші қабатында орналасқан «Инклюзивті білім беруді қолдау» кабинетін аралап, қайта жаңғыртудан кейінгі спорттық-жаттығу залының жұмысын көрді.
Облыс әкімі нысандарды аралау барысында Асқар Тоқмағанбетов ауылындағы біртоп жер үлескерлерімен кездесіп, мәселелерін тыңдады. Аймақ басшысы ауылдың бірлігін сақтауда екі тараптың ұсыныстары жан-жақты заң аясында қаралып, тиісті сот шешімі қабылданатынын жеткізді.
Әрі қарай өңір басшысы «Нұрлы жер» бағдарламасы аясында салынатын 3 тұрғын үй құрылысын көрді. Жаңадан бой көтеретін 1 тұрғын үйдің жалпы ауданы 67,4 шаршы метр, ені-9,50 метр, ұзындығы-9,60 метрді құрайды. Тұрғын үй құрылысы маусым айында аяқталып, ел игілігіне беріледі.
Облыс әкімі Сырдария ауданындағы жұмыс сапарының қорытындысында Тереңөзек кентіндегі орталық алаңды абаттандыру жұмыстарын көрді. Алаңда 79 көшет пен бірнеше сортты гүл отырғызылып, замауани үлгідегі жарықшамдар орнатылатын болады. Сондай-ақ, қазақы ою-өрнектегі тастөсеніштер төселеді. Орталық алаңды абаттандыру жұмыстарына 83,4 млн.теңге қаржы бөлінген.
Өңір басшысы Гүлшара Әбдіқалықова аудан әкімі Талғат Дүйсебаевқа мемлекеттік бағдарламалар арқылы жұмыс орындарын көбейту, індетпен күрес қарқынын күшейту, вакцина салуды белсенді жүргізу сынды маңызды жұмыстарды өз деңгейінде орындауды тапсырды.
<img src="https://kyzylorda-news.kz/wp-content/uploads/2021/04/fb_img_1619188754850.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619188769883.jpg" alt="" />
<img src="https://kyzylorda-news.kz/wp-content/uploads/2021/04/fb_img_1619188758569.jpg" alt="" />

Гүлшара Әбдіқалықова Сырдария ауданындағы бірқатар нысандарды аралады

<a href="https://kyzylorda-news.kz/">Kyzylorda-news.kz</a>.&nbsp; Жүктілікті вакциналаудан кейін 2 ай өткен соң жоспарлауға болады. Бұл туралы ҚР ДСМ Қоғамдық денсаулық сақтау ұлттық орталығы басқарма төрағасының орынбасары Айнагүл Қуатбаева мәлім етті, деп хабарлайды ҚазАқпарат.
<blockquote>
 «Бұл тақырып көпті ойландырып жүрген белгілі. Қазіргі кезде вакцинаны алуды немесе жүктілікті жоспарлап отырған әйелдердің сауалына тоқталсақ, жүктілікті вакцинациядан кейін 2 ай өткен соң жоспарлауға болады. Себебі ағзада толық иммунитет қалыптасады. Еріктілердің арасында жүкті әйелдердің болмауына байланысты бұл вакцинаның жүкті әйелдердің ағзасында қалай жүретіні туралы ғылыми мәліметіміз жоқ. Соған байланысты осындай шешім қабылданып отыр», – деді А. Қуатбаева Орталық коммуникациялар қызметінде.
</blockquote>
Оның айтуынша, уақыт өте келе ғылыми жұмыстардың нәтижесіне байланысты бұл бағыттағы тәселдер өзгеруі мүмкін.
«Сондықтан вакциналаудан кейін 2 ай өткен соң жүктілікті жоспарлай беруге болады», – деп нақтылады Айнагүл Қуатбаева.
Бұдан бұрын хабарланғандай, вакцинаның бірінші компонентін салдырған созылмалы ауруы бар адамдар саны 32 314-ке жетті.

Вакциналаудан кейінгі қандай аралықта жүктілікті жоспарлауға болады?

<a href="https://kyzylorda-news.kz/">Kyzylorda-news.kz</a>.&nbsp; Жүкті әйелдер МӘМС жүйесінде азаматтардың жеңілдікке ие санаты ретінде сақтандырылғандықтан, қымбат диагностикалық зерттеулер мен тегін медициналық көмектің толық пакетін алуға құқылы. Мәселен, 2020 жылдың қорытындысы бойынша жүкті әйелдерді тексеру аясында 300 мыңнан астам биохимиялық скрининг, 522 мың УДЗ, 4617 инвазивті пренатальды диагностика қызметі, оның ішінде молекулалық цитогенетикалық зерттеулер, 83 мың генетиктердің консультациялары өткізілді деп хабарлайды Әлеуметтік медициналық сақтандыру қорының баспасөз қызметі.
Жүкті әйелдер тегін медициналық көмектің кепілдендірілген көлемі аясында және (немесе) міндетті әлеуметтік медициналық сақтандыру жүйесі бойынша медициналық қызмет алу үшін жүктіліктің он екі аптасына дейін өзі тіркелген емханаға&nbsp; медициналық есепке тұруға міндетті.
Аяғы ауыр әйел жүктілігін сақтағысы келіп, емханаға бірінші рет жүгінген кезде акушер-гинеколог, жалпы тәжірибелік&nbsp;&nbsp;&nbsp; дәрігер (бұдан әрі – ЖТД) немесе алғашқы медициналық-санитарлық көмек орталығының учаскелік терапевті:
1) анамнезді жинайды, жүкті әйелде және туыстарында аурулардың (қант диабеті, артериялық гипертензия, туберкулез, психикалық бұзылулар, онкологиялық аурулар және т. б.) болуын, туа біткен даму кемістіктері және тұқым қуалайтын аурулары бар балалардың тууын анықтайды;
2) бала кезінде және ересек жаста болған ауруларға (соматикалық және гинекологиялық), операцияларға, қан мен оның компоненттерін құюға назар аударады;
3) анамнезді жинау кезінде «Медициналық генетика» мамандығы бойынша дәрігерге жіберу үшін туа біткен және тұқым қуалайтын патология бойынша (ультрадыбыстық скринингсіз және аналық сарысу маркерлерін талдаусыз) мынадай айғақтарға сәйкес «қатер» тобын анықтайды: жүкті әйелдің жасы 37-де және одан асса, анамнезінде генетикалық айғақтар бойынша жүктілікті үзу және/немесе ДПР немесе хромосомалық патологиясы бар баланың тууы, моногенді тұқым қуалайтын ауруға шалдыққан баланың тууы, хромосомалық немесе гендік мутацияның тұқым қуалауы, ауыр акушерлік анамнез (өлі туу, әдеттегі түсік түсіру және басқалар);
4) жүктіліктің бірінші&nbsp; үш айлығында аналық Сарысу маркерлерін талдау үшін жүкті әйелдерді қан алуға жібереді және жүктіліктің бірінші, екінші және үшінші айлықтарында ультрадыбыстық скринингті тағайындайды;
5) ұрпақты болу функциясының ерекшеліктерін зерделейді;
6) жұбайының денсаулық жағдайын, қан тобын және резус тиістілігін нақтылайды;
7) ерлі-зайыптылар жұмыс істейтін өндірістің сипатын, зиянды әдеттерді зерделейді;
8) уақтылы зерттеп-қарау үшін жүкті әйелдерді 12 аптаға дейін ерте есепке қоюды және жүктілік анықталған күні тіркеуді жүзеге асырады;
9) жүктілікті көтеруге қарсы көрсетілімдердің болуын анықтайды;
10) жүкті әйелдер тіркелімінен және ФЖӘ-дан алдыңғы жүктіліктің барысы және бұрын анықталған соматикалық аурулар туралы ақпарат алу мүмкіндігін пайдаланады.
11) анықталған факторларды ескере отырып, жүктілікті жүргізудің алдын ала жоспарын жасайды.
Тексеру нәтижелерін алғаннан кейін:
1) қауіп факторларын ескере отырып, жүкті әйелдің қандай да бір топқа жататындығы айқындалады.
2) тәуекел факторларын ескере отырып және ана мен ұрықты тексерудің қазіргі заманғы технологияларын пайдалана отырып, жүкті әйелді байқаудың жеке жоспары жасалады.
3) ресімделеді:
– жүкті және босанған әйелдің жеке картасы дәрігердің бақылау жазбаларына арналған медициналық құжаттама
– жүкті әйелге алғашқы барған кезде берілетін және бақылау орнына және басқа медициналық ұйымдарға ұсыну үшін жүктілік кезінде оның қолында болатын алмасу картасы.
Жүкті әйелді босанғанға дейін (физиологиялық) бақылау бағдарламасы қалыпты жағдайда 7 рет&nbsp; келуді қамтиды:
Алғаш келген кезде әйел мына&nbsp; зерттеулерге жіберіледі:
<ul>
<li>жалпы қан және зәр талдауы;</li>
<li>дене салмағының индексі 25.0-ден жоғары болған кезде қандағы қант;</li>
<li>қан тобы және Rh факторы;</li>
<li>бак. зәрді талдау;</li>
<li>онкоцитологияға жағынды;</li>
<li>АИТВ-ға ИФТ және гепатит маркерлері;</li>
<li>Вассерман реакциясы;</li>
<li>биохимиялық генетикалық маркерлер.</li>
<li>бірінші УДЗ скринингі.</li>
<li>босануға дайындық мектебіне бару, отбасы өкілімен маманға бару ұсынылады.</li>
</ul>
Екінші рет қаралу, әдетте, жүктіліктің 16-20 аптасында тағайындалады. Акушерлік тексеру, ақуызға зәр анализі және екінші ультрадыбыстық скрининг жүргізіледі.
24-25 апта мерзімі ішінде жүкті әйел зертханалық зерттеулерге жіберіледі (ақуызға зәр анализі, қанның резус-теріс факторы бар антиденелер), алдын-алу шараларын тағайындайды.
30-32 апта мерзімі ішінде &nbsp;акушер-гинеколог жүкті әйел мен ұрықтың жалпы жағдайын бағалайды. Осы уақытта пациент Вассерман реакциясын, ЖИТС-ке ИФТ, ақуызға зәр анализі және жалпы қан анализін тапсырады. Осы кезеңде босанғанға дейінгі демалыс беріледі.
Жүкті әйелдің келесі келуі 36 апта ішінде тағайындалады. Акушер-гинеколог жүкті әйелдің және ұрықтың жалпы жағдайын бағалайды. Босанудың болжамды мерзімі нақтыланады.
Алтыншы кеңес әдетте босанғанға дейін 38-40 аптада жасалады. Акушер-гинеколог, жалпы тәжірибелік дәрігері (бұдан әрі – ЖТД) немесе алғашқы медициналық-санитарлық көмек орталығының учаскелік терапевті де ықтимал асқынулардың профилактикасын жүргізеді және қажет болған жағдайда жүктілікті жүргізу жоспарын түзетеді, артериялық қысымды өлшейді, сыртқы акушерлік тексеруді жүргізеді, жатырдың биіктігін өлшейді, ақуызға зәр анализіне жібереді.
Жүктілікті бақылау кезінде жалпы тәжірибелік дәрігері (бұдан әрі – ЖТД) немесе алғашқы медициналық-санитариялық көмек орталығының учаскелік терапевті және учаскелік акушер жүкті әйелге үйде патронаж жүргізеді.
Жүктіліктің өтуі асқынған жағдайда келушілер саны мен клиникалық-диагностикалық зерттеулерді шектеусіз жүргізудің жеке жоспары жасалады.
Егер пациент скринингтердің кез келгеніне емханаға тағайындалған күннен кейін үш күн ішінде келмеген жағдайда, оны үйде тонометр, термометр және стетоскоп болуы тиіс акушер немесе мейіргер патронажға алады.
МӘМС туралы Заңның 26-бабына сәйкес жұмыс істемейтін жүкті әйелдер де жарналарды төлеуден босатылғанын қосымша хабарлаймыз. Бұл тұлғаларға жеңілдік мәртебесі ҚР ДСМ АЖ есепке қойылғаннан кейін беріледі.
Жүкті әйелдер мен аналардың денсаулық сақтау саласындағы құқықтары мен міндеттері «Халық денсаулығы және денсаулық сақтау жүйесі туралы»&nbsp; ҚР Кодексінің 81-бабымен айқындалады.

МӘМС: Жүкті әйелдер тегін медициналық көмектің толық пакетін алуға құқылы

<a href="https://kyzylorda-news.kz/">Kyzylorda-news.kz</a>. Облыс аумағында жаяу жүргіншілердің қатысуымен орын алатын жол-көлік оқиғаларының алдын алу мақсатында ағымдағы жылдың сәуірайының 21-23 күндері аралығында «Жаяу жүргінші» жедел-профилактикалық іс-шарасы өткізілуде.
Шараның 2 күнінде 537 әкімшілік құқық бұзушылық анықталды. Оның ішінде жаяу жүргіншіге жол бермеген -36 жүргізуші, көлік құралын мас күйде басқарған -4, құжаттары жоқ және басқару құқығы жоқ адамның көлiк құралын басқарған -29, жаяу жүргіншінің жол жүрісі қағидасын бұзған – 95 жаяу жүргінші әкімшілік құқық бұзушылық жасаған.
Сонымен қатар 32 азамат қоғамдық орында алкогольдік ішімдік iшіп, масаң күйде жүрген.
Бұл бағыттағы жұмыстар жалғасуда.

Қызылордада 2 күн ішінде 95 жаяу жүргінші жол ережесін бұзған

<a href="https://kyzylorda-news.kz/">Kyzylorda-news.kz</a>. Осы жылдың наурыз айынан бастап «Бастамаларды қолдау» қоғамдық бірлестігі «Келешек мамандықтары: Жұмыссыздық проблемаларының шешімі» жобасын жүзеге асыруда.
Жобаның мақсаты – Қызылорда қаласындағы жұмыссыз жастар мен мүмкіндігі шектеулі азаматтарды еңбек нарығындағы сұранысқа ие, бәсекеге қабілетті мамандықтарға даярлау және оларды белсенді өмірлік ұстанымға тарту арқылы өнімді жұмыспен қамтуға жәрдемдесу.
Ол үшін қоғамдық бірлестік жоба шеңберінде 3 ай ішінде қысқа мерзімді кәсіптік оқыту арқылы еңбек нарығында сұранысқа ие IT-технология саласындағы 30 маманды даярлау жоспарлап отыр екен. Әрі қарай, оларға кеңес беру арқылы қолдау көрсетпек.
<blockquote>
 «Пандемия біздің біраз проблемамызды анық көрсетті. Соның бірі жұмыспен қамту мәселесі. Соңғы кезде еңбек нарығындағы жағдай күрделі. Карантиндік шектеулерге орай жұмыс берушілер толық қуаттылықта жұмыс жасай алмай отыр. Офлайн қызметтердің басым бөлігі онлайнға ауысып жатыр. Осы жайттардың барлығын ескере келе біз «Келешек мамандықтары: Жұмыссыздық проблемаларының шешімі» жобасын әзірледік. Жобамызға АҚШ-тың Халықаралық даму агенттігі (USAID) қаржыландыратын Орталық Азиядағы азаматтық қоғамды қолдау бағдарламасы аясында Еуразия қоры қолдау көрсетті. Нәтижесінде Қызылорда қаласындағы жұмыссыз азаматты оқытып, жұмыспен қамтуды көздеп отырмыз», – дейді «Бастамаларды қолдау» қоғамдық бірлестігінің төрайымы Мәдина Төлепова.
</blockquote>
Сәуір айында қоғамдық бірлестіктің ұйымдастыруымен алғашқы 12 жас SMM маркетинг бойынша курсты бастап кетті. Курсты ұйымдастыруды «Qosyl» қалалық жастар орталығы да әріптестік қолдау көрсетуде. Жастарға SMM-ның қыр-сырын қоғамдық бірлестіктің шақыртуымен белсенді жас, кәсіпкер Ботагөз Бақбергенова үйретуде.
<blockquote>
 «Қатысушылардың белсенділігі жоғары. Күн сайын жаңа трендтерді қатысушылармен бірге талқылап, қолдану тетіктерін үйретудемін. Болашақта өздері ашатын кәсібін, көрсететін қызметін кәсіби тұрғыда тұтынушыларға ұсына алатын мамандар шығады деген сенімдемін», – дейді бизнес-тренер Ботагөз Бақбергенова.
</blockquote>
Қоғамдық бірлестік алдағы уақытта графикалық дизайн, мобилография сияқты жаңа мамандықтарға да оқытуды көздеп отыр. <a href="https://kyzylorda-news.kz/kogam/qyzylordada-qoghamdyq-birlestik-zhumyssyz-zhastardy-oqytwdy-qolgha-aldy-108280/">Қатысуға ниет білдіруші жастар «Бастамаларды қолдау» қоғамдық бірлестігіне мына байланыс телефоны бойынша хабарласа алады:+7 777 408 4393.</a>

Қызылордада  қоғамдық бірлестік жұмыссыз жастарды оқытуды қолға алды

<a href="https://kyzylorda-news.kz/">Kyzylorda-news.kz</a>. 26 сәуірден бастап «ASHYQ» қосымшасын барлық облыстар кең көлемде қолданыла бастайды. Бұл туралы Ақордада Президент Қасым-Жомарт Тоқаев Премьер-Министр Асқар Мамин мен Денсаулық сақтау министрі Алексей Цойды&nbsp;<a href="https://www.inform.kz/kz/prezident-ukimetke-otandyk-vakcina-ondirisin-arttyrudy-tapsyrdy_a3780149">қабылдаған кезде айтылды</a>, деп хабарлайды ҚазАқпарат.
Қасым-Жомарт Тоқаевқа халыққа екпе егуге қатысты қабылданып жатқан шаралар жайында айтылды. Асқар Маминнің айтуынша, сәуірден бастап ай сайын 2 миллион адамға вакцина салу жоспарланып отыр.
Президентке отандық QAZVAC вакцинасының өңірлерге жеткізілуі жайында ақпарат берілді. Премьер-Министр Қазақстанның COVID-19 індетіне қарсы вакцина шығарған он мемлекеттің және өз әзірлемелерін тіркеген бес елдің қатарына кіргенін айтты. Сонымен қатар ол 26 сәуірден бастап «ASHYQ» қосымшасын барлық облыстар кең көлемде қолданыла бастайтынын атап өтті. Бұл «қызыл» және «сары» аймақ кезінде экономиканың әртүрлі секторының қауіпсіз жұмыс істеуіне мүмкіндік бермек.

26 сәуірден бастап «ASHYQ» қосымшасы барлық облыста кең қолданылады

<a href="https://kyzylorda-news.kz/">Kyzylorda-news.kz</a>.&nbsp; Бүгін ЗК-169/1 мекемесінен 5 жыл жазасын өтеп, &nbsp;мерзім соңымен шетел азаматы бостандыққа шықты. Бұл азаматты мекемеден босату үшін бөлім қызметкерлері тиісті шараларды ұйымдастырды.
Бұған дейін, шаруашылық&nbsp; жұмысына қалдырылған сотталған З-ны түзелу жолына түсіру мақсатында, жасақ бастығы тәрбиелілік іс-шараларға қатысуын қадағаласа, психолог пен теолог жеке қабылдап, бостандыққа шыққаннан кейінгі қоғамға қайта бейімделуі бойынша жұмыстар жасаған болатын. Жазасын толық өтеген шетел азаматы сот шешімімен қанағаттандырылып, бостандыққа шықты.
<blockquote>
 «Бүгін мен үшін қуанышты күн. Енді аз уақытта туыстарыммен қауышамын. Алдағы мақсатым, жақындарыма мейіріммен қарап, жақсылық жасау. Өмірге деген көзқарасымды өзгерткені үшін тергеу изоляторы басшылығы мен қызметкерлеріне алғысымды білдіремін деп ағынан жарылды»,- Өзбекстан елінің азаматы.
</blockquote>
Осылайша, ҚАЖ&nbsp; қызметкерлері әр сотталушының темір торға түскенінен бастап, өмірге қайта тәрбиелеп, оң көзқарасын қалыптастыру, қоғамда өз орнын табуы мен қайта қылмыс жасамау мақсатында және шыққанға дейінгі дұрыс-мінез құлық пен іс-әрекетіне аса жауапкершілікпен қарайды

Қызылордадағы тергеу изоляторынан шетел азаматы бостандыққа шықты

<a href="https://kyzylorda-news.kz/">Kyzylorda-news.kz</a>. Жер жаһанды жайлаған коронавирус дерті күннен күнге үдеп, сан мыңдаған адамның тағдырын жалмаған қауіпті дертке айналды. Осы қарусыз майданда алдыңғы шепте арпалысып, адам жанының арашашысы болып жүрген медицина саласы өкілдерінің еңбегі орасан.
Осы тұста қызылордалық жасотандықтар «Дәрігерге мың алғыс» акциясы аясында адам өміріне араша түсіп жүрген ақ халатты абзал жандарға шынайы алғыстарын «Алғыс себеті» арқылы жеткізді.
<blockquote>
 «Бүгінгі таңда облыста коронавирусты жұқтырғандардың саны 5 мыңнан асты. Акцияның негізгі мақсаты – осындай қиын кезеңде өз өмірлерін қатерге тігіп, адам өмірі үшін тәулік бойы күресіп келе жатқан медицина қызметкерлеріне жастар атынан алғыс білдіріу, оларға қолдау көрсету, олармен бірге екендігімізді жеткізу»,- деді «Jas Otan» Жастар қанаты облыстық филиалының жоба үйлестірушісі Нұрбол Серікбай.
</blockquote>
Акцияға 10-нан астам еріктілер жұмылдырылып, олар облыстық жұқпалы аурулар ауруханасының 124 қызметкеріне ауыз ашуға арнайы дайындалған ыстық тағам және тәтті тоқаштар толтырылған себеттер табыстады.
Қасиетті рамазан айындағы қайырымды іске «Nur Otan» партиясы облыстық филиалы Саяси кеңесі бюросының мүшесі, облыстық өзбек этно-мәдени бірлестігінің жетекшісі Дадашов Қахар Әлімұлы қолдау көрсетті.
<img src="https://kyzylorda-news.kz/wp-content/uploads/2021/04/176458850_1144315299314312_1471354301362006792_n.jpg" alt="" />
<img src="https://kyzylorda-news.kz/wp-content/uploads/2021/04/176545713_1144315402647635_5741213770260939838_n.jpg" alt="" />

Қызылордада дәрігерлерге «Алғыс себеті» жеткізілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова жұмыс сапарымен Жалағаш ауданына барып, Аққұм ауылдық клуб ғимаратында сақтық шараларын сақтай отырып, ардагерлермен кездесті. Кездесуде ауыл округінің әлеуметтік-экономикалық дамуы талқыланды. Сонымен қатар, аймақ басшысы ауылдық аурухананың жұмысымен танысты. Аурухана типтік жобада, ауысымына 10 науқас қабылдауға арналған. Қазіргі таңда емдеу мекемесінде 4 дана концентратор, 2 дана оттегі баллоны бар.
Облыс әкімі аурухана ғимаратында ауданда коронавирус індетімен күресу, вакцинациялау бағытында атқарылып жатқан жұмыстардың есебін тыңдап, сақтық шараларын, ақпараттық жұмыстарды күшейтуді тапсырды.
«Қызыл» аймаққа кіргенімізді білесіздер. Бұл карантин талаптарын күшейту қажет деген сөз. Бүгінгі таңда індетпен күресудің жалғыз жолы вакцина. Сол себепті тұрғындарға дұрыс ақпарат жеткізу маңызды. Коронавируспен күресу шараларын қатаң бақылауға алу қажет, – Гүлшара Әбдіқалықова.
Облыс әкімінің жұмыс сапары «БАҚДӘУЛЕТ-57» фермерлік қожалығының жеке қаражаты есебінен салынған нысандарында жалғасты. Қожалық жеке есебінен мейрамхана, наубайхана, мал бордақылау алаңы, күріш ақтау зауыты, мал сою цехын салған. Бүгінгі күні мейрамхана ғимараты 100 балаға арналған спорт кешені болып өзгертілген. Кешенде 4 күрес алаңы бар, 1 ауыр атлетика бөлмесі, 1 фитнес залы бар. Наубайханада күніне 500 нан пісіріліп, сатылымға шығарылса, күріш ақтау зауытының қуаттылығы тәулігіне 20 тонна күріш өңдеуге жетеді. Зауытқа кореялық диірмен орнатылған. Мал бордақылау қожалығына келсек, бұл жерде 18 адам жұмыспен істейді.
Аймақ басшысы аудан әкімі Асылбек Шәменовке кәсіпкерлікті дамыту бойынша қолдау көрсетуді жүктеді. 
Сапар барысында Гүлшара Әбдіқалықова «Таң LTD» ЖШС-нің алғашқы күріш дәнін себу рәсіміне қатысты. Аймақ басшысы шарада ауылшаруашылық экономиканың дамуына әсер ететін басты салалардың бірі екенін айтып, қамбаға мол өнім толуын тіледі.
Шара соңында ауыл шаруашылығы саласының ардагері Әлиев Садық елдің ризығы мол болып, егін бітік шықсын деген батасын береді.
Сондай-ақ, облыс әкіміне стенд арқылы Таң ауылдық округінде жүргізіліп жатқан абаттандыру жұмыстары таныстырылды. Ауылдың орталық алаңына арка орнату, брусчатка төсеу, тал егу, ескерткіш орнату, жарықтандыру, балалар ойын алаңын салу, көшелерді асфальттау секілді ауқымды жұмыстар атқарылған. Мұнымен қоса, «Таң LTD» ЖШС-нің жеке қаражаты есебінен 50 млн. теңгеге елді мекенге жарықтандыру жұмыстары жүргізілді.
Аймақ басшысы Аламесек, Жаңадария ауылдарына да барды. Аламесек ауылдық округіндегі №124 орта мектептің, Жаңадария ауылдық округіндегі №203 орта мектептің жұмысымен танысты. Мектеп ғимараттарында тұрғындармен тілдестіп, коронавирус індетіне қарсы шараларды күшейтудің маңыздылығын айтты.
<img src="https://kyzylorda-news.kz/wp-content/uploads/2021/04/175155998_3306162872820092_617620458829725542_n.jpg" alt="" />
<img src="https://kyzylorda-news.kz/wp-content/uploads/2021/04/177163081_3306163082820071_8125807617749392069_n.jpg" alt="" />
<img src="https://kyzylorda-news.kz/wp-content/uploads/2021/04/177968201_3306164656153247_4912930924621018665_n.jpg" alt="" />

Жалағаш ауданында алғашқы дән себілді

<a href="https://kyzylorda-news.kz/">Kyzylorda-news.kz</a>. Биыл облыс кітапханаларында «Кітап ғажайып әлем» атты кітап оқу марафоны, «Менің ең сүйікті кітабым» оқырмандар арасында кітап талқылау, мемлекеттік қызметшілер арасында «Жылдың үздік оқырманы» байқауы, «Оқуға құштар мектеп» жобасы, «Жазғы кітапхана», «Отбасымызбен оқимыз» атты сайыс, жергілікті ақын-жазушылармен кездесу кештері ұйымдастырылады. Бұл туралы Өңірлік коммуникациялар қызметінің ақпарат алаңында өткен брифингте Ә.Тәжібаев атындағы облыстық әмбебап ғылыми кітапханасының басшысы Нұрлыбек Мыңжас мәлімдеді.
<blockquote>
 «Кітап – адам баласы ақыл-ойынан туған рухани байлықты сақтап, оны ұрпақтан ұрпаққа жеткізіп отыратын құрал, білім мен тәрбие көзі. Біз облыс кітапханаларында кітаптар мен авторларды насихаттау, олардың әдеби еңбектерін халық санасына сіңіру мақсатында көптеген шаралар өткізіп келеміз. Алайда, бүгінгі күнгі эпидемиологиялық ахуалға байланысты барлық шараларды онлайн форматта өткізуге мәжбүрміз. Биыл жыл бойы оқырмандарға арналған сайыстар және марафондар өткізбекпіз. Сондай-ақ, «Тәуелсіздіктің 30 жылдығына – 30 кітап» атауымен танымал қазақстандық авторлардың поэзия, проза, драматургия, балалар әдебиеті және аударма саласындағы 30 үздік шығармасы жалпыхалықтық оқуға іріктелді. Бұл жұмыстар біздің өңірде де өтеді. Бұндай шаралардың ұлт пен ұрпақты тәрбиелеуде маңызы зор», – деді Нұрлыбек Кәрбозұлы.
</blockquote>
Бұдан бөлек, облыста жастарды әдебиетке тарту, олардың ақындық және жазушылық қырларын шыңдап, қазақ қаламгерлерінің қатарына қосу бойынша да жұмыстар жүргізіліп келеді.
<blockquote>
 «Сыр бойы – өнерлі жастардың, ақындар мен жыраулардың қасиетті мекені. Бүгінге дейін сыр топырағынан алдына қара салмайтын небір мықтылар өтті. Қазір солардың ізін жалғаған жастар жетерлік. Бүгінде біз облыс бойынша 40-қа жуық талантымен тәнті еткен жас ақындар мен жазушыларды іріктеп, олардың рухани өсуіне барынша жәрдемдесіп, бағыт-бағдар беріп келеміз. Ол үшін Ә,Тәжібаев атындағы кітапханада талай шаралар өткізіп, жастардың еңбегін жұртшылыққа көрсетіп әрі насихаттап жатырмыз. Алдағы уақытта олардың кітаптарының шығуына, авторларға қаламақы төленуіне жағдай жасаймыз. Бұл бағыттағы жұмыстар біртіндеп шешілетін болады, – деді Қазақстан Жазушылар одағының облыстық филиалының төрайымы Қаршыға Есімсейітова.
</blockquote>
<img src="https://kyzylorda-news.kz/wp-content/uploads/2021/04/176886066_1275014579560718_191483839651208092_n.jpg" alt="" />

Қазақстан және Қызылорда облысының жаңалықтары