<a href="https://kyzylorda-news.kz/date/2020/09/21/">Kyzylorda-news.kz.</a> Бес облыста тіркелген құс тұмауына байланысты елде жұмыртқа тапшылығы туындауы мүмкін бе? Бұл сұраққа Ауыл шаруашылығы министрлігінің мал шаруашылығы өнімін өндіру және қайта өңдеу департаментінің директоры Еркебұлан Ахметов жауап берді, деп хабарлайды <a href="https://lenta.inform.kz/kz/kus-tumauy-kazakstanda-zhumyrtka-tapshylygy-tuyndauy-mumkin-be_a3697097">ҚазАқпарат</a>.
<blockquote>
 «Қазіргі таңда Қазақстанда 35 құс асырау кешені жұмыс істеп тұр. Олардың қуаты ішкі нарықтың қажеттігін жауып бере алады. Олар сонымен бірге өнімін экспортқа да шығарады. Қазақстанның құс фабрикалары жылына 5 миллиард жұмыртқа өндіреді. Ішкі нарық 106 пайызға орындалып отыр», – деді Еркебұлан Ахметов ОКҚ-да өткен баспасөз мәслихатында.
</blockquote>
Оның айтуынша, жыл басынан бері елде жұмыртқаның бағасы бес пайызға арзандаған. Ал құс тұмауы шыққан Солтүстік Қазақстандағы бес құс фабрикасы жұмыртқа өндірумен айналысады.
<blockquote>
 «Карантин шараларына байланысты екі құс фабрикасының қуаты төмендеп қалды. Алайда шектеу болғанымен, қалған құс фабрикалары өз қуатының есебінен бұл қажеттілікті жабады. Облыс бүгінгі күні жұмыртқа жағынан өзін-өзі қамтамасыз етіп отыр», – деді департамент директоры.
</blockquote>

Құс тұмауы: Қазақстанда жұмыртқа тапшылығы туындауы мүмкін бе

<a href="https://kyzylorda-news.kz/date/2020/09/21/">Kyzylorda-news.kz</a>. Қызылорда облысы Төтенше жағдайлар департаментінде 2020-жылғы «Үздік мемлекеттік өрт бақылау қызметкері» ХІV-республикалық конкурсының облыстық кезеңі өтті.
Конкурс жыл сайын өткізіледі және оның мақсаты – қызметкерлердің кәсіби шеберлігін арттыру, жұмысқа ынталандыру. Конкурсқа өз бөлімшелерінде үздік болып саналатын 10 қызметкер қатысты. Барлық қызметкерлердің мемлекеттік өрт бақылау саласындағы еңбек өтілі 3 жылдан жоғары. 1-турда мамандардың қызметін реттейтін негізгі нормативті-құқықтық актілер бойынша тестілеу өткізілді. 2-тур практикалық бөлімде объектінің өртке қарсы жағдайына шартты тексеріс жүргізілді. Аталған турда қызметкерлер «Али-Аспан» ЖШС-не қарасты объектіні тексерді. Қатысушылар өрт-техникалық тексеруді аяқтап, тексеріс нәтижелері туралы актілерді, бұзушылықтарды жою туралы ұйғарым және әкімшілік құқық бұзушылық туралы хаттамаларды толтырды.
Комиссия төрағасы Қызылорда облысы ТЖД бастығының орынбасары полковник Саид Молдақараев және комиссия мүшелері конкурстың &nbsp;2 турында толтырылған материалдарды тексеріп, Департамент қызметкерлерінің жоғары дәрежедегі шеберлігін атап өтті. Арал ауданы Төтенше жағдайлар бөлімінің бас маманы азаматтық қорғау капитаны Айдос Мұратұлы Сыдықов конкурстың барлық турларында жоғары нәтиже көрсетіп, Қызылорда облысы Төтенше жағдайлар департаментінің 2020 жылғы үздік мемлекеттік өрт бақылау қызметкері атанды.
Айдос 33 жаста. 2008 жылы М. Тынышпаев атында Қазақ көлік және коммуникация академиясын инженер-құрылысшы мамандығы бойынша бітірген. Өзінің тікелей міндеттерін жетік меңгерген қызметкер ретінде көрсетіп келеді. Жұмыс атқарып жүрген мерзім ішінде өзін жан – жақтылығымен және тиянақтылығымен танытты, жұмыс барысында қолданатын нормативті – құқықтық актілермен, азаматтық қорғау саласындағы қызметтік регламенттік құжаттарын күнделікті жұмыста сауатты да жақсы пайдалана алады.
Облыстық конкурс жеңімпазы Қазақстан Республикасы Төтенше жағдайлар министрлігі &nbsp;Нұр-Сұлтан қаласында өтетін екінші кезеңіне қатысады.
<img src="https://kyzylorda-news.kz/wp-content/uploads/2020/09/20200916_144956-scaled.jpg" alt="" />
<img src="https://kyzylorda-news.kz/wp-content/uploads/2020/09/20200916_145133-scaled.jpg" alt="" />
<img src="https://kyzylorda-news.kz/wp-content/uploads/2020/09/20200916_084055-scaled.jpg" alt="" />

Қызылордада «Үздік мемлекеттік өрт бақылау қызметкері» анықталды

<a href="https://kyzylorda-news.kz/date/2020/09/21/">Kyzylorda-news.kz.</a> Жыл басынан көші-қон қызметі саласымен жалпы 69 мыңнан астам&nbsp; мемлекеттік қызметтер көрсетілді, оның&nbsp; 66 мың&nbsp; электронды түрде,&nbsp; ал 2 мың қағаз түрінде.
&nbsp;&nbsp;&nbsp;&nbsp;&nbsp; Мүмкіндігі шектеулі және зейнеткерлік жастағы адамдарды, көп балалы аналарды, мүгедектерді құжаттандыру үшін көші-қон қызметінің және Азаматтарға арналған үкімет үйініңарнайы тұрғылықты жері бойынша үйлеріне баратын мобильді топтың жұмысы ұйымдастырылып, жалғасуда.
&nbsp;&nbsp;&nbsp;&nbsp;&nbsp; Бүгінгі күнге мобильді топтарымен барлығы 1 мың 800-ден астам облыс тұрғындары құжаттандырылып, оларға дайын құжаттары табысталды.&nbsp;&nbsp;
&nbsp;&nbsp;&nbsp;&nbsp; &nbsp;Есепті мерзімде Қызылорда ОПД жалпы 69 мың 387-мемлекеттік қызметтер көрсетілді.
&nbsp;&nbsp;&nbsp; &nbsp;&nbsp;Мысалы: ҚР азаматтарына паспорттар және жеке куәліктерін беру-59 мың 750;&nbsp;&nbsp;&nbsp;
&nbsp;&nbsp;&nbsp;&nbsp;&nbsp; Еңбекші көшіп келушіге рұқсаттар беру және ұзарту-4314;
&nbsp;&nbsp;&nbsp;&nbsp;&nbsp; ҚР-да уақытша болатын шетелдіктер мен азаматтығы жоқ адамдарды тіркеу-2800;
&nbsp;&nbsp;&nbsp;&nbsp;&nbsp; ҚР-ның азаматтығын алуды және одан шығаруды тіркеу-21;
&nbsp;&nbsp;&nbsp;&nbsp;&nbsp; ҚР тыс жерлерге тұрақты тұру үшін шығуға арналған құжаттарды рәсімдеу-36;
&nbsp;&nbsp;&nbsp;&nbsp;&nbsp; Шетелдіктер мен азаматтығы жоқ адамдарды тіркеу және оларға Қазақстан Республикасында тұрақты тұруға рұқсат беру-45;
&nbsp;&nbsp;&nbsp;&nbsp;&nbsp; Азаматтығы жоқ адамдарға куәліктер және Қазақстан Республикасында тұрақты тұратын шетелдіктердің тұруына ықтиярхат беру-42;
&nbsp;&nbsp;&nbsp;&nbsp; &nbsp;Қазақстан Республикасының визаларын беру үшін қабылдаушы тараптың шақыруын қабылдау және келісу-90;
&nbsp; &nbsp;&nbsp;&nbsp;&nbsp;Шығу визаларын ұзарту және беру-274.
&nbsp;&nbsp;&nbsp;&nbsp;&nbsp; Бұл бағыттағы жұмыстар өз жалғасын табуда.

Көші-қон қызметі: Қызылордада 70 мыңға жуық мемлекеттік қызмет көрсетілді

<a href="https://kyzylorda-news.kz/date/2020/09/21/">Kyzylorda-news.kz</a>. Бірнеше облыста құс тұмауы анықталды. Бұл туралы ауыл шаруашылығы вице-министрі Гүлмира Исаева мәлім етті, деп хабарлайды&nbsp;<a href="https://sputniknews.kz/">Sputnik Қазақстан</a>.
<blockquote>
 “Осы уақытқа дейін 47 елді мекенде құс қырылды. Бұның барлығы бес облыстың 26 ауданында болған. Жалпы, жеке үйлерде өлген құстың саны 12 926 басқа жетті. Бұдан бөлек, Солтүстік Қазақстандағы құс фабрикасында 41 мың құс қырылып қалды”, – деді Исаева орталық коммуникациялар қызметінде өткен онлайн брифингте.
</blockquote>
Вице-министрдің айтуынша, Солтүстік Қазақстан облысында 27 ауылда құс қырылса да, қауіпті вирус 23 ауылда анықталған. Осыған байланысты 17 қыркүйектен бастап 7 ауданда құс өнімдерін шығаруға шектеу енгізілді. Олар:
<ul>
<li>Тимирязев ауданы;</li>
<li>Жамбыл ауданы;</li>
<li>Қызылжар ауданы;</li>
<li>Тайынша ауданы;</li>
<li>Шал ақын ауданы;</li>
<li>Ғабит Мүсірепов ауданы;</li>
<li>Мағжан Жұмабаев ауданы.</li>
</ul>
Ал Айыртау ауданы бойынша Қарақамыс ауылында шектеулер енгізілді. Бұдан бөлек, Ақмола облысында Шойындыкөл ауылы, Павлодар облысында Еңбекші, Ақтау және Трофимовка ауылдары, Қостанай облысында Сокол, Маяк және Красная Пресня ауылдары құс өнімдерін шығара алмайды.
<blockquote>
 “Сондай-ақ, қазіргі кезде Қарағанды облысының Нұра ауданында құстың қырылуынан қатысты зертханалық жұмыстар атқарылып жатыр”, – деп түйіндеді Исаева.
</blockquote>

Қазақстанның бірнеше облысында шектеу шаралары енгізілді

<a href="https://kyzylorda-news.kz/date/2020/09/11/page/2/">Kyzylorda-news.kz.</a> 2020 жылдың қаңтар айында облыс әкімінің қолдауымен Қызылорда облыстық филармониясы жанынан құрылған «Қорқыт сазы» қобызшылар ансамблі халықаралық фестивальде жеңімпаз атанды.
Ансамбль 19 қыркүйекте Украина мемлекетінің Днепр қаласында өткен «Яскраві таланти осені» («Яркие таланты осени») халықаралық фестиваліне қашықтықтан қатысып Бас жүлде иеленді.
Өнер ұжымының көркемдік жетекшісі «Мәдениет саласының үздігі» төсбелгісінің иегері Салтанат Пұсырманова.

«Қорқыт сазы» қобызшылар ансамблі халықаралық фестивальде жеңімпаз атанды

<a href="https://kyzylorda-news.kz/date/2020/09/21/">Kyzylorda-news.kz.</a> Биыл су тасқынына қарсы іс-шараларды ұйымдастыру үшін 993,5 млн. теңге бөлінді. Оның 350 миллион теңгесі республикалық, 643,5 миллион теңгесі облыстық бюджеттен қаралған.
<blockquote>
 «Бұл қаржыға жалпы ұзындығы 70,1 шақырымды құрайтын 10 қауіпті учаскені жөндеу мен арнаны қазу жұмыстарын жүргізу жоспарланған. Қазіргі таңда 4 учаскеде тиісті жұмыстар аяқталды. Қалғандарында жұмыс жалғасуда», – деді облыстық жұмылдыру дайындығы басқарма басшысының міндетін атқарушы Талғат Исмағұлов.
</blockquote>
Жалпы бөлінген қаржыға дарияның осал жерлеріндегі қорғаныс бөгеттері нығайтылады, қыстың күні мұз жару жұмыстары жүргізіледі. Қап сатып алынып, тікұшақпен қамтамасыз етіледі.

Қызылордада су тасқынының алдын алуға 993,5 млн. теңге бөлінді

<a href="https://kyzylorda-news.kz/date/2020/09/21/">Kyzylorda-news.kz</a>. Парламент Сенатының депутаты Ақмарал Әлназарова ДДҰ-ның Қазақстандағы елдік кеңсесінің басшысы доктор Каролин Кларинвальмен кездесті, деп хабарлайды&nbsp;Сенаттың баспасөз қызметі.&nbsp;
Тараптар COVID-19-ға қарсы күрес мәселелерін, оның ішінде Қазақстандағы ағымдағы жағдайды, сонымен қатар Арал өңіріндегі халықтың денсаулығын қорғау мәселелерін талқылады.
Сенатор Ақмарал Әлназарова Дүниежүзілік денсаулық сақтау ұйымының Қазақстанға Covid-19 пандемиясымен күресте көрсеткен жан-жақты қолдауы мен ынтымақтастығы үшін ДДҰ-ның ресми өкіліне алғыс айтты.
<blockquote>
 «ДДҰ билік органдарының маңызды серіктесі болып келеді, өйткені ұйым COVID-19-ға жауап ретінде техникалық ұсыныстар әзірлейді, өзге де техникалық білікті ресурстарын ұсынады. Бізді халық денсаулығын сақтау мен заң шығару мәселелеріндегі өзара ынтымақтастығымыз қуантады», – деп атап өтті Сенат депутаты.
</blockquote>
Доктор Кларинваль, өз кезегінде, ДДҰ Қазақстанның COVID-19-ға қарсы күрестегі күш-жігерін, сондай-ақ пандемиямен күрестің алдыңғы шебінде жүрген қазақстандық медицина қызметкерлерінің кәсібилігі мен жанкештілігін жоғары бағалайтынын жеткізді. Сондай-ақ, ол ДДҰ Қазақстанға эпидемиология, қауіп-қатер коммуникациясы, логистика және өзге де денсаулық сақтау бағыттарында қолдау көрсетуді жалғастыратынын айтты.
<blockquote>
 «Ынтымақтастық, өзара іс-қимыл, білім және ресурстар алмасу неғұрлым тез әрекет ету үшін аса маңызды, сондықтан халықтың денсаулығын қорғау жолында барлық тараптар арасында сындарлы диалог құра отырып, бір бағытта жүруді жалғастыру маңызды», деп түйіндеді ДДҰ-ның Қазақстандағы елдік кеңсесінің басшысы.
</blockquote>

Сенатор Ақмарал Әлназарова ДДҰ өкілімен кездесті

<a href="https://kyzylorda-news.kz/date/2020/09/21/">Kyzylorda-news.kz</a>. Жолаушылар үшін теміржол көлігі қызметі бір жылда 10%-ға қымбаттады, деп хабарлайды <a href="http://www.energyprom.kz/ru/a/monitoring/v-avguste-passazhirskie-zheleznodorozhnye-perevozki-vyrosli-k-iyulyu-na-17-passazhirooborot-na-18">energyprom.kz</a>.
Ағымдағы жылдың қаңтар-тамыз айларында темір жол көлігімен 267,2 млн тонна жүк пен багаж тасымалданды. Бұл бір жыл бұрынғыға қарағанда 1,4-%-ға артық. Тікелей жүк тасымалы тамыз айында 35,2 млн тоннаны құрап, 2020 жылдың шілдесімен салыстырғанда 0,7%-ға және өткен жылдың тамызымен салыстырғанда 2,3%-ға төмендеді.
Жүк айналымы 4,4% – ға, 194,1 млрд ткм-ге дейін өсті. Ағымдағы жылдың тамыз айында жүк айналымы 25,4 млрд ткм құрады. Бұл шілдемен салыстырғанда 1,1%-ға және өткен жылдың тамызымен салыстырғанда 4,5%-ға аз.
Тамыз айында жолаушылар теміржол көлігі қызметі 9,9% – ға қымбаттады. Өңірлер арасында бағаның өсуі Түркістан облысының тұрғындарына айтарлықтай әсер етті: жылдық өсім 23,8%-ды құрады.
Сондай-ақ, Ақмола облысында (15,8% – ға) және Алматыда (15,1% – ға) да бағалар өсті.
Ақтөбе (0,1%-ға), Қызылорда (1,5% – ға) және Батыс Қазақстан (1,6% – ға) облыстарында қызметтер біршама қымбаттады.

Қызылордада теміржол көлігі қызметі қымбаттады

<a href="https://kyzylorda-news.kz/date/2020/09/21/">Kyzylorda-news.kz</a>. Қазгидромет алдағы үш күнге арналған ауа райы болжамын жариялады.
<blockquote>
 «Алдағы үш күнде ауа температурасы төмендеп, жаңбыр күтіледі. Еліміздің солтүстігінде аптаның ортасында жаңбыр жауып, соңы қарға ұласуы мүмкін. Тек республиканың батысында ғана күн ашық болады», делінген хабарламада.
</blockquote>

Қазақстанда алдағы күндері қар жауады

<a href="https://kyzylorda-news.kz/date/2020/09/21/">Kyzylorda-news.kz</a>. Облыс көлемінде қоғамдық тәртіпті сақтау, жол-көлік оқиғаларының алдын алу мақсатында ағымдағы жылдың қыркүйек айының 22-24 күндері аралығында «Қауіпсіз жол» жедел-профилактикалық іс-шарасы өткізіледі.
«Қауіпсіз жол» жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықтау, автокөлік жүргізушілерінің жаяу жүргіншілерге жол бермеу деректерінің алдын алу, профилактикалық бағыттағы жұмыстарды барынша жандандыруға және жолын кесуге бағытталған бірқатар рейдтік және алдын алу шаралары өтеді.

Қызылордада «Қауіпсіз жол» жедел профилактикалық іс-шарасы басталды

<a href="https://kyzylorda-news.kz/date/2020/09/21/">Kyzylorda-news.kz</a>. Ауа райының салқындауына байланысты күз және қыс мезгілдерінде ЖРВИ және басқа инфекциялық ауруларды жұқтыру қаупі жоғары. Әсіресе, дәл қазіргідей бүкіл әлемдік пандемиялық жағдайда денсаулықты күтіп, иммунитетті көтеру маңызды.
Мұндай жағдайда таза ауада тыныстап, жаттығулар жасап, жаман әдеттерден арылу арқылы ағзамызға көмектесе аламыз. Салауатты өмір салтын сақтап, күнделікті толыққанды 7-8 сағаттық ұйқы және эмоционалды тыныштықты қамтамасыз ету де маңызды. Сонымен қатар, микроэлементтер мен витаминдерге бай тағамдарды тұтыну арқылы қысқа уақыт ішінде ағзаның резервтік күшін жоғарылатып, әртүрлі инфекцияларға қарсы тұру қабілетін күшейтуге болады.
Дәрігерлердің айтуынша, иммунитетті нығайту үшін А, В, С, Д, Е дәрумендері қажет. Кейбір дәруменді ағзаның өзі түзуге қабілетті, мысалы D дәрумені күн сәулесінің әсерінен біздің терімізде түзіледі.
Сондай-ақ, дұрыс тамақтану да иммунитетті нығайтуда көп пайдасын тигізеді. Көкөністер, жемістер, ет, сүт, жаңғақтар, ботқа – қажетті микроэлементтерге бай азық-түліктер.

Иммунитетті қалай көтеруге болады?

<a href="https://kyzylorda-news.kz/">Kyzylorda-news.kz.</a> Мемлекеттік кірістер комитеті қазақстандықтарды 2020 жылдың аяғына дейін созылатын салық рақымшылығын пайдалануға шақырды, деп хабарлайды&nbsp;<a href="https://sputniknews.kz/">Sputnik Қазақстан</a>.
Мемлекеттік кірістер комитеті өндірістік емес төлемдерді әкімшілендіру басқармасының басшысы Олжас Отар бұл акция аясында қарыздың негізгі бөлігін төлеген жеке тұлғалар өсімпұлдан босатылатынын хабаралды.
<blockquote>
 “2019 жылы бір миллион төрт жүз мыңнан астам салық төлеушінің 61%-і өзінің негізгі салығын төлеп, өсімпұлдан құтылды. Қалған 39%-і қалып қойды. Бүгінгі күні 1,2 миллион адамның 13 миллиард теңге берешегі бар. Егер осы сома төленген жағдайда 4,3 миллиард теңге өсімпұл кешіріледі”, – деп түсіндірді Олжас Отар.
</blockquote>
Айтуынша, қазірдің өзінде 56 мың жеке тұлға салық рақымшылығын пайдаланып, 807 миллион теңге негізгі берешекті өтеген. Сол арқылы 110 миллион теңге өсімпұл кешірілді.
Қазақстандықтар бұл мүмкіндікті 2020 жылдың 31 жетоқсанына дейін пайдалана алады.
Салық рақымшылығын пайдалану үшін мемлекеттік органға барудың қажеті жоқ. Оны банк қосымшалары арқылы төлеуге болады. Өсімпұл үш жұмыс күні ішінде шегеріледі.
Салық бойынша қарыздың бар-жоғын мемлекеттік кірістер комитетінің сайты арқылы немес E-Salyq мобильді қосымшасы арқылы тексеруге болады.
<blockquote>
 “Салық рақымшылығы бұдан кейін қашан берілетіні белгісіз, мүмкіндік бар кезде өсімпұлды кешірткен жөн”, – деді Отар.
</blockquote>
Айтуынша, берешегі бар 1,2 миллион адамның 70%-і көлік салығын төлемеген. Комитет өкілдері көлік кімнің атына тіркелсе, соның мүлкі болып саналатынын айтып өтті. Көлік сенімхат, келісімшарт арқылы сатылған болса, уәкілетті органға барып, көлікті есептен шығару керек.
Сонымен қатар көліктің басқа адамның басқаруына берілегенін дәлелдейтін құжат болса, E-Salyq мобильді қосымшасы арқылы да есептен шығаруға мүмкіндік бар.
E-Salyq мобильді қосымшасын Play Market немесе App Store-дан жүктеуге болады.
Айта кетейік, қазақстандықтар жер және мүлік салығын 2020 жылдың 1 қазанына дейін төлеуі тиіс.
Сонымен қатар қазақстандықтар қате есептелген салықтар, меншігінде жоқ жылжымалы немесе жылжымайтын мүлік бойынша салық міндеттемелерін “Салық әмияны” қызметінің “Салық салу объектілері” бөлімінде түзете алады.

Қазақстан және Қызылорда облысының жаңалықтары