<a href="https://kyzylorda-news.kz/">Kyzylorda-news.kz</a>. Үндістанда бір тәулікте 300 мыңнан астам адамнан коронавирус табылып, әлемдік антирекорд тіркелді. Бір күнде 2 мыңнан аса адам көз жұмды. Жергілікті крематорийлер марқұмдардың денесін өртеп үлгермей жатыр.
<blockquote>
 “Крематорийде орын жоқ. Сондықтан біз марқұмдардың денесін мына жерде өртеуге мәжбүрміз. Мұнда бұрын көлік қоятын орын болған. Биліктен рұқсат алдық. Алайда марқұмдар саны артып барады. Отын тез таусылып жатыр “, – дейді медицина орталығының басшысы Джитендер Сингх Шанти
</blockquote>
Ол жағдай осылай жалғаса беретін болса, 4-5 күннен кейін денелерді жолдың бойында өртеуге тура келетінін, басқа амал жоқ екенін атап өтті.
<blockquote>
 “Менің анам ауруханада 5 күн жатты. Оттегі таусылып, көз жұмды. Анашымның тыныс алуы қиындап, әбден қиналып өлді. Онымен бір палатада жатқан басқа науқастарда осылай көз жұмды”, – дейді жергілікті тұрғын.
</blockquote>
Ал волонтер Джитендер Сингх 5, 15 жастағы балалардың, 25 жастағы жас жұбайлардың мәйіті өртелгенін өз көзімен көргенін айтты. &nbsp;
Үндістанның денсаулық сақтау жүйесі құлдырау алдында тұр. Ел астанасы Нью-Делидегі 6 ауруханада жасанды тыныс алдыру аппараттарына арналған оттегі таусылған. Басқа емханаларда да жағдай мәз емес.
<blockquote>
 “Бізге 110 науқас түсті. Көбі оттегіне тәуелді. Кеше баллонндарды алдық. Алайда жеткізілген оттегі қажетті мөлшерден екі есе аз болып шықты”, – дейді дәрігер Сингх Кочхар.
</blockquote>
Коронавирустан ең қатты зардап шеккен штаттардың бірі Махараштраға оттегі баллондары тиелген пойыз жөнелтілді. Ковид-науқастарды емдейтін дәрі-дәрмек те тапшы. Салдарынан жұрт препараттарды қара нарықтан іздеуге мәжбүр. Ал базарда баға 5 есе қымбат көрінеді.
&nbsp;<a href="https://24.kz/ru/">Хабар 24.</a>

COVID-19: Үндістанда крематорийлер марқұмдардың денесін өртеп үлгермей жатыр

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1784 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша: 
Нұр-Сұлтан қаласы – 520, 
Алматы қаласы – 508, 
Шымкент қаласы – 32, 
Ақмола облысы – 104, 
Ақтөбе облысы – 14, 
Алматы облысы – 108, 
Атырау облысы – 20, 
Шығыс Қазақстан облысы – 66, 
Батыс Қазақстан облысы – 70, 
Қарағанды облысы – 173, 
Қостанай облысы – 10, 
Қызылорда облысы – 34, 
Маңғыстау облысы – 54, 
Павлодар облысы – 32, 
Солтүстік Қазақстан облысы – 27, 
Түркістан облысы – 12.
Қазақстан бойынша жазылғандар саны – 261 647.

Қызылордада қанша адам коронавирустан жазылды?

<a href="https://kyzylorda-news.kz/">Kyzylorda-news.kz</a>. Полиция қызметкерлері “Бұқар жырау” тұрғын үй кешенінен оқ жаудырған ер адамға қатысты жаңа деректерді жариялады, деп хабарлады&nbsp;<a href="https://polisia.kz/">Polisia.kz</a>&nbsp;сайты.
Күндіз 56 жастағы ер адам күзетшінің аяғына оқ атты. Күдікті оқиғадан соң сол тұрғын үй кешенінде орналасқан пәтерге тығылды. Полиция онымен бірнеше сағат бойы келіссөз жүргізді, оған полицейлер, прокурорлар мен оқ атушының таныстары жұмылдырылды. &nbsp;
Алайда ол келісімнен бас тартып, есік жаққа оқ атуды жалғастырды. Баспалдақ алаңына қарай 30-ға тарта оқ атты.
Осыдан кейін полиция департаменті арнайы жасағының күшімен күдіктіні ұстау туралы шешім қабылданды. Алайда шабуылдың қажеті болмады.
Күдікті қолындағы қарумен бірге 17-қабаттағы пәтердің терезесінен секіріп кетті.
Арнайы операция кезінде арнайы жасақтың қызметкерлері оқ атқан жоқ, адамды өлтірмейтін құралдар, яғни шу мен газ гранаталары қолданылды.
Тергеу барысында күдікті Ресей Федерациясының азаматы қолданған қарудың кімге тиесілі екені анықталады.

Алматыда күзетшіні атып, терезеден секіріп өлген ер адам Ресей азаматы болып шықты

<a href="https://kyzylorda-news.kz/">Kyzylorda-news.kz</a>. Соңғы күндердегі көрсеткіштер бойынша Қызылорда облысы эпидемиологиялық ахуалды бағалау матрицасында 25 сәуір күні “сары” аймаққа ауысты.
ҚР Бас мемлекеттік санитариялық дәрігерінің қолданыстағы Қаулысына сәйкес “қызыл” аймақтан “сары” аймаққа ауысқан жағдайда карантин шараларын жеңілдету 7 күннен кейін жүргізіледі.
“Сары” аймаққа ауысу қауіптің сейілгенін білдірмейді, босаңсуға негіз жоқ. Себебі коронавирус инфекциясы бойынша облыстағы ахуал әлі де тұрақсыз деп бағаланады. Сондықтан сақтық шараларына салғырт қарамауды сұраймыз.
Қауіпсіздік ережелері өзгерген жоқ: 
✅бетперделік режим 
✅әлеуметтік арақашықтық 
✅қолды сабынмен жиі жуу 
✅антисептик пайдалану 
✅ауру белгілері байқалған сәттен медициналық көмекке жүгіну 
✅вакцина қабылдау 
❌көпшілік жиналатын жерге баруды шектеу

Қызылорда облысы «қызыл аймақтан» «сары аймаққа» өтті

<a href="https://kyzylorda-news.kz/">Kyzylorda-news.kz</a>. Қазақстанда 24 сәуір 23:59-дағы эпидемиологиялық жағдай бойынша ПТР арқылы 2 830 адам коронавируспен ауырғаны расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 498, 
Алматы қаласы – 682, 
Шымкент қаласы – 114, 
Ақмола облысы – 148, 
Ақтөбе облысы – 165, 
Алматы облысы – 246, 
Атырау облысы – 116, 
Шығыс Қазақстан облысы – 99, 
Жамбыл облысы – 71, 
Батыс Қазақстан облысы – 171, 
Қарағанды облысы – 235, 
Қостанай облысы – 28, 
Қызылорда облысы – 57, 
Маңғыстау облысы – 55, 
Павлодар облысы – 57, 
Солтүстік Қазақстан облысы – 43, 
Түркістан облысы – 45.
Жалпы ел бойынша ауырғандар саны 306 400.

Қызылордада 57 адам вирус жұқтырды

<a href="https://kyzylorda-news.kz/">Kyzylorda-news.kz</a>. Синоптиктер 25 сәуір күні ауа райы қандай болатынын болжады, деп хабарлайды «Қазгидромет» РМК.
Қазақстан аумағының батыс бөлігінде атмосфералық фронттардың әсерінен тұрақсыз ауа райы сақталады. Кей жерлерде найзағай ойнап, жаңбыр жауады.
Республиканың шығыс бөлігі антициклонның ықпалында болады. Осыған байланысты жауын-шашын жаумайды.
Ел аумағының кей жерлерінде тұман түседі, жел күшейеді.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. “Бұқар Жырау Тауэрс” тұрғын үй кешенінде атыс шығарған ер адам терезеден секіріп кетті, деп хабарлады&nbsp;<a href="https://sputnik.kz/">Sputnik Қазақстанға</a>&nbsp;оқиға куәгерлері.&nbsp;
<blockquote>
 “Менің ойымша, секірген сол. Түтін соның терезесінен шығып жатыр. Сол қабат, балкон, өртке арналған саты тұрған жер жанып жатыр”, – дейді тұрғындар.
</blockquote>
Бұған дейін қарулы ер адамның терезені сындырып, пәтер ішінде шам ұстап отырғаны хабарланды.
<blockquote>
 “Пәтер ішінен алдымен тарсыл, содан кейін атыс естілді де, одан соң ол “Аллаһу әкбар” деп айқайлап, 17-қабаттан секіріп кетті”, – дейді&nbsp;<a href="https://sputnik.kz/">Sputnik Қазақстан</a>.
</blockquote>
Айта кетейік, күндіз тұрғын үй маңында күзетшінің аяғына оқ атқан қарулы адам кешке дейін пәтер ішінде жасырынды. Сағат кешкі жеті шамасында полиция қарулы адамды ұстау бойынша арнайы операцияны бастады.
Алматы қаласы полиция департаментінің баспасөз қызметінің хабарлауынша, қарулы адам құқық қорғаушылармен келіссөзге келмей, оларға қарсы оқ атты.
Ер адамның шамамен 50-60 жаста екені хабарланды. Ол бұған дейін көршілеріне дөрекі мінез көрсеткен.&nbsp;
Алматы қаласы қоғамдық денсаулық басқармасы жарақат алған күзетшінің қаладағы медицина мекемелерінің біріне жеткізілгенін, жағдайы қалыпты екенін мәлімдеді. Оның өміріне қауіп төніп тұрған жоқ.

Алматыда полициямен атысқан ер адам 17-ші қабаттан секіріп кетті

<a href="https://kyzylorda-news.kz/">Kyzylorda-news.kz</a>. Алматыдағы Бұқар жырау тұрғын үй кешенінің күзетшісін жарақаттаған қарулы адам пәтерге бекініп алып, полицияға оқ жаудыруын жалғастырып жатыр, деп хабарлайды&nbsp;<a href="https://sputnik.kz/">Sputnik Қазақстан</a>.
Қаскүнем терезеге қисынсыз үндеу жазылған плакат іліп қойды. Тәртіп сақшылары мен қарулы адамның арасындағы қақтығыс алты сағатқа жуық уақыттан бері жалғасып жатыр.
Әлеуметтік желіде үйдің тұрғындары ер адам бұған дейін де көршілеріне агрессия көрсеткенін жазды.
Қазіргі уақытта қылмыскердің талап қойғаны туралы ақпарат жоқ.
Оқиға орнында полиция департаментінің бастығы, генерал-майор Қанат Таймерденов жүр, ол жағдайды бақылауда ұстап отыр.&nbsp;
Полиция болып жатқан жағдайға қатысты әлі түсініктеме берген жоқ. Журналистерді оқиға орнына жақындатпай жатыр.

Алматыда қарулы адам пәтерге бекініп алып, полицияға оқ жаудырып жатыр

<a href="https://kyzylorda-news.kz/">Kyzylorda-news.kz</a>. Жамбыл облысында белгісіз жануар бүтін бір ауылдың үрейін ұшырды. 22 сәуір күні түнде жұмбақ жыртқыш бір үйдің 13 бас қойының тамағын орып кеткен. Ол жабайы ит пе, әлде түз тағысы ма, оны әзірге ешкім білмейді деп хабарлайды <a href="https://www.ktk.kz/kz/news/video/2021/04/23/178421/">КТК арнасы</a>.
Мұндай жағдай Түрксіб ауылында бұған дейін де болған. Уақ мал түгілі, ірі қараның өзіне шабуыл жасалған. Жабық қорадағы 13 бас қой қансыраған күйде табылған. Бәрін тамақтаған ит пе, итқұс па, белгісіз. Не болса да жемтігін ермекке өлтірген тәрізді.
<blockquote>
 “Мына қозы да өліп жатыр, бұны да талаған ғой?”, – дейді ауыл тұрғыны.
</blockquote>
Бар малының үштен бір бөлігінен айрылған ауыл тұрғыны жыларман күйде. Былтыр да алты бас қойын қырып кеткен. Арам өлген түлік жеуге жарамсыз болғандықтан, оны амалсыз ветеринарларға өткізуге мәжбүр. Белгісіз жыртқыштар ірі қараға да ауыз сала бастапты. Бір апта бұрын ауыл тұрғыны Әсима Айнабекованың құлынын белгісіз жыртқыш талап өлтірген.
Тұрғындар құлынды қаңғыған иттер өлтірген десе, кейбірі оған сенбейді. Себебі сол белгісіз жыртқыш анау-мынауыңа бой бере бермейтін сиырға да шабуылдаған. Бірақ иесі далаға дер уағында шығып, ірі қарасын қорғап қалған.
<blockquote>
 ” Байлаулы тұрған құнажынымды басып еді, таяқ алып шығып едім, өзіме қарай шапты. Бала-шағамызбен зорға ажыратып алдық. Ертеңінде байлаулы тұрған итімді де талап өлтірді”, – дейді Түрксіб ауылының тұрғыны Күләш Көбеева.
</blockquote>
Ауылдағы ит аулаушылар көзге түскен жабайы иттің бәрін атып тастады. Небәрі үш сағаттың ішінде 32 итті өлтірген. Десе де ветеринар мамандар төрт түлікке шапқан қаңғыған иттер дегенге сенбейтін тәрізді.
<blockquote>
 “Қазір бізде жабайы иттер деп дәлелдейтін мәлімет жоқ. Ит тартқанын да білмейміз. Мәселе сонда болып тұр. Өйткені қораға келгенде, көршілердің үйін жағалағанда ешқандай қан басқан итті көрмедік. Атылған иттің терісінде де қан жоқ”, – дейді Жамбыл ауданы ветеринария станциясының директоры Сәкен Нұржаубаев.
</blockquote>
Мұны естіген ауыл жұртының бойын үрей биледі. Олар түнде түзге, күндіз көшеде шығудан қалғандарын айтуда. Бұқара билік өкілдерінен жұмбақ жануарды тез арада анықтап көзін жоюды талап етіп отыр. Ал ауыл әкімі көпті сабырға шақырып әлек. Шенеуніктің сөзінше, болған жағдайға күндіз байлаулы итін түнде босатып жіберетін тұрғындардың өзі кінәлі болуы мүмкін. “Тұрғындардың өз иті ме деп ойлаймыз. Бақшалары бір-бірімен жанасып тұр, ортасында шарбақ та жоқ. Түнде итін босатып жібереді. Сол иттердің тірлігі ме деп ойлаймыз”, – дейді Басағаш ауылының әкімі Бейбіт Нығматуллаев.

Елімізде белгісіз жыртқыш жануарларды қырып жатыр (ВИДЕО)

<a href="https://kyzylorda-news.kz/">Kyzylorda-news.kz</a>. ҚР Экология, геология және табиғи ресурстар министрі Мағзұм Мырзағалиев Қызылорда облысына жұмыс сапары кезінде Арал теңізінің құрғаған табанындағы фитоорманмелиорациялық жұмыстармен танысты.
Айта кетейік, Арал теңізінің құрғаған табанының көлемі 4,6 млн гектарды құрайды. Оның 2,2 млн гектары Қазақстанға, 2,3 млн гектары Өзбекстанға тиесілі. Жыл сайын теңіз ұлтанынан 100 млн тонна тұз бен шаң шығып мыңдаған шақырымға таралады. Бір түп сексеуіл 4 тонна көшкін құмды тоқтатуға ықпал жасайды.
<blockquote>
 «Арал маңындағы экологиялық апат аймағы Мемлекетттік басшысы Қасым-Жомарт Тоқаевтың ерекше бақылауында. Теңіз табанының тұзы мен жылжымалы құмын тұрақтандырудың экологиялық тиімді және қауіпсіз жолы – байырғы өсімдіктер егу. Сондықтан 2008 жылдан бері республикалық және жергілікті бюджет есебінен, Дүниежүзілік банк, Ғаламдық экологиялық қор көмегімен Аралдың құрғаған табанында 195 мың гектардан аса жер сексеуіл отырғызылды. Осындай жұмысты Өзбекстан да жүргізіп жатыр», – деді Мағзұм Мырзағалиев.
</blockquote>
Жиында облыс әкімі Гүлшара Әбдіқалықова өңірдегі экологиялық апат салдарымен күрестің маңыздылығы жөнінде айтты.
<blockquote>
 «Арал дағдарысы» – Арал теңізі маңында өмір сүретін 35 млн. адамға әсерін тигізіп отырған адамзат тарихындағы аса іріэкологиялық зардаптардың бірі екені баршамызға аян. Жойылып бара жатқан Арал теңізінің мәселесі біздің өңірге ғана емес, бүкіл әлемге қатер төндіреді.Теңіздің құрғаған ұлтанында тұздың ұшуын тоқтату және экологиялық жағдайды жақсарту мақсатында, соңғы 29 жылда теңіз ұлтанының Қазақстандық бөлігінде 195 мың га сексеуіл және басқа да галафитті (шөлейтті жерге бейімделген) өсімдіктер көшеттерін егу жұмыстары жүргізілді. Бұл екпелер қазір табиғи өсіп көбеюде», – деді Гүлшара Әбдіқалықова.
</blockquote>
Министр Аралмаңының экологиялық тұрақты дамуына ықпал жасау үшін биыл «Аралмаңының экологиялық бағдарланған аймақтық дамуы» атты аймақтық жоба басталғанын атап өтті. Оған Германияның экономикалық әріптестік және даму федералды министрлігі 8 млн еуро қаржы бөлген. Жоба 2024 жылдың маусым айына дейін Қарақалпақстада, Өзбекстанның Хорезм облысында және Қазақстанның Қызылорда, Маңғыстау облыстарында жүзеге асырылады.
Арал ауданындағы сапар барысында Гүлшара Әбдіқалықова мен Мағзұм Мырзағалиев жергілікті ғалымдармен және тұрғындармен кездесіп, өңірдегі түйткілді проблемалар мен экология мәселелеріне қатысты ұсыныстарын тыңдады. Ғалымдар өз кезегінде Аралдың экологиялық проблемаларын шешу жұмыстарына атсалысуға дайын екендерін жеткізді.
<blockquote>
 «Алдағы уақытта Арал табанында сексеуіл отырғызудың арнайы бағдарламасы қабылданады. Көршілес Өзбекстан мемлекетімен осы жұмыс аясында тәжірибе алмасу шаралары жалғасады. Ғалымдармен бірлескен экспедиция ұйымдастырылады», – деді Мағзұм Мырзағалиев.
</blockquote>
<img src="https://kyzylorda-news.kz/wp-content/uploads/2021/04/178114784_3309380712498308_23329806346306154_n.jpg" alt="" />

Арал теңізінің құрғаған табанына сексеуіл егу бағдарламасы қабалданды

<a href="https://kyzylorda-news.kz/">Kyzylorda-news.kz</a>. ҚР Экология, геология және табиғи ресурстар министрі Мағзұм Мырзағалиев Қызылорда облысына жұмыс сапары барысында Қамбаш көлі мен Көкарал бөгетінің жағдайымен танысты.
Атап өтейік, Сырдария өзені орталық атырауының оң жағалауын алып жатқан Қамыстыбас өзен жүйесінің экологиялық және халықшаруашылықтық мәні зор. Судың аз болуы кезеңі әсерінен Сырдария өзені бассейні соңғы 2 жыл бойы «қоректенбеген». Сол себепті көлдің тек жартысы ғана толып, су жағалаудан 200-300 метрге алыстап кетті.
Мағзұм Мырзағалиев пен облыс әкімі Гүлшара Әбдіқалықова жергілікті халықпен, мамандармен кездесіп, су проблемасына қатысты ұсыныстарды тыңдады.
<blockquote>
 «Су шаруашылығына қатысты жағдай қиын. Шұғыл шаралар қабылдау қажет. Сырдария өзенінің Аманөткел ауылы маңында су торабын салу мәселесін қарау керек. Бұл Қамыстыбас және Ақшатау көл жүйелеріндегі су деңгейін ұстап, толтырып отыруға мүмкіндік береді», – деп атап өтті министр.
</blockquote>
Сонымен бірге министр Көкарал бөгетін де тексерді. Қазіргі уақытта бөгеттің бұзылған 135 метр жерін қалыпқа келтіру үшін жобалық-сметалық құжат дайындалып жатыр, оның әрі қарай бұзылмауының алдын алу шаралары да жасалады. Жоба Көкарал бөгетін сақтап қалуға, осылайша 27 млрд.м³ куб суымен Кіші Арал теңізін де ұстап тұруға мүмкіндік береді.
<blockquote>
 «Соңғы жылдары Сырдария өзеніндегі судың азаюы өңірдің ауылшаруашылық саласына айтарлықтай қиындық келтіруде. Облыстың негізгі шаруашылығы суды көп қажет ететін күріш егісі екенін жақсы білесіздер. Алайда біз жылдан жылға күріш егісінің көлемін азайтып, ауылшаруашылық саласын әртараптандыруды бастадық. Осылайша суды үнемдеудің жолдарын қарастырып жатырмыз»,- деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/04/176435215_945200436244635_2758660433727386362_n.jpg" alt="" />

Министр Қамбаш көлі мен Көкарал бөгетінің жағдайымен танысты

<a href="https://kyzylorda-news.kz/">Kyzylorda-news.kz</a>. Чарльз Швэб басшылық ететін цех жұмысшылары өндіріс нормасын дұрыс орындамай жүрді. Мұны байқаған Швэб: « Бұл қалай болғаны? Епті адам деген кім? Сіздер қалайша цехтың жақсы жұмыс істеуіне жағдай жасай алмайсыздар?» — деп сұрады.
«Білмеймін, жұмысшылардың белсенділік танытуы үшін қолымнан келгенінің барлығын жасадым. Итермеледім, ұрыстым, тіпті, жұмыстан шығаратынымды айтып қорқыттым да. Бірақ, ешқайсысы да көмектесіп жатқан жоқ, жоспарды әлі орындай алмай жүр,&nbsp; — деген цех бригадирі ағынан жарылды.
Бұл жағдай жұмыс уақытының соңына таман, түнгі ауысым келуге қарсы болған еді. «Маған бір түйір бор беріңізші,» — деген Швэб жанында жақын тұрған жұмысшының бірінен: «Бүгін сіздердің ауысымдарыңыз қанша дана жасады?» деп сұрады.
<blockquote>
 «Алты».Сол-ақ екен, Швэб ештеңе де айтпастан жерге алты деген санды үлкен етіп жазды да, шығып кетті. Түнгі ауысымның жұмысшылары келгенде әлгі жазу әлі тұрған еді. Оны көріп жұмысшылар бұның не екенін сұрай бастады. «Бүгін бұл жерге бас директор келіп, қалай жұмыс істеп жатқанымызды, күндізгі ауысымның қанша жұмыс істегенін сұрады. Біз алтыға жеткізгенімізді айтып едік, ол соны еденге дәу етіп жазып кетті,»- деді жұмысшылар.
</blockquote>
Ертеңгісін таңертең Швэб цехқа қайта келді. Түнгі ауысым жердегі жазуды 7-ге өзгертіп қойыпты. Бұл жазуды күндізгі ауысым да көрді. Демек, түнгі ауысым бұлардан жақсырақ жұмыс істеген болып тұр. Жоқ, бұлай бола қоймас. Үлкен белсенділікпен жұмысқа кіріскен жұмысшылар кешкілік қайтар уақытта әлгі жердегі жазуды мақтанышпен&nbsp; 10 деген санмен өзгертті. Осылайша жұмыс қыза түсті. Көп өтпей-ақ, артта қалған бұл цех керемет жұмыс істей бастады. Жағдайдың осылай өзгеруіне не себеп?
Бұл туралы Чарльз Швэбтің өз аузынан естісек.
<blockquote>
 «Қиын жұмыстың тезірек біткенін қаласаңыз, онда оны атқарушылардың бойындағы жарыс рухын ояту керек. Ондағы мақсат көп табыс табуда емес, өзін көрсетуге деген талпынысты күшейту».
</blockquote>
Өзін көрсету! Жарысқа шақыру! Осылайша өр мінезді ер азаматтардың жүрегіне қайтпас жолдау тасталды.

Қазақстан және Қызылорда облысының жаңалықтары