<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1084 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 273, 
Алматы қаласы – 100, 
Шымкент қаласы – 10, 
Ақмола облысы – 18, 
Ақтөбе облысы – 55, 
Алматы облысы – 10, 
Атырау облысы – 85, 
Шығыс Қазақстан облысы – 54, 
Жамбыл облысы – 48, 
Батыс Қазақстан облысы – 138, 
Қарағанды облысы – 129, 
Қостанай облысы – 29, 
Қызылорда облысы – 7, 
Маңғыстау облысы – 8, 
Павлодар облысы – 85, 
Солтүстік Қазақстан облысы – 22, 
Түркістан облысы – 13.
Қазақстан бойынша жазылғандар саны – 386127.

Қызылордада 7 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 943 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 323, 
Алматы қаласы – 110, 
Шымкент қаласы – 17, 
Ақмола облысы – 33, 
Ақтөбе облысы – 7, 
Алматы облысы – 27, 
Атырау облысы – 26, 
Шығыс Қазақстан облысы – 64, 
Жамбыл облысы – 22, 
Батыс Қазақстан облысы – 13, 
Қарағанды облысы – 153, 
Қостанай облысы – 31, 
Қызылорда облысы – 30, 
Маңғыстау облысы – 12, 
Павлодар облысы – 43, 
Солтүстік Қазақстан облысы – 15, 
Түркістан облысы – 17.
Жалпы ел бойынша ауырғандар саны 410523.

Қызылордада 30 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Циклон және онымен байланысты атмосфералық фронттар Қазақстанның шығыс бөлігіне әсерін сақтап қалуына байланысты жауын-шашынсыз ауа райы күтіледі, деп хабарлайды Қазгидромет.
Жаңбыр, найзағай болды, бұршақ жаууы ықтимал, шығыс және оңтүстік-шығыстың таулы, тау бөктерінде қатты жаңбыр жауады.
Ал республиканың батыс және оңтүстік-батыс жартысында антициклон мен жылы ауа массаларының әсерінен ыстық және жауын-шашынсыз ауа райы күтіледі. Республиканың кей жерлерінде жел күшейеді, оңтүстікте шаңды дауыл болады.
Алматы, Жамбыл, Шығыс Қазақстан, Қарағанды, Солтүстік Қазақстан облыстарының кей жерлерінде бұршақ жаууы ықтимал, жел 15-20 м/с-ға дейін күшейеді, Жамбыл облысында екпіні 25 м/с болады, Солтүстік Қазақстан облысының кей жерлерінде дауыл күтіледі.
Қостанай, Павлодар облыстарының кей жерлерінде жел 15-20 м/с-ға дейін күшейеді, күндіз кей жерлерінде бұршақ жаууы ықтимал, Қостанай облысында дауыл күтіледі.
Күндіз Ақмола, Атырау облыстарынң кей жерлерінде жел 15-20 м/с-ға дейін күшейеді.
Түркістан, Қызылорда, күндіз Маңғыстау облыстарының кей жерлерінде желдің 15-20 м/с-ға жетіп, шаңды дауыл тұрады.
Күндіз Атырау, Батыс Қазақстан, Ақтөбе облыстарында, Маңғыстау облысының оңтүстігінде қатты ыстық күтіледі.
Қызылорда, Ақтөбе, Түркістан облыстарында, Жамбыл, Қарағанды, Маңғыстау, Атырау, Батыс Қазақстан, Қостанай облыстарының кей жерлерінде өте жоғары өрт қаупі күтіледі.

22 маусымға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласындағы «Ескі базар» аумағынан өрт шықты.
Оқыс оқиға сағат 15-00 шамасында базардағы мақта қоймасында орын алған. Оқиғаның мән-жайы туралы алдағы уақытта хабарлайтын боламыз.

Қызылорда: «Ескі базардан» өрт шықты

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова мемлекеттік мекемелердегі электронды қызмет көрсету мәселелерін талқылады. Облыстық цифрлық технологиялар басқармасының басшысы Юлия Тремасова атқарылған жұмыстарды баяндап, негізгі көрсеткіштерді тізбеледі.
2021 жылдың 5 айында облыс көлемінде жалпы 2 666 076 мемлекеттік қызмет көрсетілді. Оның ішінде 1585 850 қызмет «электрондық үкіметтің» веб-порталы және көрсетілетін қызметті берушінің ақпараттық жүйелері арқылы көрсетілсе, 34485 қызмет мемлекеттік корпорация арқылы, 1045 481 қызмет қызмет мемлекеттік органдармен қағаз түрінде көрсетілген.
Қазіргі таңда жергілікті атқарушы органдармен мемлекеттік көрсетілетін қызметтердің 173 түрі көрсетіледі. Соның электронды түрде 141қызмет түрі қолжетімді. Қалған 18 қызмет түрі жыл соңына дейін орталық атқарушы органдармен автоматандырылады деп жоспарлануда.
Жиында Юлия Тремасова «Электрондық қызметтерді алу орталығы» ашылғалы бері 27345 электронды қызмет көрсетілгенін атап өтті. Орталық арқылы тұрғындар мемлекеттік қызметтерді электронды түрде өздігінен ала алады.
<img src="https://kyzylorda-news.kz/wp-content/uploads/2021/06/204127912_3467343986701979_877374937676065645_n.jpg" alt="" />
Сонымен қатар, аймақта облыстағы барлық мемлекеттік мекемелерде, техникалық және кәсіптік білім беру ұйымдарында, орта және мектепке дейінгі білім беру органдарында, емханаларда, ауруханаларда электронды қызметтерді алуға 900-ге жуық «өзіне-өзі қызмет көрсету бұрыштары» ашылған.
Айта кетейік, өңірде өткен жылы Zoom платформасы арқылы 6 бағыт бойынша 12 онлайн-семинар өткізілсе, биыл 5 айда 4 онлайн-семинар және 1 офлайн семинар өткізілді.
Жиын соңында облыс әкімі Гүлшара Әбдіқалықова басқарма басшысына мемлекеттік мекемелердегі электронды қызметтерді көрсету бағытындағы жұмыстардың жүйелі жүріп, қызметтердің уақытылы көрсетілуіне баса мән беру қажет деп атап өтті. Сондай-ақ, тұрғындардың қызметтерді алу қолжетімділігі бойынша түсіндірме жұмыстарын кешенді түрде жүргізуді және талдау жұмыстарды жалғастыруды тапсырды.
<img src="https://kyzylorda-news.kz/wp-content/uploads/2021/06/205220696_3467343666702011_1525149286615952680_n.jpg" alt="" />

Қызылордада «Электрондық қызметтерді алу орталығы» ашылғалы 27345 қызмет көрсетілген

<a href="https://kyzylorda-news.kz/">Kyzylorda-news.kz</a>.&nbsp;Қазіргі таңда Қызылорда облысында 146 жанар-жағармай бекеті бар. Бүгінде орташа есеппен АИ-92 бензині 170,4 теңге, АИ-95-188,2 теңге, дизель отыны 188 теңгенің шамасында сатылуда. Жалпы соңғы мәліметке сәйкес, аймақта АИ-92 314,6 тонна, дизель 3153,9 тонна қоры бар. Бұл туралы Өңірлік коммуникаицялар қызметінің ақпарат алаңында облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Облыста бір күнде ең жоғарғы сұранысқа ие АИ-92 бензиннің қажеттілігі орташа есеппен 215 тонна. Ал дизель отыны – 133 тоннаны құрайды. Бұл ретте АИ-92 бензині 14 күнге, дизель отыны 23 күнге жетеді деп болжанып отыр», – деді Фердоуси Қожабергенов.
</blockquote>
Маусым айының бірінші жартысында «Петро Казахстан Ойл Продактс» зауытының жөндеу жұмыстарына байланысты Шымкент қаласы мен Түкістан облысында газдың жетіспеушілігі орын алды. Аталған жәйт біздің облысқа да кері әсерін тигізді.
<blockquote>
 «Ағымдағы жылдың маусым айында Энергетика министрлігіне 8 мың тонна сұйытылған газ алуға өтінім жолданған болатын. Нақты бөлгені 6,9 мың тонна. «Петро Казахстан Ойл Продактс» компаниясынан маусым айына облысқа 1,1 мың тонна газ қаралған. Бірақ әлі толықтай жеткізілген жоқ. Себебі зауыт өткен аптада ғана іске қосылды», – деді облыстық энергетика және тұрғын үй-коммуналдық басқармасы басшысының орынбасары Ерлан Жоламанов.
</blockquote>
Жақын уақытта облысқа Шымкент қаласындағы мұнай өңдеу зауытынан 530 тонна АИ-92 маркалы бензин және 1553 тонна дизель отыны жеткізіледі.
<blockquote>
 «Жалпы өзге облыстармен салыстырмалы түрде біздің аймақта жанар-жағармай бағасы төмен. Біздің тарапымыздан сұйытылған газға байланысты талдау жұмыстары жүргізілуде. Егер Заңға қайшы жағдайлар анықталса, міндетті түрде шара қолданамыз», – деді облыс бойынша бәсекелестікті қорғау және дамыту департаментінің басшысы Ерсін Орынбаев.
</blockquote>

Фердоуси Қожабергенов: АИ-92 14 күнге, дизель отыны 23 күнге жетеді

<a href="https://kyzylorda-news.kz/">Kyzylorda-news.kz</a>. Жаңақорған ауданында 4 күн бұрын жоғалып кеткен 29 жастағы келіншек табылмай жатыр.
Жаңақорған кентінің тұрғыны 1992 жылы туған Гүлбейне Агнярова 17 маусым күні сағат 08:00 шамасында үйінен белгісіз бағытқа шығып кеткен. Бұл туралы азаматшаның туыстары аудандық полиция бөліміне хабарлаған.
Гүлбейне Агнярованың ерекше белгілері: бойы – 170-175 см, шашы ұзын, қара, көзі қара, домалақ, қыр мұрынды, қалың қасты, домалақ ерінді. Үстіне ақ түсті көйлек, қолында көк түсті сөмке, аяғында ақ түсті туфли киген.

Жаңақорғанда жоғалып кеткен келіншек әлі табылмады

<a href="https://kyzylorda-news.kz/">Kyzylorda-news.kz</a>. Әлем әбігерге түсті, дерт дендемеуі үшін дабыл қақты. Елімізде жаппай екпе егу арқылы ұжымдық иммунитет қалыптастыру, індеттің алдын алу жұмыстары жүруде.
Қазіргі пандемия жағдайынан тек вакцина қабылдау арқылы ғана шыға алатынмыз белгілі. Қазіргі таңда, Жаңақорған ауданы бойынша 10106 азамат «Спутник V» (5175), «Hayat vax» (4619) және «CoronaVac» (312) вакцинасын ерікті түрде қабылдады.
Сонымен қатар, ауданда орналасқан кәсіпорындар белсенділігі өсіп отыр. Атап айтқанда, «СКЗ-У» ЖШС-нің 229 қызметкері (жалпы қызметкердің 85,44%), «Қызылқұм» ЖШС-нің 362 қызметкері (жалпы қызметкердің 80,11%), «Шалқия Цинк» ЛТД АҚ-ның 405 қызметкері (жалпы қызметкердің 72,23%) және «Байкен-У» ЖШС-нің 194 қызметкері (жалпы қызметкердің 51,45%) ерікті түрде вакцина қабылдады.
Бұл денсаулыққа деген елдің көзқарасы кеңейгенін көрсетті. Жалпы, Жаңақорған жұртшылығына жеңіл болу үшін вакцина егу жұмыстары көшпелі жағдайға көшкен. Қазір аудандағы барлық медицина ұйымдары күнделікті сағат 8:00 ден түнгі сағат 22:00 аралығында короновирусқа қарсы вакцина егу жұмыстарын тұрақты жүргізуде.

Жаңақорғандықтардың вакцина егуге ынтасы артты

<a href="https://kyzylorda-news.kz/">Kyzylorda-news.kz</a>. Елімізде алдағы үш күнде батыста күн ыстық болады, ал республиканың қалған аумағында күн суытады.
Синоптиктердің болжамына сәйкес, 22-24 маусымда елдің батысында күн ыстық болады, жауын-шашын түспейді.
Осы аралықта республиканың қалған аумағына солтүстік циклон әсер етеді. Соған сәйкес, найзағай ойнап, бұршақ жауады. Екпінді жел болып, солтүстікте, шығыста және оңтүстік-шығыста қатты жаңбыр жауады.
Солтүстікте, шығыста және орталықта температура фоны түнде 5-13°C, күндіз 12-23°C жылы, оңтүстік өңірлерде түнде 12-22°C, күндіз 24-35°C жылы болады. Ал батыста түнде 15-25°C, күндіз 34-42°C ыстық болады.
Нұр-Сұлтанда 22 маусымда&nbsp;көшпелі бұлт шығады, түнде өткінші жаңбыр жауады. Солтүстік-батыстан түнде 5-10, күндіз 9-14 м/с жылдамдықпен жел соғады. Ауа температурасы түнде 7-9°C, күндіз 17-19°C жылы болады.
23 маусымда&nbsp;көшпелі бұлт шығады, кейде жаңбыр жауады, күн күркірейді. Батыстан, солтүстік-батыстан 9-14 м/с жел соғады, екпіні 15-20 м/с жетеді, ауа температурасы түнде 10-12, күндіз 15-17 градус жылы болады.
24 маусымда&nbsp;көшпелі бұлт шығады, арасында жаңбыр жауады, күн күркірейді. Батыстан, солтүстік-батыстан 9-14 м/с жел соғады, екпіні 15-20 м/с-ге жетеді, ауа температурасы түнде 7-9°C, күндіз 13-15°C градус жылы болады.
Алматыда 22 маусымда&nbsp;таңертең және күндіз жаңбыр жауады, күн күркірейді. Оңтүстік-батыстан 3-8 м/с жылдамдықпен жел соғады, күн күркіреген кезде екпіні 15 м/с-ге жетеді. Ауа температурасы түнде 15-17°C, күндіз 23-25°C градус жылы болады.
23 маусымда&nbsp;көшпелі бұлт шығады, жауын-шашын болмайды. Ауа температурасы түнде 13-15°C, күндіз 25-27°C градус жылы болады.
24 маусымда&nbsp;көшпелі бұлт шығады, кейде жаңбыр жауады, күн күркірейді. Шығыстан соққан жел 2-7, күн күркіреген кезде екпіні 12 м/с болады. Ауа температурасы түнде 15-17°C, күндіз 25-27°C градус жылы болады.
Шымкентте 22 маусымда&nbsp;аздаған бұлт шығады, жауын-шашын болмайды. Солтүстік-шығыстан 8-13 м/с жылдамдықпен жел соғады, таңертең және күндіз екпіні 15-20 м/с-қа жетеді. Ауа температурасы түнде 14-16°C, күндіз 29-31°C градус жылы болады.
23-24 маусымда&nbsp;көшпелі бұлт шығады, жауын-шашын жаумайды. Батыстан 8-13 м/с жылдамдықпен жел соғады, ауа температурасы түнде 15-17°C, күндіз 30-32°C градус жылы болады.

Еліміздің басым бөлігінде күн суытады

<a href="https://kyzylorda-news.kz/">Kyzylorda-news.kz</a>. Қорқыт ата атындағы Қызылорда университетінде «Абырой» мемлекеттік қызмет мектебінің аудиториясы ашылды. Шарада аталған &nbsp;мектеп түлектеріне сертификат табысталды.
23 маусым – Мемлекеттік қызметші күні қарсаңында өткен шарада сөз алған университет ректоры болашақ мемлекеттік қызметшілерді елге адал қызмет етуге шақырды.
<blockquote>
 «Әрбір өркениеттің өріне қадам бастаған мемлекеттің ең басты тірегі, оның идеясы мен саясатын алға апарушы мемлекеттік қызметкер болып табылады. Сондықтан да ұлт мәртебесін көтеретін, ел абыройын асқақтататын мемлекеттік қызметкер болу – мәртебелі міндет. Мемлекеттік қызметші қай кезде де биліктің биік бейнесін, іскерлік қабілетін көрсетеді. Дана халқымызда «Билігі мықты елдің – тірлігі құтты болады» деген сөз бар. Сондықтан қашан да жүгі ауыр билік міндетінің ауқымды және мақсатының биік болары барлық мемлекеттік қызметшілердің әрқашан жадында болуы керек. Мемлекеттік қызметшінің басты міндеті туған Отаны мен халқына адал қызмет етумен бағаланады»-, деді университет ректоры Бейбіткүл Каримова
</blockquote>
Оқу орнында ашылған «Абырой» мемлекеттік қызмет мектебі –&nbsp; жас көшбасшыларды оқыту, мемлекеттік органдарда тағылымдамадан өткізу арқылы мемлекеттік қызметтің іс жүзіндегі дағдыларын үйренуге мүмкіндік береді. Мектепке «Мемлекеттік және жергілікті басқару» білім беру бағдарламасы бойынша білім алушы 4 курстың 25 студенті қабылданып,&nbsp; ҚР Президенті жанындағы басқару академиясының Қызылорда филиалында біліктілікті арттыру курстарынан өтті. &nbsp;Облыс әкімдігі мен басқармаларда тағылымдамадан өткен. Мұндағы мақсат – келешегін мемлекеттік қызметке арнағысы келетін жас маманның ЖОО дипломымен бірге мемлекеттік қызметтің талап-дағдыларын да қоса меңгеріп шығуына көмектесу.
Салтанатты жиында ҚР Мемлекеттік қызмет істер агенттігі Қызылорда облысы бойынша департаментінің басшысы, Әдеп жөніндегі Кеңес төрағасы Рафхат Бисенов құттықтау сөз сөйлеп, түлектерге сәттілік тіледі.
Қорқыт ата атындағы Қызылорда университетінің ҚР Мемлекеттік қызмет істері агенттігінің Қызылорда облысы бойынша департаментінде кафедраның өндірістегі филиалын ашу жөніндегі келісімге келіп, ережеге қол қойды.
<img src="https://kyzylorda-news.kz/wp-content/uploads/2021/06/202788016_2291709827633097_4518408753365545215_n.jpg" alt="" />

Қызылордада «Абырой» мемлекеттік қызмет мектебінің түлектеріне сертификат табысталды

<a href="https://kyzylorda-news.kz/">Kyzylorda-news.kz</a>. Қызылорда қаласында автокөлік көп жүретін көшелерге жалпы саны 19 дана құқық бұзушылықты автоматты түрде анықтайтын&nbsp; сертификатталған арнайы бақылау-өлшеу құрылғылары орнатылған.
Есепті мерзімде «Аркан» құрылғысымен 11 мың 169 құқық бұзушылық бойынша 114 млн 986 мың теңге айыппұл салынып, оның 86 млн 935 мың теңгесі өндірілді.
Құрылғылардың тиімділігін ескере отырып қалада санын көбейту жоспарлануда.

Қызылордада жол ережесіне қатысты 11 169 құқық бұзушылық анықталды

<a href="https://kyzylorda-news.kz/">Kyzylorda-news.kz</a>. Қармақшы ауданында наубайханада жұмыс істеген әйел өзгенің ұялы телефонын ұрлап, сол арқылы несие рәсімдеген. Қазіргі таңда ұры қолға түсті.
Қызылорда облысы Полиция департаменті Қармақшы ауданының полиция бөліміне ауыл тұрғыны жүгініп, наубайханың демалыс бөлмесінде тұрған ұялы телефонын белгісіз біреу ұрлап кетіп, банк қосымшасы арқылы құны 480 мың теңгеден аса ниесие рәсімдеп алғанын көрсеткен.
Жедел-іздестіру шараларының нәтижесінде полицейлер осы қылмысқа қатысы бар күдіктіні анықтап, ұстады. Ол сол наубайханада екі ай меңгеруші болып жұмыс істеген азаматша болып шықты. Оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды.
Аталған дерек бойынша Қазақстан Республикасы Қылмыстық кодексінің 188-бабының 2-бөлігімен (Ұрлық) сотқа дейінгі тергеп-тексеру амалдары жүргізілуде.

Қазақстан және Қызылорда облысының жаңалықтары