<a href="https://kyzylorda-news.kz/">Kyzylorda-news.kz.</a> Қызылорда облысында 2020 жылдың 9 айында өнім өндіру 3,5%-ға артып, пайдалануға берілген тұрғын үй саны да көбейген. Бұл туралы Қызылорда облысының әкімі Гүлшара Әбдіқалықова елордадағы ҚР Президенті жанындағы Орталық коммуникациялар қызметінде өтіп жатқан брифингте мәлімдеді.
<blockquote>
 «Өңдеу өнеркәсібінде өнім өндіру осы жылдың 9 айының қорытындысымен 3,5%-ға, ауыл шаруашылығында 3,1%-ға артты. Жұмыс істеп тұрған шағын және орта бизнес субъектілерінің саны 5,4%-ға (45-тен 47,4 мыңға дейін) өсті», – деп атап өтті облыс әкімі.
</blockquote>
Сондай-ақ, облыс әкімі биыл Сыр өңірінде 485 мың шаршы метрден астам тұрғын үй пайдалануға берілгенін атап өтті. Бұл – өткен жылдың сәйкес кезеңімен салыстырғанда 0,4%-ға артық.
Сонымен қатар, өңірде өткен жылға қарағанда инвестиция көлемі 69,5%-ды құраған.
<blockquote>
 «Төмендеудің объективті себептері бар. Өткен жылы бірнеше ірі инвестициялық жобаларды іске асыру аяқталды, олардың үлесіне жылдық инвестициялар көлемінің шамамен 30%-ы тиесілі болды. Биыл енгізілген шектеулерге байланысты жалпы экономикаға инвестициялар көлемі қысқарды, бұл құрылыс жұмыстарының көлеміне де әсер етті (50,8%)», – деді бұл тұрғыда Г.Әбдіқалықова.
</blockquote>

Қызылорда облысында өнім өндіру 3,5%-ға артқан

<a href="https://kyzylorda-news.kz/?doing_wp_cron=1606103668.7674028873443603515625">Kyzylorda-news.kz.</a> Нұр-Сұлтан қаласында ҚР Президенті жанындағы Орталық коммуникациялар қызметінде Қызылорда облысының әкімі Гүлшара Әбдіқалықованың журналистерге арналған брифингі басталды.
Бұл – Гүлшара Наушақызының облыс әкімі ретіндегі БАҚ өкілдеріне арналған алғашқы брифингі.
<blockquote>
 «Пандемия қалыпты тіршілікке өзгеріс енгізді. Дегенмен, Президент қабылдаған шешімдердің арқасында негізгі басымдыққа ие салалардағы көрсеткіштердің төмендеуіне жол берген жоқпыз», – деді брифингте Гүлшара Наушақызы.
</blockquote>
Айта кетейік, облыс әкімі аталған брифингте Мемлекет басшысының Қазақстан халқына Жолдауынан туындайтын негізгі міндеттерді орындау мақсатында жасалған жұмыстар, ағымдағы жылдың 9 айының қорытындысы мен Қызылорда облысының әлеуметтік-экономикалық даму көрсеткіштеріне тоқталатын болады.

Елордада Гүлшара Әбдіқалықованың журналистерге арналған брифингі басталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Алматы қаласында грек-рим, еркін жəне əйелдер күресінен өтіп жатқан Қазақстан Республикасының чемпионатында Қызылорда облысының балуандары табысты өнер көрсетуде.
Еркін күрестен жерлестеріміз 2 алтын, 1 күміс, 1 қола медальмен жалпыкомандалық есепте бірінші орынды иеленді.
Атап айтсақ, 65 келі салмақ дәрежесінде сынға түскен Дәулет Ниязбеков пен 79 келіде Ғалымжан Усербаев Қазақстан чемпионы атанды. Дәулет ақтық сайыста қарағандылық спортшы Əділ Оспановты 9:0, ал Ғалымжан Алматы облысының балуаны Рүстем Мырзағалиевті 11:0 есебімен жеңіп, қос алтынды облыс қоржынына салды. Д.Ниязбеков 8 дүркін, Ғ.Усербаев 5 дүркін Қазақстан чемпионы атағына ие болды.
Айта кетейік, Дəулет былтырғы жылы Нұр-Сұлтан қаласында өткен Əлем чемпионатында күміс жүлдені еншілеп, Токио Олимпидасының жолдамасын жеңіп алған болатын. Сондай-ақ, осы спорт түрінен 74 келіде Қанат Мұсабеков күміс, 97 келіде Бекзат Тəжі қола жүлделерді иеленді.
Спортшыларды жарысқа Əбутəліп Аманов, Камал Гаджимагамедов, Орал Тілеуқабылов жəне Серік Əбдімəуленов дайындады.

ҚР чемпионатында қызылордалық балуандар жеңіске жетті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қандас мәртебесін Халыққа қызмет көрсету орталығы арқылы қалай алуға болады? Бұл сұраққа орталық мамандары <a href="tg://search_hashtag?hashtag=oqy">#oqy</a>&toqy айдары арқылы жауап береді.
– Алдымен ХҚО-ға кезекті алдын-ала брондаңыз 
– Тіркеу бөліміне белгіленген уақыттан 20 минутқа ерте келіп, броныңызды растаңыз 
– Операторға келесі құжаттарды тапсыру арқылы қызметке өтініш қалдырыңыз 
**Қандас (Оралман) мәртебесін алу үшін: 
**– Еркін түрде жазылған өмірбаян 
– Отбасы мүшелерінің әрқайсысының 3х4 көлеміндегі екі суреті 
– Мәртебені алушы барлық отбасы мүшесінің жеке басын куәландыратын шетелдік құжаттарының аудармасының нотариалды расталған көшірмесі
**Мәртебені ұзарту үшін осы құжаттармен қоса: 
**– Қазақстан аумағында тұруға ықтиярхат 
– Өтініш беріледі 
Мәртебе мерзімі: 
– Мәртебе 1 жылға жарамды. Бұл мерзім бітерде ҚР азаматтығын алу үшін өтініш бересіз немесе мәртебені ұзартуыңыз қажет болады. 
– Мәртебені ұзарту мерзімі 6 айды құрайды. Мерзім өткен соң, қайта ұзартасыз немесе мәртебені алуға өтініш бересіз. 
Қызмет көрсету уақыты құжат тапсырған күнді есептемегенде: 
– Мәртебені алу – 15 жұмыс күні 
– Мәртебені ұзарту – 5 жұмыс күні 
Еске сала кетейік, сурет пен өмірбаяннан басқа құжат, мәліметтер тексерілгеннен кейін, өтініш берушіге қайта қайтарылуы тиіс. Сондай-ақ ХҚО операторынан құжаттардың қабылданғаны туралы қолхатты алуды ұмытпаңыз.

Қандас мәртебесін қалай алуға болады?

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Әскери киім киемін деп айыппұл арқалауыңыз ғажап емес. Атыраулық әскери полицейлер айрықша белгілері бар киімді заңсыз киіп жүрген азаматтарға түсіндірме жұмыстарын жүргізіп жатыр. Егер ескертуді елемейтін болса, айыппұл салынады.
Арнайы дүкендерде ашық сатылатын әскери киімге сұраныс жоғары. Сапасы жақсы киімнің бағасы да қолжетімді. Алайда әскери болмасаңыз, ондай киімді киюге рұқсат жоқ. Сол үшін тіпті жауапкершілікке тартылуыңыз да мүмкін. Десе де тұрғындар онымен келіспейді.
<blockquote>
 «Мұндай заңсыздық болмауы үшін әскери киімді сатылымнан да алып тастау керек», – дейді.
 “Иә, айыппұл салады дегенді естідім. Бірақ мына киім өте ыңғайлы, сапасы да керемет. Шарбақта, далада шаруамызды жасағанда киіп алуға өте жақсы. Ал егер айыппұл салып, басқа да шаралар қолданатын болса, дүкендерден алып тастасын. Басқа нұсқа күтіп тұрған жоқпын. Базарларда, дүкендерде, арнайы дүкендерде көп. Барлық жерде ашық сатылады”, – қала тұрғыны Жандос Тұрланұлы.
</blockquote>
Әскери киім үлгілерін заңсыз кию деректерін анықтау мақсатында өткен акция кезінде қазан айынан бері 28 тұрғынға ескерту берілген. Тәртіп сақшыларының сөзінше, осындай заңсыздық қайталанатын болса, заңнамаға сәйкес жеке тұлғаларға 5, ал заңды тұлғаларға 25 АЕК көлемінде айыппұл салынбақ.
<blockquote>
 “Бұл киімдер қарапайым тұрғындар арасында ыңғайлылығымен және арзан бағасының арқасында жоғары сұранысқа ие. Әскери киімдер негізінен ауысым формасы немесе жұмыс формасы ретінде қолданылады. Қоғамда әскери форманы киген тұрғындардың құқықбұзушылық және тәртіпбұзушылық, әскери қызметкерлер жасаған бұзушылық ретінде қабылданады. Нәтижесінде бұл Қарулы Күштердің имиджіне және әскери адамның сыртқы келбетіне кері әсер етеді”, – әскери полиция бөлімшесінің капитаны Бақтияр Дәуренқұлов.
</blockquote>
Әскери киімнен бөлек айрықша белгілерді де арнайы дүкендерден алуға болады. Тіпті сол үшін сатушы құжаттарды да талап етпейді. «Ал әскери киіммен жүріп, тәртіп бұзатындар әскери полицейлердің беделіне нұқсан келтіреді», – дейді тәртіп сақшылары.

Қазақстанда әскери киімді заңсыз кигендерге айыппұл салынады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысы Полиция департаментінің Қазалы аудандық полиция бөліміне Әйтеке би кентінің тұрғыны Абай ауылының мал жайылымынан 7 қойы мен 4 ешкісін ұрлап кеткені туралы арызданған.
Аудандық полиция бөлімі қызметкерлерінің жедел әрекеттерінің нәтижесінде мал ұрлығына күдікті 51 жастағы аудан тұрғыны анықталып, ұсталды.
Аталған дерек бойынша Қазақстан Республикасы Қылмыстық кодексінің 188-1-бабының 1-бөлігімен (мал ұрлығы)сотқа дейінгі тергеп-тексеру амалдары жүргізілуде.

Қызылордада жайылымнан мал ұрлаған ұры қолға түсті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін жергілікті уақытпен сағат 11.30-да ҚР Президенті жанындағы Орталық коммуникациялар қызметінің алаңында Қызылорда облысының әкімі Гүлшара Әбдіқалықованың қатысуымен «Мемлекет басшысының «Жаңа жағдайдағы Қазақстан: іс-қимыл кезеңі» Жолдауының Қызылорда облысында жүзеге асырылуы және өңірдің 9 айдағы әлеуметтік-экономикалық дамуы» тақырыбында баспасөз конференциясы өтеді.

Елордада Қызылорда облысы әкімінің қатысуымен брифинг өтеді

&nbsp;&nbsp;&nbsp;&nbsp;&nbsp;&nbsp; <a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысы көлемінде жол-көлік оқиғаларының алдын алу мақсатында 18-20 қараша күндері «Қауіпсіз жол» жедел профилактикалық іс-шарасы өткізілді.
&nbsp;Іс-шара барысында жол қозғалысы ережесін бұзудың – 363 дерегі, оның ішінде тиiстi рұқсатсыз қайта жабдықталған көлiк құралын басқарудың
9, мiндеттi техникалық қарап-тексеруден өтпеген көлiк құралын басқарудың 11 дерегі анықталды. 79 жүргiзушi телефон пайдаланып,&nbsp; 71 жүргізуші қауiпсiздiк белдіктерiн тақпаған. Маневр жасау қағидаларын бұзудың 11 адам бұзып, жаяу жүргiншiлер жолында жол бермеген 17 жүргізуші белгілі болды. Жүргізушінің көлік құралын алкогольдік, есірткілік масаң күйде басқаруы, сол сияқты көлік құралын алкогольдік, есірткілік масаң күйдегі адамның басқаруына берген 2 адам анықталып, 36 адам құжатсыз көлік басқарған.
Полиция департаментінің хабарлауынша бұл бағыттағы жұмыстар өз жалғасын табуда және басшылықтың қатаң бақылауында.
<img src="https://kyzylorda-news.kz/wp-content/uploads/2020/11/img_20201107_113850.jpg" alt="" />

Қызылордада құжатсыз көлiк жүргізген 36 адам анықталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қазақстанда өткен тәулікте 716 адамда коронавирус індеті ПТР арқылы расталды.
Шығыс Қазақстан облысында 180-нен астам, Павлодар және Солтүстік Қазақстан облыстарында жүзге жуық адам COVID жұқтырды.
Аймақтар бойынша:
<ul>
<li>Нұр-Сұлтан қаласы – 40</li>
<li>Алматы қаласы – 42</li>
<li>Шымкент қаласы – 2</li>
<li>Ақмола облысы – 61</li>
<li>Ақтөбе облысы – 8</li>
<li>Алматы облысы – 12</li>
<li>Атырау облысы – 15</li>
<li>Шығыс Қазақстан облысы – 188</li>
<li>Жамбыл облысы – 10</li>
<li>Батыс Қазақстан облысы – 42</li>
<li>Қарағанды облысы – 20Қостанай облысы – 77</li>
<li>Қызылорда облысы – 1</li>
<li>Маңғыстау облысы – 2</li>
<li>Павлодар облысы – 98</li>
<li>Солтүстік Қазақстан облысы – 96</li>
<li>Түркістан облысы – 2</li>
</ul>
Жалпы ел бойынша ауырғандар саны 126 182.

Қызылордада өткен тәулікте коронавирус тіркелді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp; Қазақстан аумағының солтүстік бөлігі бұрынғыша антициклонның ықпалында қалып, ауа райы жауын-шашынсыз болады, ал республиканың қалған бөлігінің кей жерлерінде қар жауады, батыста, оңтүстік-батыста қар мен жаңбыр түрінде жауын-шашын түседі.
Синоптиктердің болжауынша, 23 қарашада ел аумағының кей жерлерінде тұман түсіп, көктайғақ болып, жел күшейеді, оңтүстікте жаяу бұрқасын соғады.

23 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Үндістан ғалымдары қағаз шыныаяқтардан ыстық шай немесе кофе ішу денсаулыққа өте қауіпті екенін анықтады. Жоғары температураға дейін қыздырылған сусынмен жанасқан кезде стаканның қорғаныш қабатынан микропластика бөлшектері мен ауыр металл иондары шығады. Тиісті зерттеу Journal of Hazardous Materials журналының онлайн-нұсқасында жарияланды, деп хабарлайды&nbsp;<a href="https://stan.kz/">Stan.kz</a>.
Сонымен, ғалымдар қайнау температурасында MilliQ&nbsp;класындағы ультра таза суды қағаз шыныаяқтарға құйып, 15 минутқа қалдырды, содан кейін оның құрамын флуоресцентті микроскоппен талдады. 15 минут ішінде (адамға бір ыстық сусын ішуге шамамен осынша уақыт кетеді) стаканның ішкі пластикалық қабаты суға 25 мың микрочастик бөлді.
Авторлар сканерлеуші электронды микроскоптың көмегімен үлгілерді зерттеуді жалғастырып, нәтижесінде&nbsp;суда 10,2 миллиард субмикрон өлшемді бөлшектерді санады.
Зерттеушілер қағаз шыныаяқтары палладий, хром және кадмий сияқты улы ауыр металл иондарының, сондай-ақ суды қорғайтын жабында қолданылатын кейбір қауіпті органикалық қосылыстардың тасымалдаушысы ретінде әрекет ететінін атап өтті.
Мамандардың айтуынша, денсаулыққа зияннан басқа, жұқа пластикалық қабаты бар қағаз шыныаяқтар қоршаған ортаны ластайды: олар ыдырамайды және өңделмейді.
Сонымен қатар, жаңа бір реттік ыдысқа өсіп келе жатқан сұраныс ормандарға кері әсерін тигізіп жатыр.
Авторлардың пікірінше, қағаз шыныаяқтардың балама нұсқасы өсімдік негізіндегі биологиялық ыдырайтын мұнайлы емес пленкалар болуы мүмкін, мысалы, полибутиленсукцинат, бірақ мұндай экологиялық таза ыдыс әдеттегіден екі есе қымбатқа түседі.

Бір реттік шыныаяқтар адам денсаулығына зиян

Kyzylorda-news.kz. Қазақстан Республикасы Мәдениет және спорт министрлігінің Тіл саясаты комитетінің ұйымдастыруымен 2020 жылғы 20 қарашада тіл саясатымен айналысатын басқарма, бөлімдердегі ономастика жұмыстарын күшейту, сала мамандарының атау беру, қайта атау жұмыстарын жетілдіру және дамытуға ынталандыру мақсатында жергілікті атқарушы органдарда қызмет істейтін мамандар арасында командалық «Ұлттық ономастика – Ел айнасы» республикалық онлайн конкурсы өтті.
Республикалық конкурсқа еліміздің 10 облысынан – Ақмола, Ақтөбе, Атырау, Батыс Қазақстан облысы, Қарағанды, Қостанай, Қызылорда, Павлодар, Солтүстік Қазақстан және Шығыс Қазақстан облыстары қатысты.
Қызылорда облысының атынан облыстық ішкі саясат басқармасы, Жалағаш, Қазалы аудандық мәдениет және тілдерді дамыту бөлімдерінің тіл мамандарынан құралған «Яксарт»командасы қатысты.
Конкурсқа қатысушылар «Таныстыру», «Атаулар – сыр шертеді», «Жер-судың аты-тарихтың хаты», «Ономастика» кезеңдері бойынша сынға түсті.
Конкурс қорытындысының нәтижесімен облысымыздың «Яксарт» командасы Бас жүлдені жеңіп алып, 600 мың ақшалай сыйлыққа ие болды.
<img src="https://kyzylorda-news.kz/wp-content/uploads/2020/11/fb_img_1606033091947.jpg" alt="" />

Қазақстан және Қызылорда облысының жаңалықтары