<a href="https://kyzylorda-news.kz/">Kyzylorda-news.kz.</a> Елімізде карантин режимінің ұзартылуына байланысты магистратураға түсу үшін кешенді тестілеу 3 тамыз күні емес, 17 тамызда басталады, деп хабарлайды ҚР Білім және ғылым министрлігінің баспасөз қызметі.
Сондай-ақ докторантураға түсу үшін құжаттарды қабылдау мерзімі 10 тамызға дейін ұзартылды.
Оқуға түсушілердің жеке кабинеттеріне (ҰТО сайтында) кешенді тестілеудің өткізілу күні, уақыты және орны көрсетілген жаңа рұқсаттамалар жіберіледі. Кешенді тестілеудің қорытындысы бойынша куәлік тестіленушінің жеке кабинеті арқылы электрондық нысанда берілетін болады.
КТ өткізу ережелеріне қандай өзгерістер енгізілді?
2020 жылы магистратураға түсу үшін КТ алғаш рет 18 өңірлік тестілеу орталығының базасында әрбір тестіленуші үшін дербес компьютерді пайдалану арқылы компьютерлік форматта өтеді. Әр компьютер бейнекамерамен қамтамасыз етіледі. Осылайша, КТ жүргізілуін бақылау жөніндегі комиссия академиялық адалдық қағидаларының сақталуын қадағалай алады.
КТ қатысушылары санитарлық-эпидемиологиялық нормаларға сәйкес дезинфекцияның барлық кезеңдерінен өтеді, санитарлық қауіпсіздік шаралары сақталады. Тестіленушілерді кіргізу және отырғызу кезінде олардың арасында кемінде 2 метр арақашықтық сақталады.
Әр қатысушы үшін тестілеу дербес басталады, яғни тестіленуші легтің толтырылуын күтпейді. КТ барысында тестіленушілер сұрақтарды өткізіп жібере алады, келесісіне ауысып, алдыңғы сұрақтарға қайта орала алады және жауап нұсқаларын өзгерте алады. КТ аяқталғаннан кейін тестіленушілер жауаптарды дұрыс жауаптар хаттамасымен салыстыра алады. Сонымен қатар тестілеу аяқталғаннан кейін 30 минуттың ішінде магистратураға түсуші үміткерлер апелляцияға бере алады.
Тест тапсырмаларының саны мен тестілеуді өткізу уақытына келетін болсақ, мұнда өзгерістер жоқ: 3 сағат 55 минутта 130 тест тапсырмасына жауап беру қажет.
Комиссия оқуға түсушіні тыйым салынған заттарды алып өтуге тырысқаны үшін немесе бөгде адам арқылы тестілеуді тапсыруға тырысқаны үшін кешенді тестілеуге жібермеуі мүмкін.
Бірінші сыныпқа құжаттарды қабылдау 20 тамызға дейін ұзартылды
Мемлекеттік гранттардың саны:
Биыл 38 мыңнан астам адам кешенді тестілеу тапсыруға ниет білдірді. 2019 жылы магистратураға түсуге тілек білдірушілер саны 30 579 адамды құрады.
Осы жылы қазақстандық жоғары оқу орындарының 13 300 түлегі еңбек нарығында сұранысқа ие кадрларды даярлауға бөлінетін мемлекет қаражаты есебінен жоғары оқу орнынан кейінгі білімді тегін ала алады.
Докторантураға түсу үшін құжаттарды тапсыру мерзімі:
Карантин режимінің ұзартылуына байланысты докторантураға құжаттарды қабылдау 10 тамызға дейін жүзеге асырылады. Докторантураға түсу емтихандарын 17-22 тамыз аралығында жоғары оқу орындары өздері өткізеді. Докторантураға қабылдау 28 тамызда аяқталады. PhD мамандарын даярлауға арналған мемлекеттік гранттардың саны 1 815 құрайды.
Емтихандарды өткізу кезінде медициналық қызметкерлердің жұмысы ұйымдастырылады, оқуға түсушілерді аудиторияларда отырғызу барысында әлеуметтік қашықтық қамтамасыз етіледі, сондай-ақ қатаң маска режимі сақталады.
Естеріңізге сала кетейік, COVID-19 пандемиясы жағдайында ағылшын тілін білу IELTS халықаралық тестін дәстүрлі форматта тапсыру мүмкін болмауына байланысты ҚР Білім және ғылым министрлігінде жоо түлектеріне магистратура мен докторантураға түсу үшін Duolingo English Тest және IELTS INDICATOR тапсыруға рұқсат беретін бұйрыққа қол қойылды.

Магистратура мен докторантураға түсуге құжаттарды қабылдау мерзімі ұзартылады

<a href="https://kyzylorda-news.kz/">Kyzylorda-news.kz.</a> Жыл сайын кітап дүкендерінде арнайы бір сөре танымал кітаптарға арналады. Бүгінде біз оны бестселлер кітаптар деп атаймыз. Тираж саны мен сатылым көрсеткіші бойынша жыл сайын бестселлер кітаптар анықталады. 1950-2019 жыл аралығында ең жиі сатылған кітаптар тізімін ұсынамыз.
1950 — “Арыстан, дуагер және сиқырлы сөре” / “Лев, колдунья и волшебный шкаф”, Клайв Стейплз Льюис&nbsp;
1951 — “Қара бидай арасындағы құрдым” / “Над пропастью во ржи”, Джером Сэлинджер
1952 — “Шал мен теңіз” / “Старик и море”,&nbsp;&nbsp;Эрнест Хемингуэй
1953 — “Фаренгейт бойынша 451 градус” /&nbsp; “451 градус по Фаренгейту”,&nbsp; Рэй Брэдбери
1954 — “Сақиналар әміршісі” / “Властелин Колец”, Джон Р.Р. Толкин
1955 — “Лолита”, Владимир Набоков
1956 — “Құрдым” / “Падение”, Альбер Камю
1957 — “Гринч Рождествоны қалай ұрлады?” /&nbsp; “Как Гринч Рождество украл”, Доктор Сьюз
1958 — “Тиффанимен таңғы ас” / “Завтрак у Тиффани”, Трумен Капоте
1959 — “Қаңылтыр дабыл” / “Жестяной барабан”, Гюнтер Грасс
1960 — “Қылжақбасты өлтіру” /&nbsp; “Убить пересмешника”,&nbsp; Харпер Ли
1961 — “Өзгенің еліндегі бөтен” / “Чужак в стране чужой”, Роберт Хайнлайн
1962 — “Уақыт сынығы” / “Излом времени”, Мадлен Л’Энгл
1963 — “Шыны қалпақ астында” / “Под стеклянным колпаком”, Сильвия Плат
1964 — “Чарли және шоколад фабрикасы” / “Чарли и шоколадная фабрика”, Роальд Даль
1965 — “Ариэль”, Сильвия Плат
1966 — “Элджернонға арналған гүлдер” / “Цветы для Элджернона”, Дэниел Киз
1967 — “Жалғыздықтың жүз жылы” / “Сто лет одиночества”, Габриэль Гарсия Маркес
1968 — “Андроидтар электр қойларын армандай ма?” / “Мечтают ли андроиды об электроовцах?”, Филип К. Дик
1969 —&nbsp;“Нөмір бесінші қырғын немесе балалардың крес жорығы” / “Бойня номер пять, или Крестовый поход детей”, Курт Воннегут
1970 — “Джонатан Ливингстон атты шағала” / “Чайка по имени Джонатан Ливингстон”, Ричард Бах
1971 — “Лас Вегастағы қорқыныш пен жиіркеніш” / “Страх и отвращение в Лас-Вегасе”, Хантер С. Томпсон
1972 — “Дөң мекендеушілері”&nbsp;/&nbsp; “Обитатели холмов”, Ричард Адамс
1973 — “Қалыңдық ханшайым” / “Принцесса невеста”, Уильям Голдман
1974 — “Тыңшы, шық әрі” / “Шпион, выйди вон!”, Джон Ле Карре
1975 — “Сегун”, Джеймс Клавелл
1976 — “Перн әуендері” / “Песни Перна”, Энн Маккефри
1977 — “Сәуле” / “Сияние”, Стивен Кинг
1978 — “Әлем Гарп көзімен” / “Мир глазами Гарпа”, Джон Ирвинг
1979 — “Соңы жоқ хикая” / “История, конца которой нет”, Михаэль Энде
1980 — “Раушан гүлдер есімі” / “Имя розы”, Умберто Эко
1981 — “Түн баласы” / “Дети полуночи”, Салман Рушди
1982 — “Рухтар үйі” / “Дом духов”, Исабель Альенде
1983 — “Сиқыр түсі” / “Цвет волшебства”, Терри Пратчетт
1984 — “Тұрмыстың төзгісіз жеңілі” / “Невыносимая легкость бытия”, Милан Кундера
1985 — “Парфюмер”, Патрик Зюскинд
1986 — “Ол” / “Оно”, Стивен Кинг
1987 — “Сақтаушы”/ “Хранители”, Алан Мур
1988 — “Алхимик”, Паоло Коэльо
1989 — “Қуаныш пен сәттілік клубы” / “Клуб радости и удачи”, Эми Тан
1990 — “Юра дәуірі саябағы” / “Парк юрского периода”, Майкл Кричтон
1991 — “Софияның әлемі” / “Мир Софии”, Юстейн Гордер
1992 — “Тылсым оқиға” /&nbsp; “Тайная история”, Донна Тартт
1993 — “Пәк-өзін-өзі өлтірушілер” / “Девственницы-самоубийцы” ,Евгенидис Джеффри
1994 — “Бұрамалы құстар таризы” / “Хроники Заводной Птицы”, Харуки Мураками
1995 — “Соқырлық” / “Слепота”, Жозе Сарамаго
1996 — “Тақтар ойыны” /&nbsp; “Игра престолов”, Джордж Р.Р. Мартин
1997 — “Гарри Поттер және пәлсапа тас” /”Гарри Поттер и философский камень”, Дж.К. Роулинг
1998 — “Сағаттар” / “Часы”, Майкл Каннингем
1999 — “Үнсіз болған жақсы” / “Хорошо быть тихоней”, Стивен Чбоски
2000 — “Пидің өмірі” / “Жизнь Пи”, Янн Мартел
2001 — “Аралардың жұмбақ өмірі” / “Тайная жизнь пчел”, Сью Монк Кидд
2002 — “Сүйкімді сүйектер” / “Милые кости”, Элис Сиболд
2003 — “Уақыт саяхатшысының жары” / “Жена путешественника во времени”, Одри Ниффенеггер
2004 — “Бұлт атласы”/ “Облачный атлас”, Дэвид Митчелл
2005 — “Кітап ұрысы” / “Книжный вор”, Маркус Зусак
2006 —”Марли және мен. Әлемдегі ең нашар итпен бірге махаббат пен өмір жайлы таңғажайып оқиға” / “Марли и я. Удивительная история о любви и о жизни с самой ужасной в мире собакой”, Джон Грогэн
2007 — “Гарри Поттер және өлім сыйы” / “Гарри Поттер и Дары смерти”, Дж.К. Роулинг
2008 — “Дьюма-Ки”, Стивен Кинг
2009 — “Жоғалған белгі” / “Утраченный символ”, Дэн Браун
2010 — “Ауа құлпын бұзған бойжеткен” / “Девушка которая взрывала воздушные замки”, Стиг Ларсон
2011 — “Стив Джобс”, Вальтер Айзаксон
2012 — “Сұрдың елу реңі” / “Пятьдесят оттенков серого”, Э. Л. Джеймс&nbsp;
2013 —&nbsp; “Strengthsfinder 2.0”, Том Рат
2014 —&nbsp; “Strengthsfinder 2.0”, Том Рат
2015 — “Таңғажайып жинастыру. Үй мен өмірдің ретке келтірудегі жапон өнері” / “Магическая уборка. Японское искусство наведения порядка дома и в жизни”, Мари Кондо
2016 — “Гарри Поттер және қарғыс алған балалар” / “Гарри Поттер и Проклятое дитя”, Дж.К. Роулинг
2017 — “Ғажайып” / “Чудо”, Р. Дж. Паласио.
2018 — “Becoming. Менің хикаям” / “Becoming. Моя история”, Мишель Обама
2019 — “Шаяндар ән салатын жерде” / “Там, где раки поют”, Д. Оуэнс
<a href="https://massaget.kz/layfstayl/bilim/gumanitarly-ylymdar/62859/">Massaget.kz</a>

Сіз туған жылы қай кітап көп сатылған?

<a href="https://kyzylorda-news.kz/">Kyzylorda-news.kz.</a> Полиция инспекторлары мал базардан қашып кеткен бұқаны&nbsp;ұстап, иесіне тапсырды, деп хабарлайды <a href="https://m.sputniknews.kz/incidents/20200731/14607960/Atau-politsey-buqa.html">Sputnik Қазақстан.</a> 
Оқиға 31 шілде күні болған. Бұқаның иесі оны мал базардан сатып алған. Көлікке тиеп жатқан сәтте жануар қашып кеткен.&nbsp;
Ал куәгерлердің айтуынша, ашатұяқты жануар 4А ықшамаудандағы теңіз жағалауында суға түсіп, содан 15 ықшамауданға дейін жүзіп өткен.
<blockquote>
 “Бұқаны 15 ықшамаудандағы жағалауда инспекторлар ұстап, иесіне тапсырды”, – делінген облыстық полиция хабарламасында.
</blockquote>
Айта кетейік, Ақтау қаласындағы орталық көшеде арқанын сүйретіп қашып бара жатқан ірі қара түсірілген видео әлеуметтік желілерде таралған болатын.

Құрбан айт күні иесінен қашқан бұқаның әрекеті жұртты таңғалдырды (ВИДЕО)

<a href="https://kyzylorda-news.kz/">Kyzylorda-news.kz.</a> Сырдария ауданы Тереңөзек кентіндегі Орталық алаңға түлектер тартуы ретінде ескерткіш-стелла қойылған болатын. Бұл аудан орталығының ажарын айшықтап, ерекше сән беріп тұр.
Ескерткіш-стеллаға жалпыхалықтық атау қою мен әуен таңдау әлеуметтік желіде талқыланып, қоғам пікірі ескерілді. Көпшілік бұған “Алтын сағат”, “Алтын уақыт”, “Сыр сағаты” секілді атауларды ұсынды. Оның ішінде, әлеуметтік желі қолданушыларының басым бөлігі “Алтын сағат” деген символикалық атауды таңдауды ұсынды. Нәтижесінде, жайқалған күріш бейнесіндегі алып ескерткіш-стелла “Алтын сағат” атанды.
Жалпыхалықтық атаудан кейін әр сағат сайын уақыт белгісін білдіретін әуен таңдау қажеттілігі туындады. Бұған арнайы комиссия құрылып, бірнеше әуен тыңдалды. Соның ішінде Сырдария ауданында дүниеге келген «Сыр сұлуы» әні бірауыздан таңдалды.
Таңдалған әуеннің үзіндісі “Алтын сағатқа” орнатылып, алғашқы рет 31 шілде күні сағат 12-00-де шырқалды. Енді әр сағат сайын “Сыр сұлуы” әуенінің үзіндісі аудан жұртшылығына және қонақтарына естіліп тұрады. Ұлық мерекеде әуеннің орнатылуы аудан халқына ерекше сый екені сөзсіз.

Сырдария ауданындағы &#8220;Алтын сағатқа&#8221; әуен орнатылды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша балық шаруашылығына маңызы бар Кіші Арал теңізі мен 207 көл тізімге алынған. Бүгінгі күні облыс аумағында 18 балық түрі аулануда.
Облыста жылдық қуаттылығы 12,5 мың тонна болатын 9 балық өңдеу зауыты жұмыс жасайды. 4 зауытта Еуропалық сапа стандартына сәйкестігін растайтын «Еврокод» сертификаты бар.
Биыл 6 ай көлемінде 2 930 тонна балық ауланса, бұл көрсеткіш өткен жылмен салыстырғанда 21 пайызға өсіп отыр.
Есепті кезеңде, 2 682 тонна балық өнімдері 7 шет мемлекетке экспортталып, өткен жылмен салыстырғанда 4 пайызға өсті. Аралдың балық өнімдері Ресей, Қытай, Германия, Польша, Нидерланды, Грузия, Литва елдеріне нарыққа шығарылуда.

Қызылорда облысында балық аулау көлемі 21 пайызға өсті

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы және «Сыр волонтерлері» орталығының ұйымдастыруымен өткен “Мың алғыс” акциясына облыстық ҚХА құрылымдары мен этномәдени бірлестік өкілдері, облыстық жастар ресурстық орталығының жанынан құрылған волонтерлар фронт-офисі, кәсіпкерлер мен меценаттар, қоғамдық ұйымдар белсене атсалысты.
Акция індетке шалдыққан науқастармен тікелей жұмыс істейтін медицина қызметкерлерінің және мұқтаж отбасыларға көмек көрсетуге бағытталған.
Аталған акция барысында 60 отбасыға азық-түлік жиынтығы, мерекелік себеттер, «Абай-Дәулет» ЖШС атынан 200 қалта күріш, «Ажар СИТИ» сауда үйі 20 коробка азық-түлік жиынтығы және этномәдени бірлестіктің өкілдері тарапынан ет таратылды. Азық-түлікті автоволонтерлер қажетті мекен-жайларға өз көліктерімен жеткізді.
Сондай-ақ, медицина қызметкерлеріне елеулі еңбектері үшін облыстық Қазақстан халқы ассамблеясы атынан алғыс хат табысталды.
<img src="https://kyzylorda-news.kz/wp-content/uploads/2020/08/fb_img_1596244677339.jpg" alt="" />

Қызылордада &#8220;Мың алғыс&#8221; акциясы өтті

<a href="https://kyzylorda-news.kz/">Kyzylorda-news.kz.</a> Құрбан шалу рәсімі онлайн форматта сайт арқылы жүргізіліп, Қызылорда облысында өтініш берушілердің тізімі Қазақстан мұсылмандары діни басқармасының өкілдігі «Ақмешіт-Сырдария» орталық мешітінің базасымен жасақталды.
Құрбан шалуға 41 қой, 30 тоқты, 3 ірі қараға тапсырыс берілді.
<img src="https://kyzylorda-news.kz/wp-content/uploads/2020/08/fb_img_1596244043195.jpg" alt="" />
Өтініш білдіруші тұрғындардың аумақтық бөліністері аудандардағы мешіттердің имамдарына жолданып, қажетті мекен жайларға ет пен күріш жеткізілді.
Сонымен қатар, облыстық ішкі саясат басқармасының ұйымдастыруымен 20 автоволонтер және басқа да еріктілер құрбандыққа шалынған ет пен 1 тонна күрішті әлеуметтік жағдайы төмен отбасыларға таратты. Қызылорда қаласынан Белкөл кентіндегі «КАЗ ет» қасапханасы құрбан шалу орны болып бекітілді. Бұл қасапхананы құрбан шалуға ниет білдірген азаматтар тауып баруы үшін жолдарға арнайы белгілермен баннерлер қойылды.
Қала және аудандарда белгіленген қасапханалар арнайы ет сақтайтын мұздатқыштармен толықтай қамтамасыз етілген.
Қазіргі кезде облыс бойынша онлайн өтініш берушілердің саны 2310 адамды құрап отыр. Алайда, тізім толығымен сараланып, бірінші кезекте халықтың әлеуметтік жағдайы осал топтарына таратылатын болады.
<img src="https://kyzylorda-news.kz/wp-content/uploads/2020/08/fb_img_1596244049441.jpg" alt="" />

Қызылордада Құрбан айттың алғашқы күні қалай өтті?

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігі антициклон ықпалында болғандықтан күн ашық болады, деп хабарлайды Қазгидромет.
Тек еліміздің оңтүстігі және батысында күн күркіреп, жауын-шашын түседі. Оңтүстік-шығыста және батыста бұршақ жаууы ықтимал. Республиканың кей жерлерінде жел күшейіп, батыста және солтүстік-батыста шаңды дауыл соғады. Солтүстік-шығыста түнде тұман түседі.
Қызылорда облысының кей жерлерінде найзағай жарқылдап, дауыл болады, жел екпіні – 15-20 м/с.
Сонымен қатар өңірдің басым бөлігінде төтенше өрт қаупі сақталады.

1 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a> ақпараттық агенттігінің 1 тамызға арналған жұлдыз-жорамалы.
Тоқты
Бүгін ерекше күн. Көңіл-күйіңіз көтеріңкі болады. Мақсаттарыңызға бір табан жақындайсыз.
Торпақ
Жұмыста абыройыңыз артады. Әріптестеріңіз сізді мақтан тұтып, бір марқайып қаласыз. Қуана біліңіз.
Егіздер
Сәтті күн. Жолыңыз болып, іздеген затыңызды демде табасыз. Бұл сізді ғана емес, айналаңыздағы жандардың бәрін қуантады.
Шаян
Шаршамаңыз. Алда әлі талай жұмыс күтіп тұр. Жоспарыңыз да көп. Тек олардың барлығын орындауға уақыт тапшы.
Арыстан
Өте қуаныштысыз. Армандардың орындалатынына шын сене бастағандайсыз. Өзгелерге көмек беруге де әзірсіз.
Бикеш
Жұмыс та, жоспар да көп. Олардың орындалуы тек өз қолыңызда. Жалқаулық танытпаңыз, орныңыздан тұрыңыз.
Таразы
Күніңіздің сәтті өтуі өз қолыңызда. Жайбарақаттық танытсаңыз, барлық ісіңіз асықпай бітеді. Сізге шалт қимылдау қажет.
Сарышаян
Ашулысыз. Өзіңізге ашуланбағанда, өзгеге ренжудің қажеті жоқ. Өз өміріңіз өз қолыңызда екенін ұмытпаңыз.
Мерген
Бүгінгі күнді өз отбасыңыздың жанында өткізіңіз. Жақындарыңызбен әңгімелесіп, олардың арман-мақсаттары жайлы біліңіз.
Тауешкі
Қызық күн. Бір істі бітіргіңіз келеді, алайда шаршағаныңызды басып демалғаныңыз жөн. Денсаулығыңызды күтіңіз.
Суқұйғыш
Көптен көріспеген жандармен кездесіп, бір жадырап қаласыз. Жақындарыңыздың жаныңыздан табылуы сізге дем береді.
Балықтар
Көпшіліктің әңгімесі тек сіз туралы болады. Ешкімге сыр ашпаңыз. Сондай-ақ өзгенің де сырын жарияламаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Өңірде мониторингтік топ ағымдағы жылдың 8 шілдесінен бастап бүгінгі күнге дейін қаладағы 9 емхана және 132 дәріхана мен «СҚ-Фармация» дәріханалар қоймасына мониторинг жүргізді. Бұл туралы Өңірлік коммуникациялар қызметінің ақпарат алаңында өткен брифингте тауарлар мен қызметтердің сапасын бақылау және фармацевтикалық бақылау бөлімінің басшысы Нұрбек Әділханов мәлімдеді.
<blockquote>
 «Жұмысшы топтың алғашқы күнінде дәріханаларда ыстықты түсіретін және вирусқа қарсы, антибактериалдық дәрілермен қамтамасыз етілуі 83,6 пайызды құраса, 17 күндік мониторингте 97,7-і пайызға дейін көтерілді. Бұдан бөлек, «Чингиз» дәріханалар жерлесіне бір реттік әкелу тәртібі бойынша көп мөлшерде сұранысқа ие дәрілер жеткізілді»,- деді Нұрбек Уалиханұлы.
</blockquote>
Мониторинг жүргізу барысында бірқатар заң бұзушылықтар да орын алған. Атап айтқанда, қаладағы 3 дәріхана дәрілік затты бекітілген шекті бағасынан асырып сатқан. Шағын кәсіпкерлік субъектілеріне осы заң бұзушылықтары үшін әкімшілік құқық бұзушылық туралы 426-бабының 1-бөлігі бойынша айыппұл салынған.
Сондай-ақ, облыста тауарлар мен көрсетілетін қызметтердің сапасын мен қауіпсіздігін бақылау департаменті құқық қорғау органдарынан келіп түскен материалдар бойынша 40 әкімшілік іс қозғап, 6 материалды әкімшілік сотқа жолдады. Оның ішінде фармацевтикалық қызметке рұқсат құжатынсыз дәрілік затты сату, Қазақстан Републикасында тіркелмеген және медициналық мақсатта қолдануға рұқсат етілмеген дәрілік затты сату дерегі бойынша жеке тұлғаларға қатысты 14 іс қозғалды.

Қызылорда: Дәрі-дәрмек сатылымына қатысты елуге жуық әкімшілік іс қозғалды

<a href="https://kyzylorda-news.kz/">Kyzylorda-news.kz.</a> Қармақшы ауданы ІІІ Интернационал ауылдық округінде Қазақстан Республикасы Парламенті Сенатының депутаты Мұрат Бақтиярұлы ауылдың тыныс – тіршілігімен танысты.
Сапар аясында аудан әкімі Мұса Қалдарбековпен ауылдық округтегі «Достық Жер МК» ЖШС, «Абай Дәулет» шаруашылықтарының басшысы Мұрат Сәрсембаевпен кездесті. Шаруашылық басшысы ауылдың қазіргі кездегі жағдайын баяндап, шаруашылықтың жаңа техникаларымен толықтай жабдықталғанын көрсетіп, алдағы жұмыс жоспарларымен бөлісті. Бүгінгі күні шаруашылық күріш өсіруге басымдық береді.
<img src="https://kyzylorda-news.kz/wp-content/uploads/2020/07/2ddb3e1b-54c2-4b0f-acd9-e43d22c37619.jpg" alt="" />
Сонымен бірге сапар аясында ауылдың негізін қалаған Социалистік Еңбек Ері Цай Ден Хактың мұражайында және Арифов Милиярдың отбасында болды.
Сенатор кездесуде айтылған өзекті мәселелер бақылауда болатынын айтып, маңызды тақырыптар Парламент Сенатында талқыланатынын жеткізді.
Кездесу барысында Парламент Сенатының депутаты Мұрат Бақтиярұлына ауданға келіп жұмыс барысымен танысқанына аудан басшылығы тарапынан ризашылықтарын жеткізсе, өз кезегінде Мұрат Бақтиярұлы алдағы жұмыстарға сәттілік тілеп тілектестігін білдірді.
<img src="https://kyzylorda-news.kz/wp-content/uploads/2020/07/bacc5514-e0bf-4880-aeba-cc93145d041e.jpg" alt="" />

Сенат депутаты Мұрат Бақтиярұлы Қармақшы ауданында болды

<a href="https://kyzylorda-news.kz/">Kyzylorda-news.kz.</a> Қазақстанның тағы үш облысында ауа рйына байланысты ескерту жарияланды, деп хабарлайды ҚазАқпарат.
Кәсіпорын таратқан мәліметтерге қарағанда, 31 шілдеде Ақмола облысының кей жерлерінде найзағай ойнайып, түнде және таңертең кей жерлерде тұман түседі. Батыстан, оңтүстік-батыстан соққан желдің жылдамдығы кей жерлерде секундына 15-20 метрге жетеді.
Нұр-Сұлтанда және Көкшетауда 31 шілде күні найзағай ойнайды.
Қызылорда облысының кей жерлерінде найзағай ойнап, дауыл, шаңды дауыл тұрады деген болжам бар. Солтүстіктен, солтүстік-шығыстан соққан жел күші кей жерлерде секундына 15-20 метр болады, күндіз екпіні 25 метрге жетеді. Күндіз өте жоғары өрт қаупі сақталады.
Қызылорда қаласында таңертең және күндіз найзағай ойнап, дауыл, шаңды дауыл тұрады, солтүстік-шығыстан екпіні 15-20 м/с жел соғады.
Шығыс Қазақстан облысының кей жерлерде түнде найзағай ойнап, тұман түседі. Жел солтүстіктен, солтүстік-шығыстан соғып, кей жерлерде жылдамдығы секундына 15-20 метрге жетеді.

Қазақстан және Қызылорда облысының жаңалықтары

Магистратура мен докторантураға түсуге құжаттарды қабылдау мерзімі ұзартылады

Сіз туған жылы қай кітап көп сатылған?

Құрбан айт күні иесінен қашқан бұқаның әрекеті жұртты таңғалдырды (ВИДЕО)

Сырдария ауданындағы “Алтын сағатқа” әуен орнатылды

Қызылорда облысында балық аулау көлемі 21 пайызға өсті

Қызылордада “Мың алғыс” акциясы өтті

Қызылордада Құрбан айттың алғашқы күні қалай өтті?

1 тамызға арналған ауа райы болжамы

Жұлдыздар не дейді?

Қызылорда: Дәрі-дәрмек сатылымына қатысты елуге жуық әкімшілік іс қозғалды

Сенат депутаты Мұрат Бақтиярұлы Қармақшы ауданында болды

Қызылорда облысында найзағай ойнап, шаңды дауыл тұрады

Қазақстан және Қызылорда облысының жаңалықтары

Магистратура мен докторантураға түсуге құжаттарды қабылдау мерзімі ұзартылады

Сіз туған жылы қай кітап көп сатылған?

Құрбан айт күні иесінен қашқан бұқаның әрекеті жұртты таңғалдырды (ВИДЕО)

Сырдария ауданындағы &#8220;Алтын сағатқа&#8221; әуен орнатылды

Қызылорда облысында балық аулау көлемі 21 пайызға өсті

Қызылордада &#8220;Мың алғыс&#8221; акциясы өтті

Қызылордада Құрбан айттың алғашқы күні қалай өтті?

1 тамызға арналған ауа райы болжамы

Жұлдыздар не дейді?

Қызылорда: Дәрі-дәрмек сатылымына қатысты елуге жуық әкімшілік іс қозғалды

Сенат депутаты Мұрат Бақтиярұлы Қармақшы ауданында болды

Қызылорда облысында найзағай ойнап, шаңды дауыл тұрады

Сырдария ауданындағы “Алтын сағатқа” әуен орнатылды

Қызылордада “Мың алғыс” акциясы өтті