Kyzylorda-news.kz. Синоптиктер 28 қарашаға арналған ауа райы болжамын жариялады, деп хабарлайды Қазгидромет.
Кәсіпорын таратқан мәліметтерге қарағанда, Қазақстанның басым бөлігінде атмосфералық фронталды бөліктердің өтуіне байланысты күн жауын-шашынды болып, кей жерлерге қар жауады. Тек елдің батысында және оңтүстік-батысында ғана жауын болмайды. Республиканың кей жерлерінде тұман түсіп, қөқтайғақ, бұрқасын болып, жел күшейеді.
Ақмола облысының кей жерлерінде тұман түсіп, бұрқасын болады, жел 15-20 м/с жылдамдықпен соғады, кей жерлерде желдің жылдамдығы секундына 23-28 метрге жетеді.
Жамбыл, Түркістан, Қарағанды облыстарынының кей жерлерінде тұман түсіп, қөқтайғақ, бұрқасын болады, жел секундына 15-20 метр жылдамдықпен ұйтқиды, екпіні 23-28 метр болады.
Шығыс Қазақстан, Қызылорда облыстарының кей жерлерінде тұман түсіп, жаяу бұрқасын болады. Желдің жылдамдығы секундына 15-23 метрге жетеді.
Қызылорда облысында қөқтайғақ болады.
Қостанай, Ақтөбе облыстарының кей жерлерінде тұман түсіп, жаяу бұрқасын болады.
Алматы, Маңғыстау, Батыс Қазақстан облыстарының кей жерлерінде тұман түсіп, қөқтайғақ болады. Алматы облысының кей жерлерінде жел 15-20 м/с жылдамдықпен соғады.
Солтүстік Қазақстан, Атырау, Павлодар облыстарының кей жерлерінде тұман түседі деген болжам бар.

28 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Оқу жылы басталғалы бері 1741 оқушы коронавирус инфекциясын жұқтырған.
Оның 482-сі кезекші сыныптарда оқитын оқушылар арасында тіркелді. Бұл туралы денсаулық сақтау министрі Алексей Цой ОКҚ брифингінде мәлімдеді.
1259 коронавирус жағдайы қашықтан оқитын балалар арасында анықталған. Соңғы апта ішінде 12 өңірде кезекші сыныптарда оқитын оқушылар арасында 129 жағдай расталды.
<a href="https://24.kz/kz/zha-aly-tar/o-am/item/439030-elimizde-ansha-o-ushy-koronavirus-zh-tyr-an">Хабар 24</a>

Қазақстанда қанша оқушы коронавирус жұқтырды?

<a href="https://kyzylorda-news.kz/">Kyzylorda-news.kz</a>. Қызылорда облысындағы 146 ауылдық округ дербес бюджетке өтті.
Ауыл тұрғындарының жер, мүлік, көлік салықтарын өздері жинайды. Тиісінше, қаржыларын абаттандыру мен көгалдандыру, сумен қамту, жол салу, көшелерді жарықтандыру және дезинфекциялау секілді 19 бағытқа жұмсай алады.
<blockquote>
 “Бұдан бөлек, авто жолдың бойында орнатылатын жарнамадан түсетін салық сол жердегі ауылға түседі. Мемлекеттік мүлікті сату, жалға беру кезіндегі салық та солай. Яғни, салықтан ауыл үшін қомақты қаржы жинауға болады. Бір сөзбен айтқанда халық өзі төлеген салықты өзі пайдаланады. Осы тұрғыдан алғанда, төртінші деңгейлі бюджеттің берері көп”, – деді облыс бойынша мемлекеттік кірістер департаментінің басшысы Ғалымжан Орынов.
</blockquote>
Ауылдық округтер өз дербес бюджетінен бөлек, мемлекеттік бағдарламалар негізінде инфрақұрылымдарын жаңартып, әлеуметтік нысандарды жөндеуден өткізуде.

Қызылордада 146 ауылдық округтің өз бюджеті бар

<a href="https://kyzylorda-news.kz/">Kyzylorda-news.kz</a>. «Қазақстан колледждерінің ТОП 100 студенті» байқауына қатысқан 5 мыңға жуық студенттердің арасынан Сыр елінің 3 үздік студенті жеңімпаз атанды.
Білім беру саласындағы ерекше жобаның республикалық кезеңінде онлайн дауыс беру кезеңіне облыстан 8 колледжден 17 студент қатысып, нәтижесінде 3 курс студент «ҚР колледждерінің ТОП 100» студентінің қатарына енді.Бүгін жеңімпаздарды облыстық білім басқармасының басшысы Ақзира Қасымова арнайы төсбелгімен марапаттап, құрмет көрсетті.
<blockquote>
 “Қай кезде де үздік атану үшін бәсекелестік танытып, жоғары нәтиже көрсету керек. Қазақстанның ең үздік 100 студенті қатарына аймақтың атынан ену сіздерге ерекше стимул береді деп сенемін”, – деді Ақзира Бақтыбайқызы.
</blockquote>
Сонымен, Сыр елінің абыройын арттырып, жеңіс тұғырынан көрінген Қазанғап атындағы Қызылорда музыкалық жоғары колледжінің «Хореография өнері» мамандығының студенті Нағима Төлепбергенова, М.Мәметова атындағы Қызылорда педагогикалық жоғары колледжінің студенттері Айзат Сламбекова және Бекзат Ешмұратов үздік студент атанды.
<img src="https://kyzylorda-news.kz/wp-content/uploads/2020/11/127785672_1011610736008798_9167228657863436650_n.jpg" alt="" />

«ТОП-100 студент»: Қызылорданың 3 студенті жеңімпаз атанды

<a href="https://kyzylorda-news.kz/">Kyzylorda-news.kz</a>. 27 қарашадағы жағдай бойынша республика орташа қауіпті аймақта тұр.
Елдегі 5 өңірге қатаң шектеу шаралары енгізілді. Атап айтар болсақ, Шығыс Қазақстан, Солтүстік Қазақстан, Павлодар және Қостанай, Ақмола облыстары.
Бүгінге дейін стационарлық медициналық көмек көрсету үшін 15 мыңға жуық инфекциялық төсек-орын дайындалды. Карантиндік стационарларда 6 886 төсек-орын бар, республика бойынша олардың тек 3,8 %-да (264 төсек) пациент жатыр. Қажет болған жағдайда, 51 мыңға дейін инфекциялық төсек-орын әзірленеді. Стационарлық, емханалық деңгейде екі айға жететін дәрілік препарат қоры жасалды.
<blockquote>
 “Бүгінде 4 млн. астам зерттеу жүргізілді, тестілеудің тәуліктік қуаты 90 мыңға жетті, зертханаларда күн сайын 40 мыңға дейін тест жасалады. Осылайша, зертханалардың резервтік қуаты 50 мың зерттеуге жетті, яғни қазақстандықтарға ПТР-тест қолжетімді”, – деді ҚР Денсаулық сақтау вице-министрі Ажар Ғиният.
</blockquote>

Бес өңір қызыл аймаққа енді

<a href="https://kyzylorda-news.kz/">Kyzylorda-news.kz</a>. Қазалы ауданына қарасты Жанкент ауылының тұрғыны Шапағат Әбдуали тізбекті тор шығаруды қолға алды. Жеке кәсіпкер өз кәсібін бастау үшін мемлекеттік бағдарламаның көмегіне жүгінген.
Ауыл тұрғыны 2019 жылы «Еңбек» бағдарламасының аясында 505 мың теңге қайтарымсыз грант алды. Қазіргі таңда тізбекті тор шығарып, аудан тұрғындарына тиімді бағада ұсынуда. Бұл істі жақында бастағанына қарамастан Шапағат Әбдуали өзінің кәсібін одан әрі кеңейіткісі келеді. Себебі сапалы әрі қолжетімді бағадағы жергілікті өнімге сұраныс жоғары. Сондықтан жеке кәсіпкер аудандық кәсіпкерлік, өнеркәсіп және туризм бөліміне «Бизнестің жол картасы 2020-2025» бағдарламасы арқылы 2 млн теңге қайтарымсыз грант алу үшін жобасын ұсынып қойды.
Бөлім басшысы Ақтілеу Бөріқұлақовтың айтуынша, «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы арқылы несие алып, өз кәсібін бастаған қазалылықтардың қатары көбейген. Оған басты себеп – кәсібін бастап кету үшін алынған қаржыны қайтарудың қажеті жоқ.
<blockquote>
 “Өткен жылмен салыстырған қайтарымсыз несие алған жерлестеріміздің қатары едәуір көбейген. Мәселен, 2019 жылы 240 адам ғана несие алса, биылғы жылдың 1 қарашасына дейін 904 тұрғын қайтарымсыз грантқа қол жеткізді. Алдағы тағы да 20 адам өз кәсібін бастауға мүмкіндік алады. Бұл жерде тағы бір айтып кететін жайт, өткен жылы берілетін қаржы көлемі 505 мың теңге болса, биыл 555 мың теңгеге көбейді. Бұл әрине мемлекет тарапынан ауыл тұрғындарына кәсібін бастап, одан әрі өркендету үшін берілген үлкен қолдау. Тек азаматтар осы мүмкіндікті құр жіберіп алмау қажет”, – дейді аудандық кәсіпкерлік, өнеркәсіп және туризм бөлімінің басшысы Ақтілеу Бөріқұлақов.
</blockquote>

Жанкент ауылының тұрғыны тізбекті тор шығаруды қолға алды

<a href="https://kyzylorda-news.kz/">Kyzylorda-news.kz</a>. Күнсұлу Түрікпеннің есімі бүгінде республикаға жақсы таныс. Ғасырлар бойы сақталған өнер қазынасын дәріптеп, жыршы-жыраулардың ізін жалғап жүрген&nbsp; дәстүрлі ән өнерінің дара қызы. Жас та болса атадан қалған ұлы өнердің туын жықпай, батырлар мен ақындардың жыр-дастандарын&nbsp; жатқа айтып, көпшілікке насихаттауда үлесін қосып келеді. Бұл еңбегі елеусіз қалмай жақында «Дарын» мемлекеттік жастар сыйлығын иемденді. Биылғы мемлекеттік сыйлықтың «Халық шығармашылығы» номинациясы Сырдың қызына бұйырды.
<blockquote>
 «Дарын» мемлекеттік сыйлығы өз саласында жетістікке жеткен жастарды мемлекеттің қолдауы мақсатында беріледі. Бұл қатардан өзімді көргеніме өте қуаныштымын. &nbsp;Аталған сыйлық өз саласының шебері атанған әр саладағы жастарға шабыт сыйлайды. Сонымен қатар зор жауапкершілікті жүктейді. &nbsp;Жоғары марапаттардың бастау болған жастар сыйлығы маған ғана емес Сыр мәдениетіне берілген баға, халық шығармашылығына көрсетілген құрмет деп білемін. &nbsp;Алдымыздағы аға буынның жолымен келе жатқан өнердегі жастарды ынталандыру. Мені қайда жүрсем де қолдап, қошеметін аямайтын туған жеріме және мені осы сыйлыққа ұсынған облыстық мәдениет басқармасы мен халық шығармашылығы орталығына алғысым шексіз. &nbsp;Осы талабымызбен жыраулық өнерді халыққа кең насихаттау жолында жұмысымызды жалғастыра беретін боламыз. «Қарлығаштың қанатымен су сепкендей» болса да қазақ мәдениетіне үлесімізді қоссақ мақсатымыздың орындалғаны», – дейді Күнсұлу Түрікпен.
</blockquote>
<img src="https://kyzylorda-news.kz/wp-content/uploads/2020/11/3053165e-32e9-492a-a5c2-4747c286f3fd-1.jpg" alt="" />
Күнсұлу бұған дейін халықаралық деңгейде ұлттық өнерді насихаттайтын «Men qazaqpyn» мегажобасының жеңімпазы атанғанды. Бүгінде Нұр-Сұлтан қаласында «Қазақконцерт» мемлекеттік концерттік ұйымында жыршы. Қазақ мәдениетінің киелі қара шаңырағы саналатын 60 жылдық тарихы бар өнер ордасына барғанына көп бола қойған жоқ. Десек те әріптестері оның өнерін жоғары бағалайды.&nbsp;
<blockquote>
 «Бүгінгі күні жыраулық дәстүрді насихаттап, жастарды халықтық өнерге қызығушылығын арттыру мақсатында авторлық онлайн курсымды аштым. Мені қуантқаны жыр-терме, домбыра үйренгісі келетін жастар қатарының көптігі. Шама-шарқымша жол сілтеп, алдыңғы буын ағаларымыздан алған білімімді замандастарыма үйретудемін. Алдағы уақытта бұл жобамның аясын кеңейтіп жыр мектебін ашуды ойлап жүрмін. Бұл енді уақыттың еншісінде», – дейді өнерпаз. &nbsp;
</blockquote>
Фариза ОМАРОВА

Күнсұлу Түрікпен: «Дарын» сыйлығы дәстүрлі өнерге көрсетілген құрмет

<a href="https://kyzylorda-news.kz/">Kyzylorda-news.kz</a>. Бүгін «Өңірлік дамыту және Арал теңізінің солтүстік бөлігін қалпына келтіру» (САРАТС-2) жобасы талқыланды.
Жиынға ҚР Парламенті Сенатының депутаттары Мұрат Бақтиярұлы, Ақмарал Әлназарова, Экология, геология және табиғи ресурстар министрлігінің Су ресурстары комитетінің, Халықаралық Аралды құтқару қорының Қазақстандағы Атқарушы дирекциясының, Дүниежүзілік Банктің өкілдері, Мемлекетаралық су шаруашылығын үйлестіру комиссиясының Ғылыми-ақпараттық орталығы Қазақ филиалының директоры, мемлекет және қоғам қайраткері Н.Қыпшақбаев, жергілікті атқарушы органдардың басшылары, су шаруашылығы саласының ардаргерлері, экологтар, қоғам белсенділері қатысты.
Шараны облыс әкімінің орынбасары Бахыт Жаханов ашып, Арал теңізінің солтүстік бөлігін қалпына келтіру жобасының іске асыру барысы жөнінде баяндады. Қоғамда Солтүстік Арал теңізінің аумағын ұлғайтудың бір немесе екі деңгейлі нұсқалары бойынша әр түрлі пікір айтылып жүр. Басқосуда мамандардың пікірі тыңдалды.
Жалпы Дүниежүзілік Банк САРАТС-2 жобасы бойынша өткізілген талқылаулар мен кеңестердің негізінде жобаны «Өңірлік дамыту және Арал теңізінің солтүстік бөлігін қалпына келтіру» деп атауды ұсынды. Яғни, жобаға өзгертулер енгізіліп, Арал өңірінің әлеуметтік-экономикалық жағдайын жақсартуға бағытталған компоненттер қосымша қосылмақ.
Бүгінде Дүниежүзілік банкпен жобаның техника-экономикалық негіздемесін әзірлеуге 1,5 млн. доллар грант бөлінді. Қазіргі таңда Экология, геология және табиғи ресурстар министрлігі мемлекеттік органдармен бірлесіп, жобаның техника-экономикалық негіздеменің тапсырмас жобасыy әзірлеуде.
Дөңгелек үстелдің қатысушылары Арал теңізінің солтүсік бөлігін қалпына келтірудің бірнеше нұсқалары бойынша өз пікірлерін білдіріп, жобаның тез арада іске асырудың қажеттігін жеткізді.

&#8220;Саратс&#8221; жобасының екінші кезеңі талқыланды

<a href="https://kyzylorda-news.kz/">Kyzylorda-news.kz</a>. Бүгін ҚР Мемлекеттік қызмет істері агенттігінің Қызылорда облысы бойынша департаментінің басшысы Рафхат Бисенов Мамандандырылған бөлімінің жұмысымен танысып, сала басшыларымен бірге азаматтарды жеке сұрақтары бойынша қабылдау өткізді.
Азаматтарды қабылдауға Мемлекеттік қызмет істері агенттігінің облыс бойынша департаменті, «Азаматтарға арналған үкімет» мемлекеттік корпорациясы» КЕ АҚ облыстық филиалы, облыстық полиция департаментінің әкімшілік полиция басқармасы, қалалық кірістер басқармасы басшылары қатысып, тұрғындардың жеке сауалдарына жауап берді.
Жеке қабылдауда тұрғындар тарапынан көліктерді тіркеу, оларды есептен шығару, көлік салығын төлеу және армениядан әкелінген көліктер мен жүргізуші куәлігін алу т.б мәселелер бойынша сұрақтар қойылып, ұсыныс-пікірлер айтылды.
Айта кету керек, жыл басынан бері Мамандандырылған бөлім арқылы 58&nbsp;878 қызмет көрсетілді. Оның ішінде қызметтер бойынша 46&nbsp;087 көлік тіркелсе, 6&nbsp;964 азаматқажүргізуші куәліктері берілді. Ал, 65 қызылордалық емтиханды сәтті тапсырып, алғашқы жүргізуші куәлігін алған.
Сонымен қатар, шарада Мамандандырылған бөлімнің мамандары азаматтардың цифрлық сауаттылықтарын арттыру мақсатында «egov.kz» электрондды үкімет порталы &nbsp;арқылы онлайн қызметтерді алу жолдары бойынша түсіндірме жұмыстарын жүргізді.
<img src="https://kyzylorda-news.kz/wp-content/uploads/2020/11/img_0302-scaled.jpg" alt="" />
<img src="https://kyzylorda-news.kz/wp-content/uploads/2020/11/img_0330-scaled.jpg" alt="" />
<img src="https://kyzylorda-news.kz/wp-content/uploads/2020/11/img_0346-scaled.jpg" alt="" />

Қызылорда: Мамандандырылған ХҚО-да тұрғындарға кеңес беріледі

**<a href="https://kyzylorda-news.kz/">Kyzylorda-news.kz</a>. «Бүгінгі заман білектілердің емес, білімділердің заманы» екенін шын ұққан ауыл балаларына әлемді дүрліктірген пандемия мен шалғай ауылдардағы интернет жылдамдығының төмендігі әсер етпеді. *«Myń Bala»* Ұлттық олимпиадасына қатысуға ниет білдірген оқушылар соның дәлелі.**
Биылғы оқу жылында білім бәсекесінде 395 мың бала бақ сынады. І және ІІ тоқсандарындағы математика, жаратылыстану, информатика, қазақ тілі, орыс тілі және ағылшын тілі пәндері үлгерімінің нәтижесі бойынша 5000 оқушы іріктеледі. Бірінші кезеңнен сәтті өткен үміткерлер олимпиада қатысушысы ретінде, екінші кезеңге жолдама алды.
Зияткерлік сайысында бағы жанып, білім бәйгесінде озып келген Қызылордадағы ауыл мектептерінің 301 оқушысы екінші кезеңге жіберілді. Олимпиаданың екінші кезеңінде оқушылардың когнитивті дағдылары сынаққа алынады. Яғни үміткерлердің логикалық және кеңістіктік ойлау қабілеттерін анықтайтын тапсырмалар беріледі.
Ұлттық олимпиаданың екінші кезеңіне жолдама алған дарынды оқушылардың қатарында Ақбасты елді мекеніндегі №22 орта мектептің 6 сынып оқушысы Ұлмекен Советова да бар.
Ақбасты ауылы Арал қаласынан 700 шақырым жерде орналасқан. Мұнда қаладағыдай үй үйге тартылған ғаламтор жоқ. Ауылда интернет жүйесі тек мектепке орнатылған. Соған қарамастан ұстаздары жаңашылдыққа құмар, балалары білімге құштар.
Ұлмекен де осы топырақта дүниеге келіп, аталған мектепте білім алуда. &nbsp;Ерекше қабілетін байқатқан жас өрен – бұған дейін де бірнеше пәннен олимпиада жеңімпазы. Сонымен қатар мектеп жанындағы үйірмелерге қатысып, қоғамдық жұмыста да белсенділігін танытып жүр.
<blockquote>
 «Менің мақсатым сапалы білім алып ата-анам мен ұстаздарымның үмітін ақтау. Білім мен тәрбиені қатар беріп жатқан ұстаздарыма алғысым шексіз. Себебі олар біздің қабілетімізді танып, мектепішілік шаралармен шектеліп қалмай аудандық, облыстық, республикалық сайыстардан қалдырмайды. Ондай байқаулардан біздің үйренеріміз көп әрине. Мен білімімді үздіксіз жетілдіріп дарынды балаларға арналған арнайы мектептерде оқығым келеді. Болашақта мұғалім болсам деймін»,- дейді Ұлмекен Советова.
</blockquote>
Қазіргі таңда озат қыз Елбасы Академиясындағы “Birge oqý” онлайн мектепте үздік ұстаздардан білім алып жүр. Ұлмекеннің білімге деген ерекше құштарлығы мен жетістікке жету жолындағы еңбекқорлығын ұстаздары жоғары бағалайды.
<blockquote>
 «Ұлмекен 6 сыныпта оқиды. Жас та болса білімге құштарлығы бізді қуантады. Дарынды жеткіншек өзінің қабілет-қарымының арқасында аудандық, облыстық пән олимпиадаларында білімін дәлелдеп үлгерді. Шығармашылық қабілетін байқап мектеп жанындағы «Жас қалам» үйірмесінде қосымша қабілетін жетілдіріп те жүр. Зерек, еңбекқор оқушымның әлі талай белесті бағындыратынына сенім мол. «Мың бала» Ұлттық зияткерлік олимпиадасының басты ерекшелігі – бұл тек ауыл оқушыларына арналғандығында болып отыр ғой. Бұл білім додасы біз үшін үлкен мүмкіндік», – дейді ұстазы Бағила Сламбаева.&nbsp;
</blockquote>
Айта кетейік, «Myń Bala» Ұлттық олимпиадасын Қазақстан Республикасының Тұңғыш Президент қоры мен «Елбасы Академиясы» корпоративтік қоры Елбасының «Ел Yмiтi» бастамасын жүзеге асыру аясында&nbsp; жыл сайын ұйымдастырады.&nbsp; Ауыл балаларын қолдау мақсатында өткізіліп келе жатқан байқауға елді мекендегі мектептердің 5-6 сынып оқушылары қатыса алады. Білім бәсекесі 1000 дарынды баланы анықтайды. Олар білімін республикалық физика-математика мектебі, “Білім-инновация” лицейлері мен “Дарын” мектептерінде жалғастыруға мүмкіндік алады.
Фариза ОМАРОВА

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

<a href="https://kyzylorda-news.kz/">Kyzylorda-news.kz</a>. Бүгін Қазақстан Республикасының Энергетика министрі Нұрлан Ноғаев Қызылорда облысына жұмыс сапарымен келді. Министр Н.Ноғаев пен аймақ басшысы Г.Әбдіқалықова алдымен «Қызылорда электр тарату тораптары» акционерлік қоғамына барып, компания жұмысымен танысты.
Аталған нысан 1964 жылы пайдалануға берілген. Бүгінде онда 1016 адам қызмет атқарады. Компания аймаққа электр энергиясын беру және таратумен айналысады. Қазіргі таңда облыс бойынша электр желілері желілерінің ұзындығы 10 046,3 км құрайды, оның ішінде әуе желілері 9924,4 км, кабельдік желілері – 121,9 км құрайды.
Қазіргі таңда “Қызылорда электр тарату тораптары” АҚ-ның электр желілері мен жабдықтарының 72%-ның тозығы жеткен. Аймақтағы 1837 трансформаторлық қосалқы станциялардың 1239 бірлігі 25 жыл бұрын салынған. Аталған станциялардың тозуы 69%-ы тозған. 
Делегация “Қызылорда электр тарату тораптары” АҚ-ның музейін аралап, кәсіпорынның өткен тарихын шолды.
Мұнан соң министр мен облыс әкімі «Қызылордажылуэлектрорталығы» мемлекеттік коммуналдық кәсіпорнының жұмысымен көрді. Аталған орталық 1964 жылы іске қосылған және облыс орталығын орталықтандырылған жылумен қамтитын бірегей нысан. Орталыққа қарасты қала бойынша жылу желілерінің жалпы ұзындығы 186,8 км құрайды.
Аймақ басшысы Гүлшара Әбдіқалықова қос нысанды жаңғырту бойынша Энергетика министрі Нұрлан Ноғаевқа ұсыныстарын жеткізді.
<img src="https://kyzylorda-news.kz/wp-content/uploads/2020/11/00e882ae7eba2f7e5a19ddf8c5f69935_original.3659491-scaled.jpg" alt="" />
<img src="https://kyzylorda-news.kz/wp-content/uploads/2020/11/d19e2af1ad65b25d9fb27ab1e73f5d03_original.3689566-scaled.jpg" alt="" />

ҚР Энергетика министрі Нұрлан Ноғаев Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz</a>. 26 қараша күні Павлодар облысының әкімі Әбілқайыр Сқақов Орталық коммуникациялар қызметінде өткен брифингте аймақтың әл-ауқатын, әлеуметтік-экономикалық жағдайын баяндап, алдағы жоспарларымен бөлісті және тілшілердің сұрағына жауап берді. Осы ретте облыс әкімі жақында қабылдауында тіл жанашыры, қоғам белсендісі Руза Бейсенбайтегінің болғанын, оның орынды ұсыныстарын қаперге алатынын айтты. Сонымен қатар бүгінге дейін қоғам белсендісі қала әкімдігіне барғанда маған жүйке-психиатрлық диспансерінен дәрігерлер шақырды деп жазғырған Павлодар қаласы әкімінің бұрынғы аппарат басшысы осы жағдайда орай Қайыржан Оңғаров қызметтен босатылғанын айтты. Алайда экс-аппарат басшысы бұл ақпараттың растығын жоққа шығарды.
<blockquote>
 “Шындығында, тамыз айында қоғам белсендісі Руза Бейсенбайтегі&nbsp; қалалық әкімшілікке келіп, фойеде тұрған уақытта өзін нашар сезінетінін айтқан. Сол сәтте кадр қызметіндегілер оған жедел-жәрдем қызметін шақырған. Осы жағдайдан кейін мен ол кісімен сөйлесуге шықтым, оған дейін Руза апайға жедел-жәрдем қызметі шақырылғаны жөнінде хабарым да болмады. Алайда тіл жанашыры бұл ақпаратты бұрмалап, сол күні фейсбук әлеуметтік желісіне мені жүйке-психиатрлық диспансерінің дәрігерлерін шақырды деп жазған. Сонымен қатар, бұл оқиғаның менің қызметтен кетуіме ешқандай қатысы жоқ. Себебі бұл жағдай тамыз айында болды, ал мен жұмыстан жаңа қызметке ауысуыма байланысты 9 қараша күні өз өтінішім бойынша кеттім. Қажет деп тапсаңыздар, бұл деректі дәлел ретінде көрсете аламын”, – деді Қайыржан Оңғаров.
</blockquote>
Оның айтуынша, мемлекеттік тілдің мәртебесін көтеруге мүдделі азамат ретінде ана тілі – қазақ тіліне қашанда құрмет білдіреді. Мемлекеттік тілге жанашырлық танытып, оның қолдану аясын кеңейткісі келетін азаматпен ұстанымы бір, мақсаты ортақ. Сондай-ақ ол бүгінге дейін қабылдауға түрлі өтінішпен келген азаматтарға әрдайым ашық қызмет көрсетіп келгенін және әрбір азаматтың талап-тілегіне аса ыждаһаттылықпен, жауапкершілікпен қарағанын айтады.
Айта кетерлігі, Қайыржан Оңғаров бүгінге дейін түрлі жауапты қызметтер атқарған тәжірибелі мемлекеттік қызметші. Негізгі мамандығы – заңгер.
P.S. Сондай-ақ Қайыржан Оңғаров осы тақырып бойынша пікір алғысы келетін журналистерге ашықтығын білдіргісі келеді. Байланыс нөмірі: +7&nbsp;701&nbsp;999 96 35
Суретте Павлодар қаласы әкімінің бұрынғы аппарат басшысы Қайыржан Оңғаровтың жұмыстан өз еркімен кеткендігі жөніндегі өкім көрсетілген.
<img src="https://kyzylorda-news.kz/wp-content/uploads/2020/11/bezymjannyj-1.jpg" alt="" />

Қазақстан және Қызылорда облысының жаңалықтары

28 қарашаға арналған ауа райы болжамы

Қазақстанда қанша оқушы коронавирус жұқтырды?

Қызылордада 146 ауылдық округтің өз бюджеті бар

«ТОП-100 студент»: Қызылорданың 3 студенті жеңімпаз атанды

Бес өңір қызыл аймаққа енді

Жанкент ауылының тұрғыны тізбекті тор шығаруды қолға алды

Күнсұлу Түрікпен: «Дарын» сыйлығы дәстүрлі өнерге көрсетілген құрмет

“Саратс” жобасының екінші кезеңі талқыланды

Қызылорда: Мамандандырылған ХҚО-да тұрғындарға кеңес беріледі

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

ҚР Энергетика министрі Нұрлан Ноғаев Сыр еліне жұмыс сапарымен келді

Павлодар облысының әкімі жалған ақпараттың таралуына жол берген

Қазақстан және Қызылорда облысының жаңалықтары

28 қарашаға арналған ауа райы болжамы

Қазақстанда қанша оқушы коронавирус жұқтырды?

Қызылордада 146 ауылдық округтің өз бюджеті бар

«ТОП-100 студент»: Қызылорданың 3 студенті жеңімпаз атанды

Бес өңір қызыл аймаққа енді

Жанкент ауылының тұрғыны тізбекті тор шығаруды қолға алды

Күнсұлу Түрікпен: «Дарын» сыйлығы дәстүрлі өнерге көрсетілген құрмет

&#8220;Саратс&#8221; жобасының екінші кезеңі талқыланды

Қызылорда: Мамандандырылған ХҚО-да тұрғындарға кеңес беріледі

Интернеті жоқ шалғай ауылдың оқушысы Ұлттық олимпиаданың екінші кезеңіне өтті

ҚР Энергетика министрі Нұрлан Ноғаев Сыр еліне жұмыс сапарымен келді

Павлодар облысының әкімі жалған ақпараттың таралуына жол берген

“Саратс” жобасының екінші кезеңі талқыланды