<a href="https://kyzylorda-news.kz/">Kyzylorda-news.kz.</a> Қармақшы ауданы ІІІ Интернационал ауылдық округінде Қазақстан Республикасы Парламенті Сенатының депутаты Мұрат Бақтиярұлы ауылдың тыныс – тіршілігімен танысты.
Сапар аясында аудан әкімі Мұса Қалдарбековпен ауылдық округтегі «Достық Жер МК» ЖШС, «Абай Дәулет» шаруашылықтарының басшысы Мұрат Сәрсембаевпен кездесті. Шаруашылық басшысы ауылдың қазіргі кездегі жағдайын баяндап, шаруашылықтың жаңа техникаларымен толықтай жабдықталғанын көрсетіп, алдағы жұмыс жоспарларымен бөлісті. Бүгінгі күні шаруашылық күріш өсіруге басымдық береді.
<img src="https://kyzylorda-news.kz/wp-content/uploads/2020/07/2ddb3e1b-54c2-4b0f-acd9-e43d22c37619.jpg" alt="" />
Сонымен бірге сапар аясында ауылдың негізін қалаған Социалистік Еңбек Ері Цай Ден Хактың мұражайында және Арифов Милиярдың отбасында болды.
Сенатор кездесуде айтылған өзекті мәселелер бақылауда болатынын айтып, маңызды тақырыптар Парламент Сенатында талқыланатынын жеткізді.
Кездесу барысында Парламент Сенатының депутаты Мұрат Бақтиярұлына ауданға келіп жұмыс барысымен танысқанына аудан басшылығы тарапынан ризашылықтарын жеткізсе, өз кезегінде Мұрат Бақтиярұлы алдағы жұмыстарға сәттілік тілеп тілектестігін білдірді.
<img src="https://kyzylorda-news.kz/wp-content/uploads/2020/07/bacc5514-e0bf-4880-aeba-cc93145d041e.jpg" alt="" />

Сенат депутаты Мұрат Бақтиярұлы Қармақшы ауданында болды

<a href="https://kyzylorda-news.kz/">Kyzylorda-news.kz.</a> Қазақстанның тағы үш облысында ауа рйына байланысты ескерту жарияланды, деп хабарлайды ҚазАқпарат.
Кәсіпорын таратқан мәліметтерге қарағанда, 31 шілдеде Ақмола облысының кей жерлерінде найзағай ойнайып, түнде және таңертең кей жерлерде тұман түседі. Батыстан, оңтүстік-батыстан соққан желдің жылдамдығы кей жерлерде секундына 15-20 метрге жетеді.
Нұр-Сұлтанда және Көкшетауда 31 шілде күні найзағай ойнайды.
Қызылорда облысының кей жерлерінде найзағай ойнап, дауыл, шаңды дауыл тұрады деген болжам бар. Солтүстіктен, солтүстік-шығыстан соққан жел күші кей жерлерде секундына 15-20 метр болады, күндіз екпіні 25 метрге жетеді. Күндіз өте жоғары өрт қаупі сақталады.
Қызылорда қаласында таңертең және күндіз найзағай ойнап, дауыл, шаңды дауыл тұрады, солтүстік-шығыстан екпіні 15-20 м/с жел соғады.
Шығыс Қазақстан облысының кей жерлерде түнде найзағай ойнап, тұман түседі. Жел солтүстіктен, солтүстік-шығыстан соғып, кей жерлерде жылдамдығы секундына 15-20 метрге жетеді.

Қызылорда облысында найзағай ойнап, шаңды дауыл тұрады

Kyzylorda-news.kz. Аталған конкурс ҚР Мемлекеттік қызмет істері агенттігінің ұйымдастыруымен мамыр айынан бастау алған болатын.
Байқауға облыстың 17 кент және ауылдық округ әкімдері қатысуға ниет білдіріп, құжаттарын тапсырды. Құжаттары талаптарға сәйкес келген 7 әкімнің жұмысының тиімділігіне халықтың қанағаттануын өлшеу үшін облыс әкімдігінің ресми сайтында онлайн сауалнама жүргізілді.
Сауалнама қорытындысы бойынша тұрғындардың пікірімен Тасбөгет кентінің әкімі Пахуатдин Шамұратов, Ақсуат ауылдық округінің әкімі Мәмбетәлі Ақмырзаев және Нағи Ілиясов ауылдық округінің әкімі Сағадат Нұрмағанбетов ең көп балл жинап, өңірлік конкурстық комиссияның отырысында қаралды.
Өңірлік конкурстық комиссия отырысында үміткер әкімдердің атқарған жұмыстары, коронавирус инфекциясының таралуы жағдайында карантин шараларының сақталуы, тұрғындарды ақпараттандыру жұмыстарының жүргізілуі, халықпен кері байланыстың орнатылуы, жазған эсселері, жеке жобалық жұмыстары, мемлекеттік қызметшінің этикасын сақтауы, тұрғындар арасында жүргізілген сауалнама нәтижесі жан-жақты талқыланды.
Комиссия отырысының қорытындысымен Сырдария ауданы, Нағи Ілиясов ауылдық округінің әкімі Сағадат Нұрмағанбетұлы Нұрмағанбетов «Үздік ауыл әкімі» республикалық конкурсының өңірлік кезеңінің жеңімпазы болып танылды.
Ендігі кезекте, Сағадат Нұрмағанбетов Сыр елінің атынан конкурстың республикалық деңгейіне қатысып, бағын сынайтын болады.
<img src="https://kyzylorda-news.kz/wp-content/uploads/2020/07/foto-saghadat-nurmaghanbetov.jpg" alt="" />

Қызылордада «Үздік ауыл әкімі» конкурсының өңірлік жеңімпазы анықталды

<a href="https://kyzylorda-news.kz/">Kyzylorda-news.kz.</a> Биыл ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешені саласындағы мамандарға әлеуметтiк қолдау шараларын көрсету қағидаларын бекіту туралы бұйрығына өзгерістер енгізіліп, мемлекеттік көрсетілетін қызмет стандарты жаңадан бекітілді. Бұл туралы Өңірлік коммуникациялар қызметінің ақпарат алаңында өткен брифингте облыстық экономика және бюджеттік жоспарлау басқармасы басшысының орынбасары Алмагүл Нұрасылова баяндады.
<blockquote>
 «Енгізілген өзгерістерге сәйкес «Дипломмен ауылға» бағдарламасымен барған маман тұрғын үй сатып алуға бюджеттік кредит түріндегі әлеуметтік қолдау шаралары арқылы жақын туыстарынан тұрғын үй-жай сатып ала алмайды. Кредиттік бюродан несие тарихын ұсынады және кез келген несие бойынша берешек болған жағдайда оларды толық өтеген сәтке дейін берілмейді. Сондай-ақ, «Дипломмен ауылға» бағдарламасы бойынша жұмысқа орналасқан жағдайда құжаттарды «Азаматтарға арналған үкімет» мемлекеттік корпорациясы» коммерциялық емес акционерлік қоғамы немесе электронды веб-порталы арқылы ұсынады»,-деді Алмагүл Рахманбердіқызы.
</blockquote>
Сонымен қатар, өңірде «Дипломмен ауылға» жобасы аясында ауылдық елді мекендерге барып, білім, денсаулық сақтау, мәдениет, спорт, әлеуметтік қамсыздандыру, агроөнеркәсіптік кешені саласы бойынша жұмысқа орналасқан 378 маманға жергілікті бюджеттен біржолғы көтерме жәрдемақы төленді. Ал 549 маманға жеңілдетілген несиемен тұрғын үй алуға немесе салуға республикалық бюджеттен қаржы бөлінді.
Қазіргі таңда, жоба аясында ауылдық елді мекенге барған маман жұмысқа орналасқан жағдайда 100 айлық есептік көрсеткіш (2778*100 АЕК=277 800 теңге) көлемінде біржолғы көтерме жәрдемақы алады. Ал тұрғын үй салу немесе сатып алу үшін 1500 айлық есептік (1500*2778 АЕК=4 167 000 теңге) көрсеткіштен аспайтын көлемде 15 жылға дейінгі мерзiмге жылдық 0,01 % сыйақы мөлшерлемесімен бюджеттік несие түрінде әлеуметтік қолдау шараларын алу мүмкіндігі бар.

&#8220;Дипломмен ауылға&#8221; бағдарламасына өзгерістер енгізілді

<a href="https://kyzylorda-news.kz/">Kyzylorda-news.kz.</a> Тамыз айында карантин екі аптаға созылатындықтан азаматтарға 42 500 теңгенің орнына – 21 250 теңгеден берілетін болды.
Осы соманы алу үшін азаматтар өтінімді қайта беруі керек пе? Бұл сұраққа Орталық коммуникациялар қызметінде өткен баспасөз мәслихатында Үкімет басшысының орынбасары Ералы Тоғжанов жауап берді, деп хабарлайды <a href="https://lenta.inform.kz/kz/21-250-tenge-ushin-azamattar-otinimdi-kayta-berui-kerek-pe_a3678418">ҚазАқпарат</a>.
<blockquote>
 «Бүгінгі күнге дейін 2,1 млн адам, соның ішінде проактивті форматта да 42 500 теңгені алған болатын (шілде үшін). Қазіргі уақытта бұл шаруамен Еңбек және халықты әлеуметтік қорғау министрлігі айналысып жатыр. Бұрын бір реттік әлеуметтік төлемді алған азаматтардың мәліметтері базада бар. Сондықтан оларға проактивті форматта төлем тағайындалады», – деді Үкімет басшысының орынбасары.
</blockquote>

21 250 теңге үшін азаматтар өтінімді қайта беруі керек пе?

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырған 2913 адам тіркелсе, 1994-і емделді. Көрсеткіш 68,5 пайызды құрайды. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сабит Пазилов баяндады.
<blockquote>
 «Облыста 2 405 төсек-орын бар. Оның 645-і инфекциялық төсек орын болса, 1 760-ы провизорлық. Бүгінгі күні инфекциялық стационарда 263 науқас, провизорлық стационарда 573 азамат ем алуда. Жүктеме инфекциялық стационарда 41 пайызды құраса, провизорлық стационарда 33 пайыз. Сондай-ақ, провизорлық төсектерге сұраныстың азаюына байланысты Теміржол ауруханасындағы 40 төсек пен тері-венерологиялық диспансеріндегі 60 төсек орын өзінің жұмысын тоқтатты. Тамыз айының басынан бастап жоспарлы түрде ауруханаларға жату жұмыстары да кезең-кезеңімен іске асырылатын болады»-, деді облыстық бас дәрігер
</blockquote>
Эпидемиологиялық ахуал күрделенген кезде кислородты баллондарды, жасанды өкпе желдеткіш аппараты, оттегі концентраторын пайдалану саны күрт артқан болатын, ал бүгінгі таңда бұл аппараттарға қажеттілік азайып отыр. Күні кеше «Шұғыла» қайырымдылық қоры есебінен 200 кислород концентраторы аймағымызға жеткізіліп, медициналық мекемелерге таратылды. Аталған құрылғының саны 353-ге жеткізілді.

Қызылордада коронавирустан 1994 адам  емделіп шықты

<a href="https://kyzylorda-news.kz/">Kyzylorda-news.kz.</a> Құрбан айт – мұсылмандардың ұлы екі мерекесінің бірі. Исламдағы айттар (мерекелер) үлкен ерекше мән-мағынаға ие. Мәселен, Ораза айт Рамазан айында бір ай бойы ұсталған оразадан кейін келсе, Құрбан айт Зұл-хижжа айының қасиетті алғашқы он күндігінде жетеді. Бес парыздың бірі болған қажылық та осы күндері басталады.
Бұл күндер жылдың ең қасиетті күндері болғандықтан, онда жасалған ізгі амалдардың жеке тұлға және қоғам үшін көптеген ерекшеліктері мен игі әсерлері бар. Мәселен, құрбандық шалушылар құрбандық етін және одан басқа азық-түлік тарату арқылы жақындары, көршілері, соның ішінде мұқтаж жандарға қуаныш сыйлап, пайдасын тигізеді.
Құрбан айттың құрметіне жайылған дастархан қоғам мүшелері арасында туыстық, көршілік, достық және әріптестік қарым-қатынастардың нығаюына әсер етеді. Сондықтан, елімізде кең тараған, бірақ соңғы уақытта ұмытылып бара жатқан «айттау» дәстүрі осы сәтті пайдаланып жақындардан хабар алу, олардың арасында көмекке мұқтаж болғандары болса, олар қол ұшын созу, қажеттіліктерін өтеу, туындаған мәселелерін шешу сияқты туыстық қатынасты күшейтуде ерекше маңызға ие болған. Одан бөлек Меккеге қажылық рәсімін өтеу үшін дүниенің шартарабынан келген мұсылмандар, ұлтына, түр-сыйпатына қарамастан бірге құлшылықтарын атқарып, әлем елдерінің өзара ауызбіршілігін, сыйластық және ынтымақтастығын арттыруға&nbsp; оң ықпал етеді.
Кәусар сүресінде келген: «Раббыңа арнап намаз оқы, құрбандық шал» деген аят басшылыққа алынып, құрбан шалудан бұрын айт намазы оқылу керек еді. Алайда, Қазақстан мұсылмандары діни басқармасының шешімі бойынша, пандемия жағдайына байланысты, биыл айт намазы оқылмайды және құрбан шалу рәсімі мешіттерде жүзеге асырылмайды. Бірақ, үйінде құрбандық шалуға мүмкіндігі болмағандар бұл рәсімді <a href="http://www.qurban2020.kz/">www.qurban2020.kz</a> сайты арқылы өтей алады. Сонымен бірге, мұқтаж жандар ет алуға өтініштерін қалдырса болады.
Әлбетте, көпшілік болып айт намазын оқу немесе құрбан шалуға адамдарды шоғырландыру секілді шараларды уақытша тоқтату адамдардың өмірін сақтауды, індеттің таралуына жол бермеуді көздейді. Осыны ескере отырып, азаматтарымызды төзімділік танытып, түсіністікпен қарауға, тәртіпті сақтап, тазалық ережелерін басшылыққа алуға шақырамыз. Құрбан айт елімізге құтты болғай!
Сержан АНДАРБАЕВ,
Облыстық ішкі саясат басқармасының
Дін мәселелерін зерттеу орталығының маманы

ҚҰРБАНДЫҚ ШАЛУ – ЖАРАТУШЫҒА БОЙСҰНУДЫҢ АЙҚЫН КӨРІНІСІ

Kyzylorda-news.kz. Қызылорда облысының әкімі Гүлшара Әбдіқалықова Құрбан айт мерекесімен құттықтады.
Құрметті жерлестер! 
Қадірлі әлеумет!
Баршаңызды мұсылман қауымының ең ұлық мерекесі – қасиетті Құрбан айт мейрамымен Сыр жұртшылығы атынан шын жүректен құттықтаймын. 
Бүгінде елімізде түрлi ұлт өкілдері мен конфессиялар тату өмiр сүруде. Олардың арасындағы достықтың нығаюы және дiни жоралғылардың өз дәрежесiнде жүргізілуі Конституциялық заңдылықпен қорғалған.
Елбасы Нұрсұлтан Әбішұлы Назарбаев: «Құрбан айт – күллі мұсылман қауымын бейбітшілік пен татулыққа, өзара түсіністікке шақыратын қасиетті мейрам», – деген болатын. 
Құрбан айт мерекесі елдің береке-бірлігін бекемдеп, халықты қанағат пен қайырымдылыққа шақыруда өлшеусіз үлес қосып келеді.
Құрметті әлеумет!
Осындай ізгі ниетіміз бен амалдарымыздың, тұтастығымыз бен бірлігіміздің арқасында бір-бірімізге және жақынымызға жанашырлықпен қарап, бүгінгі қатерлі дертке қарсы тұрудамыз.
Елде белең алған індеттің алдын алу, қаупін сейілту үшін діни ғибадатханалардың уақытша жабылуына түсіністікпен қарап, имандылық иірімдерін үйінде, отбасында өткізіп жатқан аймақ тұрғындарына алғысым шексіз. 
Құрбан айт мерекесінде де жақындарымыздың амандығы мен саулығы үшін көпшілік шаралардан бас тартып, жамағат болып жиналмай, отбасында мерекелеуге шақырамын.
Мемлекет басшысы Қасым-Жомарт Кемелұлы Тоқаев айтқандай: «Бәлкім, бұл біздің бірлігімізді байқау үшін берілген сынақ шығар. Бір жеңнен қол, бір жағадан бас шығарып, ұйымдаса білсек, бұл сыннан да өтерміз». 
Қасиетті күндердегі ізгі амалдарыңыз бен ниеттеріңіз қабыл болсын! 
Құрбан айт әрбір отбасына амандық, денімізге саулық, елімізге бірлік пен ынтымақ әкелсін.
Жақындарымызға жанашыр болайық. 
Құрбан айт құтты болсын!

Қызылорда облысының әкімі Гүлшара Әбдіқалықова Құрбан айт мерекесімен құттықтады

<a href="https://kyzylorda-news.kz/">Kyzylorda-news.kz.</a> Құрбан айт – ең үлкен мұсылман мерекесі. Бүгінгі күні діни құндылықтарды насихаттауға, құрбандық шалуды жандандыруға, қоғамда қайырымдылық шараларының көптеп ұйымдастырылуына мұсылмандар тарапынан көбірек көңіл бөлінуде.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Құрбандық шалу барысында көптеген әлеуметтік жағдайы төмен отбасыларға садақа берілетіндіктен құрбандыққа дені сау, ауру-сырқаудан аман ауыл шаруашылығы жануарлары шалынуы тиіс. Ізгі ниет қабыл болуы үшін буаз немесе ауырып тұрған әлсіз жануарларды союға болмайды.
Сондықтан құрбандыққа шалынар жануарды жергілікті жердегі мемлекеттік ветеринариялық дәрігерге міндетті түрде тексертіп, тек қана ветеринар маманның рұқсатымен союға жіберу қажет.
Құрметті мұсылман қауым!
Құрбандыққа шалынар жануарларды мемлекеттік ветеринариялық дәрігердің клиникалық тексеруі нәтижесінде ветеринариялық құжат (ветеринариялық анықтама) рәсімделгеннен кейін арнайы мал сою орындарында сойылуын қаперге алуларыңызды сұраймыз.
Ниеттеріңіз қабыл болсын!!!
Қызылорда облысының ветеринария басқармасы

Құрбан айттағы ветеринариялық-санитариялық қауіпсіздікті сақтаңыз

<a href="https://kyzylorda-news.kz/">Kyzylorda-news.kz.</a> 31 шілдеде Қызылорда облысының кей жерлерінде найзағай, дауыл, шаңды дауыл күтіледі. Бұл туралы “Қазгидромет” РМК Қызылорда облысы бойынша филиалының хабарлады.
“Солтүстіктен, солтүстік-шығыстан жел соғады, күші кей жерлерде 15-20, күндіз екпіні 25 м/с. Күндіз өте жоғары өрт қаупі сақталады”, – делінген хабарламада.
Қызылорда қаласында 31 шілдеде таңертең және күндіз найзағай, дауыл, шаңды дауыл, солтүстік-шығыстан екпіні 15-20 м/с жел күтіледі.

Қызылорда облысында ауа райына байланысты ескерту жарияланды

Дүниежүзілік рейнджер күні
Жыл сайын аталып өтіледі. Халықаралық рейнджер федерациясы (International Ranger Federation, IRF) бекіткен. Алғаш рет 2007 жылы IRF-тің 15 жылдығына орай аталып өтілді. Рейнджерлер – ерекше қорғалатын табиғи аумақтардағы – қорықтар, ұлттық парктер, жабайы табиғат резерваттары және басқа да нысандардағы жабайы аңдарды браконьерлерден қорғайтын адамдар.
1929 жылы&nbsp;белгілі ғалым-астроном Николай Степанович Черных сансыз жұлдыздардың арасынан белгісіз №2402 ғаламшарды ашып, оны ғұлама ғалым Қаныш Сәтбаевтың есімімен атады. Шағын ғаламшар Жерге әрбір 5 жылда жақын келеді.
1959 жылы&nbsp;Қазақ ССР Жоғарғы Кеңесі Президиумының Жарлығымен Ақтау елді мекені жұмысшы кенті санатына енді. Оған Ақтау кенті деген атау берілді.
2005 жылы&nbsp;«Қазпошта» АҚ «Сәулет» сериясынан Бейбітшілік және келісім сарайы бейнеленген жаңа пошта маркасын айналымға енгізді. Марканың тиражы – 50 000 дана. Бейбітшілік және келісім сарайы Қазақстан халқының конфессияаралық келісімін нығайтады. Оның құрылысы туралы шешiм 2003 жылы Әлемдік дәстүрлі діндер съезінде қабылданған болатын. Ғимарат Есіл өзенінің сол жақ жағалауында орналасқан.

31 шілде: Атаулы күндер мен оқиғалар

Kyzylorda-news.kz. Бұл туралы ҚР Премьер-министрінің орынбасары Ералы Тоғжанов мәлімдеді.
<blockquote>
 «Мемлекет басшысының тікелей тапсырмасы бойынша тамыз айында карантин шараларын ұзартуға байланысты табысынан айырылған қазақстандықтарға әлеуметтік төлем жасалады. Ұзартылған карантин мерзімі екі апта болғандықтан, төленетін қаржы да 42 500 теңгенің жартысын құрайды»,- деді ол Орталық коммуникациялар қызметіндегі брифинг барысында.
</blockquote>

Қазақстан және Қызылорда облысының жаңалықтары

Сенат депутаты Мұрат Бақтиярұлы Қармақшы ауданында болды

Қызылорда облысында найзағай ойнап, шаңды дауыл тұрады

Қызылордада «Үздік ауыл әкімі» конкурсының өңірлік жеңімпазы анықталды

“Дипломмен ауылға” бағдарламасына өзгерістер енгізілді

21 250 теңге үшін азаматтар өтінімді қайта беруі керек пе?

Қызылордада коронавирустан 1994 адам емделіп шықты

ҚҰРБАНДЫҚ ШАЛУ – ЖАРАТУШЫҒА БОЙСҰНУДЫҢ АЙҚЫН КӨРІНІСІ

Қызылорда облысының әкімі Гүлшара Әбдіқалықова Құрбан айт мерекесімен құттықтады

Құрбан айттағы ветеринариялық-санитариялық қауіпсіздікті сақтаңыз

Қызылорда облысында ауа райына байланысты ескерту жарияланды

31 шілде: Атаулы күндер мен оқиғалар

21 250 теңге: Тамыз айында табысынан айырылған азаматтарға әлеуметтік төлем беріледі

Қазақстан және Қызылорда облысының жаңалықтары

Сенат депутаты Мұрат Бақтиярұлы Қармақшы ауданында болды

Қызылорда облысында найзағай ойнап, шаңды дауыл тұрады

Қызылордада «Үздік ауыл әкімі» конкурсының өңірлік жеңімпазы анықталды

&#8220;Дипломмен ауылға&#8221; бағдарламасына өзгерістер енгізілді

21 250 теңге үшін азаматтар өтінімді қайта беруі керек пе?

Қызылордада коронавирустан 1994 адам емделіп шықты

ҚҰРБАНДЫҚ ШАЛУ – ЖАРАТУШЫҒА БОЙСҰНУДЫҢ АЙҚЫН КӨРІНІСІ

Қызылорда облысының әкімі Гүлшара Әбдіқалықова Құрбан айт мерекесімен құттықтады

Құрбан айттағы ветеринариялық-санитариялық қауіпсіздікті сақтаңыз

Қызылорда облысында ауа райына байланысты ескерту жарияланды

31 шілде: Атаулы күндер мен оқиғалар

21 250 теңге: Тамыз айында табысынан айырылған азаматтарға әлеуметтік төлем беріледі

“Дипломмен ауылға” бағдарламасына өзгерістер енгізілді