<a href="https://kyzylorda-news.kz/">Kyzylorda-news.kz.</a> Қазгидромет 8 желтоқсанға арналған ауа райы болжамын жариялайды.
Атмосфералық ауа ағындардың әсерінен республиканың оңтүстік-шығысында және солтүстік-шығысының кей жерлерінде қар жауады. Қазақстанның қалған аймақтарында антициклон әсерінен жауын-шашынсыз ауа райы күтіледі. Республика бойынша кей жерлерде тұман, жаяу бұрқасын күтіледі, солтүстікте жел күшейеді.

8 желтоқсанға арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a>&nbsp;Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды «Қазгидромет».
8 желтоқсанда&nbsp;Қарағанды облысының&nbsp;кей жерлерінде тұман түседі.
Шығыс Қазақстанның&nbsp;Өскемен, Риддер қалаларында, Жаңа Бұқтырма кентінде 8 желтоқсан сағат 21.00 дейін екінші дәрежелі қолайсыз метеорологиялық жағдай сақталады.
8 желтоқсан да&nbsp;Ақмола облысында&nbsp;кей жерлерде тұман түседі, аймақта және Көкшетау қаласында жаяу бұрқасын соғады.
Оңтүстік-батыстан және батыстан жел соғады, кей жерлерде желдің күші 15-20 м/с жетеді.
Нұр-Сұлтан қаласында&nbsp;түнде және таңертең тұман түседі.
8 желтоқсан түнде&nbsp;Маңғыстау облысының&nbsp;солтүстігінде 22°С дейін қатты аяз сақталады.
8-10 желтоқсанда&nbsp;Түркістан облысының&nbsp;кей жерлерінде және Түркістан қаласында тұман түседі.
Шымкент қаласында&nbsp;да 8-9 желтоқсанда кей уақытта тұман болады.
8 желтоқсанда&nbsp;Солтүстік Қазақстан облысының&nbsp;кей жерлерінде тұман түседі, Петропавл қаласында боран соғады.
Батыстан және солтүстік-батыстан соққан желдің қарқыны – 15-20 м/с.

7 өңірде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> 2020 жылғы қараша айы жаңа рекорд орнатып, тарихтағы ең жылы қараша болды. Бұл туралы Copernicus спутниктік мониторингінің еуропалық бағдарламасы хабарлады.
<blockquote>
 «Әлемдік масштабта 2020 жылдың қараша айы тарихтағы ең жылы қараша болды. Бұл ай 1981 жылдан 2010 жылға дейінгі қараша айларының орташа деңгейіне қарағанда 0,77 Цельсий градус жылы болды. Бұған дейін 2016 және 2019 жылдың қарашаларында тіркелген рекордтық көрсеткіштерден 0,13 градус жоғары болды», – делінген.
</blockquote>
Қарашада рекордтық жоғары температура Сібірде, Солтүстік Мұзды мұхитта, Аляскада және Канаданың солтүстік-батысында тіркелген.

2020 жылдың қараша айы рекорд жаңартты

<a href="https://kyzylorda-news.kz/">Kyzylorda-news.kz.</a>&nbsp;Қазақстанның бас мемлекеттік санитар дәрігері Ерлан Қиясов коронавирустың таралуына жол бермеу туралы қаулысына өзгеріс енгізді, деп хабарлайды&nbsp;<a href="https://sputnik.kz/">Sputnik Қазақстан</a>.
<a href="https://www.gov.kz/memleket/entities/kkkbtu/press/news/details/132373?lang=kk">Жаңа қаулыға</a>&nbsp;сәйкес, Қазақстанға шетелден келетін барлық жолаушы ПТР-тест теріс нәтижесі бар анықтаманы көрсетуі тиіс. Бұған дейін ондай талап әуе рейстерінде ғана болған. Енді, теміржол мен теңіз қатынасымен, сондай-ақ, автобекеттер арқылы шекарадан өткен адамдар да ПТР-тест анықтамасын алып жүруге міндетті болады. Анықтаманың мерзімі – 3 күн. Дегенмен, кейбір санаттағы адамдар тест нәтижесін көрсету міндетінен босатылған. Олар:&nbsp;
<ul>
<li>5 жасқа дейінгі балалар;</li>
<li>Қазақстан Республикасының үкіметтік делегациялары;</li>
<li>локомотив бригадаларының мүшелері;</li>
<li>теміржол, теңіз және өзен көлігіндегі тасымалдау қызметімен байланысты адамдар;</li>
<li>әуе компанияларының экипажы.</li>
</ul>
Бұдан бөлек, бас мемлекеттік санитар дәрігер перзентханада босану кезінде көмекші адамның кіруіне рұқсат берді. Алайда оның 3 тәуліктен аспаған ПТР-тест анықтамасы болуы шарт.
Айта кетсек, өткен тәулікте елде 712 адам COVID-19 жұқтырды.&nbsp;Жалпы пандемия басталғалы 136 983 тұрғын індетке шалдықты.

Бас санитар дәрігердің жаңа қаулысы шықты: ертеңнен бастап не өзгереді

<a href="https://kyzylorda-news.kz/">Kyzylorda-news.kz.</a>&nbsp;Қызылордада мыс&nbsp; өнімдерін&nbsp; ұрлағандар ұсталды.
Ағымдағы жылдың 4 желтоқсанында Байқоңыр ғарыш аймағының алаңынан 30 келіге жуық мыс өнімдерінің&nbsp; ұрланғандығы жөнінде полицияға арыз түсті. &nbsp;
Арыз түскеннен жедел іздестіру жұмыстарына кіріскен&nbsp; полицейлер &nbsp;ұрлыққа күдікті Байқоңыр қаласының 2 тұрғынын ұстады. &nbsp;
Бүгінгі күні күдіктілерге қатысты Қазақстан Республикасы Қылмыстық кодексінің 188 бабының 2 бөлігімен&nbsp;&nbsp; (ұрлық) сотқа дейінгі тергеп – тексеру амалдары басталып, істің мән-жайлары анықталуда. Полицейлер күдіктілерді басқа да қылмыстарға қатыстылығын тексеріп жатыр.

Байқоңыр ғарыш айлағынан мыс ұрлағандар ұсталды

<a href="https://kyzylorda-news.kz/">Kyzylorda-news.kz.</a> Қостанай қаласында грепплинг және грепплинг гиден ересек ерлер мен әйелдер арасында өткен ҚР чемпионатында қызылордалық спортшылар жоғары дәрежеде өнер көрсетті.
Қаладағы Қажымұқан Мұңайтпасұлы атындағы спорт клубының спортшылары ел біріншілігінде 4 алтын, 1 күміс, 9 қола медалді иеленіп, жалпы командалық есепте 17 құраманың арасында 3 орынға жайғасты.
Әлем мықтыларымен түрлі додаларда шеберлік сынасып, тегеурінді текетіресіп, ел мерейін асырып жүрген Ғани Әділсерік Қазақстан чемпионатында қарсыластарына дес бермей, шеберлігін тағы бір мәрте дәлелдеп, тұғыр биігіне көтерілді. Ал әйелдер арасында боз кілемге шыққан жерлесіміз Руза Дуктурбаева грепплингтің екі түрінен де жеңімпаз атанып, қос алтынмен қоржынымызды молайтса, өз салмағында шеберлігімен дараланған Арайлым Ханзада да алтын медальді иеленді. Осылайша Бақыт Ташимов жаттықтыратын бұрымдылар 3 алтын медальды қоржынға салып, Қазақстан Чемпионы атанды.
Жарыстағы жалғыз күміс жүлдені ерлер арасында сынға түскен Данияр Абубакиров қанжығаласа, 9 жерлесіміз біріншіліктің қола жүлдегері болды. Айта кетейік, Сыр спортшыларын шыңдап, ел чемпионатына дайындаған білікті бапкер, грепплингтен облыстың аға жаттықтырушысы Арман Маделханов.
<img src="https://kyzylorda-news.kz/wp-content/uploads/2020/12/20201207_114243.jpg" alt="" />
<img src="https://kyzylorda-news.kz/wp-content/uploads/2020/12/20201207_114305.jpg" alt="" />
<img src="https://kyzylorda-news.kz/wp-content/uploads/2020/12/20201207_114336.jpg" alt="" />

ҚР чемпионатында қызылордалық спортшылар жоғары дәрежеде өнер көрсетті

<a href="https://kyzylorda-news.kz/">Kyzylorda-news.kz.</a> Алена Полынь есімді астролог жаңа 2021 жылы&nbsp;жұлдыз жорамал белгілерін не күтіп тұрғанын айтты. Сиыр жылында кім қандай қиындықтарға ілігуі мүмкін екеніне шолу жасады, деп хабарлайды&nbsp;<a href="https://stan.kz/">Stan.kz</a>.
Өзіне бабалардан берілген қасиеті бар екенін айтатын әйел сиыр жылында дүниеге келгендерді қиындықтар күтіп тұрғанын айтады:&nbsp;&nbsp;1925, 1937, 1949, 1961, 1973, 1985, 1997, 2009, 2021. Әсіресе, мына даталарда дүниеге келгендер бұл сөзге ерекше құлақ асуы тиіс: 1961, 1973, 1985, 1997.
Айтуынша, егде жастағы адамдар сиыр жылы жақсы қарым-қатынас танытпақ, сондықтан оларға барлық тиісті шараны ұстану міндетті емес.&nbsp;
<blockquote>
 “Өзіміз білетіндей қытайлық жорамалда 12 жылдық цикл бар. Дана адамдар әр 12 жыл сайын жылдың қожайыны қайтып келіп, осы жылы дүниеге келгендерді сұрақ астына алады деп айтады. Сол сияқты сиыр да&nbsp;келіп, адамдардан&nbsp;өткен 12 жылда не істегендерін сұрайды. Егер адам шын мәнінде тырысып, көп жақсылық жасаса, сиыр оны марапаттайды. Ал еген 12 жыл бойы өміріне налы болып жүрген болса, сиыр осы жылы туғандарға қатал қарайды”, – дейді астролог.
</blockquote>
Оның сөзінше, барлық салада күрт өзгерістер болады: әлеуметтік өмір өзгереді, отбасылық статус пен мәдениет, тұрмыс, дін де өзгеріске ұшырайды.
Өзгерістерге тез бейімделмейтіндерді үлкен проблемалар күтіп тұр, дейді ол.

Астролог жаңа 2021 жылы кімдерді қиындық күтіп тұрғанын айтты

<a href="https://kyzylorda-news.kz/">Kyzylorda-news.kz.</a>&nbsp;Короновирус инфекциясымен күреске атсалысқан 100 медицина қызметкеріне Ақмола облысы, Бурабайда орналасқан Щучинск демалыс орнына тегін жолдама берілді.
Сондай-ақ, кәсіподақ ұйымдарының мүшелеріне 30 пайыздық жеңілдікпен демалыс орындарына жолдама қарастырылды. Бұл туралы Өңірлік коммуникациялар қызметінің ақпараттық алаңында облыстық кәсіподақтар орталығының төрағасы Серік Сермағамбетов мәлімдеді.
Төтенше жағдай жарияланған наурыз айынан бастап облыстағы кәсіподақ ұйымдарымен барлығы 37 453 500 теңге қаражат қолдау шараларына жұмсалды. Оның ішінде 28 миллион 851 мың қаражатқа қайырымдылық көмек көрсетілсе, 8 миллион 602 мың қаражат кәсіподақ ұйым мүшелеріне бетперде, антисептик секілді қорғаныш құралдары алынды. Пандемияға байланысты облыстық кәсіподақтардың арнайы штабы құрылды. Еңбек ұжымдарындағы ахуалға қатысты күнделікті мониторинг жүргізді.
<blockquote>
 “Өздеріңіз білесіздер, карантин талаптары күшейтілген тұста көпшілігі қашықтықтан жұмыс жасады. Жұмысшылардың ақылы, ақысыз демалысқа шығуы, қашықтықтан жұмыс жасауы, еңбекке жарамсыздық туралы шұғыл ақпараттар жинақтадық. Түрлі мәселелер туындады. Вахталық жұмыскерлердің жұмыс режимдері, олардың тесттен өтуі, жұмысқа бармаған жұмыскерлердің жалақысы сақталуы, қаладағы үздіксіз жұмыс жасайтын стратегиялық маңызы бар жұмыс орындарының, медицина мекемелері жұмыскерлерінің жұмысқа қатынауы. Кемшіліктерді дер кезінде анықтап, қалыпқа келтіруіне атсалыстық. Арнайы қызу желісін іске қостық. Бүгінге дейін 886 хабарлама түсіп, барлығына жауап берілді”, – деді облыстық кәсіподақтар орталығының төрағасы Серік Сермағамбетов.
</blockquote>
<img src="https://kyzylorda-news.kz/wp-content/uploads/2020/12/130311131_1184831758579001_7006550631807099234_o.jpg" alt="" />

Қызылордада 100 медицина қызметкеріне тегін жолдама берілді

<a href="https://kyzylorda-news.kz/">Kyzylorda-news.kz.</a>&nbsp;Елімізде жарияланған төтенше жағдайдан кейін жұмысын бастаған қалалық халыққа қызмет көрсету орталықтарында коронавирус пандемиясына байланысты өзіне-өзі қызмет&nbsp; көрсету секторларының жұмысы шектелген болатын. ҚР Цифрлық даму, инновациялар және аэроғарыш өнеркәсібі министрі Бағдат Мусиннің тапсырмасымен бұл аймақтардың жұмысы 30 қарашадан бастап қайта жанданды.
Бүгінде республикалық және облыстық маңызы бар қалаларда 137 &nbsp;өзіне-өзі қызмет көрсету аймағы іске қосылды. Онда азаматтарға кеңес беру үшін мыңнан астам қызметкер тартылды. Келушілер ондағы компьютерлер арқылы керекті анықтамалар мен электронды қызметтерді өз беттерінше ала алады. Өзіне-өзі қызмет көрсету секторындағы ең көп алынатын қызметтерге ЭЦҚ рәсімдеу, соттылықтың болуы/болмауы туралы, наркологиялық және психоневрологиялық диспансерлердің есебінде болмау туралы анықтамалар алу, тұрғылықты жер бойынша тіркелу және емханаға тіркелу кіреді.
Естеріңізге сала кетейік, карантин уақыты барысында электронды қызметтерді алу үшін қалалардағы сауда орындары, жоғары оқу орындары, қала әкімдігі сияқты азаматтар көп баратын жерлерде 700-ден астам egov бұрыштары іске қосылған болатын. Онда компьютері немесе интернет байланысы жоқ азаматтар қажетті анықтамалар мен қызметтерді рәсімдейтін. Аталған бұрыштар әлі де қызметін жалғастыратын болады.
Бұған дейін тегін алуға болатын электронды қызметтерді ақылы түрде ұсынатын мекемелердің жұмысына байланысты азаматтардың шағымы көбейген болатын. Азаматтарға арналған үкімет мемлекеттік корпорациясы олардың жұмысына еш қатысы жоқтығын және анықтамаларды алу үшін бөгде азаматтарға жеке мәліметтерді ұсыну қауіпті екенін ескертеді.&nbsp;
Мемлекеттік корпорация қайта жанданған өзіне-өзі қызмет көрсету аймақтарында барлық санитарлық нормалардың сақталуын қамтамасыз етеді. Сондай-ақ өздігінен қызмет алушыларға бетперде тағып, арақашықтықты сақтау қажеттігін еске салады.
<img src="https://kyzylorda-news.kz/wp-content/uploads/2020/12/img_0386-scaled.jpg" alt="" />

ХҚО-да өзіне-өзі қызмет көрсету бұрыштарының жұмысы қайта жанданды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы әкімінің орынбасары Серік Ахмет қаладағы «Айтбай» мешіті және православие шіркеуінің жұмысымен танысып, дін қызметкерлеріне Тәуелсіздік күніне арналған мерекелік марапаттарды табыстады.
Бір жарым ғасырлық тарихы бар «Айтбай» мешітінің жанынан қосымша ғимарат салынып жатыр. Жаңа ғимаратта дәрісхана мен кітапхана орналасады. Сонымен қатар мешіт ауласына абаттандыру жұмыстары жүргізілуде.
Дін өкілдерімен кездесу барысында облыс әкімінің орынбасары зайырлы мемлекеттегі, мәдениетаралық және конфессияаралық келісімді сақтауда, егемен елдің дамуына өз үлесін қосып жүрген сала өкілдерін облыстың «Құрмет» грамотасымен, облыс әкімінің «Алғыс хатымен», «Қазақстан халқы Ассамблеясының 25 жылдығы» медалі марапаттады.
<blockquote>
 “Алдымен сіздерді алда келе жатқан Қазақстан Республикасының «Тәуелсіздік күні» мерекесімен құттықтаймын. Сонымен бірге биылғы жылы Қазақстан Мұсылмандары діни басқармасының құрылғанына 30 жыл толды. Дін – адамзат пен қоғам үшін мәдени өркениеттің маңызды ошағы. Сондықтан, ел тәуелсіздігінің 30 жылдық тұрақты дамуы жолында қоғамда бейбітшілік пен келісімді сақтауда Сіздердің де еңбектеріңіз ерен деп білеміз”, – деді облыс әкімінің орынбасары Серік Ахмет.
</blockquote>
Құрметке бөленгендердің қатарында «Зекет» қайырымдылық қорының облыстағы жетекшісі Оңталап Жидебаев та бар. Ол жабыққан жандардың жанынан табылып, 18 отбасының баспана мәселесін шешуге үлес қосты.
<img src="https://kyzylorda-news.kz/wp-content/uploads/2020/12/130299553_1184828538579323_9025922929688763537_o.jpg" alt="" />
<img src="https://kyzylorda-news.kz/wp-content/uploads/2020/12/130319523_1184828428579334_5964296758209260550_o.jpg" alt="" />
<img src="https://kyzylorda-news.kz/wp-content/uploads/2020/12/130319530_1184828468579330_8446785049319986679_o.jpg" alt="" />
<img src="https://kyzylorda-news.kz/wp-content/uploads/2020/12/130301495_1184828381912672_3958988198608982411_o.jpg" alt="" />
<img src="https://kyzylorda-news.kz/wp-content/uploads/2020/12/130409758_1184828295246014_8710924186179260004_o-1.jpg" alt="" />

Қызылордада дін қызметкерлері марапатталды

<a href="https://kyzylorda-news.kz/">Kyzylorda-news.kz.</a> COVID-19 пандемиясынан туындаған жаһандық дағдарыс Қазақстанның оңтүстігіндегі ұсақ шаруа қожалықтарына айтарлықтай қиындық тудыруда.
Қызылорда облысы фермерлерінің сортаң топырақты қолдануға мәжбүр болатындығы және жыл сайын құрғақшылыққа тап болатынынан өзге, пандемия, шекаралардың жабық болуы және 2020 жылы адамдардың жүріп-тұруына айтарлықтай шектеулер енгізілуі салдарынан шаруалар ішкі еңбек мигранттарынан қосымша ресурстар алудан, сондай-ақ көршілес елден келген мигранттардың көмегінен айырылды.
Осыған орай, БҰҰ жанындағы Азық-түлік және ауыл шаруашылық ұйымының Қазақстандағы өкілдігінің басшысы “Орталық Азия мен Түркияның құрғақшылыққа бейім және сортаңдалған ауылшаруашылық өндірісінің ландшафттарында табиғи ресурстарды кешенді басқару” жобасы аясында COVID-19-тен ең көп зардап шеккен шаруа қожалықтарына тегін жоңышқа тұқымы түрінде бір реттік көрсету туралы шешім қабылдады.
ФАО-ГЭФ аймақтық жобасының ұлттық командасы Кәсіпкерлер палатасы, Қызылорда облысы әкімдігі және облыстық ауыл шаруашылығы басқармасы мамандарымен бірлесіп, жергілікті жердегі жағдайды зерттеп, Қызылорда облысының пилоттық аумағындағы ең осал және ең көп зардап шеккен фермерлер мен үй шаруашылықтарының тізімін жасады, оның құрамына он төрт шаруа қожалығы кірді. Олар Сырдария, Шиелі, Жалағаш және Қазалы аудандары, сондай-ақ Қызылорда қалалық әкімшілігіне қарасты ауылдық округтердегі бірнеше шаруа қожалықтары.
Жалпы құны 4,2 млн теңгені құрайтын құрғақшылыққа төзімді жоңышқа тұқымдары БҰҰ азық-түлік және ауыл шаруашылық ұйымының аймақтық жобасының ашық сатып алу рәсімдеріне сәйкес жарияланған ашық тендер арқылы сатып алынды.
<blockquote>
 «Бүгін алған жоғары сапалы құрғақшылыққа төзімді тұқым материалдары Сіздердің шаруа қожалықтарыңыздың тұрақтылығы мен отбасыларыңыздың әл-ауқатын сақтауға көмектеседі деп үміттенеміз», – деді 4 желтоқсан, жұма күні виртуалды форматта өткен тұқым беру рәсімінде аймақтық жобалар үйлестірушісі Махмуд Шаумаров.
</blockquote>
Қызылорда облысының ауыл шаруашылығы басқармасының бөлім басшысы Зүбайда Садақбаев шарада мемлекет фермерлерді қиыншылыққа қалдырмай, оларға қолдау көрсетіп отырғанын, жоғары сапалы тұқымдардың да маңызы зор екенін атап өтті. Сонымен қатар, жоңышқа шаруашылықтардың мал азығына қажеттіліктерін қанағаттандырып қана қоймай, топырақтың құрамын едәуір жақсартатындығын жеткізді.
<blockquote>
 «Төтенше жағдай және карантин жағдайында кәсіпкерлер, оның ішінде аграрлық сектордағылар қиын жағдайға тап болды және біз ИСЦАУЗР-2 жобасына қиын жағдайда уақытылы көмек көрсеткені үшін өте ризамыз», – дейді Қызылорда облысы кәсіпкерлер палатасының бөлім бастығы Жасұлан Серіков.
</blockquote>

Қызылордалық шаруа қожалықтарына қолдау көрсетілді

<a href="https://kyzylorda-news.kz/">Kyzylorda-news.kz.</a> Қазалы ауданы Әйтеке би кентінен 1 қабатты 4 пәтерлі 10 жалдамалы тұрғын үй құрылысы жүргізілуде.
«Нұрлы жер» бағдарламасы аясында қаржы бөлінген. Жобада бір үйде 4 пәтер, 10 үй, барлығы 40 пәтер қаралған. Жалпы ауданы 2284,6 шаршы метр. Әр пәтер екі және үш бөлмелі.
Жалпы, кентте 2017 жылы 18 пәтерлік 5 тұрғын үйдің құрылысы басталып, өткен жылы халық игілігіне берілді. Биыл тағы 1 тұрғын үй пайдалануға беріліп, 18 отбасы баспанамен қамтамасыз етілді. Яғни, 2019 жылы 5 арендалық тұрғын үй 31 көпбалалы отбасыға, оның ішінде 18-і ата-ана қамқорлығынан айырылған және жетім балаға, 31-і әлеуметтік осал топқа, 10-ы апаттық деп танылған тұрғын үйлері бар азаматқа, ал биыл 4-і көпбалалы отбасыға, 5-і ата-ана қамқорлығынан айырылған, жетім балаға, 4-і әлеуметтік осал топқа, 5-і бюджеттік сала қызметкеріне беріледі.
Сондай-ақ, Қазалы қаласы мен Әйтеке би кентінде 2 қабатты 12 тұрғын үй құрылысы салынады. Қазіргі таңда тұрғын үйдің жоба-сметалық құжаттары әзірленуде.

Қазақстан және Қызылорда облысының жаңалықтары